*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *احببتك.بصمت.❤‍🩹.tt* *❴🔢❵☟الـــبـــــــــــ❴1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ ~*أحببتك بصمت~* *البارت الاول** جورج:شو ما خلصتو شغلكن نورمان:ليش انت خلصت جورج:لا بس عم اطمن غيدا:انا خلصت جورج:يلا لكن ساعديني انا غيدا:حاضر يا بيبي هالكلمة بتستفزني انو بيبي هاد قد الشنتير انا بعرف انها مختصرة كلمة حبيبي وانو عم تحكيها بغنج مو طبيعي بس انا قرفانه من علاقتهن مع بعض وانا ما صرلي شهر متعينه بالمكتب هاد كنت بقسم المالية وهلا بقسم الترجمة والتدقيق وعلى هالحظ اقرف تنين طلعو بوشي غيدا وقحه بكلشي ما عم احكم عليها بس طريقة لبسها كلامها وكلشي فيها ما بيشبه الاحترام والاخلاق وجورج بدو مدرسة تأهيليه جديدة ليقدر يكفي حياتو بدون العلكة والقميص الي نصو مفتوح والسنسال الي برقبتو وبأيدو بلاك دهبي يعني شغل صايعين ومستحيل يجي ع الشغل بدونهن وكل يوم بموديل شكل مرة بطقم رسمي وبيطالعو اصيع من قبل ومرات بسبور بس كمان نفس العملية بريستيجو لدرجه صايع غيدا بتكرهني ولو نحن زملاء بس هي ما بتقبل تطلع فيني وبتسمعني كلام على شكلي ولبسي وانو انا كتير شكلي بلدي وانو هي الشيك وصاحبة الاناقه وجورج ما بعمرو سمعني هيك كلام بس خلص هو وهي نفس المود والاخلاق وكوني ما بختلط فيهن هن بيقضو نص وقتهن حكي بصوت خافت بس على مين عليي انا كانت عندو واقفه وعم تضحك بصوت عالي ومو هاممها انها بشركة محترمة وعلى اساس عم تساعدو بالشغل وانا عيني بشغلي بس ادنيي عندهن وتفكيري كمان جورج:يلا خلص روحي لمكتبك غيدا:من عيوني جورج:شو نورمي ما خلصتي نورمان:مية مرة حكيتلك اسمي نورمان جورج:نورمي احلى نورمان:ما خلصت جورج:ساعدك غيدا:هههع الله عليك شو بتحب المزح نورمان:لا شكرا مافي داعي جورج:ليش مهتمه بالشغل والله لو بدو يهرب مو هيك نورمان:احسن ما يتراكم عليي جورج:بساعدك انا غيدا:معقول غمزها وانا عصبت بزيادة وكفيت تدقيق بالملف جورج:اي معقول لهدرجه شايفيتني ما بنفع غيدا:امم انت الخير والبركة جورج:شو رأيكن بأستراحه ونتغدا سوى غيدا:فكرة حلوة جورج:شو نورمي نورمان هئ ما بدي غيدا:بتوفري جورج:يلا امشي غيدا طلعو من المكتب سوى ...انا واتغدا معهن هاد الي كان ناقص رجعو من غداهن بعد نص ساعه كانت غيدا حاملة كيس وتوقعت يكون الي متل العادة لتهيني وتذلني حطتو على ظهر مكتبي غيدا:بتكوني ميتة جوع كليلك لقمه نورمان:ماني جوعانه غيدا:مافي شي من واجبك بقايا الاكل كرمال ما ينكب حرام نورمان:انت ما بدك تستحي على دمك غيدا:بربك ليش ازعلتي نورمان:خدي الاكل ورديه على جوعتك انا ماني بعازة شي ولو بدي كنت رحت وتغديت غيدا:ههه انفعلت مو معقول دغري بتعصب قعدت بمكانها وما رضيت تاخد الاكل وانا طنشت وجودو على طاولتي وهي نعمه الله اكيد ما راح كبها بالارض كرمال غيدا ...اخدت الورق الي طبعتو ورتبو بمصنف وتوجهت للمكتبة حطيتو هنيك واخدت مصنف تاني لاعملو دراسة وشوف شو بدو دراسة ماسدءت ايمتى خلص الدوام اخدت جاكيتي المتواضع وهي لبست جاكيت جلد بيمزع العقل طلعنا سوى من المكتب هنن طلعو بسيارة غيدا وانا ضليتني ع الموقف استنى تكسي هيك كل يوم بيروح نص نهاري وانا عم انطر لاننا بمكان بعيد عن المواصلات وياما ماشية ربع ساعه لاوصل لموقف باص رجعت ع البيت هلكانه وطبعن ما حدا بالبيت ينطرني لا ام ولا اب بس اخي تحسين بكون قالبلي البيت بطبخه محضرها قبل يروح على شغلو لهيك طنشت المطبخ وتوجهت للحمام عملت دوش وتوجهت لغرفتي رميت حالي على التخت وغمضت عيوني صحيح راح موت من الجوع بس ما الي نفس بشي السبب غيدا الي محطمه كل مشاعري بلبسها وشياكتها بمكياجها وبشعرها الي كل شهر لون اواعي ما بشوفها بأحلامي كل هاد لانها بنت مسؤول هاد الفرق بيناتنا الشركة الي بشتغل فيها كلها مستويات يعني مافي حدا مستواه ما بيسوى غير انا كلهن عندن سيارات ولبسهن من احلى ما يكون ولولا واسطه رفيق اخي بيعرف واحد بالشركه ما كنت توظفت ولو ما عجبو شغلي للمدير عابد ما كان قبل فيني ابدن وبراتب متواضع الاهم اشتغل بدي اجمع مصاري لاقدر عيش عيشة مرتبة حسيت على صوت الباب اكيد تحسين رجع اطلعت من غرفتي شفتو حامل معو اكل نورمان:يعطيك العافيه تحسين الله يعافيكي....تعشيتي نورمان:لا لسى تحسين: لكن افردي الاكل نطرتو لخلص دوش قعدنا ع السفرة وبلشنا بالاكل تحسين:حكا معك معين نورمان:لا تحسين:عم يتصل فيكي مغلق نورمان:اه ما بعرف تحسين:خدي اتصلي شوفي شو بدو نورمان:اه اي ماشي لخلص عشى اصلن انا بدلت رقمي من وراه لسى تحسين ازا بيعرف ليدبحني طبعن هو شو رايح عليه عشقان لارا وانا الله بلاني ب معين ابن عمي ولي على قلبي كل ما اتزكر انو نهايتي الو بموت من رعبتي هاد مو حيلا حدا بيشتغل لحام متل عمي وكلامو دج وما بيعرف شو يعني غزل او حب وبيكره البنات الي بيتغنجو ولو فيه خير معين كانو خطبوه من بنات عمي بس لانو عاطل وما وحدا قبلت فيه لزقوني اياه رغم اني رفضت بس عمي اصر وتحسين ما قدر يعارض وهو كتير انبسط . تحسين:اي نورما نورمان:شوفي تحسين:استلمتي راتبك نورمان:لا لسى بدك شي تحسين:لاقلت بدي اطلبو منك بس هالشهر نورمان:وليش بقى تحسين:لسدد فاتورة الكهربا والمي نورمان:مو عمي تكفل فيهن من يوم تنازل عن البيت تحسين:رجعو تخانقو ببعض وخبروني انو معاد الهن علاقة نورمان:اي ماشي اول ما استلم راح بعطيك بس نصو لانو بدي اشتري شوية اواعي هدول اكلو مني شقفه تحسين:على راحتك ضبيت باقي الاكل وعملت شاي وقعدت بالصالة لصغيرة تمددت على الكنباية وتغطيت من بردي وكل شوي اسرح بخيالي اعطاني تلفونو تحسين نورمان:مين تحسين:خطيبك تلقائيا رجف قلبي من الخوف اخدت منو التلفون ورديت عليه بصوت واطي نورمان:الو معين:وينك انتي اه نورمان:ب ب بالبيت معين:ع تلفونك ليش ما بتردي نورمان:مفصول عليه فواتير معين:لكن ليش بتشتغلي ومعزبةحالك لتتراكم عليكي فواتير ست نورمان ...اسمعي وليه انا بطريقي لعندك وبدي شوف شبو خطك وتلفونك نورمان:اي اهلا وسهلا دغري رحت اركض على غرفتي ودحشت تلفوني تحت الفرشة وجهزت حالي لاستقبلو اندق الباب وراح تحسين ليفتح كنت واقفه ورا اخي سلمو على بعض ورماني بنظراتو بعيونو الي بيخوفو معين:كيفك نورمان:منيحه انت كيفك سلم عليي ولي على خشونه ايديه معين:ليش ما عم تردي نورمان:قلتلك الخط مفصول معين:بكرى رايح ادفع الفاتورة نورمان:لك لا مافي داعي اصلن تلفوني خرب معين:شو انتي عم تسلبيها تحسين:فوت شو بدك تضل واقف هون فاتو وانا سكرت ودخلت وراهن قعدت قبالو معين:اي كفي كيف خرب نورمان:وقع بالمي معين:اممم ماشي والحل نورمان:بس لاستلم بشتري واحد معين:اي بكون احسن نورمان:شو بتحبو تشربو معين:قهوة سادة دغري رحت لاعملها واطلعت بحالي ههه كتير عليه هاللبس يمكن يبطل عني وقت يشوف قلة رتابتي لانكش شعراتي اكتر خليه يخاف 😂😂 رجعت وقدمتلو القهوة والله يصلحو تحسين حب يخليلنا الجو اخد فنجانو وراح وانا ضليتني عم ارجف معو معين:شو عاجبك موقعك هون نورمان:... معين:تعالي لهون وقفت ورحت لعندو حاوطني بأيدو وشد عليي معين:قد مافيني عم استعجل بالعرس غمضت عيوني ولي ولي على طولي نورمان:ايمتى يعني معين:بالكم شهر هدول نورمان:انا لسى ما جهزت ولا قطعه معين:اي بشهر واحد بتجهزي حالك لا تخافي نورمان:اي وين بدنا نسكن معين:عند امي ولا عندك اعتراض بقلبي هي نفسها الظالمة ازا وقت كنت صغيرة ما رحمتني هلا شو بدها تعمل بعد ما صير كنتها معين:عم اشتقلك يا بنت نورمان:وانا كمان معين:عنجد نورمان ولا عم تبادليني نفس الكلام ...على فكرة ما بنسالك اياها وقت صرختي ب بابا وحكيتيلو ما بدي ابنك نورمان:هي زمان بس هلا تعودت عليك معين:بس...يعني ما حبيتيني نورمان:...(.بقلبي شو بدي حب فيك صوتك ولا حنانك ولا شكلك اخ بس)امبلا بحبك معين:وانا كمان بموت عليكي ماني مسدء ايمتى راح نتجوز وننجمع بغرفه وحدة غط على قلبي وداق نفسي من هالكلمة يارب موت قبل هاليوم كملنا سهرتنا هيك فلم رعب بالنسبة الي بس كنت جاملو بأبتسامه متصنعه وبعدها اجى تحسين وهو تلحلح وبعد ايدو عني وكملو حكيهن عن الدبح والخوريف والبقر 🤣🤣 ....... بالشغل كنت عم اتزكر سهرة مبارح اكيد راح يعملي مفاجأة ويهديني تلفون او تياب كونو شافني مو مرتبة كنت عم اتحسر على حالي بس مو طالع بايدي شي ماني قدرانه اشكي ل حدا يمكن لو ماما عايشه كانت منعت هالخطبه ولهيك هنن استحكموني ووعدو تحسين بالبيت الي ساكنينو يضل الو بعد ما ياخدني معين لو الي زميلة او زميل متل الخلق كنت فشيتلو خلقي ياريت حدا يستوعبني جاي عبالي اشكي لاي حدا الحيط مو مشكلة بس يواسيني يحكيلي عادي في ناس همومها اكبر من همك بس انا ما عم استوعب انو في مصيبة اكبر من هي راح تنزل على قلبي بعد كم شهر اطلعت ب جورج الي كان حاطت اجرية ع المكتب من فوق وماسك تلفونو بالعرض عم يلعب شي لعبة وبعدها ب غيدا ماسكه قلم حمرة وعم تزبط الميك اب والغرة وعم تبعت ل جورج بوسات ع الهوى غيدا:بيبي حلو هيك جورج:ههه حلو غيدا:حكيلي بيجنن جورج:ههه غيدا:بيبي شو رأيك بسهرة مبارح جورج:بتجنن 😘😉 غيدا:يعني عجبتك جورج:خلص بعدين منحكي وغمزها بيقصدني اكيد غيدا:ههه اوك بس لاعرف الدهبي ولا الازرق جورج:الدهبي غيدا:راح ببعتلك الصورة بسرعه جورج:ههه يمكن بعتتها ودغري فتحها طلعو عيونو من مكانهن وبعدها ابتسملها وصفرلها بأعجاب لعمى اوقح منو ومنها انا ما شفت ضروري ينقلو قلة ادبهن للعالم باين انو هنن على علاقة غير مشروعة ونازلين قلة ادب ببعض وانا لازم اتحملهم لانو بنفس المكتب ما بيشبه لرجال هو بلا دقن وناعم كتير مربي عضلات بس مياعتو واضحه للناس علكتو لحالها حكاية وماعدا السناسل ولا شعراتو الناعمين صحيح بيرفعهن بس بعد ما ينشفو عم يطايرو هون وهون وهي عم ترفرفلو برموشها على اساس انها كيوت جورج:شو نورمي خلصتي بكير وصافنه كمان نورمان:اسمي نورمان لو سمحت اي خلصت عندك مانع جورج:تقيل اسمك ما عم يطلع معي غير هيك [نورمي] غيدا:بس هاد دلع وهي مو مدلعه جورج:هههه جورج:اندهلك نورما او نورماني تقيل عنجد غيدا:بس لازم حبيبها يدلعها ويحكيلها نورمي جورج:حبيبها ...عشقانه 😉 نورمان:اي عندك مانع غيدا:وشرشوح متلك نورمان:انتي الشرشوحه غيدا:الشرشوح الي ما ببدل تيابو 😂ليكون ما بينشلحو الا للغسيل نورمان:انتي شو علاقتك فيني غيدا:هههه لا تبكي حبابة نورمان:فشرتي تنزلي دمعه سببها انتي غيدا:ازا بدك بعطيكي تياب عندي كوميات لسى مبارح اعطيت لبنت الخدامه منهن بورقتهن وحياة عيونك نورمان:ما بدك تخرسي غيدا:خهههع سكتت وهي كملت ضحكتها كنت عم اطلع بأواعيي يعني الكل ملاحظ انو ما عم بدل اواعيي من وين بدي جيب كل اخر شهر تحسين بسمعني كلام ودوبني ادفع فاتورة الموبايل او اشتري شي مشتهيتو من زمان وما عدا اجار المواصلات لو اشترك بمواصلات الشركة بس نفس الشي راح ينخصم من راتبي . طلعت غيدا من المكتب وارتحت منها وهداك عيونو تعلقو عليي يمكن شفقان عليي من كلامها نورمان:خير في شي جورج:لا ولاشي نورمان:لكن لا تطلع فيني جورج:... درت وشي عنو ونزلت شعري على وشي حطيت ايدي على جبيني واخدت كاسة المي واشربتها حطيت راسي ع الطاولة وغمضت عيوني عن كلشي بعد شوي رجعت صوت كعبها العالي بيضرب على عصبي غيدا:بيبي شو رأيك باستراحة هلأ جورج:لا بدي كفي شغل غيدا:منشرب سيكارة على رواق جورج:لا قلتلك غيدا:براحتك انا رايحه عن اذنك رجعت تركت المكتب وبرتاح انا بس تنقلع منو ما بعرف ليش كان قلبي عم يدق بسرعة وبس ازعل او حدا يسمعني كلام مو منيح بتزكر انا كيف عشت بدون امي بحس حالي محتاجه لدكتور نفسي اي انا مريضه بمرض اسمو الماضي الطفولة المشتته الي عشتها انا واخي تحسين مجرد انو اسمعنا بوفاة ماما . ....... جورج كان عم يطلع فيها من نص ساعه وهي على هالحالة بس ما عم تبكي لو عم تبكي كانت عم تشهق او بين عليها هو زعلان من غيدا كيف هيك كسرت خاطرها قلبو ما بيطاوعو يشوف حدا زعلان وبعمرو ما كسر خاطر حدا كان حابب يكون قريب منها ليراضيها يرفعلها راسها وازا عم تبكي يمسح دموعها بس بنظرو انها عصبية وبتكرهو لانو رفيق غيدا لهيك كفى شغلو وهو مشتت وكل شوي يتفقدها لحتى رفعت راسها متغيرة ملامحها وعم تحاول تتعافى قدامو طلع من المكتب بسرعه بفوتت غيدا طلع لياخد قسط راحه ويتزكر زكريات حلوة فتح باكيت الدخان وشغل سيكارة وكان عم ينفث الدخان بشكل سريع ورجع للمكتب وكأنها غيدا مسمعيتها كلام تاني قعد بمكانو وحاول يراقبهن وكل شوي وحدة تزور التانيه لحتى خلص الدوام طلع ينطر غيدا بسيارتها رجعت لونها متغير وكأنها مزعوجه طلعت وضربت باب السيارة وتظاهرت بالابتسامه جورج:شو طولتي غيدا:لحتى رتبت المكتب جورج:مافي بالعادة غيدا:هههه شوي وطلعت نورمان ووقفت ع الموقف الي مقطوع من السير تنطر تكسي لترجع على بيتها جورج:تخانقتو يعني غيدا:هي وقحه جورج:احكيلي شو صار غيدا:تخيل قربت مني وحسيتها بدها تضربني بهدلتني جورج:كيف غيدا:قال هي مو شرشوحة وانو هي بتشرفني وبتشرف عيلتي ومسكتني من بلوزتني بقرف وحكتلي هدول بعمرهن ما كبرو من قيمه بني ادم جورج بلع الضحكه وحط ايدو على كتفها ليواسيها جورج:لعمى شو انها بلا زووء غيدا:معك حق وشوف كيف عم تزورني جورج: لا بقى تسمعيها كلام وازبليها والله ازا نوت بتضربك شكلها بتعرف تقاتل غيدا:فشرت ومن اليوم وبالرايح تلقى مني ازا بتلقى لامسح فيها الارض اطلع ب نورمان الي عم تتمشى وغيدا شغلت السيارة وطلعو من مدخل الشركة وصلتو على البيت ومن وصلتو شم ريحه الطبخ جورج:الله شو هالروايح الطيبة سمر:اجيت يا بيك الاكل جاهز جورج: وانا فارط من جوعي طلع لغرفتو بدل تيابو ونزل قعد مع اهلو ع السفرة الاب:يلا تفضلو بلش بالاكل وكل شوي يطلع بأهلو ويهز براسو الام:اي حبيبي كيف شغلك جورج:تمام الام:مرتاح يعني جورج:ههه فيني ما ارتاح يعني الاب:اي وكتير عليك هالشغل جورج:بلعكس والله مبسوط وازا فكرك عم تعاقبني بتكون غلطان الاب:وبتزعلي وقت يتقلع من البيت الام:خلص حبيبي سكر ع الباقي جورج:اوك ...دايمة انشالله ترك الاكل ومباشرة على غرفتو ضرب الباب بقوة وقعد على طرف التخت "ايه شو عليه يا رسلان عم تعاقبني فكرك انو تذلني ما حزرت وراح اثبتلك بشركتك او بغيرها راح كوّن نفسي وبالناقص من سيارتك ومصرياتك كمان "تمدد بتعب وغمض عيونو بس ما لحق يتهنى بقسط الراحه دخلت عليه امو وقربت منو بس ما عبرها ابدن الام:لا تزعل يا عمري هو بدو مصلحتك جورج:فهمت هالموال الام:بحبك وبدو تصير صاحب مسؤولية جورج:ومنيح هيك عجبتو ولا لسى في عقوبات الام:لا عقوبات ولا شي وهيك لمصلحتك شو راح تستفيد ازا اسهرت بالديسكو او بالكبريه هو اسمو معروف والكل عم يحكيلو عن مغامراتك مع البنات جورج:وراح ضل هيك الام:خلص ازا تعبان حبيبي نام ولا تشيل هم عم اقنعو ليرجعلك السيارة جورج:بتكوني فضلتي على راسي طلعت من الغرفه وهو تمدد على بطنو وغفي ....... كنت عم اتمشى اي لساتني ما وصلت وعم اتفرج على محلات الدهب والاواعي شي بيجنن وعم اقرأ التسعيرات شي غالي ع الاخر احلى شي اوقف ع البسطة وهنيك كلو رخيص ومناسب لمصرياتي ضليتني امشي لحتى وصلت لهنيك وقفت عند البسطه واخترت بلوزة سادة لونها اسود ما عليها شي وسعرها كتير رخيص واشتريت بوط جديد كمان من هنيك كتير انبسطت انا بموت بالاواعي بقضي نص مشواري بس اتأمل واتخيل حالي لابسه هيك اواعي شو بخسر لو كنت متل غيدا اكيد مو بأخلاقها بس بالعيشه ولا انا ما بحقلي او ما بيلبقلي كفيت للبيت ومن وصلتي عملتلو ترتيبة وطبخت اكلة سهلة وسريعه معكرونية تغديت ودغري تمددت ب تختي لارتاح كان صوت غيدا بمخيلتي"شرشوحه "انا هيك معقول ولا هي متكبرة ثقتي بنفسي كبيرة بس كلامها متل السم وهي لدرجه شايفة حالها غمضت عيوني ولسى افكاري عم تحوم بالماضي ولا المستقبل الزاهر الي ناطرني يمكن انا مضخمه الموضوع ببساطة لازم اتخيلو انو حليوة معين اوف وفوق كل هاد بيناتنا عشر سنين ازا مو اكتر لازم يتعكر مزاجي وانا عم اتزكرو بكرهو وما بحب اسمع بسيرتو ولا حتى المحو والله وحدو مصبرني عليه فكيف بدي ابتلي فيه للعمر . ...... جورج صحي بنص الليل طبعن النوم سافر من عيونو غسل وشو وفتح كومبيترو كان مهووس بألعاب القتال بيقضي اكتر الساعات عم يلعب وبعد ما تعب ومل وقف على بلكون غرفتو اتأمل الجو البارد شو بارد يالطيف حط ايديه بجيابو وضل واقف عم يتأمل كمان سكون الليل والعتمه ابتسم وقت تزكر شغلو وفوق كل هاد نورمان بهدلت غيدا وهو راحت عليه هاللقطه دخل لغرفتو وقعد على طرف التخت وشغل سيكارة كان فكرو مشغول ب وضعو ولايمتى بدو يضل عم يشتغل هيك وبدون سيارة وحرمان السهر والاصحاب والمصروف رجع تمدد ليحاول ينام بس عبس معاد قدر كان الضو عم يجهجه اتأمل جمال المنظر وبعدها نزل ليشرب كاسة نسكافيه على رواق افطر مع ابوه وامو وبعدها طلع ليبدل اواعيه وينزل لشغلو طالع بنطلون جينز اسود وبلوزة بيضة وجاكيت رسمي اسود وبوط ابيض مشط شعراتو ودغري نزل ليستنى تكسي تنقلو على الشركة ومن وصلتو سلم على كل الموظفين ودخل للمكتب على غير العادة غيدا جاية بكير ونومان واقفه عند المكتبة جورج:صباحو غيدا:صباح الورد نورمان:اهلين جورج:انتو مبكرين ولا انا متأخر غيدا:انت لمتأخر جورج:مو معقول اطلع بالساعه وكانت تمانية جورج:مو مشكلة ...اشربتو قهوة غيدا:لا جورج:لكن اطلبي القهوة غيدا:من عيوني يا بيبي قعد بمكانو وشاف كمية الملفات الي قبالو وغط على قلبو ...ولي بدي ترجم ودقق كل هاد وببالو وحدة منهن تساعدو الي بتخلص بكير ......... ما كنت قدرانة اشتغل شي وبنفس الوقت ما اقدرت اعتذر عن الشغل ليروح يفصلني الاستاذ عابد وكل ما شوف كمية المراجعات الي عليي يغط على قلبي لهيك حطيت نصها على مكتب جورج قبل يوصل هو وغيدا لاننا بنفس المجال انا وياه كنت لابسه لبلوزة لجديدة بس مو مبينه قدام اواعي غيدا الي عم يلمعو ويشعو رتابة ولا هداك اواعيه وريحه بارفانو لحالها بوحدة ضليتني عم رتب بالمكتبة وبعدها مليت وقعدت ورا مكتبي ولساتني مشوشة من مبارح ولو بيطلع بأيدي كنت ضربتا وهداك مبسوط وكل شوي يطلع فينا ويضحك شغلتو شغله جاب ابو معروف القهوة ابو معروف:يسعد صباحكن يا اساتذة نورمان:وصباحك عمو غيدا:باردة كالعادة ابو معروف:الله عليكي يا ستنا شو بتحبي المزح جورج:يسلمهن يا ابو معروف ......لك صبايا شو هالزحمه بالشغل اليوم غيدا:بالعكس مافي شي مهم جورج:وحدي الله شوفي شو هاد نورمان:انت كسلان جورج:قال كسلان خدي نصهن لشوف نورمان:بلا شووو جورج:لكن لا تسمعي كلام قال كسلان غيدا:انا بساعدك ولا يهمك جورج:خلصي شغلك وانا موافق دغري كانت عم تحاول تعمل مشكلة معي او ابصر على شو عم ترسم صفنت فيني وانا مو متوقعه اي شي منها كملت شغلي لصرنا بفترة الاستراحه طلع جورج من المكتب وهي دغري اطلعت فيني غيدا:لك شرشوحه خانم انتي كيف هيك مبارح بتتعدي عليي اه ما رديت عليها طنشتها غيدا:هههع بتعرفي انو ناويتلك على نية تجيب اجلك وتقلعك من هون يا .... نورمان:اي مبروك في شي تاني غيدا:حبيت خبرك يا شرشوحة بفوتت جورج ولسى ما سكتت غيدا:ههه بعدين شو هالبلوزة الي لابسيتها مو مبين منها لا وش ولا قفا ...زوقك بلدي عنجد نورمان:مو شغلك بلوزتي غيدا:ههههه بربك من انو بسطه جايبيتها طلع الدم لراسي عصبت كتير وكنت ناويه قوم واضربها نورمان:من نفس البسطه الي بتجيب من عندها امك غيدا:لاا ما حزرتي امك الي بتجيب من هنيك جورج:خلص يا بنات عيب هالكلام مع بعض نورمان:احكي الها هي بلشت جورج:خلص غيدا ما بيصير هالحكي غيدا:انت لا تدخل لو سمحت وانا الي عندها تار مبارح وبدي اخدو نورمان:لكن راح بتركك تحكي لحالك غيدا:هههع على اساس هامنني ازا رديتي عليي تركتها تحكي بس هي وقفت واجت لناحي وانا كملت بالمصنف قعدت على طرف الطاولة واستناولت قلم غيدا:امممم بتعرفي مكتبك موقعو حلو نورمان:خديه غيدا :لا بليق لوحدة تانيه غيرك هيك بقصد نورمان:... مسكت جاكيتي وشدتني غيدا:بتعرفي اني راح خليكي تندمي عل عملتك معي مبارح نورمان: بعدي ايدك احسن ما خليكي تندمي غيدا:شو بدك تعملي.....ما راح بعدها بدي جربلك شو عملتي فيني مبارح نورمان:بعديها قلتلك غيدا:هئ ما راح بعدها مسكتها من ايديها ولويتها وهي بلشت تتوجع ودغري شدتلي شعري وتحكمت فيني ونزلت عليي بضرب ما كنت متوقعتو منها اجى جورج وبلش يفكني منها وهي لسى كل ما بعدها بتركلني برجلها وجعتني وراسي عم يوجعني من شدها لشعري وجورج ماسك ايديها وعم يفك شعراتي من بين ايدها وبالأخير بعدها ومدلي ايدو لاوقف كنت عم زبط شعري الي شلختو وشوي تجمعو علينا اكتر الموظفين دمعو عيوني وخفت عنجد انفصل وتحطها بظهري للحكاية جورج:لعمى شو هاد نورمان:هي الي بلشت جورج:غيدا روحي لمكتبك غيدا:رايحه بس راح دفعك الثمن غالي يا شرشوحه انا تكسريلي اظفري نورمان:انكسر من ضربك الي يا لئيمة كانت بدها ترجع تكمل عليي بس جورج مسكها وبعدها اخدها لمكتبها جورج:خلص يلا انفضت كل واحد على مكتبو حملت حالي واطلعت من المكتب بسرعه راسي عم يوجعني منها كيف هيك شدت شعري يخرب بيتها غسلت وشي بالحمام وطلعت اخد قسط راحه برا الشركة ...... جورج كان مصدوم اول مرة بشوف خناقة بنات لعمى بيطلع منهن والله طبعن بنظرو بس غيدا الي ضربت لانو نورمان تكومت دغري وهديك كأنها مصارع ولا كأنها الغنوجه غيدا الي بيعرفها بس نورمان بينت كأنها طفلة وعم تنضرب لهيك فكها وخاف عليها من ضرب غيدا الي ما رحمها ولا حتى رحمت شعرها الطويل لمكسر كانت غيدا عم تشدو وكانها ناوية تطالع كل شعرات نورمان بأيدها وبالفعل شدتو ومزعت منو كتير كان ناطرها لترجع وهديك معصبه وعم تشرب دخان وتهز برجلها وجورج طنشها على عملتها رجعت نورمان فاتت مكسورة على المكتب كان في شي عم يشدو ليطلع فيها ويشوف كيف لدموع متجمعين بعيونها وكانها طفلة بريئة ومظلومة كانت كل شوي تضم شعراتها على جنب وكأنو وجعها هالشد جورج:هي اول واخر مرة هيك بيصير نورمان:لا تحكي معي احكي معها جورج: الحكي الكن التنتين غيدا:هي ازا ضليتي هون نورمان:بدي ضل وغصب عنك جورج:حاجتكن خلص لعمى غيدا وانتي بتنفصلي معها غيدا:شو عم تتحكم كمان بيطلعلك جورج:اي بيطلعلي وعنجد عم احكي انا عيب عليكن انتو صبايا ومحسوبات على البنات هيك لعمى والله انا بخجل قاتل متلكن نورمان:انا ما ضربتهاما ضربتها جورج:خلص افهمت...ومعاد بدي يتكرر هالشي ولا تنسو انو انا مدير هالمكتب وانتي وياها لازم تسمعو كلمتي غيدا:حاضر يا بيبي نورمان:لا انا مو حاضرة وما راح بسمع لا كلمتك ولا كلمة غيرك جورج:خلص انتي بس شاطرك بالكلام وتطويل للسان .... كان معصب من ردة فعلها عليه وكأنها عم تفش قهرها فيه لانها ما عم تقدر ل غيدا مسك المصنف الي مليان وراق ورماه عليها لحتى تفرطشو كل لوراق جورج:خدي ترجمي كل هاد نورمان:مو شغلي هاد جورج:لا شغلك ولازم تساعديني نورمان:ما راح ساعدك خليها هي تساعدك جورج:بدي اقضي مشوار وشوفهن جاهزين نورمان.....مستحيل انا ترجمهن غيدا:ليش عم تكسري كلمة مديرك نورمان:مدير عليكي انتي مو عليي عابد....شو هاااد الكلام ........ نزل صوت المدير عليي كأنو رعد وخفت اي خفت وبلشت ارجف عابد:شو هالكلام يا نورمان نورمان.... عابد:من ايمتى عاملة زعامه هون بالمكتب وكيف بتردي جواب على مديرك نورمان:.... غيدا:الظاهر انبلع السانها هههه عابد:وشو الي صاير خبروني انو عاملين خناقه بشركتي وانا متاكد انو سببها انتي نورمان:لا....مو انا والله ما عملت شي عابد:اسمعي معك نص ساعه بس بتضبي اغراضك ووراقك وبتنقلعي من هالشركه نورمان:لا بترجاك تفهم الموضوع انا عابد:ولا حرف زايد قطعت الامل ودغري تخيلت انو انتهت مهمتي هون واخر شي اتوقعتو انو جورج يدخل جورج:طول بالك خالي مو هيك عابد:لكن شو هالعملة وشو هالضجه الي عاملتها نورمان جورج:انت فهمت الموضوع غلط وهاد الشغل الي وعلى مكتبي مو عليها هي عابد:ولو كان انت مدير مكتبها ولازم تسمع كلمتك وبدون شوشره قرب لعندو جورج وحط ايدو على كتفو ل عابد جورج:عنجد والله ما بدها كل هاد عابد:انا رايح لمكتبي والي قلتو راح يصير بلشت ضب اغراضي راح الاستاذ عابد واجى جورج لعندي جورج:لا تضبي شي هو معصب وبس انا راح بقنعو خلص خلي كلشي بمكانو راجعلك طلع دغري وراه كانت غيدا مبسوطه لدرجه وعم تكركر ضحك وشمتانه قد ما فيها تأخرت وانا عم ضب اغراضي كنت ناطرة جورج ليرجع غاب شي عشر دقايق ورجع جورج:خلص حليت المشكلة غيدا:ليش حليتها ما ضل غير تضربنا جورج:انتي اسكتي نورمان:يعني شو حكالك المدير جورج :خلص عندي وحكالي خليها بشغلها نورمان:كتر خيرك يارب نزلت وانا عم لم لوراق وهو نزل ليساعدني عليهن اعطاني اياهن نورمان:قبل ينتهي الدوام بكون خلصتهن جورج:ماشي رجع لمكتبو وانا بلشت بالشغل لانو هنن من الاساس الي ههههه غيدا:حسابك بعدين انت جورج:كمان 😂 ما بعرف شو خطرلي بس لازم ردلو المعروف ل جورج بس كانو حكالو خالي يعني جورج ابن اختو ل عابد معقول بس ليش ما بيشتغل نائبو مساعدو مو هون وبقسم صعب كتير بس يلا يسطفلو الاهم انو رجعني ل شغلي بعد نص ساعه عصيت عليي كم كلمه انا بعرفهن بس قلت لاتهاضم مع جورج وكمان بدي غيض حبيبة البيبي حملت حالي ورحت لمكتبو كان عم يلعب بيطلعلو مسلمني الشغل ونازل قتال ع الكومبيوتر يمكن ما انتبهلي نورمان:استاذ جورج وكأنو نقز هيك حسيت واطلع فيني جورج:شوفي نورمان:ممكن ترجملي هالجملة ماعم افهمها ابدن اشرتلو بأصبعتي عليها ونزلو شعراتي على الورقه ورفعتهن دغري. جورج:شركة عقارية محلية تفاوضت على الحقوق الحصرية لجميع مبيعات المساكن الجديدة. نورمان:شكرا الك جورج:العفو رجعت مخترة ل مكتبي وغيدا عم تنفخ نااار من قلبها قعدت واخدت راحتي بالمكتب ورجع جورج اطلع فيني انا صحيح شايفيتو ما بيسوى بس كبر بعيني فكني من هالشرنه ورجعني لشغلي ومن هون وبالرايح شو ما طلب راح نفذو بكل سرور ابتسمتلو وهو ابتسملي ما بعرف هو شو عم يفكر بس غيدا جن جنونها وضربت على المكتب بقوة صحتني وصحتو وكل واحد اطلع ب شغلو هيك انتهى الدوام البست جاكيتي المتواضع كان لونو كحلي والو طائية عليها فرو وبينزم من عند الخصر حطيت الشنته على كتفي واطلعت معهن من المكتب نزلنا سوى ع الدرج ووصلت للموقف كالعادة وجورج متلي بس غيدا كأنها قاطعتو طلعت بسيارتها بدون ما تعزمو وراحت بس ازا جورج خالو عابد ليش ما عندو سيارة معقول ما عندو او ابصر شو القصه جورج:ع البيت راجعه نورمان:اكيد طلع الاستاذ عابد من الشركه جورج:خليني وصلك نورمان:كيف جورج:مع خالي وهيك بتعتذري منو ع الي صار نورمان:بس انا خجلانه جورج:وازا اعتزرتي راح يكون مبسوط منك شو نورمان:بس بدون التوصيلة جورج:على راحتك وقفتو انا وجورج وكنت خجلانه عنجد نورمان:انا عنجد بعتذر استاذ عابد:لا ولا يهمك بس ما بدي هالشي يتكرر وجورج خبرني انها هي ضربتك نورمان:شكرا الك عابد:بس من هون وبالرايح بدك تصيري تساعدي جورج اوك نورمان:اكيد جورج:اطلعي لنوصلك نورمان:لا انا باخد تكسي عابد:اطلعي وبلا حجج اطلعت معهن كنت متوترة بس لشو الكزب وصلت دغري يعني ربع ساعه كنت براس الحارة نورمان:شكرا الك...نزلني هون ودعتهن ودغري دخلت على بيتي وسكرت الباب ...... جورج انحولو عيونو وضل عم يراقبها لفاتت على البيت، بيت صغير متواضع الو حديقه صغيرة مليانه ورد جوري وشجر اخضر والو بوابة صغيرة كان عم يطلع على خفتها بالمشي بالبوط طبعن وشعراتها عم يكرجو ورا ظهرها صحيح مو لابسه متل غيدا بس لبسها كتيير حلو ومهضوم ومتناسق وصلو خالو ع البيت ونزل معو وع الاكيد الغدا جاهز بدل تيابو وقعدو على السفرة سوى الام:والله وزمان عابد افندي الاب:ابصر كيف خطرنا على بالو عابد:وصلت جورج مو اكتر ...صحيح لايمتى صهري بدك تخلي بشركتي هالكني جورج:حتى انت يا خالي الاب:انا قلعتو من شي قليل جورج:... الام:ليش شو عامل ابني خالي:مو مخلي موظفه على موظفه وليل نهار العاب ولا شو جورج جورج:بتسلى مو اكتر الاب:لكن راح تتمدد فترة العقوبة جورج بقلبو:اوه وهو المطلوب الام:لا رسلان بترجاك ترجعو ل شغلو من مدير بشركه ل موظف عابد:مدير مكتب عندي مو عاجبك وهون الكل فرط ضحك بس جورج انبسط وحك شعرو الام:وشو دخل السيارة الاب:ابنك صايع وفوق كل هاد بيسرع كتير انا حابب ربيه كوني ما اشرفت على تربايتو من صغر اعتذر جورج من ورا كلام ابوه ورجع لغرفتو قفلها قبل كلشي وشلح قميصو حس انو محترق من وراهن وشغل سيكارة وهو عم يفكر بس بمين اكيد ب نورمي لك كيف غيدا بتمزعلها شعرها ما بيعرف ما حست انها وجعتها راح دغري على قميصو الي لساه ع الكنبايه وتفقدو وشاف شعرة طويلة من شعرات نورمان على القميص حملها وشاف طولها ورجع لفها وحطها ب محرمه وخباها بالدرج قعد رجل على رجل ولساه مشلول فكرو فيها اليوم ضحكتلو بشكل مباشر اكيد انبسطت مني لاني تواسطتلها لترجع وانو دافعتلها معقول غيدا زعلت...لا مو وقت زعلها مو فاضي راضيكي غيدا ودغري اتصل فيها جورج:كيفو الحب غيدا بلا حب بلا بطيخ جورج:له يا عمري عيدا:لا تقول عمرك جورج:بربك شوفي غيدا:بتعرف حالك جورج:انا جاي لراضيكي غيدا:لا تيجي ما بدي اياك جورج:لامو معقول غيدا:خلص انا شفت منك شي ما توقعتو انت وجعتني وانت عم تبعدني عنها ما شفت حالك كيف قلبت على مصارع وهمك بس تخلص الفرفورة من بين ايديي جورج:بس انتي وجعتيها عنجد انا فكرتك بدك تفركي ادنها مو هيك حرام غيدا:هي حرام وانا مو حرام جورج:طيب حبيبتي بس تروقي احكي معي دغري غيدا:اوك سكر معها ودغري راح لياخد قسط راحه من الشغل والتفكير ب كل شي. ......... كنت لساتني باواعي الشغل ولساتني بدون اكل بس تمددت بالصاله ع الكنبايه راسي راح يتفجر وبنفس الوقت مبسوطه من عملة جورج رجعني ل شغلي بعد ما فقدت الامل باينتو ابن حلال بس هيك شكلو ولبسو اصلن هو حلو انا ما بنكر انو كل ملامحو حلوة وحتى طريقه تعاملو معي بس ما راح انسى اني مخطوبة لابن عمي لو ماني مخطوبة كنت اعجبت فيه او يمكن حبيتو هههعه لك مبارح ما كنتي تحكي عليه وتشتميه كل هاد لانو دافعلي لعمى والله انا مريضه مرض نفسي اول حدا بيدافعلي من سنين اخ بس لازمني دائمن سند اي والله انا صبيه وضلع قاصر بدي رجال يسندني يدافعلي يحبني يمنحني كل مقومات الحياة الحب والرضا والدفا والحنان انا كل هدول الشغلات فقدتهن بموتت امي وما بقيلي غير تحسين الي شو ما صار معي عم يسكت كرمال يأمن مستقبلو وما نتقلع من بيت عمي يلا مو مشكلة الدعم المعنوي الو دور ههههه خلص وليه حاجتك تفكري بس كلشي اليوم تغير ..... صحيت على ايد تحسين عم يصحيني بطريقه مستفزة وعم يحركني وانا عصبت نورمان:شو بدك تحسين:وين الاكل نورمان:ما طبخت تحسين:راح موت من جوعي نورمان:ماشي تجلست ورحت للمطبخ وبلشت حضر الاكل كتير عليه حواضر وعملت بيض مقلي وشاي تعشينا سوى وهو راح لينام وانا كمان رحت ل نام . ....... بالمكتب كل واحد ماسك شغلو عيون غيدا منفخين بكيانه اكيد وجورج متوتر على غير العادة ونورمان ملتهية بشغلها المتراكم كان كل شوي يتفقد هالجوز ويكفي لعب وهيك هيك نورمان مهتمه بشغلو وقت التقو عيون ب عيون غيدا كانت عم تعاتبو واشرتلو بمعنى بسيطه فيك ما قدر يطنشها اعطاها اشارة انو تسبقو ليحكو وبالفعل طلعت من المكتب وهو لحقها والتقو ب الممر الي بيودي على مكتبهن وقفت وهو وقف قدامها دغري جورج:شبو الحلو زعلان غيدا:زعلان منك جورج:له وليكون بكيانه غيدا:بكزب عليك ازا بحكيلك نشفتلي دموعي انت مبارح اهنتني جورج:اسف ما كنت قاصد اجرحك ومع هيك ما بتزكر اني غلطت بحقك غيدا:لسى بيحكي انو ما غلط خلص جورج جورج:طيب خلص انا ما بهون عليي فيكي انا بزعل روحي وما بزعلك غيدا :عنجد بيبي جورج:اكيد يا روحي غيدا:اممممم بحبك انا وما بحبك تقسى عليي غمرتو لفت ايديها على رقبتو وغمضت عيونها بس هو ضل بمكانو ما بدو يغمرها حاول يرفع ايديه لخصرها ورجع نزلهن بس خطرلو شغله وحدة تزكر نورمان وهي فايته على بيتهن بخفه وبخصرها النحيل وبمشيتها الهادية وتلاقئيا لف ايديه وغمض عيونو. ...... شفتهن غامرين بعض دقات قلبي تسارعت حسيت بكمية دفا عم تسري بعروقي منظر رغم انو مو منيح بس حسيت بأنو حلو هاد الشعور تكون زعلان وحدا يواسيك بغمرة بعد عنها وهي بالزور لتركتو بدون ما ينتبهو عليي رجعت لمكتبي بسرعه وما قدرت امحي هالمشهد من بين عيوني وكل ما اتزكر كيف حاوطها يرجف قلبي وشو متمنيه كون بمكانها طبعن مو مع معين لانو هداك ما بيفهم بالرومنسيه فاتو ورا بعض وماسكين ايدين بعض بفكري شو طبيعه هالعلاقه الي بتسمحلكن تكون بوضع حميم وعادي مين ما كان يشوفكن معقول جورج بيحبها ليش لا اكيد بحبها مرتبة وحلوة شعرها اشقر وقصير وعيونها عسلية وبشرتها كتير فاتحه جسمها بيجنن ولسى طولها احلى انا بطلع قزمه على هوا طولها بس ليش عم قارن حالي فيها هنن من زمان بيعرفو بعض والا ما بتحكيلو بيبي وهو هلا غمرها يسطفلو انا ما دخلني فيهن جورج:شو نورمي ما خلصتي نورمان:لا لسى اشرتلو ب ملل على المصنف وهو ضحك غيدا:بيبي شو رأيك بسهرة جورج:انو وضعي وبتعرفيه غيدا:ولا يمكن لازم شوفك الليله جورج:انتي تعالي وجيبي الشلة ومنسهر بغرفتي غيدا:امم كمان فكرة اوك خلص اتفقنا نورمان:ضروري بدك المصنف اليوم جورج:اكيد نورمان:اوك فركت جبيني كنت عم اتخيل سهرتهن ايه نيالهن بحجه الصداقه بيلتقو عادي انا ما يدرى حدا من اهلي انو مصاحبة شب ليدبحوني هي وين اهلها ما بعرف ولسى هو عزمها على بيتو وبغرفتو ايه شو نوع اهلك يا جورج لحتى هيك متفهمين الوضع ما بقول غير نيالكن . كفيت شغلي واصلن ما انتبهت انو انا وجورج بالمكتب لحالنا وين راحت غيدا اجى لعندي وسند حالو على الطاولة جورج:ساعدك بشي ما اقدرت اطلع فيه نورمان:لا عادي جورج:شو رأيك نشتغل سوى نورمان:اكيد حكيتها بدون ما اعرف شو قصدو جاب الكرسي وحطو حدي واستناول مني الورقة كنت عم راقبو كيف بدو يساعدني كان عم يشوف وين صرت جورج:هون صرتي نورمان:اي هون جورج:يلا اطبعي انتي لشوف وانا راح بترجملك نورمان:اوك متل ما بدك كنا عم نشتغل سوى وتاخرت غيدا وحبيت اسألوا نورمان:وين غيدا جورج:اخدت اجازة ورجعت ع البيت نورمان:والله!! جورج:وين عايشه انتي نورمان:😂اه ما انتبهت جورج:مو مشكلة ...نعمل استراحه نورمان:.... جورج:خلينا ننزل ع الكفتيريا نشرب شي نورمان:متل ما بدك وقفنا سوى طبعن تركت الجاكيت بالمكتب بس اخدت الشنته طلعنا سوى وسكرنا باب المكتب كان عم ينزل كل درجتين وانا ورا دغري قعدنا بأستراحه الشركه كانت مساحتها كبيرة ومليانه طاولات قعدنا قبال بعض وطلب شاي نورمان:الاستاذ عابد خالك جورج:اي ليش ما بتعرفي نورمان:لا وتفاجئت جورج:ههه نورمان:اي وليش مو مساعد او شي تاني غير مدير المكتب جورج:شغل مؤقت وهيك يعني تسلاية نورمان:انا شايفك ما بتشتغل جورج:هههع ضحك ضحكه مميزة خلاني ابتسم من وراها جورج:ملاحظه تقصيري انتي نورمان:قبل كنت مفكرك عم تطبع وترجم ع الكومبيوتر بس اكتشفت انك عم تلعب لعب قتال جورج:هههع نورمان:ما بتحب الشغل جورج:لا بلعكس بحبو وبحب هالمجال بس هيك تقاعص نورمان:يمكن فهمتك بس كمان مدعوم جورج:هههع نورمان:كاني حشرية صح جورج:لااا عادي اسألي نورمان:عادي يعني جورج:واقل من عادي نورمان:شو نوع علاقتك ب غيدا جورج:... حسيت ما عندو جواب او كاني سألتو سؤال صعب نورمان:عادي فيك ما تجاوب جورج:لا بلعكس بس علاقتي فيها رفقات نورمان:وبتحكيلك بيبي وهيك جورج:هي حرة نورمان:هي بتحبك جورج:ههههه نورمان:ليش عم تضحك جورج:لا ولاشي خلص بلا ما تكملي اسئلتك سكتت وبعد ما شربنا الشاي رجعنا للمكتب كنت حابة اعرف شو نوع العلاقه بس هو سكر عليي الطريق وكأنو سر😏اي ويكون سر مبروكين على بعض بس ما يفكرني معجبة وخاف طير من بين ايديه . ....... جورج توقع تسألو كل شي الا عن علاقتو ب غيدا الي حتى هو ما بيعرف شو نوعها افتكرها راح تحكيلو عن اهلو واي شي غير هاد وهو حس انو ضاع بالسؤال لهيك كان عم يضحك ليخفي توترو بالذات لهاد السؤال مافي جواب عندو وقعد بمكتبو وحاول يتفهم الطريقه الي حكتو فيها بس من سابع المستحيلات تكون معجبة فيني هي ممنونه الي مو اكتر وياما عازمها على الكفتيريا وكانت تنتر بوشي وتحكيلي مابدي بكل ثقة طالع تلفونو وحط السماعات بادنيه وشغل اغنية ليتسلا هيك هيك خلصو شغلهن سوى وهي كمان طالعت تلفونها وبلشت تكبس فيه عم تكتب شي . ........ وقفنا ع الموقف الساعه تلات طبعن اكتر الموظفين بيطلعو ب سياراتهن او بمواصلات الشركه وقف حدي جورج وهو حاطت ايديه بجيابو حسيت انو الحاجز انكسر بيناتنا وهو اخدني صديقه وبدون مقدمات عم يتعامل معي جورج:ع البيت نورمان:اكيد جورج:وصلك نورمان: ب شو جورج:ب التكسي اكيد نورمان:لا لشو لتعزب حالك جورج:بوصلك وبكمل على بيتي نورمان:لا مافي داعي عنجد منضيع وقت ع الفاضي بقلبي هي ازا مرقت شي تكسي بالعادة بمشي ربع ساعه لاوصل للدوار نورمان:فيك تروح مع خالك جورج:خالي راح من زمان نورمان:....شو رأيك نمشي انا متعودة وبيتأخر السير هون جورج:وبتعرفي محطه نورمان:عند الدوار جورج:شو ههههه بربك نورمان:ليش مستغرب جورج:لا يلا لكن ما بعرف شو تمتم كلام ومشينا بس سمعتو قال (يلعن) ههههه مشي قدامي بخطوة وانا وراه وبقلبي عم قول ليش هالعزاب اشتريلك سيارةاو خالك يشتريلك وحدة واصلن ليش ماشين مع بعض ماني عرفانه يلا منتسلا جورج:شوب بعز الشتى نورمان:ههههه طالع نظارات شمسيه ولبسها الله غير شكل طلع فيهن ولسى ايدو بجيبتو كنت عم اتمايز مشيتو جورج:كل يوم بتمشي هيك نورمان:اكتر الاحيان جورج:عم قول ليش نحيفه نورمان...... جورج:مين عينك بشركه خالي نورمان:خالك جورج:والواسطه نورمان:رفيق اخي جورج:شو اسمو نورمان:وليش عم تسال جورج:يمكن اعرفو نورمان ما بظن جورج:شو اسمو بربك تحكي نورمان:محمد اعرفتو جورج:هههه لا ليش لاعرفو نورمان:فكرت مو اكتر جورج:..... باينتو ما بحب المشي بس كابر على حالو وقفنا سوى تكسي واطلعنا كمان سوى ودغري اعطى الشوفير عنوان بيتي باين ذاكرتو قوية نورمان:مافي داعي خليه يوصلك انت بالاول لف لعندي ما بعرف شو الغاية واطلع فيني نظرة غريبة خجلني هز براسو ورجع اطلع قدامو سكتني وصلني ع البيت نزلت وما خلاني حاسب ما بعرف شو هالزلمه هاد من وين بفكر بس انا انزعجت وكتير كمان ونزلت معصبه وكفيت للبيت معصبه انا ما بدي حدا يدفع عني هاد ما بيفهم ابدن وازا كان زلمه كان دفع عن حالو وبس فتحت ب مفتاحي وضربت الباب وسندت حالي عليه غمضت عيوني وانا عم اتخيل يكون بيتي عمران امي تكون موجودة محضرة الغدا وناطريتني انا واخي ونستنى بابا ليرجع من شغلو ونقعد متل كل عيلة نتساير ويكون بيتنا مليان حب وحنان بس ع الفاضي تخيلاتي كلشي تخيلتو مو موجود مو بقيان شي من ريحتهن بس انا وتحسين والباقي اندفن دخلت ل غرفتي شلحت اواعيي والبست بيجامه وتمدت ع التخت ب تعب . محور حياتي كان جورج ما بعرف شو الي صار بس انشغلت بتفكيري فيه كنت اطلع من شرود وادخل ب شرود اتزكر كل شي من وقت الي تعرفت عليه ولحد ما غمرها ل غيدا . ............ بعد ما الدنيا عتمت واهلو نامو لبس اواعيه بنطلون جينز وبلوزة سودة شتوية وجاكيت كمان الجو برا كتير بارد وعم تمطر الدنيا نزل بسرعه بعد ما واعد ميسم وطلع معو بسيارتو ميسم:شو كيفك جورج:شوفت عينك ميسم:وين نروح جورج:ضجران مالل من كلشي امشي منفتل ورجعني ع البيت شغل السيارة ومشيو ميسم ملاحظ انو معصب جورج ولسى عم يفور ويغلي شغل سيكارة ولسى ما كفاها رماها من الشباك وهيك كل شوي ميسم:لك احكيلي انا بعمري خبيت عنك شي جورج:لا ولاشي ميسم:شو ايمتى ناوي ترجع سيارتك جورج:ما بعرف ميسم:متخانق مع ابوك جورج:تخيل نكون متفقين ميسم:ولايمتى هالوضع هاد جورج:يا ليموت او انا مووت ميسم:بعيد الشر عنك جورج:لك لا والله ياريت موت او عنجد انا بدي موت خليه يعيش ويتنعم .....لك مدام ما بدو اياني ليش جابني على هالدنيا.....لك ليش ليعزبني كان دفني دغري مو يدفني بالحيا ...لك والله عم حاول ارضيه وكتير بكون بدي نتفق بس وقت شوفو معصب او عم يبهدل بروح ...معقول انا الظالم وهو المظلوم...... ميسم:على شو لخناقه جورج:هههه باعت مين يراقبني وعرف انو نمت عند غيدا ميسم:معو حق لكن جورج:هههه ميسم:خلص انت صير متل الخاتم بأصبعو شو ما حكالك احكيلو حاضر لا تناقشو وبطل هالسهر جورج:ههههه ميسم:ليش عم تضحك جورج:مبسوط من كلشي ميسم:طيب شو رأيك بنفس اركيلة جورج:لا ميسم:طيب وين اخدك جورج:لعندها ميسم:لعند غيدا جورج:لا لعند نورمي مبسم:مين هي جورج:هي.....انعم واطيب بنت بشوفها ملائكة وحرام تكون عايشة ع الارض تخيل عم تتوددلي لاعطيها اجازة بدون ما اعرف شو صاير معها بس من فترة صرنا صحاب بحسها عايشه عكس عيشتي ميسم:اي كفي جورج:بس هيك ميسم:وهي بتشوفك اظرف رجال هههه جورج:لا هي مخطوبة (حكاها بغصه) ميسم:شو وليش لتعلقت فيها جورج:هههه اجدب وغبي بس ما كنت بعرف انو هاد حب كنت حب اتأملها او جاكرها وبعدها صرت متعود على شوفتها بالبيت ما فكر غير فيها عندها غموض وبلشت اتعلق فيها واليوم بالتحديد اجى خطيبها لعندها ما بعرف شو كان شعوري بس كأنو نار شعلت بقلبي وحسيت حالي بدي اقتلها واقتلو وقت غمرها تماسكت بالقوة وما قدرت غير امنعها من انو تروح معو ميسم:لك انت مجنون جورج:ههه بس هلأ خنزرت ماني حاسس بشي وكأنو كل الكون عم يحاصرني صرت اتمنى الموت بكل ثانية ميسم:مو مستاهلة انت محملها زيادة جورج:هههه ميسم:وين بيتها لاخدك لعندها جورج:بتكون نايمه ميسم:لك منفتل بحارتها وهيك لتحس بالامان جورج:ههه يلا نجررب لكن كانو كان قاعد بقلبو هو ناوي يروح لعندها عنجد وبس وصل للحارة صفطو على طرف الشارع كان البيت قبالو دغري عم يتأمل الضو المطفي وابتسم وقت تخيلها تكون نايمه ميسم:اتصل فيها ولا ما معك رقمها جورج:لا معي بس اهلها ميسم:انت متصل على ابوها ولا عليها جورج:راح جررب مسك تلفونو وهو عم بدور على رقمها وقت شافو دق قلبو بسرعه تردد قبل يتصل بس ميسم شجعو . *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```