*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الليلة الحمراء* *الموسم الثاني♥* *❴🔢❵الـــبـــــــــــ❴الثالث والعشرون❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الجزء_الرابع_والعشرون (24) : #الليلة_الحمراء الكل بالكوخ كان مستنفر بعد الخبر يلي شافوه على الشاشة قدامهم وصورة نرجس الواضحة كيف عم تهرب من اليخت وتركض برا الكورنيش قال شب: شوفو نرجس يلي اجيتو كرمالا شو عملت … كنت مفكرها أذكى من هيك في حدا بيقتل الزعيم وبهيك ظرف الكمرات كلها سجلت يلي صار وقف مراد وواجهو وهو بقول: هاد مديرك لعب عليها وجرّها لعندو وعمل عملتو شب تاني قال: عدنان !! … وشو مصلحتو ليقتل الزعيم هاي نرجس على أساس بدها تخلصنا شوف كيف وقعت هيي هلق نحنا شو بدنا نعمل؟ مراد: ليك يا بتخرس يابتشوف شي ما شفتو أبداً بحياتك أنا ما ناقصك قرب فريد ووقف بيناتن وهو بقول: ببوس أيديكن وقفو خناق يلي فينا مكفينا كان فريد لسا حزنان على صاحبو وماعم يقدر يستوعب موتو هيك فجأة كانت عندو أحلام لحياة حلوة مع عيلة يكون هو عامودها بس للأسف الموت خطفو بسرعة وفريد ماقدر لسا يشلح توب الحزن أبدا قال الصخرة: نحنا صرنا بخطر أكيد بعد يلي صار رح يعرفو موقعنا شهاب: خطر لك قول مصيبة إذا ما لقتنا المنظمة رح تلاقينا الشرطة وننسجن كلنا قال شب: أنا مستحيل أرجع لهداك المكان ردت بنت: وأنا متلك ماعرفت كيف خلصت من زمن العبودية قال شهاب: نحنا عبيد ومستحيل نقدر نعيش أحرار نحنا كلنا خلقنا بقفص وليكو هلق اجينا لقفص جديد … ويلي متعود ع السجن صعب يعيش بلا حدود ونحنا نهايتنا يا المقر يا السجن وقفت بنت وواجهتو: نرجس وعدتنا تخلصنا من هالوضع قال شب: وينها نرجس هلق ليكوها صارت مطلوبة لجريمة قتل واخرتها سجن وإعدام وشب تاني قال: شفتي هاد يلي كنت عم قولو صرخ مراد فيهم: خرسووووو لسا كل واحد عم يرمي كلام ع التاني بكفييي نرجس مادخلها بكل هاد فوق ماراحت للموت لتجبلكن دليل حريتكن وأنتو عم تنكرو جميلها رجع قال الشب الاخير: نحنا ما نكرنا أبدا بس المشكلة انو يلي متلنا صعب ينجو من يلي فيه كتير ناس بدها راسنا وإذا عم تقول عدنان السبب بقتل الزعيم شوف مين طلع كبش الفدا وقدامهم على الشاشة عم تنعاد لقطة نرجس وهي بتركض هربانة بنص الليل تركهم وخبط الباب وطلع … وقف عند التلة وهو براقب الطبيعة قدام عيونو طالع جوال فريد يلي فيه جهاز تشويش ودق لنرجس للمرة العاشرة يمكن بهاليوم لحتى يتطمن عليها وأخيرا ردت قال بسرعة: الو نرجس انا مراد عم حكيي من جوال فريد فيه جهاز تشويش ماتخافي برقو عيونو وفرح لما سمع صوتها بتهمس: مراد لا عاد تتصل الله يوفقك مراد: وينك نرجس قلبي داب عليكي نرجس: لاتخاف عليي أنا بأمان حاليا مراد: بدي شوفك خليني امن عليكي ونطلع برا البلد نرجس: صعب كتير خلي كل شي يهدا وماعاد تصل مراد: ليش عم تهربي مني ليييش بلعت ريقها وكانت بدها تخبرو بحملها بس أكيد هي ما مجنونة لتخبرو هيك خبرية بهيك ظرف بلعت غصتها وقالتلو: لا تاكل همي أنا ربيت بأيدين مجرمين بعرف منيح كيف خلص حالي من هالمشكلة انت ما دخلك بشي شوف رام شو بقول لأن هو عندو خبرة بهالموضوع يلا سلام … بحبك صرخ مرد قبل ما تسكر: نرجس نرجسسسس لا تسكري لاااا بس هي كانت سكرت الخط ضرب صخرة بأجرو لحتى وجعتو قعد بالأرض وهو بمسدها وبيهمس: شو عملتي بحالك ياحبيبتي كرمال رفقاتك رح تخسري حالك وقف فريد وراه وهو بقول: مراد لف لعندو وهو بقول: خسرت رفيقي ورح اخسر حبيبتي يافريد بحزن حط ايدو على ظهرو وهو بقول: لازم نلاقي حل نرجس لحالا مارح تقدر تواجه الكل مراد: غلطت لما تركتنا وراحت لحالا والله غلطت لو كنا معها ماكان صار هيك فريد: هي ماكانت بدها تعرّض حدا للخطر مراد: أنا خايف كتير يا فريد يمكن يصرلي شي إذا راحت نرجس أنا خسرت كتير بحياتي وخايف أرجع أخسر ضمو فريد وهو بقول: موت غسان كسرلي ظهري يارفيقي وحاسس فيك كتير لازم نخطط منيح لنلاقي الحل وقف مراد وهو بقول: راقب الوضع هون انا رايح قابل رامي يمكن نلاقي حل ترك المكان واخد سيارتو وأتوجه لعند باسل كان قاعد باسل قدام شاشة التلفزيون مصدوم من يلي عم يشوفو وهيا كانت بقربو حاطة أيدها على تمها وهي بتقول: معقول انتقمت لموت حنين بس هي قالت بدها تجيب الهويات الخاصة فيا وتطالعنا من هالمكان باسل: نرجس اذكى من انو تخلي دليل وراها مستحيل تكون هي قتلتن هيا: نحنا منتدرب كيف ما نخلي دليل ورانا أبدا رغم وجود كل هالتكنلوجيا لهلق ما حدا قدر يثبت جريمة علينا ونرجس لسا أشطر مننا بهالموضوع أخر مهمة عملتها حبكتها بطريقة غريبة باسل: عم قلك نرجس أذكى من هيك واضح في مين وقعها بالفخ التفتت لتشوف سندس محشورة بالزاوية وهي بتبكي قربت منها وسألتها: شبك سندس شهقت وهي بتقول: حاسة نهايتنا قربت إذا نرجس القوية صار فيها هيك نحنا شو رح يصير فينا ضمتها وهدتها وهي حاسة بصدق كلامها رن جرس البيت فتح باسل الباب ليشوف مراد باسل: انا ما عم افهم شو أخد نرجس لهداك المكان مراد بحزن: تركتنا كلنا وراحت بأجريها لعندو وشوف شو عملو فيها هيا: مين يلي قتل الزعيم مرد بعصبية: قالتلنا لعبو عليها لعبة وأنو عدنان السبب هيا: ما بستبعد أنو عدنان يكون عمل هالجريمة وملب سها لنرجس لأنو داهية بس أيمن مختفي من فترة مراد:مين أيمن؟ هيا: أيمن كان يحب حنين رفيقتي انا ونرجس من أيام الميتم بس يلي صار أنو الزعيم اخدها لعندو ورجعها ميتة بعدما اعتدا عليها هو شخص كتير سادي غصت وهي بتبكي وومراد قال: وبرأيك أيمن هاد بكون قتل الزعيم هيا: أيمن كان حاطط الشر بين عيونو وناوي على قتل الزعيم بس مستحيل يأذي نرجس لاقو أيمن لتعرفو الحقيقة مراد: هلق لازم ناخد الولاد للكوخ باسل: ليش مراد: خيفان عليك أنا أصلا واقع مع نرجس قرب باسل وقال برعب: ما فهمت انت بشو متورط مراد؟ مراد: متورط مع نرجس أكيد مارح يتركوني لازم أحسب تحركاتي باسل: شوو مراد أنت سمعان شو عم تقول هاد أخرتو سجن مراد: بعرف والله بعرف مسك باسل أيد مراد وهو بقول: مراد انا خايف عليك نزل راسو مراد وقال: وأنا خايف على نرجس كتير لازم خطط لتهريبها برا البلد ورام كتير رح يساعدني ترك البيت وطلع لحقو باسل وهو بقول: لوين رايح مرمرادي اد: بدي قابل رامي هو بيعرف أكتر مني بهالمواضيع طلع وسكر الباب وراه قالت هيا: شو بدنا نعمل هلق باسل: والله محتار بدي ساعدن من بعيد لبعيد إذا كنا كلنا بأيدين الشرطة مصييييبة … خليكن جاهزين طالع جوال وعطاها اياه وهو بقول: وهاد جوال فيه رقم تلفوني لنتواصل اذا في شي اخدتو منو وهي بتقول: شكرا أستاذ باسل لكل شي اتطلع عليها وهو بقول: ماعملت شي … رح اتأكد من نقلتكم وبعرف الطريقة يلا سلام اتطلعت هيا حواليها وهي بتشوف هالمكان ياترى شقد رح يبقو متخبيين فيه !!! * اتصلت سارة بمراد رد عليها بصوت مهموم سألتو برعب: شو صار مع نرجس رجع صوتو وهو بقول: متل ماشفتي سارة: ياربييي ليش هيك صااار … طيب شفت نرجس؟ مراد: لا ما قدرت شوفها سارة: شو يلي صار ماني عم أفهم شي مراد: وأنا ماعم أفهم أبداً رايح هلق لشوف رامي يمكن نقدر نلاقي حل سارة: جاي معكم وين بدكم تلتقو عطاها مراد العنوان والتقو ثلاثتهم سوا وكان العنوان نفس البيت القديم وصل مراد شاف رام واقف عند الشباك عم يدخن بلهفة سألو: رامي في شي جديد هز راسو رام وقال: للأسف مافي شي مراد: أنا خايف عليها كتير رام: نرجس قوية وذكية كتير ما بهالسهولة رح تستسلم مراد: بعرفها قوية بس الموضوع صار أكبر من هيك في جريمة قتل برقبتها … سمعت بأيمن رام: اي من لما طلعو عم حاول لاقية بس مالو أي أثر خايف من عدنان يكون لعبان لعبة وسخة مراد: أنا كل هالناس ما بعرفها بس أكيد كلن خبيثين نرجس انا بعرفها مستحيل تقدر تقتل رام: وأنا عرفتها وشفتها بالمنظمة بس الشرطة بدها أدلة ملموسة والكمرة أكبر دليل مراد: بربك يعني دخلت ثواني بدها تلحق تقتلن كلن وهني رجال هاد أكبر دليل لبرخائتها رام: الدليل الجديد انو الكمرة كانت معطلة واشتغلت لما طلعت من اليخت فتح عيونو مصدوم وهو بقول: شووووو لااااا الشغلة صارت واضحة انن ركبولا التهمة كل هالقد أغبية !!!! رام: انا وأنت منعرف نرجس ومين يلي وراها بس هني ما بيعرفو مشي مراد رايح جاي بالغرفة لشافو سارة دقت الباب ودخلت شافتن متوترين سألت بقلق: شو يلي صاير نرجس وينها؟ مراد كان فارط وعيونو مدمعة قرب رام وهو بقول: نرجس مختفية من يومين ومامنعرف عنها شي سارة: هيي أجت لعندي من يومين قربو اتنيناتن مصدومين ومرد قال: وخبرتك إنها رح تعمل هيك؟ سارة: لا لا أبدا حكينا سوا و... كانت بدها تقلن على السر يلي خبتو عندها بس بقيت ساكتة وقالت: وبس راحت ما كنت مفكرة إنها رح تعمل شي خطير بس كان واضح عليها إنها عم بلعت ريقها ونزلو دموعها وقالت بحزن: إنها عم تودعني ضرب مراد على راسو ورام بلش يطقطق أصابيعو من التوتر سألها مراد: شو حكيتو بالظبط سارة: مافي شي محدد متل العادة يعدين ماجابتلي سيرة شي هي قالتلكن عني شي؟ رام: شي متل شو رفعت كتافها وقالت بحيرة: لا ولا شي مراد: ساااارة بلشتي تخوفيني اتطلعو مراد ورام ببعض بشك وسارة سألتن: مافي شي وهلق نرجس وينها؟ رام: ما منعرف متخباية لحتى يهدا الوضع ونلاقيلا حل رن جوال رام اتلبك هو بقول: انا عندي مشوار مهم مراد: في شي رام: لا ما بخص نرجس شغل لبرا اتطلعو عليه بشك وقال قبل مايطلع: إذ صار شي جديد لاتحكو على التيلفون لان يمكن يراقبوكن لأن نرجس قريب منكن كتير التقو واحكو أفضل تركهن وطلع وعيونهن كانت عليه قال مراد: رام شو مخبي علينا؟ رفعت كتافها بحيرة وسألها مراد: وأنت شو مخباية عليي؟ فتحت عيونها وهي بتقول: ولا شي يلي صار قلتلك أياه أنا بدي إرجع ع الشغل المسا منلتقى لما خلص شغل قلي كل شي بصير معك سلام #بقلم_مروةآغا تركوه وطلعو وهو اتوجه لبيتو اذا حبت تجي نرجس بتلاقيه ناطرها وصل لباب البيت شاف شب جاي مع صاحب سوبرماركت الحارة وهو بأشر عليه وبقول: هاد أستاذ مراد زوج المدام نرجس شكرو الشب وقرب من مراد وهو بقول: أنا اسف ع الإزعاج بس تعبت للقيتك سألو مراد: مين حضرتك سلم عليه وهو بقول: أنا عمار أخوها لنرجس فتح تمو مصدوم وقال: أنت أبن جمال هز راسو عمار وقلو مراد: اهلين اتفضل عمار: أنا شفت الأخبار وعرفت من شكلها إنها نرجس وجيت اتطمن عليها مراد: اتفضل معي ع البيت طلعو سوا وقعدو بالبيت ومراد بيسأله: أنتو التقيتو مع بعض عمار: مرتين بس مراد: ماقالتلي نرجس عمار: بصراحة نرجس غريبة شوي كيف هيك بتوقع حالا مع العصابة مراد: ليش مابتعرف أنو نرجس من زمان واقعة معهم ضيق عيونو وهو بقول باستغراب: مافهمت عليك كان مراد مابدو يحكيلو الحقيقة بس قرر يحكي لشو بدو يبيض صفحة جمال قدام ابنو وهو السبب بكل شي مراد: أنت يمكن ما بتعرف انو جمال السبب بكل شي فتح عيونو مصدوم وقال مانو مصدقو: مافهمت عليك شو دخل بابا مراد: أبوك يا استاذ بيشتغل بمنظمة سرية لتشغيل الشباب يلي مالن أهل ولا عمل أو سجلهن إجرامي فبياخدوهن لمنظمة للقتل والإغتيالات شهق عمار ووقف وهو بقول: أنت شو عم تقول أكيد أنت كذاب مراد: معك حق تنصدم بس هاي الحقيقة عمار: لا أنت كذاب بابا بيشتغل بشركة استيراد وتصدير مراد: وبتعرف شو كانو بيستوردو اتطلع عليه بحيرة ومراد كمل وقال: وبتعرف انو هو كان استاذ نرجس وعلمها كل فنون القتال لحتى صارت قاتلة بتشتغل تحت اوامرو قعد مصدوم وحط أيدو على راسو بعدما حس بارتفاع حرارتو بسبب االكلمات يلي عن تنزل على راسو وبالنهاية قال مراد اخر جملة يلي قسمتلو ظهرو: وبتعرف انو نرجس اختك من ابوك ما بس متبنيها هلق فتح عيونو وما كان مصدق يلي عن يسمعوا لأول مرة بحياتو قال مراد: معك حق تنصدم وإذا حكيتلك الحقيقة يمكن تصير بمشفى المجانين * وصل رام لمكان غريب بعيد عن عيون الناس … مكان بيشه الغابة بين أشجار كتيرة وبين هالشجر في كوخ خشبي مكسر دخل لجوا شاف رجال قاعد عم يستناه كالعادة قلو: أسف لأن اتأخرت جاوبو الرجال: مامشكلة شو صار رام: لسا البنت مختفية ومامنعرف مين القاتل الأساسي بس يلي بعرفو انو عدنان هو السبب لأن اتصل فيها وهي طالعة من اليخت وقلها عجبتك المفاجأة - يعني البنت بريئة رام: من البداية عم قلك بريئة - طيب وباقي الشباب والولاد وينن؟ رام: مابعرف المكان بالظيط ماحدا قبل يخبرني - انت ماتحكي لحدا شي حاليا وخليني على إتطلاع بكل شي رام: امرك وبالنسبة لأيمن في خبر عنو - لا أبدا بس سمعت بخبرك … روح هلق وخليك عم تراقب الوضع قال رام باحترام: حاضر * قال عمار بقهر: وأنا كيف بدي صدق كل يلي قلتو مراد: روح اسال أم نرجس بالسجن أو نرجس نفسها أو يمكن أمك بتعرف … روح شوف الميتم يلي ابوك أخد كل يلي فيه للمنظمة … ياعمار أبوك مجرم كبير بيأس وقف وهو بقول: ابقى طمني عن نرجس تركو وطلع وسكر الباب وراه اتنهد مراد بحزن ماكان بدو يحكيلو كل القصة بس برائة نرجس هلق الأهم عندو وبأخر دوام سارة اتصلت بمراد واجت لعندو على باب البيت لتسألو شو صار معها بس انصدمو لما الشرطة حاوطتهن واخدتهن للتحقيق بغرفة التحقيق كان قاعد مراد وقدامو ضابط كبير بالشرطة عم يسألو: إيمات أخر مرة شفت نرجس مراد: من كام يوم الضابط: وكانت طبيعية ما فكرت للحظة ممكن تكون ناوية تقتل مراد: نرجس مستحيل تقتل مرتي وبعرفها هي مانا هيك قال الضابط بقرف: كلكن بتقولو هيك ولما بتوقعوا بتصيرو قاتلين محترفين مراد: يمكن مارق عليك كتير حالات بس تأكد انو نرجس مادخلها بالقتل لك هدول 7 رجااال متل الحيطان كيف بدها تقتلن بثواني فكرو فيها شوي الضابط: أولاً احكي بإحترام وثانيا الكمرة صورت خروجها ما صورت وقت دخولها مراد: وهاد دليل قاطع لتعرفو أنو في مين لعب بالكمرات لأن لو كانت هي فمستحيل تخلي دليل عليها الضابط: يمكن تكون هي يلي لعبت بالكمرات بس خلت دليل عليها لأن مافي جريمة كاااملة نفخ مراد ومسح وجهو وهو بقول: الواضح انو بدكن تلبسوها التهمة كيف ماكان الضابط: والواضح قدامي إنك شريك فيها مراد: صدقني لو كنت بعرف بهيك شي ماكنت خليتها تطلع برا باب البيت مابعرف ليش راحت لعندو بس أكيد ماراحت لتقتلو … يلي قتلو لعبان اللعبة صح الضابط: طيب رح اجي معك مين برأيك لقاتل صفن مرد وهو بفكر بالمنظمة معقول يحكيلن كل شي وهن معقول يصدقو !! عدنان بيك اسمو وسيطو بين رجال الإعمال وشهرتو الكبير بعمل الخير معقول الناس يصدقو أنو هو القاتل؟؟ اتطلع فيه الضابط وهو بقول: شو ماعندك شي تحكيه مراد: برأيي هاي شغلتكن تعرفو مين القاتل ما شغلتي أنا مرتي بريئة والله ياسيدي الضابط: إذا لقيت دليل لبرائتها إتأكد رح ساعدها مراد: بتشكرك كتير انت مابتعرف نرجس صح بتعرف كونفو وملاكمة لان عاشت وحيدة طول عمرا اتعلمتن لتحمي حالا بس أنا بعرف انها مابتقدر تقتل الضابط: المشكلة تاريخ عيلتها مانو مشرّف أبدا أمها قاتلة وابوها تاجر سلاح مراد: صح بس هي أبداً ماربيت بين عيلتها كل حياتها كانت بالميتم اتنهد الضابط وقال: ماشي خليك بالبلد لا تتحرك أبداً يمكن نرجع نحكي معك مرد: حاضر لف الظابط للشرطي يلي عند الباب وقال: جيبولي البنت طلع مراد ودخلت سارة وقبل ما يسكرو الباب اتطلعت عليه شافت كيف ملامحو حزينة اتوترت وقعدت سألها الضابط: إيمات أخر مرة شفتي نرجس سارة: قبل عدة أيام اجت لعندي وحكينا شوي الضابط: حسيتيها بدها تعمل شي سارة: لا أبداً ولاكان في شي الضابط: وقبل ماتروح شو حكيتو بالظبط شردت سارة لترتب كلماتها وقالت: بصراحة انا يلي حكيت الضابط: عن شو بالظبط؟ سارة: عن موضوع خطبتي وهيكي فحبيت استشيرها الضابط: أي فهمت وصار حديث تاني بخصها سارة: لا كل شي كان تمام عندها الضابط: وبينها وبين زوجها في أي مشاكل سارة: مراد ونرجس بحياتهم ما اتخانقو الضابط: يعني أنت برأيك نرجس ممكن تقتل؟ سارة: نرجس أنا بعرفها من سنين وصديقتي مستحيل صدق عليها هيك شي … لك هي إذ شافت قطة بالشارع ممكن تساعدها كيف انسان ورجال متل ما سمعت انن 7 اشخاص الضابط: يلي بدو يقتل بساعة طيش ممكن يقتل سارة: والله يابيك انتو عم تدورو على الشخص الغلط لاقو القاتل يلي هو السبب بكل هالعمايل الضابط: بتعرفي وينها؟ سارة: للأسف ماحدا بيعرف وينها عم نحاول نحكي معها بس ماعم ترد على تلفونها الضابط: ماشي خليكي بالبلد يمكن نرجع نحتاجك وقفت وهي بتقول: شكرا الك وياريت تساعدها الضابط: إذا بريئة مارح تحتاج مساعدة برائتها بتساعدها طلعت ومشيت مع مراد لطلعو من الباب وعيون الضابط عليهن سألو يلي بقربو: شو رأيك بكلامهم الضابط: واضح مخبايين شي علينا روح تأكد من المخبرين أنن صارو وراهن وخليهم يلحقوهم على الدعسة طلعو مراد وسارة وهو بيسألها: شو قلتي ؟ سارة: ولا شي سالوني شو حكيتو بأخر مرة شفتو بعض فيها … قلتلو حكينا بموضوعي انو بدي أخطب يعني لزقت الموضوع فيي وأنت مراد: كمان أنا حكيت جمل بسيطة مافيها شي وصل رام لباب الشرطة لان دقولو وهني على الطريق نزل وهو بقول: أنا أسف لأن اتأخرت شو صار معكم مراد: ماصار شي كلو تمام أمشي نبعد اتطلع رام لوراهن ولمح الشرطيين المتخفيين هو خبير بهيك أشياء قال لمراد وسارة: هلق بدكن تاخدو حذركن ليكو الشرطة حطت عليكم فسافيس سارة: شووو رام: اي وأكيد بدها تراقبكم أنتو اقرب أشخاص لنرجس خلو حركتكم محسوبة وتلفوناتكم أوعكم تحكو فيها شي سري طلعو بسيارة رام اتصل فريد بمراد رد عليه وشافو ملهوف الو مراد: اجا عدنان لعنا انصدم مراد وقال: شووو انت شو عم تقول رام: اهدا مراد جوالك مراقب اتنفس مراد بهدوء وقال: ماشي شوف طلبو إذا لشغل نحنا جاهزين نشتغل معو سلام سكر الخط ورام قلو: شو صاير؟ مراد: عدنان قال صار عند الشباب والبنات رام: اففففف كيف وصلكن طالع جوالو وعطاه لمراد وهو بقول: انا عندي جهاز تشويش احكي فيه كتب رقم فريد واتصل فيه فتح الخط وهو بيسمع صوت رصاص مراد: فريد شو صاير؟ فريد: إجا مع جماعتو واقتحموا المكان وعم ياخدو كل يلي موجودين مراد: الله يلعنووو راح كل شي عملتو نرجس والشباب رايحين معو؟ فريد: ماكلن في منن عم يقاومو مراد: انت اتخبى منيح لان مادخلك بشي فريد: لا تاكل هم وانت لا تجي أبداً فهمان مراد: ماشي سكر الخط وهو بقول: اقتحم المكان كيف ممكن يعرف المكان ما أم نرجس حصنتو منيح وحطت فيه أجهزة تشويش رام: مافي غير يكون بيناتهم حدا مخبرو اتنهد مراد وهو بقول: نرجس عملت كل هالشي كرمالن وهني بلمح البصر راحو رام: يلي صار متوقع بالنهاية عدنان محنّك بشغل المنظمات غير نرجس هزو راسهن وهني بيتطلعو على بعض بقلق وقال مراد: نرجس ماعم تحكي أبداً انا خيفان عليها رام: الله يعلم شو بتكون عم تخطط * بمكانو كان فريد متخبي كيف لحق يهرب من باب الكوخ الخلفي لما سمع صوت حركة برا ما بيعرف … هو متعود يكون حذر دائما وهلق فادو حذرو من بعيد شاف كيف عدنان ورجاله بلشو يسحبو شوية شباب وفي منن بقاومو بس قلال كتير يلي قاومو الاغلب سلمو نفسهم لان بيعرفو انو بوجود عدنان مافي حل تاني إلهن اتعودو يكونو عصافير محبوسة جوا قفاص ومستحيل يقدرو يعيشو أحرار عدنان: شوفو رح سامحكم إذا بتسلمو حالكم فهمانين يا ولادي بقربو كان في الشب يلي مرة شافوه بدخن وعرفوه انو هو يلي خبر عن موقعهم قال شهاب للصخرة: معها حق نرحس طلع مابروح يدخن لا بخبر عننا وهلق صرخ شهاب لعدنان: نحن حاولنا نحمي حالنا عدنان: بعرف هاد كلو من نرجس ويلي زرعتو براسكن بس لا تصدقوها روحو شوفوها كيف واقعة ورح توقعكم معها بقى إمشو معي احسن الكم اذا وصلتلكم الشرطة ملرخ تعيشو قال واحد من بعيد: مستحيل ارجع لهدك المكان قال عدنان: مابكيفك أنا ماتعبت عليكم لحتى هيك تعملو فيي انا بدي ساعدكم … انتو هون نكرة ماحدا بدو اياكم مصيركم السجن يا المنظمة وين الولاد شو عملو فيهن قال واحد بقربو: مامنعرف راحو مع الممرضات والمدرسات لمكان ما منعرفو عدنان: أنا بورجيكم يا ولاد الحرام يا ولاد الزنا تطلعو ببعض بحسرة وقال واحد من بعيد: خراااس ولاااا نحنا ماهيك ماااااهيك عدنان: والله لخليك تبوس صرمايتي لحتى سامحك من بعيد رجع قال: فشرررررت واخر كلامو كان رصاصة باتجاههن بس الكل احتمو منها وطلعو باقي الشباب وبلشو يضربوهن برصاصهم ورجال عدنان بلشو يدافعو عن نفسهم صارت مناورات كتيرة بين صد ورد وراح ضحيتها شبين وبنت من شباب المنظمة الهربانين وبالنهاية الكل سلم حالو وراحو مع عدنان لمكانن الأصلي وهني بشوفو رفقاتهن قدام عيونن ميتين لان مالن حل تاني إلا المنظمة ترك فريد المكان وراح باتجاه بيت مراد وصل عدنان مع الرجال لباب بناية عم تتعمر جديد دخلو الشاحنة لجوا المبنى وبلشو ينزلو منو الشباب والبنات ولحقو عدنان يلي دخل لجوا المبنى ولباب خلفي خفي ودخلو بسرداب صغير لوصلو للمنظمة من جديد وقفو مصدومين وهني بيتطلعو على المنظمة بخوف قال واحد: ليش ما اتشمعت بالشمع الأحمر عدنان: يلي اتشمع هو معصرة الزيتون ما المنظمة ياذكي حمل الكرباج بأيدو وهو بيضربهم واحد واحد وهو بقول: بدي ربيكم من اول وجديد يا حيواناااااااات رغم كل قوتهم كانو خيفانين وحزينين ومكسورين وهني بيتلقو الضربات من تم ساكت كل هاد خوف منو لأنن بيعرفو اخرت مرجوعن لعندو !! .. بعد عنهن وهو بقول: يلا لشوف المل بدو يشتغل بدي المنظمة عم تبرررق قبل ما نجيب الكومبيوترات الجديدة * #مروةآغا اتصل رام بنرجس وهو بيحكيلها كل شي صار قالت نرجس بقهر: الله لا يوفقك ياعدنان لك راح كلشي عملتو رام: لازم نلاقي حل جديد نرجس: حل لشو ما انا راحت عليي كل شي اتدمر وبكرا رح يعرفو وين الولاد بتروح عليي انا وبس رام: أي متل ما راحت على أمك من قبلك نرجس: ومراد شاكك أنك عم تتواصل معي رام: هو سالني بس أنا نكرت … مراد عصبي يمكن يودينا بداهية لان هلق صار مراقب أما انا ماحدا بيقدر يراقبني نرجس: انت غريب كتير رام رام: ماغريب بس انا حالة خاصة إلي نفوذي شو قررتي تعملي هلق نرجس: لسا مافي شي براسي عم خططلو وهلق اجا وقتو بس قررت بحكيلك * #ثاني_يوم وصل لجوال عدنان ونيرمين مقطع فيديو بتوضح لقائهم القديم مع نرجس لما فضحو كل الأسرار واتفقو معها على القتل وحكو كل شي ما لازم ينحكى والكمرة كانت محطوطة قدامهم وواضح انو على جسم نرجس كانت حاسبة حسابها ومصورتهم !! اتصلت نرجس بعدنان وهي بتقول: إن شاء الله تكون عجبتك المفاجاة قال عدنان بخبث: ياحقيييرة طلعتي مانك قليلة نرجس: إذا بدك الفيديو لاقيني بالمستودع القديم يلي انقتل فيه جمال وجبلي كل يلي بالمنظمة فهماااان عدنان: قصدك أبوكي نرجس: مابدي وتر أعصابي ولا تنسى تجيب معك الهويات والملفات الشخصية والشباب والبنات لأن من هونيك بدنا نهرب سوا فهمان عدنان: مفكّرة رح اتنازلك على الشباب هدول شقى عمري نرجس: لكن الفيديو بصير على شاشات كل الوطن وأنت بتعرف عالم السوشاال ميديا بالوقت الحالي قال عدنان بقرف: حقيييييرة سكرا الخط واتصلت بنيرمين يلي كانت عم تدقلها وموبايلها مشغول نيرمين: مع مين عم تحكي يا بنت الواطييين نرجس: احكي بأدب نيرمين: شو بدك؟ نرجس: بدي حريتنا يلي سلبتوها مننا نيرمين: انت بتعرفي اني مالي ذنب بشي وانت رحتي قتلتي الزعيم نرجس: يلي قتلو هو عدنان واتنيناتنا منعرف نيرمين: فهميني ببساطة شو بدك نرجس: بدي حريتنا كلنا وكمان تجهزولنا طريقة تهريب برا البلد نيرمين: أنت مفكّرة الموضوع بصير بسهولة ؟ نرجس: مابعرف انا بهالكلام بتجهزي كل الموضوع وإلا الفيديوهات بتتنتشر وكتييير عيب نيرمين خانم يلي عندها مؤسسة حقوق الإنسان تكون هيك مجرمة صرخت نيرمين فيها: بنت الوسخيييين سكرت الخط بوجهها واتصلت برام نرجس: اي رام أنا عملت متل ما اتفقنا هلق بس حدد اليوم بدي تاخد مراد والولاد والبنات كلن للموقع لا تنسى بدنا نهرب كلنا برا البلد اتفقنا؟ رام: ماشي ديري بالك على حالك نرجس: سلام سكرت واتصلت لعند رام وهي بتقلو: رام بدي اياكم تكونو جاهزين بكرا تاخدو البنات والولاد أنت ومراد وتروحو للمستودع يلي انقتل فيه جمال رام: لشو كل هاد نرجس: أنا اتفقت مع عدنان ونيرمين ورح يأمنولنا سفينة تهريب ويعطونا أوراقنا رام: ماعم افهم شو عم يصير نرجس ولوين بدكن تروحو رح يلحقوكم اكيد !؟ نرجس: انا عندي دليل إدانة لنيرمين وعدنان وهلق طالعتو إذا ما سمعو الكلمة رح افضحهن ابتسم وقال: خبيييرة يا بنت نرجس: ماشي جديد عليي … الله يوفقك كونو موجودين قبل الوقت لان بدنا نهرب اذا الشرطة عرفت رح تلقطنا كونو حذرين رام: لا تاكلي هم سكر الخط وطلع باتجاه مراد وهو بيحكيلو الخطة يلي قررتها نرجس ورح يحاولو يغافلو المُخبر يلي عم يلحق مراد بكل مكان * باليوم المحدد وبالتوقيت المحدد وصلو كلن لمكان المستودع المحروق القديم يلي انقتل فيه جمال وعدنان ونيرمين استغربو من وجودن مع بعض سألها من بعيد: شو جابك لهون؟ جاوبتو نيرمين: نفس يلي جابك عدنان: شو مخباية عليي نيرمين؟ نيرمين: أنت قول شو يلي مخبيه عليي نيرمين وعدنان ورجالن كانو مواجهين بعض بتحدي وهني حاملين سلاحاتن ليدافعو عن حالن أما رام ومراد وفريد حاولو يتخبو عنهن بسرية حتى ما ينكشفو لأن نرجس كانت حابكتها منيح لحتى بهالليلة تنكشف كل الأوراق المخباية بس ما كانت عارفة أنو هالمرة رح تكون #الليلة_الحمراء خاصة فيها هي وبس وفجأة من سقف المستودع من غرفة عالية بيطلعولها بدرج حديدي نزلت نرجس وهي حاملة مسدسها لتحمي حالها الكل انصدمو وهني بشوفوها هيك نازلة اتأهبو وجهزو حالن وحملو سلاحاتن نرجس كانت حامية حالها بلبس مضاد من جميع الجهات ووقفت بالنص وهي بتشوف كل المنظمة مع عدنان متل ما طلبت منو اتطلعو مراد ورام ببعض بحيرة ومراد قال: كل هالوقت كانت هون بهالمكان كيف قاعدة بهديك الغرفة !!! قالت نرجس بتحدي: أول الشي كل يلي بدو يجي معي يوقف ورايي خافو الشباب والبنات بعد اخر جلدة انجلدوها تحت أيدين عدنان بس هيا وباقي البنات يلي اجو مع باسل وقفوا معها أما الولاد كان مأمنين عليهن وحاشرينن بسيارتين برا عند باب المخزن لياخدوهم ويطلعو برا المكان حتى ما يشوفو شي ياذيهم ابتسم عدنان وهو بقول: شوفي مابدهم يجو معك بطلو يثقو فيكي نرجس: مابدي طول الحديث عطوني سجلاتنا وهوياتنا خلونا نطلع من هالمكان عدنان: وين الشي يلي بخصني؟؟ نرجس: سلم بتستلم رمالا عدنان ملف كبير فتحتو وهي بتشوف هويات الكل موجودة وسجلات جرايم كل واحد فيهن اتطلعت بنيرمين وهي بتقول: وأنت جهزتي سفينة التهريب؟ نيرمين: كلو جاهز برا نرجس: تمام لأتأكد من كل شي بعطيكم يلي بدكن اياه مني عضت نيرمين على شفتها واتطلعت بعدنان يلي بيتطلع على نرجس بقرف حملت الملفات وهي بتقول: دليل برائتكم وإدانتكم معي تعالو نطلع من هالمكان لمكان تاني ماحدا بيعرفنا فيه ولا حتى رح يقدر حدا يأذينا فيه اتطلعو الكل عليها وبلشو يمشو باتجاهها وطلعو سوا من المخزن باتجاه سيارات الولاد لياخدوهم ويطلعو بالسفينة ونيرمين وعدنان ورجالهن كانو لاحقينهم لوصلو لباب السفينة الكبيرة الخاصة بتحميل البضائع وكانو رح يتخبو فيها ويطلعو تهريب برا البلد بلشو يطلعوعليها الولاد والشباب والبنات بقي رام واقف بعيد وهو بشوفهم اما مراد مشي لعندها وهو حامل سلاحه باتجاههم ووقف بقرب نرجس اتطلعو نيرمين وعدنان ببعض وعدنان قال: حابكينها منيح لما طلعو كل الشباب والبنات بقيت نرجس حاملة مسدس بأيد والملف الكبير بأيد مسكلها أيدها مراد وكانو بدهم يطلعو سوا وقبل ما تطلع رمت لعدنان فلاشتو ولنيرمين فلاشتها الخاصة صرخت نرجس: إن شاء الله تتعلمو من كيسكم ركضو رجالهم جابو الفلاشتين ونيرمين بلشت تتراجع ويلي ماكان بالحسبان هو وجود الشرطة يلي كانت عم تراقب الوضع من كل جهاته ونطرت الوقت المناسب لحتى طلعت رجال الشرطة والضابط الكبير عم يحكي من مكبر صوت من كل مكان وهو بقول: المكان محاصر سلمو نفسكم انصدموا من جود الشرطة نيرمين وعدنان انسحبو واتخبو ورجالن حمتهم وبلشو الكل يركضو باتجاه السفينة ونرجس عم تساعدهن ومراد عم يصرخ فيها لتطلع بس تعب الحمل ماكان مساعدها ومخليها رشيقة كانت تقيلة بمشيتها وتعبانة لهيك ما قدرت تركض بلياقة لتنط لجوا السفينة استغل عدنان الموقف وهو متخفي بعيد عن عيون الشرطة ورا حاوية خشب كبيرة وبكل لؤم طالع مسدسو وبسرية حتى الشرطة ما تشوفو قوس بإتجاه بطن نرجس برصاصة قريبة همس بنصر: موتييي انا ماحدا أقوى مني صرخت نرجس ووقعت وهي موجوعة صح كانت لابسة بدلة مضادة بس من مسافة قريبة ع هيك رصاصة اكيد رح تنأذى هي وجنينها وقع مراد بقربها وهو بيصرخ بإسمها بقلق والملف وقع منها ونرجس ممددة بالأرض والدم حواليها أما مراد كان فوق راسها بيبكي هو بقول بقلق: نرجس حبيبتي ساعديني لنطلع يلا الشرطة محاصرة المكان ورام بقي بعيد عم يراقب الوضع ما قدر يطلع ويقرب ويكشف حالو للشرطة هو وفريد نفخ بعصبية وهو بقول: عدنااااان الحقييير فريد: هو خبير بهيك أشياء نرجس لحال ا ما قدرتلو … لازم يطالعها مراد بالسقينة ويهربو قبل ما توصل الشرطة رام: ماعاد في أمل لأن الشرطة عرفت بطريقة التهريب اذا ما لقطوهن هون رح تمسكهن شرطة الحدود أنا رح حاول ساعدهم امشي معي طلعو سوا من مخبأهم وهني متخفيين وضربو رصاص متفرق بالهوا بغير اتجاه تجمع الشباب ليلهو الشرطة عن مراد ونرجس وهربو بس هالطريقة ما فادت أبدا واتخبو بين الناس المتجمعة برا خط الكورنيش يلي اجو على صوت الرصاص والشرطة مراد ونرجس كانو ما منتبهين لشي وهو بحاول يوقفها لتمشي بس للأسف كانت ماعم تقدر تتحرك وموجوعة كتيير همست بقلة حيلة: ماقدرت احمي أبننا قلتلك أنا مستحيل أقدر صير أم اتطلع عليها مصدوم وهو بيتطلع على بطنها صرخ برعب: شوووو أنت حامل!! رجع كرر: قومي نرجس قومي الله يوفقك وقفي معي خلينا نترك المكان الشرطة هون صارت تتنفس بصعوبة وهي بتسعل وبتهمس: ماعاد في أمل … ماعاد في أمل ياحبيبي بكي فوق راسها وهو بحاول يشيلها بس كمية الدم كانت كبيرة وخاف عليها يحركها من مكانها حتى ما يأذيها مشيت السفينة بالشباب والبنات والولاد وبيقت هي ومراد بأرض الكورنيش نيرمين أخدت فلاشتها وطلعت مع رجالها برا المكان بسرية تامة لان الشرطة عندها الأهم نرجس المجرمة القاتلة وبس … وبقيت الشرطة محاوطة نرجس ومراد لحتى قدرت تلقي القبض عليها قدام عيون مراد المفجوعة اما عدنان فكان متفق مع الشرطة وهو يلي حكى مع الضابط على كل شي وهاد الضابط يلي بيعرف بوجود المنظمة وساكت كرمال الكبار يلي بيعرفو بالمنظمة وفرحانين فيها لأنها سبب أمانهم بالمنطقة قرب من الضابط وشكرو وهو بقول: شكرا لمساعدتكم الضابط: أنت شكرا الك لانك ساعدتنا نلقي القبض على المجرمة قرب شرطي وقلو: هاد الملف يلي كان مع المجرمة سيدي شو مشان السفينة مشيت لازم نحكي مع شرطة الحدود التفت الضابط وهو بقول بعصبية: وأنت شو دخلك انا هلق بحكي معهم الشرطي: حاضر سيدي الضابط: يلا فتشو منيح المكان لنطلع شو صار بسيارة الإسعاف الشرطي: يلا ثواني بتوصل قرب الضابط من عدنان وهو بقول بهمس: الملف ببعتلك اياه بعدين وأنت أهتم بالسفينة بسرعة قبل ما توصلها شرطة الحدود وخود يلي بقلبها عدنان: لا تاكل هم طلع بسرعة عدنان واتجه لخط الكورنيش يلي رح ترسي في السفينة وسحب منو كل البنات والشباب وطلعو باتجاه المنظمة من أول وجديد ……… !!! اما نرجس اخدوها بسيارة الإسعاف للمشفى ومراد صار يصرخ: خلوني معهاااا بدي شوفهااا سحبوه اتنين شرطة ورموه بعيد عنهم صار يركض ورا سيارة الإسعاف يلي مشيت وهو بيصرخ بإسمها طلعت الشرطة وسيارة الإسعاف من المنطقة وركض رام وفريد وباسل ورجعو لعند مراد المفجوع بفقدان حبيبو وبكي عليها وهو بمكانو وكل أيديه دم أما عدنان الشباب يلي معو وصلو بالشاحنة لمقر المنظمة ومن باب البناية يلي عم تتعمر دخلت الشاحنة لجوا … ونزلو كلن منها ودخلو لجوا متل صف العسكر وهني بيتطلعو على بعض بحزن وحيرة كبيرة … وأغلبهم كانو عم يبكو على مصابهم الأليم لانن خسرو اتطلعت هيا على وسط المكان يلي كانت حنين ميتة فيه وبكيت وهي بتتذكرها وبتتذكر نرجس ومصيبتها همست بقلة حيلة: الشر مارح يمووووت رجعو دخلو للمنظمة ولحياتهم من أول وجديد * بقيت نرجس أسبوعين بالمشفى لرجعت منيحة وصار فيها تطلع للسجن دخلت السجن وعملت الإجراءات اللازمة وحطوها بالمنفردة لانها مجرمة خطيرة عدة ايام وهي هيك لاعم تاكل ولا عم تشرب وهي حزينة بعد كل شي عملتو وكل شي صار تطلع هي المذنبة !! يااحيييف بس على هالحياة … وللأسف بعد كل شي صار كمان فقدت إبنها اتمددت بسرير المنفردة وحطت ايدها على بطنها وهي بتقول: عرفت اني مابدي اياك حاولت وصارعت من شهر وأنت عم تحاول تتماسك جوا رحمي رغم كل الالام يلي كنت حاسة فيها وقاومت كرمالك بس للأسف رصاصة الغدر خلتك تفقد الأمل بالتمسك بالحياة … انا اسفة يا ابني ما قدرت احميك شهر كامل مر وهي بالسجن وأخيراً سمحولا تطلع تتنفس وبساحة التنفس شاف أمها لان هالسجن هو سجن النساء الوحيد الكبير بالمنطقة ركضت لعندها ضمتها وأمها بادلتها بنفس الشعور قالت أم نرجس: ياحبيبة قلبي يا بنتي شو عملو فيكي اتطلعت عليها وهي بتقول: أأأأه رحت فيها لاول مرة ما بحسبها صح انا فاشلة أم نرجس: ياريتني كنت برا معك ماكنت سمحت بكل هاد يصير قلبي محروق عليكي يابنتي ماقادرة ساعدك لحالي وغسان تركنا وراح لحالنا كان السند والرفيق يا بنتي سحبتها معها وقعدتها بقربها وبلشت تمسح على شعرها وهي بتبكي وبتقول: خسرت أبني يا أمي وخسرت حياتي أم نرجس: ياحبيبة قلبي يا ماما لا تقولي هيك رح نلاقي حل أكيد نرجس: ماعاد في حل انا حاولت كتير بس واضحة نهايتي شو هيي للأسف يلي متلي صعب يعيش أم نرجس: بعيد الشر عنك ياحبيبتي نرجس: اتعلمت انو الأشياء دايماً مهددة بالغياب وعرفت انو الحياة رح تسرق مننا أكتر ما تعطينا ضمتها وهي بتمسح على شعرها وبتحاول تلاقي حل لتساعد بنتها * #يتبع الجزء_الخامس_والعشرين (25) : #الليلة_الحمراء_بقلم_مروةآغا الثواني الي بعدما ترمي القنبلة لحد ما تنفجر الصمت الي بيخلي الثواني تنحس كأنها سنين وتبقى أنت بالوسط بين إنك تلوم نفسك على قرارك وبين إنك محتاج تنفجر من الإنتظار وهاد القرار نهايته انك تنحط أمام الأمر الواقع فتيل صغير … اشتغل ببطء وهدوء جواتها على مدار شهور بوجودها بهالمنظمة … فتيل صغيرهن كانو السبب بإشعاله … خلا حواليها الرؤية تكتسي بلون ضبابي … #أحمر_ناري وانعمت عيونها لتدخل بالغلط شوي ورا شوي وبقيت نرجس عم تصارع بقايا روحها على أمل …… * برا السجن كان مراد حالتو بالويل اخوه كل يوم بيجي لعندو ليساعدو ويخفف عنو بس ماكان في أمل أبداً وصلو هو وسارة لعند باب بيت مراد ودقو الباب فتحلن الباب ولما شافهم مراد مشي ودخل وسارة ورام دخلو وراه شاف رام أخوه قاعد عند شباك البيت مهموم وحزين قال رام: وبعدين مراد هيك بدك تبقى مراد: شوبدكن أعمل سارة: جبتلك أكل تعال كوال كام لقمة لنلاقي حل مراد: وشو هو الحل أنو نهربها بطريقة مستحيلة ولا نقتل نيرمين وعدنان انتقاماً رام: أنا رح لاقي حل لا تاكل هم مراد: أنا اتفائلت كتير من قبل بس هلق خلص راح كل شي … كل ما فكر رح نرتاح بترجع بتطلعلنا مصيبة أكبر سارة: طيب كول كام لقمة لحتى توقف على أجريك وتقدر تطلع تشوف نرجس التفت وهو بقول: وين بدي شوفها رام: محكمتها هاليومين لازم نكون معها قعد وبلا نفس اكل كام لقمة بس ليعيش * وصلو مراد ورام لباب السجن سألو الشرطي: مين بدك تزور قال مراد: نرجس جمال…… كتب الإسم على الكمبيوتر وجاوبو الشرطي: ممنوع الزيارات لان المجرمة خطيرة عصب مراد وهو بقول: وليش خطيرة هي ما دخلها جاوبو الشرطي: خليك هادي هلق بصرخ صوت للحراس بيرموك برا ضرب مراد شباك القسم مسكلو ايدو رام وهو بقول: اهدا مراد التفت لعند لشرطي وهو بقلو: نحنا أسفين طيب منقدر نشوف أم نرجس الشرطي: شو اسمها؟ جاوبو مراد: كمان نرجس الشرطي: شو كنيتها رام: للأسف مابعرف كتب اسمها الشرطي وقال: هني كانو حاطن على إسمها ممنوع بس شالوه عن قريب محظوظين … حطو اغراضكم الخاصة هون وادخلو جوا سلة حطو أغراضهم ودخلو ومراد فاير دمو مراد: مشتهي اضربو بوكس بنص وجهو قال الشرطة في خدمة الشعب رام: يعني أكيد مارح يشوفك عم تهينو ويسكتلك دخلو وقعدو بغرفة الزيارة وبلشو يدخلو الناس يلي عم تزور أهاليها وطلت أم نرجس من الباب وقفو اتنيناتن استقبلوها قال مراد: كيفا نرجس شفتيها أم نرجس: اي من كام يوم خلوها تطلع مرتين بوقت التنفس بس نفسيتها كتير تعبانة نزل راسو مراد وهو بيهمس: ياريتني بدالها ماطالع بأيدي شي رام: وصار شي جديد أم نرجس: لا أبدا … أنتو خبروني إيمات محكمة نرجس رام: عم تقول المحامية يمكن خلال هالأسبوعين أم نرجس: وشو رح يصير في دليل يدين عدنان رام: للأسف مافي شي والمحامية قالت صعب نطلع من هالمشكلة بشي قليل يا سجن مؤبد يا…… سكت ونزل راسو وأم نرجس دمعو عيونها ومراد غص وهمس: ياإعدام أم نرجس: لاااا كيف هيك لازم نلاقي حل أناهون مربطة ايديي ويلي برا اختفو وكأن ماصرلن شي رام: للأسف صارت قضية رأي عام الكل بدن القصاص يلي قتل هيك إنسان بساعد الناس وايدو للخير بكل مكان مراد: شو بدنا نعمل حاسس راسي رح ينفجر مافينا نهربها أم نرجس: صعب كتير مابعرف إيمات بيرجعو بخلوها تطلع للتنفس عاملين عليها حجر كلي رام: لازم نلاقي حل أكيد خلونا نفكر من هون لوقت المحكمة … يا نحنا لازم نروح وقفو رام ومراد وأم نرجس أشرتلو بأيدها لرام قرب منها وحكتلو باذنو: تعال لحالك بدي أحكي معك بشي مهم لف مراد شاف رام بقرب أم نرجس قال: شو عم تقولو رام: يلا ببعتلك الأغراض مع فريد إذا إجا لعندك يلا سلام طلعو وعيون مراد على رام ولما ركبو بالسيارة سألو: شو بدها منك؟ رفع كتافو وهو بسوق وهمس: ولاشي بقي مراد عم يتطلع على رام بقلق وحس انن مخبيين عنو شي وصل مراد لبيتو وعند الباب شاف شب شايفو رام من قبل … سأل رام: مين هاد؟ قال مراد: اسمو عمار اخوها لنرجس اتذكر لما شافو بيوم المهمة الأولى لنرجس … اتطلع عليهن رام وهني بيحكو سوا وراح باتجاه مقر المنظمة … دخل من باب المبنى الخلفي شافو بلش يجهز وعم يدهنوه دخل للمكتب الداخلي شاف نيرمين عم تشرف على كل شي لما شافتو قالت: شو رام ليش لهلق انت هون غريب مهمتك خلصت ليش مارحت رام: عندي شوي شغل هون شو عم تعملوا بهالمبنى؟ نيرمين: رح تتفاجأ كتير بس تشوفو شي مهم بالنسبة لوضعنا وتبييض لصفحتنا دخل وهو بقول: لكن أنا ناطر الخبرية الحلوة عن إذنك مسكتو من أيدو وهو داخل وقالت: شو أخبار رفيقتك نرجس ضيق عيونو وهو بقول: أي رفيقة أنا ماعندي رفقات ونرجس على حالها وضعها معروف للكل نيرمين: لكن خففلي قربك من المقاتلين بدي إرجع ربيهن من أول وجديد رام: تمام ربيهن على كيفك تركها ودخل من البوابة الخلفية الجديدة وكان في حارسين عند الباب ودخل لجوا المنظمة ليشوف كل شي رجع متل قبل وأحسن كمان المكان مرتب ومنظم والكل عم يشتغل فيه م تل خليه نحل ولا كأن من شهرين كان في حريقة ودمار بهالمكان قربت منو هيا وهي بتقول بلهفة: شو صار طمني عن نرجس رام: للأسف مافي شي جديد محكمتها هالكام يوم … كيفكن انتو هون؟ هيا: الوضع زفت الكل عم يتحكم فينا أشكال ألوان رام: ووينا سندس؟ هيا: سندس راحت تنظف بالميتم برا لانها لا درست ولا اتعلمت بقى رح تهتم بالتنظيف رام: عطوكن مهمات جيدة؟ هيا: لا لسا عم نرتب وننظم هون ما جابو سيرة الشغل برا أبدا رام: راقبي المكان هون منيح دخل وهو بشوف كل شي رجع لوضعو السابق بس الوجوه الكل كانت حزينة ومتعبة تركتو هيا ورجعت لعند الشباب الصخرة كان قاعد بقرب مكان التدريب بس حزين اما شهاب فعم يشتغل بين ايدين نيرمين ويلبي طلباتها بس بتعب وحزن كبير وبعد يومين كان يوم الزيارة التاني لأم نرجس ومارد على اتصال مراد أبداً وطلع باتجاه السجن ليعرف شو بدها ام نرجس بسرية تامة قعد مقابيلها وهو بيسمع مخططها بصدمة قال: أنت مجنونة كيف بدنا نعمل هيك شي !! أم نرجس: مافي إلا هالحل رام: هاد الشي كتير صعب وبدو تخطيط أم نرجس: لو كا غسان هون كان ساعدنا كتير غصت ونزلو دموعها ورام قلها: الله يرحمو … رح حاول لاقي حل برجع بردلك خبر طلع من عندها وفكرو مشغول معقول رح يقدر يعمل بالشي الخطير يلي قلتلو عليه !! بيوم المحكمة وصلو كل يلي بيعرفو نرجس ع المحكمة وكانو قاعدين عم يستنوا اللحظة يلي بدها تدخل وبعد دخول القاضي دخلت نرجس وقفو مراد وسارة ورام وفريد وباسل وبقربن كان عمار اخوها لنرجس واختها سنا يلي ما شافتها ولا مرة والكل وهني بيتطلعو عليها بحزن وهي نزلت راسها لان شافتن بهالشكل بحياتها ماكانت بتتمنى يجي يوم لتشوف أكتر اثنين بتحبهم هيك مكسورين صار كتير ضجة وحكي بالمحكة ضرب القاضي بالمطرقة الخشب وهو بقول: هدوووء إذا بتريدو مسك الأوراق وقلب فيهن وشاف فيديو لنرجس وهي بتهرب وقال: القضية واضحة قدام عيوننا … يا نرجس في شي بدك تقوليه نرجس: بدي قول أنو انا دخلت لقيتن مقتولين بدكن تصدقو صدقو ما بدكن تصدقو بكيفكم القاضي: نحنا هون بدنا دليل ملموس ومتل ما شفتي الفيديو قدامك بِدل انو أنت دخلتي وطلعتي عم تركضي خيفانة نرجس: أنا خفت لأن شفتن مقتولين القاضي: وشو إعترافك انك بتشتغلي بالمافيا الغربية وكنتي شريكة مع أبوكي بتهريب السلاح وكنت السبب بقتل ابوكي مع أمك نرجس: هاد الكلام مانو صحيح أنا عررفت بأمي وأبي متأخر ومابشتغل أبدا نفس شغلهم فتح القاضي فيديو قدامها على شاشة كبيرة وهو بقول: شوفي هالفيديو لكن والفيديو بلش يشتغل قدم عيونهن لما نرجس اقتحمت مخزن القمح باخر مهمة إلها وهي حاملة سلاح وشعلت الحريق بيلي فيه … كل شي اتصور بكمرة بعيدة وواضح انو ليمسكو عليها مستمسك همست بعجز: عملتوها يانيرمين وعدنان رحت أنا فيها اتطلعت لتشوف مراد بيتطلع عليها وهو فاتح عيونو ومصدوم اتمنت الأرض تنشق وتبلعها وما تشوف نظرة عيونو سألها القاضي: عندك شي تقوليه بعجز وقفت رفعت راسها وهي بتطلع على أحبابها وتهمس: أنا المذنبة … أنا الخاطئة … أنا التائبة … أنا الملامة … أنا المجرحة … أنا المجروحة … أنا الذابحة … أنا المذبوحة وقعت على الارض وهي بتهمس بضعف: أنا ماعدت أعرف مين أنا … انا بريئة والله بريئة دمعو عيونها بس بقيت واقفة صامدة والكل حواليها بيحكو وشريط حياتها عم يمر قدامها بخط طويييل فيه كتير تعرجات طلعات ونزلات وصعوبات كبيرة مرت فيها وبالأخير انتبهت لصوت القاضي بقول : الحكم بالإعدام شنقا حتى الموت حطت أيديها على راسها من صدمتها أخر الشي بتتوقعو تكون هيك نهايتها … معقول هيك تكون النهاية كالعادة القاتل برا عايش حياتو والبريئ جوا عم يتحاكم إعدام !! … بس شو كانت متوقعة لوحدة متلها بريئة والكل قدر يتحكم فيها واولن ابوها وسجلها المليئ بمهمات القتل صرخت سارة برعب: لااااا ومراد قال برجاء: سيدي القاضي الله يوفقك راجعو الحكم هي بريئة نرجس ما بتعمل هيك شي أنا بعرفها هداه رام بقربو ومسكو من كتافو قعد وهو بحط أيديه على راسو وبيبكي بقهر والمحامية حاولت تدافع عنها بس ما قدرت ضرب القاضي بالمطرقة الخشب ووقف وهو بقول: رفعت الجلسة ولانها قضية رأي عام ولحتى الشعب يسكت لازم ينهو القضية بمحكمة وحدة حتى ما يفور الشعب ويثور على رؤسائه لما طلع القاضي مراد ورام وسارة وفريد قربو من نرجس وانعجقت المحكمة بالمصورين وهني بيلتقطو صور لنرجس والشرطة عم تمنعهم وصارت عجقة كبيرة بالمكان قرب مراد ومسكتلو أيديه وهي بتقول: انا أسفة كنت مجبورة صرخلها رام: رح ساعدك نرجس وبقرب رام كان عمار واقف ومعو بنت مسكلا ايدها وهو بقول: نحما معك يا اختي لا تيأسي أبدا رح نعمل المستحيل كرمالك ورح حطلك أحسن محامي لنطعن بالحكم اتطلعت لتشوف اختها بقربو كانت بتشبه جمال لدرجة كبيرة دمعو عيونها وماقدرت ترد بشي وبلش يسحبها الشرطي بس هي كان في شي بدها تقولو لرام لفت لعندو وهي بتأشرلو لعند سارة بس سحبها الشرطي ورام بقي يتطلع عليها وهي بتقول: رااام بدي شوفك ضرورييي ساارة اعملي متل ما قلتلك طلعو كلن لبرا ورام بقول: شو قالت أخر جملة ما سمعتها سمعتو انتو شي؟ فضت الشرطة التجمع الكبير وقدرو كلن يطلعو لبرا قعد مراد على الرصيف مهدود حيلو وهو بقول: راحت نرجس راحت أأأأخ ياربي أأأأخ شو بدي أعمل تربطت ايديي من أيمات هي قاتلة من إيمات بتقتل هيك بدم بارد يلي شفتها بالفيديو مانا نرجس لاااا … لااااا شد باسل على ظهرو وهو بقول: طول بالك يارفيقي إلا ما نلاقي حل قال بقربو فريد وهو بخفف عنو: نرجس ما بتستاهل تموت هي منيحة وبتساعد الكل رفع راسو وقال مراد: ليش غسان كان بيستاهل يموت الله يرحمو ضرب على صدرو وقال: قلبي واحعني كتير وقفت سارة بقربو وهي بتبكي وبتشهق وبتقول: نرررجس كيف هيك صار … رام لازم نلاقي حل هز راسو رام وهو بقول: لازم قرب عمار وهو بقول لمراد: من ايمات نرجس هيك مراد: من زمان ابوك قتلها وصارت شبه انسانة … ابوها دمرها نرجس راحت وصل مراد لبيتو مكسور ومهموم ودعو رام وهو بقول: رح وصل سارة وبرجعلك ولما نزل مراد طلعو معو رفقاتو فريد وباسل وساعدوه لوصل لبيتو قالت سارة: كتير زعلانة عليه رام: ماني عرفان كيف بدي ساعدن بس لازم لاقي حل أنا لازم شوف نرجس لأعرف شو بدها مني لاني سمعتها قالت إسمي قبل ما يدخلوها سارة: ماشي وردلي خبر إذا جابتلك إسمي رام: لي سكر الباب فريد وباسل عم يساعد مراد ليقعد … اول مرة بشوفوه بهالشكل هاد همس فريد لباسل: معقول الحب شو بيعمل فينا !! قال باسل: هاد اعدام وحكم سريع ما بلحق الواحد يدافع أو يطعن نرجس بوضع لا تحسد عليه بقي مراد عم يتطلع من شباك البيت وبقربو رفقاتو عم يسندوه ويساعدوه وباسل عم يحكي معو بس مراد ماعم يرد كان ساكت جامد بلا أي ملامح في حزن بخلينا نبكي… وحزن بخلينا نركض لحدا نشكي… وحزن بخلينا نعبر عنو على مواقع التواصل… وحزن بخلينا نكتئب ونعتزل الناس … وحزن بيضحكنا بيخلينا نطلع مشوار … نعمل أكل … أو نركض … وأقسى حزن هو #الحزن_الصامت يلي بخليك تسكت وتصفن وتنطفي وتدبل ع السكت الحزن يلي بيجي على هيئة صمت وسكوت وكتمان بيهدّك ما بتحكي ولا بتشكي ولا بتلاقي أي عبارة أو كلمة أو صورة تعبر عن اللي بتحسو .. بتسكت لأن الغصّة اللي بقلبك أكبر من كل الكلام وأتقل من إنو تحملا حروف.. لأن المشاعر يلي عم تحسا ما لقيت حكي يوصفها أو يحس فيها متل مو هي موجودة جواتك .. لأن الكلام مالو قيمة ولا بيقدر يوصل الإحساس … بتسكت لأن كلامك عن حزنك أو مظاهر الزعل ما رح تفيدك بشي ولا رح تقدر تخفف عنّك ولو شوي … السكوت المحسوب عليك رضا وهدوء .. هو حرب عم تطحنك وجبل على قلبك عم يخنقك ويهد فيك …! ومافي أي كلام يقدر يهدي مراد بعد مصابو الأليم …! * وصل رام لمقر المنظمة شاف عجقة كبيرة عند باب المبنى الجديد يلي كانو بعمروه وهلق صار جاهز من مجاميعو وقف مصدوم وهو بشوف اللافتة المكتوبة ( ميتم الأمل ) دخل لجوا الميتم وهو بشوف المدرسات المختصين بالولاد داخل الميتم عم يهتمو بالشغل جوا كان الميتم جاهز فيه غرف كتيرة جهة للنوم وجهة للتدريس وجهة فيها حديقة للعب وقف مصدوم من السرعة بإنشاء الميتم لاقاه عدنان عند المكتب بقول: أهلين رام شو لهلق هون فكرتك سافرت رام: لا لسا كام يوم ورايح شو عم يصير هون عدنان: عجبتك المفاجأة؟ … اليوم افتتاح الميتم رام: اامممم رح يكون صورة خارجية للمنظمة ابتسم وهو بقول: لازم نبيض صفحتنا دقو كفوفن ببعض وقال مراد: من طول عمرك ذكي عدنان: لولا ذكائي ماكنت بقيت هون قرف منو بس ابتسم وقال: بهنيك عدنان: شفت الكلبة نرجس رح تنعدم هاي أخرة يلي بيلعب مع الكبار رام: اي شفتها عدنان: ويوم الإعدام بدي اعملن درس ليتربو منو هدول الكلاب يلي جوا ليعرفو مين هو عدنان وشو بصير بيلي بيستقوي عليي ابتسم رام ابتسامة من برا قلبو وطلع ليشوف بلشت الحفلة واجت الصحافة ليفتتحو الميتم ويحطو فيه كل لولاد المتشردة ليستخدمهم لشغلو الأساسي لما يكبرو وببيض صفحتو قدام الناس كلها رن تلفون عدنان استاذن منو ودخل ليحكي بسرية ورد على الضابط يلي شافو بيوم المينا اليوم يلي انمسكت نرجس فيه قال عدنان: شكرا كتير لولاك ماكنا قدرنا نوصّلها لحبل الاعدام وهلق بدي تنعدم بسرعة لان بعرف يلي معها ممكن يساعدوها ويهربوها الضابط: بس هاي حسابها لحالو ضيق عدنان عيونو وقال بابتسامة باردة: كلو بيحضرلك سكر الخط وهو بفكر ان لما تنعدم نرجس رح يرتاح من هم الجريمة وخصوصاً بعد فشل خطو التانية بقتل القاتل الأساسي !! برعب همس: لازم تموت هي القاتلة … أي هي بعد دقايق بديت مراسم أفتتاح الميتم … كان رام واقف وراكي جسمو على سيارتو وهو بشوف بقرف قدامو التمثلية عم تكتمل متل ما كتبها عدنان … وناس مهمين حضرو افتتاح الميتم والأولاد أخدت هدايا كمان من عدنان … الكل بشوفو صورة وجهو وهو بيضحك بس بالمقابل ما حدا بيعرف قلبو الأسود أرض الواقع ما بتعطينا كل يلي منحتاحة او كل يلي منتمناه أرض الواقع سيطر عليها شياطين كثيرة وانتشر الفساد فيها لحتى نخرها وشوهها أرض الواقع ما بتعطينا حياة وردية او نهايات سعيدة أرض الواقع رح تعطيك القوة وبتلزمك انك تتعود على الألم بس بعض الناس بنفسيتهم البشرية الطماعة بتغلب عليهم شياطينهم لان ما كل الخطائين توابين رن تلفونو فتحو ليشوف رقم الشخص يلي بيحكي معو كل مرة رد رام: أهلين سيدي صار معك شي جديد بايمن - قلتلي هاد الشب كان بدو ينتقم من الزعيم رام: اي وكان بدو يقتلو - لازم نلتقى رامي لنحكي أكتر رام: وعملت يلي قلتلك عليه؟ - رح حاول رام: الله يوفقك ضروري كتير - لا تاكل هم رح حاول بس ما بأكدلك رام: بدي ساعدها هي مهمة عندي - رح حاول أنت فضلك كبير رامي واليوم دبرتلك زيارة رام: شكرا كتير انا لازم سكر اتنهد وسكر الخط وطلع من هالمكان وهالتمثيلية المقرفة وصل رام لباب السجن ودخل بكل سرية لباب غرفة نرجس بالمنفردة فتحلو الباب الشرطي وهو بقول: بس شوي ماعندي كتير وقت مابدي حدا ينتبه رام: شكرا كتير فتح باب غرفة نرجس شافها مكومة على سريرها وراسها بين اجريها رفعت راسها لتنصدم برام واقف عند الباب والشرطي رجع سكر الباب عليهن وقفت وداخت مسكها وهو بقول: ماعم تاكلي منيح؟ همست: رام كيف دخلت لهون رام: عندي معارف قدرو يدخلوني نرجس: بس انا محكومة إعدام كيف دخلوك رام: قلتلك عندي معارفي نرجس: أنت مين بالظبط!؟ رام: هلق خلينا بالمهم نرجس اجيت لاعرف شو قلتيلي قبل ما ياخدوكي شو بدك وشو عم تخططي بدي ساعدك بسرعة ما معنا وقت نرجس: بدي افضحهن لنيرمين وعدنان رام: كيف؟ نرجس: انا مصورتهم فيديو فتح عيونو مصدوم بفرحة: يعني فيه اعترافهم نرجس: أي وأكيد رح يتحاسبو رام: ووينو الفيديو؟ نرجس: عند سارة روح لعندها قلها تعطيك الفلاشة فيها كل شي بدينهم رام: ليش ما قلتي من قبل يمكن كنا خففنا من حكم الإعدام نرجس: إعدام ولا مؤبد كلو أضرب من بعضو اتنهدت وهي بتقول: خفف عن مراد لا تتركو لحالو خدو من هالمكان لمكان تاني أحسن … وسارة كتير منيحة وبتحبك بلع ريقو وهو بقول: أنت شوعم تقولي نرجس: من عيونكم مبين دير بالك عليها رام: صعب أنا إنسان صعب يصير عندي عيلة ونقطة ضعف اتطلعت عليه لتشوفو متلها نفس الشي ونفس الحياة همستلو: دير بالك تكون نهايتك نفس نهايتي لان كلن غدارين رام: انا رح ساعدك مارح اتركك هون اتطلعت عليه بعيون بتبرق دموع وبتهمس: معقول لسا في أمل؟ دخل الشرطي وهو بقول: يلا بسرعة مافي وقت قال رام قبل ما يطلع: خليكي جاهزة لكل شي مارح اتركك هون طلع بسرعة اتصل بسارة ردت عليه وهي بتقول: أهلين رام سارة: سارة انا كنت عند نرجس وقال في شي عندك تعطيني اياه سارة: ماشي تعال لتحت البيت خلال دقايق كان تحت البيت شافها نازلة بتياب البيت وفوقهن جاكيت أسود قعدت وهي بتحط بايدو الفلاشة وهمست: قالتلي نرجس هالشي كتير مهم وما أعطيه لحد إلا إذا هي طلبت رام: أي كنت عندها بالسجن وقالتلي أخدو سارة: كيفها رام: مانا منيحة ابدا بس أنا رح ساعدها بكيت وهي بتقول: حبيبة قلبي يا نرجس غطت وجها بأيديها وهي بتبكي بصوت عالي همس رام: لا تزعلي سارة انا رح ابقى معها لاخر لحظة سارة: ياريت يا رام نرجس انظلمت كتير رام: أنا اكتر واحد بعرف شو بشع الظلم * جوا المنظمة كانت سندس قاعدة بعدما نظفت المطبخ تعبانة ومهمومة قعدت بقربها هيا وهي حزينة وواضح انها نحفانة وتعبانة سألتها: شبك زعلانة؟ سندس: عم فكر وين وصلت حالي بأيديي كان عندي حياة حلوة ومليانة برا شو عملت بحالي هيا: صح أنت غلطتي كتيير لما وقعتي بالغلط نحنا مجبورين بس انت بايدك وصلتي لهون سندس: انا كتير ندمانة وخايفة يجي يوم وصير مكان نرجس هيا: لهيك ما تقبلي تبقي هيك انت بتقدري ترجعي لحياتك سندس: لوين لعند خالتي مرة ابي الشريرة هيا: أنت الك حق ببيت ابوكي واكيد عندك بيت جدك بحبوكي اتذكرت بيت جدها وهي بتقول: اي ياريت اقدر اطلع هيا: اول ما بتجيكي الفرصة ما تلتفتي لورا أنت هون بعيدة عن هالمكان ماحدا رح يعرف وينك ضمتها وهي بتقول: حنين كانت كتير تنصحني دمعت عيون هيا وهي بتقول: وأنا اتعلمت هالكلام من حنين شو اشتقلتلا كانت اختي بهالمكان سندس: وقولك نرجس شو رح يصير فيها اتنهدت وهي بتقول: نرجس احسن وحدة بشوفها بحياتي دافعت عن الكل وركضت لتساعد الكل وبالأخر وقعت هي … بتعرفي لو بقدر كنت قتلت عدنان بس أناجبانة كلنا هون جبانيين لاننا عم نسكت على كل شي بصير هون اتنهدت وهي بتطلع حواليها لتشوف الكل رجع لحياتو طبيعي وقالت: نحنا هون الكل قلبو صار حجر ومتنا ونحنا عايشين بسببهم * وصل رام لعند مراد كان قاعد عن باب السجن ومابدو يتحرك من مكانو لحتى يشوفها كان قاعد مهموم وزعلان وعيونو دبلانة من التعب وقلة النوم … وجسمو ضعفان وملامحو شاحبة قعد بقربو وهو بقول: ماخلوك تشوفها رفع كتافو وهو بقول: لا بدي اققعد كل يوم هون قرب رام وهمس: انا شفتها اتطلع عليه وقال بلوم: كييف وايمات رام: انا عندي نفوذي مراد: خليني شوفها الله يوفقك رام: صعب كتير انا بالزور لقدرت ادخل دمعو عيونو وهو بقول: رام قلبي عم يوجعني ضم اخوه وهو بقلو: حاسس فيك يا اخي لا تخاف أنا عم خطط لشي كتير بفيدها مراد بفرحة: شو هو طالع رام الفلاشة وهو بقول: بهاي الفلاشة في فيديو فضيحة لرؤساء المنظمة انطفت ابتسامته وهو بقول: يعني رح يتحاسبو وشو رح تستفيد نرجس!؟ رام: بالنسبة لنرجس عندي خطة تانية مراد: قلبي مانو متحمل احكيلي رام: امشي معي لاحكيلك سحبو وطلعو بالسيارة وهو بيحكيلو شو بدو يصير بيوم إعدام نرجس تاني يوم السوشال ميديا كلها انعجقت بفيديوهات عدنان ونيرمين والكل مصدوم انو المؤثرين والمساعدين بجمعيات حقوق الإنسان يكونو هيك!! نيرمين كانت جوا مكتبها قاعدة وعم تشوف الفيديو وهي بتبكي بصراخ … معقول نهايتها هيك تكون بسبب فيديو !! وكل المنظمة برا واقفين عم يشوفو الفيديو على شاشة كبيرة ويسمعوا صوت صريخ نيرمين والكل شمتانين فيها التفتت هيا لعند سندس وهي بتبتسم بفرح وهمست لسندس: اول ماتجيكي الفرصة اهربي ولا ترجعي هزت راسها وهي بتقول: اكيد رح اخلص من هالمكان اما عدنان دخل من الميتم لعند نيرمين وشاف الكل واقفين شد كتافو ليفرض هيبتو وهو بقول: يلا كل واحد على شغلو دخل وسكر الباب وهو بقلها: رحنا فيها الله لا يوفقك يا نرجس مين بدو يكون عم يساعدها وهي جوا لك انحكمت إعدام ماخلصنا منها نيرمين وهي بتبكي: قلتلكم نرجس شر لهالمكان بس ما سمعتو شو بدي اعمل بحالي هلق كيف بدي اطلع وواجه الناس مشي عدنان رايح جاي بالغرفة وهو بقول: ايدوارد مارح يسكت أبدا لازم نهرب لااازم نيرمين: وانا بدي اهرب بس لوين … وين مارحنا رح يشوفونا اااه قلبي رح تجيني جلطة بقي عم يمشي وهي عم تبكي وبفكرو بخطة لإنقاذن من الموت المحتوم * تاني يوم وصلن خبر التعجيل بالإعدام قراه الضابط صديق رام واتصل فيه بسرعة رد رام والضابط بقلو: رامي بكرا الإعدام رام: شووو ليس بهالسرعة الضابط: انا متأكد في مين عم يحركها من تحت لصارت بهالسرعة وكمان لتسكت الناس يلي فاضحة الدنيا بالسوشال ميديا كل يوم ورام بلش يفكر بالخطة يلي براسو وقلو: لكن بكرا بتحكي مع أم نرجس وانا رح بلش تنفيذ من برا الضابط: رح ساعدك رام قد ما بقدر رغم انو الموضوع خطير قال رام: شكرا الك لولاك ماكنت عرفت شو بدي اعمل طلع وراح لبيت مراد ليحكيلو شو صار جديد وكيف اتغيرت الخطة ورح تتنفذ باسرع وقت #تاني_يوم_كان_يوم_إعدام نرجس كانو خيفانين من المظاهرة يلي رح تصير لهيك عملو خطة تنفيذ الإعدام بسرية … وخصوصا انو الناس انشغلت بالفيديوهات يلي شافوها قبل بيوم … اذا مديرة مؤسسة حقوق الانسان ومدير ميتم ورجل اعمال يطلعو هيك بهالسوء وعم ينظمو مهمات قتل شو تركو للسيئين !! كان مراد واقف بعيد عن باب السجن وهو رايح جاي خيفان وقلقان وعم يدعي خطة رام تنجح جوا السجن كانت نرجس عم ترجف لأن حكم الإعدام إجا بسرعة خبروها في قبل بيوم وماعرفت شو سبب السرعة … ولا عرفت شو صار مع رام بالشي يلي قالتلو عليه لا قدرت تشوف أمها ولا تودعها بقيت بالمنفردة وحيدة ورح تموت وحيدة دخل لعندها ضابط كبير وسكر الباب وراه وقفت وهي مرعوبة وبتقول: اجا حكم الإعدام !!! قرب وقلها بهمس: اي قرب بس في شي رح يصير رح نهربك فتحت عيونها وهي بقول: كيف وانا اعدامي اليوم الضابط: هاي خطة بيناتنا وانا رح استلم إعدامك اسمعي كلمتي ورامي حكالي كل شي عنك بكيت وهي بتضحك وقالتلو: يعني مارح موت حط ايدو على تمها وهو بقول هششش ولا حرف رح ترجعي تشوفيني بعد شوي طلع وهو بقول يلا جهزي حالك راجع لأخدك وقال للشرطي: خلو عينكم عليها طلع وهو بيحكي مع رام: اي رام الخطة ماشي تمام خليك جاهز وقف رام بقرب مراد وهو بدخن بشراهة ومراد بقربو اجريه عم يرجفو وهو بقول: رح تنجح الخطة رام : أكيد رح تنجح بقي برا عم يروح ويجي وعينو على باب السجن الخلفي * عطوها لنرجس لبس أسود من فوق لتحت لتلبسو وحطولا على راسها غطى اسود لتغطي وجهها فيه قبل الإعدام حتى ما تشوف شو عم يصير قدامها بغرفة الإعدام ولحتى يقدرو ينفذو الخطة كل الوقت كانت عم تبكي وترجف وهي بتتخيل الشي يلي قالو الظابط ما يظبط وقتها رح تموت اكيد كانت عم تمشي مع الشرطي وهي بتبكي وبترجف ودخلت لغرفة الإنتظار وهي ميتة رعبة وحاسة بالبرد وجسمها كلو منمل إجا الظابط وقال: هاي البنت انا مسؤول عنها لانها خطيرة قال الشرطي: احترامي سيدي بقي الظابط مع الشرطي يلي عم يتطلع عليه بقلق وعم يستنى اللحظة الحاسمة وفجاة طلع صوت صريخ عالي برا الغرف دخل شرطي تاني من برا وقال: حالة شغب كبيرة بالسجن عن يشعلو حريق بسرعة بدنا مين يساعدنا التفت الشرطي لعند الضابط وقال: خليك هون أنا راجع الضابط: لا تاكل هم روح شوف شغلك لما عرفت بحالة الشغب من جوا من عند سجن النساء عرفت انو أمها السبب ليقدرو يهربوها سألتو: مين عمل شغب جاوبها: امك من جوا السجن دمعو عيونها بتتذكر أمها وابتسمت بفرح … وبقيت قاعدة متوترة لحتى المكان فضي حواليه وكلن راحو للسجن ليفكو حالة الشغب كان بدو يكمل الخطة وياخد نرجس بس بهالحظة دخلت أم نرجس للغرفة مع شرطي تابع للظابط يلي بالغرفة وشافت نرجس قدام عيونها وقفت مرعوبة وهي بتقول: لسا ما هربتها الضابط: ما قدرت طالعها لسا الشرطي يلي هون هلكني وقفت نرجس بيناتن وهي بتقول: شو عم يصير هون!؟ الضابط: هاي يلي بدها تاخد حكم الإعدام ع…… سكتتو أم نرجس وهي بتقول: يلا خدها طلعو بسرعة الضابط: أنت مفكرة الموضوع بهالسهولة أنت خربتي كل شي علينا ليش اجيتي بهالسرعة قلتلك بعد الشغب بوقت قصير انا ماعاد اقدر طالعها هيك رح انسجن انا بدالكم ام نرجس: بس انا اجيت لحتى نكمل الخطة قربت نرجس وقالت بعصبية: شو عم يصير هون شو بدها تعمل ماما هون التفت وقلها: أمك رح تنعدم بدالك صرخت نرجس: شوووو عضت امها على شفايفها ولامت الضابط وهي بتقول: ليش قلتلها قربت نرجس من امها وهي بتقول: بدك تاخدي حكم الإعدام بدالي … بدك تموتي بدالي ليش ضربت حالها وهي بتقول: هيك بدك تموتي وتتتركيني قربت امها وضمتها وهي بتقول: مابقدر عيش حياتي بلاكي ماكان في إلا هالحل بكيت نرجس وهي بتقول: هيك بدك عيش بتأنيب الضمير كل عمري بكيت ام نرجس وضمت بنتها وهي بتقول: سامحيني يابنتي بدي احميكي دخل مدير السجن وهو بقول: شو عم يصير هون قرب الضابط وقال بتوتر: انا المسؤول عن حكم الإعدام وفجأة إجت السجينة لهون لتودع بنتها مدير السجن: خدوها بسرعة أم نرجس: لااا بدي بنتي … بدي نرجسسسس ما تعدموها ببوس ايديكم هي مانا قاتلة انا بعرفها هي ما بتقتل لما طلعت أمها قال مدير السجن: وقفنا حكم الإعدام شهقت نرجس وبكيت … قرب الضابط وقال: كيف هيك؟ مدير السجن: اجا شخص واعترف بحريمة القتل صارت تشهق بصوت عالي وبكيت بفرح وهي بقول: شوووو مين هو مدير السجن: امشي معي لتشوفيه بلهفة طلعت معو لتشوف امها واقفة عند الباب ماعم تسمح لأي حدا ياخدها لتشوف بنتها ولما شافتها طالعة هديت وقالتلا نرجس: ماما وقفو حكم الاعدام اجا القاتل من دون وعي ضمتها وهي بتزلغط ومدير السجن امرهم ياخدو ام نرجس ونرجس مشيت وراه وهي بتبكي بفرح لما انفتح الباب شافت ايمن قدام عيونها همست بصدمة: ايمن هاد انت أيمن: لما سمعت انن رح يعدموكي بجريمة انا عملتها حسيت حالي حدا واطي كتير بكيت وهي بتقول: ليش هيك عملت بحالك اتنهد وقال: لو عدموكي بجرمي ماكنت حسيت بالنصر لأن انتقمت لحبيبتي كنت بدي لبّس التهمة لعدنان بس طلع منها متل الشعرة من العجين ماكنت بعرف انو عم يلعب عليي وعليكي بس امبارح شفتو بكل مواقع التواصل مفضوح وعرفت انو هو خسر حالو وعرفت انن أسرعو بعميلة اعدامك وما قدت ما اجي لساعدك نرجس: بس هيك رح يعدموك انت بلع ريقو وقال بدموع: أنا متت من لما ماتت حنين بكيت ووقعت من طولها على اجريها ساعدها الضابط لقعدت ومدير السجن بيسألو: مستعد تحكي الجريمة كيف صارت أيمن: وبالتفصيل كمان مدير السجن: جيبولي عدنان قال ايمن: مارح تلاقوه بكون متخبي بالمنظمة مدير السجن: وين هاي المنظمة أيمن: هلق باخدكم عليها مدير السجن للشرطي: بسرعة بدنا القاضي ووكيل النيابة ومحافظ المنطقة يكون موجودين قالت نرجس: وانا شو بدو يصير فيي قال المدير: أنت بريئة من جريمة القتل بس في قضية حريق مخزن القمح وحملك لسلاح وتخريب نزجس: بس أنا ماسبب الحريق هو عندو سلاح واتفجر الضابط: هاد الشي بحددو القاضي خدوها لغرفة بالسجن وطالعوها من المنفردة لان سقط عنها حكم الإعدام بكيت بفرح لأول مرة بعد وقت طويل وأخيراً ظهر الحق ومارح تموت بجرم ما ارتكبته طلع الضابط لعند رام المتخفي هو ومراد ورا شجر كثيف مشي لعندن بالسر وشافوه جاي لحالو انحلت ركب مراد لما ما شاف نرجس ما معو وهو كان ناطرها قرب من رام وقال: وينا نرجس …… بقي رام واقف بقربو بيرجف وماقدر يجاوب لوصل الضابط بيبستم قال رام: وينا نرجس الضابط: اجا القاتل بفرح قالو: نعععم كيف الضابط: اسمو أيمن نفخ رام وهو بقول: اففففف اجا ايمن الضابط: اي واعترف بالجريمة بالاشتراك مع عدنان وسقط عنها حكم الإعدام اتنهدو بفرح وبكي مراد وضم اخوه وهو بيرجف وبيهمس: بريئة قلتلكم بريئة فرحو لفرحو وقال الضابط: بسرعة اتركو المكان جوا مستنفرين بدن يقتحمو المنظمة رام: واخيرا التفت الظابط لجهة مراد ورام قال: هاد اخي مانو غريب ابتسملو الضابط وقال: واخيرا رح ترد الدين يا رام ابتسم رام وقال بفرح: هاد أقل واحب سيدي الضابط: لولاك ماكنا كل هالسنين عرفنا بجرايميهم رام: انا رح كون وفِي الكن طول عمري الضابط: راحت هاي المنظمة ورح يكون في غيرها كتير رام: وأنا جاهز لكل شي الضابط: ماخيبت ظني ولا يوم يا رامي ضربلو تحية رام وهو بقلو: احترامي سيدي دقلو على ظهرو ومشي وعيون مراد مصدومة مسح دموعو ولف رام لعندو وهو بيسأله بصدمة: رام الشرطة بتشتغل بالمنظمة رفع كتافو وقال: في كتير منن بس هاد الظابط لا بصدمة قال: يعني أنت بتشتغل مع الشرطة هز راسو وابتسم وقال: هششش خليه سر الأخوه بيناتنا رفعلو كفو ودقلو مراد كفو وهو فاتح عيونه ومصدوم أخر شي كان بيتوقعو انو رام بيشتغل مع شرطة البلد همس مراد: كيف ووين وشلون رام: بحكيلك بس ما هون امشي نروح ونشوف لحظة سقوط المنظمة هالمشهد بدي شوفو من زمان * #يتبع