*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *احببتك.بصمت.❤‍🩹.tt* *❴🔢❵☟الـــبـــــــــــ❴5️⃣والاخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ .~*احببتك بصمت~* *البارت الخامس والاخير* كنت بعرف انو معين راح يفوت معي ع البيت ويخلص عليي لهيك ضليت واقفه مع جورج نورمان:خدني معك هلا بقتلني هاد جورج:اطلعي طلعت معو ما بعرف لوين بس الاهم ما ارجع ع البيت ابدن بعد محاولات انو يهديني سكتت ومسحت دموعي وفوق كل هاد بيحكيلي وصلك لعند شي حدا يعني انا طلعت معو لحتى يخبرني هالكلام لفيوز ضرب معي وعصبت على حالي وحسيت بالاهانه نورمان:خلص نزلني هون جورج:ليش نورمان:قلتلك نزلني جورج:طيب لوين رايحة فهميني نورمان:ولا على مكان بدي اتمشى حاسه حالي مخنوقه حط ايدو على كتفي ودغري بعدتها نورمان:لا تلمسني جورج:ليش عم تبكي ليش نورمان ما دخلك جورج:طيب شو اعمل لتبطلي بكي نورمان:ما بعرف ولا حتى بعرف انا ليش طلعت معك ولوين رايحه انا بلشت فوت بمتاهة بس بدي قلك شي جورج جورج:شو نورمان:انا حبيتك....اي اي كل هالوقت وانا عم كابر على حالي لحتى ما انفضح قدامك اي من اول لحظه تمنيت كون انا غيدا الي عم تفوت وتطلع معها وانبسطت بصحبتك كتير وتقربك مني وهديك الليلة بس ما قدرت نام حضنت ايدي الي مسكت ايدك كنت عم حس بالامان اي الامان الي فقدتو من ١٣ سنة بس هيك انا يمكن طبعي كتومه بس هلا ما لازم اسكت اي انا حبيت بصمت جورج:وهاد حكينا لازم نكون مع بعض ولبعض بوعدك والله ما خونك ما خيب املك ما اظلمك معي راح خليكي كل الوقت مرتاحه وازا موضوع غيدا زاعجك بفل فيكي لمكان ما حدا بيعرفنا ابدن فيه نورمان:... جورج:وعد شرف اني كون الك سند لاخر العمر نورمان:بتحبني جورج:اكتر بكتير من ما بتتصوري والله بحبك نورمان:شو بدنا نعمل معين ويمكن عرف جورج:شو بدنا نعمل يعني...تحسين ايمتى بيرجع للبيت نورمان:ع الساعه تمانيه جورج:طيب ماشي... استنتجت شو بدو يمكن بدو يحكي مع اخي نورمان:سيارتك كتير حلوة ...اول مرة بشوفها....كانت معطلة جورج:هههه لا والله كان ساحبها مني سيادة الوالد نورمان:ههه عم تعمل مشاكل جورج:ههه اي نورمان:هههه بتعرف باين انك مشكلجي بس ما توقعتك تضرب معين جورج:قصدك باين عليك تشتوش نورمان ههه لا هو اضخم منك واكبر كمان جورج:بس انا ما حدا بيطلعلو معي بعجبك بقلبي اي والله خارط مشطي ع الاخر عاجبني بكل حركاتك وحكياتك هههه دخيل الله شغل اغاني ع الاخر وزاد بالسرعه وهو عم يغني مبسوط فيني بعرف بأنك ساكني عايش بروحي مجنني وجوا حبك آسرني وعم كابر رغم القسوة الي بقلبك والتعب الي مرافق دربك والبعد الي عشتو الي بقربك انا صابر مش عم تزبط معي اعشق غيرك لا والله مش عم تزبط معي اشكي لغيرك قول ال اه ما بعرف شو كان شعوري بس بيجنن والاحلى كمان صوتو والبحة الي فيه هاد مشروع مطرب مو استيراد وتصدير ع الساعه تمانيه ونص وصلنا للبيت نزلت وانا مترددة بس شجعني جورج مشي قدامي بدون ولا حرف وقف هو ع الباب وقبل يدق نورمان:جورج ....انا خايفه كتير جورج:لا تخافي ما راح يصير شي دق الباب وانا ضليت على جنب اسمعت صوت تحسين وبعدها فتح وسكت جورج:مرحبا يا معلم تحسين:اهلين ...حضرتك جورج صح جورج:ناطرني تحسين:لا ناطر اختي الي معك وينها جورج:ليكا معي وانا بدي احكي معك تحسين:والله عال...هاد الي كان ناقص ..شو ناوية تفضحنا هي جورج:روق لوسمحت ...شو هيك بتستقبل ضيوفك تحسين:لا ....تفضل دخل وجورج فات وراه وانا اخر شي سكرت الباب وكملت وراهن كان جورج عم يطلع بالبيت اكيد صغير مو قد الفيلا الي هو ساكنها قعد بالصاله وانا ضليت واقفه تحسين متوتر وباين انو عم يغلي تحسين:اعملي القهوة رحت دغري ضليتني بالمطبخ وبعدها رحت لاتسمع عليهن تحسين:شو يعني ....بربك عم تحكيلي انا بحب اختك.....لك اوووف ما بعرف جورج:وين الغلط حبينا بعض وما غلطنا جاي لاطلبها منك تحيين:مخطوبة افهمها مخطوبة جورج:هي ما بتحبو اسألها تحسين:انا ما بفهم بالحب جورج:ليش مو عشقان انت تحسين:ما دخلك انت هي عنجد ناوية تفضحني جورج:ليك ازا كرمال معين لا تشيل همو هو راح يتركها من حالو وازا كرمال هالبيت الي قاعدين فيه تحسين:لا تكفي.....كمان حاكيتلك كلشي انا بفرجيها جورج:ما حكتلي انا بعرف كل شاردة وواردة عنك وعن بيت عمك وحتى عن لارا حبيبتك هي ما حكت شي تحسين:انا شو المطلوب مني سيد جورج جورج:انو توافق على هالعلاقة تحسين:وابن عمي شو نحكيلو والله حبت وعشقت من ورا ظهرك يعني ما بعرف ...خلص الكلام معي جورج:لا يخلص ولا على بالك هو شافني معها وهو من حالو راح ييجي ويتركها شو بدك انت تحسين:.... سكتو وشوي سمعت صوتو ل تحسين جانن تحسين:نورما......نورما نورمان:يلا اخي جاية حملت الصينية ودخلت قدمتلهن القهوة تحسين:حطي من ايدك عملت متل ما بدو وقفت وكأنو عاملة شي غلط وحطيت راسي بالارض تحسين:ما بعرف شو بدي قلك....انت بدك معين ولا لا بعلت ريقي تحسين:ولك احكي خلصيني نورمان:انت بتعرف رأيي من زمان وانت بتعرف ليش وافقت وكيف تحسين:وهاد الاخ بدك اياه اطلعت ب جورج قلبي دق ودبت بتيابي اي والله بدي اياه نورمان:... تحسين:مع انو لسانك اطول مني احكي خلصيني نورمان:اي الي بتشوفو تحسين:خلص يا سيد جورج امري لله راح خبر عمي انو معاد بدها اياه وانت انطر فترة وتعال خدها من وشي خجلت اكتر 😂الله يسامحو هيك قدرني قدام الزلمه جورج:اتفقنا خلص تحسين:بس بشرط لوقتها ممنوع تشوف نورما ابدن لاقدر اخلص من نظراتهن وحكيهن جورج:ولا يهمك .. شرب اخر شفه وهو واقف جورج:يلا انا بتسمحولي تحسين:الله معك طلع وانا طلعت وراه لودعو تحسين بيفهم بهيك امور ما طلع معنا وقفت عند الباب وهو التفتلي وحط ايدو على الباب وبغمزة كلها جرئة ضحكني جورج:قهوتك بتجنن نورمان:ههه شكرا جورج:شو كيف شفتيني نورمان:ههه بتجنن جورج:حضري حالك بكرى راح ييجي معين وهو يفسخ الخطبة والبيت راح يضل لاخوكي نورمان كيف جورج:خلص انتي شو بدك انتي بس تفرجي ....باي حبي نورمان:الله معك بعتلي بوسة ع الهوى وراح ضليتني عم راقبو لطلع ولوحلي بايدو تماسكت وغيرت الابتسامه وفتت لعند تحسين تحسين :من وين صايديتو نورمان.... نحسين:بتعرفي بحق سيارتو هي بيشتري هالحي كلو نورمان:...اي بعرف تحسين:على كلن الله يهنيكي قرب مني وحط ايدو على كتفي تحسين:انا ما اظهرتلو انو مبسوط منك انا بعرفك تعزبتي كتير بصغرك وانا بعرف انو انظلمتي من هالخطبه بس بتعرفي كمان ظروفي ازا انا قصرت معك بدي تسامحيني انا ما حسستك بالحنان نورمان:لا تكفي بلعكس انا بحدك كنت حس بالامان وبكلشي انت سندي تحسين:الله يحقق امانيكي طبعلي بوسة على جبيني وراح لغرفتو انا بعرفو حنون لدرجه وظروفو اكبر منو ..... بمكتب جورج قاعد رجل على رجل وعم يفتل بالكرسي ناطر على نار شغل سيكارة وعم يراقب باب المكتب شوي واندق الباب جورج:ادخل كانو مرافقه ابوه شاحطين معين شحط وفي شب بعمرو واقف قدامهن رأفت:جبناه معلم جورج:لهون جيبو بدي اتبارك بوشو شحطو لحتى صار عند رجلين جورج ابتسملو جورج وقرب من وشو جورج:ما قلتلك راح تندم معين:شو بدك جورج:خطيبتك معين:انت بتعرف شو عم تطلب جورج:اي اي بعرف معين:ما لقيت غيرها انا بحبها ...هي بنت عمي جورج:وانا بدي اياها شو بتتنازلي عنها معين:... جورج:اليوم بدك تطلقها معين:بس جورج:بس شو معين:انا ما بدي جورج:خليهن يعملولك بدن معين:ليش بس هي جورج:اسال قلبي وهي ما بدها اياك وانت جبرتها على حالك وهددتها وابوك ما قصر فيها وانا بعرف شغله عنك معين:شو هي جورج:ما بدي شكك برجولتك بس بحكي ل نورمان وهي راح تتركك غصب عنك معين:خلص خلص جورج:وبيتهن راح يضل لاخوها معين:... جورج:هاد البيت الي ساكنينو هنن من حقهن وهاد ولاشي من حق البيت الي باعو ابوك بيت ابوهن واتصرف بالمصاري واعطاهن بيت لدرجه رخيص...هاد حق...هاد عدل معين:... جورج:على كلن هلا بدي تروح وطلقها بدي اتصل فيك وتفتح سبيكر واسمع بادني اوك معين:...ماشي خلص جورج:رافت وصلو ع البيت رافت :بأمرك معلم طالعوه من المكتب كان مبسوط جورج اول ما طلع من المشفى ووصلها راح وجمع معلومات عن اهلها وتحقق من كتير شغلات بتخص نورمان بس ما راح يخبرها فيهن وهو هيك اخدلها حقها من بيت عمها . . ... كنت هلأ طالعه من الحمام عم نشف شعري اندق الباب ورحت اركض لافتح تراجعت للورا شفت معين واقف نورمان:خير شو في معين: ...انتي طالق تفاجئت ما توقعت يكون جورج عند كلامو لك شو عامل فيه لهاد معين: الله يهنيكي بحياتك معو نورمان... معين:ابقي اعزميني على العرس راح دغري وتفاجئت يوه مين هاد معقول روحو مو هو معين مستحيل يحكي معي بالادب هاد يا ربي شو صار ضليتني عم اضرب اخماس باسداس لوقت الي اتصل فيني جورج جورج:يا عمري مبروك الطلاق نورمان ماني مسدءة ...مستحيل جورج:له....شو مفكرة حبيتي طنط نورمان:هههه جورج:دخيل هالضحكه نورمي نورمان:شو جورج:انا مافيني صبر لازم ابعت اهلي دغري نورمان:هههه ما بعرف اسألك تحسين جورج:ليش لتسأليه انا بحكي معو ... نورمان:بس خبرني لجهز حالي امانه جورج:ههه تكرمي خلص نزلت ع السوق لحالي اشتريت فستان قصير لتحت الركبة لونو دهبي ديق من عند الخصر ومكشوف الاكتاف واشتريت سنسال دهبي رفيع وسكربينه طبعن المصاري تبع جهازي بس مضطرة عليهن وصلت للبيت مبسوطه استنيت تحسين بكون عندو الخبر نورمان:طلقني معين تحسين:سمعت ....واتصل فيني جورج اخد موعد يوم السبت نورمان:.... تحسين:ههه بتعرفي هي لمعه الفرح الي بعيونك لابقتلك كتير...عيونك خلقو ليضحكو الله يسعدك معو يارب نورمان:تسلم تحسين:شو هاد فرع مخابرات نورمان:ليش تحسين:بيعرف شغلات عني انا ما بعرفها صدمني بس يلا مو مشكلة ارتاحي انتي كوني مبسوطه وممنوع تحكي معو ابدن ليوم السبت اوك نورمان :اي خلص ماشي نطرت ليلة الخميس وليلة الجمعه ليوم السبت ما بعرف شو شعوري بس طول لنهار عم ارجف والحلم عم بتحقق وعم ادعي ربي يكملها معي اتصل تحسين ب لارا واجت اول مرة بتعرف عليها كانت جايبة معها عدة مكياج بتشتغل بصالون تجميل بعد المغرب اتربطت ايديي دوبني تحممت والبست الفستان سشورتلي شعري وحطتلي مكياج هادي لدرجه وعملتلي كم خصلة ع الفير تعطرت والبست لسكربينه ضليتني متوترة اجى تحسين وضحكلي تحسين:انا رايح افتح جهزي القهوة نورمان:اي ماشي لارا عملت القهوة ايديي خارج الخدمه متل التلج خايفه ومتوترة كتير وبعدها اجى تحسين:يلا نورما... لارا:يلا ما بدها كل هاد نورمان:خايفه والله لارا:ههه لك يلا روحي مشيت ورا تحسين هو قعد وانا رحت لقدم القهوة ما اقدرت اطلع ب جورج ضيفت عمي اول وبعدها مرت عمي لصار الدور عند جورج همسلي"طالعه قمر" نورمان:تفضل اطلعت فيه ودغري غمزني ياربي عينو عليي مو ع الفنجان ضيفت اخواتو البنات وتحسين وقعدت حد تحسين عمي:كيفك عمو نورمان:تمام حماتي :اي ما شاء الله جورج حكا حلوة بس مو هيك نورمان:شكرا جوليا:الله يتمم ع خير.... دينا:الله يهنيكن يارب جورج:تسلمي عقبالكن طبعن كانو حاكيين بكلشي وطالبين قبل اوصل انا اطلعت ب جورج عينو عليي كان شيك ع الاخر لابس قميص ابيض وجينز كحلي وجاكيت اسود ساعه بتجنن وقعدة مهيوبة جوليا:خلصت القهوة جورج جورج:ليش دينا:مشان نرجع ع البيت شوف وشفتها وخطبه وخطبتها جورج:ههه تحسين:لا حاجزينو اليوم نحن جوليا:لا بس مشان تلبسو بعض المحابس مو حلوة ههههه جورج:اي اكيد...تيجي ولا انا اجي كنت بدي اضحك ضحكتي المعتادة بس اكتفيت بأبتسامه رحت وقعدت حدو ب خجل طالع العلبه من جيبتو المحبس كتير ناعم وهادي مديتلو ايدي ولبسني اياه وناولني محبسو كمان لبستو اياه جوليا:مبروووك دينا:باركو لبعض حماتي :اتركيهن عمي:جورج ما عندو خجل لا تخافو جوليا:نحن كرمال نورمان جورج:شو باركلك كزيت على اسناني وحكيتو بصوت واطي نورمان:لا مو وقتها جورج:لبعدين خلص بس ما بروح الا لباركلك بعد عشر دقايق وقفو عمي:يلا نحن بتسمحولنا تحسين:وين لسى بكير عمي:خلص بكفي يلا يا جماعه جوليا:يلا جورج قدامي لشوف دينا:لك شبك تعمشقت هون يلا حماتي:شو نورمان ناخدو معنا خجلت بس ما رديت عليها جورج: يلا يارب انا رايح نورمان:لا خليك جوليا:بدي خبرك عن خباثه خطيبك نورمان... جوليا:ما رضي نجي بسيارة وحدة حاسب هالحساب تخيلي دينا:هههه جورج:روحي يلا حاجتك لعي جوليا:ايه بسيطع يا ابو الجوج حماتي:يلا بخاطركن بوستني حماتي والصبايا وراحو وتحسين سكر وراهن الباب وراح لعند حبيبتو الناطرة رجعنا لنفس المكان كنت عم اطلع بأيديي جورج:مبروك يا روحي نورمان:الله يبارك فيك جورج:بدون بوسه نورمان:مو وقتها جورج:لايمتى... بس ما يكون لبعد العرس نورمان:خلص بربك جورج:وين راح تحسين نورمان:ههه عندو لارا جورج:كتير منيح هو ملتهي ب حبيبتو وانا كمان بدي التهي ب حبيبتي نورمان:هههه لانو النسوان لهايات بنظرك جورج:هههه الله يصبرني بس نورمان:على شو جورج: ههه بدي اكلك لا تتشااكسي عليي نورمان: ههه جورج:يلا بس بوسة وحدة باركيلي اقل ما فيها مديتلو ايدي للسلام مسكها وباسها جورج:انشالله كل العمر سوى شو هاد طالعه قمر لسى احلى...وبعدين ليش قصير لابسه مو عيب نورمان:عنجد جورج:اي وجد الجد نورمان:لروح بدلو لكان شدني لعندو جورج:انا بمزح معك دخيلو المكشوف نورمان:لا انت من المرة جورج:تحملي لكن غمض عيونو وبلش يبوس ايدي وش وقفا نورمان:هلا بيجي تحسين جورج هه نورمان:امانه خلص جورج:بدك تحكيلي كلمه حلوة وبتركها نورمان:... جورج:اي شي حلو يلا نورمان:يا عمري اتركها .... جورج ما عاد استوعب عم تحكيلو يا عمري حس حالو ضيع بس ترك ايدها حط ايدو على كتفها وقربها منو جورج:اي شو هالكلمه ...بتجنن نورمان:... جورج:احسبي حسابك العرس بعد شهر نورمان:ههه لا ما تحلم فيها اقل شي ست شهور يمكن ما نتفق جورج:عنجد نورمان:اي جورج:ولي شو ما نتفق نورمان:هاد الي عندي جورج ههه تحكمي فيني لشوف حسابك لبعدين بعدها اجى تحسين وحبيبتو سهرو يعني نصو مزح ومسخرة وبالاخير راح تحسين ليوصل لارا وجورج اخد راحتو كلها البيت مافيو غير نورمان وهو كانت عم تسايرو وباين انها خايفه منو وهو بدو يشيل منها فكرة الخوف وعم يتقرب منها بشكل كتير لطيف حضرتلو العصير وشربو مرة وحدة وشاركها على كاستها وبعد ما رجع تحسين خلاها تبدل اواعيها واخدها مشوار بالسيارة اغاني وضحك ومزح ليلة بتسوى كل ايام عمرو وعمرها مرت فترة الخطبه كل يوم هدية شكل ورد وبارفان وفساتين ما خلا شي وقبل يخلصو الاربع شهور حدد العرس بدون ما ياخد رايها حجزلها بأفخم صالون تجميل وبأفخم صالة واشترالها فستان بياخد العقل يومها طلعت ملكه وهو اميرها ما كان مسدء وحس حالو بحلم كل اصحابو موجودين الا غيدا سافرت وهاد دليل انها لسى بتحبو بس ما بيمنع انو ما يفرحو كل قرايبينو وقرايبينها كمان عمامها وحتى معين واستغربت بوجودو شرط عليها يكون شعرها اكترو مفرود كان يهتم بكتير تفاصيل دخلو الصاله [ باغنية طلي بالابيض طلي يا زهرة نيسان ] ....... كنت مو مسدءة لساتني بحلم انفتحلنا الباب كنت واقفه حدو ماسك ايدي على انغام الفرح الكل سفئلنا وبعدها باركنا لبعض قدام الكل ببوسة من تخطيط جورج انا متاكدة كنت عم فتش على تحسين كان قاعد حد لارا مبسوط فيني الانارة بتجنن عم شوف كل شي حلو ب جورج الرقص الدبكه والضحك ونظرات جورج الي رقصنا على اغنيه ع بالي حبيبي كان رومنسي للغاية بيعرف يرقص وبيعرف يستغل كل فرصة ليبوسني وبعد ما خلصنا باسني من جبيني يعني كسر القالب الليلة قطعنا الكيك يمكن هالعرس والحضور بهيك صاله كان حلم بس بوجود جورج كان كلشي عم يتحقق جورج:مبسوطه حياتي نورمان كتيير جورج:وانا كمان مبسوط فيكي كتير لبسني طقم الماس وبعد ما خلص خلاني افرط ضحك وكانو مستقصد جورج:جاي على بالي سيكارة نورمان:ههههه شو....هلا جورج اي بربي نورمان:لا انت مو معقول جورج:فرجيكي كيف اشر ل ميسم وضيفو وحدة نورمان:من ايمتى مو شارب يا بعدي وعادي هيك قدام عمي جورج:هو اعطاني تصريح هههه من الصبح ما شربت نورمان:ليش ما شربت جورج:انعجقت وما بعرف كيف الوقت ركض فيني وبدون سيكارة هي مهدئ بالنسبه الي نورمان:اي بدك تبطلو جورج: ههه اي اي احلمي لكن....خليني بجمالك نورمان:ارمي هالسيكارة جورج:بس اخر شفه نورمان:هههه لا انت ابدن مو معقول بعد ما خلص طلب الميكرفون وقف ومسكو جرب الصوت كيف طالع جورج:بدي اتشكر كل حدا فيكن عم يشاركني فرحة عمري هون ...وبالمناسبة هي حابب اهدي حب حياتي وقطعه قلبي وروحي نورمي هالأغنية يييي ما توقعت بدو يغنيلي انا لسى لهلا بحه صوتو وجمالو عالقين براسي فكيف هلا وقدام الحضور اعطاهن اشارة وبلش لميوزك الاغنيه رومنسيه لدرجه اطلع فيني بنظرات كلها شوق ودفا وبصوتو الي بيجنن وبأحساس بيجنن انتي حياتي وانتي غرامي انتي الملكتي كل احلامي اول ما شفتك دغري حبينا ساعت ما عرفتك وكل ما التقينا بتصير الدني تشتي ورود بالشمس يصير برود والعتمة تصير نهار نهار والعمر الباقي حدك كون انا بدي حدك كون لأخر المشوار المشوار كبرت احلامي كبرت بدقيقة حتى اوهامي صارت حقيقة والليلة بدنا تبدا الحكاية انشالله بفرحنا احلى بداية وفراشة بيضا بدة تطير ع دني حلوة كتير تنسى كل اللي كان اللي كان مع بعض الليلة بدنا نصير ياعمري بدنا نطير وغنيلك متل زمان زمان يا حياتي الليلة دخلك هالابيض شو لابقلك يا اميرة قلبي انتي انا قلبي شو مشتاقلك ♡انتي حياتي نورمي♡ دمعو عيوني من صوتو من فرحتي فيه من التسفيء كنت ناطرة ليجي لعندي ودغري وقفت وغمرتو جورج:يا عمري انا شو بحبك نورمان:انا بموت فيك لاخر العمر جورج:يا الله دخيل هالدقات الي انا عم ينبض قلبك نورمان:ههه اي الك انت انا بحبك صار وقت نودع الكل ومشان يخلص الاجراءات بسرعه لوحلهن بايدو ومسكني من ايدي واطلعنا من الصاله بموكب كبير بسيارة لونها بيضا مزينه بتجنن بكل تفاصيلها طبعن ببيت حماي السهرة وصلنا البيت ما كنت حاسة لا بجوع ولاا بتعب ولا بشي بس كنت متجمدة خوف منو رغم انو شكلو كتير بريء بس ما بعرف هاليوم الو رهبة بالنسبة الي حماتي:يلا العشى جاهز جوليا:لا تتاخرو ها دينا:وازا بدك نورمان انا بساعدك كرمال الفستان جورج:ههه بلا شو......ليش انا شو شغلتي حماتي:ههه لا ترد عليهن روح هدول بس شغلتهن يتمسخرو يلا كنت بعرف انو راح يلغي العشى بعد ما تسكر الباب تفاجئت ب طاولة مليانه اكل قفل الباب وحط اصبعتو على تمو جورج:هس لا تخبريهن نورمان ههه شو هاد جورج:اتفقت مع سمر وهي جهزت كل هاد دغري تخنصرتلو جورج:لك شبكي سمر ما غيرها نورمان:وعم تتفق معها جورج لا تخربي عليي الليلة نورمان:....بدي امي 😭😭 جورج:ايوا شو بدك شو تفضلتي نورمان:بدي ماما جورج:يا شحارك يا جورج فرطت ضحك عليه جورج: بلا ما نضيع ولا ثانيه نورمان:بس انا عامله خصم عليك جورج:خصم شو 😒 نورمان:كم مرة بستني هدول راحوو جورج:هه ما تحلمي ولا قوة بالارض بتخليني ابعد عنك 😜 ...... كان عم يحلم انو صوت الباب عم يندق الساعه ستة الصبح شو بدهن تجلس ويمكن حس انو عم يحلم اطلع ب نورمان غفيانه متل الملاك قرب منها وطبع بوسة على خدها راح للحمام وبس رجع فتح الباب واطلع منو مو معقول في حدا دق الباب رجع لمكانو تمدد حدها وهو عم يمسح على خدها وكأنها حست عليه ابتسمتلو ورجعت غفيت وهو كمان رجع غفي بعد ساعه انددق الباب كان ميت نعس شوي وانفتح الباب ودخلت جوليا عليهن حركت جورج جوليا:جورج يلا الطيارة راح تروح عليكن شبك صحصح وتزكر دغري جورج:ئديش الساعه جوليا:صارت سبعه يلاا تجلست نورمان واتفاجئت من جوليا شو عم تعمل بالغرفه جوليا:ههه صباحو...يلا يلا لفطور جاهز جورج:يلا جايين كانت لساها مصدومه واصلن ما بتعرف بامور الحجز والسفرة جورج:ههه صباحووويا قلبي نورمان:صباحو...شوفي جورج:بدنا نفطر نورمان:هلا جورج:هه اي هيك عاداتنا نورمان:لكن ليش سهرتني للفجر ازا لفطور بكير جورج:ههه لا ولا يمكن انا ضل بعقلي يلا دوبنا نتحمم ونفطر نورمان:ما بيتأجل لفطور جورج ولا يمكن فرط ضحك عليها جننها تحممت ولبست بنطلون ابيض وبلوزة زهرية وسكربينه فردت شعرها وحطت مكياج خفيف وهو كان عم يجهز حالو لبس بلوزة باللون الازرق وبنطلون ابيض وبوط ابيض طبعن مجهز شناتي السفر والجوازات وكلشي صبحو ع الكل كانو ناطرينهن ع لفطور الام:صباحية مباركه يا عرسان جورج:يسعد صباحكن ما اكل شي بس كان عم يهتم فيها حاسها خجلانه كتير وتلميحات اخواتو البنات خلتها تنخرس وبعد لفطور وقفو مسكها من ايدها بتفكر ليتمشو بالحديقه بدون ما تسال وافقت الام:ميسرا اطلعت فيه واستغربت نورمان:لوين رايحين جورج:اخدك مشوار صغير هاد من عاداتنا كمان نورمان: كمان جورج:ههه ياربي بدها تموتني هالمخلوقه صار قدام المطار وهلا لستوعبت شو القصه وكان عندها اعتراض نورمان:بدي ودع اخي جورج:هههه نورمان:ما خبرتو جورج:انا خبرتو نورمان:اخ منك بس نزل الشناتي ودخلو للمطار خلصو الاجراءات وركبو الطيارة على برلين ...... مفاجئة جديدة وكاني بحلم مو بالواقع شهر كامل قضيناه ب برلين اغلبها ع البحر وطبعن تسوقنا هنيك اكتشفت فيه كل الجوانب كنت عم اعشقو بجنون ما كان يزعلني ابدن وما يحكيلي غير امرك وحاضر ولو انا زعلتو هو يعتذر ويراضيني حسيتو عم يعوض كلشي صار معي اوشفتو وكانو حالف يمين ما يزعلني ال١٣ سنه الي عشتهن تعاسه تقلصو وحسيتهن يوم او يومين خلال شهر معاد اقدرت اتزكر غير الشغلات الي بيحبها ضحكاتنا ومزحنا وكنت استقصد ازعل ليراضيني ببوسه او غمرة كل يوم اتصبح بعيونو وعلى نسمات الهوى والمنظر الخيالي اتسمع على صوتو وهو عم يغني ل فيروز عشقت كل الاغاني بدون استثناء بصوتو كنت احكيلو انت مشروع نجم بس اقنعني انو ازا انشهر معجباتو راح يكترو ويمكن يسرقوه مني وهاد الي خفت منو لانو برحلة التخييم نانسي صورتو وهو عم يغني ورغم انو ضاع التلفون الا هالمقطع انتشر بشكل كبير كنت غار عليه من اي حدا بس هو ما يخلي شعوري يكبر كان يطنش الكل ليهتم فيني وهاد الي كان بدي اياه بعد ما رجعنا من برلين رجع ل شغلو بساعات شغلو اقضيها مع حماتي وبنات حمايي كنت حبهن لانو بيحبهن هو رجع من الشغل كنت ناطرتو على نار هيك بشتاقلو بكل لحظه تحمم واجى قعد حدي على التخت جورج:نروح نسهر اليوم نورمان:متل ما بدك جورج:بتعرفي اليوم تزكرت شغله وانا بشغلي نورمان:شو جورج:يوم غيدا ضربتك نورمان:ههه شو خطرلك جورج:لسى لحد هلا بحس انها وجعتني الي نورمان:ههه يا عمري عنجد جورج:اي عنجد وبيومها لقيت شعرة من شعراتك على قميصي كنت محتفظ فيها نورمان:😍مو معقول انت وشو الغاية جورج:ما بعرف ماحبيت كبها قلت حرام تنكب وضبيتها بس من فترة مقصوفه الرقبه سمر مرتبة الغرفه قبل نتجوز وكابيتها نورمان:هههه مو مشكلة هدول شعراتي جورج:اي دخيل شعراتك نورمان:هلا عنجد جوليا بدها ترجع تعيش باميريكا جورج:اي وهي اجت استراحه مو اكتر ودينا كمان مستحيل تبقى هون هدول معلقات ببعض لدرجه نورمان:ايه الله يهنيهن جورج:وانا معلق فيكي... نورمان:... جورج:يعني مو الله يهنيني فيكي نورمان:ههه امبلا جورج اي واضح الهنا نورمان:ههه يلا الغدا جاهز جورج:اهربي اهربي لا اكلك يمكن اي انسان ينجبر يعيش بظروف معينه ويمكن الايام تقسى عليه لدرجه انو يفكر بالانتحار يمكن نحكي انو ما حدا بحبنا بس اكيد راح نكون غلطانين الحب موجود ومافي شي اسمو مستحيل نحن انخلقنا من مشاعر واحاسيس ومن ادم وحوى نحن منكمل بعض وقت تحبي اعرفي لمين بدك تعطي هالحب وتمنحيه بس ضمن الاصول ولا تفكري ان كل النهايات لازم تكون متل ما انا وصفتها يمكن تكون سعادتك دراستك او حب اهلك او وجودهن حدك ويمكن من زوجك او خطيبك اي الحب موجود لا تيئسي ولا تخلي اي كلمه تحطم معنوياتك كوني قوية وازا ما اقدرتي تظاهري القوة فكري بسعادتك قبل الكل بتمنى تعجبكن القصه تستفيدو منها ولا تاخدو الشغلات الي مو منيحه وتمشو عليها خدي منها الشي الايجابي بتمنى ما كون سبب بتشويه فكر اي صبية بعمركن . الحب موجود....الحياة لازمها قرارات نابعة من القلب والعقل ............. # *الـــــــــ͢ـོ͓ـــنهـــــــــــايـــོـ͓ـــ͢ــة* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```