Guinée Bissau🇬🇼 jamanaɲɛmaa, Umarou Cissoko Embalo ka sarati kuncɛ waati kuma cayalen don nin kalo labanw la, politikimaaw fɛ, kɛrɛnkɛrɛnyala fangasinaw. U ka fɔ la, ko Umarou Cissoko Embalo ka san 5 sarati ka kan ka kuncɛ nin fevrierkalo tile 27 bawu ko san 2019 jamanaɲɛmaakalataw jaabi dira o don in de la . Fangasinamatɔn ɲɛmaa, Domingos Simoes Pereira tun ye sɔsɔlisɛbɛn bila kirisoba ɲɛkɔrɔ, o senfɛ. Nka, kiriso ka jaabiw la, ko Umarou Cissoko Embalo bɛ to fanga la fo septembrekalo tile 4 nata. Marabaajɛkulu ka ladala ɲɔgɔnye kɔ kunu, jamanaɲɛmaa y'a lase ko hali n'a ka sarati bɛ kuncɛ nin fevrierkalo tile 27, ko jamana sariya b'a yamaruya a ka to fanga kunna fo jamanaɲɛmaa kura sigi waati. An k'a yɛrɛ lamɛn. A kumakanw tara RFi Fulfulde lasigiden Ousmane Embalo fɛ. ⏯️⏯️https://www.facebook.com/share/v/18JhbAcBx2/