RFI ខេមរភាសា / RFI Khmer
8.6K subscribers
Verified ChannelAbout RFI ខេមរភាសា / RFI Khmer
សួស្តី និងសូមស្វាគមន៍មកកាន់ WhatsApp ផ្លូវការរបស់វិទ្យុបារាំងអន្តរជាតិ RFI ខេមរភាសា! 🌎 rfi.fr/km
Similar Channels
Partido Revolucionario Moderno
LilMoGh Arena✅✅✅⚽️🏀🎾
Nicola Dell'Erba
Tileswale - B2B2C Marketplace APP
Ibrahim Transport
Original Wagner Pizzalovers
Tilines 👷🏿♂️👍🏿
Sprint TopUp Channel
( نيرمين ) اراء البنوتات بخلطاتي الطبيعية
RFI Українською
BFMTV
Shona Stone Sculptures Heritage
Generación Xbox
J.O COMMS NEWS HUB
Princess Yaz 👑
Swipe to see more
Posts
🌏📡 ពត៌មានជាតិ និង អន្តរជាតិ សំខាន់ៗ ប្រចាំថ្ងៃទី ២ ខែមិថុនា ឆ្នាំ ២០២៥៖ 🇹🇭🇰🇭💥 នៅថ្ងៃចន្ទ ទី២ ខែមិថុនា ឆ្នាំ២០២៥នេះ អង្គសមាជរបស់រដ្ឋសភា និងព្រឹទ្ធសភា បានអនុម័តគាំទ្រសេចក្តីថ្លែងការណ៍របស់លោកនាយករដ្ឋមន្ត្រីហ៊ុន ម៉ាណែត ក្នុងការនាំយកសំណុំរឿងវិវាទព្រំដែនកម្ពុជានិង ថៃទៅកាន់តុលាការយុត្តិធម៌អន្តរជាតិ ICJ នៅទីក្រុងឡាអេ ប្រទេសហូឡង់។ ប្រមុខរដ្ឋាភិបាលកម្ពុជា បានថ្លែងនៅក្នុងអង្គសមាជជាប្រវត្តិសាស្ត្រនេះថា កម្ពុជានឹងប្តឹងករណីនៅចំណុចមុំបី ករណីប្រាសាទតាមាន់ធំ-តាមាន់តូច និងករណីប្រាសាទតាក្របី ទៅកាន់តុលាការICJ បើទោះជាភាគីថៃមិនព្រមក៏ដោយ។ https://rfi.my/Bis6 🇰🇭🤝💥🇹🇭 ចាប់តាំងពីថ្ងៃទី២៨ ខែឧសភា ឆ្នាំ២០២៥មក កម្ពុជា និងថៃ បានបង្ហាញនូវភាពតានតឹងនឹងគ្នាឡើងវិញរឿងព្រំដែន។ ភាពតានតឹងនេះ ត្រូវរដ្ឋាភិបាលកម្ពុជាលើកឡើងថាបណ្តាលមកពីទាហានថៃ ដែលបានលួចវាយឆ្មក់នៅចំណុចព្រំដែនមុំបី ក្នុងខេត្តព្រះវិហារ បណ្តាលឲ្យទាហានខ្មែរម្នាក់បាត់បង់ជីវិត។ ដើម្បីបញ្ចប់វិវាទព្រំដែនជាមួយថៃ ដែលជាបញ្ហាដ៏រ៉ាំរ៉ៃ កម្ពុជាចាំបាច់ត្រូវប្រកាន់យកដំណោះស្រាយតាមរូបភាព មួយចំនួន ក្នុងនោះការឯកភាពជាតិ ក៏ជាកត្តាដ៏សំខាន់ផងដែរ។ https://rfi.my/BivH 🇷🇺🇺🇦💥 មិនធ្លាប់មានទេ និងជាប្រតិបត្តិការដ៏ជោគជ័យបំផុតមួយរបស់អ៊ុយក្រែន។ នៅថ្ងៃអាទិត្យទី១មិថុនា២០២៥ អ៊ុយក្រែនបានបើកប្រតិបត្តិការទ្រង់ទ្រាយធំមួយប្រទាក់គ្នាវាយប្រហារដោយដ្រូនលើរុស្ស៊ី ដោយដៅកម្ទេចយន្តហោះចម្បាំង។ ដ្រូនអ៊ុយក្រែនបានជ្រៀតចូលយ៉ាងជ្រៅក្នុងទឹកដីរុស្ស៊ី ដល់ទៅអាកាសយានដ្ឋានយោធារុស្ស៊ីជាច្រើនកន្លែង រាប់ទាំងតំបន់ស៊ីបេរីខាងកើតដែលស្ថិតនៅរាប់ពាន់គីឡូម៉ែត្រពីព្រំដែនអ៊ុយក្រែនផង។ វាយចំយន្តហោះចម្បាំងរុស្ស៊ីអស់ប្រមាណ៤១គ្រឿង ប្រតិបត្តិការនេះប្រព្រឹត្តទៅជួនចំពេលការចរចាអ៊ុយក្រែន-រុស្ស៊ី ជុំទីពីរត្រូវចាប់ផ្តើមនៅថ្ងៃទី២មិថុនា នៅទីក្រុងអ៊ីស្តង់ប៊ុល ប្រទេសតួកគី។ https://rfi.my/BiuU 🇵🇱🗳️ លទ្ធផលបោះឆ្នោតប្រធានាធិបតីប៉ូឡូញជុំទី២ កាលពីថ្ងៃអាទិត្យទី១មិថុនា បានបង្ហាញថា លោក ការ៉ូល ណាវរ៉ូស្គី បានឈ្នះក្លាយជាប្រជាធិបតីថ្មី។ លោកម្នាក់នេះ ត្រូវគេស្គាល់ថា ជាបេក្ខជនមកពីបក្សស្តាំជាតិនិយមជ្រុល មានទំនោរដូចលោកដូណាល់ ត្រាំ ពោលគឺស្អប់ជនបរទេស ស្អប់អន្តោប្រវេសន៍ និងមិនចង់ធ្វើសមាហរណកម្មប្រជាធិបតេយ្យ ជាមួយសហភាពអឺរ៉ុបទេ។ https://rfi.my/BivM
🌏📡 ពត៌មានជាតិ និង អន្តរជាតិ សំខាន់ៗ ប្រចាំថ្ងៃទី ៣ ខែមិថុនា ឆ្នាំ ២០២៥៖ 🇰🇭🇹🇭💥 ស្របពេលដែលរដ្ឋាភិបាលកម្ពុជាបានប្រកាសប្តឹងថៃលើសំណុំរឿងជម្លោះព្រំដែនរវាងកម្ពុជា និងថៃ ទៅកាន់តុលាការយុត្តិធម៌អន្តរជាតិ(ICJ) មេដឹកនាំប្រឆាំងលោក សម រង្ស៊ី នៅថ្ងៃទី០៣ ខែមិថុនា ឆ្នាំ២០២៥នេះ បានចូលរួមជាយោបល់ចំនួន៣ចំណុច ទាក់ទងទៅនឹងដំណោះស្រាយនៃជម្លោះព្រំដែននេះដែរ។ ចំណុចទាំង៣នេះ ត្រូវលោក សម រង្ស៊ី ចាត់ទុកថាជាអាវុធ៣ប្រភេទ ដែលកម្ពុជាត្រូវប្រើ ដើម្បីតទល់ជាមួយថៃនៅតុលាការយុត្តិធម៌អន្តរជាតិ។ តែមន្ត្រីរដ្ឋាភិបាលថា កម្ពុជាបានត្រៀមរួចរាល់អស់ហើយគ្រប់យន្តការដោះស្រាយព្រំដែនជាមួយថៃ។ https://rfi.my/Bj6I 🇰🇭🇻🇳💣 ពលរដ្ឋខ្មែរកម្ពុជាក្រោមនៅលើពិភពលោក រួមទាំងកម្ពុជានឹងប្រារព្ធខួប៧៦ឆ្នាំនៃថ្ងៃដែលបារាំងផ្ទេរដែនដីកម្ពុជាក្រោមទៅឲ្យវៀតណាមត្រួតត្រា កាលពីថ្ងៃទី៤ មិថុនា ឆ្នាំ១៩៤៩។ ក្នុងបទសម្ភាសជាមួយវិទ្យុបារាំងអន្តរជាតិRFI នៅថ្ងៃទី៣ ខែមិថុនា ឆ្នាំ២០២៥ លោក សឺន ជុំជួន អគ្គលេខាធិការ សមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ ថ្លែងថា បើទោះជាអង្គការសហប្រជាជាតិផ្តល់អនុសាសន៍ជាង៣០០ចំណុចឲ្យវៀតណាមគោរពសិទ្ធិជនជាតិដើមក៏ដោយ ក៏វៀតណាមនៅតែបន្តគាបសង្កត់កាន់តែខ្លាំងឡើងទៅលើពលរដ្ឋខ្មែរក្រោម។ បើតាម លោក សឺន ជុំជួន មានពលរដ្ឋខ្មែរក្រោម និងព្រះសង្ឃជិត២០អង្គ/នាក់ត្រូវបានចាប់ឃុំខ្លួនក្នុងឆ្នាំ២០២៣ និងឆ្នាំ២០២៤ ដោយសារតែការបញ្ចេញមតិ៕ https://rfi.my/Bj5F 🇺🇦🇷🇺💥 ភាគីចរចាអ៊ុយក្រែន និងរុស្ស៊ី បានជួបគ្នាជាលើកទី២នៅទីក្រុងអ៊ីស្តង់ប៊ុល កាលពីថ្ងៃចន្ទទី២ មិថុនា។ ការប្រជុំចរចាដែលមានរយ:ពេលត្រឹមតែមួយម៉ោងប៉ុណ្ណោះ។ ភាគីទាំងពីរបានព្រមព្រៀងគ្នាដោះដូរចំណាប់ខ្មាំងទាំងអស់ ដែលរបួសធ្ងន់ និងចំណាប់ខ្មាំងអាយុក្រោម២៥ឆ្នាំ ព្រមទាំងសន្យាប្រគល់សាកសពទាហាន ៦០០០នាក់ទៅវិញ ទៅមក។ ដោយឡែក រុស្ស៊ីនៅតែប្រកែកមិនទទួលយកសំណើបទឈប់បាញ់ទាំងស្រុង ដែលអ៊ុយក្រែនបានស្នើទេ។ https://rfi.my/Bj9D 🇰🇷🗳️ នៅល្ងាចថ្ងៃអង្គារទី ៣មិថុនា២០២៥នេះ កូរ៉េខាងត្បូងនឹងស្គាល់មុខប្រធានាធិបតីថ្មី។ បន្ទាប់ពីឆ្លងកាត់យុទ្ធនាការឃោសនាយ៉ាងខ្លីមក ថ្ងៃនេះ ក្នុងចំនួនដ៏ច្រើនខុសប្រក្រតី ពលរដ្ឋកូរ៉េខាងត្បូងជាង ៤៤,៣លាននាក់ បាននាំគ្នាទៅបោះឆ្នោតជ្រើសរើសប្រធានាធិបតីថ្មី ដើម្បីបិទបញ្ចប់វិបត្តិនយោបាយជាង៦ខែ។ https://rfi.my/Bj6m
🌏📡 ពត៌មានជាតិ និង អន្តរជាតិ សំខាន់ៗ ប្រចាំថ្ងៃទី ៤ ខែមិថុនា ឆ្នាំ ២០២៥៖ 🇰🇭🇹🇭💥 មន្ត្រីជាន់ខ្ពស់រដ្ឋាភិបាលកម្ពុជាអះអាងថា កម្ពុជានៅតែប្រកាន់ជំហរជ្រើសយកយន្តការដោះស្រាយបញ្ហាព្រំដែនជាមួយថៃដោយប្តឹងទៅកាន់តុលាការយុត្តិធម៌អន្តរជាតិ(ICJ)ដដែល ខណៈកិច្ចចរចារវាងគណៈកម្មការចម្រុះព្រំដែន (JBC) និងគណៈកម្មាធិការព្រំដែនទូទៅ (GBC) ក៏នឹងបន្តធ្វើដូចគ្នា។ ការបញ្ជាក់ជំហររបស់កម្ពុជាបែបនេះ ធ្វើឡើងក្រោយរដ្ឋាភិបាលថៃបានចេញសេចក្តីថ្លែងការណ៍មួយនៅថ្ងៃទី៤ ខែមិថុនា ឆ្នាំ២០២៥ ដោយបង្ហាញចេតនាចង់ដោះស្រាយទំនាស់ព្រំដែនគោកជាមួយកម្ពុជាត្រឹមកម្រិតទ្វេភាគី ជាជាងរុញសំណុំរឿងឡើងដល់តុលាការយុត្តិធម៌អន្តរជាតិ។ https://rfi.my/BjJA 🇰🇭🇹🇭💣 នៅក្នុងរយៈពេល១១ខែឆ្នាំ២០២៤ ការដោះដូរពាណិជ្ជកម្មរវាងកម្ពុជានិងថៃ មានទំហំជាង៣ពាន់៩រយលានដុល្លារ កើនឡើងប្រមាណ១៥% ក្នុងនោះកម្ពុជានាំចូលពីថៃមានទំហំជាង៣ពាន់១រយលានដុល្លារកើនឡើង១៨% ខណៈកម្ពុជានាំចេញទៅថៃមានទំហំជាង៧៧៩លានដុល្លារតែប៉ុណ្ណោះ កើនឡើងជាង៣%។ នេះបើតាមអគ្គនាយកដ្ឋានគយ និងរដ្ឋាករកម្ពុជា។ តើការកម្រើកឡើងវិញនៃជម្លោះព្រំដែនកម្ពុជា និងថៃ នាពេលនេះ នឹងជះឥទ្ធិពលយ៉ាងណាដល់សេដ្ឋកិច្ចនៃប្រទេសទាំងពីរ? https://rfi.my/BjIo 🇨🇳🇧🇾🤝 ក្នុងជំនួបជាមួយថ្នាក់ដឹកនាំកំពូលចិន ប្រធានាធិបតីបេឡារុស អាឡិចសង់ លូកាស្ហេនកូ មានប្រសាសន៍ថា ចិន និងបេឡារុសទទួលរងសម្ពាធដ៏ធ្ងន់ពីបស្ចិមលោក និងបញ្ជាក់ថា ចិនជាប្រទេសរងសម្ពាធគាបសង្កត់ ទី១ ខ្លាំងជាងគេ។ បុរសខ្លាំងបេឡារុស លូកាស្ហេនកូ បានថ្លែងយ៉ាងដូច្នេះ នៅចំពោះមុខប្រធានាធិបតីចិន ស៊ី ជីនពីង នាថ្ងៃទី៤ មិថុនា។ https://rfi.my/BjJC 🇻🇳👶🏻 ជប៉ុនមានកំណើតទារកមិនដល់៧សែននាក់ទេនៅឆ្នាំ២០២៤កន្លងទៅនេះ។ ជាអត្រាកំណើតដ៏ទាបបំផុតមិនធ្លាប់មានតាំងពីជប៉ុនចាប់ធ្វើស្ថិតិមក។ ចំណែកអត្រាកំណើតក៏ធ្លាក់ចុះយ៉ាងខ្លាំងជាប្រវត្តិសាស្ត្រដែរ។ ប្រឈមនឹងការធ្លាក់ចុះជាលំដាប់នៃអត្រាកំណើត វៀតណាមបានប្រកាសនៅថ្ងៃពុធទី៤មិថុនា ២០២៥ លុបចោលនយោបាយដាក់កំរិតឱ្យគ្រួសារមួយអាចមានកូនត្រឹមពីរនាក់។ ដូច្នេះ ចាប់ពីពេលនេះតទៅ គូស្វាមីភរិយាមានសិទ្ធិសម្រេចបង្កើតកូនតាមប្រាថ្នាបានហើយ។ https://rfi.my/BjKR