Toɓɓe mawɗe kabaaruuji 17:30 8 lewru 2ɓuru 2025 --- 🇨🇩🇷🇼 Hooreeɓe leyɗe Afrik baŋŋe fuɗnaange e baŋŋe worgo ina hannde e jeewte to Dar es Salam, leydi Tanzaniya ngam etaade dañde feere ñawndude ndee hare to fuɗnaange RDC. Eraango joƴƴingol kaɓoorɗe e no ɓuri yaawirde waɗaama toon immoraade e pelle nodduɗe batu ngu. ---- 🇲🇱 Mali, ko jaasaani yimɓe 32 mbaraama to rewo Mali e njanngu tumaangu jihadiyankooɓe ɓe. ɗum waɗi ko e saha lappol konu Mali wonndude e wallidiiɓe maɓɓe Wagner, ɗo woɗɗaani Gao. --- 🇨🇮Koddiwaarn ɗo lebbi jeetati tan keddii e woote hooreyaaku leydi ndi paaɗi, hooreeɓe lanndaaji dawro ina njokki mitiŋaaji mum'en ngam yiilaade yimɓe. Kikiiɗe hannde, Loran Bagbo hooreejo PPA-CI fuɗɗii njillu e nder Abijan. Maa en njokkondir e nultindiraaɗo men Abdul Aziz Jallo. 👇👇👇