سؤال مهم ممكن اشتغل في كل التخصصات إجابتي الشخصية لا في نظري و تقديري ده خطأ ( جسيم ) لابد من ان تحدد تخصص واحد داخل العلاج الطبيعي ليه ؟ علشان التخصص ده هيحتاج بحث و دراسة و كورسات و مراجع لو عشت حياتك كلها مش هتلحق تخلصهم طب لو كنت بتشتغل تخصصين ! طب لو بتشتغل كل التخصصات ! امر غير علمي بالمره ! لابد ان تحدد تخصصك بوضوح و ان تضع نهج واضح للتعلم فيه التعليم الطبي … يبدأ من الامتياز ! البداية ! طب أتخصص ازي كذا طريقة للاختيار في طبقا للحب و الهو واحد بيحب الاطفال مثلا خلاص الراجل ده اتجاهه واضح من البداية في واحد مش عارف .. كل لما يروح لتخصص في الامتياز يميل ليه ! ده بنقوله انت محظوظ اوي اختار تخصص في ندره في السوق و اشتغله مثلا التخصصات المتشبعة في السوق بالترتيب العظام و اصابات الملاعب يليه التغذية يليه الاعصاب يليه الأطفال في تخصصات لسه فيها ندره كبيرة بل و عدم معرفه بالدور العلمي لها بالتالي اسعار جلستهم عالية جدا زي العلاج الطبيعي للنسا في جلسات فيها بتصل ل ٨ الف جنية الجلسة الواحده ! ليه كده لان الناس المتخصصة تتعد علي صوابع الايد في مصر كلها العلاج الطبيعي لمشاكل الذكورة جلساتها غالية جدا و ده برضو لنفس السبب العلاج الطبيعي للحروق و التجميل بس ديه بتحتاج اجهزة غالية و لكن لو حد مقتدر هيغزوا السوق لسه الكراسي الكبيرة فيها فاضية خالص العلاج الطبيعي للأطفال برضوا النهج العلمي السليم فيها لسه لم ينتشر كتير من الزملاء بيشتغلوا بالشكل القديم العلوم ديه حصل فيها طفره في آخر ٥ سنوات و في زملاء تحمل علي عاتقها نشر الوعي زي د محمد هاني و غيره الاعصاب كذالك لازال الكراسي الكبيره فيها فاضية تقدر تاخد مقعد فيهم ! الأجهزة و الألكتروا في العلاج الطبيعي اصبح ليه دور خطير لا يقل أبدا عن الدور الجراحي و خصوصا في الاعصاب لم يعد هناك ما كان يقال في السابق المانيول بس العلاج الطبيعي مزيج من الأتنين حدد تخصصك اما عن حب … و خوض تجربتك الفريدة اما عن احتياج السوق و خوض تجربة اخري في كل الاحوال أعطيك نصيحة واحده إياك و ان تبعد عن الكتاب ! في المراجع و الكتب ستجد ضالتك دائما