وفاقی وزیر داخلہ محسن نقوی کی بیجنگ میں چینی ہم منصب سے ملاقات۔انٹیلیجنس شئیرنگ مزید بہتر بنانے پر اتفاق پیرا ملٹری فورسز کے لئے بارڈرز کو محفوظ کرنے کے لیے تعاون۔ پولیس اور پیرا ملٹری فورسزکی جدید ٹیکنالوجی کے حوالے سے تبادلہ خیال چین سے پولیس کے لئے جدید ٹیکنالوجی و آلات لیں گے۔ محسن نقوی۔چینی ہم منصب کو پاکستان کے دورے کی دعوت نیشنل پولیس اکیڈمی کے ساتھ تعاون پر بات چیت۔ بیجنگ پولیس اور اسلام آباد پولیس کے درمیان اشتراک کار بڑھانے کا فیصلہ۔ جوائنٹ ورکنگ گروپ کی جنوری میں ہونے والی مٹینگ پر اطمینان کا اظہار وفاقی وزیرداخلہ اور چینی ہم منصب کے درمیان ملاقات 2 گھنٹے طویل رہی بیجنگ: وفاقی وزیر داخلہ محسن نقوی نے آج بیجنگ میں چینی ہم منصب کیو ینجن QI Yanjun سے ملاقات کی۔ ملاقات میں انٹیلیجنس شئیرنگ کو مزید بہتر بنانے پر اتفاق کیا گیا۔ ملاقات میں پیرا ملٹری فورسز کے لئے بارڈرز کو محفوظ کرنے کے لیے تعاون پر بات چیت کی گئی۔ پولیس اور پیرا ملٹری فورسزکی جدید ٹیکنالوجی کے حوالے سے بھی گفتگو ہوئی اور پولیس کے لئے جدید آلات اور ٹیکنالوجی کے چین سے حصول کے حوالے سے تفصیلی تبادلہ خیال کیا گیا۔ وفاقی وزیرداخلہ محسن نقوی نے کہا کہ چین سے پولیس کے لئے جدید ٹیکنالوجی و آلات لیں گے۔ ملاقات میں نیشنل پولیس اکیڈمی کے ساتھ تعاون پر بات چیت کی گئی۔ ملاقات میں بیجنگ پولیس اور اسلام آباد پولیس کے درمیان اشتراک کار بڑھانے کا فیصلہ کیا گیا، ملاقات میں جوائنٹ ورکنگ گروپ کی جنوری میں ہونے والی مٹینگ پر اطمینان کا اظہار کیا گیا۔ وفاقی وزیرداخلہ محسن نقوی نے چینی ہم منصب کو پاکستان کے دورے کی دعوت دی۔ وفاقی وزیرداخلہ اور چینی ہم منصب کے درمیان ملاقات 2 گھنٹے طویل رہی۔