*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الحالمة* *❴🔢❵الـــبـــــــــــ❴الرابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الحالمة_بقلم_نداء_الصوالحي @rwayate الجزء الرابع بعد ما خلصت ترتيب البيت.. قعدت ارتاح شوي.. كانت امي بالشغل ومايا بالمدرسة.. مسكت قطعة قماش جديدة وادوات الخياطة ونويت بلش بدمية جديدة.. بس هالمرة رح اعملها إلي انا.. قديه عملت دمى وبعت منهم.. بس ولا مرة عملت وحدة الي.. بلشت اشتغل فيها والتهيت ساعات وانا بعمل.. لوقت ما اتذكرت انه معتصم طلب مني ابعتله اسماء بالاشخاص الي حلمت فيهم من قبل.. كتبت الاسماء يلي تذكرتها وبعتتله اياهم بمسج وكملت شغلي.. === فقت ع صوت مايا عم تزق فيني.. فتحت عيوني واطلعت فيها.. انتبهت اني نايمة متل ما انا والقماش بايدي مايا: الي ساعة عم فيق فيكي حور: والله! من ايمتى جيتي مايا: قبل شوي.. فتت غيرت تيابي وقعدت فيق فيكي كنتي بسابع نومة حور: ااخ ما بعرف يمكن نمت من التعب وقلة النوم مايا: هلء ما بدك تحكيلي شو عم يصير معكن حور: مابصير شي مايا: وعمو معتصم شو عم ييجي يعمل هون كل يوم حور: شغل يا روحي شغل مايا: شغل شوو حور: خلص مايا لا تضلي تزني فوق راسي.. قومي لحضرلك الاكل هلء شوي وبتوصل ماما هربت من مايا واسألتها الي ما بتخلص.. طول عمرها فضولية وطفلة صعبة وعنيدة ولو بدها تعرف شي رح تعرفو حتى لو بأي طريقة.. وهاد الي كنت خايفة منو.. بلشت حضر بالغدا لحتى وصلت امي.. تغدينا سوا وطبعا ما خلصت من اسألتها طول ما نحنا بناكل.. عن معتصم والي صار.. ووين رحنا ووين جيتا ومتى رجعت عالبيت.. ==== المسا كنا قاعدين جنب المدفأة وعم نحضر فيلم.. رن موبايلي وكان معتصم.. فتت ع غرفتي ورديت عليه.. كنت مشتاقة اسمع صوته كتير حور: اهلين معتصم معتصم: مسا الخير.. ازعجتك! حور: ابداً.. كيفك معتصم: بخير مشتقلك حور:... معتصم: اي انا اتصلت لخبرك عن الاسماء يلي بعتيلي اياهن حور: ايه!! معتصم: متل ما قلتلك في شي مشترك بين هالاحلام وهالناس يلي عم تنقتل.. يعني مو غريبة انه ما بتحلمي باي حد بنقتل.. يعني انا ضابط وعم شوف حالات قتل وطعن كتير بعيدة عن احلامك.. بس الحالات يلي بتحلمي فيهم والاشخاص يلي بحثت عنهم معظمهم كانو اغنياء وشخصيات معروفة حور: والله! معتصم: اي مثلاً الست الكبيرة يلي لحقناها كانت مرتو ل وزير الاقتصاد.. والبنت يلي انقذناها اليوم طلعت بنت عقيد في الشرطة حور: شو!! معتصم: متل ما عم قلك.. غير الاشخاص بالسنوات الي فاتت كلهن شخصيات مهمة .. والملفت للانتباه انه ولا واحد منهن عرفو يلي قتلو حور: بتقصد القاتل ممكن يكون الشخص نفسه معتصم: مو بالضرورة يكون شخص واحد يلي قتل.. بس ممكن يكونو كلهن لاجئين لشخص واحد.. او مجرد رجال عم يشتغلو عند شخص واحد حور: معتصم انا بلشت خاف معتصم: من شو تخافي.. حور انتي بامان ما حدا بيعرفك ولا بيعرف عنك شي اطمني حور: ان شاء الله.. معتصم: انا رح سكر هلء.. لو صار معك شي جديد خبريني حور: ماشي.. تصبح على خير === عم تمر الايام.. والاحلام مرفقاني بمناماتي.. كل كم يوم لازم شوف حلم.. ولحتى الان انا ومعتصم عملنا انجاز كبير بالارواح يلي انقذناها.. لدرجة الكل عم يتسائل كيف معتصم عم يلحق كل هالجرائم.. والصحافة بلشت تتسائل.. بس كالعادة معتصم ما بيعطي اي معلومة لحدا.. معتصم صار جزء كبير من حياتي.. جزء لا يتجزء من يومي.. صرت شوفه كل يوم.. وكإنه شخص من عيلتي وساكن معنا.. امي عم ترتحلو كل يوم اكتر من يلي قبله.. وانا عم حس بالامان والراحة بوجوده معي.. حتى مايا بلشت تحبه وتتعلق فيه.. ==== فقت الصبح مفزوعة من حلم جديد بس ما بتذكر ايا شي منه غير وجه معتصم .. غسلت وجهي وتناولت الموبايل ودقيت ع معتصم كتير بس ما رد خفت كتير وحسيت قلبي رح يوقف.. رجعت ضليت دقله بس ما رد ابداً بقيت انطر ساعة لحد ما نفذ صبري.. اطلعت بالساعة كانت 100 الصبح.. امي بالشغل ومايا بمدرستها.. فكرت روح لعنده عالمركز اطمن عليه بس اترددت وخفت امي تنزعج مني اتصلت فيها لحتى خبرها واخد رأيها امي: اي امي صاير شي! حور: لا ماما بس بدي قلك شي امي: شو امي قلقتيني حور: ماما انا حلمت ب معتصم امي: اولي.. صرلو شي حور: ماما ما صرلو شي بس انا كتير قلقانة وعم دقله ما بيرد.. بدي روح اطمن عليه.. شو رايك امي: اي امي روحي روحي حور: ما عندك مانع امي: لا امي اطمني عليه وطمنيني.. وانتبهي ع حالك حور: حاضر امي رح حاول ما طول وارجع قبل مايا عالبيت امي: ماشي حبيبتي الله معك لبست تيابي وطلعت ركض من البيت.. طول الطريق وانا حاسة نفسي رح ينقطع بدي اوصل لعند معتصم بأي طريقة.. بدي اطمن عليه بعد ربع ساعة نزلت من التاكسي ع باب مركز الشرطة.. كنت بشوفه لاول مرة من قريب.. اله هيبة والقرب منه بيخوف فتت لجوا وبلشت اتفتل يمين شمال ما عرفت وين روح.. وقفت عند عسكري لافهم منه حور: لو سمحت.. العسكري: ايه تفضلي حور: وين ممكن لاقي الضابط معتصم العسكري: هاد مكتب الضابط معتصم بس هوا مو هون.. شوي ورح ييجي اذا بتحبي تنطريه حور: طب فيني اعرف وين هوي العسكري: عفوا انسة هالشي مو من حقك.. بامكانك تنتظري هون حور: ماشي شكراً حضنت شنتايتي وقعدت ع كرسي بجنب الحيط متل كراسي الانتظار.. بقيت اطلع شوي بساعتي وشوي حواليي.. لوقت ما لمحت معتصم جاي ناحيتي.. قمت من محلي بسرعة والفرحة رح تاكل قلبي لاني شفته بخير معتصم: حور شو عم تعملي هون بدون وعي حضنته وانا عم ابكي.. هوا اتلبك كتير وبلش يطلع حواليه حور: الحمدلله انك بخير كنت رح موت من الرعبة معتصم: حور شو فيه.. صاير شي!! اهدي وتعي فوتي لجوا عسكري هات 22 قهوة فوراً العسكري: حاضر سيدي فتت انا ومعتصم لجوات المكتب وناولني كاسة مي وشربتا ع نفس واحد.. كان عم يطلع فيني بارتباك معتصم: لك شو فيه ليه هيك حالتك خبرته يلي صار معي والحلم يلي شفته بس هوا طمني انه مجرد كابوس وما اله علاقة بالاحلام يلي بشوفها.. حكينا سوا وسالته ليه ما كان عم يرد ع اتصالاتي وافهمت انه والده اللواء جابر مرض فجأة وفوتوه المشفى وراح يتطمن عليه وماقدر يحاكيني بين الضباط والدكاترة.. حور: الله يقومه بالسلامة يارب معتصم: ان شاء الله.. حور: انا صار لازم روح هلء رح اتاخر ع البيت معتصم: طمنيني عنك بس توصلي حور: ايه.. ماشي قمت من محلي لاطلع.. بس ايد معتصم وقفتني.. اتلبكت وسحبت ايدي منه حور: معتصم!! معتصم: حور.. انا.. انا حابب اعترفلك بشي حور: شو! معتصم: مو هلء.. فينا نتقابل اليوم بشي محل حور: ماشي.. رح حاكيك المسا ونتفق معتصم: انتبهي ع حالك.. ===== كنت عم امشي وحاطة ايدي ع وجهي.. حاسسته متل النار.. وقلبي عم يرقص وينط.. ما بعرف شو السبب.. معتصم لسا ما حكا شي.. بس مجرد الفكرة عم تعمل فيني هيك.. كيف لو حكا شي!! اخدت نفس وكملت قطع الطريق لوقف تاكسي وارجع عالبيت.. بس للحظة وقفت بوجهي سيارة ليموزين كبيرة كتير.. كانت كبيرة لدرجة غطت كل شي قدامي.. نزل منها تنين طوال وعراض الواحد فيهن بيوزن فوق ال200 كيلو.. مسكوني من ايدي حاولت صرخ بس فوراً واحد منهم حط ايدو ع تمي.. وبثانية زتوني جوات السيارة.. بلشت احاول اخبط فيهم وابعدهم عني بس كانو اقوى مني.. حطو ع تمي كمامة ما بعرف شو فيها.. بس ما حسيت ع حالي الا وعيوني بتغمض وجسمي بيرتخي