Welovebuzz

Welovebuzz

5/27/2025, 9:30:50 PM

🐏🇲🇦 علنات وزارة الأوقاف بلي يوم عيد الأضحى غيكون نهار السبت 7 يونيو، بعدما ما تشافش هلال ذي الحجة اليوم مع المغرب الثلاثاء 27 ماي، وفاتح شهر ذي الحجة غيكون الخميس 29 ماي.

Welovebuzz

5/27/2025, 11:43:35 AM

‎✍️⚽️ أخبار كتروج لامين يامال غيوقع عقد جديد مع البارصا لمدة 6 سنين حتى 2031، حسب فابريزيو رومانو لي معروف كمصدر موثوق فأخبار الانتقالات، التوقيع غيكون اليوم، وغيدخل حيز التنفيذ فيوليوز ملي يكمل يامال 18 عام، ومرشح ياخد الرقم 10 والعقد فيه بنود تقدر تخليه الأعلى أجر فالفريق.

Welovebuzz

5/29/2025, 11:33:50 AM

‏🗣️🇲🇦 كشف ناصر لارغيت الإطار الوطني فحوار مع جريدة "ليكيب" كيفاش مشا عند حكيمي لمدريد، وعطاه 30 دقيقة باش يقرر واش يمثل المغرب ولا إسبانيا وجاوبو حكيمي بغادي نلعب مع المغرب.

Welovebuzz

5/28/2025, 7:59:25 AM

🕊️🎬 توفات الممثلة القديرة نعيمة بوحمالة اليوم عن عمر 76 عام وحدة من الوجوه لي كبرنا معاها فالفن المغربي، كانت حاضرة فمسلسلات كبار بحال "حديدان" و"مداولة"، ومثلات فأفلام بحال انكسار وهنا طاح الريال. وكانت ضحكتها وحضورها ديما كيخليو أي دور حي.

Welovebuzz

5/27/2025, 11:04:45 AM

‎⚽️🗣️ كشف مدرب المنتخب المغربي وليد الركراكي فندوة صحفية بلي اختار يلعب ففاس حيث الجمهور ديالها ما شافش المنتخب 16 عام، وكان خاصو يعطيهم الفرصة من بعد طنجة ووجدة, والمنتخب غيواجه تونس نهار 6 يونيو، والبنين نهار 9، بجوج مع 9 ديال الليل.

Welovebuzz

5/28/2025, 10:17:01 AM

🗣️💰 كشفات الممثلة الكولومبية صوفيا فيرغارا فحوار صحفي بلي باغة راجل يكون كيبغيها ويكون عندو الفلوس بحالها ولا أكثر، وقالت حيث إلا كان أقل راه العلاقة كتولي عذاب وكيوليو يغيرو منها

Welovebuzz

5/30/2025, 9:41:54 AM

‎💄💰 باعت هايلي عارضة الأزياء و مرات المغني جاستن بيبر شركتها “رود” ديال العناية بالبشرة لشركة e.l.f Beauty فصفقة وصلات لمليار دولار. الصفقة فيها 600 مليون دولار كاش، 200 مليون فشكل أسهم، و200 مليون أخرى إلا وصلو للنتيجة لي متافقين عليها. واخا باعتها هايلي غتبقى مديرة إبداعية ومستشارة فـ e.l.f .

Welovebuzz

5/30/2025, 12:47:57 AM

https://www.instagram.com/reel/DKPrKdwoNnf/

Welovebuzz

5/29/2025, 1:04:12 PM

🇲🇦🌡️ كتحذر مديرية الأرصاد الجوية من موجة حر اليوم وغدا الجمعة فنشرة إنذارية من مستوى يقظة “برتقالي” بين 38 و42 درجة، فالرباط، النواصر، سطات، سيدي سليمان، سيدي قاسم، الخميسات، فاس، مكناس، شيشاوة، مراكش، الرحامنة، اليوسفية، بني ملال، الفقيه بن صالح، أوسرد، وادي الذهب، أسا الزاك، السمارة، طاطا، تارودانت وقلعة السراغنة.

Welovebuzz

5/25/2025, 11:34:44 AM

‎🚨☀️ مديرية الأرصاد الجوية كتحذر من حرارة قوية غتوصل لـ42 درجة ما بين الثلاثاء 27 والجمعة 30 ماي، فمراكش، شيشاوة، الرحامنة، الخميسات، اليوسفية، بني ملال، فقيه بن صالح، واد الذهب، أسا الزاك، السمارة، طاطا، تارودانت، سيدي قاسم، سيدي سليمان، سطات، وقلعة السراغنة. وكتوصي الناس يشربو الماء مزيان ويتجنبو الشمس ففترات الذروة.