Vaiphei Nampi kuang tawlte leh mipiten I buaipi diu chu *Electoral politics* khel lam ah Nampi *Economy siamphat* leh *kitodel* theina ding ahi. Chuleh, *Thiamzilna leh Khangtona* ma pi bawl zawi tiu. Meitei gal kipat apat in, mitin nek hawlna, sum leh pai lak lutna hi asubuai mama mai ah, chuleh, zillaite makhua di le suum sa tak gual in a ziang zing ahi. Zia kawmkal ah I Nampi'n I buaipi diu chu Vaipheite luana gam apat *FOREST PRODUCT SUM SUA THEIDING* bang resources I nei ua em! Thaiga, lo ah piang, thing leh gu, thiang lei, ai-eng lei, alu I ngaitua uh poimaw ahi tai. Me lei bawl ten, a thai ga teu azawk/a khawt theina ding ua *MARKETING STRATEGY* lam bang ngaitua piak in, lampi kawkmu piak leu hin, a siason dung zui ah I gam ah piang bu leh baal, malcha, thiang, theiga, ankam, zongta, alu, thingthupi, khangkhu leh adang dangte haw zuak ah kihinsuana leh sum laklutna pha mama hi ding ahi. Nampi kuang tawl a ching a thiam ten, Gov't tawh pangkhawm ah, Gov't scheme chuam chuam tawh, NGO tawh kithua ah Vaiphei gam ah piang thil tam tak sum hawlna mat thei ding um sa ahi. *Vaiphei Nu leh Pa mawl tak tak Marketing lam ah panpitu ding* nei lo ziak ah, avan nei teu zawkna di (sum sua na di) he lo ah, ahiloleh, amu di zat, a khawt di zat nuai lam ah thepzaw ah um tam tak le um ngei din gingchat a um hi. Carpenter thiam mama leh akhutsuak hoi mama te a zawkna di he lo le um ding ahiu. Ahiloleh, *handicraft* lam thiamna nei te adi gov't tawh kithua ah bang gual in nek I thiamna teu nekhawlnan I mang thei diam ua ti lam haw I ki gel piak uh poimaw ahi. Cement mistri te adi a nek mu na diu, numei lam te adi embroidery, tailoring, ahiloleh beautician lam zil theina ding, a zil zo sa te adi, a sep thei na diu kawng hawl piaktu, bawl piaktu haw hi poimaw ahi. Insung khat ah sum lak lutna a neu ta lua, alian ta lua ti a um puai. Sum muna dik ahi nak leh khat leh khat I ki tawsawt uh, I ki dawp sang uh poimaw ahi. Vaiphei insuan khat ah mi khat or Pani tiang in *SUM NAK* nei I um uh ngai ahi tai. Chutiloleh, I Nam ua hi *Palestinian* te gual I hung suak khak diu gam la lo ahi. Chun, *Thiamzilna* leh *Khangtona* lam le I et tuak uh poimaw mama khat ahi. 21st Century ahin thiamna leh pilna asang ta lua ta. *Science & Technology Khangtona* na aki naw thaw ahi mai tai. Zia kawmkal ah, Vaiphei khangthak te makhua di, Vaiphei Nu leh Pa ten, phatak cha I gel piak uh, I sial piak uh poimaw ahi. NI LEH THA KIKAL AH LENG ngei din, *Zillaite* tawsawt zing hi tiu. Vaiphei khangthak ten, Gov't bupang (Gov't sepna) sawk thei din a tam thei pen I lut guat diu ahi. I nampi kuang tawl ten, Vaiphei khua sung ah sikul leh Gov't office poimaw um te phatak cha a function nam ti en kai in, akul leh poimaw dung zui ah kithuapina pia'n chuleh, Zillaite adi Free Coaching, haw bang sai zing apoimaw atai. Zillai Ghq panlakna *Project RAISE* a chiapi ua hi thupi ta lua ahi. *Vaiphei hi la su nuam diak ui.* *Zillai Tangnuam Unit* in Free coaching/Tuition a bawl ua haw bang kha Nampi masawnna ahi. Zillai damsawt hen! 🙏 Chuleh, atawpna din Vaiphei khua khat ah tawm cha cha cheng sang in, khua det leh lian hi athei chan in tup hi tiu. Ahiloleh, Vaiphei area ah chengbum in, ki nai cha cha cheng din, haksat patau buai hun a le ki del pei pei thei din. Zia a chung lam ah ki gen te hi taksua thei leu hin, tulai ah I ngol piu, I nawk piu *Electoral Politics* sai haksa puan tin. *Vaiphei chu Vaiphei* tia ki til mek ngai puan a. Sim in, zil in, sem in, hawl leu hin. Sizo-Pawk chouh chawp ta lo in *Bongsa/Voksa Sizo-Pawk tawh tui deu ah huan zo ngei di I hiu.* *TGO MEDIA* *Zo Unity & Integration*