*Mamukasei waverengi ndovimba makambonzwa nezvemunyori uyu anonzi Author JT Ndakuigirai channel yeke yemanovels eCHINYAKARE* _Munyori anonyora manovels akafanana nana_ *PFUMO REROPA MUSEVE USINGAPOTSE ,JEKANYIKA * Kuchannel kwake izvezvi kune book rinonzi *YAFEMHA YANZWA HWEMA DZINZA NDERIMWE* _iro rava pachitsauko 07 kutaura kuno_ Mubook iri mune nyaya yemukomana anonzi Muchekanhembe uyo anorwira humambo hwakwe nokuda kutsvaga mhandara yainge yatapwa mumuzinda mavaigara iyo yaive yamambo vemo._Madzimambo nemachinda vachirwira kuda mai waiye Muchekanhembe . Mambo vachiita bonde namukadzi vejinda rawo kuri kudzivirira mhosva jaya rawo risazivikanwe kwaraive rainda asi zvose zvinopiwa mumeso enevanji yamambo ava ndokuurava kwamambo nejaya rawo. ............. Pindai muchannel iyo munzwe zvizere baya link riri pazasi apo mofolowa_ ⬇️⬇️⬇️⬇️⬇️⬇️⬇️⬇️ kuchannel kwake munonoriona Book rakanzi *YAFEMHA YANZWA HWEMA DZINZA NDERIMWE* _*Mozoti handikupiyi machennels evanyori vema novels. Handei tinoverenga novel iri.Ndi ndichambokupai chichauko chimwechete*_ ⬇️⬇️⬇️⬇️⬇️⬇️⬇️⬇️ *YAFEMHA YANZWA HWEMA DZINZA NDERIMWE* _*NEW BOOK 2025*_ 🏹🏹🏹🏹🏹🏹🏹 *CHINYAKARE NOVELS*    ∆∆ Read and share ∆∆ WRITTEN BY Author : JT *Nyazenga* 🪀 +263 776618351 🪀+263 717173806 *Kana usingandi kuzodarikirwa nebook iri gara waita follow my channel baya link riri pazasi nokuti inbox 📥 yangu handibatsiri munhu* ⬇️⬇️⬇️⬇️⬇️⬇️⬇️⬇️ https://whatsapp.com/channel/0029VacNbjC3wtazlC2Afq1w CHITSAUKO 1 Utunga huchitsvuka kumabudazuva nhambo yorushambanzou jongwe retatu rainge rachema towavarira rudzoka mazizi. Nhambo iyi Muchekanhembe anoti kwaravashu ndokugara pasi akati zenda nedombo achioneka kubata shaya pamwechete nokukwenya musoro wake uyu wainge damba kutenderera. "Muchekanhembe kwakanaka here kwaunomuka seunomuvhumuka seunorota hope dzinotyisa kwazvo ?" anobvunza Togarepi jaya ramambo Nengomashe uyo ainge atiwo kwaravashu achigara akati zenda nechimusasa waaive. Izvi anozvibvunza mushure mokumuka achiita kuvhunduka arohwa nechidanda chakatsikwa naiye Muchekanhembe chichinomurova padumbu pake ndokumuka kwake. "Togarepi handina hope dzinowa pasi semazai echando uye nehope idzi hana yangu inorova kwazvo pamwe nokupupura kumuzinda hakuna kunanaka uku uye ndainge ndambokuudza hazvaibvira tiuye kunotarira misungo nepaive pagara zuva zvisinei hatidzoke kumuzinda iyezvino moyo wangu hausikugadzikana kana vati iwe unosara osara zvako ini ndakuenda kumuzinda " anodaro Muchekanhembe achitosimuka paaive agere nokuvhomora bakatwa rake raive pasi pedombo apo aiwe akarara ndokupfekera muhudyu ndokutora dati rake remiseve ndokubereka kumusana pfumo range ranzi dzviii nepakati paro neruoko rwerudyi tsinga dzichioneka kuti tari tari nemaoko ake ayo ainge mango epadanga rembudzi. "Zvaunoratidza vatosunga moyo Muchekanhembe zvaive zvakadii tasimuka pano tapoterera negomo tabudira chikomo cheChinyamudzura ungati pane chinotadza kuvanika here kana tashaya zvedu todzoka kumuzinda zvinwe kunze kunenge koonekawo kuchena zuva richizorova makomo zvokubuda tichipindawo ?" anobvunza Togarepi achiratidza kuzvininipisa pamberi paMuchekanhembe zvisinei Togarepi aiwe mwanakomana vamambo Nengomashe. "Togarepi pamisungo gumi ndovana jerenyenje rimwechete nembira mbiri aiwa izvi kwete. Hongu ndakambovhima hangu asi izvi zvine chirevo uye hongu sango rinonzi rinopa aneta asi nehope dzandarota izvo kwate uye ndakuenda kumuzinda uye....." haana kuzopedza kutaura Muchekanhembe aramba akati kwanga nzeve dzake mudenga setsuro magen'a yavhungwa netsvimbo pagwenzi zvisinei tsuro inofa negwenzi rayo asi kuna Muchekanhembe moyo wakaramba. Nhambo iyi Muchekanhembe aiita seanonzwa mhere mhere rekuchema kwevanhu kumuzinda kwawo. Muchekanhembe anosvetukira padombo raaive akazendama apo anomira akatarisa ndokuona chiutsi kuti togo mudenga idzi dzaive dzimba dzainge dzotsva mumuzinda mainge moratidza mainge mapinda muvengi. "Togarepi mumuzinda mapinda muvengi kana uchisara osara ini ndavakuenda " anodaro Muchekanhembe achisvetukira pasi ndokunonga jerenyenze rake pamwe nembira mbiri dzaive dzakaturikwa pachimusasa ndokukanda munhava make ndiye chitsoka ndibereke akananga kumuzinda . "Togarepi akazosara onaisa mubvunzo uyo usina akapindura sezvo Muchekanhembe ainge avachinhambo uye aiita seachazviboora gotsi nezvitsitsinho akananga kumuzinda mhapa neshashiko zvaiita kurasikira kwakadaro nemhepo . Togarepi anotevera arimumushure ngoma yaive imwechete kutevera Muchekanhembe asi Muchekanhembe ainge avachinhambo zvokuti kana kumubata zvainge zvava zviroto. Muchekanhembe anoita chitsoka ndibereke akananga kumuzinda nhambo yaanosvika pedyo nomuzinda paive nemharirano yenzira yaibuda mumuzinda imwe yaienda kutsime imwe yaishandiswa kuenda kuhuni pamwechete nokunovhima . Muchekanhembe anoona museve waive wakavira pasi uyo waasina kuziva waive waani sezvo mhando yomuseve uyu waive wakasiyana nomuseve vomumuzinda mawo. Nhambo yaainge achinan'anudza museve uya ungava vaani uye vomuzinda upi akanzwa mhere mhere yeinzwi remhandara yamambo Nengomashe ichibuda pasuvo uyo Ruvarashe . "Muchekanhembe iwe Muchekanhembe kani baba iwe ndinunurewo kani ndotapwa here vakatarira ko.... " haana kuzopedza kutaura Ruvarashe anzi mbaaa muromo wake wekuzasi nokumusoro nhambo iyi ainge atasviswa mbongoro . Nhambo iyi Muchekanhembe akasimudza musoro achisanganidzana nomuseve wakasvika koti zete pabendekete rake achinoti negotsi dhii pasi . Nhambo yaanosimuka achidzura museve uya rombo rakaipa mbongoro yaiwe naiye Ruvarashe inopfumbura huruva yakananga nedivi remaodzanyemba emuzinda uyu . Muchekanhembe akazama kuda kutevera asi hakuna kure kwazvo kwaakanda nerwadzo rapaaive abaiwa. Nhambo iyi anotanga kusimudza dzoka dzake akadzoka mumuzinda museve uya anokanda mudati rake ndokuuya kwaainge abva nako . Muchekanhembe anosvika pasuvo ndokunzwa tsvimbo dzainge dzichirira mumhepo kuratidza painge pasangana mikweshwa yevarume pakurwa. Nhambo iyi anosvetukira kupinda mukati momuzinda apo anoona ari baba wake Muvhiyakanwe uyo ainge achitatsurana nerimwe rume rairatidza rakayanwa rakaguta uye rairatidzawo raive mhare chaipo pakurwa . Nhambo iyi Muchekanhembe ainge akayeva kurwa kwababa wake sezvo iri ndoraive zuva rokutanga kuona baba wake achikanda pfumo pamwe netsvimbo zvisinei ainge achiita zvokunzwa kuti baba wake Muvhiyakwe aive mhare kwavho pakurwa sezvo kutamba nepfumo ndowaive kudya kwake ndopaive kapazobva zita rokuti Muvhiyakwamwe. Zvose izvi zvaiitika Muchekanhembe ainge akayeva achitsvaga pokutangira sezvo ainge akaukoka museve wake potsi kana kuti piri aitya akangoregedzera museve wake aigona kunopfura baba wake. Saka kurwa kwaiita baba wake ainge akaukoka museve akannongedzera baba kwaive nababa wake . Muchekanhembe anoregedzera museve uya unosvika koti zete pachipfuwa chaipo chomurwi uya achinoti dhii negotsi nhambo iyi Muchekanhembe anosvetukira kwaive nababa wake achinosvika kowabata asi baba wake waive wobudisa ropa nomukanwa sezvo bakwatwa rainge ragara pachipfuwa rainge rapunyutsirwa nomurwi uya. "Baba kani baba imi imi baba " anodaro Muchekanhembe asi hapana akakwanisa kupindura .Muvhiyakamwe anooneka kuti jindu maziso ake ropa rainge richibuda mukanwa pamwe nomumhinho nhambo iyi ndiye pfaru pfaru gwi gwi sarai mudye moga kana mabika izvo zvose zvaive mumeso aiye Muchekanhembe. Mhere mhere yakanzika pana Muchekanhembe achizvibidirisa pana baba wake nhambo iyi ndonhambo inosvika Togarepi uyo anoti asati abvunza zvaibva nokupi zvichienda nokupi museve waive wasvika uyo unosvika kobaira pane mutumbi waiye Muvhiyakamwe . Muchekanhembe akaita seanovhunduka achisimuka achizvomora museve wake mudati ndokuupfekera pauta ndokuregedzera kwaive kwabva nomuseve uya nhambo iyi ainge achikwakuka mudenga kutevera museve uya achisvika kotsika pasi nezvitsitsinho pasi achibata mumwe murwi vehondo iyi yavasina kuziva yabva kupi . Muchekanhembe anovhomora bakatwa rake muhudyu ndokuriregedzera pachipfuwa chomurwi uya ndokusandudzira kwakadaro nhambo iyi yainge yonzika zvino mhere mhere mumuzinda mamambo Nengomashe nhambo iyi zuva rainge rorova nhongonya dzamakomo zvokubuda. ................. __________________________________________________________________________________ MUZUNDA MAMAMBO NENGOMASHE Zuva iri kwakafuma kuine zvimakore zvaive zvakatarangana nedengarose zvokuti zuva raibuda richipinda mumakore kana madzvinyu makuru pamwe nemadoko zvezuva iri akakwanisa kudzambirawo mushana sezvo painge papera mazuva mashanu mvura ichingoturuka siku nesikati zvainge zvotadzisa kubuda kwevanhu mumuzinda mamambo Nengomashe. Zvino musi uyu Muchekanhembe jaya raMuvhuyakamwe rakamuka nyama yake ichingonzwa kuneta zvokuti kana kudya kwerungwani hwezuva iri akaita zvokumutsirwa mugota make . Iri ndorakave zuva rokutanga kumutswa kwake izvo ainge asati amboita mumuzinda umu. Muchekanhembe muvagari vemumuzinda umu ndiye aitanga kumuka omutsa baba naamai wake sezvo aingove zinyarimwe zai regindo . Achipedza izvi aibva anaganga kudare remachinda abamambo vake omutsa zvakare ozodzoka kudare remajaya uko aizopedzisira izvo zvakaita mukukura kwake awe mukombe nechirongo nejaya ramambo Nengomashe Togarepi. Zvino zuva iri Muchekanhembe akaswera pamba pababa wake haana kana kuda kubuda mumunda umu kana kuda kuenda kudare zvokuti kana baba wake zvainge zvomudya pfungwa sezvo Muchekanhembe kukura kwake kubva parusvava ingoita zvishamiso zvaisanzwisisika. Zvokuti Muvhiyakamwe akanaisa mibvunzo gumi nokuraudzira kuti Muchekanhembe vairwara here asi asi mhinduro ayingove imwechete handisikurwara hapana kana pamwechete paidzimba. Zuva rakasvika pakurova nhongonya dzomusoro panhova chaipo achingotenderera pamba pawo zuva richinorova nhongonya dzamakomo zvokuda kuzoonekedzana nenyika . Ndonhambo yakasvika Togarepi nevanji yamambo Nengomashe ndokunyengetedza Muchekanhembe kubuda mumuzinda kuenda kunotarira misungo yaiwe yavanemazuva iriko kusango . Muchekanhembe akamboti pamunhondo pamutsatsa kuomesa moyo serukangabwe achiti hazvaibvira kuti vabude mumuzinda sezvo mbira dzainge dzakavharirwa mumapako nokutonhora kwekunze saka kwaive kusimudza tsoka pasina . Asi Togarepi akarambawo akaoma moyo achiti sezvo zuva rainge raswera richipisa dzainge dzabuda dzichitsvaga kudya saka havaizoshaya chokusevesa zvoti iyo nhomba yokuda usavi yainge yapfunya chisero paari. Muchekanhembe haana kuzopikisa anobvumira ndokubva vabereka zvombo zvavo ndokubuda mumuzinda umu vakananga chikomo chepedzo chaive kumabudazuva uko vakadzengaira pamisungo yavakatarisa pane gumi Muchekanhembe ndopaive nembira mbiri pamwechete nejerenyenze raive padhibhu . Uyu Togarepi ainge aine mbira imwechete ndoyaive munhava make . Wavari vanopangana vairara mugomo umu chifumi chacho utunga huchitsvuka kumabudazuva vosimudzira . Waviri wakavaka chimusasa chawo ndokuvesa moto apo vanokanda zvimukuyu zvawaive nazvo ndokudya kwavakaita zvehusiku uhu ndokubva varara. Zvisinei hope hadzina mugoni kurara kwavakaita kwakave kurara hope dzemadzikirira chaidzo hapana akaziva zvaiitika kana kuti kunze kwaedza sei kunze kwekuzomuka nokuda kwaiye Muchekanhembe anomuka nokuda kwehope dzaainge achirota. "Muchekanhembe unoona muzimda vakasvibira uye unoratidza une ivhu gobvu pamwe nezvipfuyo sarura ude . Uyu ndomuzinda vaunofanira kutonga sezvo baba wako atadza kutonga nokuda kwemuvengi amushanyira akarivara. Uyu muzinda wauri hausi veropa rako uye uye urinhapwa mumuzinda uyu asi chokutanga ndoda udyire mundiro imwechete naNengomashe wapedza onotora muzinda uyu nokuti hamadzako zhinji kwazvo ndokwadziri dzimwe dzakatiza mumuzinda umu nokuda kwehudzvanyiriri nokubatwa semhapwa . Saka kana ndichiti udyire mundiro imwechete naNengomashe zvose zvauchaita uchamuudza asi kana apikisa aomesa moyo serukangabwe usaramba nokuti yafemha yanzwa hwemha dzinza nderimwe . Asi ziva kuoma kwerukangarabwe hazvireve kuti pasi pane ruvare izvo kwete zvimwe pane chitubu chemvura inopedza nyota kumunhu wese . Saka yezvino chisimuka hona baba wako oparara iwe uripo here ? . Ini ndini Mutubvarubva sekuru wako tsvimbo youshe ndakupa chisimuka pauri " rakadaro inzwi riya uku kwaive kuhope kwaiye Muchekanhembe uyo anoona tsvimbo yaipenya zvaitosvora meso pamberi pake. Nhambo yaanoitambira anonzw simba mumuvi make kwazvo .Nhambo iyi ndonhambo yaanobva ati pepu kubva mubutiro rehope idzi ndonhambo yaakabva asimuka achienda kumuzinda kwaanosvika kuine hondo................ KUPERA KWECHITSAUKO 1. Tine mibvunzo yakawandisa inoda kupindurwa uye parikukanganisika batai munyori ku inbox 📥 kwake. Kuti unzwe zvizere zvakazoitika kumberi  join my WhatsApp group and follow my channel usa sara Book iri richiri kunyorwa book of 2025