📌 *قرار ترامب بوقف المنح الدراسية من وكالة التنمية الأمريكية (USAID) للطلاب المصريين ضمن ضغوط سياسية على مصر‼️* *هحكيلك الموضوع من الأول كان واضح إنه ضغط سياسي مش أكتر وترامب بيحاول يلوّي دراع مصر عشان تقبل تهجير الفلسطينيين هو شايف إن مصر بتاخد مساعدات فبدأ يلمّح إنها لازم تنفذ اللي هو عايزه لكن مصر ردّت بشكل حاسم وقالت "لأ" كبيرة* ◀️ *بعد كده فجأة طلع قرار ترامب بــ وقوف المساعدات والمنح اللي بتقدمها الوكالة الأمريكية (USAID) واللي بتستفيد منها جامعات زي الجامعة الأمريكية، زويل، الجلالة وبرنامج Tomorrow’s Leaders اللي بيدعم الطلبة المتفوقين* *الموضوع صادم لأن الطلبة دول تعبوا سنين عشان يوصلوا للمنح دي وفجأة حياتهم التعليمية وقفت على الهوا لمجرد قرار سياسي في ناس ماقدمتش في الجامعات الحكومية لأنها كانت ضامنة المنحة، وناس تانية هتضطر تدفع مصاريف ضخمة عشان تكمل* ◀️ *اللي حصل بعد كده إن الدولة ماوقفتش تتفرج وبدأت تتحرك بسرعة وفعلاً الحكومة والمجلس الأعلى للجامعات أعلنوا إنهم هيتكفلوا بمصاريف الطلبة المتضررين وبدأت جامعات زي عين شمس تاخد خطوات عملية لحل الأزمة* *الخلاصة؟ ترامب كان فاكر إنه بالقرار ده هيضغط على مصر، لكن الدولة أثبتت إنها مش هتسيب ولادها، وإن السياسة عمرها ما هتبقى على حساب الطلبة وتعليمهم♥️*