*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الليلة الحمراء* *الموسم الثاني♥* *❴🔢❵الـــبـــــــــــ❴الرابع والعشرون والاخير❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الجزء_السادس_والعشرون ( 26 ) : #الخاتمة #اللـيـلة_الحمراء #بقلم_مروةأغا طلعت نرجس من المنفردة بعدما بدلت تيابها ودخلت لغرف السجن المركزي كانت أمها قاعدة مع النسوان وهني بهنوها بنجاة بنتها لما دخلت ما صدقت عيونها فورا ركضت لعندها وضمتها بقلب فرحان بعدتلا وجها عنها وهي بتمسحلا دموعها وبتقول: مابدي هالعيون الحلوين يبكو بعد هاليوم ضحكت نرجس وسط دموعها وقالت: كنتي بدك تموتي حالك رفعت كتافها وهمست: ماكنت رح اقدر عيش بعدك فموتي اهون عندي نرجس: وماحسيي شو بدو يصير فيي أم نرجس: كام يوم وبتنسيني أصلا بحياتك ماحبيتيني يمكن هي يكفر ذنبي عندك نرجس: الله يسامحك لهلق ماعرفتي قيمتك عندي ضمتها وبكيت معها وهي بتبوسها بكل مكان بوجهها قربو الكل وهنوها بسلامة بنتها وهي قالت لنرجس: هدول يلي ساعدوني لنعمل شغب هون اتخانقنا كلنا لاقدر اطلع واخد مكانك بس ما ظبطت مسحت نرجس على ملامح امها يلي مليانة تجاعيد وقالت: انا بحبك من دون ما تضحي بكيت وهي بتشهق وبتضم بنتها قالت نرجس: يلي بشوفك هلق ما بصدق انك أنت كنتي البرنس يلي بخوف الكل أم نرجس: لما الام بيتعلق الموضوع بولادها بتنسى كل القسوة مشيت معها وهي بتعرفها على بنات السجن لأن الواضح انها رح تقعد معهم لوقت طويل التضحية هاي الكلمة يلي معناها كبير وعميق … أنو تضحي يعني تعطي كل شي عندك من دون مقابل انو تبذل كل شي عزيز عليك وبنفس راضية صح ام نرجس كانت مستعدة تضحي بحالها بس كرمال تعيش بنتها براحة كانت مستعدة تعمل المستحيل الماضي أبدا مابموت … بيبقى عايش معنا رغم كل توسلات الذاكرى لحتى يتركها ويروح … الماضي ما بيقبل يساومنا لأن قدرته على حشر نفسه بكل يوم جديد كبيرة كتير لدرجة انو عم يساويه متلو بالظبط مر متل العلقم الماضي شبح أسود ما بيتركنا لحتى نخسر روحنا وحياتنا وأخيرا موتنا الماضي كلنا منحاول ننساه او نتناساه ومنخبيه جوا بيت مهجور فوق رفوف مهملة لحتى نبعد عنه بس هو بيرجع بينفجر بوجهنا عند أول فتيل وهالفتيل كان خبر إعدام نرجس … ما اتحملت أم نرجس أبدا تخسر بنتها فقررت تثور على ماضيها وحاضرها وتنتصر عليهم … وأي انتصار برأيكم ! أكيد الموت بهيك وضع وبهيك حياة بتشبه حياة أم نرجس إزهاق الروح أكبر انتصار على الماضي * وصلو رام ومراد قدام باب الميتم وشافو الدنيا مليانة رجال من امن وشرطة ورجال الشرطة حاوطو المكان اقتحموا الميتم وأخدو كل يلي فيه اخدتهم انسة الميتم ودلتهم على باب السرداب الصغير يلي بودي للمنظمة من جوا اقتحموا رجال الامن المنظمة ولمو كل شي فيها شباب وبنات وقدرو عدنان ونيرمين يهربو من المؤسسة الخيرية بس هالمرة كان رام وايمن بالمرصاد … والضابط يلي بيشتغل مع رام كان واقف مع وكيل النيابة واول ما طلعو من الباب ألقو القبض عليهم وهلق صارت لحظة #سقوط_الأقنعة يلي لبسوها طول عمرهم بفعل الخير ونهب وسرق خيرات البلاد … وطلعو قدام عيون الناس المتجمعة على الخبر يلي سمعو فيه وماحدا كان مصدق انو في ناس بهالقسوة والقوة … معقول بيحتجزو ناس مظلومة جوا هيك مكان تحت الأرض!! ومن جوا الشباب والبنات دلوهم على المكان السري للمنظمة من باب المؤسسة وفرحو كلن لنجاتهن من هالمنظمة وأخيرا معاقبة الكبار على جرمهم قال رام لمراد وهو بشوف المنظمة عم تنختم بالشمع الأحمر: شايف هالمشهد من زمان بخططلو وشو حلو الخطة تمشي متل مابدك مع انها طولت كتير وكان فيها كتير صعوبات لف لعندو مراد وهو بقول: انا فخور فيك يا اخي دمعو عيونو وقال: وانا كرمال هالكلمة مسامح عشر سنين من حياتي راحت كرمال نخلص من هالمنظمة رن تلفون رام مسح دموعو ورد وهو بيحكي بالإنكليزية سكر الخط وسالو مراد: مين هاد رام: مدير المنظمة الغربية عم يتطمن انو اتخلص من عدنان ونيرمين أو انا بستلم عملية التنظيف مراد: شو عملية تنظيف رام: يعني مسحن عن الحياة مراد: وشو بدو كمان رام: بدو روح لعندو لنخطط لفتح منظمة جديدة هون مراد : كييف لسا هلق خلصنا من المنظمة رام: الشر يا أخي مابروح ولا بيختفي راحت هالمنظمة بكرا بيعملوا غيرها والحياة ماشية بس لما يكون في ناس تساعدهم متلي بصير الخوف أقل مراد: ما بدك تحكيلي كيف صرت مع الشرطة رام: لما كنت بالسجن بسن المراهقة وقاصر انحكمت تاديب فدخلت مكان للتأهيل وهونيك اتعرفت على هالضابط وكتييير ساعدني وعلمني ومع الإيام ساواني متلو مراد: ليش ما حكيتلي هالكلام من قبل… ليش ما اجيت وقلتلي انا اخوك رام: كنت رح تقبل فيي اذا عرفت شو بشتغل ولو بشغلي البراني مراد: انا بدي اخي يكون احسن الناس وانا هلق فخور فيك يا اخي شافو قدام عيونن شباب وبنات وولاد المنظمة اخدوهن سالو مراد: لوين رايحين قال رام: لمكان تأهيل أنظف واحسن مراد: والمنظمة الجديدة كيف رح يعبوها شباب وبنات !؟ رام: لا تاكل هم مافي أكتر من المشردين وصلو هيا والبنات يلي معها لمقر التأهيل الخاص بالبنات وقبلو نزلو الشباب كلن بمكان بيشبهو أما الولاد فدخلو للميتم الخاص بالدولة دخلو من باب كبير ومن جوا المكان بيشبه المدرسة ومن برا في قفص حديد يعني بيشبه السجن … فهالمكان هو سجن خفيف رح يعلموهم في كل شي منيح لازم يتعلموه ابتسمت هيا بفرح وهي بتشوف انتقامها لحنين ونرجس وكل يلي انظلمو على أيدين المجرمين اتحقق واخيرا عدنان ونيرمين انتهوا … وماكانت متاملة بأحسن من هيك مكان لوضعهم الحالي * دخل رام لعند سارة على شغلها وهو بطمنها عن نرجس ركضت سارة وقالت: ماعم صدق يلي قلتلي اياه ع الجوال كيف سلم حالو الشب وكيف هي سقط عنها حكم الإعدام حباب احكيلي بالتفصيل ابتسم لفرحتها ولضحكتها وقعد بقربها وهو بيحكيلها ولما خلص قالتلو: بدي روح شوفها خدني زيارة رام: بتروحي مع مراد لاني مسافر سكتت وجمدت ملامحها وقالت: ماشي الله معك رام: سارة بدي قلك شي بلعت ريقها وحست شو بدو يقول وقفت وقالت: رام لو سمحت انا ماجاهزة ركز قعدتو وبلل شفايفو وهو بقول الجملة يلي كررها براسو: بس انا ماعندي وقت وبدي احكيلك سارة انو أنا حسيت اتجاهك بأشياء ماكنت فكر اني ممكن حس فيها لأي إنسان لان بعرف قلبي مات بس معك كان كل شي مختلف مابدي يكون جوابك أي أو لأ بالنهاية بعرف حالي انا أداة قتل … بدي اياكي تعرفي انو في رجال عم يفكر فيكي دايماً وبردلك الخير وبكفي انك تكوني سعيدة ابتسمت بفرح رغم معرفتها بحياتو والمخاطر يلي عايش فيها بس قلبها فرح لكلامو قربت منو وبصدق قالتلو: رام نحنا كلنا منلبس اقنعة قناع للشغل وقناع للبيت وهالشي لنقدر نعيش مع مجتمعنا وانتو بشغلكم عم تنجبرو تلبسو اقنعة لتخفو كل شي حقيقي بحياتكم وهالشي عم يخليكم تنسو شخصيتكم الحقيقية … ماحدا بينكر طيبة قلبك وأصلك الواضح انو أصل خير لانك من ولاد هالبلد الأصيلين … أنت محظوظ كتير لان حواليك ناس كتير بتحبك وبتضل تذكرك مين أنت … أنت رامي ابن البنت الطيبة والأصل الطيب بتمنى بيوم من الأيام ترجع لاصلك ورح تلاقيني بانتظارك رجف قلبو لما حكتلو هيك كيف بدو يقدر يحكيلها انو هو مع الشرطة وبدو يساعد هالبلد من شر ايدوارد ويلي متلو بس لا هلق ما هو الوقت المناسب رح يرجعلا لما يحين الوقت ودعها وتركها وهي بقيت عم تطلع عليه على امل ……!! * بغرفتها كانت نيرمين قاعدة بالمنفردة متل الجماد عن تتذكر شريط حياتها الطويل قدامها دخل لعندها شرطي وحطلها اكل وهو بقول: كليه كلو وحط بأيدها حبة فيها سم وقال: هاد التنظيف ضروري كتير أنت خبيرة بهالمواضوع اتطلعت عليها وهي بتضحك بقهر عطول كانت تعطي هي امر بالتنظيف بس هلق الأمر اجا لتتنظف هي … وكانت عرفانة انو رح يجي هاليوم عاجلا لهيك استسلمت للامر الواقع وشربت الحبة وهي بتبكي وبقيت عم تستنى مصيرها المحتوم……… * أما بسجن عدنان كمان اجا الأمر بالتصفية والتنظيف متلو متل نيرمين بس عدنان رفض يرضخ ويموت هيك موتة لهيك لما دخل الشرطي بسرعة البرق سحب المسدس منو وضرب راسو فيه برصاصة استقرت بوسط دماغه … ووقع بالأرض جثة هامدة سريع حازم وقاطع لأي شي ممكن يأثر على مركزو وهيبتو * بعد عدة أيام بقي مراد حايص ليروح يشوف نرجس ولما وصل واخيرا رح يشوفها لاول مرة من الحادثة الاخيرة لما شافتو ما اتحملت ركضت واتخبت جوا صدرو وبين ايديه الحنونة ضمها بشوووق وهو بشم ريحتها وبيهمس: اااه يا نرجس ياحبيبة القلب يا وردة حياتي بعدت وجها عنو وهي بتقول: اشتقتلك ليش هيك ضعفان مراد: وبتسألي ليش !! مابدي جيب سيرة الإعدام الله يوفقك منيح خلصنا منو قعدو على الكراسي وهي بتقول: بس أيمن رح ينعدم أكيد مراد: كل انسان لازم يتعاقب على فعلتو نرجس: حرام انظلم كتير موت حنين كان صعب انا لهلق ما عم صدق كيف ماتت وموت غسان متل الحلم ياريت اصحى ولاقيه موجود حوالينا اتنهد مراد وضمها لصدرو وهو بقول: انا عندي قناعة انو يلي بموت بروح لمكان تاني أحسن … وهو بيبقى حوالينا بذكره المنيح هزت راسها وهي بتدمع وبتسأله: كنت بتعرف انو ماما رح تنعدم بدالي مراد: لا رام كان عم يخطط مع الضابط نرجس: ليش شو بيشتغل رام مع الظابط سكت وماقدر يكشف سر اخوه لانو امانة … غيّر الحديث وقال: بعدين عرفت انو امك نرجس: اتخيل يا مراد انها كانت مستعدة تموت بدالي مراد: هاي الام يا حبيبتي مستعدة تضحي كرمال ولادها بكيت وهي بتقول : وانا ماقدرت حافظ على ابننا مراد: بكرا منجيب غيرو نرجس: يعني رح تستناني مراد: العمر كلو يا حبيبة القلب نرجس: وانا مارح قلك روح وعيش حياتك بدي اياك لأنك حياتي شدلا على ايدها وقال: مستحيل شي يفرقنا المنظمة خلصنا منها نرجس: وشو صار بهيا وبالكل مراد: اخدون لمراكز تأهيل نرجس: بيستاهلو يرتاحو بعد هالتعب وشو صار بنيرمين وعدنان مراد: مابعتقد يقدرو يطلعو منها وضعن صعب في جرايم قتل برقبتن نرجس: بيستاهلو هني يلي جابو هالشي بأيدين … رام وينو مراد: سافر نرحس: ليش ماخلص شغل هون مراد: رام علقتو صعبة مع المنظمة الغربية لهيك بد و وقت نرحس: كنت بدي اشكرو مراد: بيوصل انا بخبرو نرجس: وسارة كيفها ماصار شي بيها وبين رام مراد: لا أبدا ماحكالي شي اتنهدت وقالت: سارة قاسية على قلبها انا بعرفها مراد: معها حق وضع رام صعب نرجس: وباسل وفريد مراد: كل واحد رجع لشغلو … هلق شبك ماخليتي حدا ما سألتي عليه عندي إلك مفاجأة نرجس بلهفة: شو هي!؟ مراد: استني شوي طلع لدقايق وهي بقيت محرقصة لدخل مراد ودخلو وراه اخواتها بكيت وصارت ترجف وركضت ضمتهم وهني ضموها كمان قال عمار: كنت واثق انو فيكي بذرة منيحة ومستحيل تقتلي بعدت وهي بتقول: ماحدا بيجي ع الحياة قاتل … بس الحياة بتجبرنا نصير هيك جمال بحياتو ماكان أب بالنسبة الي بس كان الكن ورباكن أحسن ترباية وانا فرحانة لان عندي اخوة متلكم اتأملت ملامح اختها الصغيرة ومسحت على شعرها وقالتلا بحب: شو حلوة ياريت بعرفكم من زمان #تابعوني_بصفحتي_مروةآغا_للمزيد_من_القصص مسح دموعو مراد وقرب وهو بقول: بكفي بكي أول ماتعرفت عليكي قالتلي هي مافي شي ببكيها وكل ما شفتها بلاقيها عم تبكي رفعت كتافها ومسحت دموعها وقالت: لان ماكنتو بحياتي ماكان في حدا اشتقلو وحنلو وخاف عليه انا بحبكم كتير لا تتركوني كام شهر وطالعة رجعت ضمتهم وهي بتشم ريحتهم دق الباب الشرطي وهو بقول: خلص وقت الزيارة ودعو بعض على أمل اللقاء القريب دخلت لعند امها فرحانة وهي بتحيكلها كل شي ونامت على اجريها ولعبتلا بشعراتها وطلعو على صوت عياط وخناقة بين بنتين وامها وقفت بيناتن وفكت المشكلة قربت نرجس وقالت: بحقلك تكوني رئيسية الأووش الله حيك ابوعنتر…… ضحكت معها وقعدت ام نرجس بقرب بنتها وهي بتتأمل ملامحها بحب وبتهمسلها: الحياة أخد مني الكتير صح ماني فرحانة بمكاني هاد بس كل انسان والو عقابو بالحياة وانا أخدت عقابي بس فرحتي فيكي ما بتنوصف أنا هلق رح ارتاح لانك رضيتي عليي كلها كام شهر وبتطلعي بتشوفي مراد وبتعيشي معو اوعك يا بنتيي تتركيه لانو بحبك قالتلا نرجس: انا رضيت بسجني لانو عقاب الي لاني رضيت كون معهم ولو لشهور صح مشيت معهم مجبورة بس بالنهاية بستاهل اتعاقب باستلا أمها ايدها وهي بتقول: عم احلم باللحظة يلي بدي شوف فيها ولادك يا ماما بكيت نرجس وهي بتتذكر ابنها يلي اجهضتو وقالت: معقول ابني ما شفتو ولا حسيت بحركتو بس زعلت لأن راح أنت كيف صبرتي كل هالسنين ام نرجس: انا ارتحت لما أمّنت عليكي مع ابوكي والله لو للحظة عرفت وينك او عرفت شو عمل فيكي ماكنت خليتكو ولا للحظة معو … متل ما شفتي عالم الإجرام صعب كتير ومن المستحيل كنت خليكي معي هزت راسها وهي بتقول: لو ماجربت ماكنت حسيت فيكي ضمتها وباستها وهي بتقول: الحمد لله خلصنا منن نرجس بحزن: رح تبقي كتير بالسجن أم نرجس: المهم فيني شوفك بكرا بس تطلعي مارح تتركيني … ويمكن بيوم من الأيام اطلع بحسن سلوك لاني قتلت دفاع عن النفس وماحدا بيعرف بالبرنس أصلا التمو البنات حواليها وهني بزقفو وبيرقصو ووحدة بتغني ونرجس عم تسقف وتغني وتضحك معهم بعد وقت قصير تركتهم ودخلت لغرفتها وهي بتتأمل صورة مراد وقعدت على السرير وهي بتتذكر وجه حنين وغسان وسمر يلي ماتو بسببها او يمكن بطريقة ما … بس المهم انو عمرهم خلص اتنهدت وهي بتهمس: رح يجي يوم من الأيام نخلص من الشر انا متاكدة بعد كام يوم كانت المحاكمة وانحكمت سنتين بسبب الاعمال التخريبية والحريق يلي كانت سببو وسقط عنها حكم القتل لبشير السيد لان قالتلن انو ما كانت بتعرف انو عندو سلاح يلي كان السبب بالإنفجار الكبير * _ #بعد_مرور_عامين _ ودعت نرجس امها يلي اتعودت عليها كل يوم وعملولها حفلة مطنطنة بسبب انتهاء حكمها طلعت وعيون امها غرقانة بالدموع قرب مرة كبيرة صديقة ام نرجس بالسجن وقالت: لازم تفرحيلها مسحت دموعها وهي بتقول: والله فرحانة لانها طلعت بسلام بس رح اشتقلا عملتلها باي من بعيد واتسكر باب السجن وانفتح قدامها باب الحرية ودعت امها لتشوف حبيبها بفرحة كبيرة وسارة كانت معو عم يستقبلوها بفرحة ركضت لترتمي بحضن حبيبها وغمرت وجهها بحضنو فرح وسعادة رجعت ع البيت ودعتها سارة وهي بتقلها: تعالي طلعي على البيت ابتسمت سارة وقالت: ماحلو يصير لقبي ثالثهم الشيطان ضحكت وودعتها وقالتلا: اليوم ارتاحي بكرا منلتقي ودعتها ومراد سحبها وراه وهو بيهمسلها: اشتقتلك ضحكت وطلعت وراه وهو بيسحبها لحتى سكر الباب قرب منها وبكل حب ضمها وهو بيطبع على رقبتها بوسة قوية بشغف … وفرّغ كل شوقو فيها وهي بادلتو نفس مشاعرو بحب وعشق صادق وحلال بقيت طول الليل بقربو وما تركتو ولا ثانية اتأملتو بحب وهي بتلعب بشعرات دقنو وبتقول: كنت بحلم بهاللحظة من زمان ابتسملها وهو بقول بحب وانا حلمت بهاليوم يلي رح كون فيه معك براحة من دون خوف وقلق قالتو: بكرا بدي روح لشوف هيا والكل قال مراد بصراخ: شووو رجعنا نرجس: لا بس بدي شوفهم واتطمن عليهم نفخ وهو بقول: امري ل الله بس بتشوفيهم * #تاني_يوم بعد الفطور طلعو سوا وراحو باتجاه مركز التأهيل ودخلت بوقت الزيارة … استقبلتها هيا بحب وهي بتضمها وواضح عليها شقد متغيرة وكبرانة وشعرها طولان قالت هيا: ما بتصدقي شو فرحت انك طلعتي من السجن واخيرا نرجس: كيفك طمنيني عنك هيا: منيحة هون نحنا بسجن تاهيلي فيه كل شي منيح وعم نتعلم كتير أشياء لبين ما تخلص محكوميتنا نرجس: وسندس كيفها هيا: سندس طالعوها لأن ما عليها شي ورجعت لبيت اهلها ابتسمت نرجس وهي بتقول: والله فرحتلا وانت ما مبين ايمات طلعتك هيا: انا ما عليي جرايم بس لازم نقضي محكوميتنا انو تعاوننا معهم لان كان فينا نخبر عنهم فيمكن باقي خمس سنين قالت نرجس: معلش الانسان بيغلط بس بيرتاح لما بياخد عقابه هيا: المهم خلصنا من دمعت عيونها وهي بتقول: شو كنت متمنية حنين تكون معي وتعيش هي وأيمن بعد الحكم قالت نرجس بحزن: الله يرحمهم قدرهم يموتو قبلنا ودعتها وطلعت وهي بتشوف مراد ناطرها على موتورو شفّط لما قربت منو وسألها: لوين ياحلووو ركبت وراه وهي بتقول بحماس: بدي دور بكل البلد رجع شفّط بصوت عالي وطلعت دخنة من الموتور وقال: اوامرك مطاعة يا خانوم #بالليل الكل اتجمعو بالمطعم يلي احتفلو فيه يوم عرسهم مراد ونرجس اجو سارة وباسل وفريد واخوات نرجس عمار وسنا اتاملهم ببسمة وهني بيتعشو سوا وبقطعو كيك احتفال برجعتها بالسلامة وبأخر الحفلة وصل رام وهو حامل هدية كبيرة استقبلوه بفرحة ومراد بقول: ليش ما قلتلي انك جاي رام: انا عصفور طيار مابقدر كون بمكان واحد سلم ع الكل ولما ايدو لمست ايد سارة حسو بشرارة كبيرة مشيت بكل جسمهم فورا سارة سحبت ايدها بتوتر ووقالتلو: اهلين رامي حاوبها بهمس: اهلين فيكي وانتب هت نرجس للتوتر يليبيناتن كملو الحفلة سوا وكل واحد راح لبيتو وبقيو نرجس ومراد وقفو ومشيو لعند البحر وهو بضمها لخصرو وبتلفحهم نسمات البحر العليلة وبقيو رام وسارة قاعدين على الطاولة مقابيل بعض سألها: كيفك جاوبتو: الحمد لله منيحة ابتسملها وقرب منها وهو بقول بهمس: اشتفتلك قلبها رفرف وملامح وجهها رجفت ووهي بتقول بنفس الهمس: وانا كمان ابتسمت ونزلت راسها لتلعب بأديها متل بنت صغيرة #وشو_الحب إلا كلمة دافية … ومعاملة حلوة … واهتمام دائم … واحترام متبادل بين الطرفين وهاد كلو موجود عندهم بس باقي الوقت المناسب وهني ناطرينو ليجي لان مافي حياة كاملة لف مراد وباس راس مرجس وهو بيهمس: بحبك يا حبيبة القلب جاوبته بنفس الحب: أنت حبيب القلب والروح ابتسم وخطف بوسة من خدها وهي بتضربو وبتقول: عيب نحنا بالشارع ضحك وهو بيهمس: أنت مرتي طالع جوالو وهو بقلها: يلا ابتسمي ابتسمت بفرح وهي بتقرب راسها لصدرو وخطف منها بوسة ولقطلها أحلى صورة سيلفي كلمة واحدة مابتكفي للإعتذار … وفرح عابر ما بيكفي لنقيملو الاعراس … ووردة واحدة ما بتكفي لتصنع الربيع … ووتر واحد ما بيكفي ليصنع موسيقى … بس حبيب واحد روحه توأم روحك … بيكفي ليرسم عالمك الجميل … #وشو_الحياة إلا زيادة من الدروس اتعلموها كل يوم… تجاوزوا الكثير من مصاعب الماضي ونسيو أو تناسو وتجاوزوا الالام الي سببتها لتعطيهم شبه حياة حتى ما يتوقعوا الاجمل واتعلموا انو الي بدو يوصل لمبتغاه بصدق لابد انو يتعب لذلك هن بتهمهم النتيجة ولا شك رح يكونو راضيين عنها كل شي فكروه ما رح يدوم انتهى وكل شي فكروه انتهى انتهى بالفعل كل ما علينا انو نتناسى كل شي راح ونبدأ من جديد أخطاؤنا بالحياة هي مفتاح نجاحاتنا … هي مغيرة مسارنا … نقطة قوتنا لبعد سنين … ماكانت عائق بيوم من الايام ولا كانت وصمة عار … على العكس تماما … بيحقلنا نتركها كشاهد على التطور الي لمسناه بعيوننا … لان لما نشوفها بعد سنين رح نبتسم ونفتخر باننا اتجاوزناها وكسبنا نجاحات اكبر … واثبتنا للعالم والناس انو الخطأ مانو حجرة بتوقف بحياتنا وبتمنعنا من النجاح … بالنهاية رح تكتشفو انو هاي السطور مانها أجمل شي انكتب ولا اخر شي رح ينكتب هاي السطور ماكانت مجرد كلام عابر … لأ هي كانت #مشاعر_قلب … #وذاكرة_عقل … #وقوة_جسد عاشوها #حرف_حرف وبقيو يعيشو #رمادها_على_حافة_الطريق القصة لحد هون #انتهت بقلمي #مروةأغا