*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الحالمة* *❴🔢❵الـــبـــــــــــ❴السادس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الحالمة_بقلم_نداء_الصوالحي @rwayate الجزء السادس مر يومين ع الي صار وانا ومعتصم ما شفنا بعض ولا حكينا.. كلماته لسا عم ترن براسي.. نظرة الخيبة الي شفتها بعيونه ما عم تفارقني.. عرفت حالي قديه ضعيفة ومحتاجة احكي وفضفض.. كل شي عم اعملو غصب عني.. مافي شي بإرادتي.. بقيت بغرفتي طول الوقت عم اطلع بالفراغ.. ما كنت حاكي امي ولا اختي.. حاولت امي تفهم مني سبب تغيري بس ما قدرت احكيلها شي.. لدرجة انها اتدايقت مني كتير وحست يلي عملته خوف وضعف مني.. حتى مايا حقدت عليي لاني زعلت معتصم وما بقى ييجي لعنا.. المسا تعبت من كتر التفكير وحاولت اشغل حالي بشي.. طالعت الدمية يلي كنت اعملها لحالي وطالعت الغراض وقعدت كمل فيها واعمل ملامحها وحاول انهيها.. الساعة 9 ونص المسا كانت خالصة تماما.. اطلعت فيها وقعدت ابكي كانت نسخة مصغرة عن معتصم.. دمية بتشبهو كتير.. بلون بشرته وخيوط بلون شعره الاسود واللبس يلي عم يلبسو ع شغلو.. ما عرفت اضحك ع حالي ولا ابكي حاولت طول الوقت اشغل حالي عنه.. بس بالنهاية ما طلعت الا بدمية طبق الاصل عنه.. ==== من كتر التعب والارهاق ولاني الي يومين ما غفيت عيني.. نمت الليل بلا هز.. رميت كل شي من ايدي ونمت كانت نومة عميقة ومريحة كتير.. بس سرعان ما بلشت اعرق وارجف والكوابيس بلشت تيجي لعندي.. بالحلم هاد كنت عم اختنق وحاسة روحي عن تنسحب مني.. شفت حالي واقفة ع باب مشفى وعم أقرأ باسمه.. وشي عم يقلي فوتي.. فتت وبلشت امشي كان المشفى فاضي وما في اي مخلوق.. عم امشي واطلع حواليي.. ودور ع حدا بس ما بعرف ع مين عم دور.. بقيت امشي لوقت ما وصلت ل باب غرفة مريض.. كان ع باب الغرفة 22 عساكر مقتولين عالارض.. بس شفتهم غمي ع قلبي.. اخدت نفس وكملت مشي وفتحت الباب شوي شوي واطلعت ع المريض يلي متمدد ع السرير واطلعت ع الساعة يلي بجنبه كانت واقفة ع 7.. رجعت دققت بالمريض الي نايم بلعت ريقي بس شفت شكله.. كان ابي.. اي ابي.. نسخة عن ابي بس ع رجال اكبر نفس وجهه وشعرو.. نفس ملامحو بس اكبر بالسن وشايب.. كنت رح روح اركض لعنده وحط راسي ع صدرو.. بس قبل ما اتحرك اي خطوة.. انتبهت انه في عندو تنين جوات الغرفة عم يقربو عليه.. كانو عم يقربو وانا ارجع لورا.. اتخبيت ورا الباب من برا واطلعت عليهم بطرف عيني.. كان واحد منهم ماسك مخدة وبيقربها على ابي.. حطها ع وجهو وبلش يخنق فيه.. وانا حاطة ايدي ع تمي ومو قادرة طلع صوت ولا صرخ وحاسة حالي عم اختنق مع ابي.. والرجال التاني كان عم يضحك.. كان فاتل ظهرو ومو شايفة شكلو.. كان عم يضحك ويحكي للقاتل..(( اخنقو.. اخنقو لنخلص منو.. واخيراً وصلنا للشخص المطلوب)) واول ما خلصو فتل لناحيتي.. وانا بس شفت شكله صرخت وفقت من الحلم ======= صرت ارجف بشكل هستيري وصابتني بردة فظيعة.. جسمي كلو صار يوجعني.. ما استوعبت شي من الحلم ليه حلمت بأبي.. وشو الهدف من هالحلم اذا ابي ميت من زمان.. ركضت عالحمام وصرت استفرغ بشكل كبير.. راسي عم يوجعني وبطلت جمع ومو قادرة اربط كل هالاحداث مع بعض.. فاقت امي ع صوتي واجت لعندي امي: حور.. شو صاير معك.. بردانة! تعبانة شي!! حور: تعبانة كتير امي.. تعبانة وحاسة رح موت.. تعبت من الاحلام تعبتتت امي: اهدي يابنتي اهدي.. اخدتني ع غرفتي وساعدتني لاتمدد عالتخت.. امي: شفتي حلم جديد حور: لا امي.. باينتو كابوس مو شي تاني امي: يعني ما حلمتي بحد عم ينقتل حور: لا امي حلمت.. بس بشخص ميت من الاساس.. يعني كان حلم مكرر.. ما بعرف يمكن كابوس او ذكريات امي: خلص ارتاحي انتي هلء انا رح ضل جنبك بقيت امي جنب راسي عم تقرا قرآن وانا حاولت غمض عيوني وارجع نام بس ما قدرت.. تفاصيل الحلم لسا ببالي.. وشكل نضال لما فتل ظهرو بالحلم ما قدرت انساه هالحلم اكدلي انه نضال كان السبب بموت ابي.. وكان ورا كل شخص انقتل بس ليش لارجع احلم انه قتل ابي مرة تانية.. شو الفايدة هلء بعد كل هالسنين.. وكيف بدي اثبت انه هوا يلي قتلو لابي.. مافي اي اثبات.. وما حدا رح يصدق احلامي.. ضليت اتقلب بتختي لتطلع النهار .. اطلعت ع الساعة كان 6 الصبح كان الوقت بكير وامي بعدها ما نامت متلي ولساتها مع تقرأ أذكار وقرآن.. قمت اخدت دوش وعملت قهوة الي ولامي وقعدنا سوا.. كانت طول القعدة عم تحاول تحكي معي وتفتح مواضيع بس انا كنت شاردة تماماً ومو مركزة باي شي عم تقوله.. لوقت ما نطقت باسم معتصم حور: شبه معتصم.. بعتذر امي ما سمعت شي كنت شاردة شوي امي: كنت عم احكيلك اني عم اتواصل مع معتصم ع طول واطمن عليه بس حالته النفسية كتير سيئة بسبب والده حور: اي !! امي: من وقت الي مرض وهوا موجود بالمشفى وفايت بغيبوبة مفاجأة وما بعرفو شو سببها حور: اي خبرني من قبل.. يعني والده لهلء ما فاق! امي: لا ابداً.. هوا كتير خايف ع والده وبيتمنى يطلعه من المشفى حاسس خطر ع حياته حور: كيف يعني ما فهمت امي: اي لانه من سنين حاولو ناس يقتلوه بس ربنا لطف.. بعدين ابوه لواء متقاعد.. ف شي اكيد انه اله اعداء كتير عم تحاول تئذيه.. حور: شو! امي: ايه وعم يقلي رغم انه حاططله عساكر وحماية بس قلبو مو متطمن وخايف عليه حاولت ركز بحكي امي.. واستوعب يلي قالته.. انه لاول مرة بتحكي معي عن معتصم وعن والده.. وشو هالصدف بين الحلم والي عم تقولو امي.. مشفى وعساكر!! تركتها عم تكمل حكي وفتت اخدت اللاب توب تبعي من على مكتبي.. الي زمان كتير ما فتت ع الانترنت بلشت ابحث بالمواقع عن اللواء جابر.. ما بعرف شو الي دفعني لابحث عن صورة اله وشوف شكله ما خليت موقع ولا صفحة لحتى قدرت اوصل لكم صورة اله.. بس شفته قلبي كان رح يوقع من محله فتحت الصورة وقعدت اطلع فيه.. حسيت انه عم يتهيئلي او عم اتوهم.. خفت كون جنيت.. رجعت فتحت مواقع قديمة ومواقع جديدة وكلهم نفس الصور ونفس الشخصية كان والده نسخة طبق الأصل عن ابي.. بيشبهه كتير بكل تفاصيله.. كإني عم اطلع بصور ابي كان الشخص نفسه يلي حلمت فيه وفكرته ابي.. للحظة حاولت اربط كل الاحداث ببعضها.. واتاكدت انه الحلم مو لأبي.. الحلم انه رح ينقتل ابوه.. ارتعبت وقع من ع حضني الاب توب بس وقفت.. وطلعت اركض من البيت بلا وعي امي: حووور.. شبك.. حووور لوين رايحة ع وجه الصبح ما كنت سامعة شي.. كان كل شي حواليي عم يتلاشى.. بس بدي وصل لعند معتصم.. بلشت اركض بالشارع وحاول وقف اي تكسي بلاقيه بطريقي لوقت ما وقفتلي سيارة وركبت فيها فوراً السواق: ع وين ياانسة حور: ع المركز الي باخر هاد الطريق بسرعة لوو سمحت السواق: تكرمي حاولت شوف كم الساعة بس ما كان معي شي.. ناسية الموبايل ومو لابسة ساعة.. اتوترت كتير وخفت ما الحق حور: لو سمحت قديه الساعة السواق: 6 ونص ياانسة حور: شووو!! بترجاك عجل شوووي السواق: يلا شوي وبنوصل بعد دقايق وصلنا المركز.. كان في عجأة وناس كتير.. خفت كون تاخرت وصار شي.. صرت خبط بالناس وحاول فوت لجوا.. بصعوبة لما تجاوزت يلي ع الباب وفتت.. ركضت لوصلت ع مكتب معتصم حور: بعد بدي فوت العسكري: لوين.. ممنوع حور: لك بعدددد بدي فوت لعند معتصم العسكري: اسمه الضابط معتصم.. وما في فوتة الضابط مشغول حور: عم قلك بعدددد بدي شووفه ضروري.. معتصممممم انا حوررر معتصمممم طلع معتصم ع صوت صراخي.. معتصم: حور.. شبك ع هالصبح.. ليه عم تصرخي وشو جابك لهون قربت منه بخوف.. مسكته من ايديه التنين بقوة.. لدرجة خاف من نظرات عيوني حور: معتصم.. ابوك.. ابوك.. لازم نلحقوو.. هلء هلء ع الساعة 7 مااافي وقت الكل كان عم يطلع علينا ومو فاهم شو عم احكي وعم يفكروني مجنونة.. والعساكر عم تحاول تبعدني عن معتصم.. بس هوا الوحيد الي فهم شو قصدت وعرف عن شو عم احكي تحولت ملامح وجهو لخوف.. ومسك ايدي واخدني معو وبلش يركض.. صار ينادي ع العساكر ليلحقوه بسرعة فتحلي باب سيارته معتصم: فووتي بسرعة قعدت ولف معتصم وركب بجنبي وبلش يسوق بسرعة رهيبة.. كان عم يطلع عالساعة شوي وع الطريق شوي.. وانا كنت عم حاول القط نفسي وامسك اعصابي معتصم: شو شفتي.. احكيلي حور: معتصم انا.. معتصم: حور ما بدي تخبي شي وتتعاطفي.. خبريني كل يلي شفتيه. شو بصير لابي اخدت نفسي وسكتت.. ما قدرت احكيله اني شفت ابوك عم يختنق ويموت.. حور: بترجاك تسرع هلء وبعدين بفهمك كل شي وصلنا ع المشفى واطلعت ع اسم المشفى كان المنظر تماماً متل ما شفته بالحلم.. بلشنا نفوت لجوا وامشي مع معتصم كإني عم عيد بالحلم.. بس وصلنا باب غرفة اللواء كانو العساكر مقتولين عالارض.. شهقت وحطيت ايدي ع تمي.. عرفت وقتها انه تاخرنا اطلع فيني معتصم وخباني ورا ظهرو .. وخبط الباب وفات لجوا.. كان نضال والرجال تبعو واقفين والرجال عم يقتل ب اللواء متل ما شفت بالحلم تماماً.. كانو عم يخنقو بالمخدة ركض معتصم لعندهم وبلش يتضارب فيهم وانا بلشت صرخ.. اجت العساكر بنفس الوقت وقبضو ع نضال وشريكه واخدوهن.. ومعتصم واقف حد ابوه عم يحاول يفيق فيه والجهاز عم يصفر بصوت واحد كإنه عم يعلن وفاته.. ما عرفت شو اعمل.. ما قدرت ضل واقفة بدون مااعمل شي.. بلشت اركض بالمشفى بجنون وصرخ ودور ع دكاترة.. كان المشفى هادي وكل المرضى نايمين وغرفهم مسكرة والاستقبال فاضي.. استمريت عم دور لوقت ما وصلت لغرفة الاطباء كانو كلهن مجتمعين وعم يفطرو ويضحكو