*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵حبك وجع* *❴🔢❵الـــبـــــــــــ❴السابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #حبك_وجع #بقلم_فيلوفوبيا #الجزء_السابع ________ _الفصل الاخير من مذكراتي هو الاصعب و الاحزن بقيت 15 بنتي يوم بالمشفى... بنتي.الي سميتها سارة وهمام رجع عالبيت هالفترة و بكم كلمة منو نسيت وجعي و نسيت جرحي و رجعت ميس الي بتعشقو و لا كأن غلط و لا كأن صار شي بعدنا عن بعض علاقتنا تحسنت عن قبل و ماعاد راح لعند نور ابدا و هالشي خلاها تجن و كل يومتتصل فيه و كل يوم تبعتلو الشوفير ياخدو وهو ما اهتم لكل هالشي و اهتمامو كان معي انا و ولادنا وصلت معها تجي لعنا عالبيت و تطلب تشوفو و ماقبل ماكان بيعرف انو عم يشغل النار بدل مايطفيها و انو نور عم تخطط لشي كبير كل يوم كنت اجي عالمشفى مع همام لشوف سارة رضعها....و احملهاعشر دقايق قبل مايرجعوها للحاضنة وطارق اوقات نجيبو معنا يشوف اختو...كان طاير عقلو فيها ومو مسدق انو صار عندو اخت لحد ما اجا اليوم الاسود بحياتي....اليوم اللي مابعدو من عمري اللي بلش حلم....و انتهى كابوس... همام:شايفها تحسنت مو هيك ميس:اي حبيبي الدكتور قال يومين و فينا نخرجها همام:حكيت انا و نور ميس:(باستغراب)شوحكيتو؟؟ همام:قلتلا انو لازم نطلق...شرحتلا وضعي..وقلتلا انو مافيني استغني عنك...هيه خيرتني بينك و بينها و انا اخترتك ميس(باستغراب)عم تحكي عنجد!! همام:انا ندمان....ندمااااان كتير لاني عملت فيكي و بحالي هالشي....بدي نرجع متل اول...بدي لاحضنك وماتبعدي عني بدي كون انا و انتي و طارق...وسارة بيناتنا...نعيش حياتنا عالحلوة و المرة انا ندمت عالشي اللي عملتو.....و مابدي شي غير نرجع سوا متل اول...وعوضك عن كل شي صار ميس:حبيبي انت متأكد انو نور قبلت بهالشي؟ همام:متأكد ماتخافي...نور مارح يطلع بايدها شي (مسك ايدي وشد عليها)انا بحبك...والله العظيم بحبك...رح ابقى حبك لاخر ثانية بعمري بعترف انو الطمع عما على عيوني...بس كنت مفكر حالي عم امن حياتنا..طلعت عم اخربها بايدي...وناوي صلح كل شي خربتو...بس كوني معي ومابدي شي تاني ميس:يارب يكون كلامك صحيح...حلمي نرجع متل اول ماعنا هم غير نربي ولادنا و نعيش مرتاحين همام:رح نرجع متل اول....بوعدك بهالشي...اليوم رح روح قابل نور...هيه جهزت كل شي و اتصلت بالمحامي رح روح و وقع عالتنازل و على معاملة الطلاق و بعدها كل شي بينتهي ميس:طيب...رح استناك لترجع همام:بدي خبرك بشي مهم....انا اشتريت بيت كبير و سجلتو باسمك...وفتحتلك حساب بالبنك....و في محلين مسجلين باسمي..هدول نور ماعندا علم فيهن...كرمال نعرف نعيش بعد ماطلقها و باقي املاكها كلها رح ترجع لاسمها ميس:لو انو ماعجبني هالشي...بس على راحتك...اللي بيهمني ترجع همام الي بعرفو...هاد اللي بيهمني وبس همام:و حياتك انا همام اللي بتعرفيه...بس طولي بالك شوي...هلأ انا بدي اقضي كم شغلة و بعدا رايح لعند نور و المسا بكون عندك كرمال اتطمن على سارة ميس:طيب...عم استناك همام:سلام ياحبيبة قلبو لهمام انتي _باس ايدي و عيونو عم تلمع....مع انو وعدني كل شي يتصلح بس احساسي ماكان عم يقول هالشي طول عمري بكره احساسي السيء...اجت الممرضة واخدت سارة مني....رحت لمقهى المشفى اشتريت فنجان قهوة وشربتو و طلعت عحديقة المشفى تمشيت شوي بينما يصير وقت رضعة سارة كل ساعتين مرق الوقت و احساسي السيء مرافقني و قلبي مقبوض طلعت لاخد سارة رضعها...رحت على غرفة الحاضنات ومالقيت سارة بحاضنتها....طلعت حواليي...وناديت للممرضات سألتن على سارة وماحدا جاوب....ماحدا بيعرف وينها وين بدا تكون....مين بدو ياخدها...و انا محتارة و دموعي عم تنزل غصب عني...و ايديي على راسي من المصيبة اللي حلت عليي....لقيت نور بوجهي بابتسامتها الشريرة...وعيونها اللي بيخوفو نور:عم تدوري على حدا!!!! ميس:وين بنتي؟؟؟وين اخدتي بنتي وييين نور:ههههههه....بنتك؟؟بنتك بح...خلص..نسيها ميس:شو يعني؟؟؟شو بتقصدي بهالحكي فهميني نور:يعني بنتك صارت ملكي انا...ولاتحلمي بحياتك تشوفيها...متل ما اخدت زوجك قدرت اخد بنتك ميس:انتي وحدة حقيرة....انتي وحدة حقيييرة!!!! نور:انا عشقت همام...حبيتو...اي حبيتو كنت مستعدة اعطيه كل اموالي مقابل انو يتزوجني ههههههه....جرجرتو...و ضليت وراه حتى غلط معي و جبرتو يتزوجني...و بعد ماتزوجني...عطيتو كلللل املاكي...سجلتها باسمو...ضربت عصفورين بحجر تزوجت حبيبي....وخلصت من ولاد المرحوم حبيتو حب بحياتي ماتخيلت اني بقدر اعطيه لحدا وهو قدر هالحب...وعطاني شبابو...وعاش معي عيشة العز اللي بيستاهلها بس انتي بغباءك خربتي كل شي....ورجيتيني غباءي وكيف سمحتلو يستغفلني و يخبي عليي زواجو بس مو على نور...رح ورجيكن شو فيني اعمل همام اذا ماكان الي مارح يكون لحدا عم تفهمي!! و بنتك نسيها احسنلك...لو بتفتلي الارض و السما مارح تلاقيها....وهلأ بااااي ياحلوة!! _راحت و صوت كعبها عم يرن بادنيي...مسحت دموعي و ركدت لباب المشفى...اخدت تكسي و خليتو يوصلني لبيت نور...تخانقت مع البواب حتى قبل يفوتني فتت و مالقيت حدا...لا نور و لاهم ام و لا سارة وين بدهن يكونو!! وين....قعدت على درج مدخل البيت و بكيت...بقيت عم ابكي اكتر من ساعة و خطرلي يكون همام رجع عالبيت...طلعت من الفيلا و نطرت تكسي...اخدت التكسي و رحت لبيتي وياريتني مارحت...ولاشفت اللي شفتو.... سيارات الاطفاء معبية المكان....وبيتي كلو محروق... ريحة الحريق معبية المكان...دفشت الناس و بعدتهن عن طريقي...وفتت لشوف بيتي كيف قالب متل الفحم مافي شي منو مبين...غرفة نومي....غرفة طارق...مطرح ماكنت اقعد مع همام...مطبخي...كللو احترق وصار رماد على شو بدي ابكي ولا على شو بلحظة تزكرت طارق...رحت و دقيت على جارتي فتحتلي الباب وهيه حاملتو اخدتو من بين ايديها و حضنتو و بكيييييت حمدت ربي الف مرة اني تركتو عندها و ماتركتو بالبيت اكيد نور ورا الحريق و كان فكرها تحرمني من طارق كمان قعدت عند الجارة و اعصابي عم ترجف ناطرة جية همام...ناطرتو يجي حامل بنتي مرقو ساعة و تنتين وهمام ما اجى...وسارة بعيدة عني لحد ما سمعنا صوت سيارة الشرطة...و دقو عناصر الشرطة على باب جارتي الشرطي:هاد البيت المحروق للسيد همام؟ الجارة:اي...لهمام هو وينو؟ الشرطي:زوجتو موجودة عندك؟ الجارة:اي موجودة...ميس!! ميس:شو في؟همام وينو الشرطي:ياريت تتفضلي معنا عالمشفى ميس:مشفى شو...شوفي؟ الشرطي:تفضلي معنا و هنيك بتعرفي _رحت انا و جارتي وحملت طارق معي...طلعنا بسيارة الشرطة ودقات قلبي تعدت الالف بالدقيقة وصلنا للمشفى...ونزلنا الشرطي لقبو المشفى....الي فيه البرادات....هنيك لقيت دكتور واقف مع ضابط و معهن شبين..... الضابط:حضرتك ميس محمود ميس:اي انا الضابط:همام شكري بيكون زوجك ميس:اي...زوجي..شوفي حضرة الضابط الضابط:ياريت تفوتي مع الطبيب تتعرفي على الجثة ميس:جثة!!!!!جثة مين...جثة شو؟شو جثة مافهمت الضابط:زوجك همام و زوجتو نور توفو ميس:توفو!!!! الضابط:اي نعم.....ياريت تفوتي تتعرفي عالجثة وبعدها منحكي _قلي الدكتور تفضلي....طلعت بجارتي..ودموعي عم تركد...مشيت ورا الدكتور...وقلبي رح يوقف وطارق متمسك بطرف جاكيتي...مشيت شوي شوي لحد مافتنا و شفت تختين و عليهن شخصين مغطايين بالابيض رفعلي عن واحد و شفت وجه همام...ماتمالكت حالي و صرخت ميس:همااااااام.....هماااام....وين رحت و تركتني ياهماااام الدكتور:طولي بالك اختي طولي بالك ميس:لك شو طووول بااالي....شوطووول بالي لك همام راح...راااااح و تركني لحالي...اخدتو مني...لك اخدتو منيييييي _انهرت عالارض و انا عم ابكي...والدكتور قرب مني ليهديني....شفت طارق...عم يمشي شوي شوي وقف جنب التخت...رفع رجليه و وقف على اطرافهن و لمس وجه ابوه...ناديتلو و ركد لعندي...حضنتو وبكيييت وقفني الدكتور كرمال نطلع من الغرفة... ميس:ورجيني وجها الدكتور:وجه مين؟ ميس:وجه نور...وجه مرتو لزوجي _راح الدكتور و رفعلي الغطا عن وجها....قربت منها و طلعت فيها...كان وجها معبى دم و مزرق...عكس وجه همام الي كان وكأنو نايم ميس:انا مالي مسامحتك...عم تسمعيني..مالي مسامحتك اخدتي زوجي و بنتي و بيتي مني....اخدتي كل شي وهربتي لمكان مابقدر الحقك عليه...انا مالي مسامحتك شدني الدكتور من ايدي و طالعني من الغرفة....اخدتني جارتي بحضنها و طبطبت عليي خسرت كل شي بيوم واحد...بيتي...و بنتي...وحبيبي كل شي ضاع من بين ايديي بلمح البصر وقعت وراق الخروج من المشفى و تاني يوم اندفن همام و اندفن قلبي معو رحت لبيت اهلي....لانو بيتي ماعاد ينسكن...بس ابي رفض يستقبلني... رجعت لبيت جارتي و قعدت فيه فترة....هيه انتبهت عليي و على ابني ماتدايقت مني ابدا بحكم انها ماعندا ولاد و حاولت تخفف عني اد مابتقدر بس مافي شي رح يقدر يخفف عني هالحمل كلو تعبت كتير و اكتأبت كتير....حتى قررت انتحر بيوم طلعت عالبرندا و بدون وعي او تفكير...رميت حالي من طرفها و ماوعيت على حالي الا مشلولة و على كرسي متحرك زادت همومي و زاد تعبي قررت بعد 6 شهور قوي حالي...بعتت زوج جارتي يسألي وين موقع البيت الي مسجل باسمي و موقع محلات همام....قدر يعرف بسهولة و انتقلت عالبيت....وظفت مربية لطارق و سجلتو بالمدرسة...و اجرت محلات همام حتى نقدر نعيش منهن وبعد التحقيق بمقتل همام و نور....تبين انو نور هيه اللي حطت السم بالاكل لهمام و كانت ناوية تقتلو وتهرب ببنتي بس لان القدر عادل و لان الله كبير و هيه طالعة و هربانة من المطعم الي قتلت فيه همام..صدمتها سيارة مسرعة و الصدمة تسببت بموتها فورا...هيه ماتت و سر بنتي سارة اندفن معها و ماقدرت اعرف وينها واضح انها حبت همام كتير و ماتحملت فكرة تخليه عنها بس اد ماحبتو....حبها مارح يعادل ربع حبي الو كبرت صورة لهمام و علقتها بصدر البيت و علاقتي بطارق قويت كتير....و صار يمثلي الحياة بكاملها ربيتو لوحدي....و على دموع عيوني سألت كتير عن سارة بس ماقدرت اوصلا لان املاك نور بعد التنازل استرجعون اولاد زوجها و الفيلا ماعادت لنور فقدت الامل من رجعة بنتي....لوقت ما كبر طارق و تولى امر البحث عنها و لقاها عايشة عند بنت نور....غالية....اللي نسيت امرها تماما" وقدر يوصل لسارة عن طريق رفيقتها ريما...اللي بتشتغل عندو بالمكتب كل املي انو سارة ترجع لحضني...و ترجع تعيش معي و تناديلي يا ماما #يتبع