بالنسبة للطلاب الي لسه بيدرسوا انصحهم ان لا ينشغلوا أبدا عن المناهج بتاعتهم هدفك ان كل مادة نجيب فيها الدرجة النهائية هدفك تطلع الاول علي الدفعة ! تسعي لذالك بكل جهدك و تسخر ليه كل وقتك كل معلومة في الكلية هتحتجها بعد كده مفيش حاجة اسمها مش مهمة ( البر لا يفني ) ممنوع الانشغال بأي شئ آخر دراستك و موادك و امتحاناتك تجيب فيها الدرجة النهائية ممنوع التدريب و انت طالب أبدا كده كده التعليم الطبي بيبدأ من الامتياز لو اتعودت تطلع الاول علي دفعتك هتتعود تبقي الاول طول عمرك لو اتعودت تذاكر صح هتفضل تذاكر صح بقية حياتك و لو اتعودت ان كل امتحان تعرف ازي تقفله علي اختلاف طبيعة المادة و طبيعة الدكتور هتعرف تقفل الحالة الصعبة بعد كده بكل سهولة هتعرف ازي تدور علي مدخل و مخرج الحالة زي ما كنت بتعرف تدور علي مدخل و مخرج تأفيل الامتحان حتى لو بننزل تدريب في الاجازة يا دكتور ؟ لا استمتع بالإجازة سافر اتفسح اخرج زور اهلك علشان تستعد للدراسة علشان سنة الدراسة مفيهاش لعب مذاكره ليل مع نهار حتي في الأعياد لكن في الاجازة لعب و مرح ليل و نهار الي جي كله شغل الايام ديه مش هتتعوض تاني ديه نصيحتي و ده رأيي و هذه تجربتي و بالتوفيق