NBS PEOPLE RIGHTS

NBS PEOPLE RIGHTS

2/24/2025, 12:49:35 PM

*பரம்பரை சொத்தை உங்களின்* *பெயருக்கு மாற்றுவது எப்படி* *உயில் எழுதாமல் இருந்தால் என்ன* *செய்வது* சொத்துரிமை தொடர்பான சட்ட நடைமுறைகள் பலருக்கும் புரியாத புதிராகத்தான் இருந்து வருகிறது. குடும்ப உறுப்பினர்களிடமிருந்து பெறப்பட்ட அல்லது பரம்பரை சொத்தை தங்களின் பெயருக்கு மாற்றும் நடைமுறை குறித்து பலருக்கும் தெரிவதில்லை. இந்த செயல்பாட்டில் தங்களின் உரிமைகள் என்ன?, சட்ட நடைமுறைகள் என்னென்ன? என்பதைப் புரிந்து கொள்வது அவசியம். எனவே வாரிசுகள் தங்கள் உரிமையை பாதுகாப்பதற்கும், சிக்கல்களைத் தவிர்ப்பதற்கும் தேவையான விஷயங்கள் குறித்து தெரிந்து கொள்ள வேண்டும். பரம்பரை உரிமையை நிரூபிக்க தேவைப்படும் ஆவணங்கள்: பரம்பரை சொத்துக்கு உரிமை கோரும்போது, அதற்கு தேவையான சரியான ஆதாரத்தை சமர்ப்பிப்பது கட்டாயமாகும். உயில் அடிப்படையில் சொத்துக்கள் பிரிக்கப்பட்டு எழுதப்பட்டிருந்தாலோ அல்லது வாரிசுகளின் பெயர்கள் தெள்ளத்தெளிவாக குறிப்பிடப்பட்டிருந்தாலோ சொத்தை மாற்றுவது எளிதான செயல்முறையே. ஆனால் உயிலின் விதிகள் சட்டத்திற்கு முரணாக இருந்து அல்லது மற்ற வாரிசுகளுக்கு அவை ஏற்றுக் கொள்ள முடியாததாக இருந்தால் சட்ட நடவடிக்கைகள் தேவைப்படலாம். உயில் இல்லாமல் சொத்தைப் பிரிப்பது எப்படி?: ஒருவர் உயில் எழுதாமல் இறந்து போனால் அவரது சொத்துக்களை பிரிப்பது சற்று சிக்கலான விஷயமாக இருக்கலாம். ஏனென்றால் உயில் இல்லாத நிலையில் சொத்து யாருக்கு சொந்தம் என்பது சட்டப்படிதான் தீர்மானிக்கப்பட வேண்டும். ஒருவேளை வாரிசுகளிடையே ஒற்றுமை இருந்து தங்கள் சொத்துக்களை பிரித்துக் கொள்ளும் மனப்பான்மை இருந்தால் இந்த செயல்முறையும் எளிதாக முடியும். அனைத்து வாரிசுகளும் சொத்தை எப்படி பிரிப்பது என ஒருமனதாக முடிவு செய்தால் அதை சட்டபூர்வமாக அவர்களே பதிவு செய்யலாம். சொத்தைப் பிரிக்கும்போது, அனைத்து வாரிசுகளும் "தடையில்லா சான்றிதழ் (No Objection Certificate - NOC)" சமர்ப்பிக்க வேண்டும். அதாவது, இந்த சொத்தைப் பிரிப்பதில் தங்களுக்கு எந்த ஆட்சேபனையும் இல்லை என்பதை அவர்கள் உறுதி செய்ய வேண்டும். மேலும், ஒரு பிரமாணப் பத்திரத்தையும் (Affidavit) பதிவு செய்ய வேண்டும். இந்த பிரமாணப் பத்திரத்தில், சொத்து பற்றிய விவரங்கள், வாரிசுகளின் பெயர்கள், அவர்களுக்குக் கிடைக்கும் பங்கு போன்ற விவரங்கள் குறிப்பிடப்பட்டிருக்க வேண்டும். பிற முக்கிய விஷயங்கள்: சொத்து பரிமாற்றத்திற்கு பிறகு மற்ற செயல்முறைகளையும் செய்வது கட்டாயமாகும். அதன்படி புதிய உரிமையாளரின் பெயர் வருவாய்த்துறை பதிவுகளில் பதிவு செய்யப்பட வேண்டும். இந்த செயல்முறைக்கான செலவு மாநிலங்களை பொறுத்து மாறுபடலாம். மேலும் சொத்தில் ஏற்கனவே வீட்டு கடன் இருந்தால் அல்லது குத்தகைக்கு விடப்பட்டிருந்தால் அதற்கேற்ப நடவடிக்கையும் எடுக்கப்பட வேண்டும். பரம்பரை சொத்துரிமை தொடர்பான சிக்கல்களைத் தடுக்க சரியான ஆவணங்கள் மற்றும் சட்ட நடைமுறைகளை உடனடியாக முடித்து வைப்பது அவசியம். மேலே கூறப்பட்டுள்ள விவரங்களை சரியாக பின்பற்றுவதன் மூலம் மூதாதையர் சொத்து பரிமாற்றத்தை சமூகமாக செய்ய முடியும்.

NBS PEOPLE RIGHTS

2/25/2025, 8:04:46 AM

*சிவில் மற்றும் கிரிமினல் வழக்குகளில் அப்பீல் செய்வதற்கான வரம்பு காலம்:* 1. சிவில் வழக்குகளில் முதல் முறையீடு செய்வதற்கான காலம் 30 நாட்கள். 2. சிவில் வழக்குகளில் இரண்டாவது முறையீடு செய்வதற்கான காலம் 60 நாட்கள். 3. சிவில் திருத்தத்தை தாக்கல் செய்வதற்கான காலம் 90 நாட்கள். 4. மரண தண்டனையில் மேல்முறையீட்டு வரம்பு காலம், 7 நாட்கள். 5. மாஜிஸ்திரேட் முதல் செஷன்ஸ் நீதிமன்றம் வரை மேல்முறையீடு செய்வதற்கான வரம்பு காலம், 30 நாட்கள். 6. செஷன்ஸ் நீதிமன்றம் முதல் உயர் நீதிமன்றம் வரை மேல்முறையீடு செய்வதற்கான வரம்பு காலம், 60 நாட்கள். 7. உயர் நீதிமன்றத்திலிருந்து உச்ச நீதிமன்றத்திற்கு மேல்முறையீடு செய்வதற்கான வரம்பு காலம், 30 நாட்கள். 8. சிறப்பு விடுப்பில் உயர் நீதிமன்றத்திலிருந்து உச்ச நீதிமன்றத்திற்கு மேல்முறையீடு செய்வதற்கான வரம்பு காலம் மேல்முறையீடு, 30 நாட்கள். 9. சலனில் இருந்து விடுவிப்பதில் மாஜிஸ்திரேட் முதல் உயர் நீதிமன்றம் வரை மேல்முறையீடு செய்வதற்கான வரம்பு காலம் வழக்கு 30 நாட்கள் மற்றும் புகார் வழக்கில் 60 நாட்கள். 10. சலனிலிருந்து விடுவிப்பதில் செஷன்ஸ் நீதிமன்றம் முதல் உயர் நீதிமன்றம் வரை மேல்முறையீடு செய்வதற்கான வரம்பு காலம் வழக்கு 30 நாட்கள் மற்றும் புகார் வழக்கில் 60 நாட்கள். 11. உயர் நீதிமன்றத்திடம் இருந்து மேல்முறையீடு செய்வதற்கான வரம்பு காலம், வழக்கை அதன் அசல் மூலம் தீர்ப்பளிக்கும் போது அதிகார வரம்பு மற்றும் டிவிஷன் பெஞ்சிற்கு 20 நாட்களுக்கு மேல் விடுதலை அல்லது வழக்காகத் தண்டனை விதிக்கப்படும் கூடும். 12. வாதிக்கு மரணதண்டனை தாக்கல் செய்ய 6 ஆண்டுகள் அவகாசம் உள்ளது. 13. சிவில் வழக்குகளில் வரம்பு நடவடிக்கை காரணத்திலிருந்து 3 ஆண்டுகள் ஆகும். 14. பிரிவு 150. மரண தண்டனையிலிருந்து உயர்நீதிமன்றத்திற்கு மேல்முறையீடு-7 நாட்கள். 15. பிரிவு 151. அசல் பக்க மேல்முறையீட்டில் உயர் நீதிமன்ற உத்தரவு-20 நாட்கள். 16. பிரிவு 154. உயர் நீதிமன்றத்தைத் தவிர வேறு எந்த நீதிமன்றத்திலும் மேல்முறையீடு - 30 நாட்கள். 17. பிரிவு 155. உயர் நீதிமன்றத்தில் குற்றவியல் மேல்முறையீடு-60 நாட்கள். 18. பிரிவு 157. மாநிலத்தால் விடுவிப்பதில் இருந்து மேல்முறையீடு-6 மாதங்கள்

NBS PEOPLE RIGHTS

2/7/2025, 9:19:24 AM

தமிழ்நாட்டில் உள்ள குடும்ப நல நீதி மன்றங்கள் அனைத்தும் கீழ் காணும் வழி காட்டு நெறி முறைகளை பின்பற்ற வேண்டும் என்று சென்னை உயர்நீதிமன்றம் கடந்த 31.01.2025 தேதியன்று உத்தரவு பிறப்பித்துள்ளது. 1. வழக்கறிஞரின் உதவியுடன் தயாரிக்கப்பட்ட மனுவை குடும்ப நீதிமன்றத்தில் குடும்ப நீதிமன்ற விதி 5(ii)ன் படி தரப்பினர் அல்லது சக்தியளிக்கப்பட்ட முகவர் (Power Agent) தாக்கல் செய்யலாம். சக்தியளிக்கப்பட்ட முகவரால் மனு தாக்கல் செய்யப்பட்டால், சிவில் நடைமுறைச் சட்டம் (CPC) ஆர்டர் - III, விதி 1- ன் கீழ், எதிரிக்கு முன்னறிவிப்பு (Notice) வழங்காமல் முதலில் அதனை நீதிமன்றம் பரிசீலிக்க வேண்டும். 2. குடும்ப நீதிமன்றம் மனுவை பதிவு செய்து, அதன் எண் (Numbering) வழங்கப்பட்டு, வழக்கறிஞர் அல்லது அவரது உதவியாளர் (Advocate Clerk) மூலமாக சம்மன் (Summons) அனுப்ப வேண்டும். 3. தரப்பினர் அல்லது சக்தியளிக்கப்பட்ட முகவர் அவசர இடைக்கால நிவாரணத்திற்காக மனு தாக்கல் செய்யலாம். இந்த மனுவின் அவசரத்தன்மையை மதிப்பீடு செய்யும் போது, நீதிமன்றம் தரப்பினரின் நலனை கருத்தில் கொண்டு உணர்வுபூர்வமாக அணுக வேண்டும். எதிரிக்கு நோட்டீஸ் அனுப்பிய பிறகு, நீதிமன்றம் மனுவை முடிவு செய்ய வேண்டும். தேவையெனில், நீதிமன்றம் ஏகபட்சமாக (Ex-Parte) உத்தரவும் பிறப்பிக்கலாம். 4. வழக்கில் உள்ள தரப்பினரை முதலில் ஆலோசனை (Counseling) க்கு அனுப்பி பின்னர் மத்யஸ்தம் (Mediation) க்கு அனுப்ப வேண்டும். ஆனால், இருவரும் மத்யஸ்தத்திற்கே நேரடியாக சம்மதித்தால், ஆலோசனை (Counseling) கட்டாயமில்லை. 5. குடும்ப நீதிமன்றச் சட்டம் பிரிவு 9-ன் கீழ், தரப்பினரை மத்யஸ்தத்திற்காக அனுப்ப வேண்டும். அவர்கள் நேரில் (In-Person) அல்லது காணொளி (Video Conference - VC) மூலம் கலந்து கொள்ளலாம். காணொளி மூலம் பங்கேற்க உள்ள தரப்பினர், மத்யஸ்தருக்கும் எதிரிக்கும் முன்பே தகவல் வழங்க வேண்டும். 6. மத்யஸ்தம் வெற்றியடைந்து குடும்ப நீதிமன்ற விதி Rule 35*ன் கீழ் ஒரு சமரசம் செய்யப்பட்டால், நீதிமன்றம் அந்த உடன்படிக்கையை உறுதிப்படுத்தி தீர்ப்பு (Judgment & Decree) வழங்க வேண்டும். Rule 27 அல்லது Rule 36*ன் கீழ் மத்யஸ்தம் தோல்வியடைந்தால், வழக்கு மீண்டும் நீதிமன்றத்திற்கே திருப்பி அனுப்பப்படும். 7. குடும்ப நீதிமன்றச் சட்டம் பிரிவு 13 மற்றும் குடும்ப நீதிமன்ற விதி Rule 41*ன் படி, தரப்பினர் வழக்கறிஞரால் பிரதிநிதிக்க அனுமதிக்க மனு தாக்கல் செய்யலாம். நீதிமன்ற அனுமதி கிடைத்த பிறகு, வழக்கறிஞர் *CPC ஆர்டர் III விதி 4*ன் படி *வக்காலத்து (Vakalath)* தாக்கல் செய்ய வேண்டும். வழக்கறிஞர் நேரில் நீதிமன்றத்தில் இருக்கும்போது, அவரது வருகை பதிவாக வேண்டும். 8. தரப்பினர், சக்தியளிக்கப்பட்ட முகவர் அல்லது வழக்கறிஞர் எழுத்துப் பதிலுரை / மனு / எதிர்மனு (Written Statement / Application / Counter) தாக்கல் செய்யலாம். 9. நீதிமன்ற விசாரணையின் போது தரப்பினரின் நேரடியாக ஆஜர் (Physical Appearance) தேவைப்பட்டால், ஆனால் அவர்கள் நேரில் வர முடியாவிட்டால், காணொளி மூலம் (VC) பங்கேற்க மனு தாக்கல் செய்யலாம். இந்த மனுவிற்கு எதிரிக்கு நோட்டீஸ் வழங்கிய பின், அதனை நீதிமன்றம் முடிவு செய்ய வேண்டும். 10. சாட்சி உறுதிமொழி (Proof Affidavit) தாக்கல் செய்யலாம். சாட்சியின் ஆதாரங்களை நேரில் (Physically) அல்லது காணொளி மூலம் (VC) பதிவு செய்யலாம். காணொளி மூலம் சாட்சியங்களை பதிவு செய்ய, முன்பாக எதிரிக்கு நோட்டீஸ் அனுப்பி நீதிமன்ற அனுமதி பெற வேண்டும். VC மூலம் பங்கேற்கும் நபரை வழக்கறிஞர் அல்லது சக்தியளிக்கப்பட்ட முகவர் சரியாக அடையாளம் காண வேண்டும். விசாரணை நேரத்தில்: விசாரணையின் போது, நீதிமன்றம் வழக்கறிஞர் அல்லது தரப்பினரை நேரடியாக கேட்டுப் பாராயணம் செய்யலாம், தரப்பினரின் (Physical Presence) அவசியமானது என்றால், அவர்கள் நேரில் (Physically) அல்லது காணொளி (Video Conference - VC) மூலம் நீதிமன்றத்தில் முன்னிலையாகலாம். 11. நீதிமன்ற தீர்ப்பு/உத்தரவு வழங்குதல்: நீதிமன்றத்தின் தீர்ப்பு/உத்தரவு (Judgment/Order) ஒரு நகல் தரப்பினருக்கும் அல்லது சக்தியளிக்கப்பட்ட முகவருக்கும் (Power Agent) இலவசமாக வழங்கப்பட வேண்டும். தரப்பினர் அல்லது சக்தியளிக்கப்பட்ட முகவர் நேரில் வர இயலாத பட்சத்தில், அவரது வழக்கறிஞருக்குத் தீர்ப்பின் நகலை வழங்கலாம். நீதிமன்ற தீர்ப்பின் நகலை நேரடியாகப் பெற முடியாத நேரங்களில் அது மின்னஞ்சல் (E-mail) மூலம் தொடர்புடைய தரப்பிற்கு அனுப்பப்பட வேண்டும். 12. தீர்ப்பின் நகல் பெறுவதற்கான மனு (Copy Application): வழக்கறிஞர், தீர்ப்பின் நகலை பெறுவதற்காக (Copy Application) மனு தாக்கல் செய்ய அனுமதிக்கப்படுவார். தரப்பினர் வழக்கறிஞரால் பிரதிநிதிக்கப்படவில்லை என்றால் சக்தியளிக்கப் பட்ட முகவர், வழக்கறிஞர் அல்லது அவரது உதவியாளரின் (Advocate Clerk) உதவியை பெற்றுக்கொள்ளலாம். CRP 4073 of 2024

NBS PEOPLE RIGHTS

2/12/2025, 11:47:26 AM

*முக்கியச் செய்தி* போலி ஆவணங்கள் மூலம் கிரையம் செய்யப்பட்ட பத்திரப் பதிவுகளை உடனடியாக ரத்து செய்து சொத்தை உரியவர்களிடம் ஒப்படைக்க தமிழக அரசு கொண்டுவந்த சட்டத்திற்கு இந்திய குடிரசுத் தலைவர் ஒப்புதல். சட்டம் உடனடியாக நடைமுறைக்கு வந்து விட்டது! பாதிக்கப்பட்டவர்கள் விழித்துக் கொண்டு இழந்த சொத்தை உடனடியாக மீட்க நடவடிக்கை எடுக்கலாம்! நிலத் தகராறு, *பட்டா* மாறுதல் போன்ற வழக்குகளில், நீதிமன்றங்கள் வழங்கி இருக்கின்ற தீர்ப்புகள். நீங்கள் பதிவு இறக்கம் செய்து வைத்துக் கொள்ளுங்கள். எந்த அளவு முடியுமோ அந்த அளவுக்கு, உங்கள் நண்பர்களுக்கு தகவலை தெரிவிக்கவும். (Land Disputes) 1. வழக்கு நிலுவையில் இருக்கும் போது *பட்டா* மாறுதல் போன்ற நடவடிக்கைகளில் வருவாய்த்துறை அதிகாரிகள் ஈடுபடக்கூடாது. நில நிர்வாக ஆணையர் - கடித எண் - K3/27160/2018, dt - 13.3.2018 சென்னை உயர்நீதிமன்றம் - W. P. No - 24839/2014, dt - 16.7.2018 W. P. No - 491/2012, dt - 4.6.2014 W. P. No - 16294/2012, dt - 4.4.2014 2. சொத்தின் பத்திரம் உரிமையாளர் பெயரில் இருந்தால், அவரிடமே சொத்தின் உரிமை மூலம் இருப்பதாகக் கருத வேண்டும். மற்றவர்களுக்கு பட்டா மாறுதல் செய்தால் அது தவறு. S. A. No - 313 & 314/2008, dt - 11.2.2019 3. விஏஓக்கள் திருட்டுத்தனம் குறித்து ஆய்வு செய்ய, ஒவ்வொரு மாவட்டத்திலும் துணை ஆட்சியர் தலைமையில் குழு அமைக்க வேண்டும். தவறு செய்யும் விஏஓக்களை பணி நீக்கம் செய்ய வேண்டும். W. P. No - 13916/2019, dt - 1.7.2019 4. சொத்தின் உரிமையாளர் யார் என்பதை வருவாய்த் துறையினர் தீர்மானிக்க முடியாது. உரிமை இயல் நீதிமன்றத்திற்கே அந்த அதிகாரம் உள்ளது. W. P. No - 18489/2009, dt - 1.7.2011 5. பட்டா உரிமையைக் காட்டக்கூடிய ஆவணம் கிடையாது. பதிவு ஆவணம் எதுவும் இல்லாமல் பட்டாவை வைத்து மட்டும் ஒருவர் தான்தான் உரிமையாளர் என்று கூற முடியாது. S. A. No - 84/2006, dt - 1.9.2015 மதுரை உயர்நீதிமன்றம் 6. பட்டா சொத்தின் உரிமையை காட்டக்கூடிய ஆவணம் கிடையாது. *பட்டாவை* வைத்து சொத்தில் உரிமை ஏதும் கோர முடியாது. S. A. No - 2060/2001, dt - 2.11.2012 S. A. No - 1715/1989, dt - 25.6.2002 W. P. No - 16294/2012, dt - 3.4.2014 7. கிராம *நத்தம்* நிலத்தில் அரசுக்கு எந்த உரிமையும் கிடையாது. நத்தம் நிலத்தில் நீண்ட காலமாக வீடு கட்டிக் குடியிருந்து வருபவர்களுக்கு பட்டா வழங்க வேண்டும். Madras High Court W. P. No - 18754, 20304, 2613/2005 DT - 4.11.2013 A. K. Thillaivanam Vs The District collector, Chennai Anna District (2004 - 3 - CTC - 270) The executive officer, Kadathur town panjayath Vs V. S. Swaminathan (2012 - 2 - CTC - 315) 8. பட்டா பெயர் மாற்றம் செய்ய நீண்ட காலதாமதம் செய்தால் அந்த அதிகாரிக்கு தண்டம் விதிக்கப்படும். W. P. No - 19428/2020, dt - 6.1.2021 (K. A. Ravichandran Vs The District collector, Vellore and others) 9. போலி பட்டா வழங்கும் அதிகாரிகளை பணி நீக்கம் செய்ய வேண்டும். W. P. No - 11279/2015, dt - 22.3.2019, madurai high court 10. பட்டாவில் எந்த ஒரு மாற்றத்தையும் செய்ய வட்ட ஆட்சியருக்கே அதிகாரம் உண்டு. வருவாய் கோட்ட ஆட்சியா் *பட்டா* மாற்றம் செய்ய முடியாது. ஆனால், கோட்ட ஆட்சியா் முதல் மேல்முறையீடு அலுவலர் ஆவார். T. R. தினகரன் Vs RDO (2012 - 3 - CTC - 823) அம்சவேணி Vs DRO மதுரை. W. P No - 16294/2012... கடந்த பல ஆண்டுகளாக, சென்னை உயர்நீதிமன்றம், தில்லி உச்சநீதிமன்றம் உள்ளிட்ட நீதிமன்றங்கள் வழங்கிய, இதுபோன்ற தீர்ப்புகளை, பதிவுகளை மக்களுக்கு விழிப்பு உணர்வு ஏற்படுத்துங்கள் *இந்திய வழக்கறிஞர் சங்கம்*

NBS PEOPLE RIGHTS

2/10/2025, 9:28:31 AM

காசோலை கொடுத்தவர் தேதியிட்டு வழங்குகிறார். காசோலை வழங்கப்பட்ட தேதியிலிருந்து மூன்று மாதத்திற்குள் அதை காசோலை பெற்றவர் வங்கி கணக்கில் போட்டு பணத்தை வசூலிக்க வேண்டும். ( முன்பு, காசோலை பெறபட்ட தேதியில் இருந்து 6 மாதங்களுக்கு செல்லும் ) காசோலை பெற்றவர் அதனை வங்கியில் போடுகிறார்.வங்கியில் காசோலை கொடுத்தவர் அக்கவுண்டில் பணம் இல்லை என்று அந்த காசோலை திருப்பித் தரப்பட்டு, வங்கியில் இருந்து அதற்கான மெமோ காசோலை பெற்றவரிடம் வழங்கப்படுகிறது. ‪#‎சட்ட‬ ‪#‎அறிவிப்பு‬ ‪#‎வழங்க‬ ‪#‎வேண்டும்‬ : ****************************************************. காசோலை வழங்கியவர் கணக்கில் பணம் இல்லை என்று காசோலை திரும்பி வந்து, வங்கி அதற்கான மெமோ வழங்கும் வழங்கும் பட்சத்தில், அந்த மெமொ பெற்ற தேதியிலிருந்து 30 நாட்களுக்குள் காசோலை வழங்கியவருக்கு ஒரு சட்டப்படியான அறிவிப்பை காசோலையை பெற்றவர் வழங்க வேண்டும். இந்த அறிவிப்பு வழங்குவது மிக கட்டாயமானதாகும். ‪#‎என்ன‬ ‪#‎செய்ய‬ #வேண்டும் : 1 ************************************ காசோலையை கொடுத்தவருக்கு முறைப்படி சட்ட அறிவிப்பை காசோலையை பெற்றவர் அனுப்புகிறார். . அறிவிப்பு வழங்கிய பின்னர் காசோலை கொடுத்தவர் அறிவிப்பை பெற்றுக்கொண்ட தேதியில் இருந்து 15 நாட்களுக்குள் பணத்தை திருப்பி அளிக்க வேண்டும். 15 நாட்கள் ஆகிவிட்டது. ஆனால் காசோலை கொடுத்தவர் பணம் தரவில்லை. காசோலை வழங்கியவருக்கு அளிக்கப்பட்ட வாய்ப்பான 15 நாட்கள் முடிந்ததும், அதன்பின்னர் 30 நாட்களுக்குள் நீதித்துறை நடுவர் நீதிமன்றத்தில் குமார் மீது காசோலை மோசடி வழக்கை காசோலை பெற்றவர் தாக்கல் செய்யலாம். இந்த கால அளவில் ஏதாவது தவறு ஏற்பட்டால், காசோலை மோசடி வழக்கு தொடரமுடியாது. #என்ன ‪#‎செய்யக்‬ ‪#‎கூடாது‬ : ************************************ காசோலையை 16.05.2015 அன்று வங்கியில் பணம் வசூலிக்க காசோலை பெற்றவர் தாக்கல் செய்கின்றார். காசோலை கொடுத்தவர் கணக்கில் பணம் இல்லை என்று வங்கியாளர் காசோலையை பெற்றவரிடம் தெரியப்படுத்துகின்றார். காசோலை கொடுத்தவரை, காசோலை பெற்றவர் தொடர்பு கொண்டால், சற்று பொறுத்து கொள்ளுங்கள் இன்னும் ஒரு மாதத்தில் பணத்தை கொடுத்து விடுவேன் என்கின்றார். அவர் பேச்சை கேட்டு காசோலை பெற்றவர் சட்டப்படியான நோட்டிஸ் 30 நாட்களுக்குள் அனுப்பாமல் இருக்கிறார். ஒரு மாதம் கழிகின்றது. பணம் தரவில்லை. பணத்தை சங்கரன் கேட்டால், காசோலை கொடுத்தவர் பணம் கொடுக்க மறுக்கின்றார். 30 நாட்களுக்குள் சட்டப்படியான அறிவிப்பு அனுப்பவில்லை என்பதால். இப்போது திரும்பி வந்த காசோலையை வைத்து வழக்கிடமுடியாது. #என்ன #செய்ய #வேண்டும் : 2 **************************************** காசோலையை தாக்கல் செய்வதற்கான கால அளவு குறிப்பிட்ட தேதியில் இருந்து மூன்று மாதம் வரை இருப்பதால், திரும்பவும் ஒரு முறை அந்த காசோலையை பெற்றவர் வங்கியில் தாக்கல் செய்யவேண்டும். அது திரும்பி வந்த பிறகு, உடனடியாக காசோலையை கொடுத்தவருக்கு சட்ட அறிவிப்பு அனுப்ப வேண்டும். அனுப்புகின்ற அந்த சட்ட அறிவிப்பில் முதலாவதாக பணம் வசூலிக்க காசோலை வங்கியில் போட்ட விபரத்தையும், காசோலை திரும்பி வந்த விபரத்தையும், காசோலையை கொடுத்தவர் பணத்தை ஒரு மாதத்துக்குள் தருவதாகக் கூறியதால் சட்டப்படியான அறிவிப்பு வழங்காமல் இருந்ததையும் தெளிவாக அதில் குறிப்பிடவேண்டும். பணத்தை வசூலிக்க குறிப்பிட்ட தேதியில் இருந்து மூன்று மாதம் எத்தனை முறை வேண்டுமானாலும் வங்கியில் அந்தக் காசோலையை தாக்கல் செய்யலாம். காசோலை திரும்பி வந்ததும் சட்ட அறிவிப்பு வழங்கலாம். ஆனால், கடைசி 15 நாட்கள் இருக்கும் போது தாக்கல் செய்து, காசோலை திரும்பி வந்தால், காசோலையை வழங்கியவர் சொல்லும் கதைகளை (பணத்தை இன்னும் ஒரு மாதத்தில் திருப்பி கொடுத்துவிடுவேன்) கேட்காமல் சட்ட அறிவிப்பு வழங்குவது நல்லது. அல்லது காசோலை வழங்கியவர் மீது நம்பிக்கை இருக்கும் பட்சத்தில், புதிதாக ஒரு காசோலையை அவரிடம் பெற்ற பிறகே, அவர் நமக்கு பணத்தை கொடுக்க வாய்ப்பளிக்கலாம். #காசோலை ‪#‎அளித்தவர்‬ ‪#‎இறந்துவிட்டால்‬? ************************************************************* வாடிக்கையாளருக்கும் வங்கிக்கும் உள்ள உறவு ஒப்பந்தத்தின் அடிப்படையில் ஏற்பட்டதாகும். வாடிக்கையாளர் இறந்துவிட்டால், அதன் பின்னர் வங்கியானது வாடிக்கையாளரின் கணக்கில் இருந்து பணத்தை கழிக்க முடியாது. வாடிக்கையாளர் இறந்துவிட்டார் என்று வங்கி காசோலையை திருப்பி அனுப்பினாலும் அதன் அடிப்படையில் காசோலை மோசடி வழக்கிடமுடியாது ஏனெனில் சட்டப்படியான அறிவிப்பை காசோலை வழங்கியவருக்கு மட்டுமே அனுப்பவேண்டும். மேலும் இறந்தவர் மீது குற்றவியல் வழக்கு தொடரமுடியாது. ஆனால், காசோலை கொடுத்தவரின் வாரிசுதாரர்கள் மீது சிவில் வழக்கு போடலாம். இறந்தவர் ஏதாவது சொத்தை விட்டு சென்றால் அந்த சொத்தின் மீது நீதிமன்றத்தின் வாயிலாக உரிமை கோரலாம். இறந்தவருக்கு எந்தவித சொத்தும் இல்லையென்றால் இறந்தவர் கடனை அடைக்க அவரின் வாரிசுதாரர்கள் கடமைபட்டவர்கள் அல்ல. வாரிசுதாரர்களின் கடமையானது இறந்தவரின் சொத்தில் அடையும் உரிமை அளவே ஆகும்.....

NBS PEOPLE RIGHTS

2/6/2025, 9:57:53 AM

*பொது இடத்தை ஒருவர் ஆக்கிரமித்தால் யாரிடம் புகார் அளிப்பது என்பதை பார்க்கலாம் வாங்க* இப்போது இருக்கும் உலகில் மனிதனால் ஏற்படக்கூடிய இயற்கை சார்ந்த பிரச்னைகளில் முக்கியமாக இருப்பது ஆக்கிரமிப்புகள் என்னும் பெரிய பிரச்னைதான். இதனால் பல நீர்நிலைகள், அரசுக்குச் சொந்தமான நிலங்கள் பல்வேறு உயிரினங்களின் வாழ்விடங்களாகிய காடுகள், ஈரநிலப் பகுதிகள் என அனைத்தும் ஆக்கிரமிப்பு செய்யப்பட்டு அழிக்கப்பட்டுவருகின்றன. பல ஊரிலும் இதுபோன்று பொதுமக்களின் இடங்கள் ஆக்கிரமிப்பு செய்யப்பட்டிருக்கும். பலருக்கும் அவற்றைப் பற்றிப் புகார் செய்யவேண்டும், ஆக்கிரமிக்கப்பட்டு இருக்கும் இடத்தை மீட்க வேண்டும் எனத் தோன்றியிருக்கும். ஒரு நபர் கேட்ட கேள்விகளின் அடிப்படையில் எழுதப்பட்ட கட்டுரை எவ்வாறு புகார் அளிக்க வேண்டும் என்பது குறித்து அவர் கூறியதாவது, "ஒருவர் பொதுக் குளத்தை அல்லது அரசுக்குச் சொந்தமான இடத்தைத் தனி மனிதனாகவோ, குழுவாகவோ அல்லது தனியார் நிறுவனமாகவோ ஆக்கிரமிப்பு செய்யும் பட்சத்தில், அது கிராமமாக இருந்தால், முதலில் கிராம நிர்வாக அலுவலரிடம் புகார் அளிக்க வேண்டும். புகார் அளிக்கும் போது அந்த நீர்நிலை, அல்லது நிலத்தின் சர்வே எண், ஆக்கிரமிப்புக்கு முன் இருந்த இடத்தின் புகைப்படம், தற்போது ஆக்கிரமிக்கப்பட்டபின் இருக்கும் இடத்தின் புகைப்படம் என அனைத்தையும் இணைத்து, கூடவே, ஆக்கிரமிப்பாளர்களின் விவரங்களுடன் புகார் மனுவைக் கொடுக்க வேண்டும். முக்கியமாக நம்முடைய உண்மையான முகவரியுடன் நம் விவரத்தைத் தெளிவாக அளிக்க வேண்டும். அதுமட்டுமல்லாமல், ஆக்கிரமிப்பு செய்யப்பட்டதால் ஏற்பட்ட பாதிப்புகளையும் தெளிவாகப் புகார் மனுவில் குறிப்பிட வேண்டும். தொடர்ந்து வருவாய் அலுவலர், தாசில்தார் ஆகியோரிடமும் புகார் அளிக்க வேண்டும். நகராட்சிப் பகுதியில் இதுபோன்ற ஆக்கிரமிப்புகள் இருக்கும் பட்சத்தில் நகராட்சி ஆணையரிடமும், மாநகராட்சியாக இருந்தால் மாநகராட்சி ஆணையரிடமும் புகார் அளிக்க வேண்டும். ஆக்கிரமிப்பு செய்திருப்பது உறுதியானால் 15 நாள்களுக்குள் கண்டிப்பாக நடவடிக்கை எடுத்து ஆக்கிரமிப்பை அகற்றுவார்கள். இதற்கு நாம் ஆக்கிரமிப்பு இருக்கும் பகுதியில் தான் வசிக்க வேண்டும் என்ற எந்த நிபந்தனையும் இல்லை. குறிப்பாக அரசு அதிகாரிகளிடம் மனு கொடுத்து எந்த நடவடிக்கையும் எடுக்க முன்வரவில்லை என்றால் 15 நாள்களில் நாம் முதலமைச்சர் தனிப்பிரிவிற்குப் புகார் அளிக்கலாம். அதில், முன்னால் கிராம நிர்வாக அலுவலரிடமோ, அல்லது நகராட்சி மாநகராட்சி ஆணையரிடமோ கொடுத்த மனுவின் அடிப்படையில் எந்த நடவடிக்கையும் எடுக்கவில்லை என்பதைக் குறிப்பிட்டு அந்த மனுவின் நகலையும் இணைக்க வேண்டும். அதன் பின்னர் கண்டிப்பாக ஆக்கிரமிப்பு செய்தவர்கள்மீது நடவடிக்கை எடுத்து ஆக்கிரமிப்பை அகற்றுவார்கள். தற்போது வெகு சீக்கிரமாகவே நடவடிக்கை எடுக்கிறார்கள். தொடர்ந்து இரண்டு மாதங்களுக்கு மேலாக எந்த நடவடிக்கையும் எடுக்கவே இல்லை என்றால், கடைசியாக யார், யாரிடம் புகார் மனு அளித்தோம், எந்தப் பகுதியில் ஆக்கிரமிப்பு உள்ளது என நீதிமன்றத்தில் முறையிடலாம். நீதிமன்றத்தின் மூலம் கண்டிப்பாக நடவடிக்கை எடுக்கப்பட்டு ஆக்கிரமிப்பு அகற்றப்படும். ஆனால் கிராம நிர்வாக அலுவலரிடம் புகார் அளிக்கும் நிலையிலேயே நமது புகார் மனுவின் மீது நடவடிக்கை எடுக்கப்பட்டுவிடும். சதுப்புநில ஆக்கிரமிப்பு குட்டை, குளம் போன்ற ஏனைய நீர்நிலைகளில் உள்ள ஆக்கிரமிப்புகள்மீது இதேபோன்று புகார் அளித்துத் தீர்வு பெறலாம். அல்லது அந்த அந்தத் துறைகளின் கீழும் புகார் அளிக்கலாம். குறிப்பாக, ஒரு ஏரியை ஆக்கிரமித்து சாலை போடப்பட்டிருந்தால், நெடுஞ்சாலைத் துறையின் கீழ் புகார் அளிக்கலாம்...

NBS PEOPLE RIGHTS

2/5/2025, 1:14:41 PM

Securitisation and Reconstruction of Financial Assets and Enforcement of Security Interest என்பதையே ”SARFAESI ACT” என்று சுருக்கமாக அழைக்கிறோம். வங்கிகள் நீதிமன்றங்களுக்குச் செல்லாமலேயே ஒருவருக்கு கொடுத்த கடனை வசூலித்துக் கொள்வதற்கு இந்தச் சட்டம் முழு அதிகாரத்தைத் தருகிறது. இதில் ஏதேனும் பிரச்சனை ஏற்பட்டால், “வங்கிக் கடன் வசூல் தீர்ப்பாயம்” என்ற அமைப்பின் உதவியையும் வங்கிகள் பெறலாம். இந்தச் சட்டம் கடந்த 2002ம் ஆண்டுதான் இயற்றப்பட்டது. 2002ம் ஆண்டுக்கு முன்பு வரை வங்கிகள் தன்னுடைய வாடிக்கையாளருக்கு வழங்கிய கடனை வசூலிக்க படாதபாடுபட்டு வந்தது. அதற்கு வங்கியானது முதலில் உரிய நீதிமன்றத்தில் வழக்கு தாக்கல் செய்ய வேண்டும். வழங்கப்பட்டிருக்கும் கடன் தொகைக்கு ஏற்ப நீதிமன்றத்தில் கட்டணம் செலுத்த வேண்டும். கடனுக்காக ஜாமீனாக கொடுக்கப்பட்ட சொத்தை ஜப்தி செய்வதற்கு பல சட்ட நடைமுறைகளை பின்பற்றி, வழக்கை நடத்தி தீர்ப்பைப் பெற வேண்டும். ஆனால், இந்த சர்பாசி சட்டம் அமுலுக்கு வந்தவுடன் நிலைமை முற்றிலும் மாறிவிட்டது. யாரையும் எதிர்பார்க்காமல், வங்கியானது தான் கொடுத்த கடனை தானே வசூல் செய்வதற்கு இந்தச் சட்டம் வழிவகுத்தது. இந்தச் சட்டத்தின் கீழ், 'கடன் வசூல் தீர்ப்பாயம்' (Debit Recovery Tribunal) என்று ஒன்றும் 'கடன் வசூல் மேல்முறையீட்டு தீர்ப்பாயம்' (Debit Recovery Appellate Tribunal) என்று ஒன்றும் ஏற்படுத்தப்பட்டுள்ளது. . இதில் எளிய முறையில் வங்கியானது கடன்காரர்கள் மீது வழக்கு தொடுக்கலாம். பிணைய சொத்தை வழக்கு தொடுப்பதற்கு முன்பாகவே வங்கியின் அதிகாரம் பெற்ற அலுவலர் மாவட்ட குற்றவியல் நடுவர் (DRO) மற்றும் மாவட்ட ஆட்சியர் வாயிலாக பற்றுகை செய்யலாம். நீதிமன்றம் பக்கம் போகும் வேலையே வங்கிக்கு இல்லை. அதே மாதிரி கடன்காரர்களும் கண்டபடி எதிர்வாதம் செய்யவும் முடியாது. பிரிவு - 13 அடுத்தவர்கள் வாங்கிய கடனுக்கு உத்தரவாதம் அளித்துள்ளவர்கள், அதற்கு ஈடாக அளித்துள்ள சொத்துகளின் மீது சர்பாசி சட்டம் 2002 - பிரிவு 13-ன் கீழ் நடவடிக்கை எடுக்கமுடியும். ஒரு வேளை உத்தரவாத கையெழுத்திட்ட நபர்கள் அதற்கு ஈடாக நிறுவன பங்குகளைக் காட்டியிருந்தால் அவற்றை விற்பதற்கான நடவடிக்கை எடுக்க முடியும். பிரிவு - 17 வங்கியினுடைய சட்ட நடவடிக்கைளில் குறை ஏதாவது இருந்தால் அல்லது வங்கியானது தனது அதிகாரத்தை தவறாக பயன்படுத்தி இருந்தால் அது பற்றி கடன்பெற்றவர் சர்பாசி சட்டம் பிரிவு 17-இன்படி கடன் வசூல் தீர்ப்பாயத்திடம் முறையிடலாம். பிரிவு - 34 பிரிவு 34-இன்படி சர்பாசி சட்டத்தின் கீழ் வங்கிகளுக்கு கொடுக்கப்பட்டுள்ள அதிகாரங்களை வங்கிகள் செயல்படுத்துவதை தடுத்து நிறுத்தும்படி எவரும் இடைக்கால உறுத்துக்கட்டளை உள்ளிட்ட இடைக்கால நிவாரணம் எதையும் நீதிமன்றங்களில் இருந்து பெறவே முடியாது. ஏனென்றால், அவைகளை வழங்குவதற்கு உரிமையியல் நீதிமன்றத்திற்கு அதிகாரம் கிடையாது. நிறுவனங்களுக்கு வங்கிகள் கடன் வழங்கும்போது தனி நபர் பிணை அல்லது ஜாமீன் கேட்பது அவர்களின் வழக்கமான நடைமுறையாகும். சொந்தமாக ஜாமீன் அளித்த தொழிலதிபர்களிடமிருந்து கடனை மீட்கும் நடவடிக்கையை வங்கிகள் கடைசிபட்சமாகத்தான் மேற்கொள்கின்றது. சொந்த ஜாமீன் அளித்தவர்களின்மீது கொடுத்த கடனை வசூலிப்பதற்காக வங்கிகள் எடுத்த நடவடிக்கை மிகக் குறைவாகும். கடன் மீட்பு தீர்ப்பாயத்துக்கு செல்லும் முன் உத்தரவாதம் அளித்த நபரின் சொத்துகளை முடக்கி அவற்றை விற்பதற்கான நடவடிக்கையை வங்கிகள் முதலில் எடுக்க வேண்டும். கடன் வாங்கிய ஒரு நிறுவனம் நஷ்டமாகி மூடப்பட்டு இருந்தால், அந்நிறுவனங்களின் உரிமையாளர்களுக்கு சொந்த ஜாமீன் வழங்கியவர்களிடமிருந்து அந்தக் கடன் தொகையை வசூலிக்குமாறு நிதி அமைச்சகம் அனைத்து பொதுத் துறை வங்கிகளுக்கு கடந்த 18.03.2016 அன்று அனுப்பிய சுற்றறிக்கையில் குறிப்பிட்டுள்ளது. தொழிலதிபர் விஜய் மல்லையாவுக்கு எதிராக தொடரப்படும் வழக்குகள் மற்றும் சொத்துகளை முடக்கும் நடவடிக்கைகளைத் தொடர்ந்து இதே போன்ற நடவடிக்கைகளை பிற தொழில் நிறுவனங்களின் தொழிலதிபர்களிடமும் மேற்கொள்ள வங்கிகளுக்கு அறிவுறுத்தப்பட்டுள்ளது. இந்த சுற்றறிக் கையை ரிசர்வ் வங்கியுடன் ஆலோசனை நடத்தி அனுப்பியுள்ளதாக நிதி அமைச்சகம் தெரிவித்துள்ளது. கிங்பிஷர் ஏர்லைன்ஸுக்கு கடன் அளித்த விஷயத்தில் தொழிலதிபர் விஜய் மல்லையா வெளிநாட்டுக்கு சென்று விட்ட நிலையில் அவரிடமிருந்து, ”வழங்கிய கடனை” வசூலிக்க பல்வேறு கட்ட நடவடிக்கைகள் எடுக்க வேண்டியுள்ளது. அதனால் இதுபோன்ற நிலை பிற வாராக்கடனை செலுத்தாத நிறுவனங்களுக்கு ஏற்படக்கூடாது என்பதற்காக நிதி அமைச்சகம் இத்தகைய உத்தரவை பிறப்பித்துள்ளதாக தெரிய வருகிறது. சர்பாஸி சட்டத்தின் வாயிலாக வங்கி எடுத்து ஏலம் விட்ட சொத்தை ஒருவர் வாங்குகின்றார். அவ்வாறான ஏலத்திற்கு எடுத்த தொகைக்கு Sale Certificate வழங்கப்படுகின்றது. அந்த Sale Certificate அடிப்படையில் ஏலத்தில் சொத்தை எடுத்தவர் அதை பதிவு செய்ய முனையும்பொது, பதிவாளர் அந்த சொத்தின் அரசு மதிப்பிற்கு Stamp Duty செலுத்த சொல்கின்றார். உயர்நீதிமன்றமானது, ection 47-A of the Indian Stamp Act, 1899, பொருந்தாது எனவும் Sale Certificate மதிப்பிற்கு Stamp Duty செலுத்துவதே சரி! என ஆணையிட்டுள்ளது. வழக்கு எண்: 2015 (1) CTC 526 (Mad) ஒருவர் வீட்டிற்காக வங்கியில் கடன் வாங்கியுள்ளார். அவர் வீட்டை வாடகைக்கு வீட்டை விட்டுள்ளார். இதற்கிடையில் வீட்டிற்காக வங்கியில் வாங்கிய கடனை கட்டமுடியாத நிலையில், வங்கியானது சர்பாஸி சட்டத்தை பயன்படுத்தி அந்த வீட்டின் உடமையை எடுக்க முயற்சி செய்கின்றது. அப்போது ஒரு சட்ட வினா எழுகின்றது. வாடகைதாரர் குடியிருக்கும்போது, மேற்படி சட்டத்தை கொண்டு அவரை வாடகைதாரரை அங்கிருந்து அகற்றிவிட்டு அந்த வீட்டின் உடமையை எடுக்கு சர்பாஸி சட்டம் அனுமதிக்கின்றதா? அதற்கு உச்சநீதிமன்றம் “சர்பாஸி சட்டத்தில் வாடகைதார்ர் இருக்கும்போது அவரை காலி செய்து உடமை எடுக்க அதிகாரம் இல்லை எனவும் வாடகைதாரரை முறையாக சட்டப்படியாக அவரை அந்தவீட்டைவிட்டு காலி செய்த பின்னரே அந்த வீட்டின் உரிமையை எடுக்க முடியும் என தீர்ப்பளித்துள்ளது. வழக்கு எண்: 2016(2) CTC 319 (SC) சர்பாஸி சட்டத்தின்படி சொத்தின் உடமையை எடுக்கும் வகையில் வங்கியானது நீதிமன்றத்தில் ஆணையிட கோரியதில், வங்கி அதற்கான ஆணையை பிறப்பித்திருக்கும் நிலையில் (உடமை இன்னும் எடுக்கப்படவில்லை) சொத்தின் உரிமையாளர் DRT –ல் மேல்முறையீடு செய்கின்றார். வங்கியானது சொத்தின் உடமை இன்னும் எடுக்கபடாத்தால், மேல்முறையீடு தள்ளுபடி செய்யப்படவேண்டும் என்று வாதிட்டதின்பேரில் மேல்முறையீடு தள்ளுபடி செய்யப்படுகின்றது. சொத்தின் உரிமையாளரின் மேல்முறையீட்டின் உரிமையானது சொத்தின் உடமை எடுக்கப்படவில்லை என்பதை காரணமாக கொண்டு, எந்தவிதத்திலும் பாதிக்காது என தீர்ப்பளித்துள்ளது. வழக்கு எண்: 2015(4) CTC 18 (Mad) SARFAESI சட்டத்தின் படி கடன் பெற்றவரின் சொத்துக்களை வங்கி எடுத்து கொள்கின்றது. அந்த கடன் பெற்றவர் இந்திய அரசுக்கு சுங்கவரி செலுத்த வேண்டும் என்பதால் வங்கியானது அந்த சொத்தை விற்கும்போது விற்ற பணத்தில் இருந்து முதலில் இந்திய சுங்கவரி துறையானது வரியை பெற உரிமை உள்ளது! என்ற வாதத்தை மேற்படி சட்டத்தின் பிரிவு 35 யை காட்டி சென்னை உயர்நீதிமன்றம் மறுத்துள்ளது. வழக்கு எண்: 2016 (3) CTC 66 (Mad).

NBS PEOPLE RIGHTS

2/6/2025, 9:57:30 AM

*பொது இடத்தை ஒருவர் ஆக்கிரமித்தால் யாரிடம் புகார் அளிப்பது என்பதை பார்க்கலாம் வாங்க* இப்போது இருக்கும் உலகில் மனிதனால் ஏற்படக்கூடிய இயற்கை சார்ந்த பிரச்னைகளில் முக்கியமாக இருப்பது ஆக்கிரமிப்புகள் என்னும் பெரிய பிரச்னைதான். இதனால் பல நீர்நிலைகள், அரசுக்குச் சொந்தமான நிலங்கள் பல்வேறு உயிரினங்களின் வாழ்விடங்களாகிய காடுகள், ஈரநிலப் பகுதிகள் என அனைத்தும் ஆக்கிரமிப்பு செய்யப்பட்டு அழிக்கப்பட்டுவருகின்றன. பல ஊரிலும் இதுபோன்று பொதுமக்களின் இடங்கள் ஆக்கிரமிப்பு செய்யப்பட்டிருக்கும். பலருக்கும் அவற்றைப் பற்றிப் புகார் செய்யவேண்டும், ஆக்கிரமிக்கப்பட்டு இருக்கும் இடத்தை மீட்க வேண்டும் எனத் தோன்றியிருக்கும். ஒரு நபர் கேட்ட கேள்விகளின் அடிப்படையில் எழுதப்பட்ட கட்டுரை எவ்வாறு புகார் அளிக்க வேண்டும் என்பது குறித்து அவர் கூறியதாவது, "ஒருவர் பொதுக் குளத்தை அல்லது அரசுக்குச் சொந்தமான இடத்தைத் தனி மனிதனாகவோ, குழுவாகவோ அல்லது தனியார் நிறுவனமாகவோ ஆக்கிரமிப்பு செய்யும் பட்சத்தில், அது கிராமமாக இருந்தால், முதலில் கிராம நிர்வாக அலுவலரிடம் புகார் அளிக்க வேண்டும். புகார் அளிக்கும் போது அந்த நீர்நிலை, அல்லது நிலத்தின் சர்வே எண், ஆக்கிரமிப்புக்கு முன் இருந்த இடத்தின் புகைப்படம், தற்போது ஆக்கிரமிக்கப்பட்டபின் இருக்கும் இடத்தின் புகைப்படம் என அனைத்தையும் இணைத்து, கூடவே, ஆக்கிரமிப்பாளர்களின் விவரங்களுடன் புகார் மனுவைக் கொடுக்க வேண்டும். முக்கியமாக நம்முடைய உண்மையான முகவரியுடன் நம் விவரத்தைத் தெளிவாக அளிக்க வேண்டும். அதுமட்டுமல்லாமல், ஆக்கிரமிப்பு செய்யப்பட்டதால் ஏற்பட்ட பாதிப்புகளையும் தெளிவாகப் புகார் மனுவில் குறிப்பிட வேண்டும். தொடர்ந்து வருவாய் அலுவலர், தாசில்தார் ஆகியோரிடமும் புகார் அளிக்க வேண்டும். நகராட்சிப் பகுதியில் இதுபோன்ற ஆக்கிரமிப்புகள் இருக்கும் பட்சத்தில் நகராட்சி ஆணையரிடமும், மாநகராட்சியாக இருந்தால் மாநகராட்சி ஆணையரிடமும் புகார் அளிக்க வேண்டும். ஆக்கிரமிப்பு செய்திருப்பது உறுதியானால் 15 நாள்களுக்குள் கண்டிப்பாக நடவடிக்கை எடுத்து ஆக்கிரமிப்பை அகற்றுவார்கள். இதற்கு நாம் ஆக்கிரமிப்பு இருக்கும் பகுதியில் தான் வசிக்க வேண்டும் என்ற எந்த நிபந்தனையும் இல்லை. குறிப்பாக அரசு அதிகாரிகளிடம் மனு கொடுத்து எந்த நடவடிக்கையும் எடுக்க முன்வரவில்லை என்றால் 15 நாள்களில் நாம் முதலமைச்சர் தனிப்பிரிவிற்குப் புகார் அளிக்கலாம். அதில், முன்னால் கிராம நிர்வாக அலுவலரிடமோ, அல்லது நகராட்சி மாநகராட்சி ஆணையரிடமோ கொடுத்த மனுவின் அடிப்படையில் எந்த நடவடிக்கையும் எடுக்கவில்லை என்பதைக் குறிப்பிட்டு அந்த மனுவின் நகலையும் இணைக்க வேண்டும். அதன் பின்னர் கண்டிப்பாக ஆக்கிரமிப்பு செய்தவர்கள்மீது நடவடிக்கை எடுத்து ஆக்கிரமிப்பை அகற்றுவார்கள். தற்போது வெகு சீக்கிரமாகவே நடவடிக்கை எடுக்கிறார்கள். தொடர்ந்து இரண்டு மாதங்களுக்கு மேலாக எந்த நடவடிக்கையும் எடுக்கவே இல்லை என்றால், கடைசியாக யார், யாரிடம் புகார் மனு அளித்தோம், எந்தப் பகுதியில் ஆக்கிரமிப்பு உள்ளது என நீதிமன்றத்தில் முறையிடலாம். நீதிமன்றத்தின் மூலம் கண்டிப்பாக நடவடிக்கை எடுக்கப்பட்டு ஆக்கிரமிப்பு அகற்றப்படும். ஆனால் கிராம நிர்வாக அலுவலரிடம் புகார் அளிக்கும் நிலையிலேயே நமது புகார் மனுவின் மீது நடவடிக்கை எடுக்கப்பட்டுவிடும். சதுப்புநில ஆக்கிரமிப்பு குட்டை, குளம் போன்ற ஏனைய நீர்நிலைகளில் உள்ள ஆக்கிரமிப்புகள்மீது இதேபோன்று புகார் அளித்துத் தீர்வு பெறலாம். அல்லது அந்த அந்தத் துறைகளின் கீழும் புகார் அளிக்கலாம். குறிப்பாக, ஒரு ஏரியை ஆக்கிரமித்து சாலை போடப்பட்டிருந்தால், நெடுஞ்சாலைத் துறையின் கீழ் புகார் அளிக்கலாம்...

NBS PEOPLE RIGHTS

2/10/2025, 9:29:09 AM

தமிழ்நாடு காவல் துறையில் ஆன்லைன் எப்.ஐ.ஆர் சேவை வந்தாச்சு: 🚨 இனி வீட்டில் இருந்தே புகார் செய்யலாம்🔥 தமிழ்நாடு காவல் துறை, வலைதள முதல் தகவல் அறிக்கையை (Online FIR)சமீபத்தில் துவங்கியது. இந்த புது சேவையின் மூலம் புகார் தொடுக்க விரும்பும் நபர்கள் காவல் நிலையம் சென்றுதான் புகார் கொடுக்க வேண்டும் என்ற நிலையை தவிர்த்து வீட்டில் இருந்தப்படியே இணையத்தின் உதவியுடன் புகார் கொடுக்கலாம். இந்த வசதி தமிழ்நாடு மட்டுமின்றி டெல்லி, மும்பை, பெங்களூர், ஹரியானா, உத்திரபிரதேசம் போன்ற இந்தியாவின் பல்வேறு முக்கிய நகரங்களில் செயல்பாட்டில் உள்ளது. இந்த ஆன்லைன் எப்.ஐ.ஆர் சேவையை எவ்வாறு பயன்படுத்துவது மற்றும் தவறாக பயன்படுத்தினால் என்ன நடவடிக்கை எடுக்கப்படும் என்பதை பற்றி விரிவாக இங்கு பார்க்கலாம்.👀 இந்த சேவையின் மூலம் தமிழ்நாட்டில் உறைவிடம் கொண்டவர்கள் புகார் கொடுக்கலாம். தவறான புகார்களை பதிவேற்றம் செய்வது தண்டனைக்குரிய குற்றம் ஆகும். தவறான தகவல்களை பதிவேற்றம் செய்யும் புகார்தாரர் மீது இந்திய தண்டனைச் சட்டப்படி வழக்கு தொடரப்படும். உங்கள் புகார்களை பதிவு செய்ய இந்த இணையத்தளத்திற்கு செல்லவும் http://www.tnpolice.gov.in/CCTNSNICSDC/ComplaintRegistrationPage?1 மேலேக் கொடுக்கப்பட்டுள்ள இணையத்தள முகவரிக்கு சென்றப் பின் District: உங்கள் மாவட்டம் தேர்வு செய்யவும்(எ.கா: சென்னை, திருச்சி, மதுரை, தஞ்சாவூர்) Name: புகார் கொடுக்க விரும்புவரின் பெயர் பதிவு செய்யவும் Date of Birth: புகார் கொடுக்க விரும்புவரின் பிறந்த தேதி பதிவு செய்யவும் Address: புகார் கொடுக்க விரும்புவரின் முகவரி பதிவு செய்யவும் Mobile Number: புகார் கொடுக்க விரும்புவரின் அலைப்பேசி எண் பதிவு செய்யவும் Email ID: புகார் கொடுக்க விரும்புவரின் மின்னஞ்சல் முகவரியை பதிவு செய்யவும் Subject: உங்கள் புகார் எந்த வகை என்பதை தேர்வு செய்ய வேண்டும் Date of Occurrence: நிகழ்வு/சம்பவம் நடைப்பெற்ற தேதி பதிவு செய்யவும் Place of occurrence: நிகழ்வு/சம்பவம் நடைப்பெற்ற இடத்தை பதிவு செய்யவும் Discription: உங்கள் புகாரை முழுமையாக இங்கே பதிவுசெய்யலாம் Want to attach Documents [Max. 4MB(PDF, PNG, JPEG) Files alowed]: உங்கள் புகார் தொடர்பாக ஏதேனும் கோப்புகளை இணைக்க வேண்டுமென்றால் அந்த கோப்புகள் அதிகப்பட்சமாக 4MB க்குள்ளாகவும் PDF, PNG, JPEG போன்ற வடிவங்களில் இருத்தால் மட்டும் பதிவேற்றம் செய்ய இயலும். Security Code: இவை அனைத்தும் நிறைவு செய்தப் பிறகு கொடுக்கப்பட்டுள்ள பாதுக்காப்பு குறியீட்டு எண்னைப் பதிவு செய்ய வேண்டும் Register: அனைத்தும் செய்து முடித்தப் பிறகு உங்கள் புகாரை பதிவு செய்து நீங்கள் பதிவு செய்ததற்கான ரசீது மற்றும் எப்.ஐ.ஆர் எண் உங்களுக்கு வழங்கப்படும். Tamilnadu Police Citizen Portal என்ற இணையத்தளத்தில் உங்கள் எப்.ஐ.ஆர் எண்னைப் பயன்படுத்தி உங்கள் புகார் எந்த நிலையில் உள்ளது என்பதை அறிந்து கொள்ளலாம். இது போன்ற தொழிநுட்ப்ப முன்னேற்றங்கள் நமது நேரத்தையும், அலைச்சல், மன அழுத்தம் போன்றவற்றை அதிகளவில் குறைப்பதோடு குற்றங்களுக்கான தீர்வும் விரைவில் கிடைக்கும். எனவே இது போன்ற தொழில்நுட்பங்களை நல்ல விதங்களில் பயன்படுத்தி பயன் பெறுவோம்.http://www.tnpolice.gov.in/CCTNSNICSDC/ComplaintRegistrationPage?0

NBS PEOPLE RIGHTS

1/31/2025, 5:40:38 PM

*கல்வி கடன் வேண்டுமா? கல்லூரிகள்,பக்கம் போனால் அவர்கள் கேட்கும் கட்டணமோ சாதாரணமானவர்களால் கட்டக்கூடிய அளவுக்கு இல்லை... இந்நிலையில் இருக்கும் ஒரே வழி கல்விக்கடன் வாங்குவதுதான். ஆனால் அதிலும் ஆயிரத்தெட்டு சந்தேகங்கள்... எந்த படிப்புக்கெல்லாம் கடன் கிடைக்கும், எவ்வளவு தொகை கிடைக்கும், வட்டி எவ்வளவு? அதற்கான தகுதி என்ன என ஏராளமான சந்தேகங்கள் மாணவர்கள் மற்றும் பெற்றோர்கள் மனதில் இருக்கும். அதற்கான விடைகளைப் பார்ப்போம். *எந்தெந்த படிப்புகளுக்கு கிடைக்கும்?* கல்விக் கடன் என்பது உயர்கல்வி படிக்க கிடைக்கும் கடன். மருத்துவம், பொறியியல், எம்.பி.ஏ., எம்.சி.ஏ., பி.காம்., பி.எஸ்சி., போன்ற படிப்பு களுக்கு கல்விக் கடன் வாங்கிக் கொள்ளலாம். அங்கீகரிக்கப்பட்ட கல்வி நிறுவனங்களில் உள்ள அனைத்து படிப்புகளுக்கும் கடன் வாங்கிக் கொள்ளலாம். சில வங்கிகளில் கலைப் படிப்புகளுக்கு கல்விக் கடன் இல்லை என்று சொல்ல வாய்ப்பு இருக்கிறது. அவர்கள் இதுபோன்ற படிப்புகளுக்கு எளிதாக வேலை கிடைக்காது என்பதால் கடன் கொடுக்க மறுக்கும் நிலை இருக்கிறது. அதுபோன்ற நிலையில் சற்று போராடினால் மட்டுமே கடன் வாங்க முடியும். பத்தாம் வகுப்பு முடித்துவிட்டு டிப்ளமோ படிப்பவர்களுக்கும் கல்விக் கடன் உண்டு. *எவ்வளவு கடன் கிடைக்கும்?* நான்கு லட்சம் ரூபாய் வரை உத்தரவாதம் எதுவும் இல்லாமல் கடன் கிடைக்கும். 4 லட்சம் முதல் 7.5 லட்சம் வரை பெற்றோரில் ஒருவர் தனிநபர் உத்தரவாதம் கொடுக்க வேண்டிவரும். 7.5 லட்சம் ரூபாய்க்கு மேல் கடன் என்றால் சொத்து ஜாமீன் கொடுக்க வேண்டும். இது உள்நாடு மற்றும் வெளிநாடு சென்று படிக்கும் மாணவர்களுக்கு என அனைத்துக்கும் பொருந்தும். *எப்படி வாங்குவது?* பெற்றோருக்கு எந்த வங்கியில் கணக்கு இருக்கிறதோ, அந்த வங்கி யில் கல்விக் கடன் பெறலாம். சில நகரங்களில் ஏதாவது ஒரு வங்கி, கல்விக் கடன் தருவதற்கென்றே ஒதுக்கப்பட்டிருக்கும். அப்படி இருக்கும்பட்சத்தில் அதில் கணக்கு ஆரம்பித்து, கல்விக் கடன் வாங்கிக் கொள்ளலாம். *எந்த செலவுக்கு எல்லாம் கிடைக்கும்?* கல்விக் கட்டணம், விடுதி வாடகை மற்றும் சாப்பாட்டுச் செலவு, சீருடை, புத்தகங்கள், கல்விச் சுற்றுலா, மாணவருக்கு இன்ஷூரன்ஸ் பிரீமியம், கம்ப்யூட்டர்/லேப்டாப் உள்ளிட்டவைகளுக்கு கல்விக் கடன் வாங்கிக் கொள்ளலாம். *எப்படி கடன் வாங்குவது?* கல்லூரியில் இருந்து கல்விக் கட்டணம், விடுதி வாடகை, உணவுக் கட்டணம், சீருடைகளுக்கு எனத் தனித்தனியாக எவ்வளவு ஆகும் என்று போனஃபைட் சான்றிதழில் குறிப்பிட்டு வாங்கிக் கொள்ள வேண்டும். அதன்பிறகு வங்கியை அணுகி விண்ணப்பிக்க வேண்டும். அதற்குரிய காசோலை கல்லூரி பெயரில் கொடுக்கப்படும். புத்தகங்கள், கம்ப்யூட்டர் போன்றவற்றை வாங்கிவிட்டு அதற்குரிய ரசீதை வங்கியில் கொடுத்தால் அந்த பணம் கிடைத்துவிடும். இது மாணவரின் கடன் கணக்கில் சேர்த்துக் கொள்ளப்படும். *எப்போது கடனை திரும்பக் கட்டுவது?* படிப்பு முடிந்து ஒரு வருடத் துக்குப் பிறகு கடனைத் திருப்பிச் செலுத்த ஆரம்பிக்கலாம். ஆனால், வேலை கிடைத்துவிட்டால் உடனே கடனைக் கட்ட ஆரம்பித்துவிட வேண்டும். முன்பு படிக்கிற காலத்தில் கடனுக்கான வட்டி கணக்கிடப்பட்டு, வசூலிக்கப்பட்டு வந்தது. ஆனால், 2009-க்குப் பிறகு கொடுக்கப்படும் கல்விக் கடனுக்கு, பெற்றோரின் ஆண்டு வருமானம் 4.5 லட்சம் ரூபாய்க்குள் இருந்தால் படிக்கிற காலத்திற்கான வட்டியை மத்திய அரசே வங்கிகளுக்குக் கொடுத்து விடுகிறது. வெளிநாடுகளில் படிக்கிற மாணவர்களுக்கு இந்தச் சலுகையை வங்கிகள் தருவதில்லை. ஆனால், வெளிநாட்டுப் படிப்புக்கும், உள்நாட்டுப் படிப்புக்கும் ஒரே வட்டி விகிதம்தான். விரைவாக கடனைத் திருப்பிச் செலுத்தும் மாணவர்களுக்கு 1% வட்டி குறைக்கப்படுகிறது. மாணவிகளுக்கு வட்டியில் சுமார் 0.5% சலுகை அளிக்கப்படுகிறது. கடனை மாதத் தவணையாகக் கட்ட வேண்டும் என்பதில்லை. மாதத் தவணை காலம்போக எப்போதெல்லாம் பணம் கிடைக்கிறதோ, அப்போ தெல்லாம் அந்த தொகையைக் கட்டி கடன் பளுவை குறைத்துக் கொள்ளலாம். *தேவையான ஆவணங்கள்!* கல்லூரி போனோஃபைட் சான்றிதழ். கட்டணம் குறித்த தெளிவான தகவல்கள். பெற்றோரின் வருமானச் சான்றிதழ். இருப்பிடச் சான்றிதழ். பள்ளி மாற்று சான்றிதழ். 10 மற்றும் 12-ம் வகுப்பு மதிப்பெண் சான்றிதழ். பொறியியல், மருத்துவம் உள்ளிட்ட தொழிற்கல்வி என்றால் கவுன்சிலிங் அழைப்புக் கடிதம், சேர்க்கைக் கடிதம் உள்ளிட்டவை தேவைப்படும். வெளிநாட்டு படிப்பு என்றால் கூடுதலாக விசா, எந்த கல்லூரியில் படிக்க இருக்கிறார், கல்லூரி மற்றும் படிப்புக்கான அங்கீகார விவரம் போன்றவற்றையும் கொடுக்க வேண்டும். *கவனத்தில் கொள்ள வேண்டியவை!* எக்காரணம் கொண்டும் மாணவர்கள் ஏதாவது ஒரு பாடத்தில்கூட ஃபெயிலாகி விடக்கூடாது. ஏதாவது ஒரு பாடத்தில் ஃபெயிலானால்கூட சில வங்கிகள் அடுத்த ஆண்டுக் கான கடன் தருவதை நிறுத்திவிடும் அபாயம் இருக்கிறது. அதன்பின் அந்த பாடத்தை மீண்டும் எழுதி பாஸான பிறகுதான் கடன் கிடைக்கும். ஏதாவது ஒரு காரணத்துக்காக படிப்பை பாதியில் நிறுத்தினாலும் தொடர்ந்து கடன் கிடைக்காமல் போக வாய்ப்புண்டு. அதுவரையில் வாங்கிய கடனை வட்டியோடு திரும்பச் செலுத்த வேண்டிவரும். *விவிலியராஜா*👍🤝 வழக்கறிஞர் *9442243433*