*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵حبك وجع* *❴🔢❵الـــبـــــــــــ❴الرابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #حبك_وجع #بقلم_فيلوفوبي #الجزء_الرابع تاني يوم راحت سارة لمقابلة العمل عند طارق يلي بمجرد ماشافها انصدم وحاول يستدرك الوضع اد مابيقدر...وبعد كم سؤال كان معينها سكرتيرة لمكتبو كانت ذكية واجتماعية و حلوة كتير.....و متل ماوصفتها ميس بالضبط شعر بني ناعم و طويل...و بشرة قمحية و عيون عسليات و شفايف لونهن احمر....احمر كتير و كأنهن مدهونين بكرز وصف دقيق و مفاجئ بالنسبة لشخص ماشافتو من 23 سنة بس الظاهر الصورة الاولى انحفرت بذاكرة ميس و كانت ضد النسيان) _بعد فترة_ ريما:خايفة ياسارة خايفة سارة:لك لييش ريما:خايفة على اد مو كل شي زابط و مثالي يصير شي يخرب كل الحفلة سارة:بلا تشاؤم هلأ ريما ريما:لك صرلي شهرين عم خطط لعرسي بالحرف خايفة كتير يخرب سارة:خلصنا حاج تنقي شوفي الناس كيف عيونهن عليكي ريما:طالعة حلوة؟ سارة:بتجنني والله مو بس حلوة...نيال طارق عليكي على سيرة طارق كأنو تأخر ريما:لاما تأخر جاية هو امو لان مابتحب الضجة مشان هيك ماحضرت العرس من اولو سارة:هههه بيجوز مو حابة كنتها ريما:اي سكتي سكتي حماتي موهيك ابدا سارة:سمعي سمعي...صوت العراضة قريب...وصل العريس خليني روحي على طاولتنا و انتي قومي ستقبلي عريسك _كان عرس طارق على ريما من افخم الاعراس يلي صارت رغم مشاعر طارق الباردة تجاه ريما بس هو قدر يقنعها بحبو الها و قدر يخليها توقع بغرامو وتتزوجو كلو كرمال يقدر يتقرب من سارة...يلي مابتقل جمال عن ريما و يلي عيون ميس مافارقتها كل الحفلة و كأنها طفلة صغيرة وخايفة تضيع من تحت نظرها_ ______________ طارق:تفضلي ياعروس ريما:ميرسي حبي طارق:حجزتلك جناح ملكي ريما:يخليلي ياك ياعمري طارق:يلا حبيبي فوتي دوشي و غيري تيابك خلينا ننام و نرتاح لانو هلكنا بتحضيرات العرس و بالعرس ريما(باستغراب)ننام!!! طارق:اي انا تعبان كتير رح اسبقك اوك ريما:احم...طيب ماشي _اخر شي بتتمناه اي عروس بليلة عرسها صار مع ريما حاولت تتجاهل الموضوع و تفكر فيه من ناحية تانية و تصدق حجج طارق بالتعب و الارهاق فاتت عالحمام اخدت دوش و شلحت الفستان الابيض و لبست بجامة مريحة ونامت و طارق غرقان بسابع نومة هالشي استمر مع طارق و كل يوم ينام بكير ولا كأنو عريس و حتى بعد ماخلص شهر العسل و رجعو للبيت هو استمر على هالحال وهالشي خلا ثقة ريما بنفسها تنعدم و شكوكها بطارق تزيد بس من غير ماتحكي لحدا لان الموضوع بينظرها بيخجل كتير وخاص كتير_ طارق:مسالخير ميس:اهلين حبيبي ريما____ ميس:تفضل العشا جاهز طارق:مابدي مالي نفس...خلصي عشاكي و تعالي عالمكتب في حديث مهم بدي احكيه معك ميس:طيب حبيبي طارق:بالاذن _طلعت بريما و تأملت شكلها ذكرتني بحالي...بالحزن الي سكني من شبابي لهاليوم.._ ميس:لا تزعلي...بكرا بيتحسن ريما:(باستغراب)شو قصدك مرت عمي! ميس:طارق مو متعود حدا يشاركو شي بحياتو...فما بالك اذا حدا شاركو حياتو كلها ريما:ماعم افهم ميس:سمعيني منيح....انا ربيت طارق على دموع عيوني بدون اب او اخوات و بدون قرايب ولاحتى رفقات و هو متعود عالوحدة ..بدو وقت ليتعود على وجودك جنبو...و بدو وقت ليتأقلم مع فكرة الزواج ريما:بس هو الي كان مستعجل على زواجنا مو انا!!!هو الي طلب خلال شهرين نكون متزوجين ميس:يمكن كان مفكر حالو ممكن يتأقلم بسرعة ريما:بفهم انو ابنك معقد؟؟؟؟ ميس:ريما رح اعتبر حالي ماسمعت هالحكي..بدك تستوعبيه كتير و تطولي بالك....واللي مابصير اليوم بصير بكرا _حركت كرسيها باتجاه مكتب طارق و تركت ريما محتارة بأمرها...شو قصدها باللي مابصير اليوم بصير بكرا يعني هيه بتعرف كل شي!!يعني طارق حاكيلها حست حالها غبية بانها قبلت تتزوج طارق قبل ماتكتشف حقيقتو بأنو مريض نفسي و مدلل امو_ ___________ _بالمكتب_ ميس:طارق...حسن معاملتك مع ريما مابصير هيك طارق:يا امي انا منيح معها مالي ردي ميس:بس هيه حزينة طارق:مشكلتا امي....انا من الاول ماحبيتا و جبرت حالي عليها كرمال سارة بس هالشي مابيعني اني اجبر حالي حبا كمان ميس:ريما بتحبك..لاتكسرها...كون الها زوج منيح...والحب بيجي بعد الزواج...تعرف عليها اكتر وعطيها مجال تتعرف عليك..عطي حالك فرصة تحبا صدقني ريما منيحة طارق:بس يا اميي ميس:ولا تنسى انك مارح تقدر تتقرب من سارة اذا ماكانت علاقتك بريما منيحة...انت ماحسبتا صح على فكرة طارق:اوووف ميس:برضايي عليك طارق:(هز براسو)طيب...رح جرب ميس:تؤبر قلبي....شو الموضوع الي كان بدك ياني فيه طارق:كنت بدي اعزم سارة لعنا...بس رح رتب اموري مع ريما بالاول وبعدين بخليها تعزمها ميس:تمام حبيبي...انا رح روح لغرفتي و انت طلاع شوف مرتك طارق:طيب ________ _رحت لغرفتي و فتحت مذكراتي يلي مليانة دموع و وجع و اهات...يلي صورة همام بكل صفحة و بكل حرف فيها...وكأنو موجود جنبي و انا عم اكتب و كأنو عم يزكرني بحرف نسيتو او بدمعة مسحتها لساتو بعيوني الشب الحلو الي عشقتو و لساتن الصبية الي حبها وغدر فيه ا مرقت ايام و اسابيع ومافي بيني وبينو اي حديث...يجي عالبيت متل خيال و يروح صرنا ننام كل واحد بغرفة و ناكل كل واحد لحالو متل الغربا...غربتي عن همام اصعب من غربة طفل عن امو انا بعترف اني ماتأثرت لغياب اهلي عن حياتي اد ما تأثرت بغياب همام عني ياما غسلت تيابو من اثار الحمرا...و ياما شميت على تيابو ريحة عطرها ضعفت كتير...وانكسرت كتير...حاولت قاوم و وقف على رجليي بس ماقدرت...لانو سندي غايب عني صرت نام و احضن تيابو يلي عليها عطرو لداوي الجرح يلي بقلبي و وقف نزيف روحي لحد ما بيوم........ همام(بعصبية)ميس!!!!!! _طلعت من المطبخ وشفتو كيف جاية معصب ومعمي على عيونو...ركد طارق وتمسك فيني من خوفو من صريخ ابوه_ ميس____ همام:(بصوت عالي)عم احكي معك بتردي عليي!! ميس:نعم همام:طارق روح لغرفتك _نزلت لمستوى نظر طارق طلعت فيه و بتسمتلو حتى طمنو شوي_ ميس:حبيبي طارق روح لغرفتك انا و بابا بدنا نحكي كلمتين ماشي _هز براسو و ركد على غرفتو و سكر الباب وراه...طلعت بعيون همام..ونظراتي كلها عتب_ ميس:شو بدك همام:شوفي ميس...انا وصلت معي لهون....اقسم بالله اذا بدك تبقي هيك لاقتل حالي ادامك عم تفهمي _مالقيتو الا طالع مسدس من خصرو و صوبو باتجاه قلبو و قطرات العرق على جبينو و انفاسو متسارعة كتير وعم يطلع فيني بتركيز كبير_ ميس:بدك تقتل حالك ادامي!!! همام:اي نعم ميس:ليش!مشان تحرق قلبي بزيادة همام:لان ماعاد فيني اتحمل اهمالك و برودك ماعاد فيني ميس:شوف اذا بدك تقتل حالك بفضل تقتلني انا وطارق وبعدين تقتل حالك...لانك انت قتلتني مرة ومارح تفرق اذا قوصتني بهالمسدس همام:(صرخ)لك لا تجننيني!!!!!انا بعشقك...بعشقك...بعشق ترابك...بعشق سماكي و انفاسك بعشقها...انتي عم تموتيني باهمالك...عم تموتيني ببعدك عني ميس:انت هيك بدك همام:الف مرة قلتلك نجبرت ميس:همام...هماااام...الي بيعشق مرا مابيخونها....مابيغلط مع غيرها حتى ينجبر يتزوجها...الي بيعشق مرا مابيدبحها همام:هلأ مستعد طلقها هلأ...برميها بالشارع هيه وبنتها ومابسأل بس رجعيلي ميس:واموالها و املاكها؟مستعد تتنازل عنهن؟ همام:_____ ميس:شفت كيف همام:لك اي...اي بتنازل اي بس كوني معي متل اول ميس:مستحيل...رجاع لنور خانم احسنلك همام:قلتلك لا تجننيينييييي..... _زاح المسدس عن صدرو و قوص على رجلو...صرخ و ارتمى بالارض وهو عم يتلوى من الوجع غمضت عيوني من الخوف و لما فتحتهن شفتو مرمي والدم عم ينزف من رجلو....اجيت لقرب بس صرخ و وقفني وحكا وهو عم يلهث و انفاسو رح توقف_ همام:لا تقربي!!!!......لاتقربي...شوفيني و انا عم اتوجع شوفيني....شمتي فيني يلا....لك شمتي فيني...تشفي خلي قلبك يتشفى فيني و شفي غليلك ميس:همام!!! همام:تعالي....تعالي قعدي جنبي تعالي _ركدت و قعدت جنبو لاتفقد رجلو....مسك ايدي و حطها على جرحو و كبس عليه و صرخ_ همام:ااااااااه.....لك اي كبسي على جرحي خليني اتوجع اكتر ميس(تبكي)بترجاك خلص...خلص همام:(بتعب و صوت متقطع و ضعيف)لك انا شتقتلك....والله شتقتلك...بدي ياكي ترجعيلي ميس بدونك انا عم موت....انا ماحبيت غيرك ولا رح حب حتى موت ميس:خليني اتصل بالاسعاف همام:سمعي....يا بتقولي انك مسامحتيني يا اما لا تتصلي بالاسعاف و تركيني قوص حالي مرة تانية وموت ميس:هلأ مو وقت هالحكي همام همام:عم قلك يا بتقولي سامحتك يا بتتركيني موت حالي ميس:_____ _مسك المسدس مرة تانية و قرب لناحيتو...ماتمالكت حالي...صرخت عليه و اخدت المسدس من ايدو_ ميس:(تبكي)مسامحتك....والله والله والله مسامحتك...بس لاتموت....لاتموت وتموتني معك...والله مسامحتك همام:انا بحبك...بحببببببك ميس:و انا بحبك قمت و اتصلت بالاسعاف و اجت السيارة اخدتو....عملولو عملية لطالعو الرصاصة و تاني يوم رجع على بيتنا.... همام:مابقا ابعد عنك ميس:هلأ انت تحسن و بعدين منحكي همام:يعني بفهم انك كنتي عم تسايريني! ميس:لا....انا مابقدر عيش من دونك...انا بحبك و مابدي ياك تموت ولا حتى تنجرح...انا سامحتك اي سامحتك...رغم كل شي قلبي ماكرهك بيوم...بس انت تحسن و رجاع امشي على رجلك و بعدها منقرر شو منعمل همام:رح طلق نور...و رح اتنازل عن كل شي..انا بس بدي ياكي جنبي ميس:طيب همام:والله العظيم بحبك ميس:و انا بحبك _رغم انو كان اخد قرارو بس هالقرار ماتنفذ فورا.....رجعت امورنا متل قبل...وحاولت كتير اتناسى واقع انو متزوج وحدة تانية... بس الواقع فرض حالو عليي و جبرني عيشو بكل تفاصيلو بعد شهر...اكتشفت اني حامل....و انو كمان الست نور حامل...كل شي خرب و ماعاد يقدر همام يطلق بسهولة شهر و شهرين و تلاتة و نور سارقة همام مني سارقتو من مرتو و ابنو و الطفل الي جاية عالطريق حملي هالمرة كان صعب و التعب مضاعف لاني ضعيفة اكتر و لان همام مو موجود معي باختصار الشرخ بيناتنا كبر كتير....لو كنت عم اقنع حالي انو نحنا متل اول بس هالشي كان كزية كبيرة ضحكت فيها على حالي لاقدر عيش و اتعايش مع واقعي المر_ ______________ _بغرفة ريما_ طارق:كيفك اليوم ريما:من الله بخير طارق:احم......قومي ضبي كم قطعة تياب الي و الك ريما:وليش بقا طارق:رح نسافر اسبوع برات البلد نغير جو و نصلح سوء التفاهم الي بيناتنا ريما:شو هي اوامر امك!! طارق:لا امي مادخلا انا حابب نتقرب من بعض شوي _قربت منو و حطت ايدها على دقنو..._ ريما:يعني انت بتحبني طارق طارق:احم...طبعا...طبعا بحبك ريما:انا كتير بحبك...فكرتك بتكرهني طارق:لو بكرهك ليش لاتزوجك ريما:بس نحنا ماا..... _حط ايدو على شفايفا و سكتها_ طارق:ششش....رح عوضك...انا كنت مضغوط بشغلي مو اكتر...هلأ ارتحت شوي و بوعدك انو عوضك ريما:يا الله يا طارق شو بحبك طارق:(ابتسم)و انا اكتر ريما:بتعرف انو الشبه بينك و بين ابوك كتير كبير طارق:بعرف ريما:الله يرحمو طارق:امين ريما:ماقلتلي هو كيف مات؟ طارق:خلص ريما بعدين بحكيلك ريما:طيب...رح ضب غراضنا كرمال السفر طارق:طيب _ترك ريما و تسطح عالتخت و غمض عيونو....رجعت فيه الذاكرة للمنظر يلي شافو من 23 سنة....صرخات امو...و ابوه جثة هامدة...قرب منو ولمس وجهو بايدو باارد متل قطعة التلج..كل شي بلحظة تدمر...و ابوه راح بدون رجعة تجربة كتير قاسية و صعبة بالنسبة لطفل بعمر الخمس سنين....صراخ امو عم يدوي بادنيه و كأن المشهد هلأ عم ينعاد المشهد يلي ارخى ستارة سودا على حياتو بكاملها و الي زرع جواتو خوف...خوف كبير...من الحب...من الزواج...من الابوة....من الموت_ ريما:طااارق...طاااارق شو نمت طارق:اي...لا صاحي قوليلي ريما:رح ناخد امك معنا؟ طارق:لا امي مافيها تسافر ريما:لكن...منتركا لوحدا هون! طارق:مديحة موجودة بتنتبه عليها ريما:عندي فكرة طارق:تفضلي ريما:بتصل برفيقتي سارة اذا بتقبل تجي تقعد معها بالنهار و المسا بتنام ببيتها شو رأيك طارق:سارة!!!....اي...اي اتصلي فيها شوفي اذا بتقبل _مسكت موبايلها و طلبت رقم سارة_ ريما:لحظة....الو...سارة كيفك سارة:اهلين ريما ريما:سارة ممكن اطلب منك طلب سارة:تفضلي ريما:بدي سافر مع طارق اسبوع برات البلد....ممكن تجي تقعدي عند حماتي هالاسبوع بس بالنهار و المسا بترجعي عالبيت سارة:اسبوع؟؟؟ ريما:اي كتير طارق:عطيني احكي معها....الو سارة سارة:اي استاذ طارق طارق:اذا بتحبي بعطيكي اجازة من الشغل لمدة اسبوع وبتجي لعند امي بوقت دوامك و راتبك بيبقى ماشي شو قلتي سارة:طيب...طيب بكرا الصبح بجي طارق:تمام...نحنا ما رح نطلع من البيت حتى تجي انتي بانتظارك سارة:طيب....مع السلامة طارق:سلام ريما:شو قبلت؟ طارق:طبعا قبلت....كتير ممتاز هيك رح انزل خبر امي ريما:طيب ______________ _نقر عالباب_ طارق:فيني فوت ميس:فوت حبيبي طارق:عندي الك خبر بيجنن ميس:شو في طارق:سارة رح تجي تقعد معك كل يوم لمدة اسبوع كامل ميس:شلون و ليش؟ طارق:رح اخد ريما و نسافر و هيه قترحت تجي سارة تسليكي بينما نرجع حاكينها و وافقت...بدي ياكي تجهزي حالك ها ميس:معقول؟؟!! طارق:امي...لاتنفعلي بترجاكي...خلي الوضع طبيعي بينما ارجع و انا بوقتها رح انهي كل شي و رح اكشف الحقيقة بس لوقتها انتبهي على تصرفاتك مع سارة كتير منيح ميس:طيب....رح حاول كون طبيعية اد مابقدر....يااارب تقويني طارق:(ابتسم)مالي مصدق ايمتا ارجع ميس:انتبه على ريما اي حبيبي طارق:اكيد امي....يلا هﻻ تصبحي على خير ميس:تلاقي الخير __________ #يتبع