𓆩Elzero𓆪 -> Programming
34.7K subscribers
Verified ChannelAbout 𓆩Elzero𓆪 -> Programming
Everything About Programming
Similar Channels
VENUERI AMBASSADOR PROGRAM
VOICE OF BIOTECH
Partai Rakyat
ASHUTOSH KUMAR53963
Jasmine6991TTV
Tech Program Mind - Jobs and Internship Update
Koncertna dvorana Ive Tijardovića | Hrvatski dom Split
Real_GoddessAnna
ˢᵃʰᵘˡᵃᵗ ᵃᵘʳ ᴿᵒᶻᵍᵃʳ (ᶠᵃᶜⁱˡⁱᵗⁱᵉˢ ᵃⁿᵈ ᴶᵒᵇˢ)
Ahadu Radio And Television
Capital Gains Zimbabwe 🇿🇼 || Forex Market Trading
Search.Everything
Reginald.ro
VMC Program
American Spaces Nigeria
Swipe to see more
Posts
خلي معاك الكنز دة وانت بتذاكر في رمضان فيه مرجع لكل حاجة بتذاكرها تقريبا اكتب اللينك من الصورة
كل عام وأنتم أقرب الى الله وبخير ورمضان كريم على الجميع ان شاء الله كل واحد يحقق أهدافه في الشهر الكريم
هديك نصيحة من قلبي والله بعد سنين في المجال دة. متقعدش تتنطط وتتعلم مليون حاجة امسك في حاجة اتخصص فيها جدا علشان توصل لوظيفة محترمة في الآخر. -- في شركات بتطلب واحد جوكر فاهم في كل حاجة وعاوزينك تلم معلومة من كل مكان علشان يوفر لكن الشركات دي ليها حدود في المرتب مش هتعديه وفي مرتبات معينة مستحيل توصلها بالشكل دة. -- امسك في مجالك بس واتخصص فيه وفي كل ادواته علشان توصل لمكان محترم ومرتب محترم وحياتك تتغير
من أجمل طرق التعلم ان يكون معاك حد في الرحلة من نفس مستواك. ---- تخيل عاوز تتعلم مثلا حاجة زي Laravel وتعمل بيها مشاريع ---------------------------------------------------------- 1- هات 4 أصحابك او ناس عاوزة تتعلم في نفس مستواك من أي جروب للبرمجة. 2- اعملوا جروب على تليجرام واتفقوا على وقت تتكلموا فيه يوميا. 3- اتعلموا نفس ال Topic في نفس الوقت 4- كل واحد هيشرح للباقي فهمه ازاي وتتناقشوا فيه لحد ما تتأكدوا ان كلكوا فهمتوه صح وكل واحد ضاف للتاني معلوماته 5- اعملوا حساب كلكوا على Github واعملوا Repo فاضي تبدأوا ترفعوا فيه ملفاتكوا حتى لو هترفع كل يوم ملف Readme او اي Text كتبت فيه ملاحظاتك علشان تتعود على المهارة دي وتتعود تشتغل في فريق من اول يوم بتتعلم فيه. 6- خلوا أكتر واحد خبرة فيكوا يكون هو ال Lead وهو اللي ينشيء المشروع وانتوا تكملوا بعده. 7- لو عطلت في نقطة اتناقشوا فيها كلكوا لانكوا هنا في مرحلة تعليم مش مشروع حقيقي و 4 أشخاص بتفكر افضل من شخص. 9- متنساش ChatGPT هينقل مستواك في حتة تانية لو اعتمدت عليه يشرحلك وتقعد معاه بهدوء كدة وتفهم بيقول ايه 10- لما تتمكن من أداة خش على اللي بعدها علشان تكون فكرة عن اللي بيحصل في الشركات وبين الفرق يعني مثلا حسيت بعد فترة انك فهمت قصة ال Git وال Github واتقنتهم الى حد ما ابدأ دور على الادوات اللي بيستخدمها الفريق واتعلم واحدة منهم سواء ادوات تقنية او حتى الادوات اللي بيسخدموها للتواصل ولو في أكتر من اداة ممكن تتعلمهم مع بعض بدون تعارض مفيش مشكلة 11- لو في معاكوا Mentor مستواه عالي ترجعوله كل فترة هتبقى حاجة عظيمة جدا ولو مفيش ChatGPT هيساعد شوية معاكوا 12- متقعدش يوم من غير متدخل تشارك في اللي بيحصل علشان متعطلش 13- متستعجلش على الشغل خالص اتعلم بتركيز علشان مستواك يبقى حاجة حلوة 14- في تطبيقات كبيرة بتوصل ل 12 ساعة على يوتيوب توريلك تعمل موقع كامل متتفرجش عليها كلها مرة واحدة كل المعلومات دي هتطير منك اختاروا جزء خلصوه كله باتقان وافهموه كاملا وبعدين طبقوه كتير قبل ما تدخل على الجزء اللي بعده. هو مش فيلم لازم تخلصه النهاردة 15- مبروك عليك بقيت بتتعلم ومعاك فريق وداخل باذن الله جاهز وعارف اللي بيحصل
جربوا ال IDE دة جميل اسمه Trae AI
ايه الفرق بين الكودين ؟ وهل بيعملوا نفس الوظيفة ؟ مع شرح السبب جاوب مع نفسك ودور وجرب علشان تتعلم حاجة جديدة
السلام عليكم بمناسبة اننا قربنا على 500 عضو في منصة الكورسات عملت عرض عبارة عن كورس JS + WP بسعر كورس واحد لو هتشتريه بالفيزا كمل عادي في الموقع ولو عاوز تشتريه من داخل مصر هتلاقي في الموقع فوق طريقة الشراء من داخل مصر ادفع تمن كورس واحد بس بأي وسيلة متاحة في الصفحة وراسلني على الميل علشان نعمل اللازم -- العرض متاح ل 100 شخص فقط الموقع: https://elzero.courses/ الميل: [email protected] التليجرام: https://telegram.me/Elzero_Business --
الإستعجال عمره ما هيعلمك برمجة ولا يخليك تشتغل. في ناس بدأت تتعلم وتشتغل على مشاريع وكان بيقعد اسبوع أو أكتر في تهيئة بيئة العمل بس وفاكر انه كدة العيب فيه ومش فاهم ومش عارف ان تهيئة بيئة العمل والأدوات اللي هتشتغل بيها هي أهم حاجة في المشروع واللي مبني عليها كل حاجة بعد كدة وانها مرحلة من المراحل اللي لازم تقعد فيها وتفكر وتاخد قرارات قبل ما تشتغل. حاول تبعد عن دماغك قصة ان انا اخدت وقت في الحتة دي وزعلان لا خلي كل مرحلة من المشروع تاخد وقتها وخصوصا أول خطوة واطمن كل مشكلة هتطلعلك هتعلمك حاجات جديدة كلها هتنفعك وتزود من خبرتك
مهم ليك حتى لو مبرمج هينفعك https://chat.qwenlm.ai/
في شخص بعتلي رسالة بيقولي انا قدامي وظيفة "X" في البرمجة أذاكر التراك بتاعها منين ؟ يا جماعة الخير الله يباركلكوا ويكرمكوا ننزل على أرض الواقع وبلاش تستنوا حد يجاملكوا انتوا فاكرين البرمجة دي ايه ؟ هتبعت Prompt ل ChatGPT يبعتلك الرد تلاقي نفسك اتعلمت التراك وتروح تاخد الوظيفة ؟ يا جماعة الخبر ربنا يبارك فيكوا دة مجال تقيل ومحتاج منك تعب ومجهود وشغل والله علشان ربنا يكرمك وحياتك تبقى أفضل. في ناس بتبعتلي انا بعتلك رسالة من خمس سنين وصبرت والنهاردة بكلمك من على مكتبي في الشركة علشان أشكرك يعني تعب وصبر واجتهد ودة مش معناه انك لازم تستنى 5 سنين انا بحكيلك عن الرسالة اللي جتلي. اللي عاوز أقوله بلاش تتعامل مع وظايف البرمجة انها صفقة تروح تقول للشركة اديني بس 3 شهور هاخد كورس واجيلك يا برنس توظفني الموضوع مش كدة والله ادي للوظيفة حقها علشان متتصدمش وبلاش تتعود على المجاملات علشان هتلبس في الحيطة. -------------------- لو انت من الناس اللي بتحبط من الكلام سيبك من البوست واقرا من أول هنا :) انت برنس وهتعدي وروح بسرعة ذاكر وفي خلال اقل من 3 شهور هتاخد الوظيفة يامعلم أي خدمة تمام كدة ؟ :D