خواطر سماره

خواطر سماره

1/31/2025, 8:48:16 PM

دايما بقعد أفكر ليه الراجل بيحب يبص لواحده تانيه غير مراته حتي لو كانت نزوة ليه دايما مراتك ترعاك و ترعي عيالك و تصونك و تحافظ على سمعتك و تحاول تكبرك وإنت تبص لواحده غيرها ليه حبيبتك خطيبتك تستحمل بعدك و عصبيتك و تحافظ عليك و مهما مين حاول يكلمها متبقاش شايفه غيرك و تحارب علشانك و تتنازل عن حاجات كتير و انت مجرد ما تمل شويه تروح تكلم بنات و تخونها ليه مطلوب منها انها تستحمل الملل و الروتين و العصبيه و تحافظ و تصون و انت لأ حتى لو هي نكديه و فيها العبر طب ما تسيبها و خليها تشوف حياتها وإنت كمان روح شوف حياتك ليه تحسسها بالنقص في إنها تشوف إنها مش مكفياك مش مالية عينك مع إن إنت مش عدل بردوا بس إنت مالي عنيها و مكفيها ليه القرف دا إنك تعلقها جمبك و في نفس الوقت بتبادل مشاعرك مع واحده غيرها هل المفروض لما هي تزهق و تمل تبادل مشاعرها مع واحد غيرك طب بتبقوا حاسين ب ايه وانتو بتعملوا كداا يعني مفيش لحظه كدا مراتك و عيالك خطيبتك حبيبتك بيعدوا قدام عينك أو بيجوا في خيالك و انت بتخون الست اللي مدياك الأمان دا لو هي حاسه بأمان أصلا من نحيتك🥀

خواطر سماره

1/31/2025, 8:49:55 PM

عادي إنّك تلاقي الشخص اللي ظلمك مرتاح ومبسوط في حياته، وده مش معناه إن حقك راح خلاص ربك يمهل ولا يُهمل.. يعني مُمكن ربنا يسيبه يوم واتنين وسنة، وفجأة وبدون أي تدخُل منك سوى دُعائك وتفويض أمرك لله، هتتحقق العدالة الإلهيه وكل واحد هيدوق من نفس الكاس، وفي لمح البصر هتلاقي حقك بيرجع ونار قلبك بتهدى، وهتقعد تشكُر ربنا للصُبح، صدقني كُله بميعاده وحقك جاي جاي مهما طال الانتظار. فما تضيعش عُمرك بتراقب اللي ظلمك عشان تشوفه إتأذى وداق من نفس الكأس وحقك رجع ولا لسه؛ القصاص مُدة إنتظاره بتطول على الشخص اللي قاعد على نار مستني يشوف حقه بيرجع وبتقصَر على اللي مسلمها لربنا! سلمها لله وفي الوقت المُناسب ربنا هيرُد الحقوق وهيبرّد نارك وهتشوف القصاص على حياة عينك. يا صاحب الحق عيش في حالة تسليم مش إنتظار. **خليها على صفحتك، تبقي قدامك دايما **