Əhli-Sünnə Mədrəsəsi

💡 *Kimlik və hədəf:* Əziz və Cəlil Allah belə buyurur: *“Həqiqətən, Allah yanında (haqq) din İslamdır”.* Yenə belə buyurur: *“Siz insanlar üçün çıxarılmış ən xeyirli ümmətsiniz”.* Yenə belə buyurur: *“Qoy aranızdan bir qrup çıxsın ki, (insanları) yaxşılığa çağırsın, yaxşı əməlləri əmr etsin və pis əməllərdən çəkindirsin. Məhz onlar nicat tapanlardır”.* Yenə belə buyurur: *“Rəbbinin yoluna hikmətlə, gözəl öyüdlə dəvət et və onlarla ən gözəl şəkildə mübahisə apar”.* Yenə belə buyurur: *“Allaha dəvət edən, yaxşı iş görən və: “Şübhəsiz, mən müsəlmanlardanam”, - deyən kəsdən daha gözəl sözlü kim ola bilər?”* Biz isə bu ilahi çağırışlara cavab olaraq “Əhli-Sünnə Mədrəsəsi” çardağı altında belə bir dəvət qrupunu təsis etdik. Mədrəsənin əsas qayəsi — səlim İslam şüuruna malik cəmiyyətlərin təşəkkülünə töhfə vermək, yolunu itirmiş və ya mənəvi xəstəliklərə düçar olmuş topluluqları isə islah etməkdir. Tədris istiqamətində əsaslandığımız mənbələr ümmətin etimad etdiyi qədim imamlar və onların mübarək əsərləridir: burada ölçü və meyarlar şəxslərin deyil, qədim Əhli-Sünnə mənhəcinə əsaslanan səlim əqidə, səhih fiqh və ülvi əxlaq prinsipləridir. Həmçinin batil firqə və bidət düşüncələrə qarşı elmi səviyyədə sipər olmaq, dini maarifdən məhrum qalanlara bələdçilik etmək, mənəvi boşluq içində çırpınanlara isə ruhani dəstək göstərmək əsas hədəflərimizdəndir. *Səy bizdən, tövfiq yalnız Allahdandır!* 🔒 *Müəllif hüquqları:* Kanaldakı məlumatları başqa məkanlara ötürərkən kanala məxsus olan rəmzi silərək və ya etiketsiz/istinadsız olaraq paylaşılmasına riza yoxdur. ♻️ *Həm izlə, həm təmizlə:* Təshihli və haqlı tənqidlərçün təftiş üzrəyik, hər zaman açığıq və əlçatanıq. Qaib tənqidlər sadəcə qeybətə zəmindir. 🌳 *Sədəqə:* Tələbələr üçün hər cür maddi dəstək axirətə sərmayədir. İanələr şeyxlərə, kitablara, yol xərclərinə və s. kimi işlərə sərf ediləcək. İtirməz, əksinə, qazanacaqsınız.