_*ࢪوايـه دماء على ثوب الزفاف🍒⸙♡»))*_ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏تابع قناة حـڪـايـه و ࢪوايــه ➶𝄞🥂📓ツ)) في واتساب: *https://whatsapp.com/channel/0029Vad7dtd2ZjCkUyAi6H3a* في قرية النجعاوي تعيش هنادي بطلة قصتنا 15 سنه في أسرة متوسطة الحال في منزل مكون من طابقين الدور الاول ينقسم لقسمين القسم الأول مقابل الشارع العمومي للقرية ويحتوي علي غرفة للضيوف القسم الثاني خاص بأمور الطبخ وفرن فلاحي تعد فيه أشهى الأكلات وغرف لتربية الطيور الطابق الثاني خاص بغرف النوم السطح يوجد به برج حمام كبير الشخصيات الأب / كامل فلاح (عامل زراعي) الأم / سعدية ربة منزل وائل / شقيق هنادي في الصباح تستيقظ هنادي باكراً كعادتها تلقي تحية الصباح علي والدتها سعدية الجالسه أمام الفرن تعد الأرز المعمر هنادي / صباح الخير يا امه سعدية / صباح النور علي البنور قربي يا هنادي ناوليني العيش اسخنه في الفرن بالمره وهو سخن قبل ميبرد هنادي وهي بتعطي العيش لسعدية / ريحة الرز المعمر حلوه قوي يا امه انتي صحيتي امتي سعدية / صاحيه من بدري صليت الفجر وابوكي خد مكنة الميه وراح يسقي الأرض وأني ولعت الفرن علشان اعمل الفطور هنادي وهي ممسكه الملعقة تتذوق الأرز المعمر / تسلم ايدك الرز يجنن سعديه / هاتيلي معلقة سمنه بلدي من البطرمان اللي جنبكي ده علشان احطه علي البطاطس هنادي / وكمان شاوية بطاطس اوعى تكوني نسيتي تشوي البطاطا سعدية/ لا يا قلب أمك اني غسلتها من بدري وحاطتها في الفرن وهي استوت أهي هاتي صينيه علشان اطلع البطاطا عليها هنادي ماسكه الصينيه البطاطا تلسعها / ااااه يا امه البطاطا سخنه سعدية / حاسبي يا بنتي ما انتي عارفة إنها طالعه من الفرن سخنة الباب يخبط سعدية / افتحي الباب دي خبطت ابوكي تفتح هنادي الباب كامل ببتسامة / يا صباح الفل علي هنوده هنادي ببتسامة وهي تقبل يد والدها / صباح الخير يا ابا كامل/ ايه الروايح الحلوه دي يا سعدية ويقعد كامل بجوار الفرن سعدية / هاتي صينيه وفرشة علشان ابوكي يقعد عليها يقعدوا كلهم يفطروا كامل / كان نفسي وائل يكون معانا في القعدة الحلوه دي سعدية / يا أبو وائل سيب الواد يسلك فى مصر أهي شغلانه احسن من الفلاحه ووجع القلب وائل / كان يساعدنى علي الأقل في زراعة الأرض بدل ما اني بجيب انفار بالشيء الفلاني الأرض مش بقت جايبه همها يا سعدية هنادي / متبيعها يا ابا وناخد شقه في مصر ونعيش في البندر بدل العيشه هنا سعدية/ آه منكي انتي تموتي في مصر مش عارفة علي ايه هنادي / طب بالذمه يا امه مش لما روحنا ل عاليه مرات خالى هناك فسحتنا وشوفنا الجناين والخضرة وتمشينا على النيل كامل/ ههههههه واحنا هنا مش عندنا خضرة وميه يا هنادي هنادي/ آه عندنا بس دى بقي يا ابا حلوه قوى والكورنيش جميل سعدية / مش تفكريني كان يوم فاكره الواد الرزل اللي فضل يعاكس لحد ماابن خالكي ضربوا وفتحله راسه هنادي/ ههههه ايوه فاكره يستاهل علشان مش يعمل كده تاني كامل / شوفتي بقي إن الولاد في مصر مش بيحترموا البنات وبيضايقوهم وانتي عايزة تعيشي هناك كمان هنادي/ مش عايزة أعيش هناك بس علشان خاطري يا ابا وافق اني أدخل ثانوي اني جايبه مجموع كبير في تالته إعدادي ولو دخلت ثانوي مش بعيد أجيب مجموع كبير وادخل كلية حلوه كامل بسخرية / شوفتي بنتك يا سعدية عايزة تدخل الجامعه كمان سعدية/ وفيها ايه بس يا ابو وائل كامل/ مش عندنا بنت في الكفر دخلت الجامعه غير بنت العمده عايزة تعملي راسك براسهم يا بنت كامل سعدية/ وماله واني بنتي أقل من مين في البلد علشان تقول كده كامل / قفلوا علي الموضوع ده واني قولت قبل كده هو دبلون ويجيلها ابن الحلال ونخلص مش هوجع قلبي واوديها الجامعه وتتأخر وتجيلي في الليل ولا يحصلها حاجة في الطريق اني مش ناقص قامت هنادي وهي بتبكي سعدية/ زعلتها قوي يا ابو وائل قوم صالحها متكسرش بخاطرها علشان خاطري كامل/ اكسر بخاطرها احسن ميحصلها حاجة وبعدين ترجعي تقولي ياريت اللي جرا ماكان دي بنت مش ولد اني علمت اخوها ودخل الجامعه علشان يشتغل ويجوز نفسه لكن دي بنت مسؤلة مني وبكره تبقي في رقبة راجل يحميها ويحافظ عليها ولحد اليوم ده مايجي اللي اقول عليه يتنفذ بكره اروح معاها نقدملها في مدرسة الصنايع اللي في المركز وحد من ولاد عمها ولا اني لما أكون فاضي هبقي اجيبها معايا في العربية النص نقل بتاعتنا سعدية باستسلام/ اللي تشوفه يا ابو وائل اعمله كامل/ اعملي فطرتين لامي نفسها فيه واني هبقي أشيع الواد فتحي ابن اخويا يجي يودهملها علي البيت سلام يا سعدية رايح الغيط سعدية/ مع السلامة ابقي شيعلي كامليا بنت اختي علشان تساعدني انتا عارف هنادي مش إلها في الخبيز والعجين كامل وهو بيقفل الباب / حاضر . ..................... في أرض كامل كامل جالس وفي ايده عصايه بيخطط بيها علي الأرض يقرب فهمي جاره في الأرض / صباح الخير يا كامل كامل وهو بيرفع نظره بعين واحده بسبب ضوء الشمس / صباح الخير يا فهمي تعالي اقعد جلس فهمي بجوار كامل كامل / تشرب شاي فهمي/ ههههه طول عمرك مش بتمشي غير بترمس الشاي يا كامل اشرب مشربش ليه كامل وهو بيصب الشاي/ إلا قولي يا فهمي سمعت إن اخوك عادل ناوي يبيع الأرض اللي حداه مش تعرف هيبيع القيراط بكام فهمي وهو بياخد كوباية الشاي من ايد كامل / بيقول بخمستشاشر ألف ليه معاك تشتريها كامل / لأ الأرض كبيره عليه اني ممكن اخد النص وعامر اخويا ياخد النص فهمي/ ماشي هقوله. ..ارضك عامله ايه السنه دي كامل / الحمد لله. ...بس الميه اللي قليله قوى السنه دي وانتا عارف الرز بيحب الميه فهمي / أهو مره كده ومره نسقيها ارتوازي هنعمل ايه بس كامل /'أهي اللي هيمشي عليه هيمشي علي الناس ربنا يصلح الحال فهمي / آمين. ...أقوم اني بقي اشوف مصالحي كامل / هتروح الجمعيه تجيب الكيماوي فهمي/ حسانين بيقول لسه مجاش لما يجي هيقولي نبقي نروح سوا كامل / ماشي بس متنساش تقول لاخوك عادل اللي قولتهولك علشان مش يبيع الأرض لحد تاني فهمي/ ماشي هقوله سلام ..................... في منزل كامل سعدية / شهلي يا كامليا احنا بقينا العصر كامليا / ما هو يا خالتي انتي اللي عامله فطير كتير سعدية / قولي. ..ماشاء الله. .. ايه يا بت انتي هتبصي للناس في اللقمه اللي هيكلوها كامليا / لا يا خالتي بس انتي لما بتعملي لازم توزعي علي العيله كلها بتتعبي نفسكي وفي الآخر بردو بيجيبوا في سيرتك سعدية / اللي يتكلم يتكلم اني بعمل الواجب والأصول كامليا / هي هنادي فين مش باينه يعني سعدية / تلاقيها قاعدة فوق السطح بتوكل الحمام كامليا / هي بنتك دي مش بتزهق من قعدة السطح دي سعديه/ زي ناس كده مش بتزهق من البص علي الطريق يوم الخميس العصر كامليا بخجل/ آه يا خالتي مش لازم اطمن سعدية/ اطمني يا اختي جاي بعد بكره كامليا / يجي بالسلامة هو عامل ايه سعديه بمكر/ تقصدي مين وائل ابني كامليا بخجل/ ايه يا خالتي انتي عايزاني أقولها بالمفتشر كده سعديه/ لا يا بت بتتكسفي قوي. ..حلو بيسلم عليكي كامليا / يسلم من كل شر ويجي بالسلامة سعدية / خلي ابوكي يشتري ليكي تليفون علشان تتكلموا براحتكوا كامليا / يا لهوي انتي عايزة ابويا يدبحني دا اني من يوم مخلصت الدبلوم مقعدني لا بشوف حد ولا بكلم حد كويس إنه بيخليني أجي عندكو تنزل هنادي من فوق كامليا بغمز/ كنتي بتعملي ايه فوق يالي تنشكي مش تيجي تساعدينا ولا المنظر فوق نساكي اللي وراكي هنادي/ طول عمرك السانك متبري منك ايه يا بت انتي عايزة مني ايه كامليا / شايفة يا خالتي بتشتمني ازاي سعديه / قربي يا هنادي ساعدينا علشان نخلص هنادي / انتي عارفه يا امه اني مش بعرف اعمل الفطير كامليا / تعالي بطي يا اختي وانا هعلمكي الباب يخبط سعديه / افتحي يا هنادي تلاقيه فتحي ابن عمكي جاي ياخد الفطيرتين بتوع ستكي هنادي بضيق تفتح لفتحي فتحي ببتسامة / مساء الخير علي ست البنات سعديه / ادخل يا فتحي خد الفطير أهو جنب الفرن بس حاسب علشان سخن يدخل فتحي / تسلم ايدك يا مرات عمي سعديه / ابقي ارجع علشان تاخد فطيرتين تدوقهم لامك فتحي/ طول عمرك كريمه يا مرات عمي وببتسامة ل كامليا/ ازيك يا ست البنات كامليا / الحمد لله يخرج فتحي وتغلق هنادي الباب بضيق كامليا / مش عارفة انتوا مستحملين الواد ده ازاي سعديه / ليه يا بنتي ماله كامليا / عينه زايغة مش بيسيب بنت في حالها سعديه / بكره يتجوز ويعقل ونظرت ل هنادي هنادي / اني هعمل العشا وانتوا بقي خلصوا علي مهلكو سعدية/ ماشي. ...وكلتي الحمام هنادي / لأ سعدية/ اومال كنتي بتعملي ايه ده كله فوق كامليا / كانت بتشم هوا يا خالتي أصلي الهوا فوق يرد الروح خبطتها هنادي في كتفها سعدية بغضب ل هنادي/ يعني مش كفايه مش بتمدي ايديكي في حاجة وكمان مش سايبها تخلص اللي في ايدها هنادي / اني قايمه اشوف ورايا ايه كامليا / هي مالها يا خالتي حد مزعلها سعديه / أبوها مش عايزها تدخل ثانوي وهي حابه تكمل تعليمها كامليا/ ثانوي ايه ووجع قلب ايه تاخد دبلوم زيي وتقعد في البيت هي غاوية تعب ! ********************* الحلقة الثانية #دوارالعمدة #بوسي مصطفي ................. كامليا /انا هطلع اشوفها واجي أكمل معاكي سعدية /لأ خلاص انا خلصت مفيش غير الفطيرة دي هعملها واشوف الأكل اقعدي معاها وكلميها هي بردو بتسمع كلامك كامليا/ حاضر تطلع كامليا لهنادي اللي كانت بتنضف غرفتها كامليا واقفة علي الباب ببتسامة /أدخل يا هنادي ولا مش عايزة حد يقطع عليكي خلوتك هنادي بحزن/ ادخلي يا كامليا تدخل كامليا /ايه يا بت مالك ايه اللي مزعلك هنادي /ابويا مش عايزني ادخل ثانوية عامه وعايزني اخد دبلوم واقعد في البيت كامليا / هو اللي مزعلك طب ودي فيها أيه يعني يااختي هتشغلي قوي شايفة الشغل مقطع بعضه ماانتي عارفة حال البلد هنادي/ بس انا مش عايزة اخد دبلوم واقعد في البيت استني عريس الغفله كامليا/ يابت دي احلي في الدنيا لما الواحده تتلم هي واللي بتحبه في بيت واحد هنادي/ خليكي يااختي في أحلام الجواز بقالك تلات سنين بتقولي نفس الكلام كامليا / هو وائل متكلمش مع ابوكي في حاجة هنادي بمكر/لأ بس هو بيلمح بقالوا كام أسبوع علي موضوع الجواز وكمان امي كل مايجي من مصر تقعد تقوله ياما نفسي اجوزك واشوف عيالك بيتنططوا حواليه تبتسم كامليا بخجل ...... بالأسفل سعدية بدهشة / ايه يا حبيبي اللي جايبك النهاردة مش اجازتك وائل / ايه يامه مكنتيش عايزة تشوفيني ولا ايه سعدية/ لا يا ضنايا ازاي بس دا نفسي تقعد معايا علي طول بس هنعمل ايه بقي أكل العيش عايز كده وائل / اومال ابويا وهنادي فين سعدية/ أبوك في الغيط وهنادي فوق هي وكامليا وائل /عامله غدا ايه النهاردة سعدية/ كل الفطيرة دي بحتة جبنه وهروح دلوقتي ادبحلك جوز فراخ هيستوي علي طول. تنزل هنادي وكامليا تتفاجأ كامليا ب وائل هنادي تحتضن وائل / إيه اللي جايبك النهاردة وائل / وحشتوني قولت أي اشوفكو ...ازيك يا كامليا كامليا /الحمد لله. ..تسلم يا ابن خالتي من كل شر سعديه بتنضف الفراخ تقرب كامليا منها /'هساعدك ياخالتي سعدية/لا يابنتي انتي تعبتي معايا النهاردة اقعدي استريحي كامليا/ ليه يعني ياخالتي هو انا عملت ايه طب هولع علي الحله لما تخلصي الفراخ سعدية /ماشي يابنتي خايفة لتتاخري علي أمك كامليا/ حطيت الحله علي النار فين الرز بقي علشان اعمله وائل /أنا هطلع رايح شوية ياامه سعديه / طيب ياابني ناملك شوية اكون خلصت الأكل قشري البطاطس ياهنادي علشان اعملها في الفرن كامليا /هو وائل ماله ياخالتي شكله متغير سعدية/'معرفش يابنتي جيته فجأة قلقاني خايفة يكون اتخانق مع صاحب المصنع ماانتي عارفه وائل حمقي شوية كامليا/ طيب ياخالتي انا وطيت علي الرز همشي انا بقي سعدية/ تمشي من غير متاكلي كامليا/ أكل ايه انتي عايزةامي تضربني سعدية/"طيب خدي فطيرة لامك وسلميلي عليها وعدي في طريقك علي خالتك ثناء اديها الفطير ده الواد فتحي راح ومرجعش تاني كامليا/ حاضر ياخالتي فتوكو بعافية سعدية / شهلي يا هنادي ابوكي زمانه جاي من الغيط ..................... في منزل آخر وهو منزل العمده الذي يختلف كثيراً عن منزل كامل الفلاح البسيط المنزل به خمس طوابق الطابق الأول / للضيوف ومكان مخصص لإعداد الطعام الطابق الثاني / عبارة عن شقة كبيرة تحتوي علي غرفة للعمدة وزوجته وغرفة لبنات العمده المتزوجات وغرفة لابنته الصغرى الغير متزوجة وغرفة لطارق ابن العمدة طارق (مدرس انجليزي في احدي المدارس الخاصة بالقاهرة يأتي الجمعه والسبت من كل اسبوع) الطابق الثالث / شقة محسن متزوج من ابنة عمه الطابق الرابع/ شقة سعيد الابن الأوسط (متزوج) الطابق الخامس /'شقة طارق (غير متزوج) علي السفرة يجتمع العمده حامد مع أولاده محسن وسعيد ونرمين وزوجته الحاجة أمينه العمده يرفع كم جلبابه لياكل / ............ ويأكل حامد لمحسن الابن الأكبر /هو طارق اخوك متصلش بيك النهاردة محسن/ لا ياحاج عايز منه حاجة اقولهاله لما يتصل حامد/ لا ياابني انا كنت بطمن عليه مجاش الأسبوع اللي فات متعرفش هيجي الاسبوع ده ولا ايه محسن/ مش عارف أمينه الام/ متسيبوا ياحاج براحته هو يعني هيجي طل أسبوع المسافة بعيدة عليه وبيجي تعبان ويقضي الأجازة كلها نوم سعيد / أهو لما يجي كل أسبوعين كده احسنله هيبقى مستريح شوق زوجة محسن / علي فكرة يامه الحاجة البت سعاد خدت الزبدة النهاردة من غير متديني ولا جنيه وقالت لما تبيعها هتجيب الفلوس الحاجة أمينه / معلش يابنتي أهي بت غلبانه بتجري علي كوم عيال وجوزها صحته علي قده سعيد/ واحنا مالنا احنا فاتحينها سبيل العمده حامد/ هي البت خدت الزبدة من غير فلوس هي قالت هتبيعها وتجيب فلوسها محسن /أهو قلبك الطيب دا يا حاج اللي مطمع الناس فينا وياريت عينهم شبعانه لأ كل ماتديهم يطلبوا اكتر هدى زوجة سعيد / انا هطلع انام تصبحو على خير سعيد / وانا كمان تصبحو علي خير نرمين الابنه الصغري/ كنت عايزة اروح مع طارق مصر لما يجي الاجازة الجايه اشتري لبس ليه من هناك ياابه العمده حامد/ اشمعنه مصر يا بنتي متروحي اي محل هنا واهو المحلات كتير نرمين/بيقولوا اللبس حلو قوي في مصر ياابه شوق زوجة محسن بضيق / وانا كمان يا محسن كنت عايزة اشتري هدوم ليه وللعيال هبقي اروح مع نرمين نرمين بضيق/ تيجي معايا طب انا هبات مع اخويا انتي هتباتي فين يا شوق محسن/ نرمين معاها حق يا شوق ميصحش يعني شوق/ ماشي يا ابو عيالي ما هو انا كده كل مطلب منك حاجة تحجج علي العموم تصبحو علي خير نرمين/ انا مش عارفة مرات غيرانه منى ليه كل مااطلب حاجة أو أعوز حاجة تقلدني العمده حامد / عيب يا بنتي كده نرمين/ ماانا ياابه مش فاهمه يعني هي مش من سني علشان الغيرة دي الحاجة أمينه / عيب يا نرمين وقومي نادي رسميه تيجي تشيل الأكل يقوم العمده ومحسن يغسلوا ايدهم وتطلع نرمين غرفتها يقعد العمده في مكان في المنزل مخصص ليه ولاهل بيته الحاجة امينه/ انا بقول ياحاج ندور لطارق علي عروسة محسن / ههههه تدوروا تلاقيه دلوقتي دور واتفق كمان الحاجة أمينه / ليه هو قالك حاجة محسن/ لأ بس يعني انا بقول بقالوا كام سنه في مصر اكيد يعني حب واحده هناك الحاجة أمينه / لأ. ..بنات مصر لأ العمدة حامد / القلب ومايريد يا أمينه هو انتي اللي هتختاري أمينه / ايوه انا اللي هختار زي مااخترت لمحسن وسعيد محسن يحاول يداري ضيقة / وزين مااخترتي ياامه الحاجة امينه/ شوق وهدي بنات حلال ميتخيروش عن اخواتك البنات أدب وأخلاق وبنات أصول ------------------------------ في منزل كامل وائل يقوم من على الطبليه / الحمد لله سعدية/ كمل أكلك ياابني الأكل قدامك زي ماهو وائل /كلت ياامه كامل/ مالك يا ابني في حاجة عايز تقولها وائل / هو في موضوع كده عايز افتحكوا فيه بس شوية لما هنادي تخلص أكل وتقوم تعمللنا الشاي هنادي/'انا أكلت. ..الحمد لله كامل/ تعالى معايا جوه نتكلم سعديه/ وانا هشيل الأكل واحصلكوا كامل يدخل الغرفة / أدخل باابني وقولي مخبي ايه عني وائل /بصراحة كده يابابا انا نويت اتجوز كامل/ههههههههه حلوه بابا دي ومين بقي العروسة تدخل سعدية بفرحة / ياالف نهار ابيض ازغرط ولا ابل الشربات كامل/ متستني نشوف مين العروسة الأول سعدية/ العروسة معروفة هو في غيرها وائل / بس انتي متعرفهاش ياامه سعدية بفزع/ يعني ايه ياابني وائل / يعني مش اللي في بالك سعدية بغضب/ وبنت حالتك اللي موقف حالها اكتر من خمس سنين وائل / انا مقولتش ليها متتجوزش سعدية/'كامليا كانت بترفض كل العرسان اللي اتقدملوها علشانك كامل/ بس دا يبقي غدر ياابني سعدية/ آه وانت عارف إن الغدر مصيبه وائل / انا لا كتبت كتابها ولا حتي لبستها دبله سعدية/ والبت ياحبة عيني زي اللي قلبها حاسس عماله تسألني عليك طول النهار ومسبتنيش قعدت تعمل معايا الأكل ومعشمه فيك وفي الآخر تغدر بيها وائل / بس انا بحب واحده ووعدتها بالجواز سعدية/ ومين بقي المحروسة وائل / بنت صاحب المصنع اللي شغال فيه سعدية تصرخ / يالهوي وكمان من مصر وائل / ومالهم بنات مصر ياامه سعدية/ ملهمش يا ضنايا بس اللي من مصر دي هتيجي تعيش في الفلاحين ولا تقعد يوم والتاني وبعدها تقولك انا مش طايقة العيشة هنا يا وائل من الدبان والناموس وصوت الضفادع باليل كامل/ أمك معاها حق ياابني وائل / ومين قاللكو انها هتعيش هنا سعدية/ ايه هتشتريلها شقة في مصر منين ياضنايا ولا هي اللي هتصرف عليك من فلوس أبوها يا باشمهندس كامل/ بلاش منها الجوازة دي ياابني وائل / انا اتفقت مع أبوها وهو شرطة انكو تكونوا موافقين وتحضروا معايا الخطوبة كامل/ انت مرتب بقي لكل حاجة وجاي تاخد رأينا في ايه سعدية / انا هطلع انام قبل ميحصلي حاجة كامل/ استني ياام هنادي خديني معاكي ................ في الصباح في منزل كامل تخبط كامليا علي الباب تنزل هنادي تفتح كامليا ببتسامة / ايه يابت دا كله نوم هنادي/ قولى صباح الخير الأول كامليا تدخل وتنظر للغرف / صباح الخير يااختي تقرب من ودن هنادي/ هو وائل صحي ولا لسه هنادي /سمعت امي الصبح بدري بتصحيه وبتقوله لما تصحي روح لابوك علي الغيط كامليا / اومال فين أمك هنادي/ نايمه كامليا/ مش عوايدها يعني بقولك ايه متيجي نمشي رجلينا لحد الغيط هنادي بمكر / الجو حر النهاردة كامليا / احنا لسه الصبح تعالي نشم شوية هوا تدخل هنادي لعدة هنادي/ أمه أما رايح انا وكامليا الغيط مش عايزة مني حاجة سعدية/ خدي شاي وقزازة مياه معاكي هنادي / حاضر ...... في الطريق لأرض كامل تقابل هنادي وكامليا مروه صاحبة هنادي مروة/ ازيك يا هنادي محدش شافك من آخر يوم في الإمتحانات هنادي/ أهو قاعدة في البيت انتي عامله ايه مروة/ بخير. ..ازيك يا كامليا كامليا/ ازيك يا مروة انتي اتخطبتي الف مبروك مروة/ آه اتخطبت لابن عمي وفرحي بعد شهر هنادي /والمدرسة؟!...انتي مش ناويه تكملي مروة/ ابويا قالي كفاية كده المهم انك بتعرفي تقري وتكتبي علشان تعلمي عيالك هنادي / وابن عمك واخد ايه مروة/ مدخلش مدارس هنادي/ وايه اللي غاصبك علي كده تقرصها كامليا / مش يلا بينا احنا الشاي هيبرد هنادي /الف مبروك يا مروة ابقي اعزمينا علي الفرح مروة/ حاضر يا حبيبتي عقبالك يكملوا طريقهم هنادي/ ايه يا بت الغباء ده حد يقرص كده كامليا/ علشان تحاسبي علي كلامك مالنا احنا تتجوز متعلم ولا مبيفكش الخط خليكي في نفسك يقرب وائل منهم ببتسامة / تعبين نفسكو ليه كامليا ببتسامة/ تعبك راحة يا ابن خالتي هنادي بغمز/ هروح اشوف ابويا بيعمل ايه في الأرض كامليا / عامل ايه يا وائل وائل / كويس كامليا/ مقولتش يعني إنك جاي وائل /أصلي جاي وماشي علي طول كامليا/ ابه؟!...دي امي عزماك علي الغدا واءل/ مش هينفع انا ماشي آخر النهار كامليا /شكلك متغير في ايه وائل / بصراحة الشغل مش جايب همه ولو فضلت كده مش هعرف اتجوز كامليا / ولا يهمك انا راضيه لو حتي اوضة وصاله انا موافقة وائل بضيق/ كامليا مش هينفع انا تقاطعه كامليا/ خلاص مش عايزة بيت هعيش مع خالتي هي بردو زي امي وهشيلها جوه عنيه وائل / كامليا اسمعيني أنا ظروفي متسمحش كامليا / اقولك مش عايزة لا شبكة ولا حتي اوضة نوم هعيش في بيتك زي ماهو وائل /بصراحة أنا خطب الاسبوع الجاي كامليا بفرحة / يعني خلاص نويت أخيرا وائل / هتصل بجوز خالتي اعزمه ولازم تيجي معاهم كامليا / أجي. .أجي فين وائل / كامليا أنا عايزك تفهميني أنا مش هقدر اتجوز كامليا برعشة في صوتها/ بس هتقدر تتجوز غيري صح وائل /يا بنت الناس أما مش عايز اظلمك معايا كامليا بدموع/ ياااااااه كل دا ومش ظلمتني وائل / ربنا يسعدك. ...مع واحد يقدرك ويصوم كامليا / شكراً ياابن خالتي علي الدعوة الحلوه ديه هنادي تقرب منهم / ابويا قشر كام كوز درة تعالى ولع بقى علشان نشويهم يا وائل تتركهم كامليا وتذهب هنادي /استني يا كامليا بت استني مالك كامليا تسرع في خطواتها وتذهب هنادي / في ايه يا وائل كامليا مالها انت زعلتها وائل / انا مروح علشان اغير هدومي وارجع مصر ........................ في منزل علي والد كامليا علي /'شهلي يا صفية شوية الانفار في الغيط عايزين يفطروا صفيه / خلاص خلصت تعالي شيل الصنيه علي /هي كامليا فين مش سامع ليها صوت صفيه/ راحت عند هنادي علي / انا مش منبه عليكي قبل كده لما يكون ابن اختك هناك مترحش صفيه/ هي يعني بتقعد معاه هي مبترحش غير علشان هنادي علي/ وانامقولتش حاجة بس هما هيفكروا إننا بعتينها علشان ابنهم هناك وخصوصاً إنه متكلم عليها يعني ميصحش تنظر صفيه ناحية الباب / أهي جات اهه علي / مالك يابنتي انتي معيطة كامليا / لا ياابه دول شوية تراب دخلوا في عيني صفيه بمزح / ههههههههه ليه كنتي بتلعبي انتي وهنادي في الشارع قربي تعالي لقمي الشاي علشان ابوكي ياخده مع فطور الرجاله كامليا / مش قادرة ياامه اني تعبانه علي/ سبيها يا صفية واعمليه انتي وتعالى يا كامليا قوليلي مالك الموضوع مش تراب دخل في عينك