نبض الهدايه 💜😴
601 subscribers
About نبض الهدايه 💜😴
ايمانا مني ب فكره الزول يموت ويترك اثر حتي بعد يموت... وب انو الطريقه البتقدم او تعرض بيها الحاجه ليها اثر كبير في انو الزول يحب الحاجه دي او ينفر منها ويبعد 💜... عشان كدا جاتني فكره انو لي دينا م نوصلوا بطريقه حلوه شديد (او بطريقه شبابيه💜🙃) وعشان الجنه ما تستاهل انو نضيع يومنا بدون م نتقرب من ربنا وانو لازم نتنافس في العبادات 💪😌 وعلي اساس الحاجات دي عملتا قناه دينيه الهدف منو انو نساعد بعض علي الالتزام والطاعه 💕✨ هيكون عباره عن(فيديوهات دينيه وبوستات ومقاطع وخواطر دينيه واي حاجه متعلقه ب الدين) #كسره نحنا ناس كويسين وربنا حيتقبلنا حتي ونحنا كنا غرقانين في الذنوب بس نحنا نحاول ونقرب ليهو... ف اللهم انا نسعي فبارك السعي بالقبول وبلغنا مقاصدنا يارب العالمين 🤲💜 تهادو الحب غيبا ب الدعاء ضموني في دعواتكم😴💜 رابط القناه https://whatsapp.com/channel/0029VaeBeeDKgsO2Cu0BQQ45
Similar Channels
Chemistry Lovers
عالم الواتساب🤍🙈نكت حب حزن لو خيروك خلفيات WhatsApp مقالب😹ردود💦😍💕
✨رمـضـآن يجمـعنآ✨
ﭑڵـبـرنســـس قناه القرآن الكريم 🌸💎
⤸فانية فڪُن لطِيفاً ⁽͢🦋)' قرآن احاديث كتابات دينيه
مشاعر مبعثره💔 حالات حزن خلفيات صور ملصقات منوعات ستوريات بنات تعليم طلاب قروبات سكر اطفال نكت مجانين
Bhatti Ki Mehfil
Dj Neto de Ananindeua
Nabd - نبض
هنا نبدا وفي الجنة نلتقي ♥😍 Sh 💎الحياة🥰 حلوه بذكر الله🫀💯صور قرانية دعم روابط 🙄 عبارات
والآخرة خير وأبقى...♡
احياء ريحانة القلب
𝐀𝐢𝐠𝐥𝐞 𝐈𝐧𝐜𝐨𝐦𝐩𝐚𝐫𝐚𝐛𝐥𝐞 ☝️𝐀.𝐈.𝐄.𝐌
elhadri 24 وظائف عن بعد 🇸🇦
نَـفس مـطمئنه❤🩹. قران اقتباسات صور اخبار اذكار فديوهات نصائح جزيره الناس مغرب🇪🇬💯
Swipe to see more
Posts
الحياة مع المداومه على سورة البقرة جميلة جداً جداً جداً جداً جداً جداً جداً سورة البقرة دي معجزة معجزة مععععععععجزة.. ح تلاقي بركة في حياتك ح تلاقي امنياتك محققة ح تلاقي دعواتك مستجاية ح تلاقي الناس المؤذية بعدت عنك ح تلاقي في حياتك راحة و اطمئنان عجيب عجيب عجيب عجيب و الكثير الكثير الكثير من البركات والفتوحات ما مدوامة على سورة البقرة؟ انا جايه من هناك وبقول لكِ فايتك كتير كتير كتير كتير كتير هسي هسي هسي قوموا اقرو سورة البقرة #منقول
تعالي اوريك ليه ربنا امرنا نقرا سورة الملك قبل النوم :🧡 ربنا، من لُطفه العجيب عارف دماغنا قبل النوم بتشتغل زيادة تفكير في المستقبل في الناس، في الظروف والقلق على المجهول ومليون حاجه الواحد شايل همها … ف تسمع ربنا بيطمنك ويطمن قلبك من اول كلمه: "تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ" يعني الماسك كل حاجة.. هو! م زول تاني. وبيذكرك بلحاجه الوحيدة المفروض تشغل بالك كل يوم :🧡 "الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا" مش أحسن شكلا ولا شهرة ولا followers… أحسن عملا. 🟠ويذكرك: كل الفوضى البتحصل في يومك م صدفة دي مرتبة بدقة من ربنا ووراها حكمة وسبب دقيق أنت لسه ما عرفته "مَا تَرَىٰ فِي خَلْقِ الرَّحْمَٰنِ مِنْ تَفَاوُتٍ" وبيرد على خوفك من الناس، والاعتماد عليهم، ويقولك: 🧡 "أمَّنْ هَٰذَا الَّذِي هُوَ جُندٌ لَّكُمْ يَنصُرُكُم مِّن دُونِ الرَّحْمَٰنِ" يعني ماف زول حيقدر ينفعك أو يرزقك إلا بإذنه. وبعدين يذكرك تاني ويقول ليك:🧡 " قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ ، قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ يعني مهما كان انتي محتاجه تشكري ربنا ع النعم العندك التي لا تحصى ولا تعد وتتذكري هدفك الحقيقي من الدنيا دي فتصغر اي حاجه جمبه وبس .... تنام بسلاام🧡 منقول
(انا تعبانة نفسيا انا محتاجة support) 😥 حقيقي مصادر الدعم دي مهمة...سواء كان والدين أصحاب اهل وزوجة وزوج داعم. مرة رقدو لينا طفلين في العنبر عندهم سكري.. لمن نجي بالصباح نلقى البت مجيهة ومسرحين ليها وسكريها ظابط ولمن نمشي للولد نلقى قاعد براهو ومبشتن وما عملو ليهو فحص زاتو انت يا ولد اهلك وين،؟؟؟... ابوي برة.. وامك!!! . امي متوفية والعبرة خنقتني. 😭💔 حقيقي قلت الام كمصدر سبورت اهم شي. 😥 مرة واحد بنعرفو فجأة زوجتو مرضت.. واتوفت حياتو نفسيتو وشكلو زاتو اتغير... قلت في نفسي الزوجة دي مهمة جدا كمصدر سبورت. لكن كمان برضو واحد من معارفنا... الزول دا امو وابو متوفيين... وما كان متزوج الوقت داك... قاعد مع ناس كدا ممشي امورو.... حرفيا الزول دا فيهو ادب وأخلاق واتزان يحيرك واحنا العندنا عشرمية مصدر سبورت مهزوزين وعاملين زي طير الرهو🤣🤣🤣 في مصادر سبورت تانية واحنا ما جايبين خبرها!!!!!؟🤔 لفتتني المواقف الحصلت للنبي صلى الله عليه وسلم .. من ولدو لقا ابوهو متوفي... تم ٧ سنة امو اتوفت... تم ٨ سنة جدو اتوفى... ومسكو عمو ظلت مصادر السبورت تختفي منو واحد ورا التاني... 💔😭 الاتزان الفيهو والصدق والأدب والأخلاق كان وزعوها على البشر اجمع يكفي ويزيد...🤔 لمن اتسلم امر الدعوة الناس كان بينبذوهو وبيعتدو عليهو فكان عمو بيحميهو وبقى عندو مصدر سبورت تأني زوجتو خديجة رضي الله عنها كان محطة امان بالنسبة ليهو بتواسيهو... وفجأة عمو علي زوجتو الاتنين اتوفو في زمن متقارب.. 💔😭 هل اصابتو الهشاشة النفسية!!! 🤔🤔 هل فقد صوابو وعقلو؟؟؟؟... 🤔🤔 لمن فقد أعظم مصدر طوالي نزلت الآية " وتَوَكّل عَلى الحَي الذِي لَا يمُوت".. انا قاعد يا محمد كان عمك مات وزوجتك ماتت انا مشيت وين انا قاعد انا ما بموت اتوكل علي وما تخاف... يا سلاااااااااام... 💜💜💜💜😭😭😭 المشركين كان شافو حايم في الشارع يقولو المجنون خلاص جاكم... كان دعاهم بيقولو انت واحد كضاب بس. 💔💔 طوالي ربنا ينزل الآيات " فإِنهُم لَا يُكذّبونَك ولَكن الظّالِمينَ بآياتِ اللّٰه يجْحَدون".. هم عارفينك في قرارة نفسهم انك صادق هم بس بيكذبو بي اياتي ما بكضبوك انت... لمن الناس كلها ابتو ورفضت دعوتو وناس الطائف نبذو وشترو بالحجار وقلبو وجعو😭😥💔...جاهو جبريل قال ليهو ارح عندنا ليك رحلة رهيبة... 💜💚 فكانت رحلة الإسراء والمعراج... 💜💚 ربنا وقف ليهو الأنبياء صف في المسجد الاقصى ورصاهم ليهو في السماوات عشان يثبتو... 💜💙 لمن وصل السماء الدنيا وجبريل بيطرق في الباب الأرض كلها بقت ليهو زي النقطة ويييين ابو جهل ويييين مكة وييين ناس الطائف في الكون الواسع دا.....💚💜 جا نازل بي دوافع وبي حماس وواصل الدعوة 🔥❤️ اجششششش هنا السبورت ولا بلاش... ❤️❤️💙💙🔥🔥 مرة في ناس ضايقوني بي كلام جارح قلبي وجعني شدييييييييد قمت مشيت لي صحبتي اتكلمت معاي وواستني لكن انا حسيت انها ما قدرت تفهمني و شكرتها...صحبتي التانية لاحظت ضيقي دا وادتني محاضرات سمعتها وبرضو لسة في حاجة عالقة في قلبي... 😥😥😥 أول ما فتحت القرآن لقيت لي آية تقول اول مرة اقراها ... (ولَقَدْ نعْلَمُ أَنَّك يضِيقُ صَدرُك بَمَا يقُولُون) .. احنا عارفين قدر كيف قلبك واجعك من القالو ليك الناس... واااي ياربي انت حاسي بي وعارف قدر شنو انا متالمة!!!!! 😭😭😭😭😭😭😭... طيب اسوي شنو!! .. (فسَبّح بِحَمدِ ربّك وكُنّ مِن السّاجِدِين) ... طوالي بقيت اقول سبحان الله وبحمده مية مرة وانا بتأمل في المعنى.... وقمت اخدت لي سجدة كدة وبكيت وحكيت ودعيت... وقمت كانو ماف حاجة حصلت... ❤️💙💚 شفيت تماما من الألم ونسيت الموضوع زاتو كان لم يكن... نزلت علي سكينة وراحة ما بتقدرو تتخيلوها..وبقيت مذهولة من قدرة ربنا على شرح صدري من جديد. ♥️❤️💜 يا فردة مصادر السبورت قد تغيب قد تمرض قد ما تفهمك قد تموت قد تكون نايمة في وقت انت محتاج تفضفض فيهو.. ربنا قاااعد... ربك الشاهد على قصة حياتك من وانت في بطن امك وعالم بيك ورحييييم بيك قاااااعد....💜 ربنا العارف بي أفكارك الداخل نفسك من غير ما تنطق بيها.. ( يعلم السر واخفى) ربنا حي لايموت... وقيوم لاينام.... . شفت لمن يجيك هم ولا مصيبة شيل مصلايتك وامشي لي ربناواحكي وفضفض وابكي واتدبر قرآن وشوف السبورت الحيجيك كيف.. ♥️💙💜 لا للهشاشة النفسية والإكتئاب والله موجود💙 لا للإنهيار والإنتحار والرحيييييييم موجود💜 لا للضياع والهادي موجود🧡 لا لليأس والصمد موجود 💜 #تدبر #وقفات_مع_القرآن #صفية_إبراهيم
إن استطعت الخلوة مع نفسك قبل مغرب يوم الجمعة بساعة فافعل ؛ فهي ساعة عزيزة ينشغل عنهـا كثير من الناس ؛ أكثر من ذكر الله فيها ؛ فـ الذكر مقدمة بين يدي الدعاء المستجاب في ساعة الاستجابة عصر يوم الجمعة ، وهي الزاد لبقية أيام الأسبوع من الجمعة إلى الجمعة... ♥️
ما لاحظتوا لمّن ننتظر اللبن عشان يفُور ما بفور ؟ أول ما نتلفِت يقوم يفور فجأة! نفس الشي = الصّبر 🌱 مرات بكون حار وفيهُ مرارة شديدة، عشان نحنا قاعدين مُـركّزين مع موضوع معيّن وموقّفين حياتنا عشانُه! وسبحان الله طبيعة الحياة إنه أي حاجة لازم تاخد وقتها الطبيعي عشان تحصل لكن التركيز الشديد بخلّيك مُقلّق والصبر ببقى ليك طويل وما مُحتَمَل . والعكس بيحصل لمن تنشغل بـحاجات تانية وتملأ وقتك حيجي الفرَج في وقت نشوفُه مناسب تمامًا؛ لأننا ما ركّزنا معاهُ التركيز اللي يخلينا مُرهَقين! عشان كده نجتهد يكون عندنا حاجة اسمها [ مُؤانسَة للزمن ] يعني الوقت اللي بين الحدث والفرَج نستغِلّه قدر ما نقدر في حاجات مفيدة تنفعنا لأنه كده كده حنعيش الفترة دي في الموضوع الحاصل لينا وتركيزنا المبالغة في الفرَج ما حيغيّر زمنه ولا حيجيبه سريع! فاللهم اكتُبني من أهل الصّبر الجمِيل، أصلِحني وغيّرني إلى ما تُحِبّ وترضى، أن تطِيب نفسي وتفِيض أيامي بالنّعيم، وتغمُرني العافية بلُطفِك وتحُفّني التقوى مع الورَع واليقين . ممكن نصلّ على الحبيب! ♥️ #الحياة #تيسير_الصادق https://t.me/tayseerelsadigo
تخيلوا لو في أعمال يسيرة ما محتاجة منكم مجهود كبير، لو عملتوها وركزتوا فيها توصلكم للجنة بإذن الله 😍 قال رسول الله ﷺ: "مَنْ قَرَأَ آيَةَ الْكُرْسِيِّ فِي دُبُرِ كُلِّ صَلَاةٍ مَكْتُوبَةٍ لَمْ يَمْنَعْهُ مِنْ دُخُولِ الْجَنَّةِ إِلَّا أَنْ يَمُوتَ" فما تنسوا؛ خمس دقائق بتركيز بعد كل صلاة سبيل من سُبل الجنة إن شاء الله 💗
جاني سؤال من بت بـ تحكي عن نفسها .. انها عملت ذنوب ما بتتغفر زنا و سرقه ب العربي كده غلطت ف حق ربنا كتير فوق ما تتخيلو!! ذكرتني بـ حاجه كنت سمعتها فـ المسجد قبل كده .. كان فِى بت حياتها اتلخبطت لخبطة ما طبيعيه .. خارجه من بيت أب و أم ملتزمين و كل الناس بـ تشهد بـ أخلاقهم بس دي طلعت كده لـ وبراها .. كانت تتكلم مع الولد ده تخليه و ترجع تكلم ده و تخليه و الكلام ما كان مجرد كلام دا كان بـوصل لـ تصرفات خارجه تتخيل ") . رغم كلام أهلها ليها الا انها كانت مكمله فـ سكتها .. لحد ما فـ مره والدها من تصرفاتها جاتو ذبحه صدريه و برضو ما همها ! كانت بتقول علىٰ الرغم من حياة السيئه الا انها كان فـ قلبها وجع دايم .. بتقول مكا كنت بعرف اقعد من غير راجل فـ حياتي ، لازم يبقىٰ موجود راجل … بتقول ما تشتغلت فـ مكان الا سرقته ! و بتقول فـ مره كنت كلمت واحد و خلاني و ابتديت افتش علىٰ راجل تاني ! بس قولت لـ نفسي ليه ما جربت أعمل زى الناس البـ تلجأ لـ ربنا .. و فجأة انعزلت عن كل الناس و ابتدت تصلي و تستغفر و تداوم علىٰ ورد القرءان و ابتدت تغيّر فـ نفسها كتير .. واحده واحده ابتدأ فضولها يقتلها تنزل حلقات علم و أول ما قالت لـ والدتها اتصدمت و استغربت بس لَبّت ليها رغبتها و كأنها ما صدقت .. و بتقول أول ما دخلت المسجد سمعت الشيخ بيقول : { وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ } ❤ قالت فـ نفسها : كيف اقرب من ربنا و انا بالسوء دا ! لقِت الشيخ بـقول الحديث ده كأنه بـرد عليها : " إذا تقرب العبد إلىّ شبرًا تقربت إليه ذراعًا ، و إذا تقرب إلىّ ذراعًا تقربت منه باعًا ، و إذا أتاني يمشي أتيته هروله " ❤ فضلت تبكي و تقول انا جيتك يارب نقيني .. البنت فضلت تداوم و حفظت كتاب الله كامل .. وبقِت تدرس علم شرعي و ازدادت حلى بعد النقاب و كأنها كـ البدر .. و اتقدم ليها شاب كان نِعم الزوج و كانت دايما ترفض عشان كانت بتقول انها ما كويسه و ح تظلم الحا تتزوجو ! بس الشاب ده اتمسك بيها و بـ الفعل وافقت و اتزوجوا و قبل الزواج قاليها ما مهم كنتِ كيف المهم بقيتي شنو ..! ربنا بغفر الذنوب كلها ، انا العبد الحقير ما اغفر؟ ! البنت دي ربنا ابتلاها بـ مرض السرطان و كان دايمًا علي لسانها انو الله اذا احب عبدًا ابتلاه 💔 قبل وفاتها كتبت لـ زوجها ورقه بـ الليهم مظلمه .. بقى يحلف انه ما حيمشي من زول الا لما يقول ليه : مسامحها و يدعي ليها بـ الرحمه و يتنازل عن مظلمته ! زوجها قال اتشهدت 7 مرات .. و كنت لما ابكي تعاين لي و تضحك و تمشي ايديها علي و تقول لي انا شايفه مكاني ، أنا عايزه اقابلو هسي .. !! والدها و هو علىٰ فِراش المَوت كان قال ليها انا راضي عنك أكتر من أى مخلوق تاني فـ الدنيا "❤ المُغسله قالت دي شهيده ( ماتت مبطونه ) حكت انه أسهل غُسل غسلته فـ حياتها .. و كأنها عروس من الحور العين .. وشها الكان تعبان رجع كأنها فتاة فـ عمر الزهور .. اللَّهُم ارزُقنا حٌسن الخاتِمه "❤ فِى حديث لـ النبى صلى الله عليه وسلم بـ يقول قال الله تعالى : " يا ابن آدم إنك ما دعوتني و رجوتني غفرت لك علىٰ ما كان فيك و لا أبالي ، يا ابن آدم لو بلغت ذنوبك عنان السماء ثم استغفرتني غفرت لك و لا أُبالي ، يا ابن آدم إنك لو أتيتني بـ قراب الأرض خطايا ثُمَ لقيتني لا تُشرِك بي شيئًا لأتيتك بقرُابِها مغفِره " . قال اللَّه - تعالىٰ - .. (قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ ) و رب الكعبه ما لينا حجّة ❤ #الوتر #سورة_الملك #معاد_نشره
نعوذ بكلمات الله التامة من كل شيطان وهامة ومن كل عين لامة. نعوذ بالله من فواجع الأقدار وغصة القلب وضيق الحياة. نعوذ بالله من كل مرض ووجع وكدر وغم ومن سوء الحياة وشرها. نعوذ بالله من الكآبة ومن ضيق يلامس قلوبنا وحزن يحتل عيوننا. ونسأل الله لنا ولكم رزقاً لا يُعد وباباً للجنة لا يُسد وبركة في الصحة لا تحد لنا ولكم ولكل من تحبون
اللهم اجعل بيوتنا آمنة مطمئنة يأتيها رزقها رَغَداً مِن كُلِّ مَكان تحفها الملائكة وتنزل عليها السكينة وتغشاها الرحمة اللهم اجعلها من أسعد البيوت وأطهرها واجعلها عامرة بذكرك شاكرة لنعمك . " . *اللهم آمين*🦋♥️
بتعجب من الناس الخايفة من التطورات ومن النووي ومن الحرب العالمية وغيرو .." لكن عشان تطمن .. الحياة دي كلها إمتحاان كبيير .. مفروض نعيشو ونعبد الله فيه وبس .." دا حتى حبيبك النبي صل الله عليه وسلم بقول الدنيا ملعونة .. ملعون ما فيها .. إلا ذكر الله .." فمن غير حرب عالمية أو غيرو .. أنا وإنت وكلنا حنموت .. فيها البموت بكرة .. فينا البعدو وفينا البعد سنة .." الخلاصة ما في إننا حنموت بشنو ..حرب أو نووي أو مصيبة أو حادث .. الخلاصة إنت بعد ما تموت حياتك حتكون كيف ؟! جاهز .. مرتب أمورك .. قافل يمينك في عبادتك ؟ ولو مفتكر إنت إنو الموت وإنتهاء الحياة دا حاجة شر محض .. وحاجة صعبة وكعبة أحب أقول ليك إنو النبي صل الله عليه وسلم كان بدعي : وأجعل الموت راحة لي من كل شر .." وفي ناس بتموت راحتها ياداب بتبدا بعد تعب الدنيا وبشتنتها الكتييرة دي .." فشنو أستمتع وخلي القدر يسري .. وخلي الحياة زي ما تجي تجي .. تروق ..تجوط .. تحرق .. تغرق .. في النهاية كل واحد فينا بلاقي الحاجة الكاتبها ليه ربنا .. وبنلاقي ربنا ونسأل الله نلاقيه علي خير. .." فقلقك ما بحل مشكلة ولا بقدم ولا بأخر .. فقط بمغص عليك حياتك وعيشتك .." فقوم علي حياتك وبارك الله فينا وفيكم .." #حذيفه_النعيم