*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الحالمة* *❴🔢❵الـــبـــــــــــ❴الخامس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الحالمة_بقلم_نداء_الصوالحي @rwayate الجزء الخامس نزلوني ع باب البيت الساعة 6 المسا .. كان وجهي شاحب والخوف عم ياكل جسمي اكل فتحت الباب وفتت لجوا لقيت امي بوجهي.. ركضت لعندي تصرخ وتقاتل فيا امي: وييينك لهلء.. لك موتيني من الخوف والرعبة.. وين كنتي حور:..... امي: لك ردي.. النا من الظهر عم ندور عليكي.. معتصم رح يموت من خوفه.. ما خلا مكان الا وسال عنك فيه.. ليه موبايلك مسكر.. لك ردي حور: انا منيحة.. بنحكي بعدين.. لو سمحتي بدي ناام امي: تنامي!! حوور.. حووور تركت امي عم تنادي عليا وفتت غرفتي.. قفلت الباب وقعدت عالارض.. ما كنت عم صدق الي صار والحال يلي وصلتله.. كنت حاسة انه هالقصة من الاول ما رح تمشي على خير طالعت الموبايل من جيبتي وفتحته.. وصلني رسائل كتير من معتصم وامي.. ما قدرت اقرأ شي.. اتصلت ع معتصم ورد من اول رنة معتصم: حوور.. حور سامعتيني؟!!! حور: اي معتصم معتصم: لك وينك انتي.. شغلتي بالي.. لك كنت رح موت.. وين اختفيتي.. صرلك شي حور: لا انا منيحة بس انشغلت شوي معتصم: لازم شوفك حور: ما فيني شوفك.. معتصم انا ما عاد بدي ساعدك معتصم: شو!! ليه شو الي تغير حور: ولا شي.. انا اليوم فكرت منيح ولقيت من الافضل انه تتركني بحالي.. انا ما عاد بدي ساعدك ولا بدي شوف وجهك معتصم: حور انتي واعية شو عم تحكي حور: اي واعية كتير.. عم قلك انا ما عاد بدي ساعدك.. وياريت لا بقى تتصل عليي.. بخاطرك معتصم: حور... حووور سكرت المكالمة وزتيت الموبايل ع الارض.. وانهرت بالبكي.. حسيت قديه انا ضعيفة .. فعلاً انا ما رح اتغير ورح ضل هيك جبانة قمت عن الارض ونمت ع التخت وضميت رجليي لصدري بخوف وانا عم ارجف.. قعدت اتذكر يلي صار معي من وقت ما فوتوني ع السيارة.. من لما فقت بمكان مهجور ومخيف ومعتم كتير.. فتحت عيوني وقتها بصعوبة من قوة الضو الي موجه عليي ((( حور: بعد الضو عن عيوني رح تعميني مجهول: هيك احسن!! حور: مين انتو شو بدكن مني مجهول: ما بدنا غير راحتك وسلامتك انسة حور حور: طب خلوني ارجع عالبيت انا ما عملت شي مجهول: مو هلء.. بس ييجي البيك حور: انو بيك مجهول: ها ليكو اجا.. اتفضل يابيك هي البنت يلي طلبتا نضال: اهلا وسهلا بست الحسن والجمال اطلعت بالرجال يلي عم ينادولو البيك.. كان رجال كبير باواخر الخمسينات.. الشيب غازي ع شعرو.. كان مألوف الي بطريقة غريبة.. حتى صوته كإني سامعتو من قبل او محفور بذاكرتي حور: مين انت نضال: انا نضال باشا.. الي رح يخليكي تعرفي تسكتي حور: اسكت عن شوو.. انا ما عملت شي نضال: هلء كل يلي عم تعمليه وبتقولي ما عملتي شي.. لا لا رح ازعل هيك انا حور: لك شو بدك منننني قرب مني وشدني من شعري بقوة لدرجة حسيته رح يطلع بايده حور: اااااخ اترك شعررري نضال: هلء انااا نضال باشا.. يخرب شغلي ومخططاتي من تحت راس وحدة زعرة متلك حور: مخططات شو نضال: كنتي مفكرة احلامك هي رح تضلها سر وما حدا رح يدرى فيها!! حور: شوو نضال: عملتي من الجبان معتصم بطل! طالعتيه ع حساب شغلي وكتاافي حور: انا ما بعرف عن شو عم تحكي نضال: اسمعي.. انا ما بدي أئذيكي.. وما بدي اخد واعطي معك اكتر انتي ما بتهميني.. كل يلي بدي اطلبه منك تسكري تمك.. صعبة هي!! حور:.... نضال: نحنا كنا عم نراقب الضابط معتصم وكنت شوفك معه.. وضليت وراكن لعرفت حكايتك.. يعني ما فيكي تنكري.. وكل شي ساعدتيه فيه كان عم يخرب شغلي لهيك لازم تسكتي عم تفهمي حور: انا ما رح اسكت ولا وقف شي.. انا رح كمل وانقذ ارواح ناس ابرياء انت عم تقتلهم بلا سبب نضال: هههههههه برافوووو.. زقفولها شباب.. ضحك بصوت عالي وسكت فجأة وتحولت ابتسامته لغضب واطلع عليي بعيون متل الجمر نضال: هدول مووو ابرياء.. كلهن ناس نصابين بينهبو مال العالم كلهن بيستحقو الموت.. وانا عم اعطيهم الشي يلي بيستحقوه حور: مين انت لحتى تحاسبهم.. الهم رب يحاسب.. انا ماا رح اسكوووت عم تفهم نضال: لا رح تسكتي غصب عنك مو بكيفك.. والا بدي تودعيلي هي الامورة قرب مني موبايل وفتح فيديو لمايا اختي وهي عم تطلع من مدرستها وتمشي بالشارع.. بس شفتها حسيت قلبي رح يوقف.. خفت كتير واتاكدت انه كلامه مو لعب ولا مجرد حكي.. القتل عندهم متل شرب المي وممكن باي لحظة يقتلوها حور: ط ط طيب انت شو يلي بدك اياه نضال: شطورة.. ما بدي شي.. بدي رجعك ع بيتك سالمة وآمنة.. وكل يلي عليكي تطلعي معتصم من حياتك وتطفشيه وما عاد تساعديه وتتركيني اعرف اشتغل.. وشو ما حلمتي تفي ع جهتك الشمال وكملي نومك حور: بس نضال: ولا بس ولا شي.. ما عندك الا خيارين.. اما تنسي قصة الاحلام وتعيشي بين اختك وامك.. او تودعيهم وتقرأي ع ارواحهم الفاتحة حور: ماشي ماشي بترجاك لا تإذي اختي وامي انا ما الي غيرهم .. انا رح اعمل متل ما بدك نضال: ايه هيك ها.. من اول ماشفتك قلت هي بنت ذكية.. تشرفت بمعرفتك ياحلوة.. ما بدي ارجع شوف وجهك مرة تانية اي.. حور: ولا انا.. نضال: خدوها من وجهي.. مسكوني تنين وطلعوني لبرا وحطوني بالسيارة نفسها الي اجيت فيها.. رجعو حطو الكمامة ع وجهي وغيبت من تاني.. فقت ع صوتهم عم يقولولي اني وصلت البيت مجهول: يلا ياحلوة انزلي.. وتمك هاد سكريه متل ما امرك البيك حور: بعد ايدك عني.. انقلع من هون مجهول: ههههه قوية نزلت من السيارة وهني مشيو..))) طلعت من ذاكرتي ع صوت صراخ برا وتخبيط عالباب.. نطيت من محلي بخوف.. بس هديت لما سمعت انه صوت معتصم معتصم: خالة وينها.. انا لازم حاكيها امي: والله ياابني من وقت الي رجعت فاتت غرفتها وما قبلت تحكي شي معتصم: انا لازم افهم شو الي صاير حور.. افتحي الباب فوراً.. لازم نحكي.. حوور قربت ادني من الباب ودموعي عم تنزل لوحدها.. نفسي اركض لحضنو وخبرو انه غصب عني.. بس مافيني.. مابقدر اعرض اختي وامي للخطر مشان انقذ ناس ما بعرفهم.. ما رح ضيع اهلي مني ع حساب حدا تاني.. انا ما الي غيرهم معتصم: حوووور رح كسر الباب مسحت دموعي وفتحت الباب ووقفت بوجهو وحاولت اتمالك اعصابي حور: شو بدك.. بدي ناام.. حاج صراخ معتصم: لك حور شبك.. شو يلي صابك فجأة حور: ما صابني شي.. بس انا قعدت مع حالي وفكرت.. واتاكدت انه هاد الاحسن.. انا ما دخلني بالناس يلي عم تموت.. انا مو مجبورة ساعد حدا.. انا بدي عيش حياتي بعيد عنك وعن الجرايم.. فيها شي هي!!! معتصم: بس هاد مو كلامك.. انتي مبسوطة لانك عم تساعدي وتنقذي الناس..منين طلعتي بهالحكي حور: هيك احسن للكل.. ما بدي عرض حالي واهلي للخطر معتصم: وانا.. ماعاد بدك تشوفيني حور: ليه لحتى شوفك.. كان بينا شغل وانتهى معتصم: بس انا بحبك هالكلمة نزلت متل المي الباردة ع جسمي.. يا الله شو حلوة طالعة منه.. كان نفسي احضنه وقله اني كمان بحبه وبموت فيه.. بس ما فيني.. ما بقدر اخسر مايا وامي.. بكفي ابي راح بسببي.. معتصم: عم قلك بحبببك غمضت عيوني وحاولت علي نبرة صوتي واحكي بجدية حور: حب شو معتصم.. انا ما بعرفك ولا انت بتعرفني.. نحنا جمعتنا ظروف سيئة وشغل اسوء وانا ما عاد بدي كمل.. لهيك لا تحكيلي حكي فاضي معتصم: حكي فاضي!!! حووور حاج تخبصي حور: لك حل عني بقى.. انا ما عم خبص.. انا ماا بدي ساعدك وما بدي اعمل شي.. روح حل قضاياك وانقذ الناس بعيد عني وعن حياتي.. ولا بقى تيجي لهون معتصم: ماشي حور.. انا رح روح من هون وما رح ارجع.. بس بدي تعرفي انه فعلا كلامك صحيح انتي وحدة جبانة وضعيفة كتير.. ياخسارة ياحور.. ياخسارة.. اطلع فيني بخيبة امل ومشي من قدامي عيوني..