Welovebuzz

Welovebuzz

2/27/2025, 11:07:03 PM

🌙🇲🇦 علنات وزارة الأوقاف بلي الدروس الحسنية فرمضان هاد العام ما غاديش تكون، وشكرات العلماء على تفهمهم، و لي كانت بدات أول مرة فزمن الملك الحسن الثاني، وكتجمع علماء من داخل وخارج المغرب باش يناقشو قضايا فرمضان.

Welovebuzz

2/27/2025, 4:19:02 PM

🇲🇦☔️ فنشرة إنذارية من مستوى يقظة برتقالي، علنات الأرصاد الجوية بلي غتكون تساقطات ثلجية فالمرتفعات لي كتفوت 1800 متر فإفران، بولمان، أزيلال، بني ملال، الحوز، من الجمعة حتى السبت، وأمطار قوية رعدية فآسفي، الصويرة، الجديدة، سيدي بنور، برشيد، سطات، الدار البيضاء، النواصر، وغتكون رياح قوية مع الغبار ففكيك، جرادة، الرشيدية، ورزازات، زاكورة، ميدلت، بولمان.

Welovebuzz

2/20/2025, 10:56:00 AM

🇲🇦⚽️ ‎ربح المنتخب المغربي 54 ألف أورو بعدما شارك فدوري الملوك فالشهر لي فات فميلانو،وخذا كل لاعب 750 أورو على خمسة ديال الماتشات، وزادت اللجنة 25 ألف أورو بعد ما وصلو لنصف النهائي و لرئيس الفريق إلياس المالكي 12.5 ألف أورو وجا فالمجموع 54 ألف أورو.

Welovebuzz

2/18/2025, 9:30:24 PM

🕋🇲🇦 قرّرات اللجنة الملكية ديال الحج فاجتماعها الثاني بلي تكاليف الحج للحجاج لي مؤطرين من وزارة الأوقاف غتكون فـ63.770 درهم فموسم حج 1446هـ ، وغيرجع بريد بنك 1230 درهم للناس لي سبق ليهم خلصو 65 ألف درهم كمصاريف بعدما تم تحددات التكلفة النهائية للحج فـ 63.770 درهم.

Welovebuzz

2/19/2025, 7:16:57 PM

🚨🇲🇦 علنات وزارة الصحة على 3365 إصابة ببوحمرون و6 وفيات بين 10 و16 فبراير، بانخفاض 3.4%. جهة الرباط سلا القنيطرة جات اللولة بـ807 إصابة و3 وفيات، تابعها كازا سطات بـ624 حالة ووفاة وحدة، وكلميم سجلت ارتفاع بـ70%، والشرق بـ56.8%، ونقصو الإصابات فدرعة تافيلالت.

Welovebuzz

2/26/2025, 11:14:19 PM

‎🚨🐏 وجه الملك محمد السادس رسالة للمغاربة بخصوص عدم ذبح أضحية العيد هاد العام ولي قراها وزير الأوقاف أحمد التوفيق، ووضح الملك محمد السادس التحديات المناخية والاقتصادية نقصات عدد الماشية و دعا المغاربة بعدم ذبح الأضحية هاد العام حيت غتضر بزاف ديال الناس خاصة لي عندهم دخل محدود.

Welovebuzz

2/23/2025, 12:03:33 PM

‎🧬🔬 علماء فمعهد ووهان اكتشف فيروس جديد فالخفافيش من نوع كورونا وكيدخل للخلايا بنفس الطريقة ديال كوفيد19، لكن مزال ما تكتاشفش عند البشر دابا لقاوه الباحثين غير فالمختبر، وقالو بلي الفيروس ممكن ينتاقل من الحيوانات للبشر وواخا هادشي الخبراء كيقولو بلي الخطر ضعيف وما كاينش لاش يكون تهويل فالموضوع.

Welovebuzz

2/17/2025, 8:49:58 AM

🇲🇦🌨️ فنشرة إنذارية من المستوى البرتقالي الأرصاد الجوية علنات على تساقطات ثلجية غتطيح فالمرتفعات لي كتفوت 1800 متر فبزاف دالمناطق فالمغرب، وغيوصل الثلج حتى لـ30 سم فبني ملال، أزيلال، الحوز، ورزازات، وبين 10 و15 سم فبولمان، إفران، وغتبدا من غدا الثلاثاء مع 3 ديال العشية حتى لنهار الأربعاء مع 6 الصباح.

Welovebuzz

2/15/2025, 5:08:40 PM

🗣️🇲🇦 أكد الكوميدي المغربي جاد المالح فآخر لقاء دارو على رضاة الوالدين وقال بلي هي ماشي غير بركة وصافي ولكن هي لي كتعطيك الويفي ديال العالم، وقال بلي فلوس أول خدمة ليه شرا ريحة لباباه و صيفطها ليه، وأكد فاللخر على حبو للمغرب وكازا وثقافتها لي كبر فيها.

Welovebuzz

2/14/2025, 9:58:31 PM

‎❄️🚨 حذرات المديرية العامة للأرصاد الجوية فنشرة إنذارية من تساقطات ثلجية غتطيح هاذ الويكاند فالمرتفعات لي كتفوت 1800 متر بعدد من أقاليم المملكة وغتكون السماكة ديالها بين 15 و30 سم فورزازات، تنغير، أزيلال، بني ملال وميدلت، وبين 3 و6 سم فتارودانت، الحوز، إفران وبولمان.