قال رسول الله صلى الله عليه وسلم 🌹♥️ (كل بن آدم خطاء، و خير الخطائين التوابين) 🌹 كلنا بنغلط و كلنا لينا ذنوب مفيش حد مبيغلطش لولا ستر ربنا علينا مكانش حد فينا رضى حتى يسلم على التانى من الذنوب😓 فأنت متيأسيش من نفسك بالعكس كون ان انت ربنا فتحلك مجال خير تقدرى تساعدى فيه غيرك فدى حاجه كويسة جدا و معناها ان ربنا بيحبك و عاوز يغفرلك🥹♥️ فاستعينى بالله و ارجعى و توبى و استغفرى و مهما تقعى عافرى و ارجعى تانى🌹♥️ الكلية و حياتك طبيعى تحسى بالخنقة طول ما انت حاسة بالذنب و عمالة تكسرى فى نفسك♥️ انا اتعلمت فى حياتى ان الطريقة اللى الانسان يسيب بيها الذنب هى بانك تتعامل مع نفسك بحنيه و انك تجاهد نفسك و ترغبها فى الجنه و متيأسهاش من رحمة ربنا و انك تقتنع ان كلنا بنغلط و ان ربنا بيحبنا لما بنتوب🌹♥️ مش انك تكسر نفسك و تهدمها الطريق ده مش بيخليكى تسيبى الذنب🥺 الطريقة دى بتخليكى تحسى بالذنب اكتر و تضعفى و الشيطان يتمكن منك زيادة فتقعى اكتر و تنهزمى😓 فبلاش تكسرى نفسك و تقعدى تضيعيها قومى و ارجعى لربنا و عارفى و جاهدى نفسك🌹 و اعملى قعدة صلح مع ذاتك بجد والله مش بهزر♥️ شوفى نفسك اى اللى ناقصها فى حياتها بيخليها تعمل الذنب ده و حاولى تعوضيه او تكبحيه🌹 و قربى من ربنا و اعملى حسنات كتير اوى♥️ ده ربنا قال (ان الحسنات يذهبن السيئات) 🌹 فاوعى تيأسى من نفسك و ارجعى لربنا و انك بتحاوى تساعدى غيرك ده ميأثرش فيكى بالعكس ده يديكى القوة انك تطورى من نفسك و تصلحيها♥️ و مين فينا ملوش ذنوب يا حبيبتي ربنا يديم علينا ستره و يهدينا و يغفرلنا ذنوبنا♥️