*سیکیورٹی فورسز نے قلات میں دہشت گردوں کا حملہ ناکام بنا دیا، دو دہشت گرد ہلاک* قلات سیکیورٹی فورسز نے قلات میں ایک دہشت گرد حملے کو بروقت کارروائی کرتے ہوئے ناکام بنا دیا، جس کے دوران دو دہشت گرد ہلاک ہوگئے۔ اس آپریشن کے نتیجے میں کسی سیکیورٹی اہلکار کو نقصان نہیں پہنچا۔ سرکاری ذرائع کے مطابق، دہشت گرد ایک اہم سیکیورٹی تنصیب کو نشانہ بنانے کی کوشش کر رہے تھے، تاہم فورسز کی مستعدی کے باعث ان کا منصوبہ ناکام بنا دیا گیا۔ علاقے کو کلیئر کر دیا گیا ہے، جبکہ مزید ممکنہ خطرات کے پیش نظر سرچ آپریشن جاری ہے۔