關於電子書閱讀器： 昨日，我一嘢將Boox Air 2同Kobo Sage都賣晒。補咗少少錢，買咗 Kindle Scribe 2024。 ⠀ 我發現自己99%時間都係用Kindle嚟睇書，無論係手機、電腦，定係Kindle閱讀器。 ⠀ Boox同Sage都唔錯，但真係冇Kindle咁順手同方便。 ⠀ 最大問題係，我成日都會： • 用Sage睇A書 • 用Boox睇B書 • 用Kindle睇C書 結果，無一本可以專心讀晒。 ⠀ 依家有咗Kindle Scribe，希望可以專注啲，唔再三心兩意。 ⠀ 其實之前有諗過買Boox Note Air 4C或者Remarkable 2，因為有個鍵盤。 ⠀ 但最後發現鍵盤其實多餘，反而會阻住。第一，我基本上淨係用閱讀器嚟睇書；第二，閱讀器打字同寫作嘅體驗點都唔會好過iPad Pro配合原裝鍵盤。 ⠀ 最後都係打消咗個念頭，投入Kindle Scribe嘅懷抱。