*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *احببتك.بصمت.❤‍🩹.tt* *❴🔢❵☟الـــبـــــــــــ❴4️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .~*احببتك بصمت~* *البارت الرابع* جورج مانو عرفان شو الي صار وين راحو مستحيل خربط بالمكان هاد وكيف بدي اعرف ازا عنجد رايحين او انا انعمى على قلبي وقت ضربتني لا تنكر جورج لحد هلا عم يوجعك وعم تكابر على حالك لحتى ما تبتلي فيها ....هاد كف من نورمان ...انا بكره اي حدا بيضرب مو بس بابا. وليش هي معصبة ما بعرف ومافي تغطية لاعرف وين هنن مستحيل يمشو بهيك وقت انا اكيد خربطت مشي ونورمان مشيت وراه نورمان:وين بدنا نروح جورج:بتضلي مسكرة تمك انتي مو عاجبك انقلعي لحالك نورمان..... جورج:راح دفعك تمنو غالي هالكف اي ضلت عم تمشي وراه وهي عم تشهق من البكي حتى جورج بنظرها تحول ل وحش مو وقت الكف هيك عم تحكي بحالها ليش ضربتو وهون يمكن ينتقم مني ماحدا بيعرف شوممكن يعمل جورج عم يفكر فيها عم اقسى بالكلام عليها ما بهون عليه يسمع صوتها وهي عم تبكي وكانها عم تتعكز على رجلها مشيو بحدود الربع ساعه ووصل للساحه التانيه اطلع بالسما كان بدو يصرخ بس ما قدر نورمان:نحن ضعنا صح جورج:ما بعرف بس الاحسن نضل هون نورمان:لايمتى جورج:ليطلع الضو مندبرها لا تخافي نورمان:في مكان نروحلو جورج:لا خلينا نقعد هون سند حالو على الشجرة وهي كمان بس بعيدة عنو خطوتين ضمت حالها وسندت راسها على ركبتها وهي عم تراقب بعيونها كل شي وهو كمان وما بينكر انو مو خايف على حالو خايف عليها هي حط ايدو على راسو وعم يفكر شو بدو يعمل بالمصيبة هي لسى الليل باولو كيف ضيعت انا او شو الي صار لحتى اختفو رفقاتي ومو معقول يروحو بدوني لانو بيعرفو انا ما معي سيارة يارب . ......... صح هو حدي بس الخوف مسيطر عليي وحاسيتو معصب او بدو يتفجر عليي وهددني بشكل مباشر كيف ضعنا وهو عامل حالو بيعرف المكان بس بالفعل كنا بنفس المكان دخان النار كان لساتو بالجو على اي حركه قلبي عم ينقز وعلى بالي قرب من جورج بس كانو زعلان ما قدرت اعمل شي غير اني ابكي 😭 جورج:شبكي نورمان:خايفة جورج:انا معك نورمان:😭😭 جورج:خلص لا تبكي نورمان:بدي ماما جورج:... نورمان:بدي اخي تحسين انا بدي ارجع مشان الله جورج:بكرى انشالله نورمان:😭😭 جورج:خلص لا تبكي نورمان:عم ارجف والله بعمري ما توقعت انو موت هون جورج:..... نورمان:اخ بس انا هيك كل عمري بدي قضيه حظ ما الي هي اول رحلة بكل حياتي ويمكنها الاخيرة جورج:ليش ما كنتي تروحي رحلات نورمان:ما حدا يخليني قال ما معهن مصاري بس ولاد عمي يروحو بكل رحلة....بس مرة رحنا سيران وبوقتها انقلب الفحم من ورا اخي تحسين وعمي عصب وضربني وضربو وارجعنا ع البيت دغري جورج:انتي عشتي ببيت عمك نورمان:اي مو بيت واحد كل اسبوع عند عم شكل واحيانن عند خوالي وخالاتي جورج:وليش كل هاد نورمان:كل واحد منهن يرمينا ع التاني الله وكيلك دوبنا نتعود على نظام يرجعو يبدلوه حتى النومة ما كنا نعرف انامها جورج:كيف نورمان:خالاتي كانو ينيمونا مع ولادهن وخوالي بغرفه الي ولاخي ببيت عمي ابو خطيبي كانت مرت عمي تحطنا بغرفه تابعه للمطبخ وفيها كراكيب وببيت عمي لكبير كنا انام بالصالة مو كبيرة صغيرة وياما دايقين فيها البرد جورج:وليش ما حدا كفلكن ليش هالتعتير وبيت اهلكن وين نورمان:حكو عمامي انو باعو بابا جورج:وانتي وين ساكنه هلا نورمان:هاد البيت لعمي ابو خطيبي اعطانا اياه حسنه وهيك بيتجوز تحسين فيه جورج:وانتي ما الك شي نورمان:لا وللا شي انا خطبوني ل معين دغري جورج:وانتي ليش عم تبكي من المكان نورمان:لا تزكرت كلشي جورج:يعني انت وخطيبك متفقين هلا نورمان:على شو جورج:ع الزواج يعني بتحبيه نورمان:ما بحب حدا انا....دوبني حب حالي ....اصلن غصبوني عليه اي وهددونا انو يرومونا بالشارع جورج:وبالناقص نورمان: وانا قلت هيك ما رضي تحسين بوقتها وحكالي انت بتتجوزي وانا بدي اتعتر والله كتير كنت اقنعو انو نعيش لحالنا بس هو خاف عليي حكالي ازا هو صرلو شي انا بضيع جورج:معو حق نورمان:ما حدا رحمنا ولا حدا شفق علينا ... بتعرف والله انا مريت بظروف صعبة كتير يمكن ما تحس فيني انت هلا بس والله كانت هالشغلات بالنسبة الي كتير حساسة جورج:شو هي نورمان:كنت بالصف الرابع وقت توفت ماما ارجعت وشفت في تجمع بالبيت من صريخ خالتي عرفت انو شي مو منيح ما فهمت شو الي صار بس كانو محاوطينها وعم يبكو فوق راسها عملت متل تحسين غمرتها وارجعت اتفرج عليهن لوقت طالعوها من البيت صرت اركض بدي الحقها يومها بعتوني على بيت عمي قضيت نهاري ابكي بدي ماما هيك غيابها مر بسرعه وبلشت عمليه التشرد انا وتحسين ما بتسدء كنا انام بدون اكل لنتعلم ما نصرخ وقت نلعب مع ولاد عمي كان شغل البيت والتنظيف من نصيبي ونصيب اخي وين ما نزور هيك يعملو فينا اواعي شو قيمتهن وبالعيد كمان ما ترضى مرت عمي تشتري النا اواعي تجيب بس لولادها وبس يصير الدوور النا تحكي ما ضل مصاري كانت تعطيني اواعي بنت عمي الي اصغر مني كنت اخجل البسهن بس شو اعمل وقت يهترو اواعيي اضطر البس منهن وحتى تحسين هيك صار فيه بس هو كان ما يحكي ولا يطلب انا كنت احكي واطلب واعترض وكلشي جورج:وبعدين نورمان:بس خلصت التاسع خلونا نستقر ببيت عمي لصغير ما عندو ولاد كبار بس تحسين كان عليه جيش وراح ومعاد رجع الا لبعد سنتين بالفترة هي تحكمو فيني اكتر وهون قررو انو اتزوج واحد من العيلة خالي ما وافق وحكالهن سلاح البنت شهادتها هو سجلني بالجامعه وتكفل بتعليمي جورج:منيح طلع في حدا بيفهم اي وبعدين نورمان:بعد ما رجع تحسين استقرينا ببيتنا انا وياه بس شرطو عليي انو اقبل ب معين بعد ما رفضتو وب قتها صرخت على الكل وعيطت اجى عمي ومرتو ليسكتوني وعمي ما هان عليه انو اصرخ على مرتو لهيك ضربني جورج:وتحسين ما دافعلك نورمان:لا بوقتها كان بدو يبعد عمي عني بس تردد ويمكن خاف وقبل يطلع عمي دفشني وطالع اخي من الغرفه وقفلوها عليي بس شفت تحسين كتير زعلان ويمكن سالو دموعو عليي وخلص من بعدها وافقت على معين ....ولا وحدة من بنات عمي رضيت فيه وانا دغري جبروني عليه جورج:هو ما بيحس انوما بدك اياه نورمان:ياريت يحس ....ما بحس ابدن....اصلن انا بخاف منو كتير هو مو حنون وقاسي وكلامو دج وفوق كل هاد ما بجيب ولاد جورج:ما بدك تتركيه نورمان:ياريت بس خلص بدو يحدد العرس واعطاني مصاري لجهز حالي وبيني وبينك ازا تركتو والله ليقتلوني جورج:شه لسى في ناس هيك بتفكر نورمان:اي والله جورج:ما بعرف بشو بدي واسيكي نورمان:لا تواسيني بس بترجاك لا تأذيني الي فيني مكفيني جورج:هههه نورمان:عنجد والله ما بتحمل انا جورج:ما راح أذيكي ابدن ليش يعني شو خطرلك نورمان:بحس انو انت عندك كل شي عادي ف مشان هيك الله يخليك لا تعمل معي شي جورج:.... نورمان:بتعرف لازم نضل نحكي ليطلع الضو انا تسليت هههه صحيح انو مخنوقه بس والله نسيت انو انا بالغابة وانو ضايعين جورج:طيب احكي سكتت انا وياه كان في صوت حركشه دغري زحفت لعندو وقعدت حدو حط اصبعتو السبابه على تمو بمعنى ولا نفس غمضت عيوني وبلعت ريقي وانا خايفه . ....... جورج كان حاسس بحركه مو طبيعيه وصوت لكلاب كتير قريب بس ما حب يخوفها قربت منو وهو مو طالع بايدو يحميها من شي سكتت ع الاخر هي دوبو صوت نفسها طالع وغمضت وهو ضل عم يراقب ويفتش بعيونو لحتى صوت الحركه راح من المرة جورج:انا معك لا تخافي نورمان😭😭 جورج:لا تبكي خلص بترجاكي خلص نورمان:ما بدي موت او تاكلني لوحوش جورج:لا ما راح تموتي بقلبو على شو عم دافعي عن حياتك لو مكانك انا كنت انتحرت وقت ماتت امي ولا تعزبت ولا شفت كل الي شفتيه كيف تحملت هي بنت وبتكون حساسة لدرجه لهيك ضعيفه وغيدا قدرت تضربها بكل حرفيه وحدة مو ضال حدا مو هاينها ولا حتى ضاربها مستحكمينها لانها بدون ام واب والشاطر الي بدو يربيها كيف طاوعهن قلبهن يشوفو دموعك .....دموعك عم يحرقوني انا ياريت فيني احميكي من كل شي حسسك بالامان بس مستحيل المسك يمكن خايفه مني انا . جورج:بتحبي الحياة نورمان:اي ...لانو عندي امل عيش مبسوطة جورج:منيح انو عندك امل نورمان:.. جورج:لا تخافي مني اي.... نورمان:لا ما راح خاف خلص... جورج:انا ولا يمكن مسك بشي مو منيح نورمان:بس انت عندك عادي جورج:مين حكالك نورمان:انا شفت جورج:شو شفتي نورمان:بدك الصراحه جورج:اي نورمان:مرهف فرجاني صور الك انت جورج :الي انا...صور شو نورمان:مع كم بنت وحكالي حكي ما بيسوى عنك جورج:لحظه شوي.....صور شو ما فهمت نورمان:بوضع مو منيح جورج:احكي عادي شو شفتي نورمان:كنت مع بنت شقرا..ب....بغرفه نوم جورج:قصدك غيدا نورمان:لا وحدة تانيه ....ويمكن اسمها سيلين جورج:ههه كمان وشوفي بعد نورمان:مو بس هي وفي كتار كتار جورج:ههه والله غريب حتى انا ما معي خبر نورمان:اي عم تسلبها انت حورج:لك والله ماني فهمان سيلين وكتار هههه نورمان:اي اي لا تضحك جورج:وشو كمان بتعرفي انا تسليت ونسيت كفي نورمان:وغيدا ضحية متل كل الضحايا جورج:ضحية هههه ضحية مين نورمان: ضحيتك الك....انت علقتها فيك وهلا تركتها لانو بدك تتسلا فيني انا جورج:هههه فيكي انتي واتسلا .....وشوفي كمان نورمان:لا تتمسخر انت جورج:بربي انتي نهفه والله دغري الواحد بيقدر يضحك عليكي ...نورمان😡 ....انا مجنون ها......هلا هاد الوضع الي نحن فيه مين سببو نورمان:انت جورج:لك كيف انا مين هرب ومين كان زعلان ومين شحطنا لهون وكيف نحن ضعنا نورمان:انت السبب جورج....عصبت انا نورمان:اي اي انت وقت اسمعت انو بدك تلعب معي وعم تخطط لتوقعني بشغلات مو منيحه جنيت وصرت بدي اهرب منك ومنهن وانت شو!!😏 مفكرني متلك عم خبص مع مرهف جورج:اي مرهف مو منيح نورمان متلك جورج:شو عملت معك انا نورمان:صورك بشعين كتير جورج: ههه لسى بتحكيلي صورك ليكي اسمعيني انا ما بخاف ولا بنكر ولا بكزب افهميها ويكون بعلمك ما نمت مع الي عم تحكيلي عنهن...شو يعني انا لهدرجه وسخ.....انا اي فتت وطلعت وسهرت مع غيدا بس غيرها لا نورمان:مسكين انت جورج:بشو احلفلك نورمان:على كلن لو بس مع غيدا هاد اسمو غلط وحرام وعيب وقله حيا جورج:هههه نورمان:اي اي لا تزعل جورج:ههه شو اعمللها هي عرضت عليي نورمان:اي لا تكفي لو عرضت لازم ما تقبل انت قال عرضت...عذر اقبح من ذنب جورج:لحظه لحظه....🤣كأني انا من ممتلكاتك وعم تحاسبيني مو ملاحظه نورمان... جورج:ههه ليكون غيرانه عليي...بربك احكيلي غيرانه صح نورمام:لا ماني غيرانه ليش مين انت وبعدين انا ما بحب جورج:بتحبيني نورمان:ما بحبك جورج:بتعرفي انتي كشفتي حالك بحالك😜قال شو حردانه وزعلانه لانها اكتشفت انو انا واحد وسخ وهلا عم تحاسبني لانو عم فوت واطلع مع غيدا نورمان:... جورج:عادي احكيلي انك بتحبيني يلا ....... قلبي دق اي والله بحبك يا عاطل يا ابو النسوان اخ بس لو اتأكد من كلامك نورمان:لا ما بحبك جورج:ههه بربك حبيني والله انا بنحب نورمان:ههه على شو جورج:😉حلو انا لا تنكري يلا جاوبي نورمان:بس قلة ادبك مغطية على هالتفصيل ل صغير جورج:هلا جمالي تفصيل صغير نورمان:شايف حالك انت جورج:لا ابدن بلعكس انا اخر همي شكلي نورمان:اي واضح واضح قال ماشي على اخر موضه وبيلبسلي مشلخ وكلشي لون وبلاك دهبي وسنسال وقال شو ما بيهتم واخر همو شكلو جورج:هههه اي كفي طالعي المستور نورمان:لا مستور ولا مفضوح جورج:نورمي...بربك ليش غيرانة ليكون دموعك سالو وقت خيبت ظنك بصورتي مع غيدا بتعرفي حسيت هلا فيكي فيني خبرك بشي نورمان:شو جورج:انا ....انا معجب فيكي نورمان:هه فكرت جورج:وبحبك نورمان هههه لا انت مو معقول جورج:والله بحبك تسارعت دقات قلبي ولي على قلبك يا نورمان اخيرن قالها رجفو ايدي وعيوني سرحو بعيونو كانو عيونو عم يلمعو ومبتسم ب ثقه نورمان:عم تلعب عليي صح جورج:لا ....والي جمعنا بهي اللحظه بحبك ...انا بحس انو انتي الي ..اي انخلقتي على اسمي وربي من اللحظه الاولى ولدتي هالشعور جواتي من اول ما شاركتينا الشغل حاولت اتجاهلك ما اقدرت كنت بدي الفتك الي باي طريقه بس غيدا كانت تنزع كل اللحظات نورمان:وانا شو بستفيد من عرضك والكلام هاد جورج:... نورمان:... جورج:صارحيني لو ب كلمه اشارة نورمان .... جورح:برحمه نورمان لا لا...... لا تحلفني مشان الله جورج:طيب احكيلي احساسك متل احساسي نورمان... جورج:يلا احكي امانه نورمان:يمكن ...ليك لا تسجل عندك جورج:شو سجل نورمان:الي راح احكيه جورج:ماشي نورمان:يمكن اي.... خليني اشرحلك شغله....انت عندك كريزما ويمكن باول فترة انا ما كنت معجبة فيك ولا باي شي بس بعدها اي....بلشت حس انو انا معجبة فيك بس كان هالشعور من حالو يفل وقت اتزكر وضعي بس ما بنكر انو انت ولدت جواتي شعور غريب اول مرة بحس فيو انو ضلني عم فكر فيك كل ثانية وهيك صار انو تعلقت فيك فجاة وقلبي كان يرجف وقت اتزكر اي تفصيل فيك بس هيك ويمكن اوقات كتير تمنيت كون تفصيل بخصك جورج:وهلأ نورمان:وهلأ ما بعرف انا خايفه وبس سكتنا كنت ندمانه على كل حرف ما بعرف شو خبصت انا لازم ما صارحتو رجعلي احساس الخوف والوحدة انا السبب بكلشي صار لمست ايدو بلغلط ورجعت بعدت شوي هو اخد راحتو وكانو مو بردان متلي تربع وطالع سيكارة وشغلها وحط ايدو ع جبينو وبلش يشرب كنت نعسانه كتير وبس بدي فرشه لاتمدد عليها ونام مافي غير حضن جورج هههه والله انا انعديت منو وصرت قليلة حيا خلص السيكارة ورجع سند حالو على جذع الشجرة وانا كمان سندت حالي متلو جورج:انا نعست نورمان:وانا والله انطفيت جورج:طيب نامي نورمان:وانت جورج:انت نامي شو بدك فيني نورمان:بتتركني وتروح جورج:لا وين بدي روح نورمان:طيب راح غمض بس ضل حدي جورج انا حدك غمضت وارتحت شوي بس ما بتشبه اي نومه شفتها بحياتي اشتقت ل تختي لصغير والنومه فيه الدفا بوحدة جورج:نامي وانتي مرتاحه اي نورمان:اي رجعت فتحت عيوني شفتو عم يطلع فيني جورج:شو ليش فتحتي عيونك نورمان:ليش لنام وانا مرتاحه جورج:لانو انا عم احرسك نورمان:....ويمكن تنام انت جورج:ههه نورمان:هي اطول ليلة بكل حياتي والله جورج:برد صح نورمان:ههه بقلبي شو رايك احكيلك تعال دفيك والله انا الي خاطر التحش فيك ونام عنجد النوم عم يغلب عليي وعم سكر جفوني كل شوي حط ايدو على كتفي اطلعت عليه ب ملل جورج:ارتاحي بوعدك ما ازعجك بعدها رميت حالي بحضنو فتت بسبات عميق عم اغفى على ريحتو وصوت نفسو.... ....... جورج ارتاح وقت نامت بحضنو حطت ايدها على صدرو وضمت حالها فيه عم يشم ريحة شعرها حاوطها يأيدو التانيه وهي شدت على جاكيتو حط دقنو على راسها وغمض عيونو نورمان:نمت جورج:لا نورمان:لا تنام اي جورج:لا ما بنام نورمان:ولا انا راح نام جورج:ليش نورمان:ههه ما بعرف كاني صحصحت جورج:ههه نورمان:شو ليش عم تضحك جورج:ههه نورمان:لا تتسائل خلص جورج:فيني اندهلك حبيبتي...مو مشان شي بدي حس بالأمان نورمان:ههه متل ما بدك جورج:انا عنجد بحبك اي نورمان:هههه وانا كمان بحبك كان متفاجئ وبنفس الوقت مبسوط حس انو قلبو راح يتفجر من دقاتو السريعه وهو عم يفكر من زمان بتحبيني كان كل ما يحس على حركه ينقز ويرجع يطلع بوش نورمان كيف نايمه مسترخية ع الاخر وبعدها حس على صوت خطوات سريعة في ناس عم تركض بسرعه كان عم يطلع بكل الاتجاهات وبعدها شاف ضو كشاف عم يسطع بكل المكان ودغري بلش يصحي نورمان فاقت ما عرفانه شوبدو جورج:اوقفي لازم نهرب يلا صحصحت ووقفت وهو مسك ايدها وبلش يمشي ويمشيها وراه بحذر ولسى صوت لرجال واضح عليهن(اكيد هون هنن انا شامم ريحة بشر) جورج فكر حالو بشي فيلم رعب ريحة بشر يعني رفقاتي انخطفو وفي مين عم يدور علينا حاول يطمن نورمان جورج:لا تخافي راح نطلع من هون اكيد لسى ضو الكشاف عم يمر من حدهن وبس يصير عليهن ينزلو لتحت وبعدها بلشو يركضو وكأنو لرجال حسو على صوت الحركه نورمان كانت عم تستسلم بس جورج شادد على ايدها خايف عليها وهنن عم يركضو فاتو بين شجر كثيف كتير وقفو عن الركض سمع صوت شهقات نورمان وهو عم تاخد نفس جورج:راح ننفذ اكيد ...وبعدين نحن مو ببلد مافي امان لا تخافي....خلص حبيبتي خلص انا معك لا تبكي مشو ببطء كانت في ريحة بشعه عم تقرب منهن ما عرفو شو هي بس كتير بشعه جورج حط ايدو على انفو ونورمان كمان نورمان:شو هي الريحه مو معقول جورج:يمكن شي كلب ميت او اي شي نورمان:انا ماني شايفه شي جورج:لحظه شوي طالع تلفونو وشغل الضو توجيه الضو اجى على كيس اسود فيو شي هو خاف ونورمان ايديها عم يرجفو نورمان:شو فيو هالكيس الريحه طالعه منو جورج:ما بعرف لشوف قرب بدو ليفتحو بس نورمان مسكتو نورمان:خلينا نروح ما رد عليها كان عم يفك الكيس نورمان تخبت ورا ظهرو ودغري طلع من الكيس ايد واحد التفت ل نورمان وسكرلها تمها قبل تصرخ شاف عيونها فاتحيتهن بصدمه جورج:هس خلص خلص لا تخافي راح نطلع هزت براسها ودموعها شقو الطريق نورمان:انا معاد فيني خلص خلص .....لازم نروح يلا هزلها راسو بنفي واعطاها مناديل من جيبتو جورج:سكري انفك بهي لازم نقعد هون نورمان:ليش جورج:ما راح يشكو انو نحن جنب الجثة نورمان:ولي ...لا لا انا مافيني جورج:اقعدي عم قلك تراجعت للورا وقعدت وهو قعد حدها ولسى الجثة مبينه من الكيس لتنين عيونهن عليها وخايفين نورمان:لو نهرب جورج:راح نهرب نورمان:انا راح اختنق وموت كمان جورج:هلا شوي وبتتعودي ع الريحه نورمان:من زمان هي الجثة هون لانو طالعه ريحتها جورج وهاد الي عم يطمني انو مو واحد من رفقاتي نورمان:شو ....رفقاتك جورج:اي اكيد هنن مخطوفين نورمان:عنجد ولا جورج:اكيد عنجد رفقاتي مستحيل يروحو بدوني وبدونك واكيد صاير معهن شي نورمان:لك وين نحن عايشين جورج:روقي خلص نورمان:راح الصوت صح جورج:اي راح نورمان:انت خايف جورج:كتير مو شوي ما بعمري تصورت كون هون وبين جثث نورمان:جثث اشرلها باصبعتو على كيس تاني وهي دغري فتحت عيونها مصدومه جورج:كنت احضر افلام رعب كتيروهاد اول فليم بكون فيه انا البطل نورمان:😭 جورج:ازا اطلعنا من هون عايشين راح يتغير مجرى حياتنا بس ازا ما طلعنا راح نورمان خلص لا تحكي هيك غمرتو وهي عم تودع الحياة كانت عنجد يئسانه وحتى جورج وحس انو لازم يودعها قبل يموت وهي اول مرة بيبكي قدام حدا شافت دموعو وما بتعرف شو سببهن بس مسحتلو اياهن بكل رقه غمض عيونو وابتسملها نورمان:ليش عم تبكي جورج:ما بعرف بس لازم ابكي نورمان:لا تبكي امانه بترجاك انا عم اتقوى منك لا تخليني اتراجع جورج:وانا كمان لانك حدي عم حس بالامان رجعت مسحتلو دموعو وباستو على خدو خلتو يضحك جورج:شو هالحركات هي نورمان:ما بعرف بس هيك حسيت لازم اعمل جورج:مو هون بتكون البوسة ولا ما بتفهمي بامور العشق نورمان:قليل ادب انت بس هو ما ردعليها قرب منها وباسها وهي ضربتو على صدرو بقوة وبعدها فرطو ضحك لتنين ...... ما بعرف شو حسيت وهو عم يبوسني بس فرطت ضحك الله يخرب بيتو بهيك مواقف الناس بتستغفر بتوب وبتصلي مو بتبوس وبتقلل ادب بس بعدها ارتحت ونسيت المكان والزمان بس كنت مركزة على عيونو وهو كمان نورمان:من وين بتفكر انت جورج ههه نورمان:لا عنجد.جاوب جورج:من قلبي نورمان:ههه فلتان انت ع الاخر جورج:مو مجربة هيك بوسة 😏 نورمان:ههه امبلا مرة وحدة بس قرفت من بعدها جورج:قرفانه هلا انتي نورمان:ههه لا والله بلعكس جورج:شو العكس نورمان:ههه خلص والله انا ودعت الادب والاخلاق جورج:طيب احكي يلا نورمان:عندي رغبة ارجع عيدها بس لا لا ما بدي يمكن نموت وتخيل نموت على عملة متل هي بلاها....استغفر الله جورج هههه اي والله الله يهديني انا وصير خاف متلك هيك .......... ما بيعرفو هنن شو كان عم يصير معهن بس كانو عم يختنقو من الريحه وشوي شوي عم يديق نفسهن عم ياخدو النفس بصعوبة كبيرة لحد ما صوت تلفون جورج اعطى اشعار دغري صحصح وشاف مسج من امو ما اهتم للرساله بس دغري اتصل على ابن عمو ضابط بالمخابرات وبعد محاولات عدة بعتلو رساله كان مضمونها "انا بالغابة بين مجرمين كتار رفقاتي انخطفو وانا تايه هون اعمل اي شي بترجاك )وبعتلو الموقع دغري اطلع ب نورمان وبلش يصحيها جورج:اصحي يمكن نطلع من هون نورمان:كيف جورج:ما بعرف بس ابن عمي راح يشوف الرساله راح يطالعنا هو قريب من هون بمركز ع لحدود راح يشوفها اكيد للرسالة تنهدت بتعب مرت ساعات كتيرة ولولا نسمات الهوى لجديدة كانو عنجد ماتو بس تعودو ........... صحيت على ضو كشافات كلاب حواليي عم تنبح بس مو مقربة عليي بتشبه لكلاب البوليسية و جورج ما عم يصحى حاولت صحيه ما اقدرت صوت شخص عم يصرخ( هون هون) كنت متجمدة من البرد مصدومه بدون دموع ولا اي شي عم راقب لرجال الي اجو صوبنا لابسين لبس مدني فريد:بسرعه اطلبو الاسعاف قرب من جورج وبلش يصحيه ويصرخ على الكل اجى صوبي شخص تاني بالحجم عملاق شلح جاكيتو ولبسني اياه ما اقدرت افتح تمي بشي حملو جورج على نقالة وانا خلاني اوقف هو نفسو ومشاني طالعونا من الغابة لسى اطرافي ما حاسة فيها وكيف عم امشي ما بعرف طالعونا بنفس سيارةالاسعاف ودغري حطولو تنفس اصطناعي وبلشو يوصلو اجهزة على صدرو كانت في ممرضه عم تعملي قياس ضغط عيوني ما فارقو جورج الي ما عم يستجيب ل شي بس الدكتور طمن انو تنفسو عم ينتظم اول باول كانو عم يتواصلو مع المستشفى وخبروهن يجهزو غرف خاصه النا عيوني ضلو عليه ما اقدرت غمض ابدن وصلنا بسرعه كبيرة للمشفى جورج اخدوه على غرفه الاسعاف وانا دخلوني على غرفه تانيه حطوني على التخت ودغري بلشت اغفى وهنن عم ييركبولي السيروم . صحيت وانا عم اهدس بأسمو "جورج الممرضة :لا تخافي منيح هو نورمان:وين انا.....اخ يا راسي...... الممرضة:الحمد الله ع السلامه رفقاتك كلهن بخير فات الشخص العملاق لعندي ودغري سالها مصعب:كيف صارت الممرضة:منيحه مصعب:قدرانه تحكي....بدي اسالك كم سؤال نورمان:اي اسأل مصعب:شو الي صار بالضبط نورمان:كنا برحلة تخييم نمنا ليلة ووالتانيه بلشنا فيها بس صارت شوية مشاكل بيناتنا طلعت انا وجورج عنهن وفجاة تهنا بس جورج خبرني بعد ما سمعنا صوت غريب انو يمكن رفقاتنا انخطفو وانو نحن مو ضيعنا وبالفعل كنا بين مجرمين وصلنا للمكان نفسو كان في جثتين وبعدها جورج حكى مع ابن عمو لحد ما وصلتو انتو مصعب:العصابة انمسكت وعم يتحقق معهن ورفقاتكن بخير نورمان:وجورج منيح مصعب:اي منيح صحي من شوي وجهت كلامي للممرضه نورمان:فيني شوفو الممرضة:اكيد شالت السيروم عني وما سدءت ايمتى وصلت للغرفه مو كان لحالو يمكن ابوه واموه وصبايا تنتين ما اقدرت فوت بس كنت عم اتفرج عليهن كانت امو قاعدة حدو وعم تبوس راسو وتبكي وابوه واقف عندو محاوطينو بحب وحنان نورمان:خلص انا اطمنت عليه رجعت لغرفتي قعدت على التخت بالغرفه حسدتو على هالنعمه الي هو فيها واستفقدت ل اخي تحسين كنت عم افرك ايديي بتوتر ومنزلة راسي وقت فات جورج لعندي ..... جورج خبرتو الممرضه انها اجت لتشوفو ودغري تجلس رغم انو اهلو منعو بس رفض كابر على حالو وراح لعندا دخل لغرفتها وشافها مكسورة بس الحمد الله انها بخير جورج:كيف صرتي قرب لعندا وقعد حدها دغري ورفعلها راسها جورج:ليش زعلانة لازم تفرحي لانك صرتي بأمان نورمان:الحمد الله جورج:انا اسف تركتك لحالك وفقدت وعيي نورمان:انا الي اسفه ما حسيت عليك وقت غيبت جورج:انتي منيحه هزتلو براسها بعفوية حط ايدو على كتفها وابتسملها وهي خجلت كتير ما بيعرف شو تزكرت بس هو تزكر اللحظه الي باسها فيها جورج:خبرتي اهلك...قصدي اخوكي نورمان:لا بس راح خبرهن جورج:مافي داعي راح نطلع اليوم وبوصلك انا نورمان:متل ما بدك ضل عندها بالغرفه وشوي اجو اهلو عرفهن عليها وكتير اخواتو البنات انبسطو فيها وهنن عم يغمزوه ب شقاوة وبعدها دخلو كل رفقاتو باين انو شايفين الموت بعيونهن ميسم:شو خبرونا شو صار معكن جورج:لا انتو وين رحتو ميسم:نحن بعد ما طولتو قررنا نروح ندور عليكن بس فجاة وقفت شاحنة كبيرة ونزلو منها رجال ملتمين ومسكونا وحبسونا فيها واخدو كلشي اغراض وحتى الباص ونقلونا ل مكان مهجور بالغابة كنا عم ننطر نموت في غرفه هنيك بيعملو فيها عمليات استئصال اعضاء مستشفى موتى هيك اسمو كان دورنا بعيد وكل جثة يخلصو فيها يحطوها ب كيس ويرموها ب الغابة لتاكلها لكلاب بس يمكن صار مداهمه فجأة ودغري اجت الشرطه وانقذونا جورج:لكن لازم تشكروني انا ...انا خبرت عنهن اشرف:عنجد جورج:ما بعرف كيف رجعت الشبكه ل موبايلي بس دغري خبرت فريد ابن عمي حكالهن جورج بتفصيل شو الي صار وكلهن نظريتهن تغيرت وتحولو لناس منيحين يمكن تابو عنجد لانو شافو الموت بعيونهن المسا طلعو من المشفى طبعن جورج ما خلا نورمان تبعد عنو للحظه ركب مع اخواتو البنات بالسيارة واصر انو يقعد حدها بالكرسي الخلفي ساعات السفر طويلة بس هنن ما حسو بالوقت وبالاخص من كلام اخواتو الي كلها ضحك ومزح وصلها للبيت وخلا اختو تنزل معها وصلت للبيت وهنن راحو لبيتهن ......... بعد الاسبوع تعافيت حاولت اتصل فيه كتير ما اقدرت خجلت يمكن وهو ما اتصل ابدن وقلت راح شوفو بالشركه صحيت من بكير وجهزت حالي رحت للشركه ادريت انو غيدا قدمت استقالتها وجورج ما كان موجود طلبت القهوة وقعدت انطر ودغري بعد ما قدمها ابو معروف سألتوو نورمان:شو وين جورج ابو معروف:صلح علاقتو بابوه ورجع للشركه نورمان:ابوه عندو شركة ابومعروف:اي نورمان:شركة شو ابو معروف:شركة استيراد وتصدير نورمان:اي منيح انقهرت من جوى يعني فوق كل هاد مو مخبرني هو مين وابن مين كمان معاد بدي شوفو ابدن وشركة ابوه شو دورو فيها اكيد المدير ايه ناس بتخلق مرتاحه ماديا واجتماعيا وناس فقر وتعتير وشنططا صحيت على حالي معصبه اخدت المصنف ووقفت رتب المكتبة "والله وجودو كان يعطيني امل اخ والله انا ماني عرفانه شو بدي وليش انا هون على هي الدنيا لاتعتر ويحترق قلبي كل شوي 😭 والله ما الي حظ انا ويمكن اغلطت وقت صارحتو اكيد نسيني لو ما نسيني كان اتصل اي اتصل رقمي وعندو ضربت على المكتبه بأيدي وعليت صوتي"هف انا لايمتى هيك راح ظل لك على بالي طالعك من جواتي واطعنك انا سبب مشاكلي انت " جورج:شو جنيتي شعوري ما بينوصف انصدمت والتفتت عليه على اساس مو عاملة شي جورج:ههه شو عم تحكي مع حالك ولوو نورمان:من الشغل جورج:بدك تطعنيه نورمان:... جورج:سمعتك هههه كيفك نورمي نورمان:ماشي الحال جورج:صحتك كيف نورمان:تمام جورج:قلت لازم ودعك مو حلوة بلش بشغل جديد بدون ما ودعك وين القهوة نورمان:منشربها بالاستراحه طلعنا سوى من المكتب كنت عم رتب الكلام الي لازم احكيلو اياه "لازم خبرو انو انا الاسبوع هاد عرسي وانو انا بدي استقر ولازم اترك الشغل اي هو هيك قعدنا هو بتمو في حكي وانا كمان بدي احكي ورغم اني رتبت الكلام بس محتارة من وين بدي بلش طلب قهوة ضيفنا وراح وتشجعت ع الاخر وبدون ما اطلع بعيونو كرمال ما اضعف نورمان:جورج بنفس اللحظه حكاالي (نورمان) نورمان:احكي جورج:لا انتي احكي نورمان:والله انت غير تحكي جورج:ماشي.....انو كرمال الي صار وقت حكينا ما بتتزكري نورمان:ههه اي تزكرت ....وانا كمان بدي قلك كرمال الي صار انا بوقتها ما كنت عرفانه حالي وين وشو بدي لهيك خبصت كتير وهيك بس جورج:بس....هههه بس انا عنجد كنت احكي وبدي اياكي نورمان:هههه ما صرلك زمان بتعرفني هي اولا تانيا انا مرتبطه...تالتا انت عندك علاقات مشبوهة انا ما بشرفني خوض معك تجربة يمكن توديني ع المقبرة جورج:ههه طيب اولا بدي قلك انتي كزابة تانيا انتي كمان ناطريتني....تالتا ليش للمقبرة مو لعش الزوجية نورمان:....هههه مو معقول انت جورج:اسمعيني ما عندي غير هالكلام وازا بدك قدام مرهف بعترفلك هو حكالي انو الي حكالك اياه والصور من تدبير غيدا كانت ناوية تخرب بيناتنا نورمان:وخيالك كان مع النسوان بالصور جورج:لا موخيالي هاد فوتشوب نورمان:كيف جورج اولا انا راسم وشم على صدري انتي شفتي على جسم الشب وشم نورمان:ما انتبهت جورج:لحظه لحظه طالع تلفونو واعطاني اياه وفتح ع الصور بعد ما قرب عليي كنت خجلانه ييي ولي عليك ما بتستحي جورج:هدول الصور نورمان:اي جورج:هي الصورة الي انعملت فوتشوب هاد الشب صاحب الصورة وهي البنت اي حقيقيه بالفعل باين الفرق نورمان:وباقي الصور جورج:هدول نفسهن يعني ما لاحظتي نفس الموقع بس متغيرة البنت شو وين مخك انتي نورمان:ما بيعني شي هاد الكلام جورج:بسيطه يا نورمي ...كيف بدي خليكي تسدءي نورمان:تصارحني جورج:طيب راح جيب مرهف وهو بيحكيلك نورمان:ههه بعد ما اقنعتو انت ويمكن انت هاد بالصورة وهي تطبيق فوتشوب جورج:لك بلا جدبة هي الصورة الحقيقة وهاد انا قدامك شو رايك اشلحلك لتشوفي جسمي ما بيشبه جسمو فرطت ضحك لا مو معقول هاد الرجال خالص ابدن وانو اصحى لحالي ما اقدرت وهلا راح يفكر انو عجبتني الفكرة كان عم يبرر بثقه جورج:لك شو صرلك.....شبكي جنيتي انتي نورمات:هههه كيف هون بدك تشلح جورج:شو فيها بشلح مو فرقانه معي نورمان:لا خلص لا تشلح مانك مضطر تبرر مسحت دموع ضحكتي ووقفت وهو وقف نورمان:ليك انا ما بنكر انو بالكم شهر هدول ارتحت لوجودك بحياتي بس انت الك حياتك الخاصه وانا بالمتل يعني هيك وبس وبدي اتزوج بأخر الاسبوع جورج:عنجد نورمان.... جورج:وما حبيتيني ولا نتفه نورمان:... جورج:صارحيني نورمان:اي امبلا بس هاد ما بيعني انو لازم نكون سوى اكتر النهايات بتكون مو سعيدة جورج:ليش نحن بلشنا لننتهي ........ كان عم يضرب اخماس باسداس تركها وراح لشغلو لجديد مشوش وملخبط ومو عرفان من وين بدو يبلش بنهاية الدوام طلع بكير رايح لينهي الموضوع عنجد وبيعرف انها ناطرة ع الموقف زمرلها يمكن ما عرفتو بس بعدها فتح الشباك وندهلها جورج:نورمي....اطلعي اطلعت حواليها وطلعت معو نورمي:سيارتك هي جورج:اي.... نورمي:حلوة كتير جورج:سيبك منها.....انا جاي لاحسم اموري معك نورمان:كيف جورج:انا رايدك بالحلال فكري ورديلي خبر لابعت اهلي نورمان:لك والله ما بعرف جورج:لك ما عاد الا ابوس ايدك خلصيني شو نورمان:ولا يمكن معين يرضى أني اتركو صعب صعب كتير الشغله مو بالسهولة هي جورج:وازا انا بحلها نورمان:..... جورج:ع البيت نورمان:اي ع البيت بعد فترة كان عم يحاول معها ويقنعها اكتر بحالو جورج:والله انا ماني سيء متل مو مفكرةكلام مرهف مو صحيح ابدن اي اي انا خبصت مع غيدا وبس وغيرو لا والله .....والله انا حبيتك ما بتصور حياتي بدونك بترجاكي تفكري...انا اول مرة بتوسل ل بنت نورمان....بفكر اليوم خلص بس مستقبل اخي متعلق فيني جورج:فكري بحالك وبس نورمان:ماشي وصلها للبيت ونزلت دغري لاحظ انو خطيبها واقف وناطرها عند بوابة البيت ترددت وتراجعت خطوة بس بعدها قربت وكإنو معصب دغري مسكها من شعرها وشدها وكانها عم تحاول تبعدو عن حالها ودغري ما استحمل نزل ليفكها من بين ايديه جورج:اتركها معين:انقلع من هون جورج:عم قلك اتركها نورمان:جورج روح انا بتفاهم معو جورج:اتركها عم قلك كان عم يغيضو معين ويشد اكتر دغري جورج بدون ما يوعى على حالو ضربو بوكس على نص وشو ترك نورمان ومسك جورج بعد ما نورمان تخبت وراه ل جورج بلشت لخناقه كان جورج عم يفش غلو فيه وهداك كان مو قليل ابدن بس بعدها سمع صوت نورمان عم تبكي لهيك بعد وهدد معين ازا لسى بيقرب عليها ...... . *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```