🔴 بوحمرون والتلقيح ✌️ فإطار الحالة الوبائية بمرض الحصبة أو ما يسمى ب #بوحمرون# نايضة روينة والبلبلة على موضوع التلقيح ؛ ونقطة وحدة هي لي كتهم الناس فهادشي كامل وهي أشمن تلقيح هذا غيديرو لوليداتنا كولشي خايف كولشي مخرج إشاعات لا أساس لها من الصحة وهادشي واقع من مور كوڤيد ( كورونا ) بنادم مابقاش كيتيق فالپيرصونيل دالصحة والتلقيح الموضوع وما فيه ففترة كورونا كان الحجر الصحي وبنادم ماكيخرجش وتراجعات نسبة التلقيح مما أدى إلى تزايد فنسبة بزاف ديال الأمراض بحال شلل الاطفال والدفتيريا والحصبة ( بوحمرون) ، ونظرا لسرعة انتشار الڤيروس لي مسؤول على هاد بوحمرون واقعة جائحة بسببها توفات اكثر من 128 حالة فالمغرب ، ولهذا غنعالجو المشكل من الأساس ديالو بالجلبة لي اصلا الناس كيديروها من 1987 ، ( بين 1987 و 2008 كانت جرعة وحدة ،ومن بعد تزادت جرعة ثانية ولاو الوليدات كيديرو جوج جرعات، الأولى ف 9 شهور والثانية ف عام ونصف ) ، كيجيب الولد او البنت الدفتر ديال التلقيح كنشوفو واش دايرهم بجوج الالا ،دايرهم مزيان ماغيجلب ماوالو خاصاه شي وحدة غيديرها سواء فالجلبة لي متعلقة ب بوحمرون الا جلبات الاخرين ديال الأمراض الأخرى كما قلنا ( الشلل والدفتيريا ..) وكنركزو هنا على ديال 5 سنوات حيت الأكثرية ديال الأباء كينساوها ( ماكاينة تاشي جلبة من مور عام ونص تال 5 سنوات هاد المدة كتخليهم ينساوها ) ، يعني هاد التلقيح ماعندو تاااا علاقة بكورونا ولا بالتلقيح ديالها ، هذا غي التلقيح القديم لي خدامين به من ديمااا عطيو دفاتر لولادكم ولي ماعارفش شي معلومة يسول الناس ديال الضومين لي عارفين ماشي فينما خرجات شي إشاعة كولشي تابعها بحال القطيع . * بالنسبة للناس لي موضرين لهم دفاتر كتمشيو للمركز الصحي فين كنتو كتجلبو لولادكم تماك تيكون الأرشيف فيه معلومات التلقيح ولي مالقاش هاد الارشيف لسبب أو لآخر والدفتر موضر فهاد الحالة الولد تيكون فحالة شك واش جالب الالا كيزيد واحد الجرعة ديال بوحمرون كوقاية فقط هادشي لي كتنص عليه منظمة الصحة العالمية. ♦️عن صفحة الممرضة المقتدرة بديعة بودلال ♦️