♡ أسرار جُمعة _ Asrar Gumaa ♡
2.3K subscribers
About ♡ أسرار جُمعة _ Asrar Gumaa ♡
مرحبًا♡ هذه الصفحة بوابة لقصصي ورواياتي التي تتسع و ترحب بكل أحد يرغب في الدخول لهذا العالم .. استسمحكم لُطفًا بنشر الرابط ♡. و شكرًا حبًا 💛🌻 رابط قناتي على الواتساب⤵️💛: https://whatsapp.com/channel/0029Vacbme6DeOMzZHmMH12m رابط قناتي على التليجرام ⤵️💛 : https://t.me/asrarsr
Similar Channels
فليطمئن قلبك🩷قرآن اذكار احاديث بينات ادعيه أحكام اقتباسات دينيه معلومه منشورات دينيه القـرآن الڪريم
مجمع البحرين - القرآن الكريم
קנה לי SHOP - מועדון קניות באינטרנט מבצעים על מוצרים - אלי אקספרס, אמזון, KSP, לאסטפרייס ועוד
رسائل الجمعة ♥️
مقاطع مترجمة ✘✘🔥
عدن استار _Αɒєи sταя
Nigerian Waves
مستر أحمد المصري فيزيا 2025 🩵💪🔥
علوم أبي عبد الله رشيد المغربي حفظه الله
أسرار ونصائح للسعادة الزوجية 💑
Kareem AL-Qadri كريم القادري
US Market Trades
حملة صلاتي حياتي "فريق العلم والعمل"
ගිනිහුළ (Channel)
ختم القرآن في شهر رمضان ١٤٤٦هـ الموافق 2025
Swipe to see more
Posts
*#فِي _ حُب _الإسلام ..《10》* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* يارا"وهي مُنهارة": يوم الجُمعة عقدو يا وجن . وجن: براحة براحة فهميني منو هو العقدو يوم الجمعة ؟! . يارا: صالِح الحكيتْ ليكم عنو و قُلتَ ليكُم.. أرتبطت معاهو عقدو يوم الجُمعة الجاية . وجن: ما قُلتَ ليكِ أفصليها مِنهُ الولد ده . يارا" وهي بِتبكي" : أنا ندمانة شديد أني أتعرفتَ عليهو . وجن وقت شافتها مُنهـارة و ندمانة سكتتْ و حضنتها و خلتها تتم بكيتها و يارا زادتْ زيادة يارا: أتخيلي يا وجن بِكُل دم بارد جا قال لي : ما بقدر أكمل معاكِ ؛ لانو خلاص أنا عقدي يوم الجُمعة قُلت ليهو : طيب بِالنسبة لي أنا و وعودك لي ؟ قال لي : معليش بس أنا ما بقدر أعرس واحدة أتكلمتْ مع ولد الـ يضمني شنو بعدين أنو.. بعد نعرس ما تخوني و تِتكلم مع غيري ؟! أتخيلي بس قال لي كِدا فِي حين هو عارف أنو.. أنا ما بِتكلم مع ولد غِيرو وجن"وهي بِتطبطب عليها": معليش يا قلبي ما بِستاهلك . يارا: أنتِ عارفة ليه أنا كُنتَ بِتكلم معاهو ؟ . وجن: ليه؟ . يارا: عشان أملا الفراغ الجواي! أنا وحيدة يا وجن ما عندي زول ألجأ ليهو أخوي ما شغال بي و شكلو ناسي أنو.. عندو أخت ما مُتذكرة أخرة مرة قال لي.. كيفك متين ! ما مُتذكرة أخر مرة قال لي كِلمة حِلوة أو بِالأصح ماف حصل قال لي! أمي وأبوي برضو ما شغالين بي و أبوي همو يجيب لينا قروش بس لا بِسالني مِنْ أحوالي و لا حاجة ما بعيد أنو.. ما عارف أنا قاعدة أقرأ فِي سنة كم زاتو! أما أمي بعيدة مِني كُل البُعد ما بقدر أحكي ليها أسراري و لا أفضفض ليها هُم قايلين الحياة قُروش بس و قايلين كِدا أنو.. مُوفرين لي ايَّ حاجة! هم ما عارفين أنو.. أنا ما عايزة مِنهُم قُروش أنا عايزة أهتمام عايزة أخوي يكون كأنو صحبي و أمي تكون كأنها صحبتي و أقدر أفضفض ليها كُل الـ فِي قلبي عايزة أبوي مِنْ تحصل لي حاجة.. أجري أمشي أحكي ليهو أنا مالقيتْ الأهتمام ده فِي بيتنا ؛ عشان كِدا فتشتَ برا و لقيتو فِي صالِح كان بقول لي كلام سمح و يهتم بي ؛ عشان كِدا حبيتو و هو جا بِكُل بساطة كسرني و قال لي بِكُل برود : عقدي يوم الجُمعة الجاية ! المُشكِلة هو عارف أنو.. أنا ما عندي غيرو و بعد ده كسرني! و ما أكتفى بِكِدا كمان قاعد يهددني . وجن: يهددك بِي شنو ؟! . يارا: قاعد يهددني بِصورتنا أنا وأنتِ . وجن"بِأستغراب": صورتنا أنا وأنتِ ؟! ما فهمت أشرحي لي أكتر . يارا "وهي بِتتنهد": اليوم داك أنا كُنتَ ختيتْ صورتنا أستوري و هو شافها شكلو سرقها و هسه بقى يهددني أنو حـ ينشرهم فِي السوشال ميديا . وجن: لا حول ولا قوة إلا بالله دي مُصيبة شنو كمان ! . يارا "بِتأسُف" : معليش يا وجن أعفي لي ما كُنتَ عارفة أنو حـ يشوفها! . وجن: هسه ده ما وقت الندم الحصل حصل كدي هسه نفكر فِي حل لِلمُصيبة دي! . يارا"بِيأس": طيب . و بقوا يفكروا.. فجأة !.. وجن جاتها فِكرة وجن: الحل أنو نكلِم أخوانا . يارا: مُستحيل . وجن: خلاص نعمل شنو ؟ . يارا: ما عارفة لـٰكِن.. ما بقدر أكلِم مُنذر "أخوها". وجن: ما عِندنا حل غير كِدا ؛ لانو كان أتصرفنا برانا و مشينا ليهو ؛ عشان يمسح الصور مُمكِن تحصل مُصيبة أكتر مِن كِدا و عادي تاني يصورنا ونحنا واقفين معاهو . يارا: مُنذر حـ يضبحني عديل! لالا ما بقدر ما بقدر . وجن: خلاص أنا بِتكلم مع وليد أصلاً بعد شوية حـ يجي و بعدهُ هو يتكلم مع أخوكِ . يارا: طيب . وجن: ِ أنا عايزاكِ يا يارا تحافظي على نفسك، و ما تفتحي قلبك لي أيَّ زول أنتِ الإسلام كرمك شديد لِدرجة خلى الشخص العايز يصل ليكِ الا يجي يتكلم مع أبوكِ الأرتباط ده كلام فارغ ساي و بِتسهتري مشاعرك و طاقتك بس صوني نفسك لمِن.. يجيكِ ود الحلال و كونوا أنو.. أهلك بعيدين منك ده ما مُبرر ليكِ ؛ عشان تقعي فِي الحرام أيوا هُم غلطانين و أيَّ شي لـٰكِن.. أنتِ ما تخلي بُعدهُم عنك يقودك لِلحرام! و عايزاكِ تقربي مِن ربنا و تحاولي تصلحي علاقتك بيهو . يارا: أن شاء اللَّه . أتكلمتَ معاها كتير و نصحتها « صاحبوا أخواتكم يا أولاد وأهتموا بيهم ؛ عشان ما تمشي تفتش الأهتمام ده برا ؛ لانو أنتَ أصلاً ما شغال بيها و ما وريتها الصح مِنْ الغلط و ما أرشدتها و عشان لمِنْ تحصل ليها حاجة تقدر تحكي ليك وأنتِ يا جميلة.. ده ما مُبرر ليكِ كونو ناس البيت ما شغالين بيكِ يخليكِ تقعي فِي الحرام قربي مِنْ ربنا و أشغلي نفسك أحسن مِنْ الأمور دي و هسه لو فِي واحدة حاصل ليها موقف ذي ده طوالي تمشي تكلم أخوها أو امها أو أبوها المُهم واحد مِنْ ناس البيت حتى لو جاط فيكِ و كورك أستحملي و أكيد حـ يحل ليكِ المُشكلة دي فِي النهاية أوع تِتصرفي مِنْ رأسك أو تمشي لِصحبتك و تقولوا عايزين تحِلوها سوا ». بعد مسافة.. وليد جا شِلتَ عصير و مشيتْ ليهو فِي غرفتو و حكيتْ ليهو كُل القِصة.. ياخ عصب شديد و لونو لمِنْ أتغير أول مرة أشوف وليد و هو مُعصِب كِدا ! بعدهُ قال لي : أديني رقم الولد مشيتْ شِلتو مِن يارا أصلاً حافظاهو رجعتَ لي وليد أديتو الرقم و قال : هو حـ يتصرف كُنت طالعة مِنْ الغرفة ناداني قبلتَ عليهو سالني ليه يارا ما كلمتْ أخوها ؟ حكيتْ ليهو طبيعة العلاقة بينهُم و كُدا سكتْ شوية و قال لي : خلاص أنا بِتكلم معاهو . طلع طوالي مشى بيت ناس يارا.. وأنا مشيتْ حكيتْ ليها الحصل بقينا مُنتظرين فِي البرندة.. و ليد ده أتأخر ما جا و أنحنا هنا قاعدين على أعصابنا بعد مسافة.. جا هو و مُنذر داخلين مع بعض يارا دي مِن شافتْ مُنذر أخوها خافتْ خوف! لـٰكِن هو .. ما جاط فيها ! قال ليها : أرح البيت وليد: ذي ما قُلتَ ليكِ يا مُنذر . مُنذر: طيب . سلموا على بعض و يارا و مُنذر طلعوا مشوا بيتهُم غايتو شلتَ ليها هَّم . بقيتْ أسأل وليد مِن الحصل.. وليد: أول مشيتْ لي منذر أتكلمتَ معاهو و فهمتو الموضوع ياخ غضب شديد و كان عايز يجي يدُقها عديل هديتو بعدين أتصلنا لِلزول داك و طلبنا أنو.. نقابلوا بِدون يعرف أنحنا مِنو المهم نهاية الموضوع أنو.. مسحنا مِنهُ كُل الصور . وجن: خلاص عملتوا ليهو شنو ؟ . وليد: دي خليها . وجن: بِالجد ياخ . وليد: أديناهو درس ما حـ ينساهو عُمرو كُلو ! و عشان تاني يهدد بنات الناس . وجن: أنا خايفة على لُدن مِنْ مُنذر . وليد: ما تخافي ما حـ يعمل ليها حاجة حـ يتكلم معاها بس . وجن: أن شاء اللَّه ياخ . وليد: بعدين تعالي هِنا.. صورتك دي وِصلتْ كيف هِناك ؟ . وجن: كان مرة يارا ختتها أستوري . وليد: مِنْ الليلة صورك ما ترسليها لِزول سواء قريب ولا غريب و لا تعمليها أستوري حتى لو بنات بس ؛ لانو مُمكن الواحدة تسرُقها . وجن: حاضر . وليد: يلا أنا ماشي أنوم . وجن: طيب . وليد قام ماشي على الغرفة.. وجن: وليد . وليد: أها . وجن: شُكراً . وليد: على شنو ؟ . وجن: على كُل شي شُكراً ؛ لأنك أخوي و دائماً بِتسندني و وقت بِحتاجك دائمًا بلقاك . وليد: ما تشكُريني ده واجبي تجاهك . وجن: برضو شُكرًا . وليد"وهو بِضحك": خلاص عفوًا . و دخل غرفتو نام.. #بِلسان وجن : ما عارفة لو كان أتصرفنا مِنْ راسنا حـ يحصل شنو لـٰكِن.. مُتاكدة أنو.. كان حـ يحصل أسوأ مِنْ كِدا ! يمكن أكتر تصرف عملناهو صح أنو.. كلمنا أخوانا و ما أتصرفنا مِنْ عِندنا يارا صح أنا شايلة ليها هَّم لـٰكِن.. ما ندمانة أنو.. كلمنا أخوها أي صح مُمكِن يجوط و يشاكلها لـٰكِن.. فِي النهاية ده لِمصلحتها و أفضل بِكتير مِنْ أنو.. نِتصرف برانا وليد عشان صاحبي قبل أخوي أنا قدرتَ أتكلم معاهو و أوريهو الموضوع صح كُنتَ خايفة لـٰكِن.. ما خايفة مِنْ وليد على نفسي خايفة على وليد! خايفة مِنْ ردة فعلو و كيف حـ يتصرف مع الولد! خاصة أنو.. الولد جاهو فِي عِرضو و ماف راجل بِرضى الحاجة دي! و وليد أنِحنا عِندو خط أحمر ماف زول يعديهو لمِن رجع البيت حسيت بِالراحة ياداب و لمِنْ قاعد يحكي لي أنا كُنتَ حاسة بِشعور كِدا ما قادرة أوصفو! أحساس أنو.. عندي سندي و شخص وقت أميل مُتأكدة أنو.. حـ القاهو جنبي وليد ده ما بِتقاسم معاي هَّمومي و أوجاعي لا هو بِشيلها كُلها مِني الأخ نعمة و اللَّه فـ بتحير مِنْ البنات الـ بِتقول ياريت لو.. ما عندي أخ! كُل أخ عِندو طريقة مُعينة بعبر بيها عن حُبو لي أختو.. فِي واحد بِعبر عن مشاعرو بِالأقوال و فِي واحد بِعبر عن مشاعرو بِالأفعال فِي واحد كُل ما يشوفك بِضربك و يجري و يحب ينرفزك، ده برضو بِحبك ما تفتكري أنو بِكرهك ؛ لانو ماف أخ بِكره أختو صح أغلبهُم ما بِعبروا عن حُبهم بِالكلام أو يقول ليكِ "بحبك" لـٰكِن.. بِعبروا عن طريق الأفعال بِتلقي ساندك و واقف معاكِ فِي أوقاتك الصعبة فـ أنا محظوظة جِداً بِوليد أخوي الحمد للَّه على نِعمة وجودو جنبي الحمد للَّه حمداً كثيراً طيباً مُباركاً فِيه ♡. #على_الهامِشْ: _" لم يُخبرنِي أخي بِحُبه لي قطُّ، لـٰكِن.. عندما ارتطمَت قدمِي بِطرفِ البابِ أغلقِ عينيه وشَدَّ فمهُ كأنه هو الذي تأذى!" _آن #سبحوا 💛🌻. .*يتبــــــــــــــــــــــــــــــــــــــــــع*
*#فِي_حُب _الإسلام ..《01》* *#بِقلم: أسرار جُمعة 💛.* ـہہہـ٨ــــہہہــــــہہہـ٨ــــہہہـ وجن: الليلة يا ربي أية مالها ما جاتْ ؟ يارا: أنا زاتي فاقداها . سمر: هي أصلا بِتجيني بعدين أنا و هي بِنجي لي يارا و بِنجيكِ يا وجن لـٰكِن.. الليلة ما عارفة لي ما جاتني ! وجن: أنتِ ما أنتظرتها ؟ سمر: أنتظرتها كتير وقت لقيتَ الزمن أتاخر طلعتَ، قُلتَ معناتو.. الليلة ما ماشة المدرسة ؛ لانو هي بِتطلع بدري . يارا: إن شاء الله خير بس . وجن: إن شاء الله . سمر: خلاص أرح بعدين نمشي ليها . يارا و وجن: طيب . يارا: صحي ما وريتكم . وجن و سمر: شنو ؟ يارا: أنا أرتبطتَ . سمر: كذابة مع منو ؟ يارا: صالِح . سمر: ما عِرفتو . يارا: أي ما أظن تعرفيهو ده كان جا عِرس ناس خالتو تهاني . سمر: أيوا . وجن: يا يارا إنتِ عارفة أنو.. العلاقة بين البت والولد بدون رابط شرعي حرام إنتِ غالية والله صوني نفسك لمِن.. يجيكِ ود الحلال الـ يجي يدق باب بيتكم و يقول لي أبوكِ أنو.. عايزك حلالو . يارا: هييي منو قال ليكِ أنو.. الأرتباط حرام ؟! أديني دليل . وجن: قال الله فِي سورة المائدة : ﴿مُحصِنينَ غَيرَ مُسافِحينَ وَلا مُتَّخِذي أَخدانٍ﴾ بالنسبة لِلرجال الخِدنْ: الصاحِبة أو العشيقة. و فِي سورة النساء : ﴿مُحصَناتٍ غَيرَ مُسافِحاتٍ وَلا مُتَّخِذاتِ أَخدانٍ﴾ بِالنسبة لِلنساء الخدن: الصاحِب أو العشيق . سمر: أنا ما مُقتنعة غايتو . وجن: أستغفر الله يا بت أستغفري كِلمة " ما مُقتنعة " دي كلمة شيطانية كِدا كأنك قاعدة تقولي لي ربنا انا ما مُقتنعة بِحُكمك والعياذ بالله . ليكِ كامل الحُرية أنك لمِن تختلفي مع أختك فِي لون طرحة ما جاية مع فستان تقولي ليها ما مُقتنعة لـٰكِن.. كِلمة " ما مُقتنعة " فِي أحكام ربنا والمسائل الدينية لا يجوز أنو.. تقولي ما مُقتنعة أو لمِنْ أقتنع . سمر: أستغفر الله . وجن: طيب هو أصلاً لو ما حرام بِتتكلم وراء أبوها و أمها ليه ؟ ليه ما بِتتكلم قِدام مُنذر أخوها ؟ يارا: منو قال ليكِ بِتكلم وراء أمي ؟ أمي عارفة و وريتها أنو.. حـ يتقدم لي . وجن: شايفة يا حِلوة لو.. أسرتك كُلها عارفة والكون ده كُلو عارف بِتفضل حرام . سمر: أنتِ يعني قصدك الحُب حرام ؟ وجن: لا الحُب ما حرام ؛ لانو هو شعور فِطري و حاجة ما بِتقدري تتحكمي فيها لـٰكِن.. الحرام أنك تعترفي بيهو لِلولد و تِرتبطوا . شايفة حتى صحبتك ؟ ما تكلميها بِحُبك ليهو أكتميهو بس و أدعي ربنا لو.. خير ليكِ يكون مِنْ نصيبك لـٰكِن.. بحبك وأنا كمان.. رسلي لي صورتك و بِتاع ، الخلوة بِالرسائل ، الكلام المعسول، المكالمات، الخضوع بِاِلقول وترقيق الصوت كُلو حرام . يارا: هو بنات فِي الأساس و مُتوسط مُرتبطين ! ليه أنا ما أرتبط إذا الشُفع مُرتبطين ؟! . وجن: فعلاً بِقينا نشوف أنو.. بقى فِي الجامعة البت لو.. ما أرتبطتْ مع ولد أول ما تدخل دي ما عاشتْ الجامعة ولا شافتْها و الولد لو.. ما أرتبط ليهو مع أربعة و كُل مرة داخل كول مع واحدة ده حـ يتقال عليهو وهمي و ينضحك عليهو مِنْ شباب دُفعتو و حتى.. بدتْ تصل لِلصِبية الصُغار الـ يادوب طلعوا مِن الأساس و بيقروا المرحلة المُتوسطة ! حـ أقول ليكِ يا حِلوتي : ﴿وَكُلُّهُم آتيهِ يَومَ القِيامَةِ فَردًا﴾ ، خليهُم يقولوا : وهمية وعاملة شيخة هل بعدين هُمْ حـ يتحاسبوا معاكِ ؟ حـ يشيلوا عنك الذُنوب دي بعدين ؟ و بِالعكس لمِن.. ما ترتبطي ده دليل أنك.. جوهرة و ما أيَّ زول بِقدر يصل ليكِ . يارا: هو أصلاً قال حـ يجي يتقدم لي . وجن: وأنتِ صدقتيهو يعني ؟ طيب نِفترض أنو.. صادق برضو علاقتكم دي غلط و ما يجوز تِتكلموا مع بعض . يارا: يا زولة ده قاعد ينبهني لِلصلاة و يقول لي أقري أذكار الصباح و المساء يعني.. هو زول كويس و مُلتزِم . وجن: مُرتبط و مُلتزِم الكِلمتين ديل ما جايين مع بعض نِهائي ! لو هو مُلتزم بِالجد ما حـ يرتبط ماشاء الله لعلو مُنبه الولد ؟! و لا تطبيق أذكاري ؟ ؛ عشان يوصيكِ على الاذكار و مُش ينبهك لِلصلاة لو.. قاعد يصحيكِ لِـقيام الليل عديل علاقتكُم حرام . يارا: أن الله غفور رحيم نتوب بعد العِـرس بس . وجن: و ما تنسي أن الله شديد العِـقاب و الضمنك أنو.. ربنا حـ يغفر ليكِ ؟ مِنْ شروط التوبة الندم و كِدا أنتِ ما ندمانة أصلاً ده أسمو سؤء أدب مع الله كونو أعمل الذنب مُتقصدة وأقول : بعدين أتوب ؛ لانو كِدا كِدا ربنا حـ يغفر لي العرفك شنو أنو.. بعدين يجي و أنتِ تكوني عايشة ؟ و شايفة ذنوب قبل العِـرس دي كُلها ما بِتتغفر حتى لو.. عرستو ! الا بِِتوبة نصوحة فـ أتركيهُ لله يا غالية . يارا: لـٰكِن أنا بحبو ياخ . وجن: لو بِتحبيهو ما ينفع تكوني سبب فِي.. زيادة ذنوبهُ و خليكِ عارفة أنو.. مَنْ تركَ شيئاً للَّه عوضهُ خيراً مِنهُ أتركيهُ ؛ عشان ربنا و أدعي أنو.. يكون مِنْ نصيبك لو.. خير ليكِ . يارا: صعب ما بقدر . وجن: ربنا إذا شافك صادقة فِي نيتك بِعينك، أنتِ أستعيني بِاللَّه و أدعي أنو.. يسهل ليكِ . سمر : يا وجن خلي البِت تعيش حياتها . وجن: عايني يا سمر إذا إنتِ ما قادرة تمنعي الغلط ما تشجعي عليهو هسه بِكلامك ده كِدا أنتِ بِتشجعيها و بِتخليها تواصل فِي العلاقة دي فـ الذنوب كُلها حـ تجيكِ أنتِ كمان أتخيلي معي قاعدين يتكلموا مع بعض و أنتِ قاعدة مُرتاحة فِي بيتكُم عداد سيئاتك بِكون شغال بِجاي ! و بعدين دي ما تُسمى حياة و أنو كِدا عايشة حياتها بِالعكس الحياة بِقُرب الله وطاعتهُ دي هي الحياة الحقيقية . يارا: خلاص نقفل الموضوع ده و ربنا يهديني . وجن: أمين أمين . ¬ أنا وجن صِديق بقرأ فِي أولى ثانوي أمي " نادية"، أبوي "صِديق" أختي أسمها " ولاء " فِي أولى جامعة بِتقرأ صيدلة و أخ أسمو "وليد" صاحبنا قبل أخونا فِي تالتة جامعة بِقرا هندسية سمر و يارا و أية ديل صحباتي و بنات جيران فِي نفس الوقت . جاتْ أستاذة الفيزياء.. أدتنا الحصة التالتة و جرس الفطور ضرب طلعنا برا.. فطرنا و بعدهُ مشيتْ صليتْ صلاة الضُّحى . بعد خلصتَ الجرس ضرب.. أتحيرتَ طبعاً ؛ لانو الزمن بدري لِزمن الحِصة ! جاتنا المُشرفة قالتْ : المُديرة عايزانا و مشتْ . يارا: بسم اللَّه عايزانا لِشنو ؟! وجن: بري كدي هسه بِنعرف . طلعنا برا.. وِقفنا طابور أصلاً أنحنا أولى بس ما عِندنا فُصول تاني يعني.. ماخدين راحتنا بِالكامل فِي المدرسة و ده أحلى شي . المُديرة: السلام عليكم . البنات: وعليكم السلام ورحمة اللَّه وبركاته . المُديرة: أها كيف ماشين مع الدراسة ؟ البنات: تمام . المُديرة: الحمد لله يلا أنا جمعتكم اليوم بِخُصوص يوم الخميس النشاط.. أنا و باقي المُعلِمات قررنا بدل أنو.. حِصتين النشاط تقضوهم على مزاجكُم و بِلا هدف مُمكن نعمل جِمعيات ذي.. أربع أو خمس جِمعيات كُُل جِمعية يكون فيها رئيسة و لازم تكون مُتمكنة فِي مُحتوى الجِمعية و طبعاً حـ تختاروها أنتوا . أنحنا أقترحنا بعض الجِمعيات الـ هي : ¹. جِمعية القُرآن الكريم حـ تكون شاملة الحِفظ و التفسير و تصحيح التِلاوة . ². جِمعية الأنجليزي حـ تِتحاورا بِالأنجليزي مثلاً.. تِتحاوروا عن.. " أيهما أفضل الزراعة أم الصناعة " و كُل زول يقول وجهة نظرو و السبب الخلاهو يختار كِدا شنو ؟ و هكذا.. بعدين باقي البنات يسألوها أسئلة و هي تجاوب عليها . ³. جِمعية القِـراءة ديل حـ يحددوا كِتاب مُعين و جُزئية مُحددة مثلاً.. يقولوا : الليلة حـ نقرا كِتاب " كوني صحابية " مِنْ الصفحة رقم واحد لمِنْ خمسة خِلال السِتة أيام ديل حـ يقروا الخمسة صفحات دي كويس و بعدين يتناقشوا فيهُم أو يختاروا مُوضوع مُعين و يتكلموا فيهو مثلاً.. يتكلموا عن " كيف تبقي زولة ناجحة ؟ " المُهم مواضيع توعوية و ثقافية . ⁴. جِمعية الفُنون كُل واحدة تورينا موهبتها و الحاجة البِتبدع فيها و تعلمها لي باقي بنات الجِمعية و بعد فِترة.. حـ نعمل مُسابقة على كُل الجِمعيات و أفضل جِمعية حـ نكرمها ديل الجِمعيات الـ أنِحنا أخترناها مُمكِن أنتوا تشوفوا لو عِندكُم أيَّ أضافة و فِي النِـهاية.. ده مُجرد أقتراح مِننا بس والرأي رأيكُم . البنات بقوا يتهامسوا و يتشاوروا بعدين قالوا عجبتهُم الفِكرة المُديرة: خلاص بما أنو.. بُكرة الخميس نبدأ مِنْ بُكرة هسه خِلال اليوم أختاروا رئيستكم و كُل واحدة تختار المجموعة العايزاها يلا مُمكِن تسيروا . دخلنا الفصل.. سمر: وجن أنتِ أكيد ماشة القُرآن الكريم مُش ؟ وجن : أي . يارا: أنا ماشة الفُنون . سمر: وأنا الأنجِلش . يارا: أها يا الخواجية . و بقوا يتناقروا ... وجن: صحي أية الليلة ما تنسوا وقت نمشي ليها نكلِمها بِخُصوص الجِمعيات . سمر ويارا: سمح . و بقينا نتونس.. فجأة !.. جوني بنات وقالوا عايزني رئيسة لِجِمعية القُرآن ؛ عشان خاتمة و بعرف التجويد و كِدا يعني وافقتَ لـٰكِن.. صراحة حسيتْ بشوية خوف ؛ لانو دي مسؤولية كبيرة و ما ساهلة كونو أدرس كِتاب اللَّه ! الجرس ضرب.. أخدنا حِصتين كيمياء و رياضيات و تاني طلعنا فُسحة الصلاة لِصلاة الظُهر . صلينا و أخدنا أخر حِصتين و طلعنا على البيوت.. أصلاً بِنمشي كداري ؛لانو المسافة ما بعيدة وِصلنا و كُل واحدة دخلتْ بيتهُم بعد ما أتفقنا أنو.. نمشي لي أية العصُر . #على الهامِشْ : لأنك غَاليَة "حـ يجيّك الزّوجُ الصّالحُ الطّيبُ المُحبُّ، لـٰكِن بِدون ما تكسِري حَيائَك وعِفّتك، و بِدون ما تُقلِّلي مِنْ كرامتِك وكرامةَ أهلِك، أو تعصِي ربنا فيهُ فأحفظي قلبك يا غَاليَة حتى.. يأذنَ اللّٰهُ لهُ بِالحلالِ "♡ #أستغفروا 💛🌻. .*يتبــــــــــــــــــــــــــــــــــــــــــع★*
*#فِي _ حُب _الإسلام ..《13》* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* بعد مرور 6 شهور ... الليلة نازلين أمتحانات.. الصباح ناس البيت دعوا لي بِالتوفيق ناس سمر جوا طلعنا.. وصلنا المدرسة بقينا نراجع و نحل أمتحانات قديمة جرس الامتحان ضرب.. دخلنا القاعات و كُل زول قعد فِي المكان المُخصص ليهو بقيت أقرأ أية الكرسي و المعوذتين المراقبة جات وزعت لينا الورق و قالت لينا : قولوا بسم اللَّه وأبدوا بقينا نحل و الأمتحان كان حِلو شديد الحمد للَّه كان أمتحان قران بعد أنتهيت بقيت أراجع بِالمسطرة اللي هي بخُتَ المسطرة تحت السؤال مُباشرة و باقي الأسئلة بتكون مغطية كِدا تركيزي كلو بكون فِي السؤال و بالطريقة دي ما بخلي مكان فاضي بِسبب اني ما شفتو طبعاً فًي المراجعة برجع بحل الامتحان مِنْ أول و جديد وما بعاين لي اجابتي الأولى، بعدين أجاوب و أشوف هل اجابتي التانية مطابقة مع الأولى ولا لا إذا مطابقة معناتو صح إذا لا معناتو فِي خلل و بقعد أفكر لمِن أتذكر الاجابة الصحيحة راجعتَ تلاتة مرات و لسه زمن الامتحان فجأة !.. سرحتَ وأتذكرتَ كيف البنات ختموا قبل أسبوع و كُلهم أختمروا اللهم بارك حتى سمر و أية و يارا و أغلب البنات قصوا زي مدرسي جديد و بقوا فستان لِدرجة ناس المدرسة زاتهم غيروا لينا الزي و قالوا بدل يكون بنطلون و فستان لمِن الركبة الأفضل يكون فستان طويل و فعلاً ده الحصل و البنات بقوا كُتار بِيصلوا صلاة الضُحي زمان كُنتَ قاعدة أصلي براي هسه اللهم بارك قاعدين نفرش تلات فرشات حرفياً كِمية تغير حصل فيهم تاني أذكرت أنو.. المُسابقة بين الجِمعيات حـ تكون بعد النتائج و أتذكرت تفاصيل تدريبنا ليها صحيت مِنْ سرحتي بِصوت الجرس.. جمعتَ ورقتي و طلعتَ لقيت ناس يارا برا سألتهم الامتحان كان كيف قالوا : حِلو فطرنا و بقينا نراجع لِلامتحان التاني أمتحان كيمياء فِي اليوم عندنا أمتحانين بعد ساعة دخلنا... عدا الزمن سريع و كان حِلو برضو أصلاً أنا بحب الكيمياء جِداً جِداً و طلعنا على البيت.. طمنتَ ناس البيت انو.. الامتحان كان حِلو و كِدا أكلتَ وبديتْ آقرا.. .. الليلة أخر يوم للامتحانات.. المدرسة كُلها جابت معاها تلفوناتها طبعاً بعد أخدنا أذن مِنْ المُديرة و سمحت لينا مِنْ جينا داخلين جمعوا مِننا التلفونات و ختوهم فِي مكتب المُديرة قالوا بعد نطلع مِنْ الامتحان نشيلهم أمتحنا أخر أمتحانين وطلعنا نزغرد أما سمر ما عرفتها قاعدة تزغرد ولا تصرخ غايتو قالت دي زغاريت شِلنا تلفوناتنا مِنْ المُديرة و بقينا نِتصور تاني أتلمينا كُل البنات و عملنا فيديو قاعدين نزغرد فيهو كُلنا و أتصورنا مع الاستاذات المُديرة قالت لينا : النتائج يوم الاربعاء و لازم تجيبي ولي أمرك و الخميس المُسابقة والليلة كان يوم الثلاثاء بعدهُ شلنا كُلنا أرقام بعض أما بنات الجِمعية عملتَ قروب فِي التليجرام أسمو " جِمعية القرآن الكريم" و ضِفتهُم كُلهُم طلعنا على البيت.. وصلنا كُل زول دخل بيتو بعد ودعنا بعض.. مِنْ دخلت البيت كِدا مِن جنب الباب شغالة أزغرد أو بالأصح أتهابل ؛ لأني ما بعرف أصلاً و أكورك لي ناس البيت وجن: يا أمي وأخيرًا خلصنا أمتحانات زغرتي . بس مع دخلتِ البرندة كِدا أشوف ليك ضيفة ! وشي قلب طماطم عديل ولاء بِقت تضحك فيني بِتحت تحت لـٰكِن الحمد لله الضيفة طلعت ظريفة اللهم بارك شغالة لي حمد اللَّه على السلامة حمد اللَّه على السلامة قُلتَ ليها : اللَّه يسلمك و سلمتَ عليها بعد مشتْ أمي ضحكت فيني ضِحك ! و ولاء دي علقتْ عديل . ولا أشتغلتَ بِالموضوع واصلت هبالتي وبقيت أرقص لمِن.. قُلت : بس . وقت وليد جا قُلتَ ليهو : الا يطلعنا بِمُناسبة أنو.. خلصتَ مِنْ الأمتحانات و وافق . صلينا العشاء و طلعنا.. مشينا الحديقة.. ركبنا السفينة أنا و ولاء وليد قال : عندو صحبو هنا فِي الحديقة ماشي ليهو و جاي أنحنا ركبنا و قبل تِشتغل ذي الناس ولاء قالت لي نازلة قُلتَ ليها : تستحملي بس يا زولة ولاء قاعدة يميني و شمالي فِي بت ياخ صنتْ لي أضاني بِالكواريك أما الوراي شغالة تولول ساي و تقول : وااااي يا أمي وااااي نزلوووووني و البت الجنبها داختْ أما ولاء دي فِي عالم تاني شغالة تتشهد ساي يمكن أنا الوحيدة المُصنددة فيهُم ولا عليَّ و شغالة أصور ساي بعد مسافة.. وقفت نزلنا والبت الدايخة ورا ديك رشيناها بِموية و بقينا ماسكنها لمِن نزلنا مِنْ السلم البِطلعوا بيهو لِلسفينة قعدناها فِي كراسي بعد فترة بقتْ كويسة و قالتْ : تاني راكبة ! غايتو ما تابتْ أما ولاء دي قالت توبة و حلفت تاني ما راكبة وليد جانا و بقينا نتونس.. وجن: وليد أسمع النُكتة دي . وائل: أها . وجن: فِي واحدة خوافة أسمها ولاء ركبت السفينة وأثناء ما هي شغالة بقت تتشهد و بعد نزلت قالت توبة تاني ما بركب . وليد بقى يضحك ضِحك ! ولاء: خوافة براكِ . وجن: هسه أنا سالتك يا زول؟ الحرامي فِي راسو ريشة . بقينا نشغلها ليها.. بعدهُ أتفقنا نمشي سينما الخيال.. أها قطعنا التذكرة و دخلنا قعدنا فِي الكراسي أدونا النظارات لبسناها و قفلوا الانوار فتحوا الفيلم و لمِنْ ما هو شغال بِرشوا فينا رغوة و الكراسي بِتتهز مرة تمشي يمين مرة يسار و الفيلم مُضحك شديد بِالحالة قالوا فليم رعب ما مُخيف نهائي بِجيبوا وحش يجي يتلصق فِي الشاشة كأنو عايز حـ يطلع وتاني غوريلا كبيرة و مرة ديناصور وتاني زومبي غايتو عباطة فِي عباطة المُشكلة وين ؟ أنو فِي بنات كانو خايفين و فِي واحدة بقتْ تبكي عديل بعد أنتهى طلعنا برا.. وليد: البنات بِبكوا و أنتوا تضحكوا ! . وجن: نعمل شنو الفيلم مُضحك شديد . ولاء: حصل ياخ . وجن: أرحكم نركب القطر . ولاء: القطر أب سكتين ده ؟ . وجن: أي . ولاء: ده حق شُفع ياخ . وجن: شفع شنو عايني ديلاك كُبار و راكبين . ولاء: أرح خلاص . مشينا قطعنا تذكرة و أنتظرنا لمِن دورهم خلص و ركبنا قالوا نربط الحِزام ولاء: حزام شنو عليك اللَّه عايني القطر كيف ما بِحتاج . وجن: البسي سريع . لبستْ بعد عوارة واتحرك.. ولاء: ده شنو الهبل ده وماشي براحة كِدا . بس بعد جُملتها دي القطر سخن وبقى يمشي سريع لمِن قاعد يطلع شرارة نتيجة لِسرعتو و أحتكاكو بِالسكة ولاء بدتْ الجرسة أنحنا قايلنو حق شفع وبمشي براحة لـٰكِن.. طلع عكس توقعنا الدور خلص نزلنا.. لفينا شوية و أتونسنا و أخر شي.. أشترينا إسكريم و وليد أشترى لينا غزل البنات ♡. على_الهامِشْ: قال تعالى ﴿ ألم نشرح لك صدرك ﴾. "اللهم بعُمق هذه الآية اسأل الله ان يرح قلبك ويزيل همك إنّه على كلّ شيء قدير♡ #أستغفروا💛🌻. .*يتبــــــــــــــــــــــــــــــــــــــــــع*
*#فِي _ حُب _الإسلام ..《09》* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* يوم السبت ... صلينا القيام وصلاة الصبح بعدة قريت أذكاري و قُلتَ: "لا اله الا الله وحده لا شريك له له الملك وله الحمد يحيي ويميت وهو على كل شئ قدير" عشر مرات « سنة مهجورة : بعد ما تصلي الفجر وأنتَ على نفس قعدتك قول: "لا اله الا الله وحده لا شريك له له الملك وله الحمد يحيي ويميت وهو على كل شئ قدير" عشر مرات. قال رسول الله ﷺ : مَن قال في دُبرِ صلاةِ الفجرِ وهوَ ثانٍ رجلَيْهِ قبلَ أن يتكلمَ : لا إلهَ إلَّا اللهُ وحدَهُ لا شريكَ لهُ ، لهُ المُلكُ ، ولهُ الحمدُ ، يُحيي ويُميتُ ، وهوَ على كلِّ شيءٍ قديرٌ عشرَ مرَّاتٍ.. كتبَ اللهُ لهُ عشرَ حسناتٍ، ومحا عنهُ عشرَ سَيئاتٍ، ورفعَ لهُ عشرَ درجاتٍ، وكان يومَهُ ذلكَ كلَّهُ في حرزٍ مِن كلِّ مَكروهٍ، وحُرِسَ من الشَّيطانِ، ولَم ينبغِ لذنبٍ أن يُدركَهُ في ذلكَ اليومِ، إلَّا الشِّركُ باللهِ" > ناس أبوي رجعوا من الجامع.. عملنا الروتين بتاعنا المُعتاد وأبوي حكي لينا قصة يوسف عليه السلام و كيف اخوانه رموهُ فِي البئر و بعدين بقى عزيز مصر.. حِلوة شديد ياخ وجن: أبوي لو مُمكِن تشرح لينا أسماء اللَّه الحُسنى . صِديق: عيوني ليكِ يا ماما عايزة ياتو أسم ؟ . وجن: أسم اللَّه الرقيب . صِديق: طيب اسم اللَّه الرقيب الرقيب أي المُطلِع و الراصد لأعمال العباد و كسبهم ، عليم بِالخواطر التي تدب فِي قلوبهم يرى كُل حركة أو سكنة فِي أبدانهم، و كُل ملائكته بِكتابة أعمالهم و إحصاء حسناتهم وسيئاتهم يعني.. هو الشايف عبادو و عارف أيَّ حاجة فِي قلبهم و كُل حركة، طاعة و معصية هُم عملوها و الرقيب يدل على إحاطة سمع الله بالمسموعات وبصره بالمبصرات وعلمه بجميع المعلومات الجليه والخفيه فإذا تيَّقن العبد من نظر الله تعالى إليه تتولد لديه مراقبة لله في جميع أحواله يعني.. ربنا هو الرقيب العارف أيّ حاجة آنتِ بتعمليها لمِن أنتِ تختِ الحاجة دي فِي قلبك و قبل تعملي المعصية تقولي لالا ربنا شايفني أنا ما حـ أعملها المُراقبة دي حـ توصلك لِدرجة عظيمة من درجات الإيمان وهي درجة.. الإحســـان والإحسان هو أن تعبد الله كأنك تراهُ طيب ما عبدتَ الله كأنك تراه ! لو لم تكن تراهُ فهو يراك ده هو الأحسان يعني.. تعبد ربنا كأنك شايفو بِعين اليقين لو ما حسيت بِكِدا أعبدو و أستشعر أنو هو يراك و المراقبه بتحتاج حضور القلب واجتناب الغفله ودوام الذكر و ده بخلي سرور فِي القلب وإنشراح الصدر وقرة العين بالقرب من الله و ده نعيم معجل يناله العبد في دنياه قبل آخرته فِي واحد عفيف كان فِي زمن الرسول ﷺ غوتهُ أمرأة و دعتهُ لِلفاحشة _والعياذ بالله_ وهو بشر طبعاً وبغلط لـٰكِن.. جمال الصحابة أنو.. كانو بتوبوا سريع يلا أتفقوا أنو يديها المبلغ الفلاني أها هو بقى شغال ؛ عشان يجمع القروش بعد أنتهى مشى ليها و لمِن خلاص عايز يقع بيها و قام فجأة !.. قعد قالت ليهو : مالك ؟ قال ليها : وأنا قايم آتذكرت الأية { يَوْمَ يَقُومُ النَّاسُ لِرَبِّ الْعَالَمِينَ } و بعدهُ طوالي قام جرى و طلع مِنْ المدينة عديل بعد فِترة.. المرة دي تابت وبقت تفتش فيهو ؛ عشان تقول ليهو يتزوجها بعد مُدة لقتو مشتْ ليهو وقالت ليهو : مُتذكرني ؟ قال ليها : لالا قالت ليهو : أنا فلانة أتخلع! طوالي خنقها و بقى يقول : المعصية المعصية و يكورك بِصوت عالي لمِنْ مات ! يعني.. سبحان اللَّه شوفوا هو مُستشعر كيف أنو ربنا مراقبو و مُستشعر أنو الموقف ده حـ ينعرض ليهو يوم القيامة لِدرجة أبا يقع فِي الفاحشة و لحق نفسو فِي أخر لحظات فـ يا عيالي ختوا دائماً أنو.. ربنا شايفكم و عالم بيكم فكروا قبل تعملوا معصية ؛ لانو حـ تتعرض ليك يوم القيامة و برضو مِن جمال الاسم ده أنو.. ربنا عالم بِي أيَّ زول ظلمك و كسرك و عارف أيَّ زول جبرتِ بِخاطرو فاللهم يا رقيب إحفظ جوارحنا عن كل ما يغضبك واجعلنا ممن يخشاك فِي السر والعلن . كُلنا: أمين أمين . ولاء: أبوي أنا عايزة أسم اللَّه الغفور والغفار . صِديق: من أسماء اللَّه عز وجل اسم اللَّه الغفور و هي مِن أبنية المبالغة ومعناها الساتر لِذنوب عباده و عيوبهم و المتجاوز عن خطاياهم وذنوبهم و أصل الغفر الستر و التغطية فالله عز وجل يغفر ذنوب عباده مرة بعد مرة فهو غفور سبحانه قال ابن القيم : و هو الغفور فلو أتى بقربها من غير شرك بل من العصيان لاقاه بالغفران ملء قربها سبحانه هو واسع الإحسان اسم " الغفور" ورد في القرآن الكريم أكثر من تسعين مرة، منها: قال تعالى: يَغْفِرُ لِمَن يَشَاء وَيُعَذِّبُ مَن يَشَاء وَكَانَ اللَّهُ غَفُورًا رَّحِيمًا [آل عمران: 129]. إِنَّ رَبَّكَ سَرِيعُ الْعِقَابِ وَإِنَّهُ لَغَفُورٌ رَّحِيمٌ [الأنعام: 165]. إِنَّمَا يَخْشَى اللَّهَ مِنْ عِبَادِهِ الْعُلَمَاء إِنَّ اللَّهَ عَزِيزٌ غَفُورٌ [فاطر: 28] اسم "الغفور" مِن أقرب الأسماء الحسنى إلى المؤمن ؛ لأن المؤمن مذنب تواب، و اللَّه عز وجل غفور رحيم يحب التوابين و يحب المتطهرين فهو الذي يستر العيوب ويستر الذنوب مهما بلغ الذنب مِن الكبر ، ومهما تكرر مِن العبد وأراد الرجوع إلى الرب فإن باب المغفرة مفتوح فِي كُل وقت و اللَّه غفور لمن أقبل، غفور لمن تاب، وأناب، غفور لمن أصلح واستغفر أما أن يقيم الإنسان على معصية وينوي أن يبقى عليها و يقول : إن اللَّه غفور رحيم فهذا مِن السذاجة والجهل وعدم الفهم قال تعالى " نَبِّىءْ عِبَادِي أَنِّي أَنَا الْغَفُورُ الرَّحِيمُ {49} وَأَنَّ عَذَابِي هُوَ الْعَذَابُ الأَلِيمَ" الحجر: 50 أما اسم اللّٰه " الغفار" المغفرة من اللَّه تعالى ستر للذنوب، وعفوه عنها بفضله ورحمته -هو الذي يستر الذنوب، المتجاوز عن الخطايا والعيوب بفضله مهما كان مقدارها ومهما تعاظمت النفس وتمادت في جرمها وعصيانها، فهو سبحانه يغفر الكبائر والصغائر جميعها. -- الغفار: هو من يغفر الذنوب الكثيرة، وهو مخصص للذنوب الشديدة التي قد لا يتخيل العبد أن اللَّه سيغفرها له و من كمال عفوه أنه مهما أسرف العبد على نفسه ثم تاب إليه ورجع غفر له جميع جرمه صغيرة وكبيرة فالله يغفر في الماضي، ويغفر الآن، ويغفر في المستقبل، ويغفر بالمعنى المصدري في كل زمان ومكان، هو غفار، وما أمرك أن تستغفر إلا ليغفر لك، وما أمرك أن تدعو إلا ليستجيب لك أما الفرق بين الغافر والغفار، وبين الغفار والغفور فهي.. الصيغة العادية والمبالغة حينما تأتي بعض أسماء الحسنى بصيغة المبالغة، ويغفر لأكبر ذنب يرتكبه الإنسان، مبالغة كمًّا أو نوعًا بدليل قوله تعالى: "نَبِّئْ عِبَادِي أَنِّي أَنَا الْغَفُورُ الرَّحِيمُ، وَأَنَّ عَذَابِي هُوَ الْعَذَابُ الْأَلِيمُ" فـ أنا بستغرب مِنْ الناس الـ بِتسئ الظن بِربنا وبتقول : ربنا ما حـ يغفر لي هو سمى نفسو الغفور و الغافر و الغفار كيف ما يغفر ليك ؟! يعني.. مهما عملتَ ربنا حـ يغفر ليك أنتَ بس توب توبة نصوحة من الصحابة فِي واحدين كانوا فِي الأول بِشربوا الخمور و عملوا معاصي كتيرة و ربنا غفر ليهم مثال.. عمر بن الخطاب كان فِي البداية ما مُسلم و كان ضخم و قريش بِتخاف مِنهُ لمِن النبيﷺ كان بِحاول يدعي الناس للإسلام هو كان بمشي وراهو و بصد الناس مِنهُ و بعد فترة أسلم.. وكان بِبكي شديد و ندمان على العملو و هسه هو واحد مِن العشر المبشرين بِالجنة الخلاصة انو.. ما تيأس مِنْ رحمة ربنا مادام تُبت، أستغفرت، ندمت و عزمت على عدم العودة فأبشر والله لن يردك الكريم ولن يطردك من بابه . ولاء: و اللَّه ربنا ده جميل شديدددد . وجن: الزول بِفتخر أنو.. هو عبد للَّه . وليد: الحمدُ للَّه على نعمة وجود رب رحيم . وجن: أنا كل ما تحكي لينا أسماء اللَّه الحُسنى بحس أني قاعدة أحب ربنا أكتر و أكتر . ولاء: حصل ياخ . صِديق: أصلاً قراءة وسماع أسماء الله الحُسنى مِنْ الأسباب الـ بِتخلي الزول يحب ربنا . « بنصح نفسي و أياكم بِسماع أسماء الله الحُسنى لي أيَّ داعية من دعاة السنة ذي.. بدر المشاري، محمد سيد الحاج وغيرهم.. ياخ حـ تحب ربنا شديد _ داير تخلي العصبية ؟ أسمع أسم اللَّه الحليم _ خاطرك مكسور ؟ أسمع أسم الله الجبار _ ضائع ؟ أسمع أسم الله الهادي _ مظلوم ؟ أسمع أسم الله العدل و الديان _حاسي حِلمك مستحيل ؟ أسمع أسم الله القادر و القدير و المقتدر بِأختصار.. أسماء الله الحُسنى عِلاج لِقلبك ♡». صِديق: و عايز أقول ليكُم حاجة مُهمة . كُلنا: أها . صِديق: الدعاء بِأسماء الله الحُسنى لمِن حاجة تضيع منك أسأل الله بِي أسمهُ الهادي قول : يا اللَّه أنك أنتَ الهادي فأهديني إليها ما عندك قروش ؟ أسأل الله بأسمهُ الرزاق قول: يا رزاق أنتَ ترزق من تشاء فأرزقني و هكذا ... كُلنا: أن شاء اللَّه . بعدهُ أبوي و وليد طلعوا الشغل و ولاء طلعت معاهُم ؛ لانو حـ يوصلوها مشيت غرفتي بقيت أقرا لمًن الغصر أنا قاعدة أقرا بعد صليتْ سمعتَ صوت الباب.. مشيتْ فتحتَ لقيتها يارا جايبة كتابها ؛ عشان نقرا سوا فضلتها و ضيفتها بعدين مشينا غرفتي بقينا نقرا و كُل مرة يارا بِتسرح ! وجن: يارا أنتِ كويسة ؟ . يارا"و هي بِتفوق مِنْ سرحتها": هااا قُلتِ شنو ؟ . وجن: قُلتَ ليكِ أنتِ كويسة ؟ . يارا: أي كويسة . وجن: خلاص مالك سرحانة ؟ فجأة !.. بقت تبكي بِحرقة ! وجن: بسم اللَّه مالك يا بت ؟! يارا: ........................... #على_الهامِشْ : إن اللَّه يغفر الزنا .. و يغفر سوء التصرف .. و يغفر ما دون ذلك ، وما فوق ذلك .. بشهادة قوله جل جلاله : { قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ} ما دمت تُبت ، واستغفرت ، وندمت ، وعزمت على عدم العودة فأبشر ! و اللَّه لن يرُدّك الكريم ولن يطرُدك مِن بابه ! اللَّهُ أرحمُ بكَ ِمن نفسك ، فلا تستحِ أن تعودَ إليه بالاستغفار لِيعود عليكَ بِالتوبة .. ونِعمَ العطاءُ التوبة . أنَ التائب حبيب اللَّه و اللَّه يفرح بِتوبة عبدهِ _ ما نفسك تفرِح ربنا ؟! #كبروا 💛🌻. .*يتبــــــــــــــــــــــــــــــــــــــــــع*
*#فِي _ حُب _الإسلام ..《06》* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* مشيتْ لي ولاء وريتها الفيديو و أتفقنا على حاجة.. عندي مُسدس موية مليتو و شلتو و ولاء شالتْ طرحة مشينا غرفة وليد و ضربتَ الباب قال : أتفضل فتحتَ الباب ودخلنا رفعتَ ليهو المسدس و قُلتَ ليهو : سلِمَّ حالك و أرفع يدك رفع يدو و قال لينا : فِي شنو ؟ . وجن: عايز تِستهبل مُش ؟ وريتو الفيديو.. وجن: أها الشُوكلاتة طعمها كيف بالله ؟ أمشي يا ولاء كلبشيهو لي سريع عايز يقوم ولاء مسكتو وأنا قُلتَ ليهو : ولا حركة قبل أرصِصك بِالمُسدس ده . ربطتْ يدينو الأتنين مع بعض بِالطرحة و قعدناهو على ركبتو فِي الأرض وليد: معليش يا وجن بس.. كُنتَ جعان و أكلتها . وجن: بالله ؟! وأن شاء الله شبعتك الشُوكلاتة دي بس! . وليد: أطلِقي صراحي و تاني ما بعيدها . وجن: ما حذرتَ لالا يا باشا لازم نِستفيد مِنْ الفُرصة دي . ولاء: فُرصة ذهبية و ما بِتتفوت . وليد: أمري للَّه أها عايزين شنو ؟ . وجن: عايزة كرتونة مِن الشوكلاتة الأكلتها دي و أندومي و العطر بِتاعك و.. وليد: ثواني ثواني عِرفنا الشوكلاتة و الأندومي العطر ليه ؟ . وجن: حـ أكون دايرة أتصور بيهو مثلاً ده شنو السؤال الذكي ده . وليد: يا زولة مُش العطر لِلمرأة حرام يلا عايزة بيهو شنو ؟ . وجن: ده برا البيت فِي حالة الرجال شموه عايزة أتعطر بيهو فِي البيت . « يحرم على المرأة أن تخرج من بيتها مُتعطرة بِحيثُ يشم الرجال الأجانب ريحها فتكتب زانيه ! قال رسول اللهﷺ: أيُمَا أمرَأةٍ إستعطَرَتْ فَمرَّتْ عَلى قَومٍ ليجِدُوا مِن ريِحِهَا فَهِيَ زَانِيةٌ غير أنو.. بِلفت أنظار الرجال ويكون فتنة لهم ». وليد: طيب حلالك يا زولة . وجن: وتاني عايزة بيتزا . وليد: خليها يوم تاني نطلع . وجن: لا عايزاها الليلة، أطلبها . وليد: طيب أيَّ طلبات تانية يا أنسة ؟ . وجن: أخر شي عايزة شيبسي بطاطس . وليد: ده ما عدل! أنا شِلتَ شوكلاتة واحدة بس . وجن:و ما تنسى الكيكة اليوم ديك الـ أختفتْ . وليد: مليون مرة قُلتَ ليكِ أنا ما شلتها . ولاء"بِتردُد": وجن . وجن: ثواني يا ولاء هسه ما فاضية ليكِ . ولاء: عايزة أعترف ليكِ بِحاجة لـٰكِن.. أحلفي ما تسأليني . وجن: مالك ؟ . ولاء: أحلفي أول . وجن: ياخ أنا ما فايقة ليكِ يا ولاء أحكي سريع ؛ عشان أتفاهم مع وليد ده . ولاء: أنا الشلتَ الكيكة كُنتَ جاية مِن الجامعة جعانة و لقيتها قدامي فـ أكلتها . وجن: كويس يا ولاء هسه خليني أنتهي من وليد ده بعدين بقبل ليكِ . وليد: شايفة أتهمتيني ساي . وجن: معليش . وليد: ما بِتأكل عيش . وجن: خلاص آسفة . وليد: عملتِ شنو كِدا يعني لحنتيها ؟ . وجن: قُلتها بالعربى الفُصحى قُلتَ أحتمال تجيب نتيجة . وليد: برضى بِحاجة واحدة بس . وجن: بديك عيوني زاتها لو عايزها . وليد: لا عيونك دي شوفي بيها أنا عايز تعملي لي كيكة ظابطة كِدا . وجن: كيكة بس ؟! حاضر يا باشا عُلِم و سُينفذ . ولاء: رايكم شنو نقلبها سهرة؟ أصلاً بُكرة ما شغالين . وليد: فِكرة ظابطة . وجن: خلاص أنا بعمل الكيكة و وليد يطلب البيتزا و ولاء تعمل شاي اللبن . ولاء: أتفقنا . وجن: و على فِكرة يا ولاء أنا ما ناسياكِ . ولاء: معليش ياخ تاني ما بعيدها . وجن: لا ما رضيتْ . ولاء: خلاص عايزة شنو ؟ . وجن: الحِجاب البُني الحِلو داك . ولاء: ما بِغلى عليكِ . وجن"و هي بِِتخُت يدها فِي جبهة ولاء": عِندك حُمة ولا شنو ؟! . ولاء: هسه ما بديكِ ليهو . وجن: لالا خلاص . وليد طلب البيتزا وأنا و وجن دخلنا المطبخ بقينا نعمل فِي الحاجات.. وليد جاء بقى يساعدنا و يكسر لي فِي البيض.. وليد: الكيكة دي أنا عملتها كِدا . وجن: بِتكسيرك لِلبيض ؟! وليد: أي . وجن: ماشاء اللَّه شيف عديل . وليد: مُش كِدا ؟ . وجن: مُش . ولاء: مش ولا زبادي وهيهي . وليد: أشتغلي شُغلك و أنتِ ساكتة . ولاء: أبيت . وجن: أبيت ولا أمنزل وهيهي . وليد: أتكلم مع دي تظهر التانية ! اللَّه يصبرني بس . وجن و ولاء: أمين . أنتهينا مِنْ الكيكة مشيتْ رتبت البلكونة.. يلا هي واسعة كِدا و بِتشوفي القمر و النجوم ياخ منظر السماء مِنها رهيب جِدًا و دائمًا بحب أقعد فيها بليل و أتامل فِي السماء و أتفكر فِي خلقها و دي مِنْ العبادات الـ بِتخليني أحب ربنا شديد و بِتظهر لي عظمتو و بعد مرات ببكي عديل المُهِم جبتَ المُكيت فرشتو.. و الجداعات رصيتهم في الأرض غايتو الحِتة بقت سمحة شديد . بتاع التوصيل وِصل.. وليد طلع أستلم البيتزا نقلنا الحاجات فوق و رصيناها و قعدنا ولاء: أرح ناكل البيتزا أول . وجن: ثواني.. منو قال ليكم حـ تأكلوا معي ؟ بِثقة كمان قالت أرح ناكل أول البيتزا ! . ولاء: أجيي و دي عايزة تاكليها براكِ ؟! . وجن: أي . ولاء: ياخ سيبي العوارة . وجن: خلاص برضى بأكلكم لـٰكِن.. تعملوا تعهُد أول مدوا يدكم . وليد و ولاء أدوني يدهم قُلتَ لي وليد : يخُت يدو و ولاء تخُت يدها فوق على يدو عملو القُلتو بعدو أنا ختيت يدي بِي فوق ليهم و قُلتَ ليهم رددوا وراي : وجن: نعاهد اللَّه العظيم . ولاء و وليد: نعاهد اللَّه العظيم . وجن: أن ناكُل لُقم صغيرة . ولاء و وليد: أن ناكُل لُقم صغيرة . وجن: نعاهد اللَّه العظيم . ولاء و وليد: نعاهد اللَّه العظيم . وجن: أن أصغر لقمتِ . ولاء و وليد: أن أصغر لقمتِ . وجن: نعاهد اللَّه العظيم . ولاء و وليد: نعاهد اللَّه العظيم . وجن: أن أكُل مِنْ جنبي . ولاء و وليد: أن أكُل مِنْ جنبي . وجن: و لن أكُل مِنْ جنب أخي . ولاء و وليد: و لن أكُل مِنْ جنب أخي . وجن: نعاهد اللَّه العظيم . ولاء و وليد: نعاهد اللَّه العظيم . وجن: أن لا أفتش الهوت دوق . ولاء و وليد: أن لا أفتش الهوت دوق . وجن: و لا الدِجاج . ولاء و وليد: و لا الدِجاج . وجن: يلا كِدا مُمكِن تاكلوا . وليد: لا عليك اللَّه بِشروطك دي كان تقولي لينا ما تاكلوا كمان . وجن: أنا عشان طيبة خليتكم و ِبالعكس الشروط دي سهلتها ليكم شديد . وليد: طيب لو كان صعبتيها كان عملتِ شنو ؟! . وجن: كان ما أديتكم ولا فتفوتة . المُهم طقينا زين و بعدهُ بقينا نتونس.. ولاء: رايكم شنو نلعب ؟ . وجن: أرح لـٰكِن شنو ؟ . ولاء: يلا عاينوا حـ تكون كـ الأتي.. نجيب ورق و نكون كاتبين فيهو أسئلة و نطبقهم بعدين نلخبطهم و نجدعهم و نجيب كرستالة نلفها التقع عليهو ما حـ يشيل الوقة هو، آنحنا حـ نشيلها نفتحها و نسألوا وهو يجاوب السؤال موافقين ؟ . وليد: قِدام . وجن: وراء أعدام . ولاء قامتْ جابتْ الكِرستالة، الورق والأقلام و كُل زول كتب كذا سؤال و طبقناهُم.. لخبطناهُم مع بعض و ختيناهُم.. لفينا الكرستالة وقعت على وليد أنا شلتَ الورقة.. وجن: قُدوتك فِي الحياة منو ؟ . لؤي: النبي ﷺ والصحابة . وجن: حبيتْ . لفينا الكرستال وقعتْ عليَّ.. ولاء: هل بِتفضلي المُعاملة بِالمثل أم لا ؟ . وجن: لا ؛ لانو كان أتعاملنا مع الناس بِنفس تعامُلهُم معانا معناتو.. حـ تبقى فينا كُل الصِفات السيئة مثلاً.. واحدة أتعاملتْ معايَّ بِنرفزة و عصبية لو عاملتها بِنفس طريقتها حـ تبقى فيني صِفة " العصبية " وتاني لو واحدة بخلتْ عليَّ بِمعلومة و أنا عاملتها بِنفس الحاجة دي حـ تبقى فيني صِفة " البُخل " و دي كُلها حاجات سيئة و فِي النهاية أنا الخسرانة ؛لانو حـ أبقى سيئة الخُلق كان كُل زول قال أنا بِتعامل ذي ما الناس بِعاملوني حـ نبقى كأنو عايشين فِي غابة! ؛ عشان كِدا أنتَ أتعامل مع الناس بِأصلك و ما تِنتظر مِنهُم حاجة أخدم الناس لِله وأقيف معاهُم لـٰكِن.. ما تِنتظر مِنهُم يخدموك أحترم الناس لِله لـٰكِن.. ما تنتظر مِنهُم يحترموك وأجرك عِند اللَّه . وليد: واعية . وجن"وهي بِتخُت يدها فِي وشها": أدري بقوا يضحكوا فيني . لفينا الكرستالة وقعتْ على وليد تاني.. ولاء: هل حسيتْ بِالندم على قرار أتخذته فِي حياتك ؟ . وليد: لا أنا ما بندم على حاجة ؛ لانو أي حاجة بِتحصل لخير الا لو حاجة فيها معصية للَّه . لفينا الكرستالة وقعتْ على ولاء.. وجن: هل بِتكوني صداقات مِنْ الجنس الأخر ؟ . وليد: السؤال ده كدي يكون جوابو أي بس . ولاء: بري هييي أصلاً العلاقة بين البت والولد بِدون رابط شرعي حرام سواء صداقة أو غيرو.. وليد: أيوا كِدا . ولاء: يلا أنتوا جاوبوا لِلسؤال ده برضو . وليد: أنا لا برضو ؛ لانو الما برضاهو ليكُم ما برضاهو لِبنات الناس . ولاء : يا ولد يا شهم أنتَ . وجن: راجل و سيد الرجال . وليد: أحم أحم . ولاء: وأنا برضو لا أولاً عشان ما بِترضي ربنا ثانياً ما عايزة أكسر ثِقتكُم فيني . وليد:أنا فخور بيكُم جِداً ربنا يحفظكم . وجن و ولاء: أمين و يحفظك لينا يارب . لفينا الكرستالة وقعتْ عليَّ أنا.. وليد: ............................ #على_ الهامِشْ: لا نرُد الأذى بِالأذى و لا الإساءة بِالإساءةِ نعامل الجميع بِالتي هي أحسن مَنْ يجرحنا.. نحرِجهُ بِالطيبِ لسنا جُبناء أبدًا لـٰكِننا.. أعتدنا أن نبقى فِي القِمة تِلكَ أخلاقنا.. وهذا مبدأ دِينُنا الحنيف♡ _ لِِصاحبهُ #سبحوا 💛🌻. .*يتبــــــــــــــــــــــــــــــــــــــــــع*
*#فِي _ حُب _الإسلام ..《07》* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* لفينا الكرستالة وقعت علَّي أنا.. وليد: شوال بطاطس لو.. شِلنا مِنهُ بطاطساية واحدة بِفضل كم ؟ . وجن: ده سؤال شنو هسه ! . وليد: جاوبي مكتوب كِدا فِي الورقة . وجن: حـ يفضل شوال الا بطاطساية . لفينا الكرستالة وقعت علَّي تاني.. وليد: ما شنو لـٰكِن يا وجن مرتين وراء بعض عديل ما تدينا فرقة . وجن: أبيت . ولاء: مفهوم التربية الصحيحة فِي نظرك شنو ؟ . وجن: التربية الصحيحة فِي نظري هي البتكون على نفس طريقة تربية النبي ﷺ و الصحابة والصحابيات هم قُدوتي فِي الحياة دي معناتو.. فِي أيَّ حاجة أنا عايزة أعملها حـ أرجع أشوف النبيﷺ والصحابة عملوا شنو و أحاول وأجاهد أنو أعمل زيهم أشوف أمنا خديجة ربتْ كيف ؟ و الصحابيات مع أولادهم فِي الموقف الفلاني عملوا شنو ! بعد أعرف بعمل زيهم حـ أربيهم على ديننا الأسلامي و أوريهم العقيدة الصحيحة لازم فترة الخطوبة قبل أتزوج أو مُقبلة على الزواج خلاص أقرا لي كُتب عن.. كيفية التربية والتعامل مع الأطفال و كيف أطلع ولدي أنسان سوي أخلاقياً و يفيدني لازم أتعلم كيف أتعامل معاهو فِي المواقف و ما أيَّ حاجة بِتستاهل مكافئة ذي.. الحاجات الروتينية و الفرض أنو يعملها يعني ما حـ أقول ليهو.. أكل بجيب ليكِ كدا أشرب بجيب ليك كدا نوم بجيب ليكِ كدا صلي بجيب ليكِ كدا أمشي لي الدكان بديك المبلغ الفلاني لالا كِدا غلط الحاجات البِتستاهل مُكافئات مثلاً.. أقول ليهو : لو جبتَ درجة عالية فِي الأمتحانات حـ أكافئك، فِي الحالة دي مُمكِن ؛ لانو لو عودوا لِلمُكافئات لمِن أكون ماف فِي البيت حـ يخلي الحاجة تلقائياً أو فِي يوم قُلتَ ليهو أمشي لي الدكان حـ يقول لي المُقابل شنو ؟ لو ما أديتو حـ يقول ما ماشي ؛ لانو بِبساطة أنا عودتو على كِدا ؛ عشان كِدا الواحدة قبل تعرس لازم تعرف الحاجات دي العرس ده ما زفاف و قشرة و بس فِي مسؤوليات تانية الواحدة الحق تفكر فيها و التربية عايزة أساس وتخطيط ما ولادة و خلاص و قبل أفكر فِي تربيتهم لازم أربي نفسي و أحاول أتخلص مِنْ صفاتِ الـ ما حِلوة و مُمكِن تأثر فيهم يعني.. أنا عصبية أحاول أتخلص مِنْ العصبية دي ؛ عشان بعدين ما أعصب فيهم و أنفعل مِنْ أقل شي بأختصار.. التربية الصحيحة هي الـ بتكون على تعاليم الأسلام و لازم أربي نفسي قبل الزواج . وليد: يا سلام ياخ كُل البنات بِفكروا كِدا قبل يعرسوا ؟ . وجن: لِلأسف لا بعد مرات الواحدة يكون همها أنو.. تعرس و تقشر و تلبس الزفاف و بس . لفينا الكرستالة وقعتْ على ولاء.. وجن: بِتحبي شنو ؟ . ولاء: الفِضة . وجن: لا قصدي حاجه لمِن تشوفيها ترتاحي ؟ . ولاء: سلسل الفضة . وجن: طيب حاجه تنفعك لمِنْ تكبري ؟ . ولاء: الفضة . وجن: خلاص حِلمك شنو أنتِ ؟ . ولاء: آشتري سلسل فضة فيهو أسمي . وجن"بِغيظ": ياخ بطلي و جاوبي ذي الناس ولا أقول ليكِ.. زاتو خلي نلفها تاني . لفينا الكرستالة وقعت على وليد.. ولاء: حاجة قاعد تحاول أنو تعملها ؟ . وليد: قاعد أحاول أنو.. أكون أبن و أخ صالِح و أبر بِوالديني قدر ما أقدر و أكون قريب منكم و صاحبكم و أول زول تمشوا ليهو و تفكروا فيهو وقت يحصل ليكم أيَّ شيَّ و ما تحتاجوا لي زول . ولاء: و فعلاً أنتَ كِدا . وجن: حصل ياخ أنتَ أحلى أخ . وليد: يا حبيبات أخوكم . وجن: صحي يا وليد انا عندي ليك سؤال . وليد: أحكي . وجن: لمِن الولد يساعد أخواتو و أمو فِي شغل البيت ده عدم رجولة ؟ وليد: أبداً ما بِنقص مِنْ رجولتو و لا ذرة بِالعكس دي حاجة جميلة كونو تساعد أخواتك فيها شنو يعني كان أختي كانت قاعدة تجهز فِي صينية الغدا و أنا عملتَ البيض و هي تدق الشطة ؟ كونو عملتَ بيض كِدا معناتو رجولتي نقصت ؟ ده تفكير عقيم ساي كونو شخص يفكر بِالطريقة دي النبيﷺ أحسن الخلق و المرسلين كان بِساعد أهل بيتو فـ معناتو الحاجة عادية جِدًا و ماف داعي الناس تقول عدم رجولة ؛ لانو هي ما كِدا أبدًا وجن: طيب رايك شنو فِي الاولاد البِقولوا أنو النساوين عليهُم كُل شغل البيت يتعبوا و يتمرمطوا فِي شغل البيت ده لمِن يقولوا بس الواحدة لو دايرة تموت تِشتغل أنحنا ما نعمل ولا حاجة و بعد ده ما بِقدروا ليهم تعبهم ؟ . وليد: الحاجة دي غلط شديد هي ما ألة ! هي أنسان برضو و بِحس فِي حاجات مُمكن عادي أنا أعملها براي مثلاً.. هي كأختِ عملتْ لي الشاي و جابتو لي غرفتي أنا بعد شربتَ ماف داعي أخُت الكُباية تحت السرير فيها شنو كان شلتها و وديتها المطبخ أو غسلتها ؟ هي لمِن تشوفك قاعد تعمل كِدا حـ تحس بِالتقدير و تلقائياً حـ تلقاها قاعدة تقول ليك ليه ياخ تعبتَ نفسك و حـ تنبسط شديد عكس لمِن.. تشرب وتخُت الكباية تحت السرير وتخليها لمِنْ تنشف! هي لمِن تجي تكنس وتشوفها حـ تضايق وغير كِدا حِفاظاً على نظافة الغُرفة الحق أنتَ توديها المطبخ ؛ لانو ده ما مكانها حتى لو ما داير تساعدها على الأقل قول ليها كِلمتين حِلوات ذي.. تسلم يدك، الأكل حِلو .. بِالكلمتين ديل حـ تحس تعبها كُلو راح! . وجن: أنا قابلني موقف أنو.. الأخ بِجبر أخواتو يغسلوا ليهو و بعد يغسلوا ليهو و يكووا كمان يجي يقول ليها حاجة ما بِتعرفي تعملي و ما ِمنك فائدة ! . وليد: أول حاجة هي ما فرض عليها أنو تغسل ليك ملابسك فـ لو عايزها تغسل ليك مُمكن تطلب منها بِطريقة ظريفة يعني تقول ليها : معليش بس حـ أتعبك مُمكن تكوي لي قميصي ده ؟ تلقائياً هي حـ تقول ليك طوالي بعدها قول ليها : شُكراً ليكِ يا ست البنات فرحة ساي حـ تقول ليك جيب ملابسك كُلها ؛ لانو أنتَ طلبتَ منها و خيرتها و خليت ليها حُرية الخيار و ما خليت كأنو الحاجة دي فرض و كسر رقبة أنو تعملها بعد تِنتهي قول ليها : تسلمي ياخ ما نعدمك و مُمكن تغمتْ ليها كم قريشات كِدا لو ما عندك قروش قول ليها الكِلمة الطيبة ما تبخل عليها البُخل ما قروش بس مُمكِن يكون بُخل مشاعر أنو.. تكتم مشاعرك عن أختك، أمك و زوجتك و ما تقول ليهم كلام حِلو يلا نجي لِنقطة يقول ليها ما منك فائدة.. الكِلمة دي بِتزعلكم شديد أنتوا البنات و فعلاً هي بِتزعل يعني.. تتعبي و تشقي بعدين يجوا يقولوا ليكِ ما منك فائدة! هنا أنتِ حـ تحسي بِعدم تقدير ليكِ و لِمجهودك فـ حـ تكرهي أنك تعملي تاني . وجن: ياخ أنا كُل مرة حبي ليك بِزيد جيب حُضن ياخ . وليد: أستغفر الله أتقي اللَّه يا أختاه . ياخ أنا و ولاء بِقينا نضحك ضِحك ! قريب الخمس دقائق قاعدين نضحك نسكت و تاني نرجع نضحك وليد لمِنْ زهج مِننا قال لينا : خلاص كفاية . وجن"وهي بِتضحك": ما قادرة و اللَّه . ولاء: أنا لمِنْ بطني وجعتني . وليد: عبيطات لمِنْ تعلقوا فِي حاجة . وجن: خلاص سكتنا . ولاء: أي أسكُتِ و أتقي اللَّه يا أختاه وتاني رجعنا نضحك وليد: قايم زاتو . وجن و ولاء: خلاص سكتنا بِالجد الدور ده . خلينا اللعب و بقينا نشرب فِي الشاي و نقول نُكت بناءً على طلب السيدة ولاء.. وجن:مره واحد طلب يد علا و بعدها بِقى ما بِنوم قولوا ليه ؟ . ولاء و وليد: ليه ؟ . وجن: لانو من طلب العلا ساهر الليالي . وليد: قال ليكم بامية مشتْ تبارك لي بامية قالت ليها : المولودة مفروكة . ولاء: استاذ رياضيات ولدو قاعد يبكي قال ليه أُس . وجن: سمحة سمحة . وجن: واحد حبوبتو قالت ليه تعال نحدثك قال ليها انا آخر اصدار . وليد: واحد خشي الحمام مات مِن الضحك عارفين ليه ؟ . وجن و ولاء: ليه ؟ . وليد: لانو المويه بتنزل عليهو نُكتة نُكتة . وجن: مُتتتتتت . ولاء: طيب أسمعوا دي.. أستاذ رياضيات عزم اصحابو عشاء واحد جا والتاني جتا . وليد: حِلوة دي . وجن: مالك مع أساتذة الرياضيات ؟ . ولاء: بري النُكت قاعدة تجي كِدا . وجن: أسمعوا دي.. واحد قاعد مع مرتو فِي الحوش مرة يعطس مرة يكُح مرتو قالت ليهو : مالك عيان ؟ قال ليها : لا بغير في النغمة . ولاء: لئيم شديد وهي زاتها سؤالها غبي . وجن: حصل . وليد: سمِعتوا حقت قُنبلة ؟ . وجن و ولاء: لالا . وليد: واحدة مشتْ محكمة الأحوال الشخصية عايزة تغير أسمها ؛ لانو هي أسمها "قنبلة" و خجلانة مِنْ الاسم دا.. سـجلت أسـمـها و أنتظرت دورها لمِن دورها جاء القاضي قال: يدخلوها طبعاً الزول الـ بِنده الاسماء بِقول بأعلى صوت شغال يقول : قنبلة قنبلة قنبلة الناس كُلهم جروا حتى القاضي زاتو تلب بِالشباك المشكله ما هنا عارفين المُشكلة وين ؟ . ولاء و وجن: وين ؟ . وليز: المشكله أنو.. قنبلة زااااتها شايلة نعلاتا فِي يدها وجارية مع الناس و بِتسأل في شنو ! . ولاء: الضحكككككككك . وجن: مُتتت دي أكتر واحدة ضحكتني . أتونسنا شوية بعدين لمينا الحاجات و كُل زول مشى على غرفتو و أنتهت سهرتنا اللطيفة بِحُضن جماعي ♡. على_هامِشْ_ اللُطف: _" أستنِدُ على إخوَتِي وكأنهم أكثرُ الأشياءِ ثباتاً في هذا العالمِ !♡" #كبروا 💛🌻. « رابط قناتي على الواتساب: https://whatsapp.com/channel/0029Vacbme6DeOMzZHmMH12m رابط قناتي على التليجرام : https://t.me/asrarsr أنيروا ♡. .*يتبــــــــــــــــــــــــــــــــــــــــــع*
*#فِي _ حُب _ الإسلام..《04》* *#بِقلم: أسرار جمعة💛.* *ـہہہـ٨ــــہہہــــــہہہـ٨ــــہہہـ* جمعتَ البنات و أخدنا إذن مِنْ المُديرة أنو.. عايزين نقعُد فِي الطابق الفوق و نقرا هناك و افقت لينا شلنا فرشة و مصاحِفنا ركبنا السلم طلعنا الطابِق الفوق دخلنا فِي واحد مِنْ الفُصول الطابق الفوق بِتكون مِنْ فصلين واحد فاضي ساي ما فيهو أدراج أما التاني فيهو و في باب بِطلع لِلبلكونة أنحنا قاعدين نقرا تحِت و الفوق ده ممنوعين مِنهُ . فرشنا الفرشة و رتبنا المكان و فتحنا المُكيف قُلتَ ليهم : يقعدوا فِي شكل نُص دائرة بِحيثُ كُلهم يكونوا شايفني قعدوا و أنا قعدتَ . وجن: السلام عليكم . البنات: وعليكم السلام و رحمة اللَّه وبركاته . وجن: أسأل الله أن يعيننا و يجعل عملنا خالص لِوجه طيب يا حِلوات قبل نبدأ.. عايزة كُل واحدة فيكم توريني هي دخلتْ الجِمعية دي ليه ؟ يلا نبدأ بِالدور مِن تسابيح . تسابيح: أنا عايزة أنال بيهو الشفاعة . وجن: جميل . سيدة: عشان ألبس والديني تاج الوقار . وجن: أن شاء اللَّه . مُزدلفة: عايزة قلبي يكون سليم خالي مِنْ أمراض القلوب الحِقد و الحسد والكراهية و غيره.. وجن: أحسنتِ فعلاً الحاجة دي مُهمة ؛ لانو ما بِدخل الجنة إلا من كان قلبهُ سليم . أية: عايزة آتغير لِلأحسن . وجن: و أفضل وسيلة أخترتيها هي سلوكك طريق القُران ؛ لانو حـ يهذبك و يغيرك أن شاء اللَّه . أية: أن شاء اللَّه . و الباقي وروني غاياتهم و كُلهم كانوا سمحة وجن: معناتو أنحنا كُلنا مُتفقين أنو.. دخلنا الجِمعية دي ؛ عشان الأخرة والجنة مُش ؟ يعني.. ما همنا الدُنيا و لا مدح الناس لينا و عشان ينادونا بِلقب يا حافظة القُرآن أنا عايزة أصل ليكم لِنُقطة النية لازم نيتك تكون للَّه فقط و حاولي جددي نيتك كُل مرة ؛ لانو بِتتغير و النية محلها القلب ما تنطقيها ؛ لانو نطقها بِدعة لمِنْ هنا أنتوا معي و فاهمني ؟ . البنات: أي . وجن: يلا نجي لِنقطة مُهمة شدديد و هي.. "العمل بِالقُران" القُرآن ما حفظ بس لازم نتدبرهُ و نعمل بيهو حاولي بِقدر الأمكان أنك تعملي بيهو ؛ لانو ربنا حـ يسألك مِنهُ مثلاً.. لمِنْ نأخد أية بِتتكلم عن النهي عن المنكر و الأمر بِِالمعروف تاني أنتِ تحاولي تطبقي الآية دي فِي حياتك مِنْ تشوفي مُنكر تنهي عنهُ و تامري الناس بِالمعروف و ما تستعجلوا لِحفظ القُرآن أنتوا عارفين عمر بن الخطاب حفظ سورة البقرة فِي أثنى عشر سنة ! هل عشان ذاكرت ضعيفة ؟ و لا ما قاعد يحفظ سريع ؟ لا بِالعكس ما كان ذاكرتهُ ضعيفة و كان بِحفظ سريع لـٰكِن.. كان بِعمل بِالايات ما باخد أية قبل يعمل بالقبلها يعني هو.. ما حفظ سورة البقرة و بس بل تعلم و عمل بِها و ما ينفع تكوني حافظة القُرآن و قاعدة تلبسي بناطلين و تِتبرجي ! ما ينفع تكوني حافظة القُرآن و أنتِ قاعدة تشتمي و أسلوبك فظ ! ما ينفع تكوني حافظة القُرآن و أنتِ سيئة الخُلق ! وين تآثير القرآن فيكِ ؟ حاولي أنو تكوني.. " قُرآن يمشي على الأرض " تكوني فتاة صالِحة، هينة، لينة، طيبة القلب أتفقنا ؟ . البنات: بِأذن اللَّه . وجن: الحمد للَّه طيب برنامجنا حـ يكون كالأتي :- الحِصة الأولى.. حـ تكون لِلحفظ حـ نحفظ بِرواية حفص عن عاصم بِمُعدل وجهين فِي اليوم يعني.. خِلال خمسة أيام حـ نكون أخدنا عشرة أوجه أما الجُمعة و السبت لِلمُراجعة و ما تشيلوا همَّ عادي جِدًا تحفظي القران مع قراية المدرسة ما زاحم القرآن شي الا باركهُ حـ تلقي بركة فِي وقتك و حـ يكفيكِ جِدًا أسمعي لي أيَّ شيخ تجويدهُ واضح و بقرأ براحة ذي أيمن السويد بعد تسمعي أبدي أحفظي ويا حبذا لو بعد صلاة الفجر و بعدهُ حـ نأخد حبة تجويد هسه عايزة منكم تجيبوا كراسين واحد لِلثنائيات كُل أتنين حـ يسمعوا لِبعض و يكتبوا مستوى حِفظهُم و أخطائهُم فِي الكراس بتاع الثنائيات و الكراس التاني حقي لِلتسميع النهائي حـ تجوا تسمعوا لي أنا و حـ أصحح ليكُم أخطائكُم أما الحِصة التانية.. حـ تكون لِلتفسير و لو فضلتْ مِنها بديكُم مُحاضرة و توعية دينية اليوم بِأذن الله حـ نبدأ بِسورة الفاتحة و تصحيحها . البنات: طيب . قريتها ليهم بعدين قروها لي و لاحظتَ أخطاء فِي قرايتهُم ليها وجن: فِي الاية " مَـٰلِكِ يَوْمِ اٌلدّينِ" الكاف حركتها شنو ؟ . البنات: كسرة . وجن: يلا ظهروا الكسرة ما تقولوا مَـٰلِكْ ؛ لانو كِدا قاعدين تسكِنوا الكاف . البنات: " مَـٰلِكِ يَوْمِ اٌلدّينِ" . وجن: أيوا كِدا و برضو نطقتوا كلمة "رب" بِالسكون فِي قوله تعالى: "الْحَمْدُ لِلَّهِ رَبِّ الْعَالَمِينَ" و الصواب كسرها . البنات: "الْحَمْدُ لِلَّهِ رَبِّ الْعَالَمِينَ" وجن: أي كِدا صح يا تسابيح لو مُمكِن تقري لي قوله: "إِيَّاكَ نَعۡبُدُ وَإِيَّاكَ نَسۡتَعِينُ" . تسابيح:"إيَاك نَعۡبُدُ وَإِيَّاكَ نَسۡتَعِينُ" . وجن: ما شددي الياء في قوله تعالى : "إيَّاك" قُلتِ: "إيَاك "يلا كِدا ما صح ؛ لانو التشديد تخصيص للَّه بِالعبادة أي : يارب، لا نعبد إلا أنت، ولا نستعين إلا بك . تسابيح: جزاك اللَّه خير . وجن: وجزاكِ الجنة تاني لاحظتَ لِنطقكُم لِبعض الحروف غلط بدل الطاء: "تاء" في قوله تعالى : " الصراط" قُلتَوا: اهدنا الصراتَ . و نطقتوا الصاد: "شين" في قوله تعالى: " الصراط " قُلتوا: "الشراط". و بدلتوا السين: "صاد" في قوله تعالى : "المستقيم " قُلتوا : "المصتقيم". و بدلتوا التاء: "طاء" في قوله تعالى : "المستقيم " قُلتوا: "المسطقيم" مُحتاجين تدريب فِي مخارج الحروف . جنات: ده كُلو بِسبب أنو.. حذفوا لينا مخارج الحروف و ما درسونا ليها . تسابيح: فِعلاَ الحق كان ما يحذفوها . وجن: اللَّه المُستعان يلا نرجع.. يا مزدلفة أقري لي قوله:" صِرَٰطَ ٱلَّذِينَ أَنۡعَمۡتَ عَلَيۡهِمۡ" . مُزدلفة: "صِرَٰطَ ٱلَّذِينَ أنعمتُ عَلَيۡهِمۡ" . وجن: ضميتِ التاء فِي قوله: "أَنْعَمْتَ" قُلتِ: " أنعمتُ " و ده خطأ كبير ؛ لانو بِغير المعنى فالأولى تعني.. أن الله هو المُنعِم كدي أرجعي أقريها تاني . مُزدلفة:" صِرَٰطَ ٱلَّذِينَ أَنۡعَمۡتَ عَلَيۡهِمۡ " . وجن: أحسنتِ جنات كدي قولي:" وَلَا ٱلضَّآلِّينَ " . جنات: "وَلاَ الضَّالِّينَ" . وجن: فخمتِ لام "وَلاَ الضَّالِّينَ" وهي مُرققة . جنات: أنا الترقيق و التفخيم ده ما بعرف ليهم مُمكِن تشرحي لينا ؟ وجن: مِنْ عيوني يلا شفتوا الحروف كلها ؟ مُقسمة أصلاً لي حروف طبيعتها خلقة ربنا ليها بِتتنطق مُفخمة وحروف بِتتقال مُرققة وحروف عندها حالات ما ثابتة مرة تكون مُفخمة و مرة مُرققة لكن أول شيء أرح نعرف أصلاً يعني شنو مُفخمة و يعني شنو مُرققة ؟ أرح قولوا رَ ، رِ . البنات: رَ ، رِ . وجن: لمِنْ نقول حرف الراء و هي عليها فتحة بِنلاحظ أنو.. أقصى اللسان ارتفع " يعني اللسان مِنْ جهة الحلق طلع فوق" ولمِنْ نقول حرف الراء وهي عليها كسرة حـ نلقى أقصى اللسان نِزل تحت رَ ، رِ كِدا وضحتْ ؟ . البنات: أي . وجن: طيب أرتفاع أقصى اللسان لي أعلى ده اسمه " تفخيم" ونزوله تحت ترقيق فـ لمِنْ نجي نفخم الحرف بِنرفع أقصى اللسان ولمِنْ نجي نرقق بِننزله و لمِنْ نجي نشوف الحرف أصلاً مُفخم و لا مُرقق بِنراقب أقصى اللسان ونشوفهُ وين تمام ؟ . البنات: تمام . وجن: يلا كِدا عِرفنا يعني شنو تفخيم و ترقيق أرح نشوف تقسيم الحروف ح نلاقي الموضوع ساهل شديد عِندنا سبعة حروف ديل طبيعتهم دايمًا مُفخمات وبِتجمعهم لي عبارة " خص ضغط قظ" وكررناها كتير لِغاية ما حفظناها وفصلناها حرف حرف و نطقنا كُل حرف و راقبنا أقصى اللسان لقيناهُ فوق وعشان أقصى اللسان فوق يعني عالي فالحروف دي أسمها #حروف_الاستعلاء بعد تطلعي السبعة حروف دي تاني عندك بقية الحروف كُلها مُرققة أقصى اللسان فيها بِكون تحت يعني أسفل فهي اسمها #حروف_الاستفال حِلو لمِنْ هنا ؟ . البنات: حِلو . وجن: يلا نجي لِلحروف العندها حالات اللي هي.. زِي حرف الراء مرات بِتكون مُفخمة و مرات بِتكون مُرققة و عِندها أحكام عاوزة درس براها عندنا برضو الألف تتبع ما قبلها مِن الحروف لو.. الحرف القبلها مُفخم بِتكون مِفخمة و لو.. الحرف القبلها مُرقق بِتكون مُرققة و عِندنا برضو لام لفظ الجلالة عندها أحكام زِي الراء و عِندنا الغنة بتاعت الإخفاء الحقيقي بِتتبع ما بعدها " عكس الألف " فهمتوا ؟ . البنات: آي . جنات: اللهم بارك طريقتك فِي الشرح حِلوة شديد اول مرة أفهم التجويد كِدا . وجن: الحمد لله أنك أستوعبتِ . « ملاحظة.. شرح درس التفخيم و الترقيق ده مأخوذ مِنْ الشيخة الاء العوض رحمة جزاها الله خير الجزاء ». وجن: يلا نرجع لِتصحيح الأخطاء.. المد فِي كِلمة "الضَّالِّينَ" أنتوا مشيتوا طوالي ما مديتوها ده مد لازم كلمي يُمد ست حركات لزومًا و برضو من الأخطاء فِي ناس فِي قراءة الفاتحة ما بقروا البسملة فِي بداية السورة ! وهي آية عند حفص ركزوا فِي الأخطاء دي وحاولوا أقروها بِصورة صحيحة ؛ لأنو فِي الاخطاء الشائعة في تلاوتها دي مُمكن تبطُل الصلاة إن وقع فيها المصلي و غيرتْ المعنى . مُزدلفة: سبحان اللَّه فِي حاجات أول مرة أعرفها ! جزاك اللَّه خير الجزاء . وجن: و جزاكِ الفردوس الأعلى يلا نجي لِتفسير سورة الفاتحة.. سورة الفاتحة سُميت هذه السورة بِالفاتحة ؛ لأنه يفتتح بها القرآن العظيم, و تُسمى المثاني ؛ لأنها تقرأ فِي كُل ركعة, ولها أسماء أخرى أبتدئ قراءة القرآن باسم الله مستعينا به," اللهِ " علم على الرب -تبارك وتعالى- المعبود بِحق دون سواه, وهو أخص أسماء اللَّه تعالى, ولا يسمى به غيره سبحانه " الرَّحْمَنِ" ذي الرحمة العامة الذي وسعت رحمته جميع الخلق "الرَّحِيم" بِالمؤمنين و هما اسمان مِن أسمائه تعالى يتضمنان إثبات صفة الرحمة للَّه تعالى كما يليق بجلاله الْحَمْدُ لِلَّهِ رَبِّ الْعَالَمِينَ (2) الثناء على الله بِصفاته التي كلُّها أوصاف كمال, وبنعمه الظاهرة والباطنة، الدينية والدنيوية، وفِي ضمنه أَمْرٌ لِعباده أن يحمدوه, فهو المستحق له وحده, وهو سبحانه المنشئ للخلق, القائم بأمورهم, المربي لجميع خلقه بنعمه, ولأوليائه بالإيمان والعمل الصالح. الرَّحْمَنِ الرَّحِيمِ (3) "الرَّحْمَنِ" الذي وسعت رحمته جميع الخلق "الرَّحِيم" بِالمؤمنين مَالِكِ يَوْمِ الدِّينِ (4) و هو سبحانه وحده مالك يوم القيامة و هو يوم الجزاء على الأعمال. و فِي قراءة المسلم لهذه الآية في كل ركعة من صلواته تذكير له باليوم الآخر و حثٌّ له على الاستعداد بالعمل الصالح و الكف عن المعاصي والسيئات إِيَّاكَ نَعْبُدُ وَإِيَّاكَ نَسْتَعِينُ (5) إنا نخصك وحدك بالعبادة و نستعين بك وحدك في جميع أمورنا فالأمر كله بيدك, لا يملك منه أحد مثقال ذرة. وفي هذه الآية دليل على أن العبد لا يجوز له أن يصرف شيئًا من أنواع العبادة كالدعاء والاستغاثة والذبح والطواف إلا لله وحده وفيها شفاء القلوب من داء التعلق بِغير الله, ومن أمراض الرياء والعجب, والكبرياء اهْدِنَا الصِّرَاطَ الْمُسْتَقِيمَ (6) دُلَّنا, وأرشدنا, ووفقنا إلى الطريق المستقيم, وثبتنا عليه حتى نلقاك و هو الإسلام، الذي هو الطريق الواضح الموصل إلى رضوان الله وإلى جنته الذي دلّ عليه خاتم رسله وأنبيائه محمد صلى الله عليه وسلم, فلا سبيل إلى سعادة العبد إلا بِالاستقامة عليه صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ (7) طريق الذين أنعمت عليهم من النبيين والصدِّيقين والشهداء والصالحين, فهم أهل الهداية والاستقامة ده تفسير بِصورة مُبسطة ؛ عشان بس تفهموا وقت قاعدين تقروا أنتوا قاعدين تقولوا شنو ! هسه زمن الصلاة جاء أرح نصلي ونرجع . مشينا الوضاية أتوضينا و صليت بيهم.. « عادي المرأة تصلي بِالنساء لـٰكِن.. ما بِتقيم ولا بِتتقدم عليهم فِي الصلاة بتكون واقفة فِي النص فِي الصف الأول معاهُم » خلصنا و بقينا نسبح.. وجن: يا بنات أقروا أية الكرسي . جنات: فضلها شنو ؟ . وجن: قال رسول اللّٰه ﷺ : « مَن قرأَ آيةَ الكُرسيِّ في دبُرِ كلِّ صلاةٍ مَكْتوبةٍ لم يمنَعهُ مِن دخولِ الجنَّةِ إلَّا أن يموتَ » جنات: يا اللَّه ربنا ده رحيم بِنا شديد . مُزدلفة: حرفياً . رجعنا قعدنا فِي الحلقة... أية: أنا فِي الصلاة وقت أصلي ما بِحس نفسي خاشعة وكِدا يعني حتى فِي قراءة سورة الفاتحة هسه وقت صلينا ما حسيت بِشئ ! الحل شنو ؟ وجن: الخشوع مُهم جِداً و بِجي بِالدعاء و التأني فِي القراءة فِي كتابين مُفيدين شديد أسمهم.. " أول مرة أصلي " و " 33 سبب لِلخشوع فِي الصلاة" أقريهم حـ يفيدوكِ بِأذن الله يلا نجي لِسورة الفاتحة.. لمِن تقريها أستشعري أنو.. ربنا قاعد يرد ليكِ و بين كُل أية وأية أسكتِ شوية لمِنْ تقولي : بِسۡمِ ٱللَّهِ ٱلرَّحۡمَٰنِ ٱلرَّحِيمِ "¹" ٱلۡحَمۡدُ لِلَّهِ رَبِّ ٱلۡعَٰلَمِينَ . آسكتِ شوية ؛ لانو ربنا حـ يرد ليكِ و يقول : حمدني عبدي و لمِن تقولي : ٱلرَّحۡمَٰنِ ٱلرَّحِيمِ يقول الله عز وجل : اثنى علي عبد و لمِن تقولي : مَٰلِكِ يَوۡمِ ٱلدِّينِ فيقول الله عز وجل: مجدني عبدي و لمِن تقولي : إِيَّاكَ نَعۡبُدُ وَإِيَّاكَ نَسۡتَعِينُ فيقول الله عز وجل : تِلكَ مني لعبدي هي لِعبدي لمِن تقولي: ٱهۡدِنَا ٱلصِّرَٰطَ ٱلۡمُسۡتَقِيمَ "6" صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ (7) فيقول الله عز وجل : هي لِعبدي و لِعبدي ما سأل . لمن تقولي آية و تسكتِ و تحسي أنو.. ربنا قاعد يرد ليكِ تلقائياً حـ تنتبهي و تخشعي طبقي الطريقة دي . آية: أن شاء اللَّه . بعدهُ أخدنا وجهين مِنْ سورة البقرة و كررناهم كتير لمِنْ حفظوا فِي الحلقة يرجعوا البيت يثبتوا بس فسرتَ ليهم الوجهين و قُلتَ ليهم نِكتفي اليوم بِكِدا . #عِند جِمعية الفُنون : يارا: أها كُل واحدة تورينا مُوهبتها شنو ؟ . رؤى: أنا النوم . مروة: أنا الأكل . يارا "و هي بِتضحك": مواهب لـٰكِن . سارة: أنا سواقة العجلة . مروة: أها يا محمد ولد و كُلنا ضِحكنا . شيماء: أنا كِتابة الشِعر . يارا: اللَّه اللَّه طلع عندنا شاعرة . صفاء: كدي أتحفينا بِبيت شِعر . شيماء" وهي بِتهمهم نظام بِتصلح صوتها ": أحم أحم . مروة: قولي الشِعر فيني أنا يا شيماء . شيماء: يا مروةُ.. رميتُ سهٌمَ الحُبِ قٌاصدةَ قلبكِ.. فمرَ مِنْ فوقِكِ لِشِدةٍ قُصرِكِ . يارا: ده هو شِعرك ؟! . شيماء"بِثقة": أي رهيب مُش ؟ يارا: رهيب لِدرجة يستاهل أنو.. نفكك بِطماطم . مروة"بِغيظ": يا زولة أنا ما قصيرة . شيماء:أنا خايفة كان عطستِ تدقي الأرض بِراسك ! و تقولي ما قصيرة ؟ . مروة: ...................... #على_هامِشْ_المَزح : قال أحدهُم: اعْشَقْ مِنَ النِّسْاء كُلَّ قَصيرَةٍ وَدَعِ العَواميدَ الطِّوالَ وَأَمْرَها أَيْنَ الجَمالُ بِأَنْ تُحِبَّ زَرافَةً تَحْتاجُ حَبلاً كي تُقَبِّلَ خَدِهَا ! فرد عليه آخر: اعْشَقْ مِنَ النِّسْاء كُلَّ طَويلَةٍ وَدَعِ السَّنافِرَ بَيْنَها تَتَسَنْفَرُ أَيْنَ الجَمالُ بِأَنَّ تُحِبَّ قَصيرَةً إِنْ سِرْتَ غَفْلانًا بِها تَتَعَثَّرُ #فِي _النهاية : مَن أرادَ الوَردْ.. ينحني لهُ و مَن أرادَ أنْ يرى القمر.. يرفع راسهُ فـ يا عزيزتي أنتِ جميلةُ جِداً سواء كُنتِ وردة ام القمر ♡. #هلِلوا 💛🌻. .*يتبــــــــــــــــــــــــــــــــــــــــــع*
*#فِي _ حُب _ الإسلام..《02》* *#بِقلم: أسرار جُمعة 💛.* *ـہہہـ٨ــــہہہــــــہہہـ٨ــــہہہـ* العصر سمر و يارا جوني و طلعنا مشينا لِي أية .. بيت ناس أية مِننا بِشارعين يعني.. ما بعيد أما يارا و سمر بيوتهم بِتفتح علينا . و صلنا دقينا الباب.. فتحتْ لينا جواهِر أختْها الصغيرة عمرها ذي خمس سنوات كِدا . وجن: جوجو الحِلوة و شلتها بُستها . جواهر: وجونة . وجن: عيون وجونة أنتِ كيفك ؟ جواهر: تمام . وجن: الحمد لله أية قاعدة ؟ جواهر: أي قاعدة جوا . دخلنا سلمنا على أمها و قعدنا ضيفونا بعد مسافة.. أية جاتنا سالنا مِنْ أحوالها و ليه ما جاتْ المدرسة ؟ قالتْ : كانتْ عيانة . يارا: صحي ما حكينا ليكِ الشمار . أية "وهي بِيستعدل": شمار شنو ؟! يارا: عاينوا لمِنْ صلحتْ قاعدتها غايتو . أية: سريع ياخ ما قادرة أتنفس . سمر: حالتك صعبة يا صحبتي . يارا:خلاص بوريكِ لـٰكِن.. تدفعي كم ؟ أية: العايزاهو . يارا: ثواني بس أجيب أله حاسبة . وجن: ليه أصلو أنتِ عايزة كم ؟ يارا: عايزة جُغلومية مِليون بس لـٰكِن.. عارفني أنا طيبة ؛ عشان كِدا بخفض ليها لي عُشرومية كِدا قصرتَ ؟ وجن: لالا نهائي . سمر: أية هي زاتها فطرتْ لمِن تديكِ قروش ؟ و بعدين الأسماء الغريبة دي شنو كمان جُغلومية و عُشرومية ! يارا: ديل أخترعتهم أنا . سمر: واضِح . يارا"هي بِتضيق عيونها" : قاصدة شنو ؟ سمر: ولا شي سلامتك يا قلبي . أية: أها يا يارا أحكي ياخ . يارا: كُل الموضوع أنو.. المُديرة قسمتنا لجِمعيات وقالوا : النشاط نِستفيد منهُ " و حكتْ ليها كلام المُديرة " أية"بِغيظ" : ده هوَ شمارِك ؟ يارا: أي وعارفة أنو.. الموضوع ما خطير لـٰكِن عملتَ كِدا ؛ عشان أرفع ضغطك بس و شُكراً . أية: أمسكوني مِنْ البت دي . سمر: هسه منو الماسكك يا بتنا ؟ أمشي ليها ساي . أية"بِتهديد": ثواني بس الليلة ما بخليكِ . و قامتْ مِنْ مكانها وبقتْ تجضِم يارا و هي شغالة ليها لا الا جُضومي غايتو أتفشتْ فيها كويس و أنِحنا بِجاي ميتين مِنْ الضِحك . بعد خلصوا عوارتهم دي رجعنا نِتونس و قالتْ : حـ تدخل معي فِي جِمعية القُرآن . بعدهُ طلعنا على البيت.. كُل واحدة دخلتْ بيتهُم أنا مشيتَ المطبخ طوالي عملتَ لي كيكة قُلتََ : أكُلها بعدين . مشيتْ غُرفتي بقيتْ أقرا لمِنْ.. سمعتَ أذان المغرِب.. قُمتَ صليتْ و قريتْ أذكار المساء بعده أبوي وليد جوا مِنْ الجامع أجتمعنا كُلنا لِلأكل و أكلنا بعد الأكل.. عملتَ ليهم الشاي و فتحتَ التلاجة ؛ عشان أشيل الكيكة لـٰكِن.. ما لقيتها ! وجن: ده منو الأكل الكيكة الكانتْ فِي التلاجة ؟ ده أنتَ يا وليد مُش؟ . وليد: ما تِتهميني ساي . وجن: بِتهمك ؛ لانو ماف زول غيرك حـ يكون شالها . وليد: شايفاني براي فِي البيت ده ؟ ليه ما شايفة ولاء دي؟ . وجن: لا ما شالتْها شِلتْها أنتَ ده . وليد: شُفتيني أنتِ ؟ وجن: لا لـٰكِن.. مُصِرة أنو أنتَ شلتها . وليد: يا زولة لمِنْ يكون عندك دليل بعدين تعالي . وجن: سمح يا وليد بس خلي أعرف أنو.. أنتَ شلتها . وليد: حـ تعملي لي شنو ؟ وجن: ببقيك شوربة . وليد"بِتريقة": خوفتني . وجن: ليك حق تخاف و ترجِف عديل . وليد: ليه شايفاني كاستر ؟ وجن: ما ظريف نهااااائي . ولاء: بِسيرة الكاستر أسمعوا النُكتة دي . وليد: لا أسكُتِ ما عايزين . ولاء: لا لازم تعوذوا و تسمعوا يلا فِي مسطول فتح التلاجة لقى صحن كاستر قاعد يرجف " وسكتتْ؛ لانو بِقتْ تدمع وما قادرة تكمِل مِنْ الضِحك " وليد: أها تقُعدي تضحكي و تبكي و ما بِتفهمينا شي . ولاء" وهي بِتضحك" : معليش ما قادرة والله المُهم لمِنْ المسطول شافو قاعد يرجف قال ليهو : ما تخاف داير أشرب موية بس . وجن" وهي بِتضحك": حِلوة حِلوة . وليد: أنتِ عارفة يا ولاء أنا لي تلاتة أيام ما ضحكتَ و بِي الليلة أربعة أيام . ولاء: كئيب بس النُكتة مُضحكة شديد . وليد: على سيرة الموية الـ في النُكتة دي أنا عايز موية . ولاء: غلطانة أنا الخلاني أجيب سيرة الموية شنو ذاتو . وليد: ده أخر الظرافة . ولاء: خلاص بجيب ليك لـٰكِن.. المُقابل شنو ؟ وليد: و لا شي . ولاء: أبيت يلا ما ماشة . وليد: كويس بعدين ما يبقى ليكِ بمبي بس وجن أختي حبيبتي مُمكِن تجيبي لي موية ؟ وجن: مع أني لسه فِي موضوع الكيكة لـٰكِن.. حاضر . وليد"وهو بِتكلم مع ولاء": شوفي عليك الله . وجن جابتْ الموية و مدتْها لي وليد.. وليد: أخُتِك وين أنا ياخ . وجن: سيب البكش . بعد شِرب قال : الليلة حـ أطلعكْ يا وجن . وجن: أحللللللف . وليد: وحياتك . وجن: أول حاجة يا سلااااام ثانياً يا وليد الحلف بِغير الله لا يجوز . « أحذروا الحلف بغير الله فهو شرك والعياذ بالله وللأسف الحلف بِغير الله بقى مُنتشر جِداً منها العبارات ديل.. و النبي و عليا الطلاق و الكعبة و رحمة فلان و حياة أولادي و راس أمي و راس أبوي و حياتك و حية عيونك و غيره.. ديل كُلهُم لا يجوز ¹.قال رسول الله ﷺ " من حلفَ بغيرِ الله فقَد كفر أو أشرَك " ².وقال رسول الله ﷺ " إنَّ اللَّهَ يَنْهَاكُمْ أنْ تَحْلِفُوا بآبَائِكُمْ فمَن كانَ حَالِفًا فَلْيَحْلِفْ باللَّهِ أو لْيَصْمُتْ " الحلف يكون بِالله فقط يعني مُمكِن تقول : و الله و رب الكعبة ». وليد: جزاكِ اللَّه خير . وجن: و جزاكَ الفِردوس الأعلى . ولاء: وليددد أخوي . وليد: ما أخوكِ ولا بعرفك . ولاء: أنا ما أختك ؟ وليد: أي . ولاء: كرفستَ مشاعري . وليد: أكويها . ولاء: كويس و حـ أكوي ملابسي برضو لي طلعة بعدين . وليد: على ما أظن أنا قُلتَ أنو.. حـ نطلع أنا و وجن . ولاء: يرضيك أقعُد براي ؟ وليد: يرضيني و بِشدة . ولاء: يخسي عليك زِعلتَ زاتو . وليد: يا وجن عِندك دمعة ؟ وجن: أي ليه ؟! وليد: عشان نديها لي ولاء تطرشِق . ولاء"وهي قايمة و عاملة أنو زِعلتْ": ما ماشة زاتو . وليد: شايفة كدي بعدين تتأخري بس . ولاء أبتسمت بِأنتصار وقالتْ : يسسس لـٰكِن.. واصلتْ مشيها ؛ عشان هيبة الزعلة ما تروح . مشيتْ جهزتَ عبايتي و كويتها بِمزاج العشاء أذن.. ناس أبوي طلعوا الجامع لِلصلاة أنحنا بعد صلينا قُمنا أتجهزنا أنا لابسة.. عِباية وطرحة نُص توب بِاللون الزيتي و الباندانة التحت الطرحة و الأسبورت بِالأبيض أما وجن لابسة.. عِباية وطرحة نُص توب بِاللون الكُحلي و الباندانة التحت الطرحة و الأسبورت بِالبيجي ناس أبوي جوا مِنْ الصلاة.. وليد: أخواتي الحِلوات بِسحروكم تعالوا أحصِنكُم . مشينا ليهو حصنا.. بعدهُ طلعنا رِكبنا العربية وأتحركنا.. و طول الطريق قاعدين نِتونس وصِلنا.. لقينا أنو.. ودانا مكان إيسكريم ياخ فِي اللحظة دي حبيتو حُب . نِزلنا وقعدنا لينا فِي تربيزة كِدا قاعدة طرف و بِتشوف منها منظر البحر رهيب . وليد: أها عايزين بِنكهة شنو ؟ وجن: يلا أنتَ عارفني أنا بحِب الإسكريم كيف فـ عايزة الحجم العائلي . ولاء: حِيلك حِيلك . وليد: لا بِجيكِ ألتهاب . وجن: خائف عليَّ ؟ وليد: فِي زول ما بِخاف على أختو حبيبة قلبو ؟ وجن: حبيبي حبيبي . ولاء"بِغيظ" : مششم غايتو . وجن: يا وليد فِي زول هِنا غيران . وليد" و هو بِضحك": غيرة شديدة . ولاء:منو قال ليكم أنا غيرانة ؟ . وجن: واضح أنو ما غيرانة . وليد: أي أي . وجن: وأغار مِنْ شنو بِالله ؟ أنتوا ما عندكم موضوع بس . شغلناها ليها و بقينا نضحك عليها .. طلبنا.. أنا بِالفانيليا كالعادة ولاء بِالفراولة و وليد بِالكاكاو وجن: الينتهي مِنْ حقو أول يقبل لِحق أخوهو . وليد و ولاء: أتفقنا . أنا و ولاء خلصنا فِي نفس اللحظة و عاينا لي بعض و أبتسمنا قُلتَ ليها : قاعدة تفكري فِي نفس القاعدة أفكر فيهو ؟ قالتْ لي : أي . بعدهُ عاينا لي إيسكريم وليد و ضِحكنا ضحكة شريرة وليد: أوع تفك ... و قبل يتم كلامو هجمْنا عليهو . هو أتخلع و بقى يعاين لينا بعد خلصنا مدينا ليهو العِلبة و قُلنا ليهو : أتفضل أكُل . وليد: لا بِالهنا . ولاء: لالا كيف الكلام ده لازم تاكُل . وليد: هو أنتوا فضلتوا حاجة الزول يأكُلها ؟! . وجن: كيف ما فضلنا ؟! ما شايف العِلبة دي ؟ . وليد: صحي ما قصرتوا مدام خليتوا العِلبة كتر خِيركُم ياخ . وجن: شُفتَ كيف ؟ . وليد: أي شُفتَ أوع هسه تاكلوني أنا كمان . ولاء: معليش ما بِناكُل حِمضيات . وليد: قصدِك شنو يازولة ؟ أصبُري لي شوفي اليطلعك منو تاني . ولاء: معقولة بس أنا كان قصدي أقول ليك أنو.. ما قاعدين ناكُل سُكريات حِمضيات دي طلعتْ بِالغلط . وجن: هرشوها . ولاء"بِهمس" : أي شي و لا الطلعة . وليد: ماشي أشتري لي واحد تاني بس.. كدي الواحدة فيكم تدخل يدها دي . طلب تاني واحد و برضو بِقينا نمد الملاعق بِتاعتنا ؛ عشان نشيل مِنو و هو يوديهُ بعيد مننا أخر حاجة.. بقى مرة يأكل و مرة يأكلنا بعدهُ بِقينا نِتونس و فضفضنا لِبعض ♡. أتصورنا سيلفي.. و شال لي كُل واحدة فينا إيسكريم الحجم الكبير و لي ناس أمي بعدهُ طلعنا . رِكبنا العربية و بِقينا نِتونس ... وجن: أنا ما عارفة ليه هُم مُسمنوا الحجم العائلي فِي حين أنو.. أنا براي قاعدة أكمِلو ! . ولاء: غايتو زول بِحب الأسكريم ذيك ما قابلنني . وجن: ياااااخ ده العِشق . و واصلنا ونستنا لمِن.. وِصلنا نِزلنا.. فتحنا الباب لقينا الأنوار مطفية بقينا نِتسحب براحة ؛ عشان ما نعمل كركبة و أمي تصحى و تقبضنا ؛ لانو أتاخرنا . فجأة !.. الأنوار ولعتْ ! ولقينا أمي واقفة و بِتعاين لينا وليد: كتمتْ . نادية: ماشاء اللَّه ماشاء اللَّه جايين مُتاخرين و كمان قاعدين تِتسحبوا براحة ذي الحرامية ! #على_الهامِشْ: - ويسألونكَ عنِ الأخِ قُل : حُب لنْ يُختذل وحياةً بِلا عِللُ و جمالٌ أبلغُ مِنْ عِباراتِ الغزلِ قيلَ عنْ الاخِ : هوَ ذَلِك الذي تطلُب مِنهُ نجمتين.. فيعودُ لكَ حاملُ معهُ السماءِ ! إن الأخَ نعمةُ مِنْ اللَّه تعالى علينا فهوَ المؤنسُ، الصديقُ و الرفيقُ هوَ الأمانُ فِي هَذهِ الأرضِ و الإنسانُ الوحيدُ الذي.. لن يخذلكَ أبدًا إن احتجتهُ أمّا عنْ أُخي.. فلا أقتباس يصِفهُ و لا نصْ يكفي لِلحديثِ عنهُ هوَ الأمانُ ، هوَ الخيرُ ، هوَ الكُلُّ ♡ #أحمدوا اللَّه على نِعمة الأخوان 💛🌻. .*يتبــــــــــــــــــــــــــــــــــــــــــع*
*#لا لِلعُنصُريةْ _ لا لِلتنمُرْ ..《06》* *#بقلم _أسرار جمعة... 💛* *♡♡♡♡ـہہہـ٨ــــہہہـــــ♡♡♡♡ـہہہـ٨ــــہہہـ♡♡♡♡* وقفنا جنب كوفير ... دخلنا جوا سلمنا.. ولُدن قالت للبت : شايفة صحبتي دي أمانة عِندك ، ظبطيها زين . قالت ليها : خليكِ عارفة أنو هي فِي يد أمينة . لُدن : وأنا مُتاكدة من كِدا ؛ عشان كِدا جِبتها هِنا . لُدن مشت تعمل شعرها.. أنا البت ساقتني عملت لي قناع لي وشي وحاجات كتيرة أول مرة أشوفها ذاتو ! وظبطت لي شعري عملت لي حمام زيت بعدين كوتو لي . بعد ساعتين ونص خلصنا ... شُفتَ نفسي فِي المراية حسيت بِي تغيير وأنو.. أنا واثقة مِن نفسي . مِن اللحظة ديك أنا عاهدت نفسي أنو.. تاني حـ أحاول ما أتاثر بِي كلام زول حـ آطلع مِن هنا إنسانة جديدة أنسانة واثقة من نفسها بتقدرها و بتحبها و تتقبل نفسها ذي ما هي ما بهمها كلام الناس عنها . قطع سرحتي صوت لُدن وهي بتقول لي : وبعلي ما أتعرفنا ! روان: ماف مُشكلة نتعرف هسه أنا روان ، وأنتِ منو ؟! لُدن: ما وقت ظرافتك لـٰكِن.. وااي يا روان بقيتِ مُزززة . روان: هيي انا أصلاً مُزة . لُدن: لا قصدي زدتِ مزازة أرح يلا . لبست حجابي و ودعنا بنات الكوفير وشكرناهم وطلعنا.. .. فِي العربية ... لُدن : يلا فضل أخر مكان . بعد مسافة وصلنا مطعم قالت لي : حان وقت الطقة . نزلنا طلبنا بيتزا الحجم الوسط أكلنا زين شبعنا لـمِن فضل و لُدن حلفت كان نخليهو قالت لي : لازم نكملها يا زولة قروشنا ما تمشي ساي . قطعة لي و قطعة ليها لمِن جازفنها وأنتهت . أشترينا إيسكريم الخِتام .. أتصورنا و عملتَ لي أخوي أستثناء ؛ عشان ما يشوف صورة لُدن وكِدا يعني أصلاً ما عندي في تلفوني ولد غيرو الحمد لله ربنا يثبتني . رفعتَ صورتنا أستوري انا ولُدن و كتبتَ : " حقيقي والله يا بخت الـ لقت صحبة حِلوة في رحلتها . يا بخت الـ عندها صحبة بِتشتري خاطرها ، تعِزها ، تقيف معاها، و تراعي مشاعرها . يا بخت الـ عندها صحبة حنينة ، وبتكون موجودة فِي المواقف ما كلام وخلاص ، وساعة الجد تلقيها واقفة فِي ضهرك سند . يا بخت الصحبتها بِتطبطب عليها وتراضيها . يا بخت الـ عندها صحبة بِالجد ؛ عشان حقيقي الصحبة الحقيقية.. رزق وكنز فـ يا بختي بيكِ ♡!. " لُدن عملتْ لـِ الأستوري أسكرين وكتبتْ : " هي ليست كـ أيَّ أحد إنما.. عظيمة ورائعة بِداخلي حِسّها فِي الحياة يكفي عن ألفِ شُعور فـ اللهم راحة البال لقلبـها النقي ♡!. " عاينتَ ليها بِكُل حُب وقُلتَ بِي قلبي : يا ربي أنا عملتَ شنو حِلو فِي الدُنيا دي ؛ عشان ربنا يرزقني بيها ؟! وحمدت ربنا على نعمة وجودها في حياتي ♡. بعدو طلعنا و وصلتني البيت ... قبل أنزل قُلت ليها : شُكراً كتيررر كتيررر يا لُدن عارفاكِ طلعتيني المشاوير دي ؛ عشان تغيري لي مودي و كالعادة نجحتِ فِي كِدا عُمرِك ما فشلتِ يوم أنو.. ترفعي معنوياتي . دائماً وقت أحتاجك بلقاكِ جنبي و على فِكرة كلامك أثر فيني و خلاني أثق نفسي وأحبها و تاني حـ تشوفي روان بِشخصية تانية خالص روان البتقدر نفسها روان العاجبها شكلها ومتقبلة عيوبها و عارفة أنو فيها مُميزات كتيرة ما موجودة فِي غيرها . لُدن: يعني حـ تبقي روان النرجسية ؟! روان: بري يختي أعوذ بالله مِن النرجسية حـ أبقى روان الواثقة مِن نفسها . لُدن: الله الله حبيِت وأن شاء الله تكوني كِدا على طول يا قلبي . روان: أن شاء الله ، أرح أدخلي معي . لُدن: مرة تانية كان أتاخرت أكتر مِن كِدا حـ يطردوني وألقى شنطتي جنب الباب . روان: طيب يلا مع السلامة . لُدن: الله يسلمك شلت كيسي ونزلت . لُدن دورت العربية و مشت ... ضربت الجرس ... جاتني ريان.. مِن شافتني شهقت ونططت عيونها.. روان: باسم الله مالك شُفتِ شيطان ؟! ريان: ده شنو بقيتِ كسارة كِدا عملتِ شنو يا بت ؟! لمِن طلعتِ من هنا كُنتِ عيسى فجأة !.. بقيتِ أليسا ! و بعدين الكيس ده فيهو شنو ؟! روان: هُسسس ياخ ده شنو البت النضامة دي كدي زحي لي مِن الباب ده خليني أدخل . زحيتها ودخلت.. قعدت فِي الكنبة بتاعت الجلوس و ختيت الكيس . جات فتحتو وشافت الماسكات ، والحاجات الجبتهم.. و بقت تعاين لي بِصدمة ريان: روان و مُشترية ماسكات ! أصلو ما بصدق ! الليلة إنتِ طبيعية يا بت أها... يعني قررتِ تبقى بت و تقتلي جعفر الجواكِ والله ماشاء الله وبقت تضحك . قالت لي : حـ أشيل الماسك ده لي أيام قاعدة أفتش فيهو ياخ . خطفت منها الكيس وقُلت ليها : ماف ليكِ . تشيل وتحنسني لمِن حننتني روان: بديكِ لـٰكِن.. بـِ شرط . ريان بي همس: اي عارفاكِ أصلاً ما بتديني حاجة ساي . روان: قُلتِ شنو ؟! ريان: لالا ولا حاجة ما تشتغلي بي أها يا قلبي شرطك شنو ؟! روان: عايزاكِ تشتري لي شيبسي براڨو ونوتيلا وأتنين أندومي و كرتونة فريستكا عشقي و ميرندا وبس . ريان: بس !! روان: أي بسيطين مُش ؟! ريان: بسيطين شديد لالا أطلبي أكتر عليك الله . روان: طيب زيدي عليهم كمارا و لبان و... قاطعتها ريان وهي بتقول ليها : يا سلاااام !! عندك نفس تطلبي زيادة كمان . روان: أجيي مُش إنتِ قُلتِ لي أطلبي اكتر ؟! ريان: أي لـٰكن.. إنتِ تسمعي كلامي مالِك ؟! روان: لازم يختي . ريان: هسه لو كان ده موضوع تاني ما اشتغلتِ بي زاتو . روان: معقولة يا قلبي . ريان: بلا قلبي معاكِ يلا جيبي الماسك.. روان: لا لمن تجيبي لي حاجاتِ بعدين بديكِ ليهو . ريان: يعني ما واثقة فيني ؟! روان: نهائي . ريان: سمح ثواني أمشي الدكان وأجي.. ريان طلعت الدكان وآنا مشيت غرفتي بعد مسافة جابت لي الحاجات... روان: نحبك أنا ياخ . ريان: يلا جيبي للماسك سُرعة . روان: تسليم بتسليم يا زولة وعلى فكرة أنا ما ح أديك الماسك كُلو ؛ لانو أنا زاتي عايزاهو نتقسموا نص بالنص . ريان: خلاص أنا ذاتي بقسم مِن الفريستكا وأديكِ نُص كرتونة . روان: لااااا الا الفريستكا "أحييي طبعاً عرفت نقطة ضعفي" . ريان: خلاص تديني الماسك كامل . روان: يا زولة ما يديكِ ليهو ولا أقول ليكِ حاجة.. ما عايزة أتفاق معاكِ زاتو . روان: خلاص خلاص موافقة . فِحرت فرح و جري مشيت قسمت الماسك نُص بِالنُص أديتها علبة وشلت التانية و هي أدتني حاجاتي طبعاً سلمنا بعض الحاجات في نفس اللحظة ؛ لانو كُل واحدة ما ضامنة التانية... مسكت التلفون... عملت لي منصة في الواتساب سميتها " لا لِلعُنصْريةْ_لا لِلتنمُرْ " ؛ عشان كُل شخص يحكي المواقف الـ أتعرض فيها لِلتنمُر . عملتها ؛ عشان أخلي الناس تستعيد ثقتها فِي نفسها وأدعمهم نفسياً وأقول ليهم كلام يجبر بـِ خاطرهم ؛ لأنِي عارفة تأثير الكِلمة الطيبة فِي الزول ؛ لانو بِسبب الكِلمة الطيبة أنا بقيت واثقة مِن نفسي فـ كُنت مُصممة أنو أعملها بعد عملتها نشرت الرابط ... *من سار بين الناس جابراً للخاطر ، أدركته عناية الله فِي جوف المخاطر ♡.* *#كبروا💛🌻.* .*★★★★★يتبــــــــــــــــــــــــــــــــــــــــــــع★★★★★*