روايـاتـي📖🖊️★Novels★☕

15 شاهين بحرج : سندس تعالي ياحبيبتي سندس اتكسفت لما شافت ريه معاهم في الاوضه ومعرفتش تقول ايه.. فحاولت تخرج نفسها من الموقف المحرج ده وبصت ناحيت ريه وابتسمت وقالت : انا دورت عليكي كتير انتي هنا يامرات عمي... رية بطيبه : ايوا تعالي ياحبيبتي شاهين بص ناحيتها بقلق : كنتي نايمه محبتش اصحيكي لما رجعت من الشغل.. انتي كويسه سندس : اه اصل تعبت شويه.. ودلوقتي بقيت احسن علا : تعالي ياسندس شوفي شاهين بيتخانق معايا عشان لبسي.. بصت سندس ناحيت شاهين واتكلمت بغيظ : والله .. ليه ياشاهين تعمل كده ..وتزعل علا منك.. شاهين بحزم : انا قلتلك يا علا مينفعش اللبس ده عندنا احنا هنا مجتمع شرقي واللبس ده ممنوع.. .. علا بضيق : بس دي طبيعت لبسي.. شاهين : تتغير مفيش مشكله رية : يابنتي اسمعي الكلام عيب تمشي بالشارع وانتي لابسه كده لا دينا ولا عادتنا تسمح بكده.. علا : بس انا . شاهين رمى الفساتين اللي فأيده وهو بيقول : مبسش.. ومشي ناحيت سندس وشدها ليه واتكلم بجديه من بكرى تنزلي انتي وسندس واشتروا حجات تناسبك .. بصي سندس لبسها حلوه ازاي. عاوزك تلبسي زيها .. علا بصت على لبس سندس بضيق واتنهدت وهي بتقول بقلة حيله : حاضر .. بعد مرور يومين شهد زوجه اخ سندس جت تزورها.. شهد انتي لسا زعلانه مني يا سندس. سندس بضيق : مش عايزاني ازعل منك وانتي بتهدديني يا شهد.. شهد : انتي عارفه انا بحبك قد ايه لكن انتي عاوزه تقولي لاخوكي على اللي عملته واخوكي لو عرف هيطلقني .. سندس بس انتي غلطتي ياشهد وكنتي هتوديني بستين داهيه.. شهد بعتذار : بس انتي كويسه اه والحمدلله مايبقاش قلبك اسود يا سندس.. سندس بصت الناحيه التانيه بضيق.. شهد : الا قوليلي مين البنت اللي شفتها بالجنينه دي زي القمر .. سندس بضيق : دي علا بنت عم شاهين.. شهد : ودي عايشه معاكم بالبيت هنا .. سندس بضيق :ايوا شهد : مالك يابنت شكلك مش طيقاها .. سندس كانت عاوزه تفضفض لأي حد .. عاوزه حد يسمعها شاهين دائما بيدافع عن علا وبيقول أنها بتتظلمها وريه بتقول انها لسا صغيره وهتعقل أما تكبر... ومحدش بيسمعها عشان كده قررت تتكلم لمرات اخوها.. شهد : اتكلمي البنت مزعلاكي بحاجه.. سندس : ايوا ياشهد دي عقربه بتلف على جوزي. وانا مش عارفه اعمل ايه.. شهد ضربت على صدرها بصدمه : بتلف على جوزك ومقعدها في بيتك دنتي عبيطه .. سندس : وانا اعمل ايه يعني.. حاولت اتكلم مع شاهين بس هو مش شايف اللي انا شايفه ويقولي دي طيبه وانتي بتجيي عليها .. احنا اتخنقنا اكتر من مره عشانها... هي عقربه بتخطط من غير ما حد يحس عليها وبتقربه منه.. وانا خايفه تخطفه مني. شهد بغضب : مهي هتخطفه بجد لو فضلتي عالحال ده.. سندس بانزعاج : وانا اعمل ايه يعني.. شهد : اعملي زيها أظهر بوش الملايكه اللي رسماه وطفشيها.. سندس باهتمام لكلام شهد : ازاي شهد : والله انتي عبيطه هو انا اللي هقولك هتعملي ايه . سندس : ماهو انا مش عارفه اتصرف.. شهد : ماشي انا هقولك. تعملي ايه عشان العقربه لو بجد بتلف على جوزك تظهر نيته. للكل سندس ... يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

14 غمض عنيه بغيظ لما شافها بتعيط وبتحط هدومها في شنطتها شاهين بتعملي ايه.. سندس مردتش عليه وفضلت تعيط وشهقاتها تعلى وهي بتجمع حاجتها...لحد لما مسك أيدها ولما بصت ناحيته عيطت اكتر .. شاهين حاوط وشها باديه واتكلم ينفع اللي بتعمله ده..يا سندس.. سندس بعدت أيده بدموع وقالت : انا معملتش حاجه وبعد اذنك سيبني شاهين : اسيبك ايه انتي بتتكلمي بجد عايزه تمشي من بيتك.. سندس : ايوا عشان اسيبك انت والست علاا تاخدوا راحتكم شاهين اتغاظ منها ونفخ بضيق وقال : انتي بتقولي ايه مليون مره بقولك علا زي اختي.. سندس بعند : مش زي اختك يا شاهين اللي انا شايفاه انت مش عارف تشوفه البنت عينها منك شاهين بانزعاج : انتي بتقوله ايه .. علا عشان تربية بلاد براا تتعامل بجرأه. هي مش شيفاني الا اني اخوها الكبير وبس.. سندس بصت ناحيته بدموع : هي بتمثل ياشاهين هي عقربه انا حاسه بده.. شاهين باحتواء : كبري عقلك يا سندس مفيش من الكلام ده.. ومسك أيدها وبأسها وهو بيقول بعدين ظفرك ده عندي بالدنيا دي كلها سندس بحرقه : مش باين. انت ناسي وجودي ياشاهين ولا كأني هنا..من ساعت ماظهرت علا بحياتنا ... شاهين بغيظ : عشان متعصب منك اللي بتعمليه يا سندس مفيش راجل يتحمله ... بس انا بعديلك عشان باقي عليكي وشاريكي. سندس بعناد : وأنا عملت ايه. شاهين بصدمه : عملت ايه.. طيب انا هقولك اولا انتي بتردي الكلمه بعشره.. ومش بتسمعي الكلام ومعندكيش ثقه بجوزك.. غير كده انا مش هعرف اقولك سر تاني.. انتي روحتي قولتي لمرات عمي عن علا مع اني منبه عليكي.. وكل.ده بتقولي معملتش حاجه . سندس بصت ناحيته بدموع عشان واتكلمت بقهر : بغير عليك ياشاهين عشان انت بتقرب من البنت دي بشكل كبير اوووي وناسي اني مراتك.. شاهين : وأنا لما اتجوزتك مفكرتش انك تكوني رقم في حياتي انتي هتكوني الست الوحيده. . عشان كده خلينا نكبر دماغنا شويه ومنفكرش بالاوهام.. اللي مش عارف بتجيبهالي منين .. سندس : بس. شاهين : هشششش خلاص . علا زي اختك وانتي المفروض تهتمي بيها مش انا.. ماشي.. سندس. بصت للأرض بضيق .. شاهين حاوط وشها وباس جبينها .. وهو بيقول : المره دي هنسي كل اللي عملتيه ياسندس لكن مش عايزك تغلطي تاني انا باقي عليكي.. والمفروض تفهمي الكلام ده من اول يوم في جوزنا .. احنا مرينا بامتحان ونجحنا فيه .. بلاش تخلي الاوهام تخرب حياتنا .. سندس : لكن يا شاهين علا مش . شاهين : عايزك تنسي علاا والله علا طيبه ومش في بالها كل كلامك ده .. علاا شيفاني زي اخوها مش اكتر.. سندس... شاهين دار وشها ليه بابتسامه وقال : بصيلي هنا بتهربي بعنيكي ليه.. سندس : انا مش هضماها البنت دي.. شاهين باحتواء : طب وعشان خاطري.. ياسندس.. سندس متكلمتش ولا ردة عليه سند رأسه على رأسها واتلكم بهمس : مش عايز حاجه تعكنن علينا يا سندس عشان خاطري. .. مش هعرف اتخلى عن علاا دي بنت عمي واختي الصغيره.. سندس بهمس وتيه من قربه : ححاضر.. شاهين بتوهان : عارفه انك وحشاني اوووي . سندس ابتسمت بكسوف ..وشاهين قرب منها وووو ***** بعد مرور أسبوع شاهين وسندس علاقتهم بدأت تتحسن لكن سندس لسا مش طايقة علا لكنها تحاول تتأقلم مع الوضع الجديد اللي اتفرض عليها ..مع انها شايفه قرب شاهين وعلا مش طبيعي ومالوش اي مبرر حتى لو كانت زي اخته مهي مش اخته... دي حياله بنت عمه ده كم تفكير سندس ..لكنها كانت ساكته مستحمله.لحد ما في يوم .. كانت سندس نازله من اوضتها لما سمعت صوت شاهين خارج من اوضت علا.. قربت بشويش.. وسمعت علا بتضحك وبتقوله بالراحه يا شاهين مش كده.. شاهين بالراحه ايه يابنتي استني بس.. سندس اتجننت وفتح باب الاوضه عليهم وهي بتصرخ بتعملوا ايه... يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

18 سندس نزلت دموعها غصب عنها لما قالها كده شدة ذراعها وجريت على اوضتها وهي بتعيط. ريه بعتاب : ليه كده يابني . علا : مينفعش تكلمها كده ياشاهين حرام عليك.. .. شاهين مسح وشه واتكلم بغضب لو سمحتو محدش يتدخل بيني وبين مراتي راح وراها وهو متعصب.. اول ما كانت هتقفل أوضتها منعها شاهين ودخل وقفل الباب وراه هي خافتمن بصاته ورجعت ورا .. شاهين بنفاذ صبر : كنتي فين . سندس بغضب : وانت مالك.. شاهين بغضب : سندس انا بسألك تجاوبي الحربايه دي عاوزه منك ايه .. سندس بعناد وخوف : مالكش دعوه سندس قالها شاهين بغضب ... سندس اترعبت منه و عيطت اكتر وهي بتقول انت بتكلمني كده ليه مش واثق بيا ياشاهين انت بتشك بيا..وقعدت على السرير تعيط شاهين لما شافها بتعيط كده مسح وشها وحاول يهدي نفسه وقعد جنبها وسألها : رحتي فين مع ال** ياسندس سندس بشهقاات: كنت تعبانه واتصلت بشهد تعدي عليا نروح انا وهي عند الحكيم شاهين : ومقولتيش ليا ليه. سندس .. شاهين : اتكلمي ياسندس مقولتيش ليه و انتي عارفه شهد عملت فيكي ايه اكيد مالحقتيش تنسي ازاي تثقي فيها بالسرعه دي سندس ببكاء عشان كنت شاكه اني حامل وحبيت اعملك مفاجأه.. ندم شاهين للحظه واتكلم بهدوء. :و ايه اللي حصل.. سندس بصت ناحيته واتكلمت بدموع : مش مهم.. وهي بتقف شاهين مسك ايديها وشدها عشان تقعد من تاني واتكلم : المفروض انا اللي اتعصب عاللي حصل.. انتي غلطتي بخروجك من غير اذني ياسندس وغير كده عندك مرات عمي كنتي قوليلها تروح معاكي.. والأهم من ده كله شهد دي انا مش برتاح لها متنسيش هي عملت فيكي ايه. سندس : انت متعرفش شهد اكتر مني ياشاهين وأما عملت كده كان غصب عنها .. مسح وشه بغيظ واتكلم : انتي امتى هتبطلي العبط اللي انتي فيه ده.. سندس بعدت أيده بغضب : انا مش عبيطه ..انت مش حاسس انت عملت ايه ياشاهين انت زعقلتي قدامهم واهانتني وانا مش هسامحك ابدا .. شاهين برفعة حاجب : والله مش هتسامحيني . سندس شدت أيدها وهي بتقول : ايوا مش هسامحك وبعد اذنك هروح انام شاهين : تنامي فين انتي اتهبلتي.. سندس بعناد : هروح عند مرات عمي عشان تاخد راحتك بالاوضه ومشيت وسابته... وشاهين ينده : بنت.. سندس ... تعالي هنا انا بكلمك .. لكنها خرجت بسرعه وسابتله الاوضه.. ****** في اليوم التاني.. صحيت سندس واتفاجأت انها نايمه بؤضتها في حضن شاهين.. بصت ناحيته بغيظ ولسا هتبعد. شاهين شدها ليه وباس خدها وهو بيقول صباح الفل ياحبيبتي..الف مبروك ياورحي مرات عمي بلغتني انك حامل.. سندس بغيظ : سيبني ياشاهين انا لسا مش طايقاك.. شاهين : وانا برضوا لسا متعصب منك حامد بس هعديهالك المرادي.. سندس : والله طب ابعد ..سيبني بقولك.. شاهين ثبتها وهو بيقول متتهدي بقى يابنت .. سندس : سيبني ياشاهين مش كفايه خلتني على نصي قدامهم شاهين بغيظ : وانتي برضو كنتي بتردي الكلمه بعشره وانا مقولتش حاجه.. سندس لسا هتعيط بعد عنها وهو بيقول : متعيطيش خلاص سندس : عايز توصل لأيه ياشاهين شاهين: مش عايز اوصل لحاجه احنا كلها كم شهر وهيكون عندنا ولد ينفع نتخانق زي العيال كده. . سندس انت اللي بدأت ياشاهين انا مغلطتش.. شاهين بنفاذ صبر وهو بيضرب كف عالتاني : لسا بتقولي مغلطتش..خلاص اقفلي عالحكايه انا مش عايز اتخانق عالصبح. سندس ... شاهين بغيظ : ومفيش مبيت في أي مكان تاني غير اوضتك انتي فاهمه . سندس وقفت بغيظ وراحت الحمام وهو بيبص ناحيتها بقلة حيله من عنادها اللي بدأ يظهر عليها وخرج من الأوضة بتاعته وقابل علا واتفاجأ ب... أما سندس اتصلت بشهد وبلغتها باللي حصل معاها .. شهد بغضب : انتي عبيطيه يابنتي والنعمه عبيطه ازاي تعملي كده سندس وانا عملت ايه.. شهد تتخانقي معاه قدامها بكده هتستغل الخناقه دي لصالحها سندس : مش فاهمه .. شهد مش بقولك عبيطه. يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

16 بعد مرور أسبوع كانت سندس فيه بتهتم بشاهين جدا وحتى أنها بدأت تهتم بعلا وتحاول تاخد مكان شاهين بحياة علاا .. اي طلب لعلا هي اللي تطلبه من شاهين .. شاهين. وريه لاحظوا اهتمام سندس بعلا وأنها بقت مش بتغير منها وكان شاهين مبسوط بده جدا خاصه أنه العلاقه بدأت تتحسن مابينه وبين سندس اللي بطلت تزن عشان غيرتها من علاا بالعكس دي بدأت تعاملها كأنها اختها تساعدها بكل حاجه و بالوقت ده شاهين بدأ يطمن على علا ويهتم بشغله اكتر ويهتم بحياته مع سندس ومكنش ملاحظ اللي بيحصل من وراه .. في يوم كانت سندس بتكلم شهد... شهد بمكر : هااا قوليلي عامله ايه سندس : تصدق طلع عندك حق يا شهد شاهين رجع يهتم بيا لما شافني بعاملها كويس. شهد :وده يثبتلك أن جوزك مش شايفه الا على أنها اخته سندس : ايوا صح عندك حق لكن البنت مش سهله بتستغل اي فرصه وتقرب منه.. شهد : وده بقى شغلك انتي ... مينفعش تسيبيها معاه عشان عنيه متتفتحش عليها وتبقى مشكله سندس : حاضر .. بقولك ياشهد شهد : ايوا سندس بارتباك : عايزاكي تعدي عليا بكرى عشان نروح مشوار شهد باستغراب : مشوار ايه ده سندس : انتي عدي عليا وهتعرفي بكرى شهد : ماشي ..سلام دلوقتي هروح اشوف اخوكي . سندس : مع السلامه.. سندس قفلت مع شهد وبصت للساعه وكان الوقت متأخر اووي وشاهين لسا مرجعش.. بصت من الشباك وكانت عربية شاهين بررا استغربت ونزلت عشان تشوفه في مكتبه وفعلاا نزلت وشافت علا دخلت المكتب بتاع شاهين ... اتغاظت جدا لكنها حاولت تهدى زي ما وصتها شهد .. قربت عشان تسمع بيقولوا ايه .. شاهين باستغراب : انتي لسا صاحيه.. علا بابتسامه : ايوا معرفتش انام واما شفتك عملت قهوه عشان نشربها سوى .. شاهين ابتسم بتوتر وهز رأسه وعلا قربت منه وحطت القهوه قدامه... شاهين : تسلم ايدك علا برقه : شاهين.. شاهين : ايوا ياعلا في حاجه.. علا بحزن : انا حاسه انك زعلان مني .. شاهين : انا ازعل منك لا طبعا .. وازعل منك ليه. علا : عشان انت بتبعد عني ياشاهين وبقالك فتره مش بتهتم بيا زي الاول شاهين حس انها بتلمح بحاجه هو بيهرب منها.. وهو مصدق وعلاقته مع سندس بدأت تتحسن وقال بتهرب مش بهتم بيكي ازاي انتي اختي يا علا اكيد هتبقى من اهم أولوياتي بالدنيا ... ها بقى قوليلي في حاجه مزعلاكي.. مني والا ايه.. علا لسا هتتكلم وتاخد راحتها دخلت عليهم سندس اللي كانت بتسمع كلامهم ومبسوطه اوووي من أسلوب شاهين معاها دخلت عليهم وعلى وشها ابتسامه .. سندس : مساء الخير .. شاهين كان عارف ان سندس هتتاخنق معاه ورد بضيق : مساء النور.. علا بضيق : تصبحوا على خير.. وانتي من اهله ياحبيبتي ردت عليها سندس بابتسامه وعلا كانت متضايقه من أسلوب سندس الجديد معاها هي بقت لطيفه وهاديه ومش عدوانيه معاها زي الاول .. ودي حاجه مضايقاها... اول ما خرجت.. شاهين : ايه اللي مصحيكي. لحد دلوقتي.. سندس قربت منه وهي بتقول مستنياك ياحبيبي انت اتأخرت اوووي.. كده ليه.. شاهين مسح وشه بتعب : شغل.. سندس مدت أيدها ليه : طب تعالي عشان تطلع ترتاح. شكلك تعبان اوووي شاهين مسك أيدها وشدها ليه و قعدها على حجره وهو بيقول : انا متشكر..جدا ياسندس... سندس حاوطه وشه بكفها بنعومه وهمست بحب : على ايه ياحبيبي.. شاهين وهو بيحرك أيده جمب شفايفها وايده التانيه محاوط خصرها : انا مقدر كل اللي انتي بتعمله ياسندس واهتمامك بعلا ده مش هنساه ابدا .. سندس بحب : وانا واثقه فيك ياشاهين ومضنش هيجي يوم تخذلني فيه مش كده.. شاهين باس جبينها بحب وهمسلها انتي كل يوم بتكبري فعيني كتر وحبك جوايا بيزيد.. سندس حاوطة رقبته بدلال وهي بتقول وانا مش عايزاك تبطل تحبني . ولسا هيقرب منها يبوسها سمع صراخ علاا وجريوا عليها وكانت يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

12 اول ما وصل شاهين شقة علاا اتخض لما شاف الشقه مفتوحه وعلا مرميه عالأرض ومش بتتحرك.. والبواب بيحاول يفوقها. . شاهين جري ناحيتها بقلق وحاول يفوقها . وهو يسأل .. ايه اللي حصل يا ياعم سعيد عم سعيد البواب والله يا بيه مش عارف انا يدوب رحت اطلع حاجه لصاحب الشقه اللي فوق ولما نزلت وزي ما حضرتك شايف شفتها مرميه عالأرض حاولت افوقها مفيش فايده ... علا بدأت تفوق بتعب.. شاهين طب ياعم سعيد انزل انت واتصل بالدكتور يجي .. عم سعيد حاضر يابيه .. علاا بدموع لا ياشاهين مفيش داعي للدكتور انا كويسه .. اطمن شاهين وهو بيساعدها عشان تقف : متاكده انك كويسه . علا : ايوووا لكن انا كنت خايفه اوووي... شاهين بقلق وهو بيساعدها تدخل اوضتها : ايه اللي حصل.. ومين اللي كان في الشقه علاا بتيه وخوف : مش عارفه راجل غريب وانا لما شفته حامل سك*ينه بايده اتخضيت ومعرفش ازاي وقعت من طولي كده .. شاهين لما شاف وشها اصفر قال باهتمام : طيب اهدي .. خلاص انا هنا .. الحق عليا انا مكنش لازم اسيبك لوحدك بالشقه .. علا : متقولش كده .. هتعمل ايه يعني..مهو انتا بتحاول تصلح كل حاجه . شاهين بقلق : انتي كويسه دلوقتي وال**** عملك حاجه.. علاا : للا معملش حاجه باين عليه أنه جاي عشان يسرق .. https://whatsapp.com/channel/0029VaGg0x63AzNRmRSoI107 شاهين ساعدها تنام في سريرها وهو بيبص ناحيتها بانزعاج وهو بأينب نفسه عشان خلاها تعيش الموقف ده فاق من شروده على صوت فونه وكانت سندس.. شاهين تجاهل الاتصاله و مردش عليها الاول .. لكنها فضلت تتصل بيه كتير.. علا : مش بترد على فونك ليه شاهين بقلق : انتي بقيتي كويسه . علا : ايوا بقيت احسن ... رد على فونك ياشاهين اكيد في حاجه مهمه شاهين بص على فونه وكانت سندس برضو مش مبطله ترن له.. اتنهد وخرج من الاوضه ورد عليها.. شاهين ايوووا ياسندس سندس بتسرع : انت فين مرات عمي بتقول خرجت ومرجعتش .. . وبتعمل ايه ومع مين.. شاهين باستغراب ايه الاسأله دي كلها.. سندس مش بترد عليا ليه شاهين بانزعاج : اكيد مشغول مردتش من اول مره يعني مشغول .. في ايه ياسندس. سندس بدموع : انت فين شاهين بانزعاج : في ايه مالك هو تحقيق. سندس بإصرار : مش بتقولي انت فين ليه.. شاهين بغضب : هكون فين يعني أنا عند علااا في البيت سندس اتجننت اكتر .. واتكلمت بانفعال : بالوقت ده بتعمل عندها ايه متتكلم. شاهين بغضب : سندس سندس بانفعال : بلا سندس بلا بتاع انت كرشتني عشان تقضي الليله عندها .. شاهين بغضب وتحذير : اششش انتي بتقولي ايه سندس بعدم تفكير مهو ده اللي بيحصل ... شاهين بغضب : اتكتمي... اتكتمي حسابي معاكي بعدين ده كلام يتقال عني.. سندس : ايوا طبعا هتكلمني بالشكل ده قد ... شاهين فصل الفون فوشها ورماه بعيد عنه بغضب علاا برقه : في حاجه ياشاهين شاهين قعد على الكنبه واتكلم بهدوء مفيش ياعلا ادخلي نامي انتي .. علا قعدت جنبه واتكلمت بخوف : مش انا هعرف انام بعد اللي حصل . شاهين حس أنه غلط عشان سابها لوحدها في الشقه واتكلم : متقوليش خايفه انا عايزك تتطمني انا هنا جمبك ومش هسيبك لوحدك ادخلي ارتاحي.. علا سندت رأسها على رجل شاهين بجرأه واتكلمت : مش هعرف انام في الاوضه لوحدي ..ممكن انام هنا جمبك عشان اطمن انك معايا.. شاهين مسح وشه بضيق وتوتر من قربها واتكلم : لدرجه دي خايفه.. حقك عليا.. ياعلاا انا معرفتش اهتم بيكي كويس.. علا رفعت وشها وبصت ليه بابتسامه وهمست : متقولش كده انت بتعمل اللي عليك... شاهين بص على ملامحها القريبه منه وهي غمضت عينها بابتسامه على وشها وهمست ممكن تلعبلي بشعري عشان اعرف انام.. شاهين حرك أيده على شعرها بهدوء وجواه افكار متلغبطه وووو ******** عند سندس معرفتش تنام طول الليل هي بتمر بفتره صعبه جدا من ناحيه مرات اخوها اللي بتهددها والناحيه التانيه.. علاا اللي حاسه انها بتسرق جوزها منها .. هتعمل ايه دلوقتي طلع الصبح وطلبت عربيه وراحت البيت بسرعه وكانت ريه لوحدها بالبيت بتحضر الفطار. سندس بدموع : شاهين مرجعش يامرات عمي.. ريه مالك يابنتي وشك عامل كده ليه.. سندس شاهين روح امبارح.. رية : لا بات برااا البيت سندس بدموع يعني بات عندها.. رية بشك : مالك ياسندس بتتكلمي عن مين.. سندس بصي يامرات عمي انتي عارفه انا بحبك قد ايه مش كده.. ريه بقلق من ملامح سندس : اهدي وتعالي هنا احكيلي متخانقه انتي وشاهين.. سندس رفضت تقعد. اتكلمت بدموع عمي الله يرحمه كان متجوز عليكي وعنده بنت. والبنت دلوقتي بتلف على جوزي انا اسفه عشان بقولك الكلام ده بس انا معدتش قادره اتحمل خلاص .. رية كانت هتوقع من طولها وسندس سندتها بسرعه بخوف وندم وووو يتبع ... https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

17 شاهين بقلق : انتي كويسه علا بدموع : مش قادره اتحرك ياشاهين مش قادره. رجلي مش عارفه ماله سندس ممكن تكون اتلوت علا بدموع : مش عارفه رية : في ايه يا ولاد ايه صوت الصراخ ده سندس : علا شكلها اتفلكشت ورجلها وجعها .. شاهين مسك رجلها لسا هيحركها.. علا ببكاء مش قادره احركها ياشاهين بالرحه.. شاهين طيب ياعلا حاولي تسندي عليا عشان نروح المسفشى سندس بتسرع وغيره هتسظن عليا ياحبيبي انا هساعدها.. علا مش قادره.. بقولكم مش قادره اقف. رية انت هتسب البنت كده شيلها ياشاهين وديه المستشفى.. شاهين بص على سندس. وسندس حست برعشه بقلبه وغيره لكنها حاولت متبينش.. شاهين قرب وشالها .. سندس انا هجي معاكم.. شاهين مينفعش الوقت متأخر ومشي على العربيه بسرعه رية انا هروح معاها..جريت وراه سندس بعناد طلعت وراهم عشان تروح معاهم وشافتهم مشيو وسابوها اتغاظت اكتر وفضلت رايحه جايه بالبيت وكل شويه بتتصل بيه وهو مش بيرد عليها... معرفتش تعمل ايه قعدت تعيط.. عشان حاسه ان علا مش سهله واللعب معاها صعب اووي.. وهي مش حمل تخطط ولف ودوران.. فضلت تعيط لحد ما نامت في الصاله.. بعد مرور وقت رجعوا كلهم وشاهين اتفاجأ لما شاف سندس نايمه في الصاله ولما جت ريه تصحيها شاوراها تسيبها.. وطلع علا اللي كانت نايمه اوضتها وطلب من رية نبات معاها .. ورجع كانت سندس رايحه في النوم فضل باصص نايحتها وهو حاسس بالذنب ناحيتها وحاسس باللي بتمر بيه... ابتسم لما خطرت ليه فكره وقرب منها و شالها سندس فتحت عينيها بنوم وشافته حاملها همست بنعاس انت رجعت يا شاهين. شاهين باس خذها وسألها بعتاب نايمه هنا ليه.. سندس بابتسامه : نزلني الاول تؤ مش هنزلك هنطلع اوضتني كده . مينفعش ياشاهين نزلني.. شاهين وهو بيطلع الدرج هنزلك ماشي خليني نوصل اوضتنا الاول.. حاوطت رقبته وهي بتقول علا عامله ايه . شاهين كويسه الحكيم بيقول احتمال يكون التواء بسيط سندس طب كويس الحمدلله شاهين حطها عالسرير وبص ناحيتها بغمزه هو احنا كنا بنقول ايه قبل مايحصل اللي حصل.. سندس بضحكه مكناش بنقول حاجه. شاهين بضحكه : لا دحنا كنا بنقول حاجه مهمه اوووي انا هفكرك بيها ووو تاني يوم.. عدت شهد على سندس وراحت معها مشوارها واتأخرت شويه شاهين رجع بدري عشان يطمن على علااا. اتعصب لما عرف أن شهد جت البيت وسندس راحت معاها .. وفضلت مستنيها وهو على اخره كل ده وعلاا بترقبه باستغراب ليه مش حابب شهد دي.. أما رية بتحاول تهديه وهو بيتصل بسندس فونها مقفول اتجنن اكتر .. مشي ناحيت الباب بسرعه لما شاف العربيه وقفت وسندس نزلت منها وشهد مشت ورفضت تنزل.. سندس بابتسامه : شاهين رجعت بدري ياحبيبي.. شاهين بغضب : كنتي فين ياهانم سندس رحت مع شهد على. قاطعها بغضب وجنون مليون مره بقولك الزفت دي تخرجيها من حياتك انتي مبتفهميش.. رية : استهدى بالله يابني.. مش كده سندس لما لاحظت بصات علا. اتعصبت وقالت دي مرات اخويا ياشاهين بلا مرات اخوكي بلا زفت العقربه دي متخشش بيتي تاني. انتي فاهمه وبعدين كنت فين .. ومقولتيش انك خارجه برا البيت. ليه وانا المفروض استأذن.. هو انا مراتك ولا ايه بالضبط.. شاهين اتعصب اكتر عشان بترد عليه وقال من غير تفكير مسك ذراعها وقال. : عاوزه تمشي على حل شعرك زي ماكنتي في بيت ابوكي.. سندس اتجننت لما قال كلامه ده وو يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

20 شاهين بس انتي حامل ومينفعش تسافري.. سندس والله ده اللي عندي يا شاهين انا هسافر معاكم .. شاهين بص ليها بضيق وهي كانت دموعها بتنزل اتنهد بقلة حيله وقال ماشي بس تسمعي الكلام بعد كده.. سندس الللي انت عايزه هعمله.. بس اسافر معاكم.. حاوط وشها بكفه واتكلم بجدسه العناد دي ليه يا سندس انا مش عارف افهمك سندس عشان عاوزه اكون جمبك دايما ياشاهين بعد مده سافروا كلهم وشاهين كان بيهتم بسندس اكتر عشان حامل وخايف عليها إنما علا كانت بتراقب اللي بيحصل بصمت ... كان شاهين قاعد في البلكونه بيدخن وسرحان لما سمع صوت علا بتنده عليه علا : انت لسا صاحي ياشاهين شاهين شاور لها برأسه علا : هي سندس فين شاهين : تعبت من السفر ونامت علا : كان لازمته ايه سفرها معانا .. وهي لسا حامل جديد شاهين : معلش اصلا احنا من اول جوزنا مسفرناش ابدا وهي حبت تجي معانا تغير جو شويه . علا بضيق : مممم شاهين وهو بيطفي السيجاره ،: انتي بقيتي احسن علا : ايوا الحمدلله سكتت شويه واتكلمت بابتسامه يابختها.. بص شاهين ناحيتها وسألها : هي مين دي علا : سندس انا شيفاك بتهتم بيها اوووي شكلك بتحبها.. شاهين : سندس مرات وحامل في حته مني اكيد هحبها.. علا عشان كده بقولك يابختها بحبك ده... شاهين : وانت بكرى يجيلك اللي يستاهلك ويحبك.. علا وهي بتبص ناحيته بأمل : بس انا مش عايزه اي حد ياشاهين شاهين وقف بتهرب وقال : تصبحي على خير ياعلا علا مسكت أيده بسرعه وهمست استنى يا شاهين بص ناحيتها وبعد أيدها عنه بهدوء في حاجه ياعلا علا بجرأه : انت مش حاسس بحاجه ناحيتي ابدا شاهين بصدمه : انتي بتقولي ايه يا علا علا بجرأه : انا جيت هنا مخصوص عشان نبقى لوحدنا .. انا عارفه ان ماما ريه هي اللي اجبرتك عالجواز من سندس وانت مش بتحبها اساسا شاهين بعدها عنه ولسا هامشي وهو متضايق من جرأتها لكنها مسكت أيده برجاء وهمست ليه استنى ارجوك ... أنا شايفه بعنيك في مشاعر ناحيتي .. بس بتحاول تداريها .. شاهين انتي شكلك بدأتي تخرفي وبعدها عنه ومشي .. علا مسكت أيده بسرعه وهي بتقوله : شاهين استني عشان خاطري.. ولسا هيمشي وقفت قصاده واتكلمت بدموع انا خسرت بابا ومش عايزه اخسرك انت كمان ياشاهين شاهين بغضب انتي بالاسلوب ده هتخسريني يا علا. هتخسريني نهائي ... علا كانت عينيها بتبصله بحب ومن غير ما تحس همست من بين شفيفيها بس انا بحبك ومش هعرف اعيش من غيرك وقبل ما يتكلم صدمته ببوسه .و و يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

19 شاهين بقلق : مالك ياعلا .. علا بخنقه : مفيش ياشاهين انا كويسه .. شاهين : وشك عامل كده ليه .. علا : قلتلك مفيش بعد اذنك .. شاهين : استني يا علا علا في ايه ياشاهين .. عاوز حاجه شاهين عاوز اعرف مالك عيونك حمره كده ليه انتي معيطه.. علا بدأت تعيط وهي بتقول بابا وحشاني اوووي ياشاهين شاهين ربنا يرحمه ايه اللي فكرك فيه دلوقتي علا بدموع : انا محتاجه له اووي يا شاهين محتاجه له والله في ايه يا علا انا جمبك ايه اللي مزعلك كده.. احكيلي .. في حد زعلك بحاجه رجلك بقت كويسه... علا انا كويسه لكن عاوزه اسافر عاوزه اروح بيتنا شاهين طيب اهدي كده خليني افهم ايه اللي حصل معاكي فجأه كده .. علا عاوز اسافر عشان خاطري.. طيب طيب هحجز ونسافر سوى بس بلاش تقلقيني كده عليكي.. علا مسحت دموعها بشهقات ححاضر بس انت وعدتني مش كده.. وعدتك بس مش عايز اشوفك تعيطي كده تاني ماشي . هزت راسها بايجاب.. هتروحي فين . علا اجهز حاجتي عشان السفر... شاهين بص باثرها لما شافها دخلت اوضتها واتنهد بقلة حيله ازاي هيبلغ سندس أنه هيسافر مع علاا لوحدهم ..ويسيبها وهي حامل كده .. بعد شويه كان الفطار جاهز والكل عالسفره شاهين بعت الشغاله تنده لسندس اللي لسا منزلتش.. واول ما دخلت سندس عليهم شاهين تعالي ياحبيبتي هنا جمبي .. سندس قعدت جمبه بابتسامه عشان تغيظ علا .. شاهين بقيتي احسن .. سندس احسن ياحبيبي .. علا بابتسامه الف مبروك يا سندس فرحتلك من كل قلبي.. سندس الله يبارك فيكي عقبال ما نفرح بيكي .. علا ابتسمت وكملت اكلها .. رية انتو حجزتوا امتى شاهين .. سندس حجز ايه ده .. شاهين شرق وهو بياخد كباية الميه .. سندس : سلامتك. ياشاهين انت كويس .. رية : مالك ياحبيبي اصمالله عليك .. علا بخضه شاهين في ايه اللي جرالك ... سندس بصت ناحيتها بغيره .. شاهين : انا كويس .. كويس.. سندس : خضتني عليك... شاهين شد على أيدها بخفه عشان يطمنها انا كويس متخفيش... سندس بصت ناحيت علا وقعدت جنبه .. شاهين قرب ووشوشها خلصي فطار وحصليني فوق عايزك في حاجه مهمه . سندس هزت راسها وهي بتبصله باستغراب ... رية حجزتوا امتى يا علا علا الطيارة بتاعتنا بالليل طيارت ايه سألت سندس باستغراب علا اصلا انا وشاهين هنسافر اسبوع ونرجع سندس باستغراب : تسافر ليه معلش.. علا : معلش لازم نسافر ضروري.. سندس وقفت بغيظ وقالت ترجعو بالسلامه وراحت اوضتها بسرعه وكان شاهين بيستناها شاهين تعالي يا سندس عاوزك بحاجه مهمه سندس بغضب : ممكن افهم هتسافر فين بالوقت ده ولأا مش بس هتسافر هتاخد الهانم معاك ... شاهين : اهدي وخليني افهمك ... سندس بغضب : تفهمني على ايه .. انت بجد هتسافر معاها بجد يا شاهين .. شاهين بغضب : صوتك يا سندس وخد نفسه. اتكلم بهدوء : ممكن تهدي سندس بدموع : مش عايزه اهدا وكملت بتهديد : بص يا شاهين لو هتسافر معاها يبقى توديني لأهلي .. شاهين : ايه العبط اللي انتي فيه ده سندس : والله ده اللي عندي شاهين : هو جنان وخلاص سندس بعناد : ايوا جنان وخلاص شاهين : بصي مينفعش تروحي وانتي حامل عند اهلك مين هياخد باله منك سندس ضحكت بسخريه : وهنا مين هياخد باله مني انت هتسافر تتصرمح مع السنيوره بتاعتك وانا اتفلق هنا شاهين بتحذير : سندس قلتلك مليون مره علا دي زي اختي. سندس بدموع وانهيار : وهي .. هي شيفاك ايه. ياشاهين متقولش انت مش ملاحظها .. شاهين بنفاذ صبر : انتي عايزه ايه دلوقتي يا سندس سندس بعناد : هسافر معاكم ياشاهين يتبع https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

13 علا برقه : بتعمل ايه ياشاهين شاهين بتعب هو طول الليل معرفش ينام : بعمل قهوه.. علاا بابتسامه : طيب سيب من ايدك انا هعملك شاهين : معلش يا علا هعملها انا علا وهي تمسك أيده والله مش هيحصل اديني انا هعملها عنك.. بعد شاهين عنها لما حس بأنها تحاول تقرب منه.. علا بابتسامه بس المفروض تفطر الاول مش كده.. شاهين خد سيجاره في بوقه ولسا هيولعها قربت منه علا وخدت السيجاره وهمستله بعتاب مينفعش تدخن قبل الفطار يا شاهين كده مش كويس لصحتك.. ثواني بس وهحضرلك الفطار.. شاهين علاا علا بصت ناحيته بابتسامه هاديه ايوا.. شاهين لسا هيتكلم سمع خبط جامد على الباب شاهين انتي مستنيه حد علاا لا محدش يعرف عنواني ..انت مستني حد... رية : شاهين تفتح الباب ياشاهين شاهين اتصدم لما سمع صوت مرات عمه وراح بسرعه فتح الباب وشافها معيطه وكانت معاها سندس شاهين بتوتر مرات عمي.. رية بدموع انت ياشاهين انت تعمل فيا كده.. ده انت ابني.. ابني اللي مخلفتوش.. شاهين مرات عمي انا.. بالوقت ده خرجت علاا عالصوت وسألت مين ياشاهين... اتجننت سندس لما شافتها بالبيجاما قدام شاهين وباين أنه دلوقتي فاق من النوم ازاي .. ازاي ينام عندها ومش سائل فيها أبدا ... رية بصت على علا ونزلت دموعها غصب عنها وهي بتقول هي دي بنت عمك ياشاهين.. هي دي اللي مخبيها عني.. وهي ترجع ورى.. شاهين قرب ناحيتها وهو مش عارف يعمل ايه واتكلم بندم اسمعني بس رية بصراخ مش عايزه اسمعك ياشاهين .. عمك مات وانت دلوقتي حرقت قلبي يابني حرقت قلبي ياشاهين .. وجريت وسأبته..وهي بتعيط وشاهين بص لسندس بغضب وهي جريت ورى رية وهربت من بصاته ليها.... علا شاهين هي دي مرات بابا شاهين مسح وشه بتعب وقال بجديه متفتحيش الباب لحد يا علا انا مش هتأخر.. وراح عشان يحصل مرات عمه بسرعه بعد مرور يومين شاهين متكلمش فيهم مع سندس ابدا واتجاهل وجودها تماما وخلى علا تعيش معاهم بنفس البيت... حاول يصالح مرت عمه كتتير لكنه مش راضيه تسمعه... شاهين باس دماغها وابتسم : هتفضلي زعلانه مني لحد امتى ياست الكل. رية مش زعلانه منك ياشاهين شاهين مش باين.. رية انا في الأول اتعصبت عشان خبيت عني ..اللي عمله عمك.. شاهين عمي الله يرحمه مكنش عاوز يزعلك عشان كده مرضيش يقولك. رية بحزن انا طلبت منه كتتير يتجوز بس هو رفض.. شاهين عشان مش عايز يكسرك.. بس هو كسرني. دلوقتي لما اعرف ان عنده بنت من زمان وانا معرفش..بوجودها .. شاهين باس أيدها واتكلم بعتذرا حقك عليا انا .. لكن والله عمي بيحبك.. اوووي...ومكنش عاوزك تزعلي منه.. رية ربنا يسامحه يابني ربنا يسامحه... شاهين كنت عارف ان قلبك كبير اووي من لما شفتك بتعاملي علاا زي بنتك.. رية البنت مالهاش ذنب وانا مش هعاقبها على حاجه ملهاش ذنب بيها... شاهين كنت عارف والله قلبك كبير وهتقبلي بعلا بينا... رية : شاهين يابني..ليا عندك طلب.. شاهين بابتسامه : انتي تؤمري يامرات عمي .. رية سندس.. شاهين قلب وشه للضيق. رية دي مهما كان مراتك وبتغير عليك وعملت كل ده من غيرتها وحبها ليك.. شاهين سندس بتغلط كتير .. وانا بحاول اعدي ..إنما المره دي اتجاوزت كل الحدود.. رية عشان خاطري يابني طيب خاطرها بكلمتين... دي كانت عاوزه تروح لأهلها من معاملتك ليها ولا كأنها هنا.. لكن انا منعتها.. شاهين اتعصب لما عرف انها كانت هتروح لأهلها لكنه بين أنه مش مهتم... وقال ببرود مصطنع ده دلع ستات يامرات عمي.. رية شاهين عشان خاطري تتكلم مع مراتك.. ميصحش تسيبها كده... دي حتى لما جت تكلمك طنشتها ميصحش كده يابني.. شاهين متشغليش بالك انتي ياست الكل.. . رية لسا هتتكلم تاني قاطعهم صوت علا بتنده لشاهين شاهين : تعالي ياعلاا عايزه حاجه . علاا بضيق انا عاوزه أخرج من هنا عشان زهقت يا شاهين وانا محبوسه بالبيت.. رية بصت ناحيت علاا واتكلمت ماله يابنتي دلوقتي انتي وشاهين وسندس تخرجوا تغيروا جو بدل قعادكم بالبيت.. ولسا شاهين هيتكلم خرجت سندس وقالت بانزعاج لا يامرات عمي سيبيهم يخرجوا لوحدهم مش عايزه ابقى عذول . سندس قالها شاهين بغيظ من تلمحياتها.. سندس بصت ناحيته بدموع وقالت والله مش قعدالك فيها ياشاهين عشان يفضالك الجوى معاها... وجريت على اوضتها الكل كام مصدوم من تصرفات سندس الغريبه والعدائيه ناحية علاا اللي دايما كانت زي الملائكه مع الكل حتى أن مرات ابوها بدأت تحبها...لكن سندس مصممه أنها وحشه وعايزه تخطف جوزها. رية اطلع لمرتك ياشاهين.. شاهين سيبيها يامرات عمي هتهدا لوحدها علا عشان خاطري ياشاهين اطلع صالحها انا حاسه اني السبب في المشاكل اللي بتحصل مابينكم.. شاهين انت بتقولي ايه ياعلاا علا مسكت أيده وبصت ناحيته برجاء عشان خاطري ياشاهين اطلع صالحها عشاني . شاهين اتنهد وطلع ولما دخل عليها كانت يتبع. https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،

11 سندس : لأ ياشاهين شهد مش هتعمل كده شاهين : ليه لا سندس : شهد تبقى مراتي اخويا ومستحيل تعمل كده دي زي اختي شاهين : بس انا عندي دليل على كلامي. سندس : حتى ولو انا مستحيل اخرب بيت اخويا كده شاهين : دي سلمتك لراجل غريب وانتي دلوقتي بتدافعي عنها .. سندس شاهين افهمني .. دي مرات اخويا وام ابنه ..اكيد في حاجه غلط.. شاهين : يعني ايه هتسيبيها كده سندس : بص انا هتكلم معاها وافهم اللي بيحصل .. اكيد في حاجه غلط اكيد شاهين برحتك.. بس انا ينبهك اه واقولك متأمنيش الست دي.. سندس بشرود : حاضر .. شاهين شاهين : ايوا . سندس : انا هبات عند اهلي الليله دي ممكن.. شاهين : هعدي عليكي بالليل.. سندس : بس انا عاوزه ابات هنا وافهم اللي بيحصل مع شهد ده . شاهين ماشي بس الليله دي بس . بشرود ماشي بعد اذنك.. شاهين : سندس سندس بتيه : ايوا .. شاهين بقلق : مالك بتفكري بأيه. سندس مفيش .. بعد اذنك.. لتنزل من السياره وهي شارده مالذي ستفعله الأن...أما شاهين بقي يراقبها بقلق حتى دخلت المنزل ليغادر...وهو بيفكر بردة فعلها الغريبه .. ******** بالليل كان شاهين قاعد مع مرات عمه بيحاول يمهد لها ويقولها أنه عمه كان متزوج وعنده بنت .. رية في ايه يابني انا حاسه ان عندك حاجه عاوز تقولها.. شاهين حرك أيده على رقبته بتوتر واتكلم بجديه : بصراحه مش عارف اقولك ايه لكن . رية : لكن ايه يابني وانت من امتى متعرفش تتكلم معايا بصراحه.. شاهين احم عاوزك تعرفي انك امي اللي ربتني وانا مستحيل ازعلك لو مهما حصل.. في ايه يا شاهين اتكلم يابني. شاهين في أن.. قاطعه رنين هاتفه وبص لقاها علا.. استئذن من مرات عمه وبعد عشان يرد عليها.. اول ما رد على الفون كانت بتعيط شاهين بقلق في ايه علا اتكلمي.. علا بدموع الحقني يا شاهين في حد بالشقه مش عارفه بيدور على ايه.. شاهين انا جايلك حالا اتصلي بالبوابة وانا مسافة السكه وجايلك..... وقبل مايقفل الفون اتصدم لما سمع صوت صريخها و وو ******** شهد بدموع : انتي عارفه كويس انا عملت كده ليه.. سندس : انا مش قادره استوعب انك تعملي كده شهد انت عارفه كويس يا سندس اللي حصل معايا وليه عملت كده سندس بانفعال : مفيش حاجه تبرر اللي عملتيه ده... شهد مش فاهمه انتي عاوزه توصلي لحد فين.. سندس انا هقول لاخويا اللي حصل شهد بتحدي : لو قلتي لاخوكي انا برضو هقول شاهين عن كل حاجه.. سندس بصدمه انتي بتقولي ايه... يتبع .. يتبع..... https://whatsapp.com/channel/0029VaGg0x63AzNRmRSoI107 روايات كل يوم رواية جديده 💖،،!