ہینڈ آؤٹ وفاقی وزیر داخلہ محسن نقوی کی عوامی جمہوریہ چین کے نئے سال کے آغاز پر چینی قیادت اورعوام کو مبارکباد۔ چین کے نئے سال کے آغاز پر چینی قیادت اور عوام کے لئے نیک خواہشات کا اظہار نیا سال بھی چین کے لئے مزید تیز رفتار ترقی اور خوشحالی کا سال ثابت ہو گا۔ کوئی بھی پاک چین دوستی کو زک نہیں پہنچا سکتا، محسن نقوی اسلام آباد:- وفاقی وزیر داخلہ محسن نقوی نے عوامی جمہوریہ چین کے نئے سال کے آغاز پر چینی قیادت اورعوام کو مبارکباد دی ہے۔ وزیر داخلہ محسن نقوی نے کہا کہ چین کے نئے سال کے آغاز پر چینی قیادت اور عوام کے لئے نیک خواہشات کااظہار کرتا ہوں، امید ہے کہ نیا سال بھی چین کے لئے مزید تیز رفتار ترقی اور خوشحالی کا سال ثابت ہو گا۔ انہوں نے کہا کہ نئے سال کے دوران چین پائیدار ترقی کی نئی منازل طے کرے گا، چین کی قیادت نے محنت، عزم اور جذبے کے ساتھ ترقی کی منزل حاصل کی۔ انہوں نے واضح کیا کہ چینی قوم نے اپنی عظیم لیڈرشپ میں غربت، بے روزگاری اور کرپشن کیخلاف کامیاب جدوجہد کی۔وفاقی وزیرداخلہ محسن نقوی نے اس بات پر زور دیا کہ چین پاکستان کاسب سے زیادہ با اعتماد دوست ہے، پاک چین دوستی پوری دنیا میں اپنی مثال آپ ہے۔ انہوں نے مزید کہا کہ کوئی بھی پاک چین دوستی کو زک نہیں پہنچا سکتا، پاک چین ناقابل تسخیر دوستی اور سٹریٹجک شراکت داری کو قدر کی نگاہ سے دیکھتے ہیں۔