ألفاظ حرام مينفعش نقولها : 1- " اللّٰه يخربيتك " معناها اللّٰه يخرب بيتك مش للهزار يعني "اللّٰه يقرفك " الكلمات فيها إهانة للّٰه عز وجل لأن ربنا مش بيقرف حد ولا بيخرب بيت حد تعالى اللّٰه عزّ وجلّ عن ذلك علوا كبيرًا 2- " ربنا يخليك " معناها ربنا يتخلى عنك لأن يخلي جاية من التخلية والخلو بمعنى الترك والاستغناء فانت مش بتدعى ليه لأ 3- " إن شاء اللّٰه تعدمني " أو تقبرني معناها تضعني فى القبر مش للحب والهزار خالص على فكرة 4- " نوم الظالم عبادة " هي مش عبادة هي راحة من شره ومفيش آية أو حديث أو نص شرعي يقول إنها عبادة 5- " ده يوم أسود " أو " وقت زبالة " أو " زمن غدار " إن كان قصدك على الزمن نفسه فده حرام بالإجماع لأن كل اللي فى الزمن من صنع اللّٰه فمن سبَّ الزمن فقد سبَّ اللّٰه في الحديث القدسى يقول اللّٰه تعالى " يؤذيني ابن أدم يسب الدهر وأنا الدهر بيدي الأمر ،أقلب الليل والنهار" رواه مسلم 6- " دا احنا زارنا النبي " بتقولها لما يجيلك ضيف وانت عاوز ترفع من قدره مش عاوز اصدمك وأقولك إنه النبي مات ومش هيجي يزورك ومش عاوز اصدمك أكتر واقولك إنك كذبت حتى لو لم تقصد الكذب 7- " كتر خير الدنيا " بتقولها لما حد يزورك و يسألك عن حالك وانت مريض الدنيا لا يتوجه أحد لها بالشكر والعبادة بل يتوجه لله وفقط " قل إن الفضل بيد اللّٰه " مش بيد الدنيا 8- " نايم جوا بياكل رز مع الملائكة " جملة غلط 100% لأن الملائكة منزهون عن الأعراض البشرية كالأكل والشرب والنوم الخ ... قال تعالى " يسبحون الليل والنهار لا يفترون " 9- " قال رسول اللّٰه (ص) ايه ( ص ) دي عاوز أفهم ؟ عاوز تكتب حديث يبقى تكتبها كاملة " صلى اللّٰه عليه وسلم " على الأقل تاخد ثواب اللي هيقراها كاملة بسببك 10- " اسم النبى حارسك وصاينك " لا هو اللّٰه الحارس والحافظ مش اسم النبي 11- " لا حياء فى الدين " هو الدين كله حياء والصح إنك تقول " لا حياء فى العلم " 12- " عملت اللي عليا والباقي على ربنا " كأن ربنا شريك ليك عليك جزء وهو عليه جزء وحاشا للّٰه ذلك الأفضل أن تقول عملت اللي عليا والتوفيق من اللّٰه أو الأمر كله للّٰه قال ﷺ :" إن الرجل ليتكلم بالكلمة لا يرى بها بأسا يهوي بها سبعين خريفا في النار " . مهم جداً نشر ذلك لأن الأغلبية ميعرفوش انهُ الفاظ دي لا تجوز وحرام والدال ع الخير كفاعله .