نمبر: بی آئی ای/پی آر/019/ 2025 تاریخ: 13 فروری 2025ء پریس ریلیز اعلیٰ ثانوی تعلیمی بورڈ کراچی نے چیئرمیں سید شرف علی شاہ کی ہدایت پر انٹرمیڈیٹ حصہ دوم (فریش اینڈ فیلیئر)اور حصہ اول و حصہ دوم باہم کے سالانہ امتحانات برائے 2025ء میں شرکت کے خواہشمند کامرس ریگولر، آرٹس ریگولر اور ڈپلومہ ان فزیکل ایجوکیشن کے سرکاری و نجی تعلیمی اداروں کے اہل اور خواہشمند ریگولر امیدواروں کیلئے امتحانی فارمز جمع کروانے کیلئے بروز بدھ 12 فروری 2025ء سے تاریخوں کا اعلان کردیا ہے۔ امتحانی فارمز انٹربورڈ کراچی کی آفیشل ویب سائٹ [email protected] سے ڈاؤن لوڈ کیے جاسکتے ہیں۔ انٹربورڈ کے جاری کردہ نوٹیفکیشن نمبرBIE/EG/26/2024 کے مطابق انٹرمیڈیٹ حصہ دوم (فریش) کے کامرس ریگولر، آرٹس ریگولر اور ڈپلومہ ان فزیکل ایجوکیشن گروپس کے سالانہ امتحانات برائے 2025 ء میں شرکت کے اہل گورنمنٹ کالجوں اور ہائر سیکنڈری اسکولوں کے ریگولر امیدوار امتحانی فارم بغیر کسی فیس کے بروز بدھ 12 فروری سے بروز پیر 17مارچ 2025 ء تک اپنے تعلیمی اداروں میں جمع کرواسکتے ہیں۔کالجز اور ہائیر سیکنڈری اسکولز یہ امتحانی فارمز لازمی طور پر بروز منگل 18مارچ سے بروز جمعرات 20مارچ 2025ء تک اپنے نمائندوں کے ذریعہ بورڈ آفس میں جمع کروانے کے پابند ہوں گے۔رواں سال بھی وزیراعلیٰ سندھ کی ہدایت کے مطابق تمام گورنمنٹ کالجز اور ہائر سیکنڈری اسکولوں کے ایسے طلباء کی امتحانی فیس معاف کردی گئی ہے جو پہلی دفعہ انٹرمیڈیٹ حصہ دوم کے امتحانات میں شرکت کررہے ہیں، گورنمنٹ تعلیمی اداروں کے طلباء بغیر کسی فیس کے امتحانی فارمز اپنے تعلیمی اداروں میں جمع کرواسکتے ہیں۔اسی طرح سرکاری کالجوں اور ہائر سیکنڈری اسکولوں کے انٹرمیڈیٹ حصہ دوم (فیلیئر) اور حصہ اول و دوم باہم کے کامرس ریگولر، آرٹس ریگولر اور ڈپلومہ ان فزیکل ایجوکیشن کے سالانہ امتحانات برائے 2025ء میں شرکت کے اہل امیدواراپنے امتحانی فارم بمع فیس بروز بدھ 12 فروری سے بروز پیر 3 مارچ 2025ء تک اپنے تعلیمی اداروں میں جمع کرواسکتے ہیں۔ کالجز اور ہائیر سیکنڈری اسکولز یہ امتحانی فارم اور فیسوں کے پے آرڈرز بروز بدھ 5مارچ 2025ء تک اپنے نمائندوں کے ذریعہ بورڈ آفس کے اکاؤنٹس سیکشن میں جمع کروانے کے پابند ہوں گے۔جو طلباء ناگزیر وجوہات کی بناء پر اپنے امتحانی فارم درج بالا تاریخوں میں جمع نہیں کرواسکیں وہ اپنے امتحانی فارم 500روپے لیٹ فیس کے ساتھ بروز منگل 4مارچ سے بروز پیر 10مارچ 2025ء تک جبکہ 1000روپے لیٹ فیس کے ساتھ بروز منگل 11مارچ سے بروز جمعرات 13مارچ 2025ء تک اپنے تعلیمی اداروں میں جمع کرواسکتے ہیں۔ انٹربورڈ کے جاری کردہ نوٹیفکیشن نمبرBIE/EG/27/2024 کے مطابق نجی کالجوں اور ہائر سیکنڈری اسکولوں کے کامرس ریگولر اور آرٹس ریگولر گروپس کے سالانہ امتحانات برائے 2025ء میں شرکت کے اہل ریگولر امیدوار اپنے امتحانی فارم بمع فیس بروز بدھ 12 فروری سے بروز پیر 3مارچ 2025 ء تک اپنے تعلیمی اداروں میں جمع کرواسکتے ہیں۔ تعلیمی ادارے امتحانی فارمز بمع فیسوں کے پے آرڈرز بروز بدھ 5مارچ 2025ء کو اپنے نمائندوں کے ذریعہ بورڈ آفس کے اکاؤنٹس سیکشن میں جمع کروانے کے پابند ہوں گے۔جو طلباء کسی ناگزیر وجہ سے اپنے امتحانی فارم درج بالا تاریخوں میں جمع نہیں کرواسکیں وہ اپنے امتحانی فارم 500روپے لیٹ فیس کے ساتھ بروز منگل 4مارچ سے بروز پیر 10مارچ 2025ء تک جبکہ 1000روپے لیٹ فیس کے ساتھ بروز منگل 11مارچ 2025 ء سے بروز جمعرات 13 مارچ 2025ء تک اپنے تعلیمی اداروں میں جمع کرواسکتے ہیں۔ نجی و سرکاری تعلیمی اداروں کو جمع کروائے جانے والے امتحانی فارمز کی مکمل فہرست بھی تعلیمی اداروں کے سربراہ کے دستخط کے ساتھ جمع کروانا ہوں گی۔