*توضيح هام للوافدين بخصوص اللجوء وتحديد الوضع في مصر* يا جماعة، الكلام ده مهم شديد عشان الناس اللي عايزين يقدموا لجوء في مصر: 💜التسجيل في المفوضية: * أول حاجة، لازم تحجزوا موعد عشان تسجلوا في المفوضية، سواء كان بالتلفون، أو تمشوا المكتب بنفسكم، أو أونلاين (ودي خاصة بالسودانيين بعد الحرب). * بكده بتكونوا قدمتوا طلب لجوء في مصر، عشان في أسباب بتمنعكم ترجعوا بلدكم. 🤎الكروت البيضاء اوالصفراء: * بسبب الزحمة الكبيرة والفترة الانتقالية لاستلام اللجنة الدائمة لشؤون اللاجئين، وحسب قانون اللجوء الجديد في مصر، حتستلموا كروت صفراء او بيضاء في الأول (مافي فرق). * لو كارت ابيض بعد كده، حيحددوا ليكم مواعيد عشان تستلموا الكروت الصفراء كملتمسي لجوء. 💚اللجنة الدائمة لشؤون اللاجئين: * المفروض اللجنة دي تبدأ شغلها في أبريل 2025، وإن شاء الله لما يكون في أي تفاصيل جديدة، حننشروها ليكم. * تحديد الوضع بعد استلام اللجنة هيكون خلال سنة اقصى مدة 🧡وضع ملتمس اللجوء: * وضعكم كملتمسي لجوء ده وضع مؤقت، المفروض بعديه مرحلة دراسة طلب اللجوء، ومقابلات، عشان يحددوا هل طلبكم مطابق لمعايير اللجوء ولاّ لا. * ممكن تقعدوا سنين تستنوا ميعاد المقابلة، وبعدها ممكن طلبكم يترفض، زي ما حصل لناس كتير قبل كده. * عشان كده، وضعكم ده مؤقت لحدي ما تقابلوا مقابلات تحديد الوضع، ويقولوا ليكم النتيجة، هل طلبكم اتقبل ولاّ لا. 🤍شروط اللجوء: * أي زول سجل في المفوضية هو "ملتمس لجوء"، ولازم يكون مطابق لشروط اللجوء. 🩶مقابلة تحديد وضع اللجوء (RSD): * لو جاكم ميعاد للمقابلة دي، حيتصلوا بيكم عشان يحددوا معاكم الزمن، وكمان عشان يدّوكم نصايح وإرشادات عن الحاجات المفروض تعملوها قبل المقابلة. * موقع مهم: الموقع ده rsd.unhcregypt.org/refugeeresult.aspx حيكون فيهو تاريخ المقابلة بتاعكم، وضروري تشيكوا عليهو باستمرار، خصوصًا قبل 48 ساعة من الميعاد، لانو ممكن يكون في تغييرات. 💛بعد المقابلات: * بعد ما تعملوا المقابلات، حيقرروا هل تسجيلكم يستمر ولاّ يترفض. ولو طلبكم اترفض، ح يوقفوا ليكم بطاقة ملتمس اللجوء، عشان يقفلوا ملفكم. ❤️ملاحظات مهمة: * أي قضية ملفقة، أو كذب، أو تقديم مستندات مزورة، حتؤدي لغلق ملفكم. * الناس اللي سجلت باسم وهوية وجنسية في المفوضية، وفي نفس الوقت عندها جواز سفر وإقامة باسم وجنسية تانية، حيتخذوا ضدهم إجراءات قانونية صارمة، لانو قاعدة البيانات واحدة، وبصمة العين حتكشفهم. 🩵بعد قبول طلب اللجوء: * بعد ما طلبكم يتقبل، حتاخدوا كارت لاجئ. * المرحلة اللي بعدها بتكون قرار من المفوضية/اللجنة الدائمة، يا إما اندماج مع المجتمع (ودي نسبة كبيرة)، يا إما إعادة توطين (ودي أقل عدد، وبشروط معينة). 💙إعادة التوطين: * لو قضيتكم مطابقة لمعايير التوطين، حيتحول ملفكم لقسم التوطين، وحيعملوا معاكم مقابلات ومكالمات تكميلية، ممكن مرة واثنين وأكثر، على مدى شهور. * بعدها، قسم التوطين حيقرر هل يقبل ملفكم للتوطين ولاّ يرفضه. 🩷متابعة المنشورات: * ما تنسوا تعملوا متابعة عشان تشوفوا منشوراتي في المجموعة. 💚قناة الواتساب: * ممكن تتابعوا كل المواضيع والخدمات والمساعدات والمنح المجانية في قناة الواتساب دي: https://whatsapp.com/channel/0029VaXqJO28F2pCuXJCBW3e بالتوفيق يا جماعة! ‏‎‏𝓡𝓮𝓔𝓶 𝓓𝓱𝓮𝔂𝓪𝓪 𝓐𝓫𝓭𝓾𝓵𝔀𝓪𝓱𝓱𝓪𝓫 ‏‎#توعية_اللاجئون_و_المهاجرون_في_مصر ‏#reem_dheyaa_abdulwahhab ‏#awareness_imigrants_refugees_in_egypt