VOA Ndebele

VOA Ndebele

2/25/2025, 12:46:40 AM

UMongameli weleMelika uMnu. Donald Trump ngoMvulo uqhube umhlangano loMongameli weleFrance uMnu Emmanuel Macron eWhite House, eWashington DC. https://www.facebook.com/share/187fpFGbPs/?mibextid=wwXIfr

VOA Ndebele

2/25/2025, 9:27:56 AM

Isenkantolo khonamanje intathelizindaba yephephandaba leNewsDay lomsakazo kamabonakude oweHSTV, uBlessed Mhlanga, owetheswa amacala amabili okwethula imbiko ephehla udlakela ngemva kwengxoxo yakhe lelunga leZanu PF Central Committee uMnu Blessed Geza, ohola abalwa impi yenkululeko abathi kumele uMongameli Emmerson Mnangagwa asuke embusweni ngoba ekhohlakele. Amapholisa athi wephula umthetho weCriminal Law (Codification and Reform) Act kungxoxo ayenza loGeza mhlaka 27 ngoZibandlela lakwenye ayenze mhlaka 11 kulinyanga. Amapholisa adinga uGeza. https://www.facebook.com/share/p/1ARKKK5QSp/?mibextid=wwXIfr

VOA Ndebele

2/24/2025, 9:04:11 PM

Omele eleZimbabwe kweleSouth Africa, uMnu. David Hamadziripi, uthi babambisana leziphathamandla zamazwe la ekuvezeni amagama abotsheketsha abafela emgodini weStilfontein lapho abahlala khona isikhathi eside besesaba ukuphuma kulandela ukugonjolozelwa kwabo ngamapholisa. Kwabhubha abafika phose ikhulu – 93, izidumbu zabanye babo zathathwa yizihlobo. Okwamanje kulezidumbu ezingaziwayo. UHamadziripi uthi bazama ukudinga ebantwini eZimbabwe okuzanceda ekwenzeni okuthiwa ngama DNA tests. Ezinye izidumbu zabadabuka eZimbabwe, South Africa, Lesotho leMozambique sezathathwa yizihlobo. Sixoxe ngodaba lolu loMnu. Bongani Mkhwanazi, okunhlanganiso yeZimbabwe Community in South Africa, othi ulethemba loluthi izidumbu eziseleyo zizathathwa yizihlobo. https://www.facebook.com/share/p/15QKVDd6ap/

VOA Ndebele

2/25/2025, 1:10:15 AM

Iyanda imikhuhlane ebantwini bemaphandleni eHwange, ikakhulu kwabadala labantwana abagulela emakhaya ngezizatho zokuswela imali yokwelatshwa lokuthenga imithi ezibhedlela. UNokuthaba Dlamini usethulela loludaba ngokugcweleyo. https://www.facebook.com/share/v/1BaLMGBYZm/?mibextid=wwXIfr

VOA Ndebele

2/25/2025, 7:42:28 PM

WASHINGTON — UReinette Klever, umphathintambo wohlangothi lukahulumende wakweleNetherlands olubona ngokudlelana lamanye amazwe lentuthuko, uthi sebelungiselela ukumisa inhlelo ezinengi abaziqhuba kwamanye amazwe agoqela awokulwela ilungelo loluntu, ukuthuthukisa abesifazana labantwana, ezemfundo, ezemidlalo, ezamasiko lokunye ngoba bafuna ukulungisa ababhekane lakho elizweni labo. UKlever wethule lokhu ebulenjini beInternet ekhasini likahulumende weNetherlands lapho aveze njalo ukuba bafisa ukuqhuba inhlelo zokuvimba iziphepheli ezidabuka kuzwekazi leAfrica ezihamba ngemikhumbi zisiya elizweni lakhe lamanye amazwe kuzwekazi le-Europe. Uthi bazasekela inhlelo ezihambelana lohulumende wakhe. EleMelika lalo lisanda kumisa inhlelo ezinengi emazweni atshiyeneyo lisithi kazihambelani lelikufunayo. Kulenhlelo ezinengi eZimbabwe eziqhutshwa nguhulumende weNetherlands. Ukuhlaziya loludaba, uGibbs Dube weStudio 7 uxoxe loMnu. Mlungisi Dube, olandela ezombusazwe ezimele, othi akumangalisi okwenziwa nguhulumende wakweleNetherlands. https://www.facebook.com/share/p/18hKhCDXCx/

VOA Ndebele

2/25/2025, 6:37:37 PM

Nanzi izindaba zanamuhla, ngoLwesibili, 25 Nhlolanja, 2025. #izindabavoastudio7 Landela i-WhatsApp channel yethu: https://whatsapp.com/channel/0029Va8UmWzBA1epPC1D9e1d

VOA Ndebele

2/24/2025, 9:06:37 PM

Nanzi izindaba zanamuhla, ngoMvulo, 24 Nhlolanja, 2025. #izindabavoastudio7 Landela i-WhatsApp channel yethu: https://whatsapp.com/channel/0029Va8UmWzBA1epPC1D9e1d

VOA Ndebele

2/24/2025, 8:55:13 PM

Iqhubekela phambili impi ephakathi kweleRussia leleUkraine esingenelwe ngeleMelika elizama ukuthi amazwe la akhumisane umlotha. Sokubulewe abantu abanengi empini le okugoqela abakubutho emazweni womabili. UMongameli Donald Trump uthi ufisa ukuba iphele impi le ngoba sokubulewe abantu abanengi kakhulu njalo kwasetshenziswa imali okumele ukuba incede uzulu hatshi ukuthenga izikhali. UTrump uke waxoxa ngodaba lolu lomkhokheli weRussia, uMnu. Vladmir Putin, kanye loMongameli Volodmyr Zelenskyy wakweleUkraine. Uhlangothi lweUnited Nations Security Council ngoMvulo lunqume ukuba kumele eleRussia lisuse ibutho kweleUkraine. Ukuhlaziya loludaba, sixoxe loMnu. Washington Jamela, odabuka eZimbabwe ohlala eChicago khonapha eMelika othi kumele impi le imiswe ngoba sokuchitheke igazi elinengi kakhulu. https://www.facebook.com/share/p/1A8CDiyE7L/