زملائي في الامتياز تأتي الكثير من الرسائل أنا تايه أنا مش عارف اعمل ايه هقولك هقولك علي حاجات لو عملتها هتبقي من احسن الناس في مجالك و تخصصك ان شاء الله ده شئ طبيعي جدا جدا التعليم الطبي عموما يبدأ بعد التخرج الي مش طبيعي انك تبقي كده بعد ٤ او ٥ سنين من الان ! حدد التخصص الي بتحبه مهو اكيد انتي دلوقتي عارفه مياله لايه و مفيش حدود دلوقتي كل التخصصات الان فيها شغل الحروق النسا الاعصاب الاطفال العظام و جمع كل المراجع الكويسه فيه و خصص ٣ ايام/ الاسبوع طول السنة ديه لدراسة المراجع ديه لازم تذاكر … للاسف ربما اكتر من ايام الكلية!!! و ال ٣/ التانين شغل من الصبح ل بليل … لازم تشوف حالات كتير كتير كتير كتير حالات كتير تشفها و تسمعها كويس و تشتغلها و تسأل السنيور و تروح تبحث عنها في ال ٣ ايام الي انت خصصتهم للمذاكره و افتكر ان الان هي بداية التعليم الطبي ده وقت المذاكره الحقيقي و التعلم الحقيقي و التوهان عادي ده وقته الطبيعي لو خلصت السنة ديه بالطريقة ديه تلقائيا هتلاقي نفسك علي بداية الطريق و انت وشطرتك بقي لو خلصت كل المراجع الي في تخصصك في سنة او اتنين او ثلاثه بعد الامتياز هتبدأ تحط رجلك في رحلة البحث العلمي و اعلم … وان ليس للإنسان إلا ما سعي التوهان في الامتياز او بعده شئ عادي جدا اهم حاجة ركز في كلامي جيدا الامتياز و السنة الي بعده هي بداية التعليم الطبي الحقيقي إذا نجحت فيها هتعيش شاطر باقي حياتك المهنية بلاش تنساق ورا الكورسات إلا في الحاجات الي انت قراءت وحاسس انك لسه مش مستوعبها بلاش تكون أولك و اخرك الكورسات الأصل في المرجعية الطبية هي المراجع الدولية الحديثة اشتري الكتاب و احتفظ بيه و خطط و علم و ذاكر ده الي هيشيلك طول حياتك ديه اهم ٤ سنين في حيات اي دكتور شاطر و علي فكره في تخصصات عندنا في العلاج الطبيعي بتدخل اموال (اكتر)من الجراحات زي العلاج الطبيعي لامراض النسا و صحة المرأه العلاج الطبيعي لامراض الذكوره لان عامل الندره فيها عالي جدا و التحديثات العلمية فيها كبيرة و مش زي اي فرع آخر محدش دخيل علي المهنة يعرف يشتغلها يليهم الاطفال طبعا ثم الاعصاب و آخرهم العظام … نظرا لكثره ممارسيها ! أحذرك من ان تعمل في اكثر من تخصص عظام و اعصاب و اطفال خطأ كبير من الان تخصص و تجنب العمل في باقي التخصصات إذا عملت الكلام ده ب ٤ سنين هتدعيلي بس ياريت تذكرني بالدعاء