– ممكن تلعب في شعري شوية لحد ما انام = عنيا يا روحي ، ها احكيلي عملتي ايه النهاردة – مفيش يا سيدي ماما كلمتني بتقولي انتي ازاي متسلميش علي خطيبة اخوكي لما شوفتيها ف السوق ، قولتلها والله ياماما انتي عارفه انها مش بتنزلي من زور . = وبعدين – بس وشدينا مع بعض وقفلنا ، المهم سيبك و قولي ايه رايك في الاوت فت النهاردة مش بزمتك انت متجوز مزه ، انا مش عارفه انت كنت هتاخد ايه ف حياتك احلى مني ، يالا بوس ايدك وش وضهر.. = لا ولله ده غرور ده بقى؟ – طبعاً يابني ، عارف مايهداليش بال الا لو نكشتك كده وخرجت اسوء ما فيك ، بس انا متاكده اني عندك غير وانك بتموت ف دباديبي زي ما حماتي القمر بتقول .. ابقى فكرني اسأل ماما يعني ايه دباديبي دي = حاضر حاضر هفكرك وابقى فكرني برضه ابوسك علي عينك وعلي ايدك اول ما اصحى ، وابوسك علي ودانك عشان مبتبطلش تسمعني. ابقى فكرني كل شوية انك بتحبني وهتفضل تحبني ، انا محتاجة اطمن دايما .. وحبني على طول وخلي ايدك على شعري لحد ما اروح فـ النوم ، يالا تصبح على خير