*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵خفاش الليل* *❴🔢❵الـــبـــــــــــ❴الاول❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #خفاش_الليل_الجزء_1 #رند_محمد @rwayate وردنا الآن : انقلاب بولمان ينقل ركاب في طريق البر مما أدى إلى وفاة السائق وثلاثة أشخاص و إصابة عدد من الركاب . - حسيت على حالي وأنا بالأرض في جرح ببطني حاسس انه غميق كتير بسبب النزيف يلي على ملابسي .. في صداع قوي مخلي نظري مغبش مو قدران ارفع راسي عن الأرض .. بس شايف حواليي دخان قوي ونار مشتعلة وناس كتير سامع صوت سيارات اسعاف و اطفاء وشرطة .. غمضت عيوني للحظات ورجعت فتحت بخوف وسرعة .. رفعت راسي ووقفت و انا حاطت ايدي على بطني وشادد ... مشيت وانا عم اوقع كل شوي وارجع قوم باتجاه النار .. شوووفي !! اتذكرت شوق مرتي و بنتي نجمة .. صرت أصرخ وناديلهم .. الناس عم تطلع فيني وتبكي ...صرت ارفع صوتي اكتر ونادي شوق نجمة ... صرت ابكي واضرب اللي حواليي وانا عم بفتل بينهم .. صرت شوف الناس تنتين دخت .. وقعت عالأرض وغبت عن الوعي . صحيت لقيت حالي بالمشفى بغرفة بيضا وبإيدي في سيروم .. جلست حالي بسرعة وسحبت السيروم ورميتو و قمت من السرير ، طلعت مشيت بالممر وانا عيوني مليانة دموع قربت لعندي الممرضة وهي عم تنبهني ارجع لغرفتي ... كنت ماسك الجرح بإيد وبالإيد التانية عم بتسند عالحيطان .. دفشتا وكملت طريقي .. طلعت من المشفى ورحت لمكان الحادث .. كانت الشرطة مطوقة المكان ومافي أثر للسيارة .. سألتهم عن الناس يلي كانو راكبين الشاحنة حكولي انو ماتو تلت أشخاص مع الشوفير و في اربعة نقلوهم للمشفى .. عرفت انو الاشخاص يلي ماتو هن مرة كبيرة ورجالين والشوفير .. رحت انا وشرطيين عالمشفى لشوف المصابين .. @rwayate كنت ماشي وانا ماسك قلبي بإيدي عيوني عم تبكي ووجهي لونه من لون الرمان .. الأشخاص ما كانو نجمة وشوق .. أخدني الضابط معه عالقسم وهنيك صفنت بالذكريات ... رجعت من شغلي وشوق عم تستناني بابتسامتا الحلوة ونجمة برسماتا الجديدة ... ضحكة نجمة وعيونا ... صوت شوق .. عم ابكي ... انا ضايع .. الضابط : رح نخصص دورية بالمنطقة تعمل بحث عليهم بركي مجربين ينقذو حالهن ... صلاح : و إذا ما التقو ؟ الضابط : رح يلتقو .. رح خبر تنين شرطة يوصلوك على بيتك وترتاح ونحنا منتواصل معك وقت يصير أي جديد . رجعت عالبيت ارتميت عالسرير وغفيت لليوم التاني فقت على صوت دقة الباب .. فتحت .. كان الضابط .. دخلتو عالبيت ... الضابط : الدورية مشطت المنطقة كاملة بس للأسف ما الهن أثر .. معناها هن ماطلعو من الشاحنة وبقيو فيها صلاح : شو يعني ؟ الضابط : الشاحنة لما انقلبت احترقت وما ضل منها أثر ، أنا مستصعب قلك الكلمة .. بس مزال هيك يبقى جثة مرتك وبنتك احترقت وتفحمت لهيك ما الهن أثر . صلاح : انتو عم تكذبوا .. شوق هلئ رح تجي ورح تجيب معها نجمة .. انا متأكد .. الضابط : يا ابني طول بالك والأقدار مكتوبة من السما خلي ايمانك قوي واستعين بلله عالصبر .. صلاح : طلعوا لبرى .. لبرى يلله انقلعوا .. دفشت الكل حتى صارو برا البيت وسكرت الباب واعدت وانسندت عليه دموعي كانت عم تنزل من عيوني بحرقة ... كنت شايفهن معي بالبيت .. شوق عم تلعب مع نجمة وعم يضحكو ويتطلعو عليي هن ما ماتو ليكني شايفهن هن قدامي على الكنباية يلي بآخر الصالون عم يضحكو .. ضربت راسي بالبيت وانا عم صرخ يااا الله .. يااارب ... تذكرت ( قبل شهر ) كنا آعدين بالمطبخ عم نتغدا .. نجمة : بابا خدني عالبحر انا كتير نفسي شوف البحر عن قريب .. شوق : ياريت ياصلاح .. صلاح : تكرم عيونك كم نجمة عندي انا .. قامت من كرسيا وركضت لعندي ضمتني وصارت تبوسني وهي عم تقول انت احلى اب بالعالم يا بابا الحلو .. ضحكنا انا وشوق . صلاح : رح اخدكن بس وقت آخد إجازة وبوعدكن عن قريب . شوق : انا امنيتي تترك شغلك وبس . صلاح : شوفي هي صح شغلة التجارة متعبة بس الها مستقبل نشالله .. شوق : نشالله .. حاسس بعتمة حوالين البيت .. حاسس بفقد .. حاسس بصدى صوت نجمة وصدى صوت شوق .. سامع غراض المطبخ عم تتحرك وكأن شوق عم تحضر الأكل .. سامع صوت دعسات رجلين نجمة وهي عم تركد ... تسطحت عالأرض ونمت . @rwayate باليوم التاني كنت طالع من البيت لحتى اتمشى بالشارع .. شفت جاري نازل عالدرج سلم عليي وعزاني بوفاة نجمة وشوق .. كل التعازي كنت بتقبلا بس هالتعزية عم اكره اسمعا .. الناس بتعزي أهل الميت كرمال يتصبر ويحس في حدا حواليه .. بس كيف يلي حواليي عم يعزو واحد مات !! مات اي مات .. واحد مشاعرو ماتت مع الماضي .. ماتت مع ذكرياتو .. مستحيل حدا يكون قادر يعيش بدون روحه و انا روحي ماتت لما ماتو نجمة وشوق .. كملت بطريقي ومشيت بالشارع و انا حاطت إيديي بجيوبي وحاسس بتعب .. كان في رجال جاية باتجاهي من بعيد ... سلم عليي وحكالي مو بالسهل تفقد ناس غاليين عليك و انا متعاطف معك جدا .. صفنت فيه وقلتلو : انت بتعرفني ؟ الرجال : بس أوقات مندفع تمن أغلاطنا ... مسكتو من رقبتو وكان نفسي خلص عليه وفش كل خلقي فيه : عن شو عم تحكي ولاك احكي لشوف مين انت مين كنت عم صرخ بطريقة مو معقولة كل تعصيبي وقهري طلع على هالشخص .. فك حاله من بين إيديي وهرب ... و أنا بسبب هالخناقة والتعصيب ولأنه دفشني صرت حس بوجع قوي بالجرح يلي ببطني وصار يطلع منه دم .. اخدت تكسي ورحت عالمشفى .. @rwayate الطبيب كان عم يعاين الجرح وهو عم يحكيلي انو جرحك جديد وماكان لازم تنفعل لأن رح تأذي حالك .. سألني كيف مطعون هالطعنة ؟ صلاح : انا ماني مطعون ، عملت حادث ويمكن في شي حاد دخل ببطني .. ركز فيني الدكتور وحكالي : انت متأكد ؟ صلاح : طبعا انا كنت بحادث الشاحنة يلي صار من يومين الطبيب : المشكلة انو مارر على راسي كتير ناس متل حالتك لدرجة انو صرت حافظ ومتأكد من ضربة السكين وعمقا . صلاح : شو بتقصد ؟ الطبيب : مابقصد شي ولطالما انت عامل حادث يبقى احتمال كبير انو في شي دخل ببطنك . ضمدلي الجرح وعطاني دوا وطلعت من عنده .. الجرح كان عم يوجعني كتير مع انو اخدت الدوا و ارتحت بالبيت .. النوم هو الحل الوحيد لأرتاح من وجع الجرح بس هو الوجع القوي يلي عم يذكرني بوحدتي .. أول ماغمض عيوني بتذكر انو رح تجي شوق تفيقني .. ونجمة تتساءل عليي .... برجع بفيق مرعوب ... بفيق من الحلم للاقي واقع كابوس . @rwayate من تاني يوم قررت ارجع انزل على شغلي يمكن ضييع وقتي .. يمكن لما شوف الناس انسى الشوق شوي .. انا بشتغل بمكتب وعندي مستودع بستورد بضاعة بتخص كلشي بيتعلق بالبناء من خشب وحديد و اسمنت وغيرو .. وضعي المادي وسط بس كنت عم حاول وسع المستودع واعمل صفقات كرمال يصير وضعي احسن بظل هالغلا والأوضاع القاسية و لأمن حياة ممتازة لمرتي وبنتي .. كنت رجال نشيط جدا عندي دافع كبير للحياة عندي دافع للنجاح ولتأمين حياة منيحة بس هلئ الدافع انطفى .. وماتت الحياة .. اذا بشتغل شحاد هلئ بقدر عيش ، يعني بالمختصر كلشي كنت بدي أسسه ماعد الو لزوم هلئ . و انا آعد بالمكتب ومخي مو معي ابدا دخل لعندي رجال .. حكالي انا عباس .. بشتغل بتجارة الدهانات .. صلاح : اتشرفت فيك عباس : بالحقيقة انا لازمني بضاعة لاني متعاقد مع ورشة وحاليا طلبو كمية كبيرة دهان ومتل مانك شايف الوضع الاقتصادي وصعوبة الطرقات و التدقيق يلي عامل زحمة لهيك بدي آخد بضاعة من عندك من المخزن بس منتحاسب عالسعرر القديم يلي انت اشتريت فيه . صلاح : مافي مشكلة . عباس : تمام .. اتفقنا .. ممكن سؤال ؟ صلاح : تفضل عباس : بتعرفو لشريف احمد ؟ صلاح : لأ .. بس تجهز كلشي زورني لنتفق وين بدي انقلك البضاعة .. طلع من مكتبي ومشي و انا تعبت من الأعدة .. لميت غراضي ورحت عالبيت .. شلحت جاكيتي ورميتو ع الكنباية و سكرت البرادي وطفيت الأضوية بعدين دخلك لنام .. اول ماتسطحت بتختي اندق الباب .. رجعت رحت لأفتح .. اتطلعت من العين الساحرة مافي حدا .. فتحت الباب كمان مالقيت حدا اجيت بدي سكر الباب ...اجت عيني عالأرض .. بوط نجمة ... بوط نجمة كان محطوط جنب الباب وبقلبو في ورقة .. اخدت البوط وطلعت عالشارع بسرعة اتطلعت يمين وشمال وحوالي البناية مافي حدا .. رجعت دخلت عالبيت و انا عم ابكي وضم البوط .. حطيتو جنبي عالكنباية و اخدت الورقة يلي كانت فيه .. كان مكتوب : (( العمر إلك )) .. مسحت دموعي وصفنت بالبوط والورقة ، مسكت البوط ومسسحتو : كيف وصل لأيدين العالم ? طلعت من البيت ورحت عالمشفى لعند الدكتور يلي عالجني قبل بيوم .. حكيت معه و طلبت منه يرجع يشوف الجرح ويتأكد شو سببو .. لما فحصني قلي : انا متأكد انو هي ضربة بأداة حادة .. يعني إما في أداة دخلت بجسمك من عزم الضربة أو حدا ضربك بأداة حادة .. @rwayate صلاح : و أيا احتمال الأقوى ؟ الدكتور : الاحتمال التاني .. و انا طالع من عند الدكتور اتصل فيني عباس ... خبرني انو بدو يستلم البضاعة اليوم الساعة 7 المسا و اعطاني موعد لحتى انقلا .. رجعت عالمكتب طلبت من العمال يجهزو الطلبية و ينقلو البضاعة للشاحنة .. و انا كنت آعد بمكتبي وعم فكر .. لو حكي الدكتور كان صح معناتا انا كنت مقصود .. معناتا الحادث كان مخطط له من قبل .. بس ليش ؟ ومين ؟ دخل لعندي العامل وحكالي انو الطلبية صارت جاهزة . حكيت مع عباس وخبرتو انو رح اطلع و آخد البضاعة معي . رحت انا والسائق وعاملين مشان تنزيل الطلب .. العنوان كان بعيد عن المدينة ومتطرف وصلت ولقيت عباس هنيك .. عباس : تفضل سيد صلاح لنشرب شاي سوا لبين ما الشباب ينزلو الطلبية .. دخلنا عالفيلا لجوا كان في شب باين من طاقم الخدمة هنيك والفيلا عليها حراسة واضح انو لحدا مهم ، اعدنا .. صلاح : هي الفيلا الك ؟ عباس : لا .. صلاح : طيب ليش استلمت البضاعة هون ؟ عباس : معلش بيبقو رجال الورشة بيجو بينقلوها .. #بقلم_رند_محمد #يتبع