*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵حبك وجع* *❴🔢❵الـــبـــــــــــ❴الخامس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #حبك_وجع #بقلم_فيلوفوبيا #الجزء_الخامس وهن على وهن....تعب فوق تعب و ملح فوق الجرح...هيك كانت فترة حملي بابني التاني يلي ماعرفت جنسو حتى ولدت بليلة مافيها ضو قمر....البرد شديد...و طارق نايم جنبي و متمسك فيني...شردت و تزكرت حكي جارتي يلي لاول مرة بفتحلا قلبي و بحكيلا قصتي الجارة:انا لو بمحلك...بخربها على راسهن...عليي وعلى اعدائي و اكتر من اللي صار مارح يصير روحي لعندهن و احكي كل شي لمرتو...حكيلها حقيقتو خليها تطلب الطلاق...خلي مصيبة توقع بيناتهن هاد زوجك و هي حياتك و انتي حقك تدافعي عن ممتلكاتك مع اني ماعندي اسلوب هجومي ابدا لان شخصيتي ضعيفة بس قررت اخد بكلام جارتي و روح دافع عن ممتلكاتي دافع عن حياتي و عن زوجي و حبيبي يلي انسرق مني حملت طارق مع اني كنت بالشهر التامن و تعبانة دقيت عالجارة و امنتها فيه و اخدت تكسي و رحت لبيت نور بأقصى سرعة وصلت عالباب و كان المطر مبلش ينزل استغربت انو البوابة الخارجية مفتوحة...فتت و خطواتي تقيلة و عم اسمعها صوتها عالمي اضاءة الفيلا كلها شغالة و صوت الموسيقا عالي سيارات كتير مصفوفة برا ادام الباب الظاهر في حفلة..مشيت على مهلي لوصلت عالباب كان مفتوح لاستقبال الضيوف طلعت حواليي بالناس الي عم تضحك و مبسوطة دورت عليه بعيوني كتير....حتى لقيتو...واقف معها و حاضن خصرها بايدو و ضحكتهن مالية وجوهن و الغريب انو نور مو حامل و لا شي يعني همام كان عم يكزب عليي حتى يماطل مو اكتر جريت خطواتي حتى صرت مواجهو و دموعي سابقتني طلع فيني و جفل...و نور استغربت وجودي بهالوقت ببيتها نور:همام...شوبدها اختك هلأ همام:ميس شوجابك لهون انتي!!! ميس:.لك اديش انتي غبية همام:ميس!!!! نور:مابسمحلك تطاولي وليه ميس:(حكيت بصوت عالي حتى وقفت الموسيقى و الكل تجمع حوالينا ليعرف شو في)لا بدك تسمحيلي!!!!!!! بدك تسمحيليييي!!!! همام:(بعصبية)ميس روحي عالبيت هلأ بعدين منتفاهم!! ميس:(صرخت)و انت كمان بدك تسمحلي!!!! ياااااا حبيبي نور:حبيبك!! ميس:لك اي حبيبي!!!!لك اييييي....هااااد زوجي...لك زووووجي يلي سرقتي مني يامدام....يلي اخدتيه من حضن مرتو و ابنو....لك هااااد زوجي انا...هاد حقي انا مو حقك انتي نور:شو عم تحكي هي همام همام:ميس شو عم تخبصي!!!بترجاكي سكتي ميس:لك كل شي توقعتو منك ياهمام....بس انك تكون واطي لهالدرجة !!! نور:عن شو عم تحكي هي همام!!!صحيح انت زوجها!احكي لك انطق انت متزوجها همام:اي نعم....ميس بتكون مرتي..وطارق ابني و اللي ببطنها ابني كمان ميس:سمعي ياست نور....و سمعوني كلكن...هاد الشب ابن ال29سنة يلي عم تتفاخر فيه بنت الاربعين سنة نور خانم هاد بيكون زوجي انا....خطفتو مني...و تزوجتو...وعطتو مصاري مابتاكلا النيران...حتى تحطو خاتم باصبعها هاد الشب تخلا عني...وعن ابنو...و عن اللي ببطني كرمال طمعو بمصاري هي الست هاد الشب...انا حبيتو(تبكي)لك اي حبيتو...و تركت اهلي كرمالو...بس هو رماني كرمال المصاري و انا هﻻ جاية لهون لاخد حقي....لرجع زوجي لبيتو نور:والله العظيم....اقسم بالله لخليكي تندمي عاللحظة الي دستي فيها بيتي....و همام زوجي...حملي حالك و نقلعي يلا _طلعت بعيون همام.....استنجد فيه...دور عالحب...دور على اي ذرة مشاعر تنقذني...طلعت فيه و انا عم اترجاه يمسك ايدي و يهرب.._ همام:نور!!!!!متل ماانتي مرتي هيه مرتي من قبلك...و لاتنسي انو هاد البيت بيتي انا...و انا الي بقرر مين بيبقى و مين بيمشي...و اذا ميس رح تطلع من هون فأنا طالع قبلها وماعاد ارجع فهمتي!!! نور:بسيطة...انا بورجيكي...والله لاحرق قلبك..و الله لانتقم منك ياميس خانم انا بورجيكن مسك ايدي همام و طلعنا ادام الناس من البيت رغم انو دافع عني بس بعد شو!! عالاقل رد اعتباري شوي ادام نور...بس هالشي ماغفرلو عندي حملت خيبتي و كسرتي و دموعي و وجعي و طلعت كسرتني نظرات الناس الي....الاحتقار و الشفقة كسروني....حسيت الكون بلحظة وحدة تآمر ضدي...حتى الي ببطني...تآمر مع الكون عليي او يمكن كان بدو يطلع يدافع عني انتفض جواتي...حسيت ضهري انقسم نصين و صرخت صوت دوى بالدنيا ما اكتفى و انتفض مرة تانية وقعت عالارض من شدة الوجع...و ماحسيت الا على ايدين همام عم يحملوني و يحطوني بالسيارة و غبت عن الدنيا_ ________________ _باليوم التالي_ طارق:اي سارة اعتبري البيت بيتك سارة:اكيد استاذ ريما:مابدي وصيكي..ديري بالك عليها سارة:بعيوني ريما:طيب يلا بخاطرك مرت عمي طارق:بخاطرك امي ميس:الله معكن حبايب قلبي...الله معكن _طلعت بسارة بعد ماراحو و تأملتها...تأملتها منيح و قارنتها مع الصورة الي مطبوعة بذهني...او خيال الصورة ابتسمتلا و طلبت من مديحة تحضرلنا فطور و طلعنا عالحديقة_ سارة:ماشالله بيتكن حلو كتير ميس:انتي الحلوة سارة:تسلمي خالة ميس:حكيلي عن حياتك...اعتبريني صديقتك و حكيلي سارة:(شبكت اصابعها ببعض ونزلت راسها و تنهدت) انا وحيدة لاهلي....ربيت وحيدة كل عمري..امي بتحبني كتير و مدللتني..عكس ابي يلي كتير عصبي و ظالمني شوي..ظالمنا انا و امي ميس:كيف يعني ؟بيضربك شي؟ سارة:لاا مو ضرب..بس بيشغلنا لنصرف عليه...وعلى المشروب يلي بيشربو ميس:يكسر ايدو سارة:درست ادارة اعمال...وعم اشتغل عند طارق بيك حتى اقدر كمل دراستي و اصرف على حالي ميس:وكيف طارق معك؟ سارة:طارق بيك كتير منيح و اخلاقو منيحة ميس:شكلنا رح نتسلى سوا بهالاسبوع سارة:(ابتسمت)اكيد ميس:ابتسامتك بتزكرني بشخص سارة:مين هالشخص؟يعني اذا مسموح اني اسأل ميس:هالشخص...كان غالي عليي كتير و سرقتو الدنيا مني و مات سارة:انا اسفة ميس:لا تعتذري..مو ذنبك اذا كنتي حلوة سارة:شكرا خالة ميس:امك...(بلعت ريقها)كيف صحتها؟كيف بتعاملك؟ سارة:امي كتير منيحة معي و كتير بتدير بالها عليي بس صحتها تعبانة كتير والله ميس:خير!! سارة:امي عندا جرثومة بالكبد و لازمها عملية زراعة كبد و العملية مكلفة كتير و نحنا مو قدرتنا نعملا ياها ميس:مسكينة....الله يشفيها سارة:امين يارب ميس:بوعدك بس يجي طارق خليه يساعدها و يعملا العملية على حسابو سارة:بس هيك كتير خالة ميس:مو كتير ولا شي...فعل الخير مافي كتير و قليل سارة:انتي كتير منيحة ميس:و انتي بتستاهلي _______________ ريما:يااا الله شو حلو البحر طارق:اي كتير ريما:بس بيخوف بالليل طارق:يلي بيحب البحر بيحبو بكل حالاتو مابيفرق بين ليل و نهار ريما:حاسستك عم تلمح لشي طارق:شوفي ريما....انا كبرت مع امي بدون اب...بدون اخ بدون حدا...بتحبي تسمي هالشي عقدة نقسيه سميه المهم عندي تتفهميني..انا قررت اسس عيلة معك و اعطي حالي فرصة اتقبل وجودك كزوجة بحياتي بدي ياكي تسانديني و تدعميني...انا عندي خوف كبير من موضوع العيلة و الابوة و الزواج ريما:كيف يعني؟ طارق:يعني مابدي شوف الا الجانب الحلو من الموضوع لاتعرضينا لمشاكل...نق النسوان مابدي ياه ماتضغطي عليي ...تفهميني و ستوعبيني و علميني انو خوفي من هالمواضيع مجرد وهم مو اكتر انا اخترتك واعية و دارسة وفهمانة حتى يتقبل عقلك هيك شي ريما:بوعدك اني ساندك اد مابقدر.....و نتساعد سوا ونبني عيلة كلها دفى و محبة طارق:و انا مابدي اكتر من هيك....بدي دفى العيلة يلي عشت كل عمري محروم منو ريما:خلص بوعدك طارق:و انا بوعدك اذا كنتي متل ماعم تقولي...اني كون فارس احلامك...انتي بس فتحيلي قلبك و عقلك علميني حب الدنيا....حب الحياة...علميني كيف حبك و اعشقك ريما:حاضر ياسيدي _لاول مرة تجرأ و حضنها...لاول مرة بيحضن شخص غير امو...الدفى و الحب جواتها شدوه...وعطوه الطمأنينة يلي عم يدور عليها....و عرف بدقيقتها انو ماغلط باختيارو لريما_ ________________ #يتبع