هــــيـــرويــــن 𓂀
January 18, 2025 at 03:06 PM
أمي دايما كل ما اقولها ادعيلي كانت تقولي روح ربنا ما يحوج قلبك لحد ..
فضلت فترة أسمع الدعوة دي ومكنتش فاهمها أوى ف رديت عليها في مرة بقولها يعنى بدل ما تقوليلي روح يبني ربنا يفتحها في وشك !؟
لقيتها بتقولي رد لغاية دلوقت مش عارف انساه ( مفيش حاجة أسوأ من حوجة القلب يبنى ) انك تفضل مكمل ورا قلبك مع شخص مش بيحبك ولا مقدرك انك تفضل تيجي على نفسك وتسمع كلام يسم البدن علشان مش عارف تستغنى عنه ، إن يوصل بيك الحال انه يعاقبك بغيابه لمجرد انك مش عارف تستغنى ، حوجة القلوب صعبة يبني ربنا ما يكتبها عليك ، ولو ف يوم مشيت ورا حوجة قلبك إخسر العلاقة دي ف وقتها وصدقني هيكون لسه عندك طاقة انك تقف على رجلك أحسن ما تعيش في نار سنين وبرضو هتخسرها في الآخر ، ووقتها هتبقى طاقتك خلصت ومش هتقدر تساعد نفسك ، لإنك ببساطة هتكون إنتهيت 🚶🏻
❤️
💔
❤🩹
😢
♥️
👍
😭
🥺
👌
🖤
143