《مبحبش أنشر البوستات اللي من النوع ده، بس هذكر سبب نشر المشكلة دي بالذات في هذا المنشور، والرجاء قراءته بهدوء وجدية!》 امبارح عملت ستوري انستجرام عبارة عن أسئلة الشباب بيسألوها وأنا بجاوب عليها، فقرة بعملها كل أسبوع تقريبا، لكن جه سؤال بصراحة مش عارف أتجاوزه بسهولة من امبارح، مش لأنه جديد ولكن لأن فيه تفصيلة غاية في الخطورة بعتت بنت الرسالة نصا كالتالي: أنا فرحي قرّب وفقدت عذريتي ومش عارفة أعمل ايه، كان عندي ((١٤ سنة)) ومكنتش أعرف يعني ايه حتى عذرية، ضحك عليا بكلام الحب وكنت مفتقدة الحنان من أهلي وفضلت كتير أتعالج من الشخص ده لأنه دمرني ولحد دلوقت مش عارفة أعمل إيه، أنا تبت لربنا وندمت والله.. ولحد دلوقتي مش مصدقة أني مبقتش بنت.. أعمل ايه يدكتور انجدني؟؟ الرسالة دي مش أول مرة أشوفها، بتتبعت باستمرار من أشخاص مختلفة لكن المرادي اللي خلاني أعرضها هو اللي بين القوسين ، أنها ((١٤ سنة)) .. عشان اخوانا بتوع زواج القاصرات ولسه بدري يتفرجوا أن الزنا والعلاقة الجنسية بتحصل اهو في السن ده بدون ما البنت تموت، لا وايه، عندها ١٤ سنة وسبحان الله مكانتش صغيرة ولا حاجة أنها تقع في زنا وتكرره، لكن زواج؟؟ هنهرج ولا ايه، لسه صغيرة بقولك ١- أنا مشفق جدا على حال الأخت لأن من كلامها باين أنها كانت ساذجة ووقعت في هذا جهلا وليس قصدا وعمدا، وحقيقي الله يتولاها ويغفر لها ويقبلها ويسترها ونساء المسلمين جميعا يارب، رجاء ندعيلها لأن دي متستاهلش حاليا إلا الدعاء بالستر وقبول التوبة طالما كانت جاهلة وندمت وتابت، لا تكونوا عونا للشيطان على أختكم. ٢- يريت الأهالي تاخد بالها أن الحرمان العاطفي والجفاف النفسي والقسوة بتكون دافع قوي جدا للبنت أنها تنجرف في قصص كلها عك وبلاوي قد تصل للي حضراتكم قريتوه فوق ده، يريت نحاوط عيالنا بالحب والأمان قدر الممكن، ونساعدهم عشان الفتن بتعصف بالكل عصفا لا يعلمه إلا الله، وربنا يسترنا. ٣- يريت نبطل حرق في أسطوانة صغر السن المشروخة، العيال كل يوم تقع في الكبائر وقسما بالله فيه بلاوي ما عاوز أحكيها لأني مبحبش نشر الحاجات دي لأنها محبطة للغاية، رجاء يا جماعة نفهم أن صغر السن مش معيق للزواج، المعيق الوحييييد هو (عدم الأهلية) واللي حله أننا نعلم ولادنا وبناتنا المسئولية ونربيهم ليكونوا آباء وأمهات الغد، ونشتركلهم في دورات تأهيل للزواج زي ما بنوديهم دروس علوم ودراسات وكيميا وجولوجيا، متسمعش للفيمنست والناس اللي مش هينفعوك وقت الكارثة، والله العيال مسحولييييين في الفتن والمحرمات والكبائر ونحن لا نعلم، ساعدوا عيالكم مساعدة حقيقية تقابلوا بيها ربنا لأن كل والد مسئول عن أولاده أمام الله ٤- أي حد في علاقة محرمة يعرف أن دي نتيجة حتمية، إما حضرتك تخسري نفسك ودينك وقلبك وشرفك، أو أقل ما فيها تخسري حيائك وقلبك وحياتك تبوظ وتفقدي الأمل في الحياة، وللشباب يريت يرجالة نكون رجالة، لو القصة شديدة عليك استرجل وانزل اشتغل واسعى وهات اي فلوس ودوّر على العفة، لكن تخش ف علاقة مع واحدة تعمل فيها وف نفسك كده، والله والله والله هتندم ندم هتبكيه دم مش دموع، وبكره أفكرك! الحياة صعبة يريت منصعبهاش أكتر يريت نعلّم ولادنا وبناتنا قيمة الشرف والمروءة، يريت نعلمهم أن الحياة مليانة خسة وندالة ووجع وسوء، يريت ناخد الطرق الصح لتحقيق المتعة الحلال، يريت لو هنغلط نغلط لوحدنا في جنب، ونبطل نشارك الناس معانا ف الغلط لأن ده كارثة وبلوة فاتورتها كبيرة ومش هتعرف ده إلا لما تدفعها، ويريت يريت يريت نوقف علاقات محرمة عشان دي (النهاية التي تنتظرك). اللهم استرنا .. اللهم استرنا .. اللهم استرنا اللهم اهدنا واهدِ بنا واجعلنا يا رب سببا لمن اهتدى #الساخر_الهادف