مبادرة خَطوة
2.8K subscribers
About مبادرة خَطوة
خَطوة مبادرة بتعمل على تحفيز وتطوير الشباب بكل الطرق والاساليب الممكنة . وبنقدم ورش ودورات تدريبية فيها كل الاساليب الفعالة عشان تساعدهم على الاستمرارية والوصول للنجاح والانجاز . مبادرة خطوة مبادرة تطوعية اتعملت عشان تساعد وتسهل على كل شباب وطلاب السودان يتخطوا كل الظروف ومشاكل من حرب وغيرو ويعملوا انجازات ونجاحات عظيمة وبالاخص الطلاب لانهم من اكبر ضحايا الحرب. أي محتواها تحفيز وتطوير وتوعية بشكل بوستات او سلاسل وكمان لايفات، وعشان نحنا بنحب التميز والاختلاف دائماً عملنا برنامج دورات في مجالات متعددة ومهم جدا وفعاليات تطويرية وبجد كانت خطوة تغير لناس كتيرة❤. *خطوة لأول خطوة نحو النجاح* https://www.instagram.com/step.initiative?igsh=YzAwZjE1ZTI0Zg== https://www.facebook.com/profile.php?id=61551828546784&mibextid=ZbWKwL https://whatsapp.com/channel/0029VaELgsh8F2pEd68m0x1R https://t.me/httpstmeK_c3mjcSixjZmE0 #_خطوة_نجاح #_خطوة_لأجلك
Similar Channels
King_gamer
Berita HarianNias.com
وظائف | أي وظيفة
Khatwa - خَطْوة
حالات♡وتساب استوريات عبارات حب🙈عبارات حزينه 😔 اقتباسات كبرياء😎صورحزينه صور حب تحفيز سكستين بروفيل
برنامج هجمه مرتده ⚽️
...الحياة حلوووة🤗🌸¦° تحفيزات اقتباسات عبارات هادفة للتقدم نحو العلم🎓🎓 لوخيروك تطوير ذات صور ستوريات
دورات رقاء
𝐑𝐚𝐡 𝐞 𝐧𝐨𝐨𝐫
خواطر صحية، طب، صحه، نصائح، طبية، اليمن، عدن، صور، استشارات، اقتباسات، نكت،ch
للمنح الأكاديمية _تركيا _للعام 2025
Donstarga Samie
Elhadri cash وظائف وظيفة في 🇸🇦 جدة الشرقية الرياض مكة القصيم الاحساء الدمام جدارات كوم اي دورات
دورات مجانية - V ACADEMY
How To Get Away With Your RE5
Swipe to see more
Posts
العالم بنقسم لي مهندسين وناس ساي 😎. واخيرا الحلقة التانية من "مذكرات برلوم" جايه بأسلاكها، بمقاومتها، وبطاريتها مشحونة لايف مشبع بالنرجسية! ضيفنا المره دي ما إنسان عادي ضيفنا مهندس يخوانا🤯!. معانا ومعاكم الباش مهندس عبد الله أسامة – ✔️ خريج هندسة معمار ،جامعة الخرطوم ✔️ حاصل علي مرتبة الشرف الاولي في هندسة المعمار ✔️ مؤسس مبادرة اعمار الخرطوم صح قلت ليكم إنسان ما عادي ومع كدا قرر يكون معاكم يوم السبت في Engi Talks! و حنناقش معاه طريقه استعدادك كطالب مقبل على الجامعة والمجال الهندسي؟ شنو أفضل الجامعات للهندسة في السودان؟ تأثير الدراسة الأونلاين على التخصصات العملية! وكيف تستفيد من الذكاء الاصطناعي كطالب هندسة؟ واهم حاجة فقرة خرافة و واقع ونعرف الهندسة شطارة ولا ضربة حظ و هل فعلاً المهندسين نرجسيين؟ ولا إحنا ظلمناهم ساي؟! (آنتو ظالمين في الحقيقة نحن ما نرجسيين ما عشان اتكلمنا معاكم وهنعمل ليكم لايف يبقى تعتبرونا ناس زينا زيكم 😏). وعشان كلنا عايزين نعرف خليكم قريبين، واستعدوا لجرعة ونسة فيها: ضحك، تحفيز، وفهم عميق لعالم المهندسين. 📌 السبت 17 مايو – الساعة 8 مساء بتوقيت السودان على قناة التليجرام الخاصة بـ مبادرة خطوة لو إنت/ي برلوم، خريج، أو حتى بتفكر تدخل المجال… اضبط المنبه، و جيب صاحبك الما بعدي اليوم من غير ما يقول ليك أنا مهندس و بيني وبينكم متوقع حدوث حرب عالمية بين المهندسين والناس الساي 😏. #EngiTalks #مذكرات_برلوم #علولو_ورون #خطوة_نجاح #خطوة_لأجلك #مبادرة_خطوة
الناس دي قاعده تلعب بهناك الحقو ✨ https://www.facebook.com/61551828546784/posts/pfbid0VnJ3A11kjN5FFpK1scUJ5GCHikAxxpgsBno7ztXfytp8AgeEq8Pek7HhQd8VvYxvl/?app=fbl
بعد البوست دا اوعدك تزبط مهارة التوصل عندك🫣 https://www.facebook.com/61551828546784/posts/pfbid0WcTN6uaATtQiB98DSeeKt3r9Nxr2LMbM7sWK3YEgyDhxLRSgNUFs72TigVUK5mVQl/
نحن نتبل وانتو تستمتعو بالفعاليات عادي يعني شنو الدنيا حلوة https://www.facebook.com/61551828546784/posts/pfbid0aNDhynsfnxPQbDr5DTtB57uYPbSHyiAYEbYgKdAvp3pYukxy4cBqtuy69wvqBc4wl/?app=fbl
تِك تك تِك تك ⏳. يا معشر العظيمين والعظيمات يا من توصفهم كلمة باش مهندس جاهزين لحلقة فيها إبداع ، حكاوي ، ومواقف؟ حلقتنا الليلة بعنوان:"Engitalks!" وعظمة الاسم تكفي طبعا 😎. منتظركم بعد ٢٠ دقيقة في لايف تليجرام و قبل تجينا وتحضر اللايف أكتب لينا في التعليقات: شنو أول حاجة بتيجي في بالك لما تسمع "هندسة"؟ وهل فعلا المهندسين نرجسيين ولا لا ؟ لو ناوي تدخل هندسة أو بس داير تضحك وتنبسط… الحلقة دي ليك! علا النور وعبد الله أسامة في انتظارك 🥳🤍. #خطوة_نجاح #خطوة_لأجلك #خطوة_تغيير #مبادرة_خطوة #مذكرات_برلوم
فرصتك الطلبتها نفذناها 🥳. بعد ما نزلنا ليكم إعلان مديرنا جاتو الحالة وكسر الدنيا الليلة مديرنا هينفذ كلمتو وجايكم بحاجة أكبر وحتكسر الدنيا اكتر إعلان 4×1😎!! واخيرا خطوة بتفتح كل مكاتبها مرة واحدة في حركة ما حصل اتعملت قبل كدا و بنرحب بكل زول عايز يشتغل، يتعلم ويخلي بصمة واضحة في الساحة. والمرة دي زي ما وعدناكم ما في أي مجال للغلط بس اكيد عندنا شروط مافي شي ساي ولاكيف!😆 لازم تكون ✔️متفرغ بالكامل ✔️عدم وجود مشاكل شبكة أو كهرباء ✔️متوفر خلال فترة العضوية لمدة ٤ شهور ✔️ عندك مهارات تواصل فعالة طيب مكاتبنا شنو وهتشتغل معانا شنو ؟ - مكتب محتوي : هو المكتب البهتم بكتابة المحتوي البنزل علي كل صفحاتنا والاعلانات مكتب فرفوش وناسه ناس خطيرة شديد🫣. - مكتب تسويق : هو المكتب البهتم بالتسويق للمبادرة وكتابة المحتوي التسويقي والاعلانات الرسمية وديل ناس عابرة شديد خلي بالك شغال معاهم المدير شخصيا😎. - مكتب تصميم : هو المكتب البصمم كل المحتوي البصري البنزل ليكم مع المحتوي والاعلانات زي التصميم الفي صورة مع الاعلان دا وديل عاد معزوزين عزة ديل المبادرة فاتحة ليهم كانفا برو يولا🤣. - مكتب علاقات عامة : دا مكتب التنظيم عاد مكتب الشغل الخام المكتب دا بهتم بتنظيم الفعاليات و الكورسات و المعسكرات زي معسكر العوين مثلا يعني لو انت اجتماعي.. عندك شغف بالمحتوى،التصميم وفهم الجمهور! إختار المكتب البيناسبك وقدم فوراً انت بتلزمنا🫵🏻. والفرصة دي ما بتجي مرتين اكتب لينا اسم المكتب عايز تقدم ليه[تصميم،محتوى،تسويق،علاقات عامة] وخلي الباقي علينا.. واخيرا القرار عندك يا تسيب الفرصة تضيع منك او تقدم الليلة وتثبت لينا إنك قدر التحدي قلت شنو معانا ؟ 🫣❤️. #خطوة_نجاح #خطوة_لأجلك #خطوة_تغيير #مبادرة_خطوة
مفتاح الانترفيو السحري 🗝️ بتحلم تنجح في مقابلات العمل؟ بتلقى فرص كويسة وماعايز تضيعها من يدك؟ بس دايماً في تفاصيل ناعمة ما بتنتبه ليها وبتخسرك الما عايز تخسره، صح !!! شكلك لسه مابتعرِف مفتاح الانترفيو اليخليك تتقبل في أي مجال إنت ح تدخلتو🫣 ما تشيل هم فريق خطوة قرر يتدخل ويعرفك مهارة جوهرية بتحدد في بعض الحالات إذا تتقبل على الوظيفة، أو تترفض ! المهارة هي مهارة التواصل الفعّال تجي تعرفك يعني شنو تواصل فعال؟ هو انك توصل افكارك ومشاعرك بصورة واضحة ومفهومة للكل ، ودا طبعا لو لميت لغة الجسد معاها حتظبطك وحتقدر تتحكم في المجلس و الناس تكون منجذبة ومنتبهة معاك ويمكن من خلالها تبني وتكون علاقات مثمرة ! ح تحتار وتسألني دا شنو البقول فيه وعلاقته شنو بالوظائف والانترفيو جنيت ياربي؟؟ لالا ماجنيت أطمن قصدت اذكر ليك أهميتها عشان تستنتج العلاقة معاي، وليه بتكون مطلوبة كده في الموظفين. مهارة التواصل هي عبارة عن تجميعة من المهارات البتشكلها في النهاية، وهي : - الاستماع الجيد، فكل ما سمعت أكثر مما اتكلمت، وكان ده بإصغاء وفهم للشخص عايز منك شنو بختصر عليك وحتعرف تتعامل معاه حسب حالته. - الثقة ، كل ما كنت واثق من نفسك كل ما قدرت تتواصل مع الشخص القدامك بفعالية أكتر، " نادر ما يستمع كلام الشخص المرتبك مهما كان مفيد" .. - التفكير الايجابي فكل ما كان تفكيرك بياخذ منحنى إيجابي بساعدك في خلق علاقات، وترابط مع الآخرين. وكل مهارة من المهارات دي بتدعم تواصلك بشكل فعال وبتحقق اهدافك وبالتالي حيزيد الطلب عليك في سوق العمل🫡.. الخلاصة: مهارة التواصل الفعال مهارة مهمة جداً،وبيها حتكسب حياة شخصية ومهنية🫱🏻🫲🏻. قبل امشي رأيك شنو لو شاركتني مجالك الوظيفي في التعليقات، وانا ح اختار وانورك أكتر عنه في البوست الجاي 😁. #Esraa_Abdeen #خطوة_نجاح #خطوة_لأجلك #خطوة_تغيير #مبادرة_خطوة