*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الحالمة* *❴🔢❵الـــبـــــــــــ❴السابع والاخير❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #الحالمة_بقلم_نداء_الصوالحي @rwayate الجزء السابع و الأخير حور: لك شووو عم تعملووو.. لك سم الهااااري ان شاء الله.. قوموووو دكتور: انتي شوو فوتك لهوون حور: لك اللواء جابر عم يمووت وانتو عم تاكلووو بس سمعو شو حكيت اطلعو ببعض بخوف وركضو كلهن ورا بعض.. وصلو الغرفة وطلعو معتصم منها بالقوة.. وبلشو يضربو اللواء بالصعقات الكهربائية ويحاولو ينعشو قلبه والتنفس.. كانو يعدو ويصدموه.. يعدو ويرجعو يصدموه ونحنا عالباب ومعتصم ماسك فيني وعم يبكي متل طفل صغير.. لوقت ما بلحظة سمعنا صوت الجهاز رجع اشتغل.. والاطباء بعد بوقت طلعو يطمنونا انهم لحقوه وحالته استقرت للحظة جسم معتصم ارتخى ورمى كل حالو عليي وهوا عم يطلع بعيوني معتصم: الحمدلله.. الحمدلله.. ابي عااش يا حوور.. ابي عااش كنت عم اطلع بعيونو وابكي معه.. بكيت كتير كإني انقذت ابي انا.. كإنه التاريخ عاد نفسه لأرجع ابي ع الحياة وخلص الناس من نضال واشكاله.. ===== بعد ما قبضو على نضال وكل يلي عم يشتغلو معو.. وبعد ما معتصم اطمن ع والده رجعني ع البيت وراح عالمركز ليحقق مع نضال ويلي معه.. فتت البيت وانا حاسة في هم كبير وانزاح من على قلبي.. كانت امي قاعدة على نار وخايفة كتير.. خبرتها كل يلي صار معي وليه طلعت بسرعة بدون ما خبرها.. وخبرتها عن الشبه الكبير يلي بين ابي وبين والد معتصم.. والصدف يلي صارت وما بتتصدق.. مر 5 ايام ع الي صار وما شفت معتصم ولا مرة فيهم.. سالت عنه بالمركز كم مرة بس قالولي ما بنشوفه وما بيفضى بنوب وعم يحققو مع نضال ويلاحقو كل يلي شغالين معو.. تركت الموضوع ونطرت لييجي لوحده لاني كنت بعرف ما رح يضل بعيد عني.. وفعلاً باليوم السادس كان جاي ع بيتي بدون ما يخبرني.. كنت قاعدة بغرفتي عم اطلع بالدمية يلي بتشبهو وأتأمل فيها لاني إشتقتله كتير.. فاتت إمي لعندي وخبرتني انه معتصم قاعد برا وبدو يشوفني.. طلعت بدون وعي.. ما اطلعت ع شكلي ولا تركت يلي بايدي.. اللهفة والشوق كانو اكبر من اني انتبه ع شي وقفت قدامه وهوا قام من محله وبقي يطلع فيني امي: طيب انا رايحة اعمللكن قهوة راحت امي من عنا وبقينا لوحدنا عم نطلع ببعض ونظرات عيونا عم تحكي شغلات كتيرة.. معتصم: كيفك حور انتبهت اني سرحانة فيه وما عم اعطي اي ردة فعل.. اخجلت وحاولت صلح الموقف حور: اهلا وسهلا معتصم.. تفضل ارتاح لا تضل واقف انتبهت انه عم يطلع ايدي ويبتسم.. اطلعت لقيت الدمية بايدي انحرجت كتير وخبيتا ورا ظهري.. قرب مني كتير وسحبها من ورا ايدي بقوة حور: لك هااات مو الك هي معتصم: ههههه لك هاد اناا !!! حور: لاا مو انت معتصم: امبلا انا.. ليكي متل شعري.. ونفس الزي تبعي.. حتى شوفي عاملة متل ساعتي كمان ههههه حور: لا لا بجوز بشبهك معتصم: اشتقتيلي مو اتلبكت وما عرفت شو اعمل حور: ماماا.. حاولت اهرب بس سحبني من ايدي وقعدني ع الكنبة وقعد جنبي معتصم: ع طول بدك تهربي.. خلص ما بدي خجلك هههه وها هي الدمية خبيتها.. المهم طمنيني عنك حور: انت يلي طمني عنك.. وينك مختفي.. سالت عنك كتير وما عم شوفك ابداً معتصم: انشغلت كتييير بعد يلي صار.. واليوم ل خلصنا تحقيق وانكشف كل شي حور: اي الحمدلله معتصم: حور.. حور: ايه !! معتصم: اولا انا اسف ع كل كلمة قلتلك اياها.. نضال اعترف وخبرني انه هددك بامك واختك لهيك رفضتي تساعديني.. ليه ما خبرتيني كنا لقينا حل سوا حور: ما قدرت كنت خايفة ينإذو بسببي معتصم: اي معك حق.. والاهم بدي اتشكرك كتير ع الي عملتيه.. لو ما لحقتي وخبرتيني عن الحلم كان هلء ما بعرف شو صار بأبي حور: انا ما عملت شي.. عملت الي لازم ينعمل معتصم: بتعرفي نضال اعترف ع كل شي تحت التحقيق .. فتحت كل القضايا المقفلة باسم قاتل مجهول.. اعترف نضال بكل جرائمه.. اعترف بقتل ناس كتير بهدف الانتقام والسرقة.. واعترف كمان بشغلة تانية حور: ايه! بشو؟ معتصم: هوا ااي قتلو لابوكي حور: اي بعرف معتصم: بتعرفي!!! من متى!؟ حور: من وقت الي خطفوني.. تذكرت صوته لنضال وشكله هوا والي معه.. ما بنسى صوتهم وهيتهم ابداً يوم الي قتلو ابي.. وتاكدت اكتر بس حلمت فيهم معتصم: وكمان في شي مو حابب خبيه عنك.. مابعرف كيف بدي خبرك اياه حور: شو! معتصم: وقت الي قتلو ابوكي.. مو خبرتيني انهن قتلوه بالغلط وكانو عم يحكو مو هوي المطلوب حور: ايه معتصم: يوما كانو بدهن يقتلو ابي انا.. والرجال الي كان عم يراقب ليعرفو البيت لحق ابوكي بدل ما يلحق ابي بسبب الشبه الكبير يلي بينهم.. وبعد ما قتلوه انتبه نضال انه مو هادا اللواء جابر.. انا حاسس بالذنب ومخنوق كتير من وقت الي عرفت.. ما بتخيل انه ابوكي مات بسبب شبهه من ابي حور: لا تحكي هيك.. لو ما كان خلص عمرو ما كان لحقوه هوا بالغلط.. هي كلها تصاريف القدر معتصم: يعني مانك زعلانة او مقهورة من هالشي حور: بالعكس معتصم.. انا بعرف انه ابي مات ظلم بس ما فيني حمل المسؤولية لحدا غير للقاتل نفسه.. لهيك لا تحس بالذنب معتصم: ما بعرف شو بدي قلك.. انتي انسانة طيبة وطاهرة كتير حور: بعرف هههه معتصم: هههه طب لكان بمناسبة الي صار.. لازم نحتفل مو! حور: اي بنحتفل شو علينا معتصم: لكان قومي جهزي حالك لنطلع سوا حور: وماما.. ما رح تقبل معتصم: لا خلص الماما ما عادت تحكي شي حور: ليه بقى! معتصم: لاني طلبت ايدك منها قبل شوي حور: شووو معتصم: ههههه ايه فرحت كتير بس حكا هيك ومن التوتر قمت من محلي وتكتفت وصرت هز برجلي وجاكر فيه حور: اصلا مين قلك اني موافقة معتصم: والله!! قام من محلو وقرب لعندي.. صرت ارجع لورا وهوا يقرب اكتر لوقت ما خبط ظهري بالحيط.. صار قريب كتير وانا فتت ببعضي من الخجل معتصم: قلتيلي مو موافقة! حور: لا ما قلت هيك.. قصدي معتصم: لك والله هلء بخطفك وبتزوجك غصب عنك ولي حور: ههههه بالله شو معتصم: ايه ليكون مو عاجبك حور: امبلا عاجبني معتصم: طب بحبك حور: وانا بحبك معتصم: شوو عيدي حور: بحبك..بس بعد هيك هلء ماما بتيجي بتشوفك وبتفشكل الخطوبة معتصم: هههه لا خلص بعدت #بعد_شهرين بعد ما خلص التحقيق مع نضال ومسكو كل رجالتو تم الحكم عليه بالاعدام.. ونفذو حكمه بعد اسبوعين يومها ناس كتير راحت لتحضر اعدامه.. كل اهالي الضحايا يلي قلتهن.. حتى معتصم طلب مني روح لانه السبب بموت ابي بس ما قبلت.. ما كان في عندي طاقة شوف قتل وموت اكتر.. بكفي الاحلام يلي شفتها طول هالسنين يلي مرت.. انا ومعتصم كتبنا كتابنا وتعرفت على امه لمعتصم حبيتها كتير وهي حبتني اكتر.. وطول الوقت كانت عم تتشكرني لاني كنت السبب بانقاذه للواء.. وكانت من جهة تانية عم تتأسفلي ع موت ابي.. لانه معتصم كان مخبرها كل شي.. ==== من بعد اخر حلم حلمته ما عاد شفت احلام.. مر شهرين بسلام بدون اي قتل ولا احلام.. كإنه طول هالسنين كنت عم احلم بس لاكشف نضال وانقذ اللواء.. كإني كنت بمهمة وخلصت اخيراً.. بس كامت مهمة صعبة كتير وما فيني انساها بنوب.. طول مدة الشهرين كنت كل يوم روح لعند عمي اللواء وحاكيه واطلع فيه.. كنت حس انه ابي موجود بس شوف شكله.. كنت خبره كل شي من وقت كان عمري 12 سنة لحد هلء.. كل يوم كنت خبرو حكاية وحلم.. وخبرته اني مو زعلانة بنوب انه ابي مات بداله.. بكفي نظرة الحب يلي بشوفها بعيون معتصم ووجه والده يلي عم شوفه إنه ابي.. اليوم كنا قاعدين كلنا سوا انا وامي ومايا ومعتصم ومرة عمي ام معتصم وعم نحكي ونضحك سوا وقت اتصلو من المشفى ع معتصم وخبروه انه اللواء فاق من الغيبوبة طلعنا نركض عالمشفى لحتى وصلنا.. فات معتصم وامه لجوا لعند ابوه واطمنو عليه وانا بقيت واقفة برا عم انتطر فيهم.. كان نفسي فوت لعنده وشوفه لاني كنت حس اني عم شوف ابي فيه.. بعد شوي طلع معتصم لعندي معتصم: تعي حور حور: شو معتصم: ابي بدو يشوفك حور: خبرته عني! معتصم: لا هوا يلي سال عنك وطلب يشوفك استغربت كتير انه منين بيعرفني.. فتت لعنده وكنت كل ما قرب خطوة قلبي يوجعني.. وقفت حده واطلعت فيه ودموعي بلشت تهر لحالها.. يا الله شو بيشبه ابي.. ما قدرت الا ضمه وابكي ع صدره لدرجة معتصم ومرة عمي اطلعو ببعض واستغربو جابر: خلص اهدي يابنتي.. حبيبتي كيفك حور: انا بخير عمو انت كيفك طمني عنك جابر: ما بدي اسمع كلمة عمو.. ناديلي بابا ضحكت وقت قلي هيك وهزيت براسي متل الاطفال اني موافقة.. اطلع اللواء بمعتصم ومرة عمي وخبرهم اني كنت اجي لعنده كل يوم وكان يسمعني وحاسس فيني وبكل شي كنت عم احكيه.. خجلت وحطيت ايدي ع تمي.. صار يضحك ويغمزلي وانا اضحك معه.. لاني كنت ضل خبره عن معتصم وكل شي بيعملو معي والشغلات يلي بيغلبني فيها جابر: والله يامعتصم لو بترجع بتزعل حور لاكلك بسناني.. ليكني رجعت لصحتي وعافيتي.. هي بنتي ها لا بقى تغلبها معتصم: والله!! ولي حور شو حاكيتيله عني حور: ولا شي رجعت اطلعت ب عمي وضحكنا سوا. ع قد ما كنت اكره الاحلام والكوابيس يلي كنت شوفها ع قد ما انا ممتنة الهم لاني كسبت اب جديد.. وكانو السبب باني تعرفت ع معتصم.. اتزوجت انا ومعتصم وهلء حامل بصبي ورح سميه ع اسم ابي.. وبتمنى يطلع نسخة تالتة من ابي وعمي.. وبتمنى لو بيوم حدا مر بحالة متل حالتي او بشي مشتابه الو.. انه لا يخاف من شي.. عمرو الخوف ما انقذ حدا ولا انصف مخلوق والسكوت عن الحق عمرو ما كان الصح.. لا تخبو شي ولا تخفو الحقيقة ولا تغطو ع اي غلط عم تشوفوه.. خلو دائما الحق هوا حليفكم.. انتهت