*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الحالمة* *❴🔢❵الـــبـــــــــــ❴الثاني❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الحالمة_بقلم_نداء_الصوالحي @rwayate الجزء الثاني فقت مرعوبة من حلم مخيف.. كنت عم شوف كيف ست كبيرة بالعمر عم تنقتل.. شفت البيت والعنوان.. شكل الست.. وشفت الساعة في صالون بيتها كانت عم تدق 12 منتصف الليل.. شفت شكل القاتل يلي فايت ع بيتها ليسرقو.. كان قلبي رح يوقف من المنظر يلي شفته.. تناولت كاسة المي يلي جنبي وشربتها ع نفس واحد.. قمت من محلي ومسكت الموبايل ومترددة دقله لييجي ولا لأ.. اطلعت بالساعة كانت 10ونص المسا.. ولازم قرر من هاي الليلة ومن هاد الحلم.. قرر ساعدو ولا اتركها تموت متل يلي تركتهم قبل.. بس انا تعبت.. انا تعبت كتير وبدي ساعدهم واخلص من هالشي يلي جواتي.. كلام معتصم لسا ببالي.. كل يلي قالو الصبح صحيح ((( معتصم: اسمعي.. انا مابدي اشهرك ولا احكي لحد عنك.. انا بس طالب مساعدتك.. حور: مساعدة شووو اتركني بحالي.. انت مفكر اني حابة شوف هيك احلام.. مفكر انه لما احلم بواحد بينقتل وافيق من حلمي وينقتل فعلاً.. هيك بكون مبسوطة.. انا تعبت انا بخاف حط راسي عالمخدة ونام.. بخاف غمض عيوني حتى ما شوف حد عم يموت واسمع تاني نهار انه مات.. انت مو حاسس بشي.. انا عم حس بالذنب طول الوقت.. عم اتألم وانا نايمة وقت بشوفهم عم يموتو قدامي وانا مو طالع بايدي شي.. بحس انه ذنبهم برقبتي اناا معتصم: لكان خليني ساعدك.. لازم تساعديني انتي كمان حتى يتلاشى شعور الذنب يلي جواتك.. انتي ربنا حط فيكي شي مهم كتير وفيكي تستغليه وتنقذي ارواح من القتل حور: انا ما رح استغل شي.. انا لو بايدي انقذ حد كان قدرت انقذ ابي معتصم: بس حور: لو سمحت انا كلامي خلص.. بدك شي معتصم: انا رح اتركك تفكري.. ورح اتركلك رقم موبايلي ياريت تفكري منيح وترديلي خبر.. سواء جوابك اي او لا.. فأنا بانتظار ردك بتمنى يكون ردك القبول..لانه حرام تدفني حالك بالحياة وتروح ارواح ناس بسبب خوفك واهمالك.. بخاطرك امي: الله معك استاذ.. حور: ليه ياامي ليه!! امي: ما كان عندي حل تاني الا هيك.. ما فيني شوفك عم تدبلي قدام عيوني بدون ما اعمل شي.. اذا كانت هالاحلام عم تاكل فيكي وتتعبك ف انا بفضل تتعبك وانتي عاملة شي مهم ولا انها تتعبك بدون فايدة.. ))) دقيت لرقمو وانا عم ارجف.. صار لازم اخد قراري.. بعد ثواني قليلة رد عليي معتصم: الو.. مرحبا ! حور: مسا الخير.. معتصم: مسا النور.. مين معي حور: انا حور.. معتصم: اهلا اهلا.. كنت واثق رح تدقيلي حور: فيك تيجي لعنا هلء معتصم: هلء!! الوقت متأخر كتير حور: مو حابب تبلش وتساعد الضحية الجديد! معتصم: ثواني رح تلاقيني عندك ===== بعد ما وصل معتصم وخبرته تفاصيل الحلم كلها.. عنوان بيت الست والمنطقة يلي فيها وشو يلي بدو يصير.. اتصل ع دورية شرطة وطلع مستعجل وملهوف.. كانت الساعة رح تقلط 11 والمكان بعيد عنا شي ساعة.. تمنيت يلحقوها ويمسكو القاتل.. بقيت قاعدة ع اعصابي ومتوترة كتير.. ما بعرف يلي عم اعملو صح ولا غلط.. معقول يلي عم اعملو رح يأثر ع حياتنا وع طبيعة العلاقات.. وطب وبعدين شو رح يصير.. بدي وقف كل جرايم العالم.. هالشي مو منطقي.. مو منطقي ابداً.. بقيت فكر لوقت ما رن موبايلي كان رقم معتصم.. رديت بلهفة وصوت بيرجف حور: طمني.. شو صار!! معتصم: الحمدلله وصلنا بالوقت المناسب ولحقنا الست.. بس ما قدرنا نمسك القاتل هرب منا حور: يييه عنجد معتصم: لا تخافي.. الجايات كتار.. المهم اني بدي اتشكرك كتير وبدي تتاكدي انه يلي بتعمليه هوا الصح حور: ان شاء الله.. معتصم: انا لازم شوفك بكرا لنتفق ع كل شي حور: اي ماشي تفضل لعنا باي وقت.. دائما بالبيت معتصم: لا انا رح استناكي ب سيارتي ع باب البيت لاخدك ع شي محل حور: بعتذر ما فيني اطلع لمحل معتصم: خلص متل ما بدك.. رح اجي لعندكم عالبيت المهم تكوني مرتاحة حور: شكراً الك.. تصبح على خير زتيت الموبايل من ايدي وارتميت ع السرير.. ارتحت كتير وقت طمني انهم انقذوها للست.. مابعرف شو الي كان مخوفني كل هالقد.. ليه ما حاولت ساعد من قبل.. ليكني ما خسرت شي.. بالعكس ارتحت كتير ===== في بلكونة بيتنا.. كنت قاعدة انا وامي والضابط معتصم.. كان عم يحكيلنا تفاصيل الليلة وكيف فاتو عالبيت ولحقو الست الكبيرة قبل لا تموت.. كانت نظرات الفرحة ع وجه امي ما بتتفسر ومركزة بكل كلمة عم يقولها معتصم فاتت بهاللحظة مايا عالبيت.. كانت مروحة من المدرسة.. اجت ركض لعنا مايا: ماما.. حور.. هاد انت معتصم: كيفك يازعرة مايا: منيحة عمو كيفك انت حور: ايه ومنين بتعرفو بعض.. مايا: لك هادا الضابط يلي مرة اجا عالبيت وسال عنك حور: ااه.. يعني انتي كنتي حاكيتيلو من قبل امي امي: اي يومها كنت مخبرته عنك لييجي ويسال حور: اي وعملتي حالك ما معك خبر معتصم: ايه مدام هداية طابختها مظبوط ههههه حور: ههههه امي: انا رح روح اعمل شاي.. عن اذنكن تعي مايا معتصم: اذنك معك خالة.. حور!! حور: ايه تفضل معتصم: بدي اسالك.. من ايمتى بتجيكي هي الاحلام.. يعني الها فترة طويلة!! حور: اي.. من وقت الي اتوفى ابي معتصم: كيف توفى! و قت سالني معتصم ما قدرت خبي دمعتي.. حسيت حالي اختنقت.. واتذكرت كل تفاصيل الحادثة.. ما بقدر انسى هاليوم بالتحديد.. معتصم: حور.. عم تبكي!! انا بعتذر كتير ما قصدت دايقك حور: لا ما اتدايقت بسببك.. بس مافيني انسى يلي صار يومها.. احساس الذنب عم يقتلني كل يوم وكل لحظة.. يمكن لو ما استهترت بالي شفتو كان هلء بابا قاعد حدنا هون معتصم: خبريني.. كتير حابب اسمع منك حور: يوما كان الجو ماطر كتير.. بتذكر هاليوم بكل تفاصيله.. كانت ماما حامل ب مايا بالاشهر الاولى.. وكان حملها صعب.. يومها تعبت وحست بخطورة ع حملها وراحت عالمشفى لتطمن .. ما قبلت اني روح معها ووصت بابا يبقى عندي بالبيت لانه الوقت كان متاخر.. طلبت تكسي وطلعت يومها لوحدها.. وقعد بابا يحكيلي حكاية حتى نام.. نمت وقتها وانا مبسوطة كتير.. بس سرعان ما ققت مزعوجة وفي شي خانقني معتصم: خلص حور لا تكملي حاسستك رح تختنقي حور: لا رح كمل.. بما اني بديت.. وقتها حلمت انو ابي نايم ع تختو بهدوء.. ورجالين بيفوتو البيت.. واحد بيمسك مخدة وبيخنق ابي فيها.. بيضل يخنق فيه لحتى يموت.. ما قمت وقتا من تختي.. حسيت بانه مجرد كابوس مزعج مو اكتر.. ما رحت اطمن ع ابي ولا رحت لشوفه.. بقيت ع تختي وحاطة الغطا عليي لوقت ما سمعت صوت باب بيتنا.. فكرت امي اجت.. طلعت لشوف بس ما كانت امي.. تخبيت فوراً.. كانو نفس الرجالين يلي شفتهم بالحلم.. وصلو لغرفة ابي.. تمنيت روح واعمل ايا شي بس رجليي ما كانو يساعدوني.. من الخوف ما قدرت حرك اي جزء بجسمي.. بقيت متخبية ورا باب غرفتي لوقت ما سمعتهم طلعو من الغرفة وواحد عم يبهدل بالتاني.. كان عم يقلو ياغبي خنقته عالفاضي مو هاد الرجال المطلوب معتصم: شوو ! حور: متل ما عم قلك.. حتى بعد ما انقتل.. انقتل بالغلط..وطلع مو طلبهم معتصم: مو عارف شو احكي حور: لا تحكي شي.. بعرف اني ضعيفة وجبانة.. اضعف من اني ساعد ابي معتصم: بس انتي كنتي صغيرة كتير لو عملتي وقتها شي كان قتلوكي حور: كان فيني اطلب الشرطة او اتصل ع اي حدا.. كان بايدي ساعد باي شي ولا اني اتخبى متل الجبانة عرفت ليه انا ضعيفة ومهزوزة.. معتصم: حور لا تحملي حالك الذنب انتي كنتي طفلة حور: ياسيدي.. ومن وقت ما حلمت بأبي والاحلام ما عم تفارقني.. كل فترة عم شوف حلم بشخص عم ينقتل.. وبفيق تاني نهار بينقتل بنفس الساعة يلي شفتو فيها معتصم: كيف متحملة كل هالشي حور: ما كنت اتحمل.. كنت حاول ضل فايقة حتى ما احلم.. كانت تمر عليي ليالي بلا ما اغمض عيوني.. واحيانا اخد مهدئات ومنومات حتى نام بدون تفكير مو شايف عيوني كيف شكلهم !! معتصم: بس حلوين رغم التعب الي محاوطهم رجف قلبي وابتسمتله.. اتذكرت امي وحاولت غير الموضوع حور: مو ملاحظ امي اتاخرت كتير معتصم: هههه ايه حور: رح روح شوفها.. ماماا.. ماما امي: اي شو فيه حور: وين تركتينا ورحتي.. ووين الشاي امي: اي انا شفت الحديث اخدكن ف قلت لحالي بأجل الشاي شوي معتصم: هههه خلص مافي داعي انا صار لازم روح التفتت ورايي كان معتصم قايم من محلو وطالع من البلكونة وجاي لعنا.. حتى يستأذن امي: خليك ابني اتغدى معنا اطلعت بإمي وزورتها انه كتير اخدت عليه معتصم: لا خالة تسلمي.. لازم روح انا تارك الشغل.. مافيني اتأخر امي: ماشي ابني الله معك معتصم: حور انا رح انتطر اتصالاتك باي وقت.. لا تترددي ابدا من انك تدقيلي.. حور: ماشي.. لا تقلق معتصم: شكراً الك كتير حور: بالعكس انا يلي لازم اتشكرك ودعت معتصم ورجعت ع غرفتي.. وقعدت فكر بهاليومين والي صار معي.. ما بعرف انا هيك عم اعمل الصح ولا هالشي رح يعود عليا بالمصايب والأذية