- هو يعني ايه: اللهم "صلِّ" على النبي؟ هو ربنا بيصلي إزاي؟! = صلاة ربنا على النبي يعني يذكره بالثناء والتعظيم للملائكة ويمدح فيه ويعرفهم قد ايه هو بيحبه وغالي عنده .. - طيب النبي ﷺ قال: مَن صلّى عليَّ صلاة، صلّى عليه الله عشر صلوات ده ازاي؟؟ = يعني مثلا لما حد بيقول: اللهم صلَّ على النبي ربنا هيصلي عليه عشرة أضعاف.. هيذكره بالاسم للملائكة، ويمن عليه بالرحمة، ورحمته باختصار إنه يكتبله التوفيق في الدنيا، والجنة ونعيمها في الآخرة، وياما ناس وسطينا دلوقت إسمها بيذكره ربنا عشره وعشرين ومليون مره لأهل السماء لدرجة إنهم حفظوه، ومن هنا خرجت المقولة الشهيرة: "فكم من مشهورٍ في الأرض مجهول في السماء، وكم من مجهولٍ في الارض مشهورًا في السماء". 🕊️♥️ اللهُم اجعلنا منهم.