#مهم حابه اتكلم في حاجة مضيقاني منتشرة بين بعض البنات ممن يحسبون على المنتقبات، و معلش هو البوست طويل شوية بس استحملوني.. هو يعني إيه بنت المفروض أنها منتقبة تقعد توصف في نفسها، طول شعرها، و لون بشرتها، و جمال عيونها، و لبسها ف البيت إلى آخر هذا العك لا بجد ازاي يعني..!! حضرتك المفروض إنك لبستي النقاب علشان "تخفي ما يستحق إخفائه، ليراه من يجب أن يراه" فين بقى إخفاء ما يجب إخفائه..! ده الموضوع بقى مشاع و لا كأنها جمعية تعاونية.. 🙂 إيه الهدف من بيان كل ده مش فاهمة!! عايزه تثبتِ إيه؟ و لمين؟! هو الناس مش فاهمة يعني إن البنت المنتقبة زيها زي أي بنت طبيعية، بتعمل كل ما من شأنه يخص البنات بس الفرق إن ليها حدود و عارفه أمته تظهر زينتها و أمته تخفيها، و لا احنا كائنات فضائية..!! و طبعا أنتِ شغالة وصف في نفسك و سايبه كل واحد لخياله، يعني سترتي نفسك عن الل حواليكِ في الواقع، و كشفتيها لل حواليكِ في المواقع.. أنتِ عاقلة يا بنتي!! لو أنتِ مش فاهمة يعني إيه نقاب فراجعي نفسك "النقاب مش ترند" لبستيه تلتزمي به كما يجب.. و في النهاية نفسيًا بقى البنت الل تقعد تتكلم عن نفسها كتير وتحاول تظهر نفسها بإنها الل مفيش منها و ملكة جمال بيتهم و العائلة و العائلات المجاورة، غالبا بتكون عندها عقدة نقص في الشيء ده و بتحاول تعوضه بالل بتعمله، لأن الل عارفة قيمة نفسها كويس مبتعملش من نفسها مادة للعرض سواء بكلام كتير عن نفسها أو صورها الل عامله ليها معرض على الميديا.. الله يهدي البنات و يصلحها والله..