*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *احببتك.بصمت.❤‍🩹.tt* *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .~*احببتك بصمت~ *البارت الثاني* المسا سهرو عندو رفقاتو ل جورج ميسم رفيقو المقرب وغيدا واشرف ونانسي بغرفتو طبعن الشدة موجودة ومستلمين اللعب والي ما عم يلعب عم يشجع ضحك ومزح وكلام ومحاورات كلها صريخ وضحك بينفس عن روحو بس يشوفهن وبموت بهيك لمة وكل ما اندق الباب يسكتو وبعدها يكفو خلص شراكتو مع ميسم ب انتصار ميسم كفى لعب بس هو راح ليتفقد تلفونو ودخلت بدالو نانسي وبدورها غيدا راحت لعندو لتشوف مع مين بدو يحكي غيدا:حاسيتك مشوش جورج بلعكس غيدا:حلوةالسهرة صح جورج:بتجنن غيدا:بس يوم الجمعه راح نسهر بالديسكو جورج:خلص بدبرلي طلعه ولا يهمك غيدا :غرفتك بتجنن جورج:اول مرة بتشوفيها غيدا:لا كتير بس هالمرة ريحتك فيها طاغية على كل شي بلش يستنشق جورج:ماني شامم ريحه لاي شي غيدا:شي اكيد لانها ريحتك الك انا عم اتنفسها وممزوجه ب الدخان ههههه جورج:ههه مجنونة غيدا:انا اشتقتلك جورج:اي وانا كمان غيدا:انو لازم نلتقي جورج:خلص منتفق غيدا:انت متغير قبل كنت تقتل حالك على هيك مواعيد جورج:شو تغير غيدا:ما بعرف انت ادرى جورج:بابا مراقبني مافيني وعم اثبت لنفسي قبل اثبتلو انو انا فيني اعمل شي منيح غيدا:وعلقتني فيك جورج:ههه خلص لا تحركي مشاعري غيدا:هههه بعشقك انا جورج:يلا لنكفي معهن كفى السهرة وهو عم يراقبها ل غيدا كلامها ترك اثر عندو بس عم يحاول يبعد عنها بشتى الطرق بس كانت لابسه فستان بيجنن بيسحر خلاه كل شوي يطلع فيها وهو عم ينجبر يتناسى كل شي بيصير بيناتهن لانو بيعرف نهاية علاقتن مو مناسبة وبالاخص ب نفسو هو واكيد طموحو بنت بيوت ومن عيلة محافظة وهو بيعرف انو هاد لعب وعلاقتو فيها مجرد تسلية حتى غيدا هيك حكتلو شربو العصير ووقفو ع البلكون يتسائلو على بعض ويتبادلو الاحاديث هيك لنتهت لزيارة طلع ليودعهن وطبعن ابوه ما هاضم ولا واحد فيهن تودعو برا بس غيدا ودعتو بشي خاص حضنتو وباستو وهو خجل قدام الكل هي اول مرة بيخجل هيك منها وقدام رفقاتو ضل عم يراقبهن لطلعو من الشارع فات للفيلا وهو عم يتمشى قطف وردة وشم ريحتها وكمل للصالة وقعد مع اهلو الاب:اما شو شلة ولا اضرب من هيك جورج:ليش بقى الاب:مياعة وقلة حيا جورج:... الام:بس اكترهن بتعرف ولاد.مين الاب:بس مو عاجبيتني صحبتو معهن جورج:كمان هاد شغل...هاد الي كان ناقص الاب:تعال اضربني جورج:ما بدي اضرب حدا بس والله الشغلة زادت عن حدها من شركتك قلعتني وبهدلتني قدام كل الموظفين هضمناها السيارة وسحبتها وكمان بعتها بلعناها وخليتني اتوظف بشركه خالي قلنا عادي بس انو تدخل برفقاتي لا مو عادي الاب:اخرس وسد تمك ما بدي اسمعلك نفس ناقص والله عم تعلي صوتك عليي جورج:ما عليتو بس انت ناوي تهججني من البيت الاب:اي والله يطعمني الله واسمعك هجيت لخليك عنجد تندم هي لتعرف وقت امك ادللك انا ما دخلني ب ددلالها وازا ما صرت رجال راح اتبرا منك جورج:وكيف لازم صير رجال الاب:بدي تثبت للكل مين هو رسلان ومين هو جورج ابنو الوحيد جورج:اي انشالله الاب:بدي وقت حدا يحكيلي ابو جورج ارفع راسي قدام الكل فيك جورج:ارفع راسك باسمك وانا برفع راسي باسمي حاجتك عم تحكيلي هالحكي ليش انا شو عامل لحتى تعاقبني هيك صرت حس انو انا مو ابنك قرب ابوه منو وفتح عيون بوشو الاب:شو جورج:اي اي انا يمكن مو ابنك ضربو كف كان قوي كتير فتح جورج عيونو بوش ابوه بمعنى التهديد جورج:ايه بسيطه فيك تركو وطلع لغرفتو بسرعه كانت امو عم تبكي سكر باب غرفتو ودخل للحمام يستجمع قواه وقف قبال لمرايا ودمعو عيونو "انا كبرت على الضرب انا ما عدت صغير ليش كل هالقسوة ما بعرف انت عم ادمرني اكتر عم تخلي رغبتي برفض طلباتك تزيد لازم تهيني ليش ما تعاملني متل ما ابو ميسم بعاملو ليش ما بدك اياني صير رجال كل ما ارفع راسي عم توطيه كل ما حس حالي عم انجز شي عم ادمرو انت " حط راسو تحت المي الباردة ومسح عيونو بسرعه لازم ما ابكي البكي للنسوان طلع من الحمام ولسى المي عم تنزل على رقبتو وصدرو شغل سيكارة بسرعه وقف قبال الشباك يشربها على صوت دقه الباب جورج:اتركيني بحالي الام:افتحلي يا عمري بس شوي جورج:روحي انا منيح وهون رجعو دمعو عيونو "لا انا ماني منيح ابدن الي اسمو جوزك حطمني "كان عم يشرب بسرعه وكانو بدو ينسى شلح لبلوزة وتمدد على التخت وحاول ينام . ..... بالشركة كنت مستفقدة ل جورج صارت الساعه عشرة وما اجى بس غيدا كانها اتصلت فيه ويمكن ما بدو عنجد يداوم كفيت شغلي وحسيت انو المكتب بدونو مو حلو هي اول مرة بحس هيك يمكن تعودت على وجودو هون معقول مريض يمكن يومها داومت ب ملل ما راقبت حدا ورجعت للبيت حضرت الغدا واستغربت من صوت دقه الباب ورحت لافتح وطلع بوشي معين نورمان:اهلين معين:مافي تفضل نورمان:امبلا تفضل دخلنا سوى للمطبخ كنت عم اسكب الغدا ولي على هالمنظر باين انو معصب او دابح جمل اليوم عيونو محمرين وريحتو ما بتنطاق ابدن قعدت قبالو وسكبتلو وانا مبتسمه معين:بيتاخر تحسين نورمان:لا ما عاد الا يوصل مع انو تحسين راح يتاخر بس حكيتلو ليحسب حسابو معين:الاكل بيشهي نورمان:صحتين وهنا معين:اي كيفو شغلك نورمان:منيح اتزكرت انو جورج ما داوم هههه يمكن من مشوار الربع ساعه للدوار تعب معين:اي منيح ما اشتريتي موبايل نورمان....لا لسى معين:اي .... كنت بدي احكيلو شو سبب لزيارة بس هو جاوب معين:خلصت اليوم شغل بكير واجيت لشوفك نورمان..... معين:مبارح المسا حكينا بموضوع عرسي نورمان:اي شبو معين:انو بعدها مافي شغل الك وانو راح حددو خلال هالفترة نورمان:اي مو مشكلة بس قلتلك انا لسى ما جهزت شي معين:اي وهو هيك طالع من جيبتو مصاري واعطاني اياهن معين:انزلي ع السوق اشتري كل شي بيحلالك وازا كمان اعتزتي اي شي خبريني قلبي كان عم يرفرف خايفه ودموعي تجمعو بس تماسكت نورمان:اكيد معين:انزل انا معك نورمان:لا مافي داعي معين:واخيرن يا نورمان راح نتزوج تشردقت غصب عني واعطاني كاسة مي ضبيت الاكل وعملت الشاي وقعدنا بالصاله حطيت على مسلسل وسكتنا شوي انشل املي انشلت اعضائي كلها والنغزة بقلبي لساها عم توجعني نورمان:الشهر الجاي العرس معين:اي ومن قريبو يعني مو حفله حفله عائلية نورمان:اي كتير منيح معين:اي شي بتعتازيه خبريني نورمان:اكيد معين:لا تنقصي على حالك اي شي نورمان:اي ماشي معين:صحيح انتي ئديش عمرك بقلبي ازا عمري مانك عرفانو نورمان:فايته ب ٢٣ جديد معين:الله ....باين عليكي اصغر نورمان:.... معين:معقول بيني وبينك ١٤ سنه نورمان:اي معقول معين:يلا مو مشكلة انتي صيري متل ما بدي وما منختلف نورمان:كيف متل ما بدك معين:يعني ممنوع تحكيلي لا واحترامي عليكي واجب متل الصلاة وكل شي بيطلبو اهلي منك بيصير وممنوع تردي جواب على حدا نورمان....حاضر معين:وشغل مافي نورمان:متل ما بدك معين:مبسوطه بقلبي مزهزهة راح طير من فرحتي ولي على قلبك يا نورمان والله لتشتهي الموت وما تلاقيه نورمان::اي اكيد ...وين بدنا نروح شهر عسل معين:بالغرفه وفي احلى من هيك نورمان:خلينا نروح ع البحر منغير جو معين:لا شو بحر وشغلي نورمان:بقصد شهر عسل يعني اول ما نتزوج معين:لا لا ليش شبو بيت اهلي احلى من البحر وبعدين الك عليي ما نطلع من الغرفه الا لناكل او نشرب نورمان:.... كنت عم افرك ايدي ببعض بردت فجأة ومو مسدءة ايمتى ينقلع معين:تأخر تحسين نورمان:هلا بيوصل معين:ليكون خايفه مني نورمان:ههه لا شو خايفه ليش لخاف معين:لو بعرف انو بدو يطول كنت اخدت راحتي اكتر نورمان:البيت بيتك معين:انا بدي اياكي الك نورمان:تشرب قهوة مهين:ههه متل ما بدك هربت للمطبخ بسرعه غسلت وشي وعملتها ولسى قلبي عم يرفرف شربنا القهوة ونحن ساكتين صوت نفسو لحالو فيلم رعب وكل شوي يسعل كنت عم ادعي انو سافر ع الموت والله شي صعب هاد انو اتجوز شخص انا ما بدي اياه ما بحبو وبخاف منو والله ...معقول ياربي الي صار معي معين:احسبي حسابك يوم الجمعه سهرتك عنا ببيت اهلي نورمان:انشالله ..... جورج ضجران مالل وبالاخص لانو ما داوم ندمان بس ما قدر يروح باين عليه الزعل ولساه متأثر بالكف متسطح على التخت وماسك تلفونو وعم يلعب العاب قتال وكل ما تعب ياخد قسط راحه لحتى مل عنجد وقف ع البلكون وحكى بحالو لو معي سيارتي كنت رحت لاي مكان ولو ميسم ما عندو شغل كنت خليتو ياخدني او غيدا بس هي بتكون بشي صالون تجميل وين بدي روح هههه نورمي اكيد بالبيت جنينه بيتها بتجنن لو صغيرة وموقع البيت حلو كتير اكيد شغلاتها ل نورمان مميزة غرفتها بتكون حلوة متلها وصغيرة كمان....معقول هي مو شايفه حالها حلوة بس لشو الكزب كلشي فيها ملفت وغير هيك غيدا ما عم طفشها من قدام عيوني وعم تشوه صورتها وملامحها بكلامها عليها بس انا الي نظرة عميقه بكتشف الجانب الحساس فيها اكيد بريئة كيف خلت غيدا تضربها ما قدرت دافع عن حالها معقول شو بريئة انتي يا نورمي لو بس تعطيني فرصة كنت ما خليت حدا يمس قلبك بسوء كنت خليتك تحسي بالامان على طول يمكن هي بحضن اهلها بتكون مدللة وباين عليها الدلع بس كتير بتشرد وبتصفن ومتل لولاد لصغار بس تزعل بتحط راسها ع الطاولة ههههه حركات بنات صغار لسى كل ما يتزكر كيف شدتها من شعرها بيجن شعرها لحالو حكاية طويل وفيو كسرة عيونها عسليات ووساع كمان ورموشها طوال وحواجبها بيجننو انفها صغير وتمها كمان وخدودها مليانين 😅لوين بدك توصل يا جورج معها هي هيك بدون ما تعبرك لو تعبرني يمكن دغري صارحها...... ويكون حب اسمو هاد وين الغلط حط ايدو على قلبو وابتسم .....معقول هالشعور والدقه انخلقو وقت اعرفتك بس ما تكوني عنجد عشقانه ساعتها تارك الشركه ورايح بس لو في منو هالحكي كان وصلها اخدها زارها لا اكيد مو مرتبطه تمدد من جديد وفتح تلفون وتنهد. ...... يوم الجمعه جهزت حالي من بكير معين بكون بدوامو لانو يوم جمعه لهيك راح اضطر روح على بيت عمي لحالي تحسين مواعد حبيبتو وراح وانا اطلعت من البيت وبوشي على بيت عمي الي بعيد شوي عن بيتنا وصلت لهنيك دقيت الباب وفتحتلي مرت عمي وابتسمتها نورمان:مرحبا...كيفك مرت عمي مرت عمي:اهلين وسهلين تفضلي دخلت كان مدخل البيت كتير ضيق وعتمه شوي ودغري اطلعنا ع الدرج للبيت شلحت من رجلي عند الباب سلمت على عمي بوست ايدو وسلمت على ولاد عمي لصغار واختو هند الي اصغر مني بسنه وقعدت خجلانه عمي:شو ليش ما بتزورينا نورمان:ظروف وشغل مرت عمي:وراتبك منيح نورمان:ماشي حالو هند:شغليني معك نورمان:تخرجتي هند:مادة وحدة وبتخرج نورمان:اي خلص انشالله هند:وشغلك مرتب ومحترم نورمان:اي غير شكل مرت عمي:يلا منيح ....عبدو اتصل ب معين وخبرو انو اجت خطيبتو عمي:اي كيف امورك انتي وتحسين نورمان: تمام والله عمي:يعني البيت منيح نورمان:اي والله كتيرر منيح كتر خيرك يارب عمي:خير الله هند:شو تشربو يا جماعه مرت عمي:لييجي اخوكي عبدو: حكالي الزباين كتيرين واليوم جمعه اكتر الناس عم تطلع سيرانات وبتعرفي الكل بياخد لحمه عمي:لكن مو مشكلة روحي اعملي قهوة هند:حاضر بابا راحت لتعمل القهوة نظرات مرت عمي مو طبيعيه عم تطلع فيني بتمعن وانبساط وعمي ماسك المسبحه اشربنا القهوة واخدتني على الغرفه 😔غرفه النوم الي راح نعيش فيها قلبي دق بس شفتها مو بفرح اكيد كانت ماشي حالها تفتلت فيها وهي من حالها قلعت هند لتحكي معي قعدتني على طرف التخت واطلعت فيني مرت عمي:يخزي العين كيف حليانه ما بعرف ازا انا عنجد حلوة بس ابتسمتلها مرت عمي:اي ها قبل كنتي دفشه بكلامك هلا غير ....انا حابة خبرك على كم قصه قبل العرس لانك صغيرة ومافي ام ولا خالة عندك او اخت تنصحك نورمان:اي عم اسمعك مرت عمي:معين وبتعرفيه مو متل كل لرجال لخروق والي ما الهن كلمه ابني رجال وبدي تسمعي كلمتو وبدي تفهمي انو بس دخلتي ع هالبيت تنسي كلشي وتعيشي مع ابني ع المرة قبل الحلوة ...لازم تسمعي كلمتو وتهنيه الرجال كل ما تهنى مع مرتو كل ما عيشها ودللها وستتها وكمان ما تجهزي بجهازك شي حيلا اشتري كلو مشلح وقصير لانو انتي وياه اكتر الاوقات راح بتكونو لحالكن نحن راح نقضي فترة منيحه عند اختي بالضيعه نورمان:مو وقتو هالكلام مرت عمي مرت عمي:يوووه لا تخجلي عادي ولازم تتعودي على هالشغلات كنت ناوية انزل معك لتجهزي اواعي بس معين ما رضي وحكالي خليها ع راحتها نورمان:ماشي مرت عمي:واصحك تفكري انو ابني مو رجال ايوا من هلا عم خبرك نورمان:اكيد ولو مرت عمي:وهلا شوفي هالغرفه على راحتك تركتني وراحت كنت عم اتامل كل زاوية راح انحبس معو هون راح يعاملني كاني غنمه او بقرة وبدو يدبحها وريحه الزنخه راح تعشش هون راح نام على صوتو الخشن واصحى على عيونو لمنفخين وايدو الي بتطلع قد ايديي التنتين مع بعض ...معقول انا مضخمه الامور ويطلع معين رقيق حساس وبيدلل ليش انا ما انخلقت لغيرو ليش ما حبيت لك مو حب لعب وكزب ليش غيدا معها تصريح تغمر وتحضن ويمكن بتبوس اي حدا ليش انا ما جرب هالشعور اي ومع جورج شوفيها والله انو حلو اي بيجنن مو بس حلو مسكت ايدو للقلم بوحدة ايديه لحالهن حكاية بتختصر جمال الكون عيونو حلوين ولونهن حلو خلاني دوب بالعيون البنية والشعر الاسود انفو مو كبير وتمو مناسب ل وشو ما بيشبه معين معين كلشي فيه ضخم اخ انا ما بدي اياه وبس ما بدي اياه . وقفت وبلشت اتفحص الغرفه وفتحت لخزانه حاطت اواعيه فيها عم ينام هون تمشيت بالغرفه ومن باب الملل فتحت كم درج وشفت وراق ههههه ابو اللحمه عندو وراق فتحتهن كان بخصو البيت يعني طابو او هيك شي والتانيه فيها تقرير طبي واضح معي بعض الكلمات اسمعت صوت الباب عم ينفتح ودغري حطيتها بجيبة بنطلوني مرت عمي:شو عجبتك نورمان:حلوة كتير مرت عمي :تعالي للمطبخ معي الحقتها بسرعه وكنت عم ساعدها كنت خايفه من اللحظه الي بدو يرجع فيها ع البيت وقبل يجهز الاكل وصل صوتو عم يسعل عند الباب سلم على عمي وباس ايدو دخل علينا ع المطبخ معين:شو مجهزين مرت عمي:كلشي بدك اياه معين:لكن فايت لاتحمم مرت عمي:راح ابعتلك المنشفه دخل للحمام كان عم يطلع فيني وما شال عيونو عني مرت عمي:جيبي ل خطيبك المنشفه دغري سمعت كلمتها بس ما يكون انا بدي فوتها لا مستحيل اقبلها اخدت المنشفه وتوجهت للحمام دقيت الباب معين:مين نورمان:خود المنشفه معين :اي يلا فتح الباب وانا درت وشي واعطيتو اياها بس ما بعرف شو الي صار سحبني لجوا الحمام وسكر الباب غمضت عيوني بدون ما حس على حالي معين:ههه لك شبكي ليش مغمضه عيونك نورمان:بدي اطلع من هون معين:افتحيهن بلا خجلك نورمان:لابس يعني معين:لك اي لابس فتحتهن كان بدون بلوزة بس كمان خجلت منو معين:ههه يا حبيبي كيف بدنا نتزوج وانتي هيك عم تخجلي من كل شي نورمان:مو حلوة انو ضل عندك هلا بيفكرو انو شي مو منيح معين:هالشي الي مو منيح بدو يصير هلأ او بعدين نورمان:لبعدين بس مو هلا معين:هههه طيب حاضر كان عم يقرب مني وانا عم بعد عنو بدون ما اطلع فيه لحتى حاصرني وباسني ما حسيت ب شي بس رجفه قلبي زادت وعيوني دمعو نورمان:افتحلي الباب فتحو ودغري اطلعت وتفاجئت بمرت عمي مرت عمي:ايه الله يهنيكن كملت معها شغل وتغدينا سوى ما بعرف كيف كنت عم اتغدا كنت مشوشة ومزعوجه من كل شي صار وما سدءت ايمتى ارجعت للبيت ....... جورج بالديسكو صوت الاغاني مو مخليتو يسمع شي غيدا قبالو لابسه فستان احمر قصير وعم ترقص وتتمايل طلبتلو كاسه والها كاسه وباقي الشلة عم يصرخو ويضحكو عليهن دفشو ميسم وحكاه بصريخ ميسم:ليش خجلان منها هههه لك شبك اليوم مخريط ما رد عليه غيدا:بيبي خلينا نرقص يلااا نانسي:اي يلا جورج انتو احلى كوبل جورج:مو ببالي والله انا اجيت لاتسلى اشرف: ونرقص ويلااا سحبوو معهن غيدا اعطتو الكاسه وهو مسكها بدون نفس ما بدو يشرب شو بالغصب ميسم:لك اشرب وانسى جورج:ههه اشرف:يلاا بصحتكن دئو الكاسات ببعض وضحكو غمض عيونو وشربو دفعه وحدة وبلشو بصرخو (وووووو) نانسي:هاد جورج الي منعرفو جورج:كمان كاسه يللا كان عم يشوف خيلات عبى راسو مشروب معاد قدر يتوازن بس في شي معلم فيه الكف اي صوت الكف بلش يرفع شعراتو وسند حالو على الكرسي ميسم:لسى ما استويت جورج:🤣لاااا انا انطفيت غيدا:اي ونحن كماااان اشرف:يلااا كمان كاسه نانسي:بصحة جورج كان عنجد عم ينطفي هلا راح خيال الكف اجى خيال نورمان قدامو شاردة متل عادتها من هوسو فيها فرط ضحك ودغري اخد جاكيتو بعد ما قضى ساعه كاملة عم يشرب لينسى لحقو باقي الشلة كان مو طبيعي والكل ملاحظ عليه جر حالو لوصل لبرا وسند حالو على سيارة ميسم نانسي:شبك ابو الجوج هز براسو بمعنى النفي ميسم:طيب شو الي صاير جورج:تعبان وبس اشرف:لكن ليش اسهرت غيدا:بيبي شبك مو على بعضك انت حط ايدو على رقبتو وشد عليها جورج:انا مخنوق قربت منو وحطت ايدها على وشو غيدا:سلامتك يا روحي لمح وش نورمان وقت لف ليشوفها بالتكسي وخجلت منو جورج:انا بحبك غيدا:وانت غرامي غمرتو وباقي الشلة كفو ضحك على جنب طالعتو بسيارتها وبوشها على الشقه كان عم يغني إنسى غرامك راح .... سيب العتب دشرى تشهد كفوف الراح .... كم بعتني واشرى كتر العتب شي يفيد وقلبي نفر ما يريد وهو عم يلحن على كيفو غيدا مبسوطه فيه عم تعمل الي بدها اياه خلتو يرتاح وساعدتو ليتمدد على التخت وقبل تشلحو الجاكيت تمسك فيه جورج:لا غيدا انا هيك مرتاح.....تعبان اتركيني وروحي.... غيدا:خليني شلحك البوط جورج:لا لا انا مرتاح ااتركيني كان اول مرة هيك بعاملها لف على جنب وغمض عيونو دغري وهو عم يحكي بدون ما يحس عصبت وطلعت من الغرفه . ... كنت شاردة قبل طلوع الضو ب جورج الي ما داوم شو عم يعمل هلا اكيد نايم اليوم راح اسالو كم سؤال حابة اعرف عنو كم شغلة رتبت غرفتي من بكير تحممت ومشطت شعري اشربت فنجان قهوة على رواق ودخلت لالبس اخترت بلوزة صوف لونها بني فاتح وبنطلون جينز فاتح والبوط خليت شعري مفرود وحطيت مكياج خفيف انا ما بعرف اتمكيج واطلعت من البيت متل كل مرة وصلت للشركه بكير يعني مع ابو معروف رتبت مكتبي ومكتب جورج وكنت ناطرة ليوصل كنت كل شوي اشرد فيه بمكانو هيك لوصل يوه على غير العادة كانو بنهاية الدوام حامل جاكيتو باصبعتو ورا ظهرو وفات مع غيدا الي حردانه هيك واضح ما صبحو عليي ودغري قعد بمكتبو استرخى وغمض عيونو ورجع فتحهن استقر ب نظرو عليي وانا اطلعت بالكومبيوتر الي ع مكتبي غيدا:تشرب قهوة جورج:الي بدك اياه غيدا اوك طلبت القهوة وهي عم تطلع فيه سرقت نظرة عليه كان عم يشغل الكومبيوتر واضح انو مرضان لهيك ما اجى ع الشغل نورمان:سلامتك جورج:انا نورمان:مريض انت جورج:لا ابدن نورمان:اه اسفه فكرتك مريض لهيك ما داومت جورج:لأ كان قلبي عم يخفق بسرعه نظرتو جامدة كتير و (لأ) هي فيها الف معنى حسيت نورمان:خلصت شغل يوم الخميس الي كان على مكتبك هز براسو ب ملل ابو معروف:يسعد صباحكن جورج:هات الفنجان بسرعه غيدا:الله يجيرنا نورمان:يسلمو عمو دغري شربو يا شفه يا شفتين مو معقول صاير معو شي ركز ب الشغل وكان عم يفتح وراق جورج:بتعرفو شغله غيدا:لا ما منعرف جورج:اي بلا ما تعرفي غيدا:هههعع جورج:برد صح ولا انا بردان غيدا:اي الجو بارد جورج:والله برد كتير غيدا:هههه دفي حالك جورج:انتي اسكتي غيدا:بيبي شو هالكلام زورها هههه اول مرة بيزورها بس هي تغنجت اكتر لعمى ما اوقحها بعد نص الدوام كان عندي شي مهم وهو مراقبه جورج وكيف عم يشتغل ما لعب ابدن وبعدها راح للمكتبة غريب اول مرة بيعملها فتح كم مصنف وكان عم يدور على شي وهو حاطت ايدو بجيبتو كنت شاردة فيه عم اطلع عليه بطرف عيني ع حركاتو المميزة حتى وقت يحك شعرو بيجذب ههههه بس الي صحاني صوت ضخم صوت خشن عنجد معين:مسالخير وقفت تلقائيا وكان عم يطلع فيني معين:دورت على مكتبك وبالزور لحتى قدرت اوصلك ضربات قلبي تجاوزت المليون شو جابك نورمان:اهلين فكرتو بدو يسلم عليي بأيدي مديت ايدي وهو قرب لناحي وشدني لعندو وغمرني ما الو بالعادة شو صرلو بعدت دغري عنو غيدا:ما عرفتينا انتبه معين لوجود غيدا وصفن فيها وابتسملها بأعجاب حتى هي ابتسمتلو نورمان:ابن عمي معين.....وخطيبي معين:عاوزك بكلمتين نورمان:ما بيتئجلو معين:لا بحزم قرر نطلع وانا لحقتو دغري . ..... جورج شاف كل شي انصدم لا ما توقع حاول ما يعصب بس ضحك ببرود جورج:خطيبها هههه غيدا:ههههه جورج:عشقانه لكن غيدا:ايه خبر غير شكل جورج:هه رجع لمكتبو حامل المصنف وقعد ب غرور بس جواتو في غصه وبقلبو عم يقول ايه ابن عمها لازم يكون خطيبها ..ما بيطلع بشكلو هاد....شو هالنمرة هي وكيف موافقه هي باين انو كبير اصلن ضاعت وقت غمرها ما بينت قدام حجمو الي مو طبيعي غمض عيونو ب حسرة غيدا:شبك جورج:منرفز منك غيدا:انا جورج:اي منك انا قلتلك ما بدي غيدا:هههه كرمال هيك...اشتقتلك شو اعمل جورج:اتحممت ب مي باردة من وراكي غيدا:اممم بس هيك جورج:حلي عني يااا غيدا:متغير كتير انت جورج:.... سكت وعيون تعلقو على نورمان الي رجعت بلون شاحب ووش محزون وكانها راجعه ع البيت عم تاخد اغراضها جورج:شو لوين نورمان:ع البيت صارت معي شغله جورج لا مافي تروحي نورمان:بس جورج:كفي شغلك يلا نورمان:... جورج :خدي هاد المصنف نورمان:عنجد مافيني لازم روح جورج:شو حكيت انا .... بقلبي كل لرجال بيحبو يستحكمو البنات لعمى ضربهن شو بدو مني معين بالبيت وليش هددني مو عاملة شي وشو بدي خبي بالبيت ما بعرف دخل معين وانا لسى واقفه معين:وين الي جهزتي حالك يلا جورج:دوامها ما خلص معين:عفوا مين حضرتك نورمان:هاد مديري معين:اي تشرفنا بس انا عاوزها بشي مهم جورج:بس لتخلص بترجع متل كل لموظفين معين:اي ساعه بتخلصي نورمان:ع الساعه تلات وبوصل ع البيت بعد ساعه معين:انا ناطرك هزيتلو براسي ورجعت اعصر مخي والمفروض ارجع ع البيت لحالي كنت عم فكر شو بدو شو بدو وبالاخير اتزكرت معقول الورقه او التقرير الطبي وقفت وتوجهت ل مكتب جورج نورمان:فيني اخد اجازة جورج:لا نورمان:بترجاك جورج:لا نورمان:عنجد الموضوع ضروري لازم هلا روح جورج:حادث ؟وفاة !شو صاير نورمان:انا بحالي ما بعرف بس لازم روح افهمني لازم اوصل ع البيت قبل معين بترجاك خليني روح جورج:بشرط واحد نورمان:الي بدك اياه جورج:بتخبريني ليش نورمان:ماشي ماشي بس مو هلا جورج:طيب روحي لميت اغراضي بسرعه نظرات غيدا كانت كلها حقد نزلت ركض ووصلت للدوار ركض اخدت تكسي وبوشي ع البيت كنت متوترة لدرجه انا بلشت افهم ليش عصب معين حاسبتو دغري للشوفير وكفيت ركض لحتى فتحت بمفتاحي ودغري على البنطلون الي كنت لابسيتو مسكت الورقه وبلشت دقق فيها هاد تحليل مبين معي كم كلمه(خصوبة ...العدد والشكل بس ما فهمت اكيد لازم روح لشي دكتور او صيدلي مو مشكلة اخدت الورقه وطلعت بسرعه من البيت توجهت لاقرب صيدلية كانت فيها بنت مداومة نورمان:مرحبا البنت:اهلين نورمان:انا معي تحليل وبدي فرجيكي اياه ممكن البنت:اي ليش لا تفضلي اعطيتها اياه وبعد ما دققت فيه اطلعت فيني نورمان:باين معك لشو هاد التحليل البنت:ل مين هو نورمان:ل ل خطيبي البنت:انا راح كون صريحه معك هاد التحليل تحليل خصوبة يعني للولاد بس بشكل عام النتيجه فيها خلل يعني مشكلة ازا التحليل لخطيبك عندو نسبة تشوهات كبيرة نورمان:يعني مو عقم البنت:لا مو عقم بس هاد بيشبه العقم لانو بهيك حالة لو صار حمل ما بيكمل يعني حالات اجهاض متكررة راح تصير عند الزوجه نورمان:طيب شكرا الك اطلعت دغري وبوشي ع البيت بعد ما حرقت التحليل راح اعتبر حالي ما اعرفت اي خلص وراح مثل دور البريئة قد ما فيني والي لازم يصير انو اهرب ليلة العرس ويلعن ابوهن كلهن شغلت التلفزيون وحضرت الاكل بكل رواق كنت اكتر الاوقات خايفه بس هلا بلعكس ارتحت كتير بعد ما تغديت وصل معين واستقبلتو كانومو صاير شي معين:نورمان انتي اخدتي ورقه من درج غرفتي نورمان:لاولا حتى فتحت اي درج معين:ماما حكت انو بس انتي دخلتي الغرفه نورمان:وما فتحت شي معين:لك لا تجننيني وين راحت الورقه بسرعه طالعيها نورمان:شو فيها يعني معين:مافي شي بس بدي اياها نورمان:ازا بدك فتش انا ما شفت شي راح لغرفتي وبلش يفتش ويفتح كل لوراق الي عندي عصب كتير وطلع الدم لراسو ولوما وصل تحسين كان راح يقتلني بس اتظاهر انو طبيعي راح بعد ما شرب شاي وانا دغري رحت ل غرفتي لارتاح وحط كل همومي ورا ظهري ونام. ........ جورج بغرفتو كان واقف بنص الغرفة ما بيعرف هو من شو مزعوج شو مدايقو ومشلول فكرو معقول لانو خبص مع غيدا اي شو اول مرة شبك لك حمار وانت سكران ما قبلت فيها ليش عملت هيك تحركشتني هي ....ولسى نورمان طلعت مو قليلة ابدن مخطوبة وعم قول ليش هيك عاملة بريئة من ورا خطيبها هاد بينفع يكون اي شي الا خطيبها....ليش مين انت شو بتخصك نورمان ....زميلها بالشغل وطز ....لك ليش ما عم تطلع من راسي ليش لساه مشهدو وهو عم يغمرها محفور بذاكرتي ما عم استوعب انو هالوش البريء والجسم النحيف والقامه الناعمه ل هاد الوحش ولا لسى معصب عليها وهي عم ترجف خوف منو هي هيك وخطبة ولسى ما اتحكم فيها على كيفو وباينتو دقة قديمة ....تسطفل انا ما دخلني فيها اخد دووش دافي ولبس بيجامه ليريح وتمدد ب تختو وتغطى كان عم يسمع صوت امو الام:طول بالك هلا لفات بيكون نايم...بترجاك رسلان لا تزعلو مشان الله الاب:بعدي من وشي ما رضي يتجلس كان ناطرو ليفوت ورماه بكم نظرة الاب:ليش نمت برات البيت جورج:.... الاب:انا قلتلك ازا نمت برا البيت لا ترجع جورج.... الام:اتركو تعبان الاب:وفاء لبرا اطلعي وخليني ربيه على كيفي جورج:بدك تضربني الاب:لا ما راح اضربك بس فهمني وين قضيت ليلتك جورج: بالبار...هيك بدك...اشربت وتقلت بالمشروب ونمت عند مييسم الاب:ميسم ولا بشقه هديك الفلتانه جورج:مدامك بتعرف ليش لتسألني قرب لعندو وجلسو من تختو وبلش يهز فيه الاب:انا بشو غلطت لحتى ربي جازاني فيك ...نحن من عيلة بتعرف الله ليش عم تحاول توطي راسي ليش لك انا بشو اغلطت معك حرام عليك انت كسرتني وكأني ما ربيت غيرك ليش اخواتك البنات انجح منك لك روح شوفهن شهاداتهن بفتخر فيها لحتى موت بعد جورج ايدين ابوه وصغر عيونو جورج:ليش انا شو عملت معك لتوطي راسك فيني ليش مين كسر التاني انا من لما كنت صغير كنت مجتهد ولحدالصف التاسع ما حدا طلعلو معي وين انت كنت بوقتها كنت عم تبني شركات خارج البلد ....انت الي رجعت وقلبك مليان عليي مو انا وبعمري ما فكرت كون بالحالة هي انت الي خليتني انحرف على قد ما شددت عليي على قد ما هددتني بالتقليع هي اي دللتني بس كنت بعرف انو انا رجال انا ماني بنت انا عرفت حدودي مع كل الناس بس انك تتهمني تهم باطلة لا انا قبل ما كنت لا اسهر ولا اطلع انت زرعت الفكرة براسي وانت الي لازم تسحبها الاب:انا عنجد ما توقعت منك هيك بشو قصرت معك جورج:ب غيابك ما بكفي ....بعمرك خليتني اقعد معك ومع عمامي لاحكي متلكن او يكون الي كلمة ع الاقل متل باقي ولاد عمامي كم مرة قلعتني من مكتبك وقدام الكل انا بأي عين بدي شوفهن فهمني انا بشو غلطت معك انت ليش عم تقسى عليي الاب:عم اقسى عليك لتصير متل ما بدي مو متل ما بدها امك جورج:لاا انت عم تعاملني متل ما عاملك ابوك ...اي اي جدي كان متلك هيك وانا بعرف كل حكايتك معو وانت عم طالع الفرق فيني وبدك تحطمني لتتنعم انت بكلمة البار لاهلو بكلمه الي كان تحت الصفر وصار فوق ... الام:خلص بترجاكن والله البيت معاد ينحمل بهاد لعياط ولخناق الاب:انت مفهمة ابنك هالكلام جورج:انا سمعتو وانا بعرفو وكنت شاهد على كم بهدلة الك معو الاب:بس الفرق باني كنت ناجح جورج:وانا بدي انجح الاب:انت متوفرلك كل شي ومع هيك مانك محقق شي من النجاح غيرك بيتمنو شغله وحدة من الي صاحيتلك بتعرف مين جاب الاولى ع القطر ابن عامل نظافة اعطيني اعلى معدل الك جورج:ما اخدت الاعلى بس انا عم حاول كون الافضل الاب:لو بتحرق حالك ما راح تصير متلي جورج:ولا يمكن صير متلك ....انا مستحيل اقبل على ابني ينذل قدام موظفين صغار انا بدي كون رفيق لابني حط كتفي على كتفو انا ولا يمكن اقبل المعاملة هي الاب:انت فاشل ولو تموت راح تضل فاشل جورج:حاجتك مشان الله انت حطمتني انا بشو اغلطت معك .....كل هاد لانو جدي قبل يموت حكالك بدو يتفوق عليك الاب:انا رايح وبس بدي فهمك انو نومه برات البيت مافي وازا طلعت منو غير للشغل لاترجع جورج:... الام:نام حبيبي وارتاح الاب:اطلعي وفاء جورج كان بيعرف انو ابوه ما قدر يجاوبو منيح وهو مقصر بس اي انسان بيكون بمراحل طايشه ولانو جورج مأمن الو كل شي ابوه مو عاجبو وبدو اياه يعاني متل ما هو عانة بشبابو السبب منطقي مو اكتر .....مثل على حالو النوم كان مغمض بس ما عم يقدر ينام من التفكير ما عم تروح ولا كلمة من الي حكاهن ابوه . *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```