كورسات مجانية - اودو - اكسيل - محاسبة

كورسات مجانية - اودو - اكسيل - محاسبة

2/18/2025, 10:13:05 PM

السلام عليكم ورحمه الله وبركاته مش عارف نسيتوني ولا ايه 😅 دعوتكم معايا وان شاء الله هارجع اكمل اللي بدأته معاكوا ♥️♥️ سؤال متكرر لكل حديثي التخرج 👐🏻 او اللي بيقدم علي وظيفة حسابات هو المفروض اكون عارف ايه كأساسيات ممكن اتقبل بيها في الوظيفة 😟 تعالي اقولك معلومه تهمك اوي قبل اي انترفيو 💪🏻 بوست طويل جدا بس مليان بحاجات قليل اللي هيقولهالك 👌🏻 اعتبره كورس محاسبه صغير مكتوب 😅 اول حاجه عشان تبقي فاهم مش حافظ محاسبه مطلوب منك حاجتين جزء نظري وده اللي بتبني عليه تاني حاجه الجزء العملي نبدأ بالنظري. خمس حاجات لازم تفهمهم وتحفظهم الاولي : المعادله المحاسبيه الاصول = الاتزامات + حقوق الملكية افهمها كويس ليه بنقول كده الثانية : النظريات المحاسبية ودول عباره عن اسس و فرضيات بتبني عليها كل شغل الحسابات هما ٤ اساسين 1- الشخصية الاعتبارية 2- فرض الاستمرارية 3- القياس النقدي 4-الفترة او الوحدة المحاسبية ممكن تتعب نفسك شوية وتدور عليهم وتعرفهم اتعب شويه معلش عشان تتعلم 😅 الثالثه : المبادئ المحاسبية ودول ماينفعش تبقي محاسب ومش عارفهم لان لو ماعرفتهمش تبقي ماعندكش مبدء 🥲 مش بغلط فيك بس فعلا دول اللي بيتبني عليهم الشغل 1- مبدأ التكلفة التاريخية 2- مبدأ تحقيق الايراد 3-مبدأ مقابلة الايرادات بالمصروفات 4- مبدأ الثبات دول بقي مش محتاج تعمل حاجه غير انك بردو هتدور عليهم 😄 امال انت فاكر ايه كل حاجه هتيجي بالساهل كده لازم تتعب شويه الناجح بس هو اللي بيجتهد🤗 بعد كده نخش علي الرابعة : الدورة المحاسبية في الصورة 👇🏻 الخامسة : الدورة المستندية وهي المستندات الي كل محاسب بيتعامل معاها ممكن تشوفها عالنت بردو لان شرحها طويل 😅 ده كده الجزء النظري 🤝 العملي بقي اول حاجه واهم حاجه تعرفها 1- طبيعة الحسابات سواء مدين او دائن Debit and credit accountant ذاكرها كويس 2-كيفية عمل قيود اليومية ازاي تسجل قيد ده لو ماعرفتوش عمرك ماهتعرف تشتغل وده اول حاجه بتتسأل عليها في الانترفيو👌🏻 3-دفتر الاستاذ العام GL general ledger وده عبارة عن نقل كل القيود او المبالغ تحت الحساب الخاص بيها والجانب اللي موجوده فيه بالقيود مثال لو عندك قيود كالاتي 5000 من ح / النقدية 5000 الي ح/ العملاء 2000 من ح/ النقدية 2000 الي ح /البنك 1000 من ح/مشتريات 1000 الي ح / النقدية هترحل حساب النقدية مثلا كالاتي المدين. الدائن 1000 5000 2000 ---------------------------------------- 1000 7000 وصلت كده 💪🏻 4-ترصيد الحسابات يعني ايه 🤔 🤔 يعني بتيجي في اخر المدة المحاسبيه وتبتدي تجمع المدين وتطرحه من الدائن في كل حساب علي حدا وتحط الرقم في عكس طبيعة الحساب يعني ايه الكلام ده 🤔 تطبيق علي المثال اللي فوق عشان نفهم النقدية هترحل حساب النقدية مثلا كالاتي المدين. الدائن 1000 5000 2000 6000 رصيد مرحل ---------------------------------------- 1000 7000 بناخد الناتج الرصيد المرحل ونحطه في الجانب الدائن عشان النقدية طبيعتها مدينه فالمفروض عشان يتساوي الجانب المدين مع الدائن ال6000 ج يكونوا دائن فيطلع عندي كده الترصيد مظبوط المرحلة اللي بعد كده ميزان المراجعة يعني ايه 🤔🤔 بتاخد كل اللي عملته في دفتر الاستاذ زي المثال اللي فوق ونبتدي نرحل في ميزان المراجعه كل الارقام اللي طلعت فروقات زي المثال اللي فوق طلع في فرق 6000ج في الجانب الدائن عشان يتساوي الطرفين بتاخد بقي 6000ج من الدائن تحطهم في ميزان المراجعه في الجانب المدين عكس اللي ظهر في دفتر الاستاذ العام او بمعني اصح بترجع الحساب لطبيعته يعني النقدية طبيعتها مدينة لازم هتكون في ميزان المراجعة مدينة لازم في النهاية هتلاقي الرقم اللي ف المدين بيساوي اللي في الدائن لو ماطلعش كده يبقي عندك مشكله في القيود ولازم ترجع تراجعها من تاني طب لو طلع مظبوط يبقي كتر خيرك وربنا ساترها معاك 😄 كده يبقي شغلك 95% مظبوط طب ليه 95% بس مش كل حاجه مظبوطه 🤦🏻🤦🏻 لا ماهو مش شرط عشان الميزان مظبوط تكون القيود مظبوطه وارد يكون في قيد موجهه خطأ بس مش هيظهر في الميزان لان له جانب دائن ومدين مظبوط 😉 خلي بالك من النقطه دي جدا طيب لحد كده كمحاسب بتبتدي او حديث كويس جدا 👌🏻👌🏻👌🏻 لكن لو عايز تبقي متميز يبقي لازم تعرف انشاء القوائم الماليه من ارصدة ميزان المراجعه 💪🏻💪🏻 بس قبل مانبدأ في القوائم عندنا حاجه اسمها قيود تسوية عشان الارقام تكون حقيقيه بناءا علي مبدأ الاستحقاق في قائمه الدخل 😕 قيود التسويه هي الايرادات المستحقة والمقدمه والمصروفات المستحقه والمقدمه الاهلاك موضوعهم بسيط وممكن تدور عليهم عالنت بردو 😉 عندك كمان الحسابات الخمسه الرئيسية اللي بيتبني عليهم كل الحسابات الفرعيه وشجرة الحسابات شجرة الحسابات؟! 😟😟 في ناس اول مابتسمع المصطلح ده مش بتفهمه او مش عارفه ايه فايدته بس بتبقي مستغرباه ماتقلقش مش هنزرع 😅 هقولك هي عباره عن ايه هي عباره عن مجموعة حسابات رئيسيه يندرج تحتها عدة حسابات فرعيه ومصطلح شجرة الحسابات لانها فعلا عامله زي الشجرة متفرع منها غصون كتير بس بتبدي بالافرع الرئيسيه وهما خمسه 1- الاصول انواعها بقي هي دي الحسابات الفرعيه 2- الخصوم او الاتزمات بانوعها بردو 3- حقوق الملكية ولحد هنا دول 3 حسابات قائمة المركز المالي اللي بيكملوا معاك في السنه الجديده ليهم رصيد افتتاحي لان المعادله المحاسبيه بتقول ان الاصول = الاتزامات + حقوق الملكية باقي حسابين ٤ـ الايرادات ٥ـالمصروفات دول بقي بيتقفلوا كل سنه في قائمة الدخل يعني مش بيكملوا معاك في القوائم ورصيدهم بيكون صفر في بداية العام اول قائمة قائمة الدخل Profit and loss P&L بتاخد عندك حسابات غير حقيقية اللي هي بتتقفل خلال العام وهما الايرادات والمصروفات بناخد منها الربح اوالخسارة بنروح نحطه في قائمة المركز المالي او الميزانيه في الجانب الدائن تحت حقوق الملكية تاني قائمة الميزانية او المركز المالي Balance sheet دول كده اهم قائمتين في باقي القوائم 3-قائمة التدفقات النقدية 4- قائمة التغييرات في حقوق الملكية 5-قائمة الدخل الشامل 6- الايضاحات المتممه للقوائم المالية كده دي كل اللي لازم تعرفه في الحسابات عشان تبقي محاسب شاطر 💪🏻💪🏻 طب هتقولي عايز اخد شهادة 🙄 هقولك الشهادات مهمه جدا جدا بس كمبتدئ هتنهك نفسك في شهادات وهتتعب وانت ما اشتغلتش عملي خالص ومعظم اللي هتدرسه هتنساه طبعا دي مش قاعده عامه لكن بالفعل ده بيحصل اللي ممكن تعمله انك تاخد كورس محاسبه مع حد فاهم بس طب الحمد لله فهمت كل اللي فات ده 🙏🏻🙏🏻 تشتغل علي اللغه عشان هتحتاجها جدا جدا في الشهادات اللي حابب تدرسها واول حاجه تبدي في ifrs علي طول المعايير الدولية دي اهم شهادة محتاجها المحاسب في بداية مشواره بعدها ممكن تاخد اي شهادة تاني ويفضل CMA ده كده ملخص كامل للي ممكن انت كمحاسب تعرفه وتبدأ بيه طبعا مافيش تفاصيل كافيه لان لو شرحنا كل حاجه هنكتب لحد الصبح اتمني اكون افادتك Ahmed Fahmy AMF لو عايز معلومات زي دي كتير وكورسات مجانيه تابع قناة الواتس اب من اللينك ده https://whatsapp.com/channel/0029VajnZcAJUM2Y0Z1wNE34 وقناة اليوتيوب https://youtube.com/@ahmedfahmyamf?si=giqL-3TQ5vK-u3XP

كورسات مجانية - اودو - اكسيل - محاسبة

2/25/2025, 7:44:47 AM

صباح الخير على الجميع يارب تكونوا بخير ♥️ رمضان كريم عليكم وعلي الامه الاسلاميه جميعا 🌙 معلش غايب بقالي فتره طويله ولسه مطول حبه 😅 كنت جي اكلمكم في حاجه مهمه جداً معظم الناس ديما بلاقيها بتطلب شيتات اكسيل جاهزه تشتغل عليها وانا من الناس المعارضين للفكره دي اسباب اعتراضي ايه بقي؟!!! انا كنت زيك كده زمان مش بقولك اني اتولدت في شركة مايكروسوفت 😅😅 بس انا جايلك من بعيد وبقولك ايه اللي بيحصل لما بتستخدم شيتات اكسيل جاهزه .. ١- هتربط نفسك بطريقة شغل مفروضه عليك ومش هتعرف تغيرها ٢- لو شيت الاكسيل ضرب منك مش هتعرف تعدله او تفهم مشكلته وممكن يفضل معطلك او يضيع بياناتك ٣- لو اتطلب منك تاسك جديد في الشغل مش هتعرف تنفذه بسرعه وهتفضل تدور علي شيت ينفذهولك ٤- لو حاولت تنقل شغل في شركه تاني اول حاجه بتتسأل عليها الاكسيل .. هتقولي برامج ال ERP سيستم ماخلتش حاجه هقولك ان مهما كانت قوة البرنامج اللي انت شغال عليه لازم ولابد تكون متعلم اكسيل لان في حاجات مش هتلاقيها سيستم ولازم تشتغلها اكسيل ٥- اخيرا وليس اخرا هدف الجروب او الصفحه هو الفهم وليس الحفظ ولو عايز تتعلم اكسيل ماتحفظش معادلات افهمها وافهم ازاي الربط بين كل معادله وغيرها وفكر ازاي تقدر تطلع بنتيجه اعرف ناس كتير حافظين معادلات انا ماعرفهاش ولا اتعاملت بيها قبل كده 😅 بس وقت ماكان بيتطلب منهم شيت معين ماكنش حد بيعرف ينفذه لانه مش فاهم ازاي يقدر ينفذه هو حافظ بس المعادلات وبتعمل ايه لكن امتي يستخدمها او ازاي يستخدمها او يربطها ببعض ده اللي مايعرفهوش حاول تمارس الاكسيل عشان تتعلمه ودمتم سالمين ♥️♥️ لو عايز معلومات زي دي كتير وكورسات مجانيه تابع قناة الواتس اب من اللينك ده https://whatsapp.com/channel/0029VajnZcAJUM2Y0Z1wNE34 قناة اليوتيوب شروحات excel + odoo ERP system https://youtube.com/@ahmedfahmyamf?si=giqL-3TQ5vK-u3XP

كورسات مجانية - اودو - اكسيل - محاسبة

1/27/2025, 5:30:49 PM

السلام عليكم ورحمه الله وبركاته ♥️ اهلا بأخواتي جميعا وحشتوني جدا وعارف اني مقصر معاكوا 😓 ادعولي ربنا ييسر لي اموري وان شاء الله ارجع تاني معاكوا 👌🏻 لينك المحاضره للناس اللي كانت بتسأل علي الجزء التاني من اقفال السنه الماليه علي اودو مع استاذ احمد جابر https://youtu.be/d68pJQzcs8c?si=AxMzuTaRYgegIXPc